Хоратине честно

Со кергяс о Исусес

КЛИПИ: О Исусес дел съвети е барвале терне управникиес

1. Дикх о КЛИПИ или четине Марко 10:17-22. После мислине калке въпросиенге:

1. а) Саве шукар букя може би дикхляс о Исусес калке манушесте?

2. б) Соске о Исусес требелас хем те сикавел любов, хем те хоратинел честно е манушеса, за те дел лес съвети?

Со сикльовас таро Исусес?

2. За те помагинас е манушенге, коленца изучинас, те барярен по амалипе е Йеховаса, требе те сикавас любов, кана хоратинас ленца, ама требе също честно тай ясно те пхенас ленге со требе те керен.

Ов сар о Исусес

3. Помагине е манушеске те мислинел саве букя ащи те керел е Йеховаске тай сар те керел лен.

1. а) Използвине о блокчета „Со те керес“ секоне урокиестар таро лил „Шукар животос завинаги!“

2. б) Помагине е манушеске, колеса изучинес, те ахальовел сар точно ащи те керел о по-цикне тай о по-баре-да букя, колато мангел.

3. в) Често хвалине е манушес е букиенге, колато вече керел.

4. Ахальов саве букя пречинен е манушеске те барярел по амалипе е Йеховаса тай помагине леске.

1. а) Пуч тут:

   • Ако о мануш, колеса изучинав, още на керел о букя, колато требе, за те покръстинел пес, со пречинел леске?

   • Со ащи те керав, за те помагинав леске?

2. б) Молине е Йеховас те дел тут смелост, за те пхенес е манушеске честно, ясно тай лачшипнаса со требе те керел.

5. Спирине те изучинес е манушеса, ако на керел о букя, колато сикльовел.

1. а) Ахальов дали те продължинес те изучинес е манушеса, като пучес тут:

   • Керел ли о букя, колато сикльовел?

   • Авел ли ко събрания тай пхенел ли и истина околенге?

   • Ако вече изучинел бут време, мангел ли те ачшол е Йеховаскоро Свидетели?

2. б) Ако о мануш, колеса изучинес, на мангел те керел о букя, колато сикльовел:

   • Пуч лес со пречинел леске.

   • Без те дукхавес лес, пхен леске соске спиринес те изучинес леса.

   • Пхен леске со ка требе те керел, ако мангел те изучинел пак.