AU MEA UMERE I ROTO I TE PIPIRIA
Akamaata Atu i to Tatou Karape i te Tutu Aere—Akapapa i Taau Akatutuanga
EAA I PUAPINGA AI: Noatu e te oronga maira te au akatutuanga i roto i te puka angaanga no te uipaanga i tetai au manako tauturu, e au aratakianga ua teia. E taangaanga koe i taau uaorai tuatua. Penei ka tamata koe i tetai ravenga ke mai, me kore tetai tumu manako ke te ka tau. Me kua tatau koe i te Punanga Tiaki, e kua akamanako i te au akatutuanga tei orongaia mai, pera te au vitio tei akaariia, ka rauka i reira ia koe i te tata i taau uaorai akatutuanga.
AKAPEEA ME RAVE:
E ui kia koe uaorai, ‘Ka inangaro ainei au i te taangaanga i tetai o teia au akatutuanga?’
AE
• Akapapa i taau au tuatua akamata. Muri ake i te akaaravei anga, e akakite tika atu i te tumu o toou tere. (Ei akaraanga: “Kua tae mai au no te mea . . . “)
• E akamanako e ka akapeea koe me taui i taau aerenga tuatua, mei te uianga ki te irava e ki te puka oronga. (Ei akaraanga: Me akaari i te irava, penei ka tuatua atu koe “Ka kitea te pauanga i konei.”)
KARE
• E iki i tetai tumu manako taau i reka i roto i te Punanga Tiaki te ka tau ki toou ngai tutu aere
• E akamanako i tetai uianga meitaki i te akakeu i te manako o te tangata kia rauka tetai uriurianga meitaki, e kia kore ratou e emiemi i te pau. (Ei akaraanga: Te au uianga i roto i te kapi 2 o te Punanga Tiaki.)
• Iki i tetai irava tatau. (Me te oronga ra koe i te Awake! iki me ka tatau koe i tetai irava me kare, no te mea kua akapapaia te Awake! no te aronga kare e maata ana to ratou kite no runga i te Pipiria, me kore kare e irinaki ana i te au akonoanga.)
• E akapapa i tetai au tuatua i te akamārama e ka akapeea te tangata ngutuare e puapingaia ai me tatau i teia makatini
ME E AE, ME E KARE
• Akapapa i tetai uianga kia rauka ia koe i te oki akaou i te pau
• E tata i tetai au manako kia maara ia koe eaa taau ka tuatua atu