Allin yachachiq kanapaqqa preparakunanchismi

Iskay kutipin Jesusta tapurqanku wiñay kawsaymanta. Ichaqa manan kaqllatachu kutichirqan, tapuqninpa necesitasqanman hinan kutichirqan (Luc. 10:25-28; 18:18-20). Ñoqanchispas chaytan ruwananchis, yaqapaschá allintaña yachanchis mayqen yachachikuytapas, chaywanpas preparakunanchismi estudiantenchispa necesitasqanman hina. Tapukunanchismi: “¿Ima yachachikuytan sasata entienden otaq mana entiendeyta munanchu? ¿Mayqen textokunatan leesaq? ¿Hayk’a parrafokunatan estudiasaqku?”, nispa. Kaykunapin piensananchis: “Ima rikch’anachiywanmi yachachisaq, imaynatan entiendechisaq, ima tapuykunatan ruwasaq”, nispa; chhaynapin yanapasun ima yachachikuytapas entiendenanpaq. Chaymantapas Jehová Diosmi wiñachin runakunaq sonqonman tarpusqanchis yachachikuykunataqa. Chayraykun Diosmanta mañakunanchis preparakusqanchispi yanapawananchispaq, estudiantenchista yanapananpaq, yachachinapaq kallpachakusqanchispi yanapawananchispaqpas (1 Cor. 3:6; Sant. 1:5).