Январё

Всаворэ, ко на парашэн тэ кандэн лэ Дэвлэс, камэн тэ сытён, сар тэ терэн кадэя дила «май бут» (2 Тимофею 4:5). Важ амэндэ када само важно дила, сави нащи тэ отстас. Но амэнди можэт тэ авэл ԥарэс тэ отдас пэ када время, скати амэ камас. Важ кода кай амари время и зор ужан пэ кода, кай тэ затерас и тэ авэл вся, со трэбуй важ амэндэ и важ о ери. Варикастэ авэр дила андо ери, варико борийпэ пэстирэ насвалимаса, варикастэ депрессия, ай варикасти ԥарэс лэ ԥуримастар. Если амэндэ на вижал тэ служысарас скати амэ камас, на трэбуй тэ умэкас и вас. О Иисусо ӷанэнас, кай кажно андар мэндэ нэ сможэт тэ анэн еқэндар лэ Царствостирэ плодоря, то есть еқэндар тэ отдэн время и зор пэ кода, кай тэ росԥэнэн и лащи весть (Матфея 13:23). Но кала амэ пристас о зор и терас вся, важ о Иегова када куч (Евреям 6:10—12). w19.04 2, абз. 1—3

Кодэлэса, кай о Сатана дилярэл лэ манушэн пала кодэла, ко муля, во хохавэл по Иегова. Например, исин кацаво, кай сытярэн, кай посли кода, сар о мануш мэрэл, во мучийпэ андо адо. Кадэлэса вонэ хохавэн по Дэл. Васо? Важ кода кай вонэ сыкавэн, кай о Дэл, саво любий всаворэн, кацаво жэ жэстоко, сар и о Бэнг (1 Иоанна 4:8). Сар тумэнди кадэлэстар по ди? Ай со май важно, сар лэ Иеговастэ по ди, важ кода кай во нэнавидит любо жэстокость (Иеремия 19:5). Лэ Сатанаско хохаимос змарэл лэ манушэн тэ на патян, кай о Иисусо отдя пала амэндэ пэстири жызня (Матфея 20:28). Инке ек хохаимос, када, кай кала о мануш мэрэл, во варикай жувэл. Если када тэ авелоп кадя, када сыкадоп, кай и мануша моӷут тэ жувэн вечно. Вижал, кай амэ тэ жувас вечно, лэ Иисусости на трэбуй сас тэ мэрэл важ амэндэ? На бистрэн кода, кай о Иисусо отдя пэстири жызня, када само бари любовь каринг и мануша (Иоанна 3:16; 15:13). Кати погиндон, сар ԥарэс лэ Иеговасти и лэ Иисусости по ди кодэлэстар, кай кадя сытярэн и через када и мануша на цэнин кацаво фартэ кучутно подарко. w19.04 14, абз. 1; 15, 16, абз. 8, 9

Бут анда кода, со терэлас и дэлас дума о Иисусо, кала жувэлас пэ ԥув, запистромэ андэ штар книӷи андэ Евангелия. Остальни книӷи анда Христиански Гречески Писании тожэ поможын амэнди тэ полас, сар о Иисусо диқэлас и пэ авэр вопросоря. Важ кода кай вонэ сас пистромэ лэ манушэнца, пэ савэ сас о свынто духо и савэ гиндонас, сар о Христос. Кода, сости сытярэлас о Иисусо, амэнди трэбуй андэ вся амари жызня. Важ када «лэ Христоско законо» сытярэл амэн, сар тэ андярас пэс цэрэ, пэ бути, андэ школа и пэ собрания (Галатам 6:2). Амэ сытювас кадэлэ законости, кала адиносарас и Христиански Гречески Писании и гиндосарас пала кода, со адиносарас. Амэ ритярас о законо, кала жувас па принцыпоря и прилас и советоря, савэ пистромэ андэ кадэя ла Библиятири часть. Кала ритярас лэ Христоско законо, кадя амэ кандас амарэ любящёнэ Дэвлэс, лэ Иеговас. О Иисусо сытярэлас кодэлэсти, со екжэно уӷангля пэстирэ Дадэстар (Иоанна 8:28). w19.05 3, абз. 6—7

Ԥарэс тэ диқэс, кай и мануша терэн кода, со чалёл лэ Сатанасти. Но о Иегова диқэл вся, со терэл о Сатана. Во полэл, сар амэнди ԥарэс и можэт тэ подритярэл амэн. Амэ фартэ лошалэ, кай служысарас лэ Дэвлэсти, «саво терэл май вушэро по ди, саво подритярэл амэн андэ вся амаро ԥаримос, кай и амэ тэ подритярас аврэн андэ лэндири любо бида кадя жэ, сар о Дэл подритярэл амэн» (2 Коринфянам 1:3, 4). Тэ подритярас май фартэ трэбуй кодэлэн, кас и родителя на фэрисардэ лэ нахальнонэ билажавардимастар или кала лэнца када тердя варико анда чаче. О псалмопевцо о Давидо ӷанэнас, кай кати о Иегова можэт тэ подритярэл, сар нико авэр (Псалом 27:10). О Давидо патялас, кай о Иегова ашэла дад важ кодэла, каса обжылэпэ жэстоко андо ери. Сар? Через пэстирэ служытеля, савэ на парашэн лэс тэ кандэн. И ԥрала и ԥэя, савэнца амэ патяс андэ ек Дэл, када амаро ери. О Иисусо еқварэс ԥэндя: «Ко кандэл мэрнэ Дадэс, саво по нэбо, кодэва манди и ԥрал, и ԥэй, и дэй» (Матфея 12:48—50). w19.05 15, 16, абз. 8, 9

