LECCIÓN 14

Reparachiy importante yachachikuykunata

Hebreos 8:1

Uyariqkunatan yanapanayki discursoykita entiendenankupaq. Chaypaqqa sut’itan rikuchinayki imaynatas importante yachachikuykuna temaykiwan tupasqanta, imapis paykunata yanapanqa chaytapas.

¿IMAYNATAN RUWAWAQ?

Yachanaykin imatachus lograyta munanki chayta. Preparakushaspan tapukunayki: “¿Imatan discursoywan lograyta munani? ¿Yachanankutachu, convenceytachu icha kallpachaytachu?”, nispa. Jinaspa chayman jina importante yachachikuykunata explicanayki.

Tapukunaykin: “¿Imakunatan uyariqkuna tapukunkuman? ¿Ima nispan chaykunaman kutichiyman?”, nispa. Jinaspa chayman jina discursoykita ruwanayki, chhaynapin uyariqkunata piensachinki, yanapankitaq yachachisqaykita aceptanankupaq.
Imamanta rimasqaykita sut’ita reparachiy. Discursota qoshaspa ima temamanta rimasqaykita sut’ita reparachinaykipaqqa kuti-kutirispan wakin palabrakunata rimawaq.
Allinta explicay importante yachachikuykunata. Temaykiwan tupaq yachachikuykunata ajllay. Asignasqa tiempollapitaqmi chaykunataqa allinta explicanayki. Juj yachachikuymanta juj yachachikuyman pasanaykipaqqa chhikanta samarispan sumaqllata pasanayki.

Temaykimanta importante yachachikuykunataqa willawaqmi discursoykita qallarishaspa otaq tukushaspapas, chhaynapin imachus yachachisqaykita yuyarinqaku.