Дэн дума пала кода, можэт о мануш тэ болдёл чи най

Лэ Иеговастирэ свидетеля болэн лэ манушэн пэ канӷрэсоря. Сар прожала и дума важ кодэла, ко камэл тэ болдёл, о ԥрал мангэла кодэлэн, ко болдёла, тэ ущен и ӷромко тэ ԥэнэн атветоря пэ дуй вопросоря.

1. Каисайлян ту андэ пэстирэ ӷрехоря, дян ту алав лэ Иеговасти тэ жувэс важ лэстэ и патяс ту, кай о Иегова отдя лэ Иисусос Христос, кай тэ спасый?

2. Полэс ту, кай, кала болдёса, ту ашэса лэ Иеговаско свидетелё и авэса андэ лэ Иеговастири арӷанизацыя?

Кала кодэва, ко болдёла, ԥэнэна пэ кадэла вопросоря да, кадэлэса во англа всаворэ сыкавэл, кай патял, кай о Иисусо отдя пэстири жызня, сар о выкупо. Ай кадяжэ сыкавэл, кай дя алав лэ Иеговасти тэ жувэл кати важ лэстэ (Рим. 10:9, 10). Лэсти трэбуй жы каринг када тэ мангэлпэ и тэ погиндой пала кадэла вопросоря, кай тэ ԥэнэн, со па чачимастэ лэстэ андо ди.

Дян ту ужэ о алав лэ Иеговасти андэ молитва, кай жувэса важ лэстэ, служыса кати лэсти и кай лэсти воля авэла тутэ по пэрво ҭан?

Гиндос ту, сар кати вижала, тути трэбуй тэ болдёс?

Сави ӥда поджала, кай тэ болдёл? (1 Тим. 2:9, 10; Иоан. 15:19; Флп. 1:10).

Амэнди трэбуй тэ утидаспэ сэжо, годяса. Кадэлэса амэ сыкаваса, кай стас патив по Дэл. Важ када, и ӥда, андэ сави во болдёл, трэбуй тэ авэл сэжо и тэ на авэл фартэ ԥэрнади, и тэ на авэл пэр латэ варисо пистромэ. Лэсти ӥда трэбуй тэ авэл сэжо, вужи и драго тэ дицол.

Сар трэбуй тэ андярэс пэс, кала болдёс? (Луки 3:21, 22).

Сар андэ амарэ деса и христианоря, савэ лэна тэ болдён, трэбуй тэ андярэн пэс? Примеро важ лэндэ, о Иисусо, кала во болделя. Кодэлэса, сар о Иисусо андярэлас пэс, кала болдёлас, во сыкадя, кай полэлас пэ скати када важно. Важ када, котэ, кай болэн, на трэбуй тэ терэс ԥэряса, тэ цэлэспэ, тэ наёс или варисар па аврятэ тэ андярэс пэс, через со дицола, кай ту на полэс, пэ скати када дэ важно дес. Кадя жэ кодэлэсти, ко кати болделя, на трэбуй тэ андярэн пэс кадя, кабута во варисо вицэлдя. Канешно, када бахтало дес, но трэбуй тэ андярэс пэс достойно, кай тэ сыкавэс пэстири радость.

Сар кода, кай ту служыс ла собранияса, поможыя тути тэ зритярэс пэско алав, саво ту дян анда оди лэ Иеговасти тэ жувэс важ лэстэ?

Васо посли кода, сар ту болдёса, тутэ трэбуй тэ авэл ӷрафико важ лично изучения па Библия и тэ росԥэнэс пала Дэл?

ПИСТРОМЭ ВАЖ И СТАРЕЙШЫНОРЯ

Кала некрещённо вазвещятелё ԥэнэн, кай камэл тэ болдёл, и старейшыноря лэсти трэбуй тэ ԥэнэн, кай во драго тэ проадиной кадэя брашура. Мэк во проадиноя кода, со «Пистромэ каринг о некрещённо вазвещятелё». Када залэлпэ пэ страница 7 и котэ пистромэ, сар о мануш тэ подӷотовица каринг и дума лэ старейшынонэнца. Котэ пистромэ, кала вонэ лэна тэ дэн дума. Кодэва, ко камэл тэ болдёл можэт тэ диқэл андэ кадэя брашура, ай кадяжэ тэ заадиной кода, со екжэно запистросардя. Но на трэбуй варикаса тэ прожал кадэла вопросоря жы каринг кода, кала во диқэлапэ лэ старейшынонэнца.

