Porokaramu Ra Akaputuputuanga Takake 2010

1. (a) Eaa te au tumu manako maata o te Tuatua Tapu ta te ra akaputuputuanga takake i uriuri ana i te au mataiti i topa akenei? (e) E au manako ainei tetai tei tauturu ia koe i roto i taau angaanga orometua mei te au ra akaputuputuanga takake i topa akenei?

¹ “Kia Timata i te Au Mea e Maata Atu te Meitaki,” “Tāpu Marie ei Anana Okotai,” “E Akakite i te Tuatua-Mou,” e “E Karakaraea Tatou​—Ko Iehova Tei Anga ia Tatou.” (Phili. 1:9, 10, 27; Ioa. 18:37; Isa. 64:8) Ko teia tetai o te au tumu manako maata o te au ra akaputuputuanga takake i topa akenei tei uriuriia. Te inangaro ra ainei koe kia tae mai ki te ra akaputuputuanga takake no te mataiti tavini anga 2010? Ka uriuriia te tumu manako maata: “Te Poto nei te Tuatau,” mei roto mai ia 1 Korinetia 7:29.

2. Akapeea me akatupu i te tu maoraora no teia akaputuputuanga?

² E akamata i te uriuri maoraora i te porokaramu no te ra akaputuputuanga takake me akakite vaveia mai te ra i roto i ta kotou putuputuanga. E tauturu ana tetai au metua i ta ratou tamariki kia tapapa atu no te ra akaputuputuanga na te tataanga i te ra ki runga i te karena a te pamiri, e te au mea ka anoanoia, e oti ka tare ratou i te au ra e tae atu ei ki te reira ra. I te tuatau o ta kotou Akamorianga a te Ngutuare i te aiai, penei ka inangaro koe i te uriuri akaou i te au mea i tataia mei te au ra akaputuputuanga takake i topa ua akenei. Akapapa katoa i toou ngakau no teia akaputuputuanga na te uriuri akaou anga i te puka Benefit From Theocratic Ministry School Education, kapi 13-16, ei tauturu ia koe e toou pamiri kia “matakite i to kotou akarongo anga.”​—Luka 8:18.

3. Akapeea tatou e puapinga maataia ai no te ka orongaia mai?

³ Taangaanga i Taau i Kite: Te au tuatua e akarongo matauia ana i muri ake i tetai ra akaputuputuanga koia oki, “E reka tikai teia porokaramu!” E tika ua ana te reira, ko teia tetai o te au mea puapinga e manganui no ko mai ia Iehova. (Mase. 10:22) No te au manako kia uua mai, e akamanako oonu e e tamou koe i te reira. (Luka 8:15) Ia kotou e oki ra ki te kainga i muri ake i te ra akaputuputuanga, e uriuri i te porokaramu ei pamiri me kore ki te aronga i roto i toou motoka. E uriuri i ta etai au akakoroanga e te au manako te ka tauturu ia koe i roto i taau angaanga orometua. Na te uriurianga i teia au manako ka tauturu ia koe kia puapingaia mei te au manako i muri roa ake i te ra akaputuputuanga.​—Iako. 1:25.

4. Eaa ra teia akaputuputuanga ka riro ei ei puapingaanga no tatou?

⁴ E mataora ua ana rai tatou me orongaia mai tetai apinga aroa tau ta tatou tikai e inangaro ra. Kare ainei tatou e inangaro tikai ana i ta Iehova i akanoo no tatou i ko i ta tatou ra akaputuputuanga takake e tu mai nei? Papu ia tatou e ka riro te reira ei mea puapinga i roto i te au tu ravarai. Ka tapapa atu tatou i te apinga aroa tau tikai te ka rauka mai mei to tatou Metua i te rangi, ko Iehova, na roto i te akamaroiroi anga e te tereni anga no te rave anga i te angaanga tana i akanoo kia rave tatou.​—2 Timo. 4:2; Iako. 1:17.