Te Maara Ainei ia Koe?

Kua kite ainei koe i te au itiu i ou ake nei o Te Punanga Tiaki ei mea puapinga ma te tau noou? Kore i reira e timata i toou roro i te au uianga te ka aru mai:

◻ Eaa nga uianga e rua tei tauturu i te au Kerititiano e manganui tei aro atu i te au iki anga angaanga kia tae ki te iki anga nana uaorai?

Ko te tumu uianga mua: Kua akaapaia ainei te angaanga i roto i te Pipiria? Te rua o te uianga: I te rave anga i teia angaanga te akariro ra ainei i tetai e te turu ra i te angaanga akaapaia?​—4/15, kapi 28.

◻ Na roto i teea tu ‘i akariroiai te au tangata angaia nei ei puapinga kore ua’? (Roma 8:20)

Kua ‘akariroia [tatou] ei puapinga kore ua’ no te mea no te au rave anga a to tatou nga metua mua, ko Adamu raua ko Eva. Kare ‘i [to tatou] anoano’ me kare i ta tetai iki anga i tupu ei teia. Kua iri mai teia kia tatou. Ma te tu tangi aroa, noatu ka rauka ia raua te tua i te tu apa ua, te ara, e te matenga, kua akatika a Iehova ia raua kia anau tamariki. Kua taea katoaia oki te tangata ravarai e te mate, i te reira tu kua ‘akariroia [e te Atua] te [au mea angaia] kia puapinga kore ua.’​—5/1, kapi 5.

◻ Eaa ra i tau ei kia tuatuaia e i te tuatau ki mua te vaira tetai “mea rikarika” i te “tu anga i te ngai-tapu ra”? (Mataio 24:15)

I te akaraanga taito ra, ko ‘te mea rikarika tei tu ra i te ngai-tapu’ kua kapitiia ki te tamaki anga a to Roma i raro ake i te Tianara ko Gallus i te 66 T.N. Ko te tu aiteite i teia tuatau nei ki taua tamaki anga ra​—ko te akamata anga o te “mate maata”—​te vai maira ia ki mua. (Mataio 24:21) No reira ko “te mea rikarika e taneaʼi” kare i tu ake ki te ngai tapu ra.​—5/1, kapi 16, 17.

◻ Akapeea tetai nga metua angaanga i te akanoo anga i te tuatau no ta ratou tamariki?

Penei ka pati mai te mama tei roiroi i muri ake i te ra angaanga i te tamariki kia tauturu iaia i te akapapa anga i te kai. Penei ka rave te papa i tetai au apinga tana ka rave i te Maanakai e te Tapati ma tana au tamariki.​—5/15, kapi 6.

◻ Eaa ra te mea tika kia raveia e te aronga tei ‘aaere ra i to Iehova aerenga’? (Ieremia 7:23)

Ko te aaereanga i to Iehova ra aerenga te anoanoia ra te tu tiratiratu​—tetai manakoanga papu kia tavini atu iaia anake ra. Te anoanoia ra te irinaki anga—​te akarongo takiri e ka tau ta Iehova au taputou kia irinakiia e ka tika oki. Te anoanoia ra te akarongo no te aaereanga i to Iehova ra aerenga​—te aruanga i tana au ture ma te kore e tatipake e te tamouanga i tana au turanga teitei. (Salamo 11:7)​—5/15, kapi 14.

◻ Eaa nga apainga puapinga e a ka raveia i te “meitaki i te tangata nei”? (Ephesia 4:8)

Ka akatau maru ratou ia tatou, ma te patu aroa ia tatou ki runga, ka tauturu ia tatou kia taokotai atu ma te putuputuanga, e te paruru anga mataku kore ia tatou. (Ephesia 4:12-14)​—6/1, kapi 14.

◻ Eaa ta tatou ka apii mei to Paulo taokotaianga ma tetai anere ua atu au tangata te taikuia maira ia Angaanga e i roto i tana au reta?

Ka tau tatou kia rave angaanga tamou marie ma te akaaerenga a te Atua, ma to tatou putuputuanga, e ma to tatou au oa akarongo. Te umuumu ra tatou i ta ratou tauturu, te turu anga, e te akapumaana i te au tuatau meitaki e te au tuatau taitaia.​—6/1, kapi 31.

◻ Eaa nga tuanga e toru no te manakoanga penei ka taangaanga koe ei tauturuanga i etai ke ra kia tamanako no runga i Tei Anga maira?

Te akapapa anga tei kiteia i te ao katoa e pini ua ake, te akamataanga o te oraanga ki runga i te enua nei, te tu takake tika o te roro tangata, ma tona au kite tuke tuke.​—6/15, kapi 18.

◻ Eaa te tumu i puapingai kia marama i te aiteanga i te ingoa tikai o Tei Anga maira?

Te aiteanga i te ingoa o te Atua “Ka Akariro Aia kia Tupu” e te akaketaketa maira e te akakoro ra aia e te rave ra oki kia tupu. Na to tatou kiteanga e te taangaanga oki i tona ingoa, ka meitaki atu to tatou ariki anga e ka akatupu aia i tana au taputou e ka apai tika mai i tana akakoroanga kia kiteaia.​—6/15, kapi 21.

◻ Akapeea te akao anga i te tamariki i tetai apii Pipiria ngutuare tangata?

Me ka rauka, e akapapa kia tu te tamariki taki tai i tetai Pipiria nana uaorai e te puka no te apiianga. Penei ka patiia i tetai tamaiti kia akataka i tetai tutu te mama maira i roto i te puka e apiiia ra, e penei e akatakaia tetai tamaiti ou na mua kia tatau i tetai irava. Penei na tetai tei pakari akera e taiku mai i te au tuanga no te akataka anga tau i te tumu e apiiia ra.​—7/1, kapi 15.

◻ Eaa etai au akakoroanga ta tetai ngutuare tangata ka kapiti atu i te akateateamamao anga no te au uipaanga putuputuanga?

(1) Kia papa te au mema tataki tai o te ngutuare tangata i te pau i te uipaanga; (2) ka pau tataki tai na roto i tana uaorai au tuatua; (3) e kapiti atu i te au irava i te pauanga; e (4) apii matatio i te ako anga ma tetai akara anga kia koe uaorai.​—7/1, kapi 20.

◻ Eaa te taviri ki te akaipoipo anga meitaki?

Kia akatuera i te roka e kite ei i te au rekareka anga okomaata no tetai akaipoipo anga meitaki, ko tetai tumu ko te komunikeiti anga tau meitaki. Te o atura ki teia te tuaanga i te au kite e te au manako. E ko te komunikeiti anga tau meitaki te kapiti maira i te au apinga akamatutu ra, akapumaana, tu tika, mea paapaaia ra, e te akarekareka anga. (Ephesia 4:29-32; Philipi 4:8)​—7/15, kapi 21.

◻ Eaa te ‘arataa o Iehova’? (Salamo 25:8, 9, 12)

Ko te reira arataa ko te arataa o te aroa. Kua akatumuia te reira ki runga i te raveanga i te tika kia tau ki te au turanga a te Atua. Kia tau ki ta te Pipiria ko teia aroa kaveinga “te mataara meitaki maata rava ra.” (1 Korinetia 12:31)​—8/1, kapi 12.