Авӷусто

Со поможыяс лэ Иисусости тэ авэл спокойно дажэ, кала лэс ӷонинас? Во полэлас, кодэлэса, кай во на парашэл тэ кандэл пэстирэ Дадэс, во лэс фартэ радуияс. Во вся и время кандэлас лэ Дэвлэс, дажэ кала када сас фартэ ԥарэс. Во фартэ любияс лэ Иеговас и полэлас, кай и служэния лэ Дэвлэсти важ лэстэ сас со май важно андэ жызня. Жы каринг кода, сар тэ авэл пэ ԥув, о Иисусо сас паша Иегова «лашо мастеро» (Притчи 8:30). Ай пэ ԥув во на парашэлас тэ сытярэл лэ манушэн лэ чачимасти пала небесно Дад (Матфея 6:9; Иоанна 5:17). Када анэнас лэ Иисусости бари радость. Сар амэ можэм тэ терас сар во? Амэнди трэбуй тэ кандас лэ Иеговас и тэ терас «бут дила, сави терэл о Ӷосподо» (1 Коринфянам 15:58). Если амэ май бут «стас зор» андэ служэния, тоди амэ на ласа тэ гиндосарас ек кати важ амарэ проблемы (Деяния 18:5). Часто лэ манушэндэ, касти росԥэнас важ о Дэл, инке май бут ԥаримос чем амэндэ. Но кала вонэ уӷанэн лэ Иеговас, лэн тэ любин лэс и прилэн и советоря анда Библия, лэндири жызня ашэл май лащи и май бахтали. И кала амэ када диқас кажно разо, амэ лас май фартэ тэ патяс, кай о Иегова пала амэндэ заботийпэ. w19.04 10, 11, абз. 8, 9

И христианоря анда Эфессо полэнас, сар дэ важно тэ одмардён лэ бэнгэндар. И книжки, па савэ терэнас териматэ, ашэнас барэ ловэ, но вонэ на линэ лэн тэ отдэн чи тэ битинэн, ай вонэ лэн сԥабардэ. Вонэ гиндонас пала кода, сар тэ радосарэн лэ Иеговас, ай най пала кода, сар май куч тэ битинэн и книжки. Со можно тэ сытювас кадэлэ христианонэндар? Авелоп годявэрнэс тэ избавимся всаворэстар, со сԥангло лэ бэнгалимаса, када амулеторя, талисманоря, инке варисо, со ԥиравэн и амблавэн и мануша, кай тэ фэринпэ лэ бэнгэндар (1 Коринфянам 10:21). Погиндон, савэ тумэ витидэн развличении. Пуш пэстар: «Ай андэ мэрнэ развличении исин кода, со сԥангло лэ бэнгалимаса? Витидэн кодэла развличении, савэ поможына тумэнди тэ ритярдён май дур кодэлэстар, со вэрыцый о Иегова. Амэнди трэбуй тэ стас зор, кай «тэ авэл вужи совесть» англа Дэл (Деяния 24:16). w19.04 22, 23, абз. 10—12

Кала и старейшыноря роздиқэн, кай варико стердя баро бэзэх вонэ трэбуй тэ сэрэн пала кода, кай тэ прославляеца лэ Дэвлэско алав (Левит 22:31, 32; Матфея 6:9). Ай инке лэнди трэбуй тэ сэрэн, сар важно тэ заботинпэ пала ԥрала и ԥэя анда собрания, кай лэндэ тэ авэл састи вера и тэ подритярэн кодэлэн, касти стердэ кадэва ԥаримос. Если о мануш анда собрания тердя бэзэх и каийпэ андэ када, и старейшыноря камэн тэ поможын лэсти, кай лэстэ тэ авэл упалэ лащи дружба лэ Иеговаса (Иакова 5:14, 15). Кала о христианино подяпэ лэ найлашэ гиндонэнди и тердя баро бэзэх, када сыкавэл, кай лэстири дружба лэ Иеговаса римосайля. Андэ дэсо и старейшыноря шонпэ пэ врачоря. Вонэ старыинпэ тэ виличин, то есть тэ поможын, кай и вера лэ манушэсти, саво стердя бэзэх, упалэ тэ авэл састи. Кала вонэ камэн тэ поможын кацавэ манушэсти, кай лэстэ упалэ тэ авэл дружба лэ Дэвлэса, вонэ дэн дума лэса па Библия. Но тэ поможын вонэ моӷут кати кодэлэсти, ко каийпэ анда вся оди пала кода, со стердя (Деяния 3:19; 2 Коринфянам 2:5—10). w19.05 10, абз. 10, 11

