Akapeea me Taangaanga i te Au Manako no te Uriuri

E angaanga pakari ana te au taeake no te akapapa i te au manako no te uriuri, e kua puapingaia ki te maata anga o te au papuritia i to ratou ngai. Inara, no te tukeke i te au turanga o teianei ao, me tutu aere te au papuritia ka rauka ia ratou i te taangaanga i te au ravenga tukeke me kore te au tumu manako te ka rekaia e te tangata. E tika, ka anoanoia te katoatoa kia aru i te au aratakianga no te angaanga takake. To tatou akakoroanga ko te akatupu i ta Iesu i akaue kia tutu aereia te nuti meitaki o te Patireia.—Mata. 24:14.

Me rave i tetai tuanga apii, ka anoanoia te papuritia kia taangaanga i te tumu manako mei te au manako no te uriuri i roto i te Oraanga e te Angaanga Orometua—Puka Angaanga no te Uipaanga. Inara, ka rauka ia ratou i te iki i tetai uianga ke, irava, uianga oki akaou, me kore tetai turanga tei tau ki to ratou ngai. Kua akatanotanoia teia au tuatua tei tataia i roto i te puka angaanga o Tiunu 2020 i te kapi 8.