¿Imatan yachasunman takikunamanta?

¿JW Canal programamanta mayqen takikunan gustasunki? ¿Imaraykun gustasunki? ¿Chay takikuna sut’itachu rikuchin kausayninchispi imayna tarikusqanchista? Chay takikunaqa imaymanamantan rimashan, jujniraytaqmi sapanka takipas kashan. Chay takikunamantaqa jujllapas gustasunkichá. Ichaqa chay takikunaqa manan kusirichillawanchischu aswanpas imaymanapin yanapawanchis.

Llapan takikunan yachachiwanchis imayna kausananchismanta jinallataq Diosmanta yachachinanchispaqpas. Wakin takikunan riman sumaqta chaskinakunanchispaq, juj nisqalla kausananchispaq, allin amigokunayoq kaymanta, kallpachakuymanta, munakuymayta, iñiymanta ima. Wakintaq riman Jehová Diosman kutimpuymanta, jujkunawan allichaymanta, tukuy tiempo junt’aq sonqo kaymanta, juj ruwaykunawan Diosta yupaychaymantapas. Kanmi juj takipas celularninchista ama nishuta jap’inapaq. ¿Imaynatan yanaparasunki uyarisqayki takikuna?

QHAWAY KAY CERCAPIÑAN KASHAN NISQA TAKIYOQ VIDEOTA, CHAYMANTATAQ KAY TAPUYKUNATA KUTICHIY:

• ¿Ima suyakuypin yuyaykushanku chay kuraq casarasqa iñiqmasikuna? (Gén. 12:3.)

• ¿Imatan ruwasunman Jehová Dios suyakuy qowasqanchispi astawan iñinanchispaq?

• ¿Pikunatan pisillamanta jujmanta rikusun?

• Diospa gobiernonta suyakusqanchis, ¿imaynatan yanapawanchis kunan tiempopi sasachakuykunata atipananchispaq? (Rom. 8:25.)