О Иегова можэт тэ стерэл кадя, кай амэ тэ камас варисо тэ терас. Ԥэнаса, амэ уӷанглям, кай трэбуй помощь андэ амари собрания чи варикай инке. И тумэ гиндон: «Ай соса мэ моӷу тэ поможысарав?» Или можэт амэнди камэн тэ дэн ԥари дила, ай амэ гиндосарас, кай када най па амаро зор. Ай можэт амэ адиносарас варисавэ стихоря анда Библия и гиндосарас: «Сар кадэла стихоря поможына манди тэ дав зор аврэнди?» Кала о Иегова диқэл, кай амэ гиндосарас пала кода, кай тэ поможысарас, тоди во можэт тэ стерэл кадя, кай амэ тэ камас тэ стерас кода, со загиндосардям. О Иегова кадяжэ можэт тэ дэл амэнди зор, кай амэ варисо тэ терас (Исаия 40:29). Пэстирэ свынтонэ духоса, во дэла амэнди тэ терас кода, со амэ ӷанас, и тэ терас када инке май драго (Исход 35:30—35). Через пэстири арӷанизацыя о Иегова сытярэл амэн тэ терас дэсавэ задании. Если тумэ полэн, кай тумэндэ на вижала, мангэн, кай тумэнди тэ поможын. И кадяжэ мангэнпэ амарэ небеснонэ Дадэсти, кай тэ дэл «зор, саво май баро обычнонэстар» (2 Коринфянам 4:7; Луки 11:13). w19.10 21, абз. 3, 4

Кадэва миро сытярэл лэ манушэн фартэ тэ любин корко пэс. Андэ ек инцыклапедия сас пистромэ, кай андэ 1970 бэрша «ашэлэ фартэ ашунглэ и книжки анда рубрика „Поможысар корко пэсти“». Дэсавэ анда кадэла книжки «сытярэнас кодэлэн, ко лэн адиной, тэ уӷанэн май драго пэс, тэ прилэл пэс кацавэса, саво во исин и фартэ тэ чалёл корко пэсти». Акэ, со сас пистромэ андэ ек кацави книжка: «Ԥэн, кай ту любис само нэобычнонэс, само шукарнэс, само достойнонэс манушэс пэ люма, када корко пэс». Кадэя книжка сытярэл «тэ тэлён корко пэсти. То есть, кай о мануш тэ гиндой кати пала кода, сар лэсти тэ авэл май драго и пала кода, со во гиндой, кай кати када правильно». Сэрэн пэр со када шолпэ? О Сатана подмарэлас ла Ева тэ терэл кадя жэ. Во ԥэндя лати, кай вой ашэла сар Дэл и лэла тэ ӷанэн, со лашимос, ай со найлашимос (Бытие 3:5). Адес и мануша гиндон пала пэстэ фартэ бут и патян, кай нико, дажэ о Дэл, на уԥэнэна лэнди, со правильно, ай со най. Када фартэ драго дицол па кода, сар и мануша диқэн по брако. w19.05 23, 24, абз. 10, 11

