Сентябрё

Если о Иегова и о Иисусо вся и время терэн дила, сыкавэл када, кай и амэ на трэбуй тэ отцыювас? Най. О Иегова никала на цыёл, и важ када тэ отцыёл лэсти на трэбуй. Андэ Библия пистромэ, кала о Иегова терэлас о нэбо и ԥув, во «парашэля тэ терэл дила и ля тэ отцыёл» (Исход 31:17). Но када, файма, сыкавэл, кай о Иегова будэр на ля нисо создавать и лэсти чалёлас кода, со во ужэ стердя. Кала о Иисусо сас пэ ԥув, лэсти трэбуй сас бут со тэ стерэл. Но во виарақэлас время тэ хал, тэ пэл и тэ отцыёл лэ друӷонэнца (Матфея 14:13; Луки 7:34). И Библия сытярэл пэстирэ служытелёнэн тэ терэн дила и тэ на авэн лениви (Притчи 15:19). Бут андар мэндэ терэн бути, кай лэ ерестэ тэ авэл вся, со трэбуй. И инке амэ, сар лэ Христостирэ ученикоря, терас дила, кала росԥэнас лащи весть. Но амэ всаек на обжаспэ би кодэлэско, кай драго тэ отцыювас. w19.12 2, 3, абз. 2, 4, 5

На росԥэнэн и дума пала бэнга. Амэ камас тэ терас сар о Иисус Христос. Жы каринг кода, сар тэ авэл пэ ԥув, во жувэлас по нэбо, и важ када во бут со ӷанэнас пала Сатана и пала бэнга. Но о Иисусо на росԥэнэнас и думы, со терэнас и бэнга. Во камэлас тэ росԥэнэн важ о Иегова, ай най важ о Сатана. Кала амэ терас, сар о Иисусо, амэ на ласа тэ росԥэнас думы пала бэнга. Мэк па амари дума дицол, кай амаро ди, «лошавэл шукарнэ алавэсти», важ о чачимос (Псалом 45:1). На даран лэ бэнгэндар. Андэ кадэя найсовершэно люма амэнца можэт тэ терэлпэ варисо найлашо. Када можэт тэ авэл насвалимос чи кала варисо терэлпэ, чи мэрэл о мануш. На трэбуй тэ гиндосарас, кай андэ вся дошалэ и бэнга. Сар пистромэ андэ Библия, кажно можэт тэ авэл най андэ кодэя время и най пэ кодэва ҭан (Экклезиаст 9:11). Сар бы тэ на авэл, о Иегова пэ бутэстэ май зорало лэ бэнгэндар. w19.04 23, 24, абз. 13, 14

Трэбуй и старейшыноря тэ жан андэ ваздии, если тердяпэ кацаво нахально билажавардимос лэ бэятоса, если када трэбуй па законо андэ кодэя страна, андэ сави вонэ жувэн? Да. И старейшыноря терэн кадя, сар трэбуй па законоря и росԥэнэн лэ ранди пала кацавэ случаёря. Кацавэ законоря на жан против лэ Дэвлэско законо (Деяния 5:28, 29). Важ када, кала и старейшыноря уӷанэн, кай лэ бэятоса тердэ нахально билажавардимос, вонэ сразу дэн дума пэстирэ филиалоса, кай тэ полэн, со лэнди трэбуй тэ терэн, кай тэ авэл кадя, сар па законо андэ лэндири страна. И старейшыноря росԥэнэн кодэлэнди, каса нахально тердэ билажавардимос, лэндирэ родителёнэнди и аврэ манушэнди, савэ ӷанэн пала када, кай лэндэ исин право тэ жан андэ ваздии и тэ росԥэнэн пала кода, со тердяпэ. Ай со, если о мануш, саво дошало, анда собрания и пала кадэя дила бут ко ӷанэн? О христианино на трэбуй тэ гиндой, кай во позорит лэ Дэвлэско алав, кай жыля андэ ваздии. Позорит лэ Дэвлэско алав кодэва, ко тердя нахально билажавардимос лэ бэятоса. w19.05 10, 11, абз. 13, 14

Лэ Дэвлэско Алав сытярэл, кай о хулай и хулаи трэбуй тэ стон патив ек пэ ек и тэ зритярэн пэско алав, саво динэ ек еқэсти, кала жэнинаспэ. Андэ Библия пистромэ, кай о хула́й и хулаи тэ на ашавэн ек аврэс. Андэ Бытие 2:24 пистромэ: «О мурш ашавэла пэстирэ дадэс и пэстиря да и прилипияпэ каринг пэстири хулаи и вонэ ашэна, сар ек тила». Ай андэ кадэва миро гиндон па аврятэ. Спэрва о мануш трэбуй тэ гиндой кати пала пэстэ. Андэ ек книжка важ и разводоря пистромэ: «Дэкала пэ ябьява, кала о тэрно и тэрни дэн алав ек еқэсти, вместо алава „пока и смэрть на роздилия амэн“ линэ тэ ԥэнэн: „Пока на парашаса тэ любисарас ек еқэс“». Через кода, кай найсерьёзно диқэн по брако, бут касти ԥаглэ и жызня и ашэлэ май бут еря, савэ росжылэпэ. Кода, сар диқэн андэ кадэва миро по брако, када дилимос. w19.05 24, абз. 12

