ORAANGA KERITITIANO

Tuanga ou no te Akamata i Tetai Pukapukaanga

Mei ia Mati 2016, kua akapapaia tetai tuanga ou i te kapi openga o Te Punanga Tiaki, koia oki “Eaa ta te Pipiria e Akakite Ra?” Ka tauturu teia tuanga ia tatou kia akamata i tetai pukapukaanga no runga i te Pipiria. Aiteite ua tona akapapaanga ki ta tatou au aenga pepa. E au uianga tetai e te pauanga mei roto i te Pipiria e pera katoa tetai au manako ke no te uriurianga.

Ka taki atu tetai uriurianga meitaki ki tetai apii Pipiria. No reira, e taangaanga i teia tuanga ou i te tauturu i te maataanga tei kaki i te tuatua tika.​—Mata. 5:6.

AKAPEEA ME TAANGAANGA:

1 Ui i te uianga mua, e oti pati atu i tona manako no runga i te reira

2 Akarongo ki tana pauanga ma te akameitaki atu

3 Tatau i te irava i raro i te tuanga “Akakite ra te Pipiria e,” e oti ui atu i tona manako no te reira. Me rava tona taime, e uriuri i tetai manako i raro i te tuanga “Eaa Atu ta Tatou ka Apii Mei te Pipiria?”

4 Oronga i Te Punanga Tiaki

5 Akanoo no te oki akaou i te uriuri i te rua o te uianga