Времяса кай о Давидо сас бари пэрэжывания. Погиндон, со лэсти прижыляпэ тэ пэрэжувэл. Лэс халас оди, важ кода кай во тердя бут со най кадя (Псалом 40:12). Лэско любимо шаво о Авессаломо вазгля против лэстэ лэ манушэн. Ай май интя лэ Авессаломос умардэ (2 Самуила 15:13, 14; 18:33). Кадяжэ лэ Давидос придя лэско пашутно друӷо (2 Самуила 16:23—17:2; Псалом 55:12—14). О Давидо най еқварэс росԥэнэнас андэ псалмы, саво ԥаримос лэстэ по ди, ай инке кай во фартэ патял лэ Иеговасти (Псалом 38:5—10; 94:17—19). Потом ек псалмопевцо ля тэ завидуий лэ найлашэ манушэнди. Файма, во сас лэ Асафоско потомко, саво сас левито и служыяс андэ бари лэ Дэвлэсти катуна. Лэстэ сас бари пэрэжывания и када на дэлас лэсти тэ радуийпэ. Во сас найлошало ла жызняти. Лэс дажэ на радуинас и блаӷословении, савэ анэнас лэсти кода, кай во служыяс лэ Дэвлэсти (Псалом 73:2—5, 7, 12—14, 16, 17, 21). w19.06 17, абз. 12, 13

О Сатана тасавэл пэ кода, со обычно камэн и мануша. Канешно, амэ камас тэ сытювас кодэлэсти, сар тэ затерас, кай тэ авэл, со трэбуй амэнди и амарэ ерести (1 Тимофею 5:8). Кодэлэсти можно тэ сытёс, кала драго учиспэ андэ школа. Но катэ исин опасность. Андэ бут страны лэ тэрнэ манушэнди дэн образования. Када поможый лэнди тэ сытён кодэлэсти, со трэбуй авэла андэ жызня, но котэ кадяжэ сытярэн лэн тэ гиндон сар и мануша, савэ на патян андо Иегова. Вонэ на лэн тэ допатян кодэлэсти, кай исин Дэл, кай и Библия чачуни. Лэн сытярэн, кай и жызня ляпэ корко пэстар, и гиндон, кай када годявэрни объяснения (Римлянам 1:21—23). Вся када жал против лэ «Дэвлэсти мудрость» (1 Коринфянам 1:19—21; 3:18—20). Важ када на домэкэн лэ Сатанас тэ хулаий тумарэ гиндонэнца «через кода, сости сытярэн андэ кадэва миро и через лэ манушэнго хохаимос» (Колоссянам 2:8). На дэн лэсти тэ дилярэл тумэн (1 Коринфянам 3:18). На домэкэн, кай во тэ терэл кадя, кай тумэ по набут тэ парашэн тэ полэн, ко када о Иегова. Жувэн па лэ Дэвлэстирэ законоря, савэ против о билажавардимос. На отшон лэ Иеговастирэ советоря. w19.06 6, абз. 13; 7, абз. 17

Пала со бы ту тэ на дэс дума андэ служэния, старысав тэ гиндос пала мануш, каса дэс дума. Погиндосар, сар лэсти поможыя кода, со во уӷанэна анда Библия. Кала дэс дума лэ манушэса, трэбуй драго лэс тэ виашунэс и тэ стос патив пэ кода, сар во гиндой. Када поможыя тути май драго тэ полэс лэс и, можэт, во закамэла тут тэ виашунэл. Кай о мануш тэ залэл тэ сытёл па Библия, тумэнди можэт тэ авэл трэбуй бут время, и тэ стон бут зор, кай тэ авэн лэстэ най еқвар. Васо? Важ кода кай лэ манушэн часто нинай цэрэ. Ай инке, кай о мануш тэ присытёл каринг тумэндэ и тэ закамэл тэ сытёл па Библия, тумэнди прижалапэ тэ авэн каринг лэстэ най еқварэс. Кай тэ барёл и растения, ла трэбуй вся и время тэ поливаеш. Кадяжэ и о мануш, кай во май фартэ тэ любий лэ Иеговас и лэ Христос, трэбуй тэ на промэкас тэ дас дума лэса пала кода, со пистромэ андэ Библия. w19.07 14, абз. 1; 15, 16, абз. 7, 8

