Uriuri Akaou Anga i te Akaputuputuanga Kotinga

Ka taangaangaia teia tumu tuatua kia akakite na mua e kia akara akaou i te porokaramu no te ra akaputuputuanga takake no te 2005 mataiti tavinianga. Te atikara no te “Akanoonooanga Ou no te Uriuri Akaou Anga i te Au Porokaramu Akaputuputuanga,” tei akaariia i runga i te kapi 4 o teia kapi i roto ake, te akataka ra e akapeea teia e akonoia ai. I te tuatau no te uriuri akaou anga, e akatuanga i te taime kia rauka te au uianga katoatoa kia uiia. Kia akamouia te uriuri akaou anga e akapeea tatou i te akono anga i te akakiteanga tei orongaia mai.

RA MUA TUANGA POPONGI [ME KORE TE AVATEA]

1. Eaa te ka tauturu ia tatou kia rauka te pakari tei tau i te Atua?

2. Eaa te tautaanga te raveia ra e te aronga i roto i te kotinga kia itae maata atu i te au tangata ma te au tuatua meitaki?

RA MUA TUANGA AVATEA [ME KORE TE AIAI]

3. No teaa ra i puapinga maata ai no te au Kerititiano kia vai viivii kore i roto tikai? Eaa ta teia e umuumu maira ia tatou kia rave?

4. Akapeea e rauka ai ia tatou i te akaari ia tatou uaorai e te noo ponuiaau ua ra ma to tatou au taeake?

5. Eaa te tu tau tikai, e akapeea tatou i te akaari anga i te reira na roto i te mataara e taangaanga ana tatou i to tatou taime?

6. Eaa ta tatou ka kite mai mei te au akaraanga o Saula e Noa? Na roto i teea au mataara e rauka ai ia tatou i te akaari e te “akarongo ngoie” ua ra tatou? (Ia. 3:17)

7. Akapeea te au Kerititiano i te paruruanga i te aratakianga e rua tu oraanga?

8. Akapeea tatou i te aru anga i to Paulo akaraanga i te tuatuaanga i to te Atua pakari?

RUA O TE RA TUANGA POPONGI

9. Eaa tatou ka umuumuia ai kia akara meitaki i te ikianga i te au angaanga ta tatou e aruaru ra, e eaa te ka tauturu ia tatou kia rave i te reira?

10. Eaa te tautaanga te raveia ra e te aronga i roto i te kotinga kia aere putuputu atu ki te au uipaanga, e akapeea ratou e puapingaia ai mei te rave anga i te reira?

11. Akapeea e rauka ai i te au upoko o te ngutuare tangata i te akamaroiroi atu i to ratou ngutuare tangata?

12. Eaa te au umuumuanga no te kotinga i apainaia mai ki to tatou akamanakoanga?

RUA O TE RA TUANGA AVATEA

13. Tei apainaia mai i roto i te tuatua papuriki, eaa te au angaanga tuatua tika tei akatupuia e te pakari mei runga maira?

14. No teaa ra i neneva ai kia irinaki i roto ia tatou uaorai me kore i roto i te aronga kare e aratakiia ra e te pakari tu-Atua? Na roto i teea au mataara ka umuumuia tatou kia matakite?

15. Mei teea te au ereere te paruruia ra tatou e te pakari tei tau ki te Atua?

16. No teaa ra i puapinga maata ai no tatou kia akono i te ako anga tei orongaia mai i runga i te porokaramu no te akaputuputuanga kotinga?