‘Tamouanga i te Kite i te Atua e Iesu’

“Teia te aite anga o te ora mutu kore, to ratou tamouanga i te kite ia koe, i te Atua mou anake ra, e taau i tono maira, ko Iesu Karaiti.” (Ioane 17:3, NW) Kua tuatua a Iesu i teia i te pure anga ki tona Metua i te rangi ra, e i roto i teia tu kua akaari aia i tetai anoano puapinga tikai no te raukaanga mai te ora mutu kore. No reira, eaa ra te New World Translation i tuku ei i teia irava “tamouanga i te kite i . . . te Atua” e kare i te “kite . . . i te Atua,” mei te maataanga o tetai au urianga o te Puka Tapu e akamarama maira?​—Akara katoa i te tataanga i raro ake ia Ioane 17:3.

Te tuatua Ereni tei uriia i konei ‘tamou i te kite’ me kare “kite” e tu te reira no te verepa gi·noʹsko. E ko te tukuanga i roto i te New World Translation kua raveia te reira ei apai mai tikai i te aiteanga o te reira tuatua. Te aiteanga tumu o te gi·noʹsko, kia “kite,” inara e au aiteanga tuke tuke to te tuatua Ereni. Akara i te au aiteanga te ka aru mai:

“GINŌSKŌ (γινώσκω) te aiteanga kia tamouanga i te kite, e kia kite mai, kia akara, kia marama, me kare kia marama takiri.” (Expository Dictionary of New Testament Words, W. E. Vine) No reira kare te tukuanga gi·noʹsko ‘tamou i te kite’ i te ‘tauianga i te Puka Tapu,’ mei ta te aronga patoi i te New World Translation i tuatua ra. I tetai urirurianga manako no te au aiteanga tuke tuke te ka o mai, kua tuatua te tangata rongonui no te au reo ko James Hope e: “Ko te tuatua ngoie ua nei, γινώσκειν, ‘kia tamouanga i te kite’ e mea aere ua atu ia.”​—A Grammar of New Testament Greek.

A Grammatical Analysis of the Greek New Testament te akataka maira i te gi·noʹsko mei tei akaariia ia Ioane 17:3 e “e tamanakoanga i tetai rave anga te ka aere ua atu.” Tetai atu tuatua no runga i teia tuatua Ereni tei roto i te Word Studies in the New Testament, na Marvin R. Vincent. Kua karanga teia e: “I roto i te kite e te ora mutu kore, me kare te aruaru i te kite, i te mea, te tuatua no teia nei e mea aere ua atu ki mua, e tetai tupu anga manako.” (Nana te tuatua arara.) Kua manako ta A. T. Robertson Word Pictures in the New Testament i te urianga i te tuatua “e tau kia tamou ua atu i te kiteanga.”

Tera ra, i ta Iesu au tuatua ia Ioane 17:3 i te Ereni mua, te akakite ra i tetai tauta aere ua atu anga kia kite i te Atua mou e tana Tamaiti, ko Iesu Karaiti, e kua akataka meitakiia mai teia i roto i te New World Translation. Ka rauka ia tatou teia kiteanga na te apii aruaru anga i te Tuatua a te Atua e na te akarongo anga ma te tauianga i to tatou oraanga ki tana au turanga. (Akaaiteia atu kia Hosea 4:1, 2; 8:2; 2 Timoteo 3:16, 17.) Mei teaa ra te tutaki memeitaki te tiaki maira i te aronga tei apii ia ratou uaorai i te tu o te Atua e tana Tamaiti e te tauta i te aru atu ia raua? E ora mutu kore!