О Павло пэрэжывал, кай пэ дэсавэ христианоря влияли и гиндоря и кода, со ашундёл андо миро, савэса правий о Сатана (Эфесянам 4:17—19). Варисо кацаво можэт тэ авэл и амэнца. О Сатана камэл тэ одындярэл амэн лэ Иеговастар и во терэл када через разни ловушки. Например, во можэт тэ заманий кодэлэса, кай амэ фартэ любисарас корко пэс и камас, кай пар мэндэ тэ шон май бут сама. Кай тэ залас лэстири риг, во можэт тэ обхохавэл амэн дажэ через кода, сар амэн барярдэ, со за амэндэ образования и сави культура. Ай можэм амэ тэ стерас кадя, кай амэндэ тэ на авэн и найлашэ гиндоря, савэ идоси састэс ритярдён? (2 Коринфянам 10:4). Шон сама пэ кода, со пистросардя о Павло: «Амэ отшас и найлашэ гиндоря и розмарас вся, со на домэкэл лэ манушэн тэ уӷанэн лэ Дэвлэс. Амэ лас кажно гиндо андо плено, кай о гиндо тэ авэл кандино лэ Христости» (2 Коринфянам 10:5). Да, лэ Иеговастирэ зорэса амэ можэм тэ отшас люби найлашэ гиндоря. w19.06 8, 9, абз. 1—3

Кала сас бари пэрэжывания, и Анна, о Давидо и о псалмопевцо бандёнас каринг о Иегова, кай во тэ поможый лэнди. Вонэ росԥэнэнас лэ Дэвлэсти, со лэндэ по ди андэ молитва. Анда вся оди вонэ росԥэнэнас лэсти, васо лэнди кадя ԥарэс. Када дэлас лэнди зор и вонэ на парашэнас тэ ԥирэн андэ лэско цэр (1 Самуила 1:9, 10; Псалом 55:22; 73:17; 122:1). Кажнонэс андар лэндэ о Иегова полэлас и жалуияс. Кай и Анна ашэля вушэро по ди (1 Самуила 1:18). Ай о Давидо пистросардя: «Бут ԥаримос кай о праведнико, но Иегова вся када улэла лэстар» (Псалом 34:19). Ай о псалмопевцо поля, кай о Иегова ритярэлас лэс пала право вас, кала ковлэс лэсти подԥэнэнас (Псалом 73:23, 24). Сости амэн сытярэн кадэла примероря? Андэ амари жызня можэт тэ авэл ԥари время. Но амэ вся виритяраса, если ласа тэ мангаспэ каринг о Иегова, тэ кандас лэс и тэ гиндосарас пала кода, сар во поможыяс аврэнди (Псалом 143:1, 4—8). w19.06 17, 18, абз. 14, 15

Со бы тэ на дэн дума, и со бы тэ на терэн и мануша, никала на лажан, кай тумэ лэ Иеговастирэ свидетеля (Михея 4:5). Погиндон, со терэнас и апостолоря андо Иерусалимо посли кода, сар и иудеёря умардэ лэ Иисусос. И апостолоря ӷанэнас, сар фартэ лэн вэрыцын и иудейски барэ мануша анда вера (Деяния 5:17, 18, 27, 28). Вонэ всаек кажно дес на парашэнас тэ ԥирэн андо храмо и росԥэнэнас и лащи весть пала Иисусо, и на даранас тэ ԥэнэн, кай вонэ лэстирэ ученикоря (Деяния 5:42). Вонэ на подэнаспэ ла дарати. Амэ кадяжэ можэм тэ биросарас и дар англа мануша, если смило ԥэнас кодэлэнди, каса терас бути, чи каса сытювас андэ ек класо чи лэ сосидонэнди, кай амэ лэ Иеговастирэ свидетеля (Деяния 4:29; Римлянам 1:16). Хоть лэ апостолонэн вэрыцынас, вонэ всаек сас лошалэ. Вонэ ӷанэнас, васо лэнца кадя обжанаспэ, и абуронас кодэлэса, кай пэрэандярэн о ԥаримос важ кода, кай терэн лэ Иеговастири дила (Луки 6:23; Деяния 5:41; 1 Петра 2:19—21). Амэн кадяжэ вэрыцын, важ кода кай амэ терас правильно. Кала амэ пала када сэрас, амэ никала на парашаса тэ служысарас лэ Иеговасти. w19.07 6, 7, абз. 19, 20

О Иисусо и лэстирэ ученикоря, савэ сас иудеёря, ритярэнас и суббота, важ кода кай жувэнас па лэ Моисеёско законо. Но о Иисусо сыкадя, кай и суббота трэбуй тэ ритярэн годявэрнэс и кай андэ кадэва дес можно тэ поможыс аврэнди (Матфея 12:9—11). Во на гиндояс, кай ла лащя диласа можэт тэ римой о законо важ и суббота. Па кода, со во терэлас, дицолас, кай во полэл, васо о Дэл дя пэстирэ народости тэ ритярэн и суббота. Када, кала вонэ отцыёнас ла бутятар, сави терэнас кажно дес, вонэ моӷли тэ гиндон кати пала кода, кай тэ тэлён лэ Дэвлэсти. О Иисусо вибареля андо ери, андэ саво в субботу ашавэнас вся и тэлёнас лэ Иеговасти. Анда кода, со терэлас о Иисусо, можно тэ полэс, со сас лэса андэ лэско форо. Андэ Евангелия лэ Лукастар, амэ адиносарас: «О Иисусо авеля андо Назарето, кай вибареля и сар обычно, андэ суббота, зажыля андэ синагога и терделя, кай тэ адиной» (Луки 4:15—19). Лэ Иисусостирэ ученикоря тожэ фартэ полэнас о законо пала суббота. Вонэ дажэ на линэ тэ пригитон и чаря, савэ драго пахнут и вулея, савэ трэбуй слинэ, кай тэ гаравэн лэстири тила, пока нэ закончился о субботнё дес (Луки 23:55, 56). w19.12 4, 5, абз. 10

