(1) Uianga, (2) Irava, e te (3) Pene

Tetai mataara mama ua i te oronga i te Eaa Tikai ta te Pipiria e Apii Maira? koia oki e (1) ui i te manako no tetai uianga, (2) tatau i tetai irava tau, e (3) akaari atu i tetai pene i roto i te puka te uriuri ra no runga i taua tumu tuatua ra na te tatauanga i te au uianga i te akamataanga i raro i te ingoa o te pene. Me akaari mai te tangata ngutuare i te inangaro, penei ka rauka ia koe i te akatutu atu i tetai apii Pipiria na te taangaanga anga i te au parakarapa i te akamataanga o taua pene ra. Ka rauka teia araveianga i te taangaangaia kia akamata i tetai apii me te akono ra i te araveianga mua me kore i tetai atoro akaou anga.

◼ “I toou manako ka rauka ainei i te au tangata ua nei i te kite mai i te mana katoatoa Tei Anga mai ia tatou, mei tei akakiteia mai i konei i roto i te Pipiria?” Tatau ia Angaanga 17:26, 27, e tiaki no te pauanga. Akaari i reira i te pene 1.

◼ “Ma te au akaaoanga ta tatou e aro atu nei i teia tuatau, i toou manako ka rauka ainei i te kite mai i te pumaana e te manakonakoanga tei akatakaia i konei?” Tatau ia Roma 15:4, e tiaki no te pauanga. Akaari i reira i te pene 2.

◼ “Mei tei ia koe te mana no te rave anga i te reira, ka akatupu ainei koe i teia au tauianga?” Tatau ia Apokalupo 21:4, e tiaki no te pauanga. Akaari i reira i te pene 3.

◼ “I toou manako ka rekareka ainei ta tatou au tamariki i te au turanga akatakaia i roto i teia imene taito nei?” Tatau ia Salamo 37:10, 11, e tiaki no te pauanga. Akaari i reira i te pene 3.

◼ “I toou manako ka tae mai ainei te tuatau e ka akatupuia teia au tuatua?” Tatau ia Isaia 33:24, e tiaki no te pauanga. Akaari i reira i te pene 3.

◼ “I manako ana ainei koe me te kite ra te aronga mate i ta te aronga ora e rave ra?” Tiaki no te pauanga. Tatau i reira ia Koheleta 9:5, e akaari i te pene 6.

◼ “I toou manako ka rauka ainei ia tatou i te kite akaou i to tatou aronga akaperepere tei mate ra, mei ta Iesu e akakite maira i roto i teia au irava?” Tatau ia Ioane 5:28, 29, e tiaki no te pauanga. Akaari i reira i te pene 7.

◼ “I toou manako eaa te ka inangaroia kia akatupu i to te Atua anoano i te enua nei mei te rangi ra, mei tei akakiteia mai i roto i teia pure rongonui?” Tatau ia Mataio 6:9, 10, e tiaki no te pauanga. Akaari i reira i te pene 8.

◼ “I toou manako te noo nei tatou i roto i te tuatau tei akatakaia i roto i teia totou?” Tatau ia 2 Timoteo 3:1-4, e tiaki no te pauanga. Akaari i reira i te pene 9.

◼ “E manganui te au tangata te manako ra eaa ra te au manamanata o te au tangata ravarai e kino ua atura. I manako ana ainei koe e ka rauka teia?” Tatau ia Apokalupo 12:9, e tiaki no te pauanga. Akaari i reira i te pene 10.

◼ “I inangaro ana ainei koe i te kite i te pauanga ki tetai uianga mei teia rai?” Tatau ia Iobu 21:7, e tiaki no te pauanga. Akaari i reira i te pene 11.

◼ “I toou manako e te akonoanga i teia ako anga mei te Pipiria ra ka tauturu ainei i te au tangata kia rekareka i tetai oraanga pamiri mataora?” Tatau ia Ephesia 5:33, e tiaki no te pauanga. Akaari i reira i te pene 14.

Penei ka ripotiia mai tetai apii Pipiria me kua raveia ana e rua taime i muri ake i te akatutu angaia te akanooanga o te apiianga e me e tumu anga tetai kia irinaki e ka rave uaia atu rai te apiianga.