Пар со трэбуй тэ сытювас со май пэрво? Амэнди трэбуй кажно дес тэ сытювас па Библия. Акана и ӷлавы анда Библия, савэ розлас пэ собрания машкар курко, ашэлэ май набут. Важ када амэндэ ашэля май бут время, кай тэ погиндосарас пала кода, со адиносардям и май бут тэ виарақас инфармацыя пала када. Амари цэль найпросто тэ проадиносарас кадэла ӷлавы. Трэбуй, кай о чачимос анда Библия тэ зажал андо ди. Кадя амэ аваса май пашэ каринг о Иегова (Псалом 19:14). Кала сытювас па «Сторожэво башня», када сытювас па Библия. Важ када май бут шу сама пэ библейски стихоря, особенно пэ кодэла, савэ лэна тэ адинон пэ собрания. Погиндосар, сар и ӷлавни алава андэ кадэла стихоря сыкавэн о гиндо, саво андо абзацо. Кадяжэ витидэ время, кай тэ погиндос пала стихоря, савэ адиносардян и сар тэ терэс кадя, сар котэ пистромэ (Псалом 119:27). w19.05 27, абз. 5, 9

О Иисусо сыкадя со май лашо примеро, со трэбуй тэ авэл андо ди каринг и служэния. Тэ росԥэнэн важ лэ Дэвлэско Царство важ лэстэ сас дила, сави во столас пэ пэрво ҭан андэ пэстири жызня. О Иисусо прожыля пешком най еқвар по сто километров, важ кода кай май бут мануша тэ ашунэн и лащи весть. Во дэлас дума лэ манушэнца везде, кай кати када сас можно. Важ лэстэ на сас нисо май важно чем и служэния. Амэ терас кадя, сар о Иисусо, кала везде, кай можно, росԥэнас лэ манушэнди и лащи весть. Ради кода, кай тэ росԥэнас важ о Дэл, амэнди прижалпэ тэ отԥэндювас кодэлэстар, состар амэнди сас удобно (Марка 6:31—34; 1 Петра 2:21). Дэсавэ ԥрала и ԥэя служын подсобнонэ пианеронэнца, пианеронэнца и дажэ сар спецыальни пианероря. Ай варико висытеля авэр шыб или пэрэлагля кордэ, кай трэбуй май бут вазвещятеля. Но май бут дила анда вся када терэн и вазвещятеля, савэ терэн вся, со андэ лэнго зор андэ лэ Дэвлэстири служэния. Ко бы амэ тэ на авас андэ служэния, о Иегова на мангэл амэндар тэ терас кода, со амэ нэ можэм. w19.04 4, абз. 7, 8

Пуш пэстар: «На ашэляпэ андэ мэрно ди хоть набут, кай мэ тэ завидуисарав чи заваздав о шэро? (1 Петра 2:1). Абуросарав мэ андэ кода, ко мэ сым, сави мандэ образования чи саво мандэ барвалимос? (Притчи 16:5). На гиндосарав мэ, кай мэ май лашо лэ манушэндар, савэндэ нинай кода, со исин мандэ чи савэндэ авэр нацыя? (Иакова 2:2—4). Чалёл манди чи най варисо андо миро, савэса хулаий о Сатана? (1 Иоанна 2:15—17). Чалён манди и развличении, андэ савэ исин найлашимос и билажавардимос? (Псалом 97:10; 101:3; Амос 5:15)». Атветоря пэ кадэла вопросоря поможына тэ полас, андэр со трэбуй тэ парудювас. Кадяжэ пар мэндэ фартэ влияет кода, каса амэ проандярас время (Притчи 13:20). Пэ бутятэ амэ чи андэ школа, паша амэндэ кацавэ мануша, савэ на поможына, кай амэндэ май бут тэ авэн гиндоря, савэ радосардоп лэ Дэвлэс. Ай пэ собрания ԥэнэн, тэ любисарас и тэ терас лашимос (Евреям 10:24, 25). Кати котэ амэ можэм тэ арақас лашэ друӷонэн. w19.06 12, абз. 13, 14

О Иегова на камля, кай лэ манушэндэ тэ авэн проблемы и о ԥаримос, саво исин адес. Важ када амэ на удивисавас, кай кодэла, ко на парашэн тэ служын лэ Дэвлэсти, кала попэрэн андэ бида, на приритярдён андэ дума (Иов 6:2, 3). Дажэ кала вонэ найдраго дэн дума пала Иегова чи пала амэндэ, на трэбуй тэ холявас и тэ сындосарас лэн. Дэкала лэ манушэсти, саво попэля андэ бида трэбуй, кай лэс тэ подритярэн и тэ подԥэнэн, андэр со во тэ парудёл (Галатам 6:1). Со трэбуй тэ терэн андэ кацаво случаё и старейшыноря? Лэнди важно тэ терэн кадя, сар о Елиуё, саво виашундя лэ Иовос, поля и фартэ жалуисардя лэс (Иов 33:6, 7). О Елиуё ля лэсти тэ подԥэнэн, андэр со тэ парудёл посли кода, сар поля, васо во кадя дя дума. И старейшыноря, савэ терэн кадя, сар о Елиуё, драго виашунэна лэ ԥралэн и лэ ԥэян и старыинапэ тэ полэн, со лэндэ тердяпэ. Тоди, кала и старейшыноря подԥэнэна, андэр со тэ парудён, када можэт тэ лэл лэн лэ одестар. w19.06 22, 23, абз. 10, 11