Кажно христианино трэбуй тэ поможый тэ родэл кодэлэс, ко камэл тэ ашэл лэ Христоско ученико. Кадэя дила можно тэ ԥэнэс шолпэ пэ кода, кала родэн лэ бэятос, саво хасарделя. Акэ со сас, кала хасарделя бэято, савэсти трин бэрш. Лэс родэнас почти 500 мануша. Прожылэ 20 часоря, сар ек андар лэндэ виарақля лэ бэятос пэ мал андэ кукуруза. Кодэва мануш на ԥэндя, кай када во виарақля лэ бэятос, и важ када во ԥэндя: «Сас трэбуй фартэ бут мануша, кай тэ виарақас лэ бэятос». Бут мануша шонпэ пэ кодэва бэято. Лэндэ андо ди кацаво, ԥэнэса, вонэ хасарделэ. Лэндэ нинай нисаво лашимос тэ аштярэн англэ, но вонэ камэн, кай лэнди тэ поможын. Кацавэ манушэн родэн май бут чем 8 милионоря лэ Иеговастирэ свидетеля. Можэт ту инке на арақлян кодэлэс, ко камэл тэ сытёл па Библия. Но кай авэр вазвещятеля, савэ котэ жэ росԥэнэн важ о Дэл, кай и ту, када вижыля. Кала о ԥрал или и ԥэй виарақэн кодэлэс, ко камэл тэ ашэл лэ Христоско ученико, лошавэн всаворэ, кай када всаворэндири дила. w19.07 16, 17, абз. 9, 10

О апостоло Павло ԥэндя лэ христианонэнди андэ Филиппы, кай вонэ трэбуй тэ на парашэн тэ прастэн, саво бы ԥаримос тэ на авэл. Кала ашэля филиппийско собрания, лэн линэ тэ ӷонин. Вся заляпэ кодэлэстар, кала варикай андо 50 бэрш лэ И. Х., о Павло и о Сила жылэ тэ терэн и дила, сави дя лэнди о Дэл андэ Македония и андэ Филиппы (Деяния 16:9). Котэ вонэ диқлэ манушня, савя ақарэн Лидия, сави лэн виашундя. «О Иегова ԥэрнадя лако ди», и вой приля лащи весть (Деяния 16:14). Прожыля набут время, вой и кодэла, ко жувэнас андэ лако цэр, болделэ. Но о Бэнг на хасарэлас евья и время. И мануша линэ лэ Павлос и лэ Силас, андярдэ каринг о форицко правителё и хохадэ пэр лэндэ, кай вонэ никасти на дэн покоё. Лэн мардэ, бэшардэ андо баруно, ай посли када приԥэндэ тэ вижан анда форо (Деяния 16:16—40). Но вонэ всаек на умэклэ и вас. Ай со можно тэ ԥэнас пала ԥрала и ԥэя андэ нэви собрания? Вонэ кадяжэ на сдэнаспэ. Лэн подритярдя кода, со сас лэ Павлоса и лэ Силаса. w19.08 2, абз. 1, 2

Андэ лашэ плодоря, ужанас любовь каринг о Иегова и каринг лэско народо, ай кадяжэ тэ росԥэнэнас аврэнди пала пэстири вера андо Иисусо и пала лашимос, саво авэла англэ. Амэ анас «лашэ плодоря», если стас вся пэско зор андэ важно дила, кай и мануша тэ авэн ученикоря (Матфея 28:18—20). Амэ можэм тэ светисарас, «сар свето андэ люма», со бы тэ на авэл андэ амари жызня. Дэкала кода, со амэн на домэкэл тэ росԥэнас и весть, наоборот поможый. Сэрэн, со сас лэ апостолоса Павлоса. Во пистрояс письмо лэ филиппийцонэнди, кала сас тала домашнё аресто андо Римо. Но и цэпоря на уритярэнас лэс кодэлэстар, кай тэ на росԥэнэн и лащи весть лэ халавдэнди и кодэлэнди, ко лэстэ авэлас. Андэ кадэя ԥари время о Павло анда вся оди служыяс, и када дэлас лэ ԥралэнди о зор и смилость, кай и вонэ тэ на даран тэ росԥэнэн, со пистромэ андэ Писания (Филиппийцам 1:12—14; 4:22). w19.08 12, 13, абз. 15, 16

Само ӷлавно, васо амэ старысавас тэ на заваздас о шэро, када, кай тэ радосарас лэ Иеговас. О апостоло Пётро росԥэндя пала када и кадэла алава пистромэ андо стихо по дес. Акэ со пистромэ пала кадэла алава андэ книжка «Приходи и следуй за мной» андо 3 ӷлава андо 23 абзацо: «Кала о мануш заваздэл о шэро, када сар ядо, саво можэт тэ умарэл. Дажэ само лашэ манушэн, и ӷордость можэт тэ стерэл, кай вонэ на ашэна нисо англа Дэл. Ай кала на заваздэн о шэро, када зваздэл лэ манушэс кадя, кай само би шуто самако мануш ашэл фартэ куч важ о Иегова. [...] О Иегова вивазгля лэ Иисусос, важ кода кай во на завазгля о шэро. Амаро бахтало Дэл авэла лошало тэ дэл и тути лашимос». Нинай нисо май лашо, чем тэ радуис оди амарэ небеснонэ Дадэско лэ Иеговаско! (Притчи 23:15). Если амэ старысавас тэ на заваздас о шэро, када дэл радость най кати лэ Иеговасти, но и амэнди. И мануша цырдэнпэ каринг кодэла, ко на заваздэл о шэро. Кай тэ полэс васо, трэбуй пэс тэ стос пэ лэнго ҭан (Матфея 7:12). w19.09 4, абз. 8, 9

