КЕР УЧЕНИКИЕН
10 УРОКИ
Де всичко тутар, за те помагинес е манушенге те ачшон ученикя
Со пхенел и Библия: „Мангасас ма само те пхенас туменге и лачши новина таро Дел, ама те дас тумен амаре вогя-да, соскето амари любов кариг туменде си бари.“ (1 Сол. 2:8)
Со кергяс о Исусес
1. Дикх о КЛИПИ или четине Йоан 3:1, 2. После мислине калке въпросиенге:
а) Според туте соске о Никодим мангелас те дикхел пес е Исусеса и рат? (Дикх Йоан 12:42, 43.)
б) Сар о Исусес сикавгяс, кай делас всичко пестар, за те керел ученикиен?
Со сикльовас таро Исусес?
2. Аме сикавас, кай дехас е манушен, като дас всичко амендар, за те помагинас ленге те ачшон лескере ученикя.
Ов сар о Исусес
3. Изучинен кана тай кате си удобно е манушеске. Леске ащи те овел удобно йекх точно диес или йекх точно сахати. Кате ка овел леске по-удобно те изучинел: ки бути, пуменде или авере тханесте? Дикх дали ащи те променинес нещо, за те ащи те изучинес е манушеса кана тай кате си леске най-лачшес.
4. Изучинен редовно. Ако нащи те жас паш о мануш, дикх те на накхел о курко без ов те изучинел. Помислине:
а) Ащи ли кавка курко те керес о изучаване авер диес?
б) Ащи ли те изучинен ко телефони или ко интернети?
в) Ащи ли те пхенес авере пхралеске или пхеняке те изучинел е манушеса?
5. Молине тут те мислинес сар о Йехова. Молине е Йеховас те помагинел туке те на откажинес тут таро мануш, колеса изучинес, даже ако си леске трудно те изучинел често или те керел о букя, колато сикльовел. (Флп. 2:13) Сигурно кавка мануш си бут лачшо. Молине е Йеховас те помагинел туке те мислинес е шукаре букиенге, колато иси лесте.