Сар май дур тэ служысарас лэ Иеговасти, кала исин запрето? О филиало ԥэнэна лэ старейшынонэнди, со трэбуй авэла тэ терас. Если кай о филиало на вижал связаца лэ старейшынонэнца, тоди вонэ екжэнэ пала вся заботинапэ, кай тумэ и тумари собрания и май дур тэ служын лэ Иеговасти. И старейшыноря лэна тэ ԥэнэн па Библия и па амари литература, со амэ трэбуй тэ терас (Матфея 28:19, 20; Евреям 10:24, 25). О Иегова дя алав, кай лэстирэ служытелёнэндэ авэла вся, со трэбуй, кай лэндири вера тэ авэл май састи (Исаия 65:13, 14; Луки 12:42—44). Важ када патян, кай лэстири арӷанизацыя стерэла вся, кай тумэ тэ на парашэн тэ кандэн лэ Дэвлэс. Ай со можэш тэ стерэс ту? Кала авэла о запрето, загарав, кай нико тэ на арақэл и Библия и литература. Никала на ашав кадэя кучутни литература котэ, кай ла моӷут йто тэ виарақэн. Када амари печатно литература, ай кадяжэ и электронно литература. Кажно андар мэндэ трэбуй тэ терэл вся, кай лэстири вера тэ ашэлпэ састи. w19.07 10, 11, абз. 10, 11

Бут бэрша палпалэ всаворэ мануша патянас андэ варисавэ веры. Но акана, вся паруделя. Вся май бут ашэл манушэн, савэ на патян андо Дэл и на ужан ни андэ сави вера. Па чачимастэ, андэ дэсавэ страны май бут мануша ԥэнэн, кай на патян андо Дэл (Матфея 24:12). Васо? Варикастэ фартэ бут проблемы. Важ варикастэ ӷлавно андэ жызня, када удовольствия (Луки 8:14). Варико на патял ни андэр со. Ай варико патял андо Дэл, но гиндой, кай и вера, када най модно и вой на сжалпэ ла наукаса и лэ годявэрнэ гиндонэнца. Можэт и друӷоря, учителёря и авэр мануша ԥэнэн лэнди, кай вся со жундо пэ ԥув появисайля корко пэстар. И инке пала када вонэ адинон андэ ӷазеты чи андо интернето. Ай кода, со годявэрнэс доԥэнэн, кай исин Дэл, вонэ почти на ашунэн. Варикасти фартэ на чалёл, сар андярэн пэс и барэ мануша анда веры, савэ жадни пэ ловэ и пэ власть. Ай инке и правительства андэ дэсавэ страны, на мэкэн вся тэ терэн, со трэбуй важ и веры. w19.07 20, абз. 1, 2

Дажэ кодэла, кастэ нинай зор, лэндэ можэт тэ авэл састи вера, и тэ отдэн лэ Иеговасти вся со май лашо (2 Коринфянам 4:16). Можэт тумэ служын лэ Иеговасти ужэ бут бэрша, и акана ужэ най во о зор, и бут со на вижал тэ стерэн. На умэкэн и вас! Патян, кай о Иегова фартэ цэний вся, со тумэ терэнас важ лэстэ варикала (Евреям 6:10). На бистрэн, кай тумэ анда вся оди кандэн лэ Иеговас, сыкавэл най кода, скати тумэ служын, ай кода, кай тумэ на умэкэн и вас и терэн вся, со па тумаро зор (Колоссянам 3:23). О Иегова полэл амэн и на мангэл тэ терас кода, со най па амаро зор (Марка 12:43, 44). w19.08 3, 4, абз. 6; 5, 6, абз. 11, 12

О Иегова терэл кадя, кай лэ манушэн тэ цырдэл каринг лэстэ через и лашэ дилы лэ ԥралэнди и лэ ԥэянди (Матфея 5:14, 15; 1 Петра 2:12). Если тиро хулай чи хулаи на служын лэ Иеговасти, ӷанэн вонэ варикас андэ тумари собрания чи най? Ақарэн лэс тэ жал тумэнца пэ собрания. Амэ надеисавас, кай вся амаро ери кадяжэ лэна тэ служын лэ Иеговасти. Но сар амэ тэ на старысавас, вонэ моӷут и тэ на прилэн о чачимос. Если кацаво авэла, на дошалярэн пэс. На вижала тэ заставис лэ манушэс тэ патял андэ кода, андэр со патяс и амэ. И всаек амэнди на трэбуй тэ умэкас и вас, ай трэбуй тэ сыкавас, кай вонэ тэ диқэн, савэ амэ бахталэ, кай служысарас лэ Иеговасти. Мангэнпэ важ лэндэ. Дэн дума лэнца анда оди. На умэкэн и вас! (Деяния 20:20). Патян, кай о Иегова блаӷословия тумэн, кай стон зор. Ай если тумаро ери закамэла тумэн тэ ашунэл, тоди о Дэл лэн спасыя! w19.08 18, 19, абз. 15—17