И старейшыноря на жалуин пэско зор, кай тэ поможын лэ ԥралэнди и лэ ԥэянди. Вонэ полэн, кай и власть, сави лэнди динэ, када най важ кода, кай тэ авэн май лашэ аврэндар. И старейшыноря драго обжанпэ всаворэнца андэ собрания (1 Фессалоникийцам 2:7, 8). Андэ лэндирэ алава дицол и любовь, и кай на заваздэн о шэро. Акэ со росԥэнэн о Тавричано, саво ужэ бут бэрша служый старейшынаса: «Мэ шутэм сама, кала любис лэ ԥралэн и лэ ԥэян и дэс дума лэнца анда оди, када лэл лэн лэ одестар и вонэ камэн май бут тэ терэн и дила лэ старейшынонэнца». О Шурмано, саво дэлмут служый старейшынаса, росԥэнэн: «Мэ старысавав тэ терав кадя, сар запистромэ андэ Филиппийцам 2:3. Мэ вся и время сэрав, кай трэбуй тэ гиндосарав, кай авэр май лашэ мандар. Када поможый манди тэ на застависарав лэ манушэн тэ терэн кадя, сар мэ камав». Лэ старейшынонэнди трэбуй тэ на заваздэн о шэро и тэ сытён андэ када лэ Иеговастар. Хоть во Хулай пэ вся Люма, во «тэлёл», кай «тэ ваздэл лэ чорорэс анда прахо» (Псалом 113:6, 7; 18:35). Мануша, савэ заваздэн о шэро, гряца лэ Иеговасти (Притчи 16:5). w19.09 16, 17, абз. 11, 12

Кай тэ авэл май вушэро по ди, кала амэ тала лэ Иисусоско ӷамо, амэнди трэбуй правильно тэ диқас пэ служэния. Амэ терас лэ Иеговастири дила, и важ када трэбуй ла тэ терас кадя, сар во камэл. О Иегова амаро Ӷосподино и амэ лэса терас ек дила (Луки 17:10). Если амэ камас тэ терас лэстири дила па пэстирятэ, кадэлэстар амари жызня авэла май ԥари. Кала амэ кандас лэ Иеговас, амэндэ вижала тэ стерас кода, со дажэ най па амаро зор, и тэ пэрэандярас любо ԥаримос. На бистрэн, кай ни кастэ нинай кацаво зор, кай тэ терэл кадя, кай амэ тэ на терас кода, со камэл о Дэл (Римлянам 8:31; 1 Иоанна 4:4). Амаро гиндо, када тэ прославляем амарэ любящёнэ Дадэс, лэ Иеговас. Андэ пэрво вико сас кодэла, ко авэнас каринг о Иисусо. Вонэ камэнас кати варисо лэстар тэ лэн и сас жадни, но йто умэклэ и вас, и отԥэнделэ тэ лэн пэр пэстэ лэ Христоско ӷамо (Иоанна 6:25—27, 51, 60, 66; Филиппийцам 3:18, 19). Ай кодэла, кастэ сас чачуни любовь каринг о Дэл и каринг и пашутнэ мануша, сас лошалэ тэ терэн дила тала кадэва ӷамо вся пэстири жызня пэ ԥув и надеинаспэ май дур тэ служын по нэбо. Кала амэ служысарас, важ кода кай любисарас, амэ кадяжэ аваса лошалэ тэ служысарас тала лэ Христоско ӷамо. w19.09 20, абз. 1; 24, 25, абз. 19, 20

Погиндон, саво лашимос тумэндэ исин, кай тумэ свободни лэ хохаимастар, савэсти сытярэн андэ хохавнэ веры. Скати лашимос анэн кацави свобода! Май англэ амэндэ инке май бут авэла свобода. Ужэ фартэ йто о Иисусо розмарэла и хохавнэ веры и найлашэ лэ манушэндирэ правлении. О Дэл фэрия пэстирэ служытелёнэн, пэр кастэ ԥэнэн и «фартэ бут мануша» и дэла лэнди лащи наӷрада, када тэ жувэн андо раё пэ ԥув (Откровение 7:9, 14). О Дэл рия каринг и жызня бутэн манушэн. Вонэ ужэ авэна свободни лэ бэзэхэстар, саво пэрэдяпэ лэ Адамостар (Деяния 24:15). Андэ кодэя время, кала о Иисусо и памазаникоря правина Тысяча бэрш, вонэ поможына всаворэ манушэнди тэ авэн зоралэ и тэ авэл лэндэ лащи дружба лэ Дэвлэса. Сар лэ израильтянонэнди дэнас свобода андо особенно бэрш, кадяжэ всаворэ лэ Иеговастирэ служытеля пэ ԥув, савэ на парашэн лэс тэ кандэн, освободинапэ лэ бэзэхэстар и авэна совершэни. w19.12 12, 13, абз. 14—16

