Ravenga Meitaki kia Mataora i te Imene i te Au Imene Patireia

Papu e te manako ra te au tavini o te Atua i te akatangi imene ei apinga meitaki tikai no ko mai ia Iehova. (Iako. 1:17) Maata te au putuputuanga te mataora ra i te akarongo i te akatangi maru o te au Imene Patireia i mua ake e i muri ake i ta ratou au uipaanga putuputuanga. E riro ana te akatangi anga i te au imene teokaratiki ei atianga mataora i te turou mai ia tatou ki te au uipaanga. Ka tauturu te reira ia tatou kia papa te manako no te akamorianga. Te akatangi anga i te au imene ou mei ta tatou puka imene, ka tauturu katoa ia tatou kia matau i te au akatangi anga imene e te imene meitaki anga i te au imene. E riro ana te au imene e akatangiia ana i muri ake i te uipaanga i te akatupu i te au turanga akamaroiroianga kia mataora te taokotaianga. No reira, kia akanoonoo te pupu o te aronga pakari kia akatangiia te Sing to Jehovah​—Piano Accompaniment me kore te Sing to Jehovah​—Vocal Renditions i mua ake e i muri ake i te uipaanga. Kia akapapu ratou e kia tau ua te tangianga o te imene kia rauka i te katoatoa i te pukapuka ki tetai e tetai.