О Иисусо ԥэнэн, кай трэбуй тэ стас ек цэль и тэ на отжас латар. Во сыкадя лашо примеро амэнди андэ кода, кай андэ пэстири жызня во столас пэ пэрво ҭан тэ служый лэ Дэвлэсти. О Иисусо сытярэлас пэстирэ учениконэн, кай андэ лэндири жызня со май ӷлавно тэ авэл лэ Дэвлэско Царство и служэния лэ Иеговасти. Кай тэ терас кадя сар о Христос, амэнди трэбуй тэ стас пэ пэрво ҭан кода, кай тэ росԥэнас и лащи весть, тэ родас «спэрва лэ Дэвлэско Царство и лэ Дэвлэско чачимос» (Матфея 6:33). Кай тэ лас май бут время, кай тэ поможысарас аврэнди тэ уӷанэн лэ Иеговас и тэ полюбин лэс? Можно тэ стерас пэстири жызня май просто. Например, тумэ можэте тэ диқэн, сар май набут время тумэндэ тэ жал андо дес пэ бути, кай тэ витидэн время май бут тэ росԥэнэн важ о Дэл андэ будни деса? Ай если тумэндэ бут время ужал, кай тэ отцыён и пэ развличении, тумэ можэте варисо тэ парувэн? w19.04 5, 6, абз. 12, 13

Андэ послидни бэрша бутэ лэ Иеговастирэ служытелёнэнди, савэ ужэ бут бэрша служын, динэ нэви назначения. Кадэлэ ԥралэнди и ԥэянди сас найвушэро тэ залэн тэ жувэн па аврятэ, важ кода кай лэнди сас фартэ куч лэндири служэния. Ай бут андар лэндэ отдинэ кодэлэсти бут бэрша. Дэсавэнди сас фартэ ԥарэс тэ ашавэн кадэя назначения. Но прожыля время и вонэ присытелэ тэ жувэн па аврятэ. Со поможысардя лэнди? Лэнди поможысардя кода, кай вонэ любинас лэ Дэвлэс. Вонэ отдинэ пэс лэ Иеговасти, ай най варисавя дилати. Кадэла христианоря на динэсас лэ Иеговасти алав, кай лэна тэ служын лэсти, кати важ кода, кай во тэ дэл лэнди варисави важно дила (Колоссянам 3:23). Вонэ на заваздэн о шэро и лошалэ тэ служын лэ Иеговасти котэ, каринг во лэн бишалэл. Вонэ отдинэ всаворэ пэстирэ пэрэжывании лэсти и ӷанэн, кай во заботийпэ пала лэндэ (1 Петра 5:6, 7). Кала амэ на заваздас о шэро, амэнди май вушэро тэ пэрэандярас о ԥаримос. А инке, если на заваздас о шэро, кодэлэстар драго най кати амэнди, но и кодэлэнди, ко паша амэндэ. Если амэ на заваздас о шэро, аврэнди драго тэ авэн паша амэндэ. Но май важно, кай через кода, кай амэ на заваздас о шэро, амэ ашас май пашэ каринг амаро небесно Дад. w19.09 6, 7, абз. 15—17

О Иегова приԥэндя лэ Давидости тэ хулаий най кати пэ пэско ери, но и по Израильско народо. Кай о царё Давидо сас бари власть. Дэкала во хулаияс най кадя, сар трэбуй и терэлас ошыбки (2 Самуила 11:14, 15). Но во дицолас, кай кандэлас лэ Иеговас, и парудёлас, кала лэсти ԥэнэнас, со во терэлас най кадя. О Давидо нисо на гаравэлас, кала дэлас дума лэ Иеговаса андэ молитва и росԥэнэнас, со лэстэ по ди. Во анда вся зор старыияспэ тэ терэл кадя, сар камэл о Иегова (Псалом 51:1—4). Кадяжэ во на заваздэлас о шэро и приашундёлас каринг и годявэрнэ алава, савэ сас най кати лэ муршэндар, но и лэ жувляндар (1 Самуила 19:11, 12; 25:32, 33). О Давидо сытёлас па пэстири дош. Важ лэстэ ӷлавно сас андэ жызня тэ служый лэ Иеговасти. О царё Давидо полэлас, саво лашимос анэн, кала кандэс лэ Иеговас. Драго дицол, ко кандэл лэ Иеговас, ай ко на кандэл лэс. Кодэла, ко кандэн лэс, «лэна тэ цыпин андо ди ла радостятар» (Исаия 65:13, 14). w19.09 17, 18, абз. 15; 19, абз. 21

Андо 1935 бэрш, лэ Иеговастирэ свидетеля линэ май драго тэ полэн, кай тэ тердён «англа престоло и англа Бакроро», фартэ бутэ манушэнди на трэбуй тэ авэн по нэбо. Дажэ пэ ԥув вонэ моӷут тэ тердён «англа престоло». Сар када тэ полас? И фартэ бут мануша тердён «англа престоло» тоди, кала вонэ прижанэн лэ Иеговастири власть и андэ вся лэс кандэн (Исаия 66:1). Кадяжэ кадэла мануша тердён «англа Бакроро». Сар када? Када, кала вонэ патян, кай о Иисусо отдя важ лэндэ пэстири жызня. Пала када андэ Матфея 25:31, 32 пистромэ, кай «всаворэ народоря», кадяжэ и найлашэ и холинатирэ мануша, «авэна стидэ» англа Иисусо, саво бэшэл пэ пэско фартэ шукарно престоло. Драго дицол, кай всаворэ народоря пэ ԥув, ай най по нэбо. Тоди драго стидэлпэ вся андо гиндо. Када росԥэнэн, васо, сар пистромэ андэ Библия, кодэла, пэр кастэ ԥэнэн и фартэ бут мануша на авэна по нэбо. Вечно жызня по нэбо авэла кай и ек ӷруппа мануша, када и 144 000, савэ «авэна тэ правин ла ԥувьяса» вмести лэ Иисусоса (Откровение 5:10). w19.09 28, абз. 9