О Иосифо (пэ саво ԥэнэнас Варнава), сас щедро мануш, саво жувэлас андэ пэрво вико лэ И. Х. Во отдя пэс лэ Иеговасти, кай во тэ терэл через лэстэ дила (Деяния 4:36, 37). Кала о Павло ашэля христианино, бут ԥрала даранас лэстар, важ кода кай варикала во фартэ ӷонияс лэ христианонэн. И катэ лэсти тэ поможый авеля лашо мануш о Варнава (Деяния 9:21, 26—28). Посли кода и старейшыноря анда Иерусалимо закамлэ тэ подритярэн лэ ԥралэн андэ дурутни сирийско Антиохия. Кас вонэ кордэ бишалдэ? Лэ Варнавас! И драго тердэ. Амэ адиносарас, кай о Варнава «ля тэ подритярэл всаворэн тэ на парашэн тэ кандэн лэ Дэвлэс и тэ авэн смили» (Деяния 11:22—24). Кадя жэ и акана о Иегова можэт тэ поможый кажнонэсти амэнди тэ ашас важ и ԥрала и ԥэя, кацавэ манушэса, «саво терэл май вушэро по ди». Например, через амэндэ во можэт тэ подритярэл кодэлэн, кастэ муля варико чачо. Или тэ бишалэл амэн тэ жас кодэлэстэ, ко насвало чи касти ԥарэс, кай тэ подритярас лэн лашэ алавэнца, ай можэт тэ позвонисарас варикасти. Домэкэна тумэ, кай через тумэндэ о Иегова тэ терэл кацави лащи дила, сар варикала тердя через о Варнава? (1 Фессалоникийцам 5:14). w19.10 22, абз. 8

Кала бут время терас дила лэ ԥралэнца и лэ ԥэянца, амэ уӷанас най кати ек и лашэ качестворя, ай инке и кода, со вонэ терэн най кадя. Со тоди трэбуй тэ терас? Амэ нэ можэм тэ аштярас лэ ԥралэндар и лэ ԥэяндар, кай вонэ тэ авэн совершэни. Важ када, кала амэ ужэ дружысарас варикаса, амэ трэбуй тэ фэрисарас кадэя дружба. Если амаро друӷо стердя варисо най кадя, можэт амэнди прижалапэ ковлэс, но ворта тэ ԥэнас лэсти па Библия, со во тердя най кадя (Псалом 141:5). Ай если во амэн холярдя, трэбуй лэс тэ простисарас. Кала амэ лэс простисардям, амэ ужэ на ваздаса кодэя дума. Андэ кадэя ԥари время, амэнди фартэ важно тэ шас сама пэ лашэ качестворя, савэ исин кай и ԥрала и ԥэя, и тэ на шас сама пэ кода, со вонэ терэн най кадя! Кадэлэстар амэндэ авэла лэнца май лащи дружба. Ай кала авэла и само бари бида, амэнди фартэ трэбуй авэна лашэ друӷоря. w19.11 6, абз. 13, 16

Кала сытярас па Библия, амэ трэбуй тэ сытярас лэ манушэн, кай вонэ тэ авэн ученикоря, и тэ сытярас лэн тэ терэн вся, со приԥэндя о Иисусо. Трэбуй тэ поможысарас лэ манушэнди тэ полэн, кай фартэ трэбуй тэ залэн лэ Иеговасти риг и ла диласа тэ подритярэн лэско Царство. Важ када трэбуй тэ ԥэнас лэнди тэ жувэн кадя, сар пистромэ андэ Библия, тэ жувэн важ о Иегова и тэ болдён. Кати кадя лэндэ вижала тэ пэрэжувэн лэ Иеговаско дес (1 Петра 3:21). Кай тэ кончийпэ и люма, савяса правий о Сатана, ашэляпэ совсем набут время. Важ када амэндэ на вижал тэ хасарас и время лэ манушэнца, савэн сытярас па Библия, савэ на камэн тэ парудён, кай тэ ашэн лэ Христостирэ ученикоря (1 Коринфянам 9:26). И время на аштярэл! Инке бутэ манушэнди трэбуй тэ росԥэнас и весть пала лэ Дэвлэско Царство, пока на ашэля фартэ поздно! w19.10 11, 12, абз. 14, 15

Кажно бэрш, андо Дес, кала витинэн лэ бэзэхэстар, всаворэ израильтяноря стидэнаспэ еқэҭанэ, и о само баро рашай анэнас андэ жэртва лэ жывотнонэн. Кадэла жэртвы сас важ кода, кай и израильтяноря тэ на бистрэн, кай лэнди сас трэбуй тэ вивужардён лэ бэзэхэстар. Спэрва о само баро рашай вишолас о свынто фимиамо по ԥабардо янгар и дэлас кай о лашо запахо тэ ԥэрэл о воздухо. Сости када амэн можэт тэ сытярэл? Андэ Библия кадэя смесь сыстон лэ молитвэнца, савэ ԥэнэнас и служытеля, савэ на парашэнас тэ кандэн лэ Иеговас (Псалом 141:2; Откровение 5:8). О само баро рашай сԥабарэлас и смесь, сави драго қандэл, англа Иегова баря пативаса. Кацавя пативаса и амэ дас дума лэ Иеговаса андэ молитва. Амэндэ андо ди каринг лэстэ бари патив. Сар жэ амэ блаӷодарни, кай кодэва, ко вся создал, домэкэл, кай амэ лэса тэ дружысарас кадя, сар и бэяцэ лэ дадэса (Иакова 4:8). Во полэл амэн, сар друӷонэн! (Псалом 25:14). Важ амэндэ када фартэ куч и амэ на камас никала лэс тэ холярас. w19.11 20, 21, абз. 3—5

