INTERNETPI QELQANCHISKUNA Watchtower
Watchtower
INTERNETPI QELQANCHISKUNA
quechua (Cusco)
  • BIBLIA
  • QELQAKUNA
  • JUÑUNAKUYKUNA
  • be yachachikuy 43 234 página-235 página párrafo 3
  • Rimanayki temallamanta yachachiy

Manan kaypaq video kanchu

Pampachaykuway, manan atikushanchu kay videota qhawanaykipaq.

  • Rimanayki temallamanta yachachiy
  • Bibliamanta Allin Yachachiq Kanapaq Escuelapi Yachay
  • Kaykunatawan qhaway
  • ¿Imaynatan preparakusunman Escuelapi rimamunapaq?
    Bibliamanta Allin Yachachiq Kanapaq Escuelapi Yachay
  • Discurso qonaykipaq preparakuy
    Bibliamanta Allin Yachachiq Kanapaq Escuelapi Yachay
  • Discurso qonapaq qelqa ruway
    Bibliamanta Allin Yachachiq Kanapaq Escuelapi Yachay
  • Allin yachachikuykunata reparachiy
    Bibliamanta Allin Yachachiq Kanapaq Escuelapi Yachay
Astawan rikunaykipaq
Bibliamanta Allin Yachachiq Kanapaq Escuelapi Yachay
be yachachikuy 43 234 página-235 página párrafo 3

43 YACHAY

Rimanayki temallamanta yachachiy

¿Ima ninantaq chayri?

Temallaykimanta rimaymi, sichus willasqaña kashan ima qelqatachus t’aqwinayki chayqa, chayllamanta horqoy allin yachachikuykunata textokunatapas.

¿Imaraykun allinpuni?

Huñunakuypi discursota qonapaq temaman hinalla preparakusun chayqa, allin yuyayniyoq hunt’aq kamachitan respetashanchis, paykunan preparamunku imatachus huñunakuykunapi yachachikunanpaq.

BIBLIAPIQA runaq cuerponwanmi iñiq t’aqataqa rikch’anachikun. Cuerpoq miembronkunaqa llapallanmi allin, ichaqa “manan llapanchu huk ruwaynillayoq kanku”. Cristianokunapas cuerpoq miembronkuna hinan llapallanchis kallpachakunanchis ruwananchista allinta hunt’ananchispaq. Chaymi ancha allinpaq qhawarinanchis discurso tupawasqanchistaqa, allintataq preparakunanchis manataqmi mayqen tematapas pisipaqqa qhawarinanchischu, nitaq ninanchischu: “Kay teman aswan allin chaymantaqa”, nispa (Rom. 12:4-8). “Tiempollanpi” mikhunata qowananchispaqqa allin yuyayniyoq hunt’aq kamachin churasqa kashan, manan ñoqanchischu (Mat. 24:45). Chayraykun paypa kamachikusqanman hina discursonchista preparananchis, chhaynapin rikuchisun agradecekuq kasqanchista, yanapakusuntaq Diospa llaqtan ñawpaqman purishanallanpaq.

¿Imakunamantan rimawaq? Escuelapi discursota qonaykipaq kashanña tema chayqa, chayman hinalla preparakuy. Yaqa llapan discursokunapaqmi nisunkiku ima qelqamantachus ruwawaq chayta. Manachus nisunkiku chayqa, qanñan maskhanayki ima qelqakunamanta ruwanaykipaq. Imaynataña ruwanki chaypas, discursoykitaqa temanman hinan preparanayki, uyariqniykikunapaq hinataq.

Allintan qhawarinayki t’aqwisqayki qelqakunata, chaypi kaq textokunatapas. Qhawariy imaynatachus chaykunamanta yachachiwaq uyariqniykikunaq allinninpaq hina chayta. Akllay iskay kinsa allin yachachikuykunata chayman hina preparakunaykipaq. Akllallaytaq mayqen textokunatachus leewaq sut’inchawaq chaytapas.

T’aqwisqayki qelqakunamanta askhata otaq pisillata rimanaykipaqqa, qhawarinaykin chaykunamanta allin rimayta atinkichus chayta. Ama imaymanamanta rimanaykiraykuqa hawan-ukhunta imatapas sut’inchaychu. Tarisqayki yachachikuykuna manachus temaykipaq hina kaqtinqa ama chaykunamanta rimaychu, aswanpas mayqen yachachikuykunachus uyariqniykikunapaq hina kashan chaykunallamanta rimay. Kaypi yachachikusqanqa manan maytukuytachus yachachinki chayta yachanaykipaqchu, aswanpas temaykiwan tupaq yachachikuykunamanta rimayta yachanaykipaqmi.

Temaykimantaqa ama hawallanmantaqa rimaychu, aswanpas allinta preparakuy chaypi kaq yachachikuykunata allinta sut’inchanaykipaq, chaypaqqa aschatawan imatapas yapaykuwaq, rikch’anachiy simikunata willawaq otaq imaynatachus chayman hina ruwanapaq imamantapas willawaq. Ichaqa ima willasqaykipas allin yachachikuykunata sut’inchanaykipaqmi kanan, manan chaykunaq rantinpi churanaykipaqchu.

Predicayta Yachanapaq Huñunakuypi yachachiqkunaqa temankuman hinallan yachachinanku, manataqmi chaytaqa hukwan cambianankuchu. Hatun discursokunata qoqkunapas chhaynatan ruwananku, chaskisqanku qelqaman yapaykunkumanña wakin yachachikuykunata chaypas, chay qelqaq nisqanman hinallan yachachinanku allin kaq yachachikuykunata, chayman qatiq yachachikuykunata, textokunatapas. Chhaynapin paykunaqa allin preparasqa kanqaku huk discursokunata qonankupaqpas.

Kaypi yachasqanchisman hina ruwanki chayqa, iñiyninkupi wiñanankupaq hinan estudianteykikunamanpas yachachinki. Imatachus estudio qonapaq qelqapi willakushan chayman hinallan yachachinayki, manataq temawan mana tupaq yachachikuykunataqa willanaykichu, allinpaqña chaykunata qhawariwaq chaypas. Ichaqa, estudianteyki imamantapas yachayta munanman chayqa, willawaqmi chaymanta.

¿IMAYNATAN CHAYTA RUWAWAQ?

  • Temaykiwan tupaq yachachikuykunallamantan rimanayki.

  • Ima qelqakunata t’aqwinaykipaq willasqaña kashan chayqa, chaykunallamanta horqoy allin yachachikuykunata, textokunatapas.

TAREA: Diospa Siminta sapa p’unchay t’aqwisun nisqa folletopi textota leesqayki qhepaman marcay temawan tupaq simita, chhaynallatataq ruway chay textomanta willaq willakuypipas. Chaymantataq rimasqaykiman hina imatapas willay marcasqayki simikunata qhawarispa. Kinsa p’unchay chay hinata ruway.

    Quechua (Cuzco) Qelqakuna (2001-2025)
    Wisq'ay
    Jaykuy
    • quechua (Cusco)
    • Jujman apachiy
    • Imaynatan munanki
    • Copyright © 2025 Watch Tower Bible and Tract Society of Pennsylvania
    • Imatan ruwawaq imatan mana
    • Datoskunata waqaychasqaykumanta
    • Configuración de privacidad
    • JW.ORG
    • Jaykuy
    Jujman apachiy