Со о Иисусо камля тэ ԥэнэн? Во на ԥэнэнас, кай лэ христианонэнди трэбуй тэ чалёл, кай лэн, тэ вэрыцын. Но андэ кодэя жэ время, во ԥэнэн сар исин. Амэ «най анда кадэва миро». Амэ жувас, кадя, сар во сытярэл и росԥэнас пала лэ Дэвлэско Царство. Амэ на удивисавас, кай о миро амэн вэрыцый (Иоанна 15:18—21). Само ӷлавно важ амэндэ, када тэ радосарас лэ Иеговас. Ай если манушэнди на чалёл, кай амэ любисарас амарэ небеснонэ Дадэс, на трэбуй када фартэ тэ прилас пашэ каринг оди. Авелоп нэправильно, тэ гиндосарас кай амэ на ашас нисо, если о миро амэн на любий. Амэ на ӷанас, кала пар мэндэ дэна и лэна май фартэ тэ ӷонин важ и вера чи кала амэн совсем на мэкэна тэ тэлювас лэ Иеговасти. Но амэ ӷанас, кай трэбуй акана тэ ӷотовимся каринг када. Трэбуй тэ авэл лащи дружба лэ Иеговаса, тэ авас смили, и тэ ӷанас тэ ашаспэ лошалэ, дажэ кала амэн вэрыцын. Тоди амэ аваса ӷотови каринг кода, кала лэна тэ ӷонин. w19.07 6, абз. 17, 18; 7, абз. 21

Кала сытярас па Библия лэ манушэс, саво на патял андо Дэл, трэбуй вся и время тэ поможысарас, кай во тэ патял, кай о Дэл исин. Инке трэбуй тэ поможысарас, кай во тэ патял кодэлэсти, со пистромэ андэ Библия. Важ када трэбуй най еқварэс тэ дас дума пала ек гиндо. Можэт кажно разо, кала сытярэс па Библия, трэбуй авэла тэ сыкавэс кода, со доԥэнэн, кай и Библия, лэ Дэвлэско Алав. Например, можно по набут тэ дас дума, сар исполнисайлэ и пророчества анда Библия, и сар и Библия сжалпэ ла наукаса и кодэлэса, со сас варикала и сар и советоря андар латэ поможын андэ жызня кажно дес. Кай тэ поможыс лэ манушэсти тэ ашэл лэ Христоско ученико, трэбуй тэ обжаспэ лэса с любовью, и всаек патял во андо Дэл чи най (1 Коринфянам 13:1). Кала амэ сытярас лэ манушэс па Библия трэбуй, тэ поможысарас лэсти тэ патял, кай о Дэл амэн любий и камэл, кай амэ тэ любисарас лэс. Кажно бэрш тысячи мануша, савэ варикала на патянас андо Дэл, болдён, важ кода кай линэ тэ любин лэ Дэвлэс. Важ када на умэкэн и вас. Шон сама всаворэн манушэн, и на диқэн пэ кода, андэр со вонэ патян. Виашунэн лэн. Старыинпэ лэн тэ полэн. Мэк вонэ диқэн па тумари дила, со када тэ авэс лэ Христоско ученико. w19.07 24, абз. 16, 17