Сар диқэн и мануша пэ бути, котэ, кай тумэ жувэн? Андэ бут страны мануша линэ тэ терэн май бут бути. Часто вонэ кадя бут терэн бути, кай лэндэ на ашэлпэ время ни важ о ери, ни тэ отцыён, ни тэ гиндон, сар жал и жызня (Экклезиаст 2:23). Исин кацавэ мануша, савэ на любин тэ терэн бути и кадэлэсти арақэн алав (Притчи 26:13, 14). О Иегова и о Иисусо диқэн пэ бути па аврятэ, най кадя сар и мануша. Амэ ӷанас, кай о Иегова любий тэ терэл дила. О Иисусо драго када сыкадя, кала ԥэндя: «Мэрно Дад и мэ идоси терас дила» (Иоанна 5:17). Погиндон, скати во стодя зор, кай тэ стерэл кацави бари дила, кала создал фартэ бутэ анӷелонэн и о Космосо, савэсти нинай краё. Ай скати инке шукаримос исин андэ люма, саво амэ диқас! w19.12 2, абз. 1, 2

Сар кай о Давидо вижыля тэ авэл кацави лащи дружба лэ Иеговаса? О Давидо май драго уӷанэнас лэ Иеговас, кала диқэлас пала кода, со во создал. Сар сас тэрно, о Давидо май бут сас пэ мал, кала пасыяс лэ дадэстирэ бакрэн и часто диқэлас по нэбо. Файма, тоди во лэлас тэ гиндой пала кода, со стердя о Иегова. Например, и рят, кала диқэлас по нэбо, во диқэлас най просто пэ кода, кай бут черӷая, ай лэстэ сас андо ди бари патив пэ кодэва, ко када стердя (Псалом 19:1, 2). Кала о Давидо гиндояс пала кода, сар создано о мануш, во диқэлас лэ Иеговастири шукарни мудрость (Псалом 139:14). Кала во камэлас тэ полэл лэ Дэвлэстирэ дилы, во на заваздэлас о шэро и полэлас, кай на ашэл нисо (Псалом 139:6). Сости амэ можэм тэ сытювас анда када? Старыинпэ кажно дес тэ диқэн, со тумэнди росԥэнэн важ о Иегова кода, кала тумэ диқэн пэ растения, жывотни и пэ мануша. Тоди тумэ кажно разо лэна тэ уӷанэн варисо нэво пала амаро любящё Дад, пала Иегова (Римлянам 1:20). И тоди тумэ полэна, кай тумари любовь каринг лэстэ ашэл инке май бари. w19.12 19, 20, абз. 15—17

О Моисеё витидя тэ служый лэ Дэвлэсти. Кала лэсти сас варикай 40 бэрш «во отԥэнделяпэ тэ авэл шаво лэ фараоностиря щяко» и заля лэ израильтянонэндири риг. О Моисеё ашадя вся, со лэстэ сас, кай тэ служый лэ Иеговасти. Кала о Моисеё подритярэлас лэ израильтянонэн, савэ сас андо Египто раборя, во ӷанэнас, кай о фараоно пэр лэстэ фартэ холявэла. О фараоно сас фартэ зорало правителё, и лэс полэнас, сар дэвлэс. Сави састи вера сас кай о Моисеё! Во патялас лэ Иеговасти. Кода, кай во фартэ лэсти патялас, када ашэля со май ӷлавно андэ лэндири дружба, сави сас лэндэ вся и жызня (Притчи 3:5). Сости амэ можэм тэ сытювас анда када? Амэнди, сар и лэ Моисеёсти, трэбуй тэ витидас, ласа амэ тэ служысарас лэ Иеговасти и аваса амэ лэстирэ народоса чи най? Важ када амэнди, файма, прижалапэ бут пэр со тэ жас, и амэ, файма, ваздаса против амэндэ всаворэн кодэлэн, ко на ӷанэн лэ Иеговас. Но если амэ патяс амарэ небеснонэ Дадэсти, амэ ӷанас, кай во амэн подритярэла. w19.12 17, абз. 5, 6

Хоть о Дэл и создал амэн анда прахо, амэ всаек важ лэстэ фартэ куч. Роздиқам, васо амэ куч важ о Иегова. Во создал лэ манушэн, кай лэндэ тэ авэн кацавэ жэ качестворя, сар лэстэ (Бытие 1:27). Важ када англа лэ Дэвлэстирэ яқа, амэ пэ бутэстэ май куч, чем вся, со во создал. Инке, во дя амэнди тэ хулаисарас пэ вся, со пэ ԥув и пэ жывотни (Псалом 8:4—8). Дажэ посли кода, сар о Адамо тердя о бэзэх, о Иегова на парашэля тэ цэний лэ манушэн. Амэ кадя фартэ лэстэ куч, кай во отдя пэстирэ любимонэ Шавэс, лэ Иисусос, кай тэ витинэл амэн лэ бэзэхэстар (1 Иоанна 4:9, 10). О Иисусо отдя пэстири жызня важ амэндэ, и важ када о Иегова рия каринг и жызня кодэлэн, ко муля, када «праведни и нэправедни». Кодэлэн, ко муля через лэ Адамоско бэзэх (Деяния 24:15). Андэ Библия пистромэ, сар дэ куч амэ лэ Иеговасти, и лэсти всаек скати амэнди бэрш, со за амэндэ зор и исин амэндэ ловэ чи нинай (Деяния 10:34, 35). w20.01 15, абз. 5, 6

