Dživipen the služba – brožurka pro zhromažďeňe 2025 | julos

28. JULOS – 3. AUGUSTOS

PRISLOVJA 24

Giľi 38 the modľitba | Perša lava (1 min.)

GOĎAVER LAVA ANDAL E BIBLIJA

1. So šaj keres, kaj te aves zoralo andro pharipena

(10 min.)

Dodžan tut so nekbuter andal e Biblija, kaj te aves goďaveder (Pri 24:5; w23.07 18 ods. 15)

Te tut o pharipena thoven tele, dureder tuke gen e Biblija, modľin tut a phir pro zhromažďeňa (Pri 24:10; w09-V 15/12 18 ods. 12, 13)

O zoralo paťaviben the o kamiben ko Jehovas amenge pomožinena te predžal o pharipena (Pri 24:16; w20.12-V 15 ods. 1, 2)

La pheňa hin baro nasvaľiben. The avka radišagoha phirel andre služba kher kherestar. Paš o vudar sikavel vareso jekha romňake pre peskero tabletos.

2. So šukar arakhľam andre Biblija

(10 min.)

Pri 24:27 – So kalestar sikhľuvas? (w09-V 15/10 12 ods. 5–7)

Sar odpheneha
So lačho arakhľal ole kapitolendar andal e Biblija, so hine pre kada kurko?

Sar odpheneha

3. Genas e Biblija

(4 min.) Luk 1:1–17 (th lekcija 11)

SIKHĽUVAS FEDER TE ZVESTINEL

4. Varekaha chudes e duma

(2 min.) VAKERAS PAL O DEL, CHOČKAJ SAM. Mušines te preačhel te vakerel, the te mek na phenďal ňič pal o Del. (lmd lekcija 2 čislos 4)

5. Varekaha chudes e duma

(3 min.) KHER KHERESTAR. (lmd lekcija 3 čislos 4)

6. Varekaha chudes e duma

(3 min.) ZVESTINAS PRO THANA, KAJ PHIREN BUT MANUŠA. Phen le manušeske, hoj šaj sikhľol andal e Biblija a de leske e karťička Sikhľon andal e Biblija. (lmd lekcija 4 čislos 3)

7. Prejavos

(3 min.) lmd Dodatkos A čislos 11 – O Del amenca varesar vakerel. (th lekcija 6)

E GOĎI PREDAL AMARO DŽIVIPEN

Giľi 99

8. Pomožinas jekh avreske andro pharipena

(15 min.) Vaker le zboroha.

Ňisostar ňič šaj avel o nasvaľiben, e prirodno bibacht, štrajki, mariben abo pre amende džan. Ola phrala the pheňa, so ada zadživen, ľikeren jekhetane a jekh avreske pomožinen. The te amen kada na zadživas, ta na bisteras pre lende a keras so pes del, kaj lenge te pomožinas. (1Ko 12:25, 26)

Obrazki: Amare phrala the pheňa pomožinen jekh avreske. 1. O phrala o pheňa pale budinen amari sala, savi sas zňičimen paš e prirodno bibacht. 2. O phrala o pheňa kamibnaha prilen la pheňa lakera čhajoraha, save mušinde te denašel andal peskeri phuv. 3. E pheň čhivel o love andre schranka pro dari. 4. O phrala o pheňa den chaben, paňi the sa, so kampel, le phralenge pheňenge, save mušinde te denašel andal peskeri phuv. 5. O phral anel o paňi le phralenge le pheňenge. 6. O phral pes modľinel.

Pregenen 1. Kraľa 13:6 the Jakub 5:16b a paľis vakeren jekhetane:

Te pes modľinen verna Devleskere služobňika vaš peskere phrala the pheňa, soske hin andre kajse modľitbi bari zor?

Sar odpheneha

Pregenen Marek 12:42–44 the 2. Korinťanenge 8:1–4 a paľis vakeren jekhetane:

Soske kamas te davkerel, the te amen nane but love a šaj čhivas ča frima?

Sar odpheneha

Mukhen o VIDEJO Na mukhenas le phralen bijo duchovno chaben a paľis vakeren jekhetane:

But phrala the pheňa dživenas andro phuva, kaj samas zakazimen. So predal lende le kamibnastar kerenas aver phrala the pheňa?

Sar odpheneha
Sar samas zakazimen, sar o phrala doľikerenas o lava, kaj pes te zdžan jekhetane a te podhazden jekh avres? (Heb 10:24, 25)

Sar odpheneha