Akanoonooanga Ou no te Uriuri Akaou Anga i te Au Porokaramu Akaputuputuanga
Te ao o Satani te aere uatu ra mei te kino ki te kino tikai, te akaketaketa maira Iehova ia tatou “kia kopae ke i te tu akono kore i te Atua e te au anoano o teianei ao e kia noo ma te manako tau e te tuatua tika e te akono i te Atua ra i roto i teianei akatereanga o te au mea nei.” (Tito 2:12, NW) I roto i te au akanoonooanga tana e akono ra na roto i “te tavini akono meitaki e te pakari” ko te au porokaramu ia no te akaputuputuanga kotinga e te ra akaputuputuanga takake i te mataiti ra. (Mata. 24:45) Mei teaa tikai te akamaroiroi anga tei kiteaia mai e tatou i teia au taokotaianga i te pae vaerua!
Kia tauturu ia tatou kia tamou ua atu e kia taangaanga i te ikuikuanga te orongaia maira, ka taangaangaia tetai akanoonooanga ou no te uriuri akaou anga i teia au porokaramu akaputuputuanga i te tuatau o te 2005 mataiti tavinianga. Te vai ra te au atikara i roto i te kapi 5-6 o teia kapi i roto ake te oronga maira i tetai akakiteanga e eaa te ka orongaia mai e eaa oki te au uianga katoa no te uriuri akaou anga no te porokaramu tataki tai o te akaputuputuanga. Ka akara te au putuputuanga i teia akakiteanga i te Uipaanga Tavini Anga i mua poto ua ake e i muri poto ua ake i to ratou aere atu anga ki ta ratou au akaputuputuanga. Akapeea teia e akanooia ai?
E tai me kore e rua epetoma i mua ake ka aere atu ei te putuputuanga ki te akaputuputuanga kotinga, ka orongaia tetai tuatuaanga e tai ngauru miniti tei akatumuia ki runga i te atikara “Porokaramu Ou no te Akaputuputuanga Kotinga” i runga i te Uipaanga Tavini Anga kia akamaroiroi i te tapapa atu anga no te porokaramu. Ka taki katoa te vaa tuatua i te akamanakoanga ki te au uriuri akaou anga e te akamaroiroi anga i te katoatoa kia akono i te au tataanga i te teateamamaoanga no te uriurianga te ka aru mai i nga mea epetoma i muri ake i te akaputuputuanga.
I roto i nga mea epetoma i muri ake i te akaputuputuanga, ka kapitiia mai tetai uriuri akaou anga e 15 miniti o te ra mua o te akaputuputuanga i runga i te Uipaanga Tavini Anga. Te epetoma ka aru mai, ka akanooia e 15 miniti ki te uriurianga akaou anga i te ra rua o te porokaramu. Ka akonoia te au uianga uriuri akaou anga tei tukunaia mai i roto i teia kapi i roto ake ei tumu anga no taua au uriurianga. Kia akamouia te uriuri akaou anga ki runga i te puapinga tau o te akakiteanga. Penei paa ka akanoo te aronga pakari kia tapoto, kiriti takiri, me kore taui i tetai au tuanga ke o te Uipaanga Tavini Anga no te tuatau ki mua kia rauka teia au atianga no te uriuri akaou anga kia akonoia.
Ka aru katoaia rai taua akanoonooanga tei piri atu ki te porokaramu o te ra akaputuputuanga takake, tera ua e okotai ua rai tuanga e 15 miniti kia akara akaouia te katoaanga o te porokaramu. Ka inangaro tatou katoatoa kia tapao i teia kapi i roto ake e kia taangaanga i te reira kia puapinga tikaiia mei te ikuikuanga meitaki tikai ta Iehova e oronga maira.—Isaia 48:17, 18.