TAPAO

Au Tuatua Akamataanga Tamanakoia no te Angaanga Koro

Taangaanga i te au akakiteanga tei aru mai i te tauturu ia koe i te akapapa i te au tuatua akamataanga te akaari ra i te puka oronga no te marama.

Akavaitata Atu kia Iehova

“E manganui te tangata tei irinaki i te Atua te inangaro ra i te akavaitata atu kiaia. Te kite ra ainei koe e te pati maira te Atua ia tatou kia akavaitata atu kiaia? [Tatau ia Iakobo 4:8.] Kua akanoonooia teia puka ei tauturu i te tangata kia taangaanga i ta ratou Pipiria kia akavaitata atu ki te Atua.” Tatau i te parakarapa 1 i te kapi 16.

“I teia tuatau te tupu maata nei te tu tau kore. Te aite ra te reira mei tei akatakaia i konei. [Tatau ia Koheleta 8:9e.] E manganui te umere ra me te manako maira te Atua. [Tatau i nga potonga tuatua mua e rua o te parakarapa 4 i te kapi 119.] Te akamarama mai nei teia pene i te tumu i akatika ai te Atua i te tu tau kore.”

Is There a Creator Who Cares About You?

“Ka kitea ainei e tatou kiea te ako meitaki rava atu e akapeea i te autu anga i to tatou au manamanata ngata roa atu? [Tiaki no te pauanga. Tatau i reira ia Mataio 7:28, 29.] Te akataka maira te reira e akapeea te au tangata i te ariu atu anga ki ta Iesu Tuatua i te Maunga. Akara ana eaa ta tetai aronga ke i tuatua mai. [Akaari i te au tuatua i te kapi 152.] Te uriuri ra teia pene i te oraanga e te au apiianga a Iesu.”

“I manako ana ainei koe: ‘Me e Atua tetai, ka rave ainei aia i te apai ke i te mamae e te tu tau kore i roto i te ao nei?’ [Tiaki no te pauanga. Tatau i reira ia Apokalupo 21:3, 4.] Te akamarama maira teia puka e eaa ta te Atua ka rave i te takore i te mamae e kia apai ke i to reira tumuanga.” Akaari i te pene 10.

Kia Vai Matakite ua Atu!

“E manganui te au tangata te manakonako ra no runga i te au manamanata kino tikai e te au tupuanga poitirere tikai tei matauia i teia tuatau nei. [Akakite mai i tetai akaraanga kiteaia o to reira ngai.] Kua kite ainei koe i taua au apinga ra e tuanga ia no tetai akairo o te ao nei te akaari maira e kare e roa atu ana ka akatere to te Atua kavamani i te au mea o te enua nei? [Tiaki no te pauanga. Tatau i reira i tetai irava tau, mei ia Mataio 24:3, 7, 8; Luka 21:7, 10, 11; me kore 2 Timoteo 3:1-5.] Te uriuri ra teia poroutia eaa oki ei mea rapurapu tikai kia matakite i te puapinga o teia au tupuanga i teianei.”

“E manganui i teia tuatau te taitaia ra i te au tupuanga poitirere tikai me kore i te ngereanga kino tikai kia ratou uaorai. E manako ana tetai papaki eaa ra te Atua i kore ei i akao mai i te tapu i taua au apinga ra. Te akapapu maira te Pipiria ia tatou e kare e roa atu ana ka rave te Atua i te tamaru i te mamae o te tangata nei. [Tatau ia Apokalupo 14:6, 7.] Akara ana eaa te aiteanga o ta te Atua akavaanga no te tangata nei. [Tatau ia 2 Petero 3:10, 13.] Te oronga maira teia poroutia i te akakiteanga maata atu no runga i teia tumu manako puapinga.”

