“Okotai ua Oki o to te ao Katoa Nei Reo”

11:1-4, 6-9

I te oire ko Babela, kua akapueurikiriki a Iehova i te aronga akarongo kore na te akatarevake anga i to ratou reo. I teia tuatau te akaputuputu nei aia i te urupu maata mei te au pa enua ravarai e te au reo katoa na te oronga anga kia ratou te “vaa viivii kore” e “kia tautopa katoatoa ratou i te ingoa o Iehova; kia tavini atu ratou iaia ma te manako okotai.” (Zepha. 3:9; Apo. 7:9) Ko teia “vaa viivii kore” me kore te reo mā, ko te tuatua mou teia no runga ia Iehova e tona akakoroanga tei akakiteia i roto i te Pipiria.

Te apii anga i tetai reo ou, e maata atu te ō maira i te tamou ua i tetai au tuatua ou. Ka anoanoia te apii anga kia rauka tetai aerenga manako ou. Mei te reira rai, ia tatou e apii ra i te reo mā o te tuatua mou, ka akaouia to tatou aerenga manako. (Roma 12:2) E tupu anga teia te ka taokotai i te iti tangata o te Atua.—1 Kori. 1:10.