Patianga Puapinga ki te Akamaaraanga, ka Akamata i Roto ia Mati 22

Ta tatou angaanga i teia mataiti no te pati aere i te katoatoa kia tae mai ki te Akamaaraanga, ka akamata te reira a te Maanakai ra 22 o Mati. Te akamaroiroiia atu nei te katoatoa kia piri mai. A te openga o te au epetoma, ka oronga katoa tatou i te au makatini ou me ka inangaroia. A te Maanakai mua o Aperira, ko te au patianga ua ta tatou ka tua aere, kare e akamata apii Pipiria. Inara me aravei tatou i tetai tangata tei inangaro tikai, kia tamata rai tatou te akamata i tetai apii Pipiria. E akara ra te akaaere tavini e me ka maata atu te tangata ka taeria e te putuputuanga me tua aere i te au patianga i te ngai tangata. Tata i te ingoa o te kopu tangata, au oa angaanga, au oa apii e te aronga e atoro ana koe, pera te au taeake ke atu kia aere mai, e oti oronga atu i ta ratou patianga me akamata teia akakoroanga puapinga. Te irinaki nei tatou e e maata te ka piri mai kia tatou i te akamaara i te nga akaraanga maata rava atu o te aroa.​—Ioa. 3:16; 15:13.