О Иегова ԥэндя пэстирэ народости упалэ тэ строин и стины андо Иерусалимо. Кадэя дила кадяжэ терэнас и лэ Шаллумостирэ щея (Неемия 2:20; 3:12). Хоть лэнго дад о Шаллумо сас князё, лэстирэ щея всаек жылэ тэ терэн и ԥари и опасно бути (Неемия 4:15—18). Андэ амарэ деса ԥэя, савэ на жалуин корко пэс, лошалэ тэ терэн важно дила андэ свынто служэния, када тэ строин и тэ диқэн пала ҭана, андэ савэ тэлён лэ Иеговасти. Кай драго тэ вижал кадэя дила, вонэ трэбуй бут со тэ ӷанэн тэ терэн, тэ стон зор и тэ на парашэн тэ кандэн лэ Дэвлэс. О Иегова дя ла Тавифати, кай вой тэ терэл «бут лашэ дилы» и май бут важ и ԥивлэ жувля, вой часто «поможыяс лэ чорорэнди» (Деяния 9:36). И Тавифа терэлас бут лашэ дилы и важ када пала латэ ровэнас бут мануша, кала вой муля. Савэ вонэ сас лошалэ, кала о апостоло Пётро рисардя ла каринг и жызня! (Деяния 9:39—41). Сости амэ сытювас кай и Тавифа? Всаворэ амэ, ԥурэ и тэрнэ, мурша и жувля, можэм тэ терас лашэ дилы важ и амарэ ԥрала и ԥэя. w19.10 23, абз. 11, 12

Сар амэ можэм тэ змарас аврэн па правильно дром? Ԥэнаса, о мануш ля тэ сытёл па Библия, во бут зор стодя, кай тэ мэкэл тэ пэл. Во полэл, кай лэсти нащи дажэ набут тэ пэл. Кай кадэва мануш ашэля састи вера и во болделя. Прожыля варисави время и лэс ақарэл авэр христианино пэстэ цэрэ тэ побэшэн, и заставий лэс тэ пэл. Анда вся оди во ԥэнэн: «Ту акана болдо и о свынто духо тути трэбуй тэ дэл зор тэ ритярэс пэс андэ вас. И ту можэш набут тэ пэс, скати цырдэл тиро ди». Кати погиндон, со авелоп кадэлэ нэвэ ԥралэса, если во тэ канглоп! Пэ амарэ собрании амэ сытювас тэ терас кадя, сар пистромэ андо стихо по дес. Пэ собрании амэ бут сости сытювас, и полас, со важ о Иегова май важно и терас кадя, со сытелям, кай тэ авас вужэ англа лэ Дэвлэстирэ яқа. Пэ собрании амэ кадяжэ сытювас тэ любисарас лэ Дэвлэс и амарэ ԥралэн и ԥэян. Если амэндэ исин любовь каринг о Дэл и каринг и ԥрала, амэ стаса вся о зор, кай тэ на авас важ авэр кацавэ, через кастэ моӷут тэ змардён па правильно дром. w19.08 10, абз. 9; 11, 12, абз. 13, 14

Исин кацавэ мануша, савэ здэлпэ фартэ патян андэр пэстэ и ԥэнэн ворта пэстирэ гиндоря. Но най всаворэ андар лэндэ ӷорди (Иоанна 1:46, 47). Со за амэндэ тэ на авэл характеро, амэнди трэбуй тэ стас зор, кай па чачимастэ тэ на заваздас о шэро. Шам сама, со амэ можэм тэ сытювас кай о апостоло Павло? Через лэстэ о Иегова стидэлас и собрании андэ фороря ек пала ек аврэстэ. Файма, во май бут домарделя андэ служэния, чем любо авэр лэ Христоско апостоло. Но о Павло на гиндояс, кай во май лашо аврэ ԥралэндар. Во пистросардя, кай затердя лащи патив кай о Иегова, най важ пэстирэ качестворя или важ кода, кай бут со домарделя, ай через лэ Дэвлэско лашимос (1 Коринфянам 15:10). Дэсавэ мануша андэ кодэла собрании старыинаспэ тэ сыкавэн, кай вонэ май лашэ лэ Павлостар. Но о Письмо лэ коринфянонэнди драго сыкадя, сар тэ на заваздас о шэро (2 Коринфянам 10:10). w19.09 3, абз. 5, 6