Лэ манушэсти, о лашимос тэ жувэл по нэбо, на пэрэдэлпэ лэ дадэстар чи ла датар, ай када лэ Дэвлэстар (1 Фессалоникийцам 2:12). На трэбуй тэ допушас лэ хуластар чи ла хулаятар, ко помазано, пала кода, со лэндэ по ди, кала вонэ гиндон, кай лэна тэ жувэн вечно пэ ԥув би пэстирэ хуласко чи хулаяко. Кацавя думатар лэнди можэт тэ авэл ԥарэс по ди. Ай амэ фартэ патяс, кай андо раё пэ ԥув о Иегова дэла «кажнонэсти, ко жувэл... вся, со во камэл» (Псалом 145:16). Кодэла, ко годявэрнэс диқэн пэ памазаникоря, фэрин пэс. Состар? Андэ Библия пистромэ, кай дэсавэ памазаникоря моӷут тэ отжан лэ Дэвлэстар (Матфея 25:10—12; 2 Петра 2:20, 21). Если амэ на диқас пэ манушэндэ, сар пэ фартэ ашунглэ мануша, тоди амэ на тераса, сар вонэ. Амэ тераса правильно дажэ, если када и памазаникоря чи ашунглэ христианоря, чи кодэла, ко служый лэ Дэвлэсти бут бэрша (Иуды 16). Тоди, если кадэва мануш ашавэла лэ Дэвлэс чи ужала анда собрания, амари дружба лэ Иеговаса всаек ашэлапэ лащи и амэ на парашаса лэсти тэ служысарас. w20.01 29, абз. 9, 10

Сар лэ Иеговастирэ «любими бэяцэ», амэ всаворэ зорэса камас тэ терас кадя, сар во. Кала амэ терас кадя, тоди, вижал, амэ любисарас аврэн, терас лэнди лашимос и простисарас лэндирэ ошыбки. Через кода, кай амэ пэс драго андярас, кодэла, ко на служын лэ Дэвлэсти, моӷут тэ закамэн тэ уӷанэн май бут пала лэстэ (1 Петра 2:12). Лэ христианонэнди, савэндэ исин бэяцэ, трэбуй тэ андярэн пэс лэнца кадя, сар о Иегова амэнца. Тоди и бэяцэ, можэт, кадяжэ закамэна тэ дружын амарэ любящёнэ Дадэса. Амэ абуросарас андэ пэско Дад, андо Иегова, и камас, кай авэр пала лэстэ тэ уӷанэн. Амэндэ андо ди кода жэ, со сас кай о царё о Давидо, саво пистросардя: «Мэ абуримаса лава тэ хвалисарав лэ Иеговас» (Псалом 34:2). Но со, если амэ лажавнэ? Кай тэ лас смилость? Амэ ашаса май смили, сар ласа тэ гиндосарас пала кода, пэ скати дэ лошало авэла о Иегова, если амэ ласа тэ дас дума пала лэстэ и сар можэт тэ парудёл и жызня кодэлэнди, касти росԥэнаса важ лэстэ. О Иегова дэла амэнди смилость. Во поможысардя амарэ ԥралэнди, савэ жувэнас андэ пэрво вико, тэ авэн смили, во поможыя и амэнди (1 Фессалоникийцам 2:2). w20.02 11, абз. 12, 13

Бут мануша, кас амэ сытярас па Библия, терэн бут со, кай лэндэ тэ авэл лащи дружба лэ Иеговаса и тэ болдён. Но дэсавэ на грабин тэ ашэн лэ Христостирэ ученикоря. Лэнди чалёл тэ сытён па Библия, но вонэ нисо на терэн, кай тэ болдён. Если тумэ сытярэн па Библия, канешно, тумэ камэн, кай кодэва, ко сытёл, тэ терэл кадя, сар уӷанэн. И сар прожал варисави время, кай во тэ ашэл лэ Христоско ученико. О Иегова камэл, кай и мануша тэ служын лэсти, важ кода кай любин лэс. Важ када амэ трэбуй тэ поможысарас кодэлэнди, кас амэ сытярас па Библия, тэ полэн, кай лэ Иеговасти куч кажно мануш и во любий кажнонэс андар мэндэ. Амэ камас тэ поможысарас лэ манушэнди тэ полэн лэ Иеговас кадя, кай во «дад лэ чорорэнди и фэрий лэ ԥивлян» (Псалом 68:5). Кала кодэва, ко сытёл па Библия полэла, кай о Дэл и лэс любий, тоди во кадяжэ лэла тэ любий лэ Дэвлэс. Важ када поможын кодэлэнди, кас сытярэн па Библия, кай вонэ тэ полэн, кай амаро любящё Дэл камэл тэ подарий лэнди вечно жызня и камэл андэ када лэнди тэ поможый. w20.01 3, 4, абз. 7, 8