Te Kite te ka Arataki ki te Ora Mutu Kore

“Me kua patiia mai koe kia noo ki roto i te au ngai manea mei teia rai, ka ariki ainei koe i te patianga? [Akaari i te tutu i nga kapi 4-5, e tiaki no te pauanga.] Akara ana eaa ta te Atua Tuatua e tuatua ra e ko te taviri ia ki te rekareka anga i teia tutu oraanga e tuatau ua atu. [Tatau ia Ioane 17:3.] Ka tauturu teia puka ia koe kia rauka i te kite te ka arataki ki te ora mutu kore.” Akanoo kia uriuri i nga parakarapa mua e rima o te pene 1 i te atoroanga te ka aru mai.

Uri ki te tutu i runga i nga kapi 188-9, e te taangaanga anga i te au tuatua i roto i te tataanga, e ui atu ki te ngutuare tangata: “E manakonako ana ainei koe i te noo ki roto i te Parataito, me akakiia te enua i te kite no te Atua? [Tiaki no te pauanga. Tatau i reira ia Isaia 11:9.] Ka tauturu teia puka ia koe i te kite eaa ta te Pipiria e tuatua ra no runga i te Parataito e akapeea tatou e riro ei ei tuanga no te reira.” Akanoo i te uriuri i nga parakarapa 11-16 o te pene 1 i te atoroanga te ka aru mai.

Learn From the Great Teacher

“I toou manako ka riro ainei te ao ei ngai meitaki me akono te tangata i teia tuatua anga? [Tatau ia Mataio 7:12a. Tiaki i reira no te pauanga.] Te vai ra i roto i teia puka te au apii anga e manganui mei te puapii maata rava atu tei ora ana.” E akaari i te au tutu e te au tataanga i roto i te pene 17.

“E manganui te au metua i teia tuatau te tauta ra i te tuku i te au turanga tau i roto i ta ratou tamariki. I toou manako e mea puapinga ainei te reira? [Tiaki no te pauanga. Tatau i reira ia Maseli 22:6.] E akara e te akamaroiroiia ra te au metua kia akamata i te tereni i ta ratou tamariki mei te rikiriki anga mai. Kua akapapaia teia puka kia tauturu ia ratou i te rave i te reira.” E akaari i te au tutu e te au tataanga i roto i te pene 15 me kare te 18.

“I te maataanga o te taime e umere ana te au metua i te au uianga e uiia mai ana e ta ratou tamariki. Ko etai o taua au uianga e ngata tikai i te pauanga, kare aina? [Tiaki no te pauanga. Tatau i reira ia Ephesia 6:4.] Ka rauka i teia puka i te tauturu i te au metua i te pau i te au uianga a ta ratou tamariki i teia tuatau.” E akara e tokoiti o te au tutu e te au tataanga i roto i te pene 11 e te 12 me kare i te 34 ki te 36.

Life​—How Did It Get Here? By Evolution or by Creation?

“E manakonako ana tatou katoatoa i te rave anga kino e te ta anga i roto i to tatou ngai nooanga. I toou manako e ravenga tikai ainei ta tetai ki teia manamanata? [Tiaki no te pauanga.] E ravenga ta te Atua.” Uri ki te kapi 196; tatau e e tuatua atu no runga ia Maseli 2:21, 22 i roto i te parakarapa 19. Akaari i te tumu manako maata o te pene 16, e oronga atu i te puka.

Uri ki te kapi 6, e tuatua e: “E manganui te au tangata te irinaki ra e kua tupu poitirere ua mai to tatou enua manea e te oraanga i runga i te reira. Eaa i toou manako te akatakaanga tau ake e akapeea teia au apinga ra i riro mai ei? [Tiaki no te pauanga.] Putunga te akapapuanga te akakite maira i ta te Pipiria tataanga no tetai Tei Anga ko tei ririnui tikai e ko tei aroa tikai mai ia tatou. Koia te Atua mou, e ko Iehova tona ingoa.” Tatau ia Salamo 83:18, e e akataka poto ua e akapeea tona akakoroanga i te taui anga i te enua katoa ei parataito.