Васо тэ кандас лэ Иеговас най вся и время вушэро? Када через о бэзэх, саво пэрэжыля амэнди и кай амэ найсовершэни, и вся и время камас тэ терас па пэстирятэ. Кала о Адамо и Ева на канглэ лэ Дэвлэс и халэ о плодо, вонэ витидэ важ пэстэ, со лашимос, ай со найлашимос (Бытие 3:22). Идоси бут мануша на шон сама пэ кода, со гиндой о Иегова и витидэн екжэнэ, со лашо, ай со най. Андэ вся тэ кандэн лэ Иеговас найвушэро дажэ кодэлэнди, ко ӷанэн и любий лэс. Кадя сас лэ апостолоса Павлоса (Римлянам 7:21—23). Амэ сар и во камас тэ радосарас лэ Иеговас. Но амэнди вся и время прижалпэ тэ борисавас кодэлэса, со цырдэл амэн тэ терас нэправильно. Инке васо можэт тэ авэл найвушэро тэ кандас лэ Иеговас, када через амари культура, андэ сави вибарелям. Бут гиндоря, савэ кай о миро, на сжанпэ кодэлэса, со камэл о Иегова. И амэнди трэбуй вся и время тэ стас зор, кай тэ на пэрэлас, сар гиндон и мануша андэ кадэя люма. w19.09 15, абз. 4—6

Амэ трэбуй тэ прижанас, кай амаро зор на хутилэла пэ вся. Важ када трэбуй тэ полас, пэр со ужал амаро зор. Например, амэ можэм тэ стас амаро зор евья, кала ӷонисавас пала барвалимос. Сэрэн лэ Иисусостири дума лэ тэрнэ манушэса, саво сас барвало, и саво пушля кай о Иисусо: «Со манди тэ терав, кай тэ авэл вечно жызня?» Во сас лашо мануш, важ кода кай андэ Евангелия лэ Маркостар пистромэ, кай о Иисусо лэс любияс. Тоди о Иисусо ԥэндя лэсти тэ терэл кадя, сар пистромэ андо стихо по дес. Кодэва тэрно начальнико камля тэ ашэл лэ Иисусоско ученико, но лэстэ на вижыля тэ ашавэл пэско «барвалимос» (Марка 10:17—22). Важ када во отԥэнделя тэ лэл пэр пэстэ о ӷамо, саво дэлас лэсти о Иисусо, и ашэляпэ лэ барвалимаско рабо (Матфея 6:24). Ай сар тумэ тердоп? Авелоп драго дэкала тэ полас, со важ амэндэ май ӷлавно андэ жызня. Васо? Кай тэ полас, кай амэ най евья стас пэско зор. w19.09 24, абз. 17, 18

Амэ ласа тэ росԥэнас жы каринг кодэя время, пока о Иегова на ԥэнэна, кай и дила ужэ достердям. Скати инке исин время, кай и мануша тэ уӷанэн пала Иегова и пала Иисус Христос? (Иоанна 17:3). Амэ на ӷанас. Но амэ драго ӷанас, кай жы каринг кода, сар авэла и само бари бида, всаворэндэ, «кас цырдэлас каринг о чачимос», инке исин время тэ прилэн и лащи весть (Деяния 13:48). Сар амэ можэм тэ поможысарас кацавэ манушэнди, пока исин время? Через пэстири арӷанизацыя о Иегова дэл амэнди вся, со трэбуй, кай тэ сытярас лэ манушэн лэ чачимасти. Например, кажно курко амэ авас пэ собрания, сави андэ машкар курко. Пэ кадэя собрания амэ сытювас, тэ залас и дума лэ манушэнца и тэ авас лэндэ до дуйто. Посли кода, сар тумэ драго динэ дума лэ манушэса, тумэ можэте тэ дэн лэсти буклето чи журнало. Во сможэт тэ адиной лэн, пока тумэ на авэна лэстэ упалэ. Всаворэнди амэнди трэбуй кажно шон тэ росԥэнас и лащи весть важ о Царство. w19.10 9, 10, 11, абз. 7, 9, 10

