¿Imakunamantan Diosmanta willaq lloqsinapaq juñunakuypi rimasunman?

Diosmanta willanapaq juñunakuyqa iñiq t’aqapi juñunakuykuna jinan importante, chay juñunakuykunapin Jehová Diosqa kallpachawanchis astawan munanakunanchispaq allin ruwaykunatapas ruwananchispaq (Heb. 10:24, 25). Chay juñunakuyqa 5, 6 otaq 7 minutollapin ruwakunan. Iñiq t’aqapi juñunakusqanchis qhepaman chay juñunakuyta ruwakuqtinqa aswan pisi minutollapin ruwakunan. Diosmanta willanapaq juñunakuyta apariqqa manan nishutachu rimanan. Sabadonkunapiqa askha iñiqmasikunan Diosmanta willaq lloqsinku, chaymi allin kanman chay p’unchay imamantachus rimakunman chayllata willay. Ichaqa, ¿imakunamantawanmi rimakunman Diosmanta willaq lloqsinapaq juñunakuypi?

• Diospaq kausasunchis, juñunakuypi yachanapaq nisqa qelqapi “Runakunawan rimanapaq” nisqamanta.

• Televisionpipas radiopipas imakunamantachus willashanku chaykunamanta.

• Chay llaqtapi runakuna imakunamantachus tapukuyta yachanku chaykunamanta.

• “Diospiqa manan creenichu”, “imapas kikillanmantan paqariran”, “manan yachanichu rimasqayki simita”, “noqaqa juj religionpin kashani” niq runakunawan imaynata parlasunman chaykunamanta.

• Imaynata jaykusunman jw.org, JW Library^® nisqaman, otaq imaynata jujkunata yanapasunman Bibliapi textokuna maskhayta.

• Imaynata utilizasunman yachachinapaq ajllasqa qelqakunata.

• Imaynata Diosmanta willasunman otaq yachachisunman celularnintapas cartata qelqaspapas.

• Imaynata rimayta munasqankuman jina Diosmanta willasunman, k’amikuq runamanpas sumaqllata kutichisunman chaykunamanta.

• Yachachiq kasun folletopi kaq yachachikuyta otaq videota qhawachisunman.

• Imaynata Diosmanta willashaspa kallpachanakusunman.

• Bibliamanta juj textota leesunman otaq willasunman imaynata juj iñiqmasikuna Diosmanta willaranku chayta.