О апостоло Павло полэлас, кай лэсти на хутилэла зор пэ вся. Важ када во ԥэнэнас, кай лэс кадяжэ трэбуй тэ подритярэн, и лэстирэ друӷоря дэнас лэсти зор. Во на даралас, кай пэр лэстэ ԥэнэна, кай во слабо, важ кода кай андэ ԥари время лэс подритярэн и друӷоря (Колоссянам 4:7—11). Кала амэ на гиндосарас, кай май лашэ аврэндар и полас, кай амэн трэбуй варико тэ подритярэл, тоди ԥрала и ԥэя авэна лошалэ тэ поможын амэнди. О Павло ӷанэнас, кай тэ арақэс лашэ алава, савэ подритярэн, можно кати андэ Свынто Писания (Римлянам 15:4). Кадэла алава поможынас лэсти тэ авэл май мудро, кай тэ виритярэл любо ԥаримос (2 Тимофею 3:15, 16). Кала о Павло до дуйто бэшэлас андо баруно андо Римо, во полэлас, кай пашол лэстири смэрть. Во мангля лэ Тимофеёс май йто тэ авэл лэстэ и тэ анэн и свиткоря (2 Тимофею 4:6, 7, 9, 13). Состэ? Кадэла свиткоря, файма, сас и Еврейски Писания, па савэ о Павло моӷ екжэно тэ сытёл. Если амэ, сар и о Павло, на парашас тэ сытювас па Библия, о Иегова подритярэла амэн через латэ, саво бы ԥаримос амэндэ тэ на авэл. w20.02 23, 24, абз. 14, 15

О Елифазо, о Вилдадо и о Софаро, вся кадэя время на гиндонас, сар тэ поможын лэ Иовости. Ай гиндонас, сар тэ доԥэнэн лэсти, кай во дошало. Хоть дэсо вонэ ԥэнэнас чачимос, май бут вонэ дэнас дума пала кода, со сас хохаимос пала о Иово и пала Иегова. Вонэ линэ тэ сындон лэ Иовос (Иов 32:1—3). Со стердя о Иегова пэ када? Во росхоляйля пэ кодэла трин мурша. О Дэл ԥэндя пэр лэндэ, кай вонэ найгодявэрнэ и приԥэндя лэнди тэ мангэн лэ Иовос, кай тэ мангэлпэ пала лэндэ (Иов 42:7—9). Со анда кадэва примеро амэ можэм тэ сытювас? Пэрво, на трэбуй тэ сындосарас амарэ ԥралэн (Матфея 7:2—5). Трэбуй драго лэн тэ виашунас англа кода, сар варисо тэ ԥэнас. Кати кадя амэ поласа, со лэнди прижыляпэ тэ пэрэжувэн (1 Петра 3:8). Дуйто, трэбуй тэ дас дума анда оди амарэ ԥралэнца и ԥэянца и тэ на ԥэнас кода, со на сас (Эфесянам 4:25). И трито, лэ Иеговасти фартэ важно кода, со амэ ԥэнас ек еқэсти. w20.03 22, 23, абз. 15, 16

Кала сытярас аврэн па Библия, амэ екжэнэ май драго уӷанас лэ Иеговас. Амэ драго диқас, кай о Иегова полэл, со по ди аврэндэ, кала во бишалэл амэн каринг кодэла, ко камэл тэ ашэл лэско друӷо (Иоанна 6:44; Деяния 13:48). Амэ диқас, саво зор кай лэ Дэвлэско Алав, кай и Библия, кала и мануша, савэ сытён па Библия мэкэн и найлашэ привычки и лэн тэ «ашэн нэвэ манушэса» (Колоссянам 3:9, 10). Кадяжэ амэ диқас, кай о Дэл ӷанэн тэ аштярэл и на холявэл пэ мануша, савэ жувэн пэ тиритория кай амари собрания. Во дэл лэнди бут, через со вонэ моӷут тэ уӷанэн пала лэстэ и тэ спасынпэ (Римлянам 10:13—15). Всаек, дэлмут амэ служысарас лэ Иеговасти чи най, амэнди трэбуй тэ цэнисарас и дружба лэса. Ек, соса амэ можэм тэ сыкавас, кай амэнди куч кадэя дружба, када, кала дас дума лэса андэ молитва. Кала и мануша най часто проандярэн и время ек еқэса, котэ нинай лащи дружба. Важ када май часто мангэнпэ каринг о Дэл и никала на даран тэ росԥэнэн лэсти, со нэ можэте тэ росԥэнэн аврэнди. w19.12 19, абз. 11, 13, 14

Сар дэ драго кадэлэстар ашэл по ди! О Иисусо Царё андэ лэ Дэвлэско Царство улэла вся о ԥаримос, саво терэл амэнди о Сатана и о миро, савэса во правий (Исаия 65:17; 1 Иоанна 3:8; Откровение 21:3, 4). О Иисусо приԥэндя амэнди тэ терас найвушэро дила. Но во всаек паша амэндэ и подритярэл амэн андэ кадэла послидни деса (Матфея 28:19, 20). Кала амэ када ӷанас, када дэл амэнди смилость. Кай по ди тэ авэл спокойно, трэбуй, кай тэ подритярас лашэ алавэнца, тэ аштярас лашимос англэ и тэ авас смили. Со акана поможыя тумэнди, кай по ди тэ авэл драго, кала исин бут ԥаримос? Кода жэ, со поможысардя лэ Иисусости. Пэрво, тэ на парашэн тэ мангэнпэ. Дуйто, тэ кандэн лэ Иеговас и тэ росԥэнэн важ лэстэ, дажэ кала када найвушэро. Трито, кала ԥарэс, прилэн помощь лэ друӷонэндар. Тоди о «миро андо ди», саво лэ Дэвлэстар, фэрия тумаро ди и годи. И тоди тумэ, сар и о Иисусо бирона любо ԥаримос (Филиппийцам 4:6, 7; Иоанна 16:33). w19.04 13, абз. 16, 17