Mankind’s Search for God

“Ma te au akonoanga tukeke e manganui i teia tuatau nei, i manako ana ainei koe e akapeea tatou e kite ei e teiea tikai te mea ka akatikaia e te Atua?” I muri ake i te pauanga, uri atu ki te kapi 377. Akakite atu i te tumu manako numero 7, e ui atu me te akatika ra te ngutuare tangata e ka tau te akonoanga mou i te taokotai i te au tu iti tangata ravarai. E akara i tetai o te au irava i akakiteia mai, e me rava te taime, e uriuri i etai o tetai au tumu manako ke atu i roto i te papaanga. Me te kiteia ra te inangaro tikai, e oronga atu i te puka. Me te akaruke ra, penei ka ui atu koe, “Akapeea te akonoanga mou e akakeu ra i te tu o tetai tangata?” Akanoo no tetai atoro akaou anga kia pau i te uianga.

Me akakite mai tetai tangata e e mema uaorai aia no tetai pupu akonoanga mamaata, penei ka karanga atu koe: “E mea umere i te aravei i te au tangata mei te au akonoanga tukeke. Te kimi anga o te tangata nei i te Atua kua taki atu ki te au aratakianga tuketuke e manganui. [Me kua tau, tatau ia Angaanga 17:26, 27.] E maata te taime, e aru ana te tangata i te akonoanga a to ratou au metua. [Tatau i te parakarapa 12 i te kapi 8.] Te kite maata atu anga no runga i tetai atu au akonoanga ke e akamaramaanga e e apiianga ia. Te akataka maira teia puka i te akamataanga, te au peu, e te au apiianga a te au akonoanga mamaata o te ao nei.” Akaari i tetai akaraanga eaa ta te puka e akakite ra no runga i te akonoanga a te tangata, tei kiteia i runga i nga kapi tei aru mai: Sikhism (100-101); Hinduism (116-17); Buddhism (141); Taoism (164-6); Confucianism (177); Shintoism (190-5); Judaism (220-1); e te Islam (289).

Revelation​—Its Grand Climax At Hand!

“Penei kua rongo ana koe no runga [taiku i tetai tuanga nuti]. Me mate poitirere ua te au oraanga i roto i te tumatetenga, e manganui te manako ra eaa te akapumaana anga te ka orongaia ki te au pamiri o te aronga tei mate. Eaa toou manako?” Tiaki no te pauanga. Uri atu i reira ki te kapi 299, e akaari i te tutu no te tuakaouanga te akatutuia maira. Tuatua akaou atu na te karanga anga: “E poitirere ana te manganui i te kite anga e ka akaokinaia mai te aronga tuatua tika e te aronga tuatua tika kore ki te ora i roto i te Parataito i runga nei i te enua. [Tatau ia Angaanga 24:15 tei taikuia i roto i te parakarapa 9 i te kapi 297, e oronga atu i reira i te akatakaanga tei kiteaia i te parakarapa 10.] Te uriuri ra teia puka i tetai atu au akatakaanga umere no runga i ta te Atua akakoroanga no te tuatau ki mua.”

The Bible​—God’s Word or Man’s?

“Te noo nei tatou i roto i tetai tuatau e vaitata rai te aro atura te au tangata katoatoa i tetai au manamanata kino tikai. E manganui te tanga ra ki te au tu aronga ako ravarai no te aratakianga. Tetai papaki e akara ana ki te au taunga purepure no te tauturu. Teiea i toou manako ka rauka ia tatou i te kite i te ako anga tau te ka angaanga tikai no tatou? [Tiaki no te pauanga.] Te karanga ra te Pipiria i tetai tikaanga puapinga te ka anoanoia tatou katoatoa i te ariki. [Tatau ia 2 Timoteo 3:16. E uri atu i reira ki te kapi 187, e tatau i te parakarapa 9.] Ka tauturu teia puka ia koe i te ariki e akapeea te aru anga i ta te Pipiria e tuatua ra e akariro ua ana rai i te tupuanga meitaki tikai.”