О Иегова камэл, кай лэстирэ служытеля тэ мэкэн вся, со ужал андо Вавилоно Велико. Када най кати просто нисо амэндэ тэ на авэл, со исин андэ хохавнэ веры. Но амэнди инке трэбуй тэ тердювас пэ Иеговастири риг и састэс тэ ритярдювас андэ чачуни вера. Роздиқам дуй маменторя, сар амэ можэм када тэ стерас? Пэрво, када трэбуй састэс тэ ритярас лэ Иеговаско вужо законо, кай тэ на авэл билажавардимос. Амэнди нащи тэ пэрэлас кода, сар гиндон и со цэнин андэ люма, савяса правий о Сатана. Например, амэнди на чалёл и амэ никала на подритяраса любо билажавардимос. Кардэ ужал, кала жэнинпэ мурш муршэса, жувли жувляса и кадяжэ, ко андярэл пэс кадя, сар кадэла мануша (Матфея 19:4, 5; Римлянам 1:26, 27). Дуйто, када трэбуй и май дур тэ тэлювас лэ Иеговасти еқэҭанэ лэ ԥралэнца и лэ ԥэянца, и амэнди всаек, кай прожан и собрании, андо зало, кай тидэнпэ лэ Иеговастирэ свидетеля, чи па цэра, чи инке варикай чоралэс. Со бы тэ на терэлпэ, амэ на парашаса тэ стидаспэ еқэҭанэ, кай тэ тэлювас амарэ Дэвлэсти. Кадэла собрании куч важ амэндэ «важ кода кай диқас, кай пашол кодэва дес» (Евреям 10:24, 25). w19.10 15, 16, абз. 6, 7

О Иегова камэл, кай амэ тэ радосавас ла жызняти, и бут радость амэнди анэн и развличении. Андэ Библия пистромэ: «Нинай нисо важ о мануш май лашо, чем тэ хал, тэ пэл и тэ лошавэл кодэлэсти, со во стердя» (Экклезиаст 2:24). Но бутэ развличениендар, савэ исин андэ люма, лэндар терэлпэ фартэ найдраго. Вонэ анэн каринг кода, кай по билажавардимос и мануша диқэн, сар ԥэнэса, кадя и трэбуй, и дажэ любин кода, со на чалёл лэ Дэвлэсти. Амэ камас тэ любисарас и тэ кандас кати лэ Иеговас, важ када амэ нэ можэм тэ хас лэ «Иеговастирэ скаминдэстар» и лэ «скаминдэстар кай и бэнга» (1 Коринфянам 10:21, 22). Кала и мануша хан пала ек столо, када сыкавэл, кай машкар лэндэ исин дружба. Кала амэ витидас и развличении, андэ савэ исин, кай марэнпэ, бэнгалимос, билажавардимос, ай кадяжэ кода, со камэл и ӷрешно тила, тоди вижал амэ хас лэ Дэвлэстирэ вороӷонэнца кода, со вонэ гитосардэ. Кадэлэстар амэ терас найдраго най кати ек пэсти, ай инке хасарас и дружба лэ Иеговаса. w19.10 26, абз. 2; 29, 30, абз. 11, 12

Кай и балвал тэ поможый лэ моряконэнди, лэнди трэбуй тэ ӷанэн дуй маменторя. Пэрво, трэбуй тэ вижан андэ моря кордэ, кай ԥурдэл и балвал. Если о кораблё тердёл паша бэрэӷо дур ла балвалятар, во на сжала па ҭан. Дуйто, трэбуй тэ розмэкэн и парусоря кадя фартэ, пэ скати када можно. Дажэ если пэ моря исин балвал, о кораблё плавуия англэ кати посли кода, сар и парусоря астарэна и балвал. Кадя и амэндэ вижала тэ служысарас лэ Иеговасти кати тоди, если амэнди поможыя о свынто духо. Кай тэ авэл амэндэ кадэя помощь, амэнди трэбуй акэ со тэ стерас. Пэрво, амэнди трэбуй, можно тэ ԥэнэс, тэ авас андэ моря, кай ԥурдэл и балвал, када тэ терас и дила, пала сави диқэл лэ Дэвлэско духо. Дуйто, трэбуй па вся «тэ розмэкас пэстирэ парусоря», када тэ терас андэ служэния вся, со па амаро зор (Псалом 119:32). Тоди о свынто духо лэла тэ поможый амэнди тэ жас англэ через кода, кай ӷонин, и поможыя амэнди тэ ашаспэ верни андо ԥаримос. w19.11 9, абз. 8; 10, абз. 11