Лэ Симеоности, саво сас ԥуро мануш и даралас лэ Дэвлэстар, саво жувэлас андо Иерусалимо, о Иегова дя алав, кай во на мэрэла, пока на диқэла лэ Христос. Кадэя обещяния фартэ радуияс лэ Симеонос, саво бут бэрша аштярэлас лэ Христос. И во доаштярдя кадэя время, важ кода кай патялас и на парашэлас тэ аштярэл. Лэс «бишалдя о свынто духо» и во жыля андо храмо и котэ диқля лэ цынёнес лэ Иисусос. Через о Симеоно, о Иегова росԥэндя о пророчество пала кадэва бэято, саво трэбуй сас тэ ашэл Христос (Луки 2:25—35). Хоть о Симеоно, файма, на дожудя каринг кодэя время, кала о Иисусо ля тэ служый, но во сас блаӷодарно лэ Дэвлэсти, кай лэсти випэля кацави бах. Ай и май бари наӷрада лэс аштярэл англэ! Андо раё пэ ԥув кадэва мануш, саво на парашэлас тэ кандэл лэ Иеговас диқэла, сар лэ Иисусостири правления, анэна лашимос всаворэ еренди пэ ԥув (Бытие 12:3). Амэ кадяжэ трэбуй тэ авас блаӷодарни, если о Иегова через амэндэ терэл пэстири дила. w19.10 22, абз. 7; 23, абз. 12

Барвалэ амэ чи чорэ, амэнди всаворэнди трэбуй тэ фэрисарас пэско ди. Со важ када трэбуй? На домэкэн, кай тумэндэ тэ авэл и любовь каринг и ловэ. И на бистрэн, кай и бути най май важно чем и служэния лэ Иеговасти. Сар тэ полас, амэндэ вся драго кадэлэса чи най? Акэ савэ вопросоря амэ можэм тэ задас пэсти: «Мэ часто гиндосарав пала бути пэ собрания чи андэ служэния? Пэрэжываю мэ вся и время, сар май бут тэ затерав ловэ, кай май дур тэ жував? Исин мандэ ԥаримос андо ери через и ловэ или через о барвалимос? Жава мэ тэ терав бути, сави най кажно терэла, если через кадэя бути мандэ вижала май бут тэ служысарав лэ Иеговасти?» (1 Тимофею 6:9—12). Кала гиндосарас пала кадэла вопросоря, на бистрам, кай о Иегова любий амэн и дэл алав всаворэнди, ко на парашэл лэс тэ кандэл, «на ашавава тут и никала на мэкава тут». Важ када о апостоло Павло пистросардя: «Мэк андэ тумари жызня на авэла любовь каринг и ловэ» (Евреям 13:5, 6). w19.10 29, абз. 10

Кала терас дила амарэ ԥралэнца и ԥэянца, можэм тэ диқас лэндирэ лашэ качестворя. Амэ лэндар можэм бутэсти тэ сытювас и тэ авас май пашэ. Со тумэндэ по ди, кала андэ служэния ашунэн, сар о ԥрал чи ԥэй би дарако дэл дума пала кода, андэр со патял? Чи со тумэ гиндон, кала вонэ анда оди росԥэнэн аврэнди пала о Иегова и пала кода, со о Дэл загиндосардя? Кадэлэстар кадэва мануш ашэл тумэнди инке май куч. И Адлина, савяти 23 бэрш, ақардя пэстиря подружка ла Кандиса тэ ладэл ласа тэ росԥэнэн важ о Дэл кордэ, кай на вижал часто тэ служын. Вой росԥэнэн: «Амэ камлям тэ служысарас, кай тэ авэл май бут радость. Амэнди лэ дуенди сас трэбуй тэ лас зор, кай тэ на парашас тэ служысарас лэ Иеговасти». Со када лэнди дя? И Адлина ԥэнэн: «Кажно вэчэро амэ росԥэнасас ек еқати, со диқлям, сар драго дям дума лэ манушэнца и росԥэнасас, сар диқасас лэ Иеговаско вас андэ служэния. Амэнди фартэ чалёлас пала када тэ дас дума, и амэ май драго уӷанглям ек авря». w19.11 5, абз. 10, 11

