ORAANGA KERITITIANO
Akono i to Iehova Turanga no te au Kaveinga Tau
Na Iehova i akanoo i te turanga o te au kaveinga tau no te tangata. Nana i akatinamou i te pirianga akaipoipo i rotopu i tetai tane e tetai vaine. (Mata. 19:4-6, 9) Akaapa aia i te au tu peu akaturi ravarai. (1 Kori. 6:9, 10) Oronga mai aia i te au kaveinga no runga i te kakau e te akamanea kia taka e koai tona iti tangata.—Deu. 22:5; 1 Timo. 2:9, 10.
Teia tuatau, maata tei kopae i to Iehova au turanga. (Roma 1:18-32) Aru ratou i te aerenga manako o te tangata, no runga i to ratou kakau, to ratou akamanea e ta ratou peu. Manganui te akaari aere ua ana i ta ratou au peu viivii, e te akakino i te aronga mako ua kare e aru ana i ta ratou au peu kanga.—1 Pete. 4:3, 4.
E Au Kite tatou no Iehova, kia akono tatou i Tona turanga no te au kaveinga tau ma te ngakau toa. (Roma 12:9) Akapeea? Ei tu pakari to tatou i te akakite aere i te au mea tana e mareka maira. Kia ngateitei ua rai te turanga o to tatou oraanga. Ei akaraanga, me iki i te kakau e to tatou akamanea, penei e ui kia tatou uaorai e: ‘Te aru ra ainei taku au ikianga i to Iehova au turanga me i to teia ao? Te akaari maira ainei toku kakau e te akamanea e e Kerititiano au? Me iki kia akara i tetai porokarama teata, penei e ui kia tatou uaorai: ‘Ka mareka ainei Iehova i teia porokarama? Noai te turanga no te au kaveinga tau ta teia e akaari maira? Kare ainei teia e riro ei akaparuparu i toku akarongo? (Sala. 101:3) Kare ainei e riro ei akaturori i tetai i roto i toku ngutuare tangata e etai ke atu?’—1 Kori. 10:31-33.
No teaa i puapinga ai kia akono tatou i to Iehova turanga no te au kaveinga tau? Kare e roa atu ka takore a Iesu Mesia i to te pa enua e te au tu kino anake. (Eze. 9:4-7) Ko te aronga ua e rave ra i te anoano o te Atua te ka ora. (1 Ioa. 2:15-17) Kia akariro tatou i to Iehova turanga no te au kaveinga tau, ei akakeu i te aronga e kite maira i to tatou tu mako, kia akakakā i te Atua.—1 Pete. 2:11, 12.
AKATANGI I TE VITIO KIA RIRO EI OA NO IEHOVA—E TAI TANE, E TAI VAINE, E OTI URIURI I TEIA AU UIANGA:
• No teaa i tau ei kia aru i to Iehova turanga no te au kaveinga tau?
• Eaa te au metua ka apii ei i ta ratou tamariki i to Iehova turanga no te au kaveinga tau i te varevareanga?
• Eaa ta te aronga mapu e te pakari ka rave ei tauturu i te tangata kia kite i to Iehova tu meitaki?
[Pia i te kapi 7]
EAA TAAU KA TUATUA ME KARANGA MAI TAI TANGATA E . . .
“Eaa toou manako no runga i te pirianga ainga ki te tane e te tane, vaine e te vaine e te vai atura?”
“Kare e tau ana to te Pipiria manako no runga i te pirianga ainga ki te tane e te tane, vaine e te vaine e te vai atura!”
“Kare e rauka i teia au tangata kia taui i to ratou tu; to ratou tu rai tera te anau mai anga.”
(yp1-E pene 23; yp2-E pene 28)
[Tutu i te kapi 7]
Eaa ta toku kakau e te akamanea e akaari maira no runga i toku turanga no te au kaveinga tau?