Андо послиднё дес пэ ԥув, лэ Иисусости сас фартэ ԥарэс по ди. Йто лэсти сас трэбуй тэ пэрэандярэл лэ найлашэ манушэндар бут ԥаримос и тэ мэрэл. Но май бут о Иисусо пэрэжывал пала авэр. Во фартэ любияс пэстирэ Дадэс и камэлас лэс тэ радуий. О Иисусо ӷанэнас, кала во виритярэла кадэва ԥаримос и на парашэла тэ кандэл лэ Дэвлэс, кадэлэса во доԥэнэна, кай лэ Дэвлэско алав чачуно. Кадяжэ о Иисусо любияс лэ манушэн и ӷанэнас, если во на парашэла тэ кандэл лэ Иеговас, тоди и мануша моӷут тэ аштярэн и вечно жызня. Хоть лэ Иисусости сас фартэ ԥарэс, лэстэ всаек вижыля тэ стерэл кадя, кай по ди тэ авэл спокойно. Лэстэ по ди сас спокойно. Во вся ӷанэнас и нисостар на даралас. Кацаво можэт тэ авэл лэ манушэстэ, савэстэ фартэ лащи дружба лэ Иеговаса. Кадэва миро поможысардя лэ Иисусости, кай по ди тэ авэл драго (Филиппийцам 4:7). Никасти андар мэндэ на прижалапэ тэ пэрэандярас кода, со пэрэандярдя о Иисусо (Матфея 16:24, 25; Иоанна 15:20). Но о ԥаримос авэла кай всаворэ лэстирэ ученикоря. Дэкала амэ кадяжэ можэм фартэ тэ пэрэжываем, сар варикала о Иисусо. w19.04 8, абз. 1—3

Авелоп драго тэ пушэс пэстар: «Ай мэ блаӷодарно, кай мэ андэ лэ Иеговастири арӷанизацыя?» Адес бут, со доԥэнэн, кай амэн подритярэл о Иегова. Амэндэ па чачимастэ исин, васо тэ блаӷодарисарас лэ Дэвлэс (1 Фессалоникийцам 5:18). Сар амэ можэм тэ сыкавас, кай подритярас лэ Иеговастири арӷанизацыя? Амэ трэбуй тэ терас кадя, сар сытярэл и Библия через амари литература, через и собрании и через и канӷрэсоря. А инке амэ сыкавас, кай подритярас лэ Иеговастири арӷанизацыя, кала бут росԥэнас важ о Дэл и сытярас лэ манушэн па Библия (1 Коринфянам 15:58). Амэ камас, кай лэ Иеговасти тэ чалён амарэ жэртвы. Амэ служысарас лэ Иеговасти, важ кода кай блаӷодарни лэсти. Амэ отдас лэ Иеговасти со май лашо, со амэндэ исин, важ кода кай амэ лэс анда вся оди любисарас. Амэ анда вся оди подритярас лэстири арӷанизацыя. Кадэлэса амэ сыкавас лэ Иеговасти, кай важ амэндэ бари бах тэ авас лэстирэ свидетеля! w19.11 25, абз. 17, 18

Со о Иисусо кадэлэса камля тэ ԥэнэн? Канешно, най кода, кай амэ можэм тэ терас чуда, сар во. Во ԥэндя, кай амэ май бут ласа тэ росԥэнас важ о Дэл и тэ сытярас лэ манушэн, кай тэ ашэн лэстирэ ученикоря, чем во. Амэндэ вижала тэ росԥэнас важ о Дэл андэ май бари тиритория и май бутэ манушэнди, и май бут время. Если ту терэс пэ бути, пуш пэстар: «Дэн дума важ мандэ, кай мэ драго терав бути чи най? Стерав мэ бути, кала трэбуй и драго терав ла чи най?» Если ту ԥэндян «да», када сыкавэла, кай ту домардёса кода, кай кодэва, ко дэл тути бути, лэла тэ патял тути май фартэ. Ай инке кодэла, ко терэн туса пэ бути, лэна май драго тутар тэ ашунэн и лащи весть. Акана пуш пэстар акэ со: «Дэн дума важ мандэ, кай мэ драго росԥэнав важ о Дэл и драго сытярав лэ манушэн па Библия? Драго мэ ӷотовлюсь, кай тэ дав дума лэ манушэнца чи най? Мэ сразу жав кодэлэндэ, ко закамля май бут тэ уӷанэн важ о Дэл чи най? Мэ служысарав андэ разно служэния чи най?» Если ту ԥэндян «да», када сыкавэл, кай кадэя дила анэна тути радость. w19.12 5, 7, абз. 14, 15

Хулай и хулаи, савэ закамлэ бэятонэн, трэбуй тэ подэн дума ек еқэса пала дуй важни вопросоря. Кала вонэ камэн бэятонэн и скати? Кала пала када фэдэр тэ погиндос? И васо када важно? Драго авэла пала када тэ погиндон жы каринг о ябьяв. Васо? Фартэ важно, кай вонэ лэдуй кадя тэ гиндон. Кадяжэ кодэла, ко найдэлмут жэнисайлэ, трэбуй тэ полэн, ӷотови вонэ каринг кода, кай лэндэ тэ авэн бэяцэ чи най. Дэсавэ, ко найдэлмут жэнисайля, закамлэ тэ подаштярэн бэрш чи дуй посли ябьяв, кай лэндэ тэ авэн бэяцэ. Васо? Важ кода кай лэ бэятонэнди трэбуй бут время и зор, ай вонэ пока камэн тэ присытён ек аврэстэ. w19.12 23, абз. 4, 5