Кодэва, ко камэл тэ болдёл, трэбуй тэ ԥэнэн пала када лэ старейшынасти, саво координаторо андо совето старейшын. Посли кода, сар мануш продиқэла и «Вопросоря важ кодэла, ко камэл тэ болдёл», о координаторо совета старейшын пушэла лэстар, дя во алав лэ Иеговасти андэ молитва тэ жувэл важ лэстэ и тэ терэл кода, со о Иегова камэл? Если када кадя, координаторо совета старейшин мангэла дуен старейшынонэн тэ подэн дума лэса па «Вопросоря важ кодэла, ко камэл тэ болдёл». Кажно старейшына подэла дума пала ек анда дуй части. На трэбуй тэ аштярэн, кала авэла объявления важ о канӷрэсо.

Обычно кажно часть прожан важ ек разо. Пэ када жал варикай ек часо. Но кала трэбуй, можно тэ дэн дума и май бут время. Кажно разо, сар залэн и дума и посли, сар додинэ дума, трэбуй тэ мангэнпэ. Ни кодэва, ко камэл тэ болдёл, ни о старейшына, кала диқэнпэ, на трэбуй тэ грабинпэ, кай ӥто тэ прожан и вопросоря. Старейшыноря стерэна вся, кай май ӥто тэ диқэнпэ лэса.

Фэдэр тэ диқэнпэ еқэ манушэса, ай най дуе чи май бутэ манушэнца, кай тэ подэн дума пала вопросоря. Тоди лэ манушэсти авэла май вушэро тэ дэл атветоря пэ вопросоря. И кала о мануш ԥэнэна атветоря пэ всаворэ вопросоря, и старейшыноря уӷанэна, пэ скати во вся драго полэл и ӷотово во тэ болдёл чи най. Если и вопросоря прожан о хулай ла хулаяса, тоди можно тэ подэн дума дуенца.

Кала и собеседования проандярэл ек старейшына ла ԥьяса, тоди кода, кай тумэндэ жал обсуждения, трэбуй тэ дицол аврэнди, но кати, кай тэ на ашундёл. Но кала када на вижал, тоди трэбуй тэ авэл инке ек старейшына или служэбно помошнико, сар када пистромэ май дур.

Андэ собрании, кай на хутилэл лэ старейшынонэн, па «Часть 1. Росԥэнэнпэ, андэр со патян и христианоря» можэт тэ авэл о служэбно помошнико. Па «Часть 2. Христианско жызня» трэбуй тэ авэн кати и старейшыноря. Кала нинай кацавэ ԥралэн, тоди трэбуй тэ пушэн кай о раёно надзирателё, моӷут и старейшыноря анда собрании, савэ пашэ, тэ поможын.

Кала камэл тэ болдёл кодэва, касти инке нинай 18 бэрш, лэса трэбуй тэ авэн и родителя, савэ ужэ болделэ чи ек андар лэндэ. Сар вонэ нэ моӷут тэ авэн, тоди тэ дэн дума лэса трэбуй дуй старейшыноря или если када пэрво часть, тоди моӷут тэ дэн дума старейшына и служэбно помошнико.

