“Oronga i te Au Makatini me Kore Tetai ua Atu Poroutia Taito te Tau ra ki te Inangaro o te Tangata”

I te au marama e oronga ra tatou i te puka ta te Pipiria e Apii Maira e tetai apii i te araveianga mua, kua akamaroiroi ia tatou kia “oronga i te au makatini me kore tetai ua atu poroutia taito te tau ra ki te inangaro o te tangata” me kua tu ke ana te tangata ngutuare i te puka e kare e ariki mai i tetai apii. Eaa te tumu?

Te uriuri ra te au poroutia e te au makatini taito i te au manako tukeke tau tikai. Penei ka tukia te ngakau o tetai tangata ngutuare e tetai manako i roto i teia au atikara. No reira, me akapapa koe i taau kiri puka tutuanga, e tuku atu i tetai au poroutia e te au makatini taito tukeke. Me kare aau makatini taito, e tiki mai i tetai naau i ko i te ngai o te makatini. Me kua tu ke ana te tangata ngutuare i te puka ta te Pipiria e Apii Maira e kare e ariki mai i tetai apii Pipiria, akaari atu i tetai au makatini e te au poroutia e e pati atu kiaia kia rave i tana e inangaro ra. E oti, e akanoo kia oki akaou kia akamaata atu i te inangaro. Penei ka rauka mai tetai apii Pipiria.