Бут лэ Иеговастирэ служытеля па вся и ԥув пэрэандярэн ԥаримос, саво анэн лэнди бут пэрэжывании и кадяжэ дук. Варико пэрэандярэл ԥаро насвалимос. Ай варикастэ и смэрть заля пашутнэ манушэс. Варикасти фартэ ԥарэс кодэлэстар, кай варико анда ери или кучутно мануш парашэля тэ служый лэ Иеговасти. Ай варикасти прижалпэ тэ пэрэандярэл о ԥаримос через и бида, сави терэлпэ андэ природа. Всаворэнди кадэлэ ԥралэнди и ԥэянди трэбуй, кай лэн тэ подритярэн. Сар амэ можэм лэнди тэ поможысарас? Амэ можэм тэ ашас важ лэндэ лашэ друӷонэнца. И друӷоря, савэ на ашавэн, жан бут пэр со через амэндэ. Вонэ отдэн пэско зор и время. Роздиқам ек примеро. Кай о ԥрал, савэс ақарэн Питеро, виарақлэ насвалимос, саво на виличийпэ. Лэстири хулаи и Кэтрин, росԥэнэн: «Ек ери анда амари собрания андярдэ амэн каринг о врачо. Котэ амэ уӷанглям пала насвалимос, саво кай о Питеро. Кодэва ԥрал и ԥэй котэ жэ ԥэндэ амэнди, кай вся и время авэна паша амэндэ, и подритярэна амэн, кала о Питеро лэла тэ личийпэ. Вонэ ԥэндэ, кай амэ можэм тэ надеисавас пэр лэндэ, и вонэ авэна амэнца андэ любо время». Сави када бах, кала исин лашэ друӷоря, савэ на ашавэн и поможын тэ пэрэандярас о ԥаримос! w20.01 8, абз. 1; 9, абз. 5; 10, абз. 6

Погиндон, ԥэнэса, тумэ машкар лэ Иисусостирэ ученикоря, савэ стидэпэ андэ Пятидесятница 33 бэрш И. Х. андэ упруни комната. Тумэ фартэ патяёп, кай када о Дэл помазал тумэн свынтонэ духоса (Деяния 2:5—12). Всаворэ чи най памазаникоря кадя удивительно получисардэ и помазания? Най. Подам дума пала кода, кала о мануш можэт тэ ашэл памазанико? Най всаворэ христианоря ашэнас памазаникоря, кала болдёнас. Кодэла ученикоря, пала савэ амэ дям дума, сас най екжэнэ, пэр кастэ сжыля о свынто духо, андэ кодэва дес. Посли када андэ кадэва жэ дес свынтонэ духоса сас помазани инке варикай 3 000 мануша. О свынто духо сжыля пэр лэндэ, кала вонэ болделэ (Деяния 2:37, 38, 41). Пэ самаритяноря сжыля о свынто духо, кала прожыля варисави время, посли кода, сар вонэ болделэ (Деяния 8:14—17). Ай по Корнилиё и лэско родо сжыля о свынто духо жы каринг кода, сар вонэ болделэ. Кацаво сас пэрво разо (Деяния 10:44—48). w20.01 20, 21, абз. 2—4

Кати андэ Евангелия варикай 200 разоря о Иисусо ԥэнэнас по Иегова Дад. Васо кадя бут? Важ кода кай и мануша тэ патян, кай о Иегова па чачимастэ Дад, саво любий (Иоанна 17:25). Со амэ уӷанас пала о Иегова анда кода, сар во полэлас пэстирэ Шавэс, лэ Иисусос? О Иегова вся и время ашунэлас лэ Иисусостирэ молитвы. Во най кати ашунэлас, но и дэлас атвето пэр лэндэ (Иоанна 11:41, 42). Саво бы тэ на авэл ԥаримос кай о Иисусо, во вся и время полэлас, кай лэско Дад лэс любий и дэл зор (Луки 22:42, 43). Сар любящё Дад, о Иегова ԥэндя лэ Иисусости, кай во вся и время лэла тэ подритярэл лэс (Матфея 26:53; Иоанна 8:16). О Иегова на фэрияс лэ Иисусос всаворэстар, состар лэсти авелоп найдраго. Но во дя лэсти зор, кай во тэ виритярэл вся о ԥаримос. О Иисусо ӷанэнас, кай о ԥаримос на авэла вся и время (Евреям 12:2). О Иегова драго сыкавэлас, кай любий лэ Иисусос. Во лэс виашунэлас и заботияспэ пала лэстэ, сытярэлас и подритярэлас лэс (Иоанна 5:20; 8:28). w20.02 3, 5, абз. 6, 7, 9

Англа кода, сар тэ терас варисо, амэнди трэбуй тэ погиндосарас, сар пэ кода, со амэ терас, диқэна авэр мануша, особенно амарэ ԥрала и ԥэя. Амэ на камас никала тэ авас кацавэ, кай через амэндэ, варико можэт тэ змардёл па правильно дром (Марка 9:42). Инке амэ на камас, кай тэ авэл найдраго по ди кодэлэндэ, ко на патял амэнца андэ ек Дэл. На трэбуй лэнца тэ спорисавас и тэ асаспэ кодэлэстар, со вонэ терэн. Кода, кай амэ любисарас лэн, поможыя амэнди тэ дас дума пативалэс и тэ прославляем лэ Иеговас. Сар амэ любисарас амарэ вороӷонэн, амэ дажэ можэм тэ ковлярас лэнго ди. Росԥэнэн аврэнди, кай тумэ лэ Иеговастирэ свидетеля (Исаия 43:10). Кала холявэл тумаро родо чи кодэла, кас тумэ ӷанэн, тумэнди авэла май вушэро, кала ԥэнэна, кай тумэ кандэн лэ Иеговас. Давайте никала тэ на лажас тэ зашаспэ пала чачимос! (Римлянам 1:16). w19.04 17, 18, абз. 14—16

