Tapukurankichu nisqa tratadowan predicay
1. ¿Imapaqmi yanapawasun Tapukurankichu nisqa tratado?
1 ¿Hayk’aqllapas kaykunata tapukurankichu? nisqa tratadoqa estudiokunata qallarinapaqmi ruwasqa kashan, ichaqa yanapawallanchistaqmi allin willakuykunata lliwman chayachinapaq (Ecl. 11:6). Qatiqninpin willakushan imaynatan chay tratadowan yanapachikusunman chayta.
2. ¿Imaynatan rimayta qallarisunman Tapukurankichu nisqa tratadowan?
2 Rimayta qallarinapaq. Tratadota qospan soqta tapuykunata rikuchispa niwaq: “Kay tapuykunamanta ¿mayqentan tapukuranki?” nispa. Kutichisqanta uyarispataq tratadowan qhawarichiy Bibliaq nisqanta leeytaq huk textota. Chaymantataq pisillapi willay tukuynin paginapi nisqanta hinaspa munachiy Imatapunin librota. Manaña librota munanqachu chaskikuyta chaypas, tratadoqa yanapanmanmi allin willakuykuna sonqonpi wiñarinanpaq (Mat. 13:23).
3. ¿Ima nisunmanmi “manan tiempoy kanchu”, niqtinku?
3 Manan tiempoy kanchu, niqtinku. Niwaqmi: “Manataq tiempoyki kanchu chayqa, kay tratadota saqesayki, chaypin soqta tapuykunaman Biblia kutichishan. Hukpi hamuqtiy chaymanta rimarisun”, nispa.
4. ¿Ima nispan callepi predicaspa tratadota munachiwaq?
4 Callepi predicaspa. Niwaqmi: “Imaynalla, ¿hayk’aqllapas kaykunata tapukurankichu? [Uyariy kutichisqanta.] Kay tratadon willashan imaynatas Biblia kutichin chay tapuykunaman chayta”. Sichus mana apurasqachu purishan chayqa, t’aqwiwaqchismi huk tapuypa kutichiyninta, hinaspa Imatapunin nisqa librotapas munachiwaq.
5. ¿Imatan mayninpi ruwawaq wasi ch’in kaqtin?
5 Wasinkupi mana tariqtinchis. Wakin territoriokunapiqa saqenkun ima qelqatapas wasi ch’in kaqtinqa, chhayna kaqtinqa mayninpin saqewaq Tapukurankichu nisqa tratadota, kutispataq tapuwaq: “Qayna hamusqaypin mana tarirqaykichu, chaymi huk tratadota punkuykipi saqerqayki, ¿munawaqchu mayqen tapuyllamanpas kutichinayta?” nispa.
6. ¿Imanaqtinmi Tapukurankichu nisqa tratado ancha allin predicanapaq?
6 Tapukurankichu nisqa tratadoqa Bibliaq yachachisqantan sut’ita fácil entiendeyta willan, imaymana clase runakunapaqmi kanpas. Hinaspapas, wawakunapas chayllaraq predicaq lloqsiqkunapas faciltan chaywan predicankuman. ¿Predicashankichu chay tratadowan may tarikusqaykipipas?