‘Iñiy simikunawan kallpachasqa’
1 Dios sonqo kawsanapaqqa anchatan kallpachakuna (1 Tim. 4:7-10). Chaytaqa manan kallpallanchiswan atisunmanchu, usqhaychá pisipaspa urmasunman (Isa. 40:29-31). Jehová Diosmi ichaqa kallpachawanchis, kaytaqa atisun ‘iñiy simikunawan kallpachasqa’ kaspan (1 Tim. 4:6).
2 Espiritual kallpachaq mikhuna. Jehová Diosmi qowanchis Bibliawan, ‘esclavo fiel discretowan’ askha espiritual mikhunata (Mat. 24:45). ¿Aprovechashanchischu kay mikhunata? ¿Sapa p’unchaychu Bibliata leenchis? ¿Hap’ishanchischu tiempota sapallanchis estudiananchispaq allinta piensananchispaqpas? (Sal. 1:2, 3.) Espiritual mikhunata mikhushallasun chayqa kallpachawasunmi, waqaychawasuntaq Saqraq mundon mana pisipachiwananchispaq (1 Juan 5:19). Allin yachaykunawan umanchista hunt’achisun, kasukusunpas chayqa Jehová Diosmi ñoqanchiswan kanqa (Fili. 4:8, 9).
3 Congregacionpi huñunakuykunawanpas Jehová Diosqa kallpachawanchismi (Heb. 10:24, 25). Espiritual yachaypas, iñiq masinchiskunawan huñunakuypas kallpachawanchismi sasachakuykunapi qaqa sayananchispaq (1 Ped. 5:9, 10). Sipas cristianan niran: “Escuelapi ch’isiyaq kasqaymi sayk’uchiwan. Huñunakuykunan ichaqa ch’inneq aqo pampapi pukyu hina, chaymi kallpachawan paqarinpas escuelapi aguantanaypaq”. Huñunakuykunaman rinapaq kallpachakuqtinchisqa saminchaykunatan chaskisun.
4 Cheqaqmanta willana. Jesuspaqqa mikhunan hinan karan predicayqa: kallpacharanmi (Juan 4:32-34). Chhaynallataqmi, ñoqanchispas kallpachakunchis Diospa sumaq promesankunata willaspa. Serviciopi ocupasqa kaymi yanapawasun Reinopi, saminchayninkunapi sonqonchispas, yuyayninchispas kananpaq, chaymi allinta kallpachawasun (Mat. 11:28-30).
5 ¡Ima sumaqmi ñoqanchispaq, kunan p’unchay Jehová Diospa llaqtanman kallpachaq espiritual mikhuna qosqanqa! Kusikuywan willashallasun hatunchasqa kananpaq (Isa. 65:13, 14).