О апостоло Павло на сас, сар и 12 апостолоря, савэ служынас лэ Иисусоса, кала во сас пэ ԥув. О Павло ашэля христианино посли кода, сар о Иисусо муля и рисайля каринг и жызня. Кала прожыля время, о Павло ашэля «апостоло важ авэр народоря». Но во никала на сас ек анда кодэла, ко ужалас андэ 12 апостолоря (Римлянам 11:13; Деяния 1:21—26). О Павло на завидуияс лэнди, кай вонэ сас фартэ пашэ лэ Иисусоса. Во цэнияс кода, со лэстэ сас. Кала амэ на гиндосарас пала пэстэ бут и цэнисарас кода, со амэндэ исин, тоди амэ терас, сар о Павло и стас патив пэ власть, сави о Иегова дя аврэнди (Деяния 21:20—26). О Иегова камэл, кай пала собрания тэ диқэн и ԥрала, савэн витидэ важ кадэя дила. И хоть вонэ найсовершэни, о Иегова лэн дя, сар лэ «манушэн, савэ, сар подаркоря» (Эфесянам 4:8, 11). Кала амэ стас патив пэ кадэла мануша и кандас лэн, амэ на хасараса и лащи дружба лэ Иеговаса и кадяжэ лэ ԥралэнца и лэ ԥэянца. w20.02 17, 18, абз. 13, 14

Ту инке на диқлянаспэ лэ Иеговастирэ свидетелёнэнца, ай ужэ стосас патив пэ Библия. И ужэ любисас лэ Иисусос. Ай кала уӷанглян лэ Иеговастирэ свидетелёнэн, тути чалеля лэнца тэ дэс дума. Хоть тути када вся чалёлас, када на сыкавэл, кай ту закамэса тэ дэс алав лэ Иеговасти тэ жувэс важ лэстэ и тэ болдёс. Ӷлавно, васо ту трэбуй тэ закамэс тэ болдёс, када, кай любис лэ Иеговас. Если ту любис лэ Иеговас со май фартэ пэ люма, ту на домэкэса, кай варисо чи варико тэ на дэл тути тэ служыс лэсти. И любовь каринг о Иегова, када сар и вороты, савэ ԥэрнадён каринг о дром, кай тэ болдёс. Кадя жэ и любовь, сар о заборо, саво фэрий, кай тэ на змардёс па лэ Дэвлэско дром и тэ на парашэс тэ кандэс лэс. О Иисусо ԥэндя, кай амэ трэбуй тэ любисарас лэ Иеговас всаворэ одеса, всаворя жызняса, всаворя годяса и всаворэ зорэса (Марка 12:30). Сар тэ сытювас кадя тэ любисарас лэ Иеговас? Кала гиндосараса, сар фартэ амэн любий о Иегова, тоди амэ ласа лэс фартэ тэ любисарас. w20.03 4, абз. 4, 5

Сар када, тэ служысарас лэ Дэвлэсти май бут? Амэнди трэбуй тэ терас вся, кай тэ росԥэнас и тэ сытярас лэ манушэн лэ чачимасти анда Библия. Важ о Иегова важно най скати амэ служысарас лэсти, ай васо амэ када терас. Амэ анда вся оди участвуем андэ христианско служэния, важ кода кай любисарас лэ Иеговас и кодэлэн, ко паша амэндэ (Марка 12:30, 31; Колоссянам 3:23). Ай со када тэ служысарас лэ Иеговасти анда вся оди? Када сыкавэл, кай тэ отдас вся пэско зор, кай май драго тэ терас и дила, сави во амэнди дя. Если вой важ амэндэ куч, тоди ласа тэ росԥэнас и лащи весть везде, кай кати можно. Можэт на хутилэл время, кай май бут тэ росԥэнэс важ о Дэл. Но кадэя дила тути фартэ чалёл. Ту старыиспэ тэ сытёс, кай тутэ када тэ вижал май драго и тэ росԥэнэс и лащи весть кадя, кай тэ лэл лэ манушэн лэ одестар. И хоть тутэ бут дила, ту всаек гиндос, сар тэ стос пэ пэрво ҭан и служэния? w19.04 2, 3, абз. 3, 6

Лэ Сатанаско хохаимос терэл лэ манушэнди тэ авэл инке май ԥарэс, кала лэндэ биды. Дэкала лэ родителёнэнди, кастэ муля о бэято, ԥэнэн, кай лэс заля о Дэл, кай по нэбо тэ авэл инке ек анӷелочко. Ашэл кадэлэ хохаимастар и бида май вушэро или вой ашэл инке май ԥари? Через о хохаимос пала адо, варикала сԥабарэнас кодэлэн, ко на патялас андэ католическо қандири. Кадэлэса, кодэла, ко сԥабарэнас лэ манушэн, камэнас тэ ԥэнэн, кай кадя камэл о Дэл. Андэ книжка пала испанско инквизицыя пистромэ, васо дэсавэ сындомаря сԥабарэнас кодэлэ манушэн. Вонэ патянас, кай кодэла, кас вонэ сԥабарэн, полэна, со када тэ ԥабон андо адо и тэ каинпэ англа пэстири смэрть. Андэ авэр страны и мануша тэлён пэстирэ ԥурэнди, савэ мулинэ, полэн лэн и камэн, кай вонэ лэн тэ блаӷословин. Ай авэр роздэн о хамос, стон мисяйля, кай тэ помэнин, кай тэ на холярэн лэ мулэн. Кадэлэ лэ Сатанастирэ хохаимастар, савэсти вонэ сытярэн, на ашэл май вушэро по ди. Вонэ кати терэн май бут тэ авэл пэрэжывания и дар. w19.04 14, абз. 1; 16, абз. 10