Akono
Taangaanga ra Ainei Koe i Teia au Poroutia?
Kua Riro Koe ei Oa no te Atua!
Tataia kia rekaia mai e te tangata kare e maata ana te kite i te apii me kore kare e kite i te tatau
Akapeea me oronga: “Toou manako ka riro ainei tatou ei au oa no te Atua? [Tiaki no te pauanga. E oti tatau ia Iakobo 2:23.] Kua tataia teia poroutia ei tauturuia tatou kia riro mai ei oa no te Atua, mei ia Aberahama rai.”
Tauta i te rave i teia: Akatutu mai i tetai apii Pipiria na te uriuri kapiti anga i te katoaanga me kore i tetai tuanga o te Apii 1 i te atoro anga mua me kore me oki akaou.
The Origin of Life—Five Questions Worth Asking
Tataia no te au mapu Kerititiano te apiiia ra i te apii e e mea tupu ua mai te au mea, e e mea meitaki katoa no te uriuri manako anga ki te aronga irinaki e e mea tupu ua mai te au mea me kore kare e irinaki ana e e Atua tetai (Kare teia poroutia i tataia kia orongaia mei tera are ki tera are.)
Akapeea me taangaanga i teia me tuatua ki tetai e irinaki ana e e mea tupu ua mai te au mea me kore kare e irinaki ana e e Atua tetai: “Vaitata rai e te apii ra te au puka pouroa a te taineti e e mea tupu ua mai te au mea. Te irinaki ra ainei koe e e tika tikai te apiianga mea tupu ua mai, me kore toou manako e kua akanooia te reira i teianei ei apiianga tika tikai? [Tiaki no te pauanga.] Ei akapapu anga i te reira, ka ariki koe e e mea meitaki i te akara i te nga tua roa ai o te manako. Te oronga mai nei teia poroutia i tetai au akapapuanga tei tauturu i te maataanga kia irinaki e e mea angaia mai te au mea o te oraanga.”
Tauta i te rave i teia: Me aere koe ki te apii, akaruke i te poroutia ki runga i toou kaingakai e kia kite e me ka ui mai toou oa apii i tetai uianga no runga i te reira.
Why Should We Worship God in Love and Truth?
Tataia kia rekaia mai e te au tangata Initu
Akapeea me oronga: “Te karanga ra tetai pure Initia e: ‘Kua aratakiia au mei te pikikaa ki te tuatua mou. Kua aratakiia au mei te poiri ki te marama.’ Toou manako e puapinga ainei i te akamori i te Atua ma te aroa e te tuatua mou? [Tiaki no te pauanga.] Akara eaa ta Iesu i tuatua no runga i teia.” E tatau ia Ioane 4:24. E oti, tatau i te parakarapa 4 i te kapi 3 e e oronga i te poroutia.
Tauta i te rave i teia: Me ariki mai te tangata ngutuare i te poroutia, e tuatua e: “Kua tuatua tetai au tangata Initu kite e kua uunaia te tuatua mou ki roto i to tatou ngakau. Kua tuatua tetai pae e ka kiteaia te tuatua mou i roto i te tuatua tapu. Me oki akaou mai au, ka inangaro au i te uriuri i tetai uianga i te openga o te parakarapa 3 i te kapi 4 e: ‘Ka akara tatou kiea e kitea ai te tuatua mou a te Atua?’”
The Pathway to Peace and Happiness
Tataia kia rekaia mai e te au tangata Buda
Akapeea me oronga i te reira ki tetai tangata Buda pakarikari: “Penei te manamanata ra koe mei iaku rai i te maata o te au manako tau kore ta teia e akatupu nei ki ta tatou au tamariki. Eaa toou manako te tumu e maata atu nei te tu tau kore i rotopu i te au mapu? [Tiaki no te pauanga.] Kua kite ainei koe e kua totouia teia i roto i tetai puka tei tataia i mua roa atu i akamata mai ei te au akonoanga Initu, Kerititiano e te Mutiremi? [E tatau ia 2 Timoteo 3:1-3.] Te kite nei koe e te tupu maata atu nei teia au turanga noatu te au apiianga e raveia nei. [E tatau i te irava 7.] Kua tauturu mai te au manako i roto i teia poroutia iaku kia marama i te tuatua mou tei kare rava te maataanga o te tangata i kite ana. Ka inangaro ainei koe i te tatau i teia?”
Tauta i te rave i teia: Me oki akaou koe, muri ake i te akatupuanga i te inangaro o te tangata ngutuare no te Pipiria, akaari i te au uianga i te kapi openga e te kuponi no te puka ta te Pipiria e Apii Maira. Akamarama atu e kua apai mai koe i tetai kopi me ka inangaro aia i te akara i te reira. Akaari i te papaanga o te au tumu manako o te puka kiaia, e e uriuri e tai me kore e rua parakarapa i te pene ka iki mai aia.
Real Faith—Your Key to a Happy Life
Tataia kia rekaia mai e te au tangata Mutiremi tei roto i tetai turanga ka meitaki ua ratou i te apii i te Pipiria
Akapeea me oronga: Akaari i te tutu i te kapi 16-17 e e tuatua e: “E tuke rai teia tutu mei ta tatou e kite nei i roto i teianei ao i teia tuatau. Toou manako a tetai tuatau ka riro teianei ao mei teia rai? [Tiaki no te pauanga.] Akara eaa ta teia puka a te Atua e taputou mai nei. [E tatau i tetai o te au irava tei taikuia mei taau Pipiria.] Ka tauturu mai teia poroutia ia tatou kia irinaki tikai e ka tupu mai taua au taputou ra.”
Tauta i te rave i teia: Muri ake i te aravei anga mua, pati ki te tangata ngutuare kia iki i tetai uianga i te openga o te kapi. E oti akanoo i tetai ra kia oki akaou koe kia uriuri i te pauanga mei te poroutia.
Lasting Peace and Happiness—How to Find Them
Tataia kia rekaia mai e te au tangata Tinito
Akapeea me oronga: “Maata te au akaaoanga o te oraanga i teia tuatau te ka akariro ia tatou kia kore e mataora. Eaa te tauturu ra ia koe kia mataora noatu te au manamanata? [Tiaki no te pauanga.] Maata te tangata e mataora ra no te aru anga i te akoanga a te Pipiria. [E tatau ia Salamo 119:1, 2.] Karanga ra tetai pae e kua tataia te Pipiria na te au tangata i Europa. Akara ana ra i teia. [Uriuri i te parakarapa 16 i te kapi 17.] Te uriuri nei teia poroutia akapeea e rauka ai ia tatou te au e te mataora mutu kore.”
Tauta i te rave i teia: Me ariki mai te tangata ngutuare i te poroutia, tatau kapiti i te au aerenga tuatua mua e toru o te parakarapa 18 i te kapi 17 e e tuatua e: “Me oki mai au, ka akaari atu au kia koe eaa ta tatou ka tapapa atu mei ta te Pipiria e akakite maira.” Me oki akaou koe, uriuri e tai manako i roto i te parakarapa 6 i te kapi 30.