Te Tangata Maata Rava Atu Tei Ora Ana

“I roto i teia tuatau e manganui te au tangata te manako ra ia Iesu. Inara, no te mea te tupu ra te au apinga kino e manganui takapini i te ao nei, penei ka manako mai tetai papaki me te manako maira tikai a Iesu ia tatou. Eaa toou manako no runga i te reira?” Tiaki no tetai pauanga. Uri ki te pene 24, e uriuri poto ua eaa oki a Iesu i aere mai ei ki te enua nei. Tatau i reira ia Ioane 15:13, i te akakite anga tikai i to Iesu aroa ngakau tae no tetai ke.

“Me taiku mai ana tetai tangata ia Iesu Karaiti, e manganui te tangata te manako ra rai iaia ei pepe me kore e tangata tamamaeia ra te aere atura ka mate. To ratou manakoanga ia Iesu te kapiti ua maira tona anauanga e tona mateanga. Te au apinga umere tana i tuatua e i rave i roto i tona tuatau oraanga e maata te taime kare i akamanakoia atu ana. Tana i akatupu te akakeu ra i te au tangata ravarai tei noo ana i runga nei i teia enua. No reira oki e mea puapinga no tatou kia kite maata atu te ka rauka ia tatou no runga i te au mea umere tana i rave no tatou.” Tatau ia Ioane 17:3. Uri ki te kapi mua o te akamataanga tuatua, e tatau i te a o te parakarapa.

Eaa ta te Atua e Umuumu Maira ia Tatou?

“I toou manako kua akakoro ainei te Atua ia tatou kia noo ma te au manamanata e koropini ra ia tatou mei ta tatou e aro atu nei i teia tuatau? [Tiaki no te pauanga. Tatau i reira ia Mataio 6:10.] I oronga ana ainei koe i te manakoanga e eaa tikai te Patireia o te Atua?” Uri ki te apiianga 6, e tatau i te au uianga te taikuia ra i te akamataanga o te apii. Akamata i tetai uriurianga no te apii, me kore e akanoo i te rave i te reira i te atoroanga te ka aru mai.

“Noatu te au tere anga ki mua o te taiate o teia tuatau nei, te akatupu ua atura te maki e te mate i te mamae e te mii maata no te tangata nei. Kua kite ainei koe eaa ta Iesu ka rave no te maki, te ruaine, e te mate katoa?” Tiaki no te pauanga. Me ka inangaro te tangata i te kite i te pauanga, uri ki te apiianga 5, e tatau i te au uianga no nga parakarapa 5-6. Uriuri i nga parakarapa, me kore e akanoo kia rave i te reira i te atoroanga te ka aru mai.

Akamori i te Atua Mou Anake

“Iea i toou manako ka rauka ia tatou i te tanga no te tauturu i te akonoanga i te au taomianga no te oraanga? [Tiaki no te pauanga. Tatau i reira ia Roma 15:4.] E akara ana e te oronga maira te au Tuatua Tapu akauruia i te ikuikuanga, akapumaana, e te manakonakoanga, te ka akaketaketa ia tatou kia akakoromaki i te au tu ngata. Te oronga maira teia puka i te au akakiteanga tauturu e akapeea e rauka ai ia tatou i te puapinga maata mei te tatau anga i te Pipiria.” Akakite atu i te au tumu manako e a tei akapapaia i te kapi 30.

“Mei te au tuatau i aaere ei a Iesu i te enua nei, manganui te au tangata tei pure ana no to te Atua Patireia kia tae mai. I manako ana ainei koe eaa te aiteanga o te aere anga mai o taua Patireia ra no te tangata nei? [Tiaki no te pauanga. Tatau i reira ia Daniela 2:44.] Te akataka maira teia puka eaa oki te Patireia o te Atua, eaa ta te reira ka akatupu mai e e akapeea tatou e puapingaia ai mei to te reira tutaraanga tuatua tika.” Akaari i te akatutuanga i nga kapi 92-3.