Старейшыноря трэбуй точно тэ полэн, кай о мануш, саво камэл тэ болдёл, полэл о ӷлавно чачимос анда Библия. Но вонэ на трэбуй тэ аштярэн, кай о мануш тэ ӷанэн вся и Библия. Кадяжэ вонэ диқэна, пэ скати важ лэстэ куч о чачимос анда Библия и куч лэсти лэ Иеговастири арӷанизацыя. Сар о мануш на дополэл ӷлавно чачимос анда Библия, и старейшыноря позаботинапэ, кай лэсти тэ дэн помощь и кай во тэ авэл ӷотово тэ болдёл май интя. Варикасти, файма, трэбуй май бут время, кай тэ сыкавэл, кай во цэний, кай можэт тэ росԥэнэн важ о Дэл и камэл тэ кандэл кода, со ԥэнэн и ԥрала андэ арӷанизацыя. Старейшыноря трэбуй тэ погиндон, сар важ ек часо тэ полэн, ӷотово о мануш тэ болдёл чи най. Пала дэсавэ вопросоря можно тэ подэн дума май бут время чем пала авэр, но и вопросоря трэбуй тэ прожан всаворэ.

Старейшыноря, савэ динэ дума лэ манушэса, посли дуйто часть диқэнапэ, и дэна дума, кай тэ полэн, можэт о мануш тэ болдёл чи най. Вонэ шона сама пэ кода, сави кай о мануш сас жызня, саво лэстэ зор, бэрша, саво ери и вушэро лэсти тэ полэл чи най кода, со во сытёл. Старейшыноря камэн тэ полэн, ашэля чи най важ о мануш о Иегова куч? Полэл во ӷлавно анда Библия чи най? Через тумари помощь кодэла, ко камэн тэ болдён, авэна ӷотови драго тэ росԥэнэн пала Дэл.

Посли када ек чи дуй старейшыноря, савэ диқэнаспэ кодэлэса, ко камэл тэ болдёл, ԥэнэна лэсти, болдёла во чи най. Сар о мануш можэт тэ болдёл, тоди лэ старейшынонэнди трэбуй тэ роздиқэн лэса кода, со запистромэ андо раздело «Дэн дума пала кода, можэт о мануш тэ болдёл чи най», пэ страница 51—53. Сар о мануш на прожыля вся и книжка «Жувэн вечно пэ бахтатэ!», и старейшыноря ԥэнэна лэсти тэ досытёл пар латэ. Трэбуй тэ ԥэнэн кодэлэсти, ко камэл тэ болдёл, кай о дес, кала во болдёла запистрона андо лэско лил андэ собрания. Авелоп драго тэ ԥэнэн лэсти, кай и старейшыноря стидэн лични данные вазвещятеля, кай и арӷанизацыя моӷла тэ терэл пэсти релиӷиозно дила через лэ Иеговастирэ свидетеля па вся и люма и кай и собрания тэ дэл помощь лэсти тэ терэл кадэя дила. Инке и старейшыноря моӷут тэ ԥэнэн нэвэ вазвещятелёсти, кай и лични данные используют кадя, сар запистромэ андэ «Глобальной политике защиты данных Свидетелей Иеговы», сави исин по амаро сайто jw.org. Пэ кадэва разо трэбуй тэ дэн дума дэш минуты чи май мало.

Через бэрш, сар о мануш болдёла, лэса трэбуй тэ диқэнпэ дуй старейшыноря, кай тэ подритярэн лэс и тэ дэн советоря, со тэ терэл. Ек старейшына трэбуй тэ авэл надзирателё анда ӷруппа кай о вазвещятелё. Сар лэсти инке нинай 18 бэрш, лэса трэбуй тэ авэн болдэ родителя, чи ек лэндар. Дума трэбуй тэ авэл лэ одестар, сар андо ери. Старейшыноря подэна дума пала кода, со лэстэ драго вижал тэ терэл важ о Дэл и подԥэнэна, со тэ терэл инке, сар тэ на парашэл екжэно тэ сытёл па Библия, кай кажно дес тэ адиной и Библия, кажно курко тэ сытёл лэ ереса па Библия, тэ на промэкэл и собрания и тэ дэл каминтарии, ай кадяжэ кажно курко тэ росԥэнэн важ о Дэл (Эф. 5:15, 16). Сар во на прожыля вся и книжка «Жувэн вечно пэ бахтатэ!» и старейшыноря позаботинапэ, кай варико тэ прожал лэса кадэя книжка. Лэнди трэбуй анда оди тэ хвалин лэс. Обычно хутилэл ек или дуй советоря.