1 Каринфо

10 Ԥрала, камав, кай тумэ тэ ӷанэн: всаворэ амарэ пропапоря сас тала туча, и всаворэ вонэ пэрэжылэ через о паи*. 2 Всаворэ вонэ болделэ, кала жылэ лэ Маисеёстирэ дромэса пала туча и пэрэжылэ через о паи. 3 Всаворэ вонэ ханас ек хамос лэ Дэвлэстар, 4 и всаворэ пэнас ек пимос лэ Дэвлэстар. Вонэ пэнас паи анда баруно плай, саво дя лэнди о Дэл и саво сас лэнца, и кадэва плай сыкавэлас лэ Христос. 5 Но бут андар лэндэ на сас уӷодни лэ Дэвлэсти, и вонэ хынделэ андэ пустыня.

6 Кода, со лэнца тердяпэ, — када примеро важ амэндэ, кай тэ фэрисавас. Амэ на трэбуй тэ цырдаспэ каринг о найлашымос, сар цырдэнаспэ вонэ. 7 Амэ на трэбуй тэ полас лэ хохавнэ дэвлэн, сар дэсавэ андар лэндэ. Пала када пистромэ: «О народо бэшля тэ хал и тэ пэл, ай потом ля тэ лошавэл». 8 Амэ на трэбуй тэ подаспэ лэ билажавардимасти, сар дэсавэ андар лэндэ, и важ ек дес хынделэ 23 000. 9 Амэ на трэбуй тэ застависарас лэ Иеговас* тэ сыкавэл пэско зор*, сар када стердэ дэсавэ андар лэндэ, и похынделэ, кай лэн халэ и сапа. 10 Амэ на трэбуй тэ роваспэ, сар ровэнаспэ дэсавэ андар лэндэ, и лэн умардя о анӷело. 11 Вся, со лэнца тердяпэ, — када примеро важ амэндэ, кай тэ фэрисавас. Када сас пистромэ важ амэндэ, важ кодэла, ко жувэл андэ послидни деса кадэла времяти.

12 Ни акэ, если варико гиндой, кай тердёл, мэк фэрийпэ, кай тэ на пэрэл. 13 Кажно ԥаримос, саво тумэнди прижалпэ тэ пэрэандярэн, сас и аврэ манушэндэ. Но о Дэл састо пэстирэ алавэсти и во на домэкэла, кай тумэндэ тэ авэл ԥаримос, саво тэ виритярэн тумэнди най па зор. Кала тумэндэ авэла ԥари время, о Дэл поможыя* тумэнди вся тэ пэрэандярэн.

14 Важ када, мэрнэ кучутнэ ԥрала, ритярдён май дур кодэлэстар, кай тэ полэн лэ хохавнэ дэвлэн. 15 Мэ дав дума тумэнца сар годявэрнэ манушэнца, важ када диқэн екжэнэ, чачимос мэ ԥэнав чи най. 16 Хэба о бахтало* стакано лэ виноса, важ саво амэ блаӷодарисарас лэ Дэвлэс, на сыкавэл, кай амэнди дорэсэлпэ и пай лэ Христостирэ ратэстар? И хэба о марно, саво амэ ԥагас, на сыкавэл, кай амэнди дорэсэлпэ и пай лэ Христостиря тилатар? 17 О марно ек, и, хоть амэн бут, амэ — ек тила, важ кода кай амэ всаворэ хас кадэва марно.

18 Погиндон пала израильско народо: кала вонэ хан кода, со сԥабарэн по жэртвенико, хэба вонэ на хан пала ек мисяйля лэ Дэвлэса? 19 Со мэ камав тэ ԥэнав? Хэба мэ ԥэнав, кай и статуэтка или кода, со сас андо́ сар жэртва ла статуэткати, варисо ашэл? 20 Най, мэ камав тэ ԥэнав, кай и мануша анда авэр народоря анэн и жэртвы лэ найвужэнди, ай най лэ Дэвлэсти. Ай мэ на камав, кай тумэ хоть варисар тэ авэн сԥанглэ лэ найвужэнца. 21 Тумэ не можэте тэ пэн анда лэ Иеговаско стакано и анда лэ найвужэнго стакано. Кадяжэ тумэ не можэте тэ бэшэн* пала «лэ Иеговастири мисяйля» и пала лэ найвужэндири мисяйля. 22 Хэба амэ «ласа тэ холярас лэ Иеговас»? Амэ со, май зоралэ лэстар?

23 Вся можно*, но най вся анэн лашымос. Вся можно, но най вся придэл зор. 24 Старыинпэ тэ терэн кода, со драго важ авэр, ай най кати кода, со драго важ тумэндэ.

25 Вся о мас, саво битиндёл по базаро, тумэ би алавэско можэте тэ хан и мэк авэл спокойно тумари совесть. 26 Пала када пистромэ: «Лэ Иеговасти прижал и ԥув и вся, со пэр латэ». 27 Если о мануш, саво на андярэл лэ Дэвлэстири время, ақарэла тумэн пэ мисяйля, и тумэ жана каринг лэстэ, тоди хан вся, со тумэнди стона. Тумэнди на трэбуй тэ роспушэн пала хамос, и мэк тумэндэ по ди авэл спокойно. 28 Но варико можэт тэ ԥэнэн: «Кадэва мас сас андо́ сар жэртва». Тоди на́ хан ради кадэва мануш, кай никас тэ на хал и совесть. 29 Мэ дав дума най пала тумари совесть, ай пала аврэ манушэстири совесть. Хоть мандэ исин право екжэно тэ витидав, мэ на камав тэ терав кода, важ со аврэ манушэско ди сындоя ман. 30 Кочай, дажэ если мэ блаӷодарисарав лэ Дэвлэс важ о хамос и мандэ исин право тэ хав лэс, но авэр мануша мустрин ман важ када, тоди состэ манди када тэ терав?

31 Ни акэ, если тумэ хан и пэн или терэн варисо авэр, старыинпэ вся тэ терэн кадя, кай о Дэл тэ ашэл ашунгло. 32 На́ терэн нисо кацаво, через со па правильно дром моӷут тэ змардён и евреёря, или и грекоря, или кодэла, ко анда лэ Дэвлэско ӷурто. 33 Акэ кадя мэ и терав. Мэ старысавав тэ уӷодисарав всаворэ́ манушэнди андэ вся, со мэ терав, и домардював, кай тэ авэл драго най ек манди, ай бутэнди, кай вонэ тэ спасынпэ.