Uriuri Akaou Anga i te Ra Akaputuputuanga Takake

Ka taangaangaia teia manako no te apii kia akakite akaou e kia uriuri akaou i te porokaramu no te ra akaputuputuanga takake no te 2005 mataiti tavinianga. Te atikara “Akanoonooanga Ou no te Uriuri Akaou Anga i te Au Porokaramu Akaputuputuanga,” tei akaariia i runga i te kapi 4 o teia kapi i roto ake, te akataka maira e akapeea teia e akonoia ai. I te tuatau no te uriuri akaou anga, e akatuanga i te taime kia rauka i te au uianga katoatoa kia uiia. Kia akamouia te uriuri akaou anga e akapeea tatou i te akono anga i te akakiteanga tei orongaia mai.

TUANGA POPONGI

1. Eaa ra ka umuumu maataia ai kia akarongo kia Iehova? Eaa te aiteanga e kia akarongo? (“Eaa ra ka Akarongo ei ki to Iehova Reo”)

2. Akapeea e rauka ai i te au ngutuare i te tamou marie i tetai porokaramu meitaki no te angaanga i te pae vaerua? (“Au Ngutuare te Akarongo ra ki ta te Atua Tuatua ma te Tamanamanata Kore”)

3. Akapeea te aronga i roto i te kotinga i akono ei i te au tuatau kia akakitekite ua atu? (“Raveanga i te Au Mea Ravarai no te Akakaka i te Atua”)

4. Eaa te au apiianga ta tatou ka tamou mai mei te akaraanga akamatakiteia tei kiteaia i roto ia Ebera pene 3 e te 4? Akapeea a Iehova i te tuatua mai anga kia tatou i teia tuatau nei? (“Ka Paruruia Tatou i te Akarongoanga me Tuatua Mai a Iehova”)

5. Akapeea koe i te puapinga anga mei te tuatua papetitoanga? (“Akatapuanga e te Papetitoanga”)

TUANGA AVATEA

6. Eaa ta tatou ka kite mai no runga ia Iesu ei mapu ra, e akapeea te au mapu i roto i te kotinga e aru ra i tona akaraanga? (“Akapeea te Akarongo Meitaki Anga ki ta te Atua Tuatua e Akaketaketa ra i ta Tatou Au Mapu”)

7. Eaa etai au mataara ka rauka i te au metua i te akamata i te tereni i te au pepe e te tamariki ou i roto i te au mataara a Iehova ra? (“Aronga Rikiriki Tei Akarongo ki te Atua e te Apii Ra”)

8. Eaa etai au ngai tikai ka anoanoia tatou kia akarongo meitaki kia Iehova, ki tana Tamaiti, e ki te “tavini akono meitaki e te pakari”? (Mata. 24:45) No teaa ra ei mea puapinga maata kia rave tatou i te reira? (“Kia Matakite i te Ikuikuanga Tu-Atua”)