Андэ дэлмутни время, кала о воино авэлас анда боё би щитоско, када сас лажаимос. О римско историко Тацито пистросардя: «Тэ мэкэл о щито, када баро лажаимос». Акэ васо, кала марэнаспэ, и воиноря старыинаспэ састэс тэ ритярэн пэско щито. Со поможыя амэнди састэс тэ ритярас пэско щито? Амэнди трэбуй тэ на парашас тэ ԥирас пэ собрании и тэ росԥэнас пала лэ Дэвлэско алав и пала лэско Царство (Евреям 10:23—25). Ай инке амэнди трэбуй кажно дес тэ адиносарас и Библия и тэ мангаспэ лэ Иеговасти, кай во тэ поможый амэнди вся и время тэ прилас советоря анда Библия (2 Тимофею 3:16, 17). Тоди ни ек оружыя, сави о Сатана стердя, кай тэ жал пар мэндэ, на стерэла амэнди вэрыто (Исаия 54:17). «Баро щито», када амари вера, лэла амэн тэ фэрий. Еқэҭанэ амарэ ԥралэнца и ԥэянца амэ смило ласа тэ мараспэ андэ война. Амэ най кати вицэласа андэ кадэя война важ и вера, пала сави мараспэ кажно дес, но май ӷлавно, амэнди випэрэла бах тэ тердювас пэ Иисусостири риг, кала во розмарэла лэ Сатанаско войско и кодэлэн, ко лэс подритярэл (Откровение 17:14; 20:10). w19.11 19, абз. 18, 19

Кала тумэ ӷанэн, со камэн тэ терэн, тумэнди авэла май вушэро тэ стерэн кадя, сар трэбуй (1 Коринфянам 14:40). Кадя, лэ старейшынонэнди ԥэндэ, кай варико ек андэр лэндэ тэ запистрой най кати, со прилинэ тэ терэн, но и кода, касти динэ тэ стерэл кадэя дила и кала. И ԥрала, савэ кадя терэн, лэндэ, файма, драго вижала тэ дотерэн пэстири дила. Васо тэ на терас и амэ кадя? Например, кажно дес тэ пистрос скати трэбуй тэ стерэс и дила. И тэ ростос па порядко, савэ андар лэндэ май важно. Када поможыя тумэнди най кати тэ дотерэн и дила, сави залинэ тэ терэн, но и пэ када жала май набут время. Но кай тэ авэл вся кадя, сар ту загиндосардян и тэ домардёс кода, со камэс, трэбуй тэ стос бут зор (Римлянам 12:11). О апостоло Павло камэлас, кай о Тимофеё тэ ашэл май лашо учителё. Важ када во анда оди подԥэнэнас лэсти тэ на парашэл тэ терэл кода, со во терэлас. Лэ Павлоско совето кадяжэ поджал и каринг авэр дила (1 Тимофею 4:13, 16). w19.11 29, 30, абз. 15, 16

Кала о Иегова приԥэндя лэ Моисеёсти тэ виандярэл лэ израильтянонэн анда рабство, о Моисеё полэлас, кай лэстэ на хутилэла зор, и най еқварэс ԥэндя лэ Иеговасти, кай кадэя дила най важ лэстэ. О Иегова па чачимастэ анда оди поля лэс и поможысардя лэсти (Исход 4:10—16). Посли кода, лэ Моисеёстэ вижыля тэ ԥэнэн лэ фараоности и найлащи весть. Потом во диқля, сар о Иегова сыкадя пэско зор, кай тэ спасый лэ израильтянонэн и тэ розмарэл лэ фараонос и лэско войско андэ Лоли моря (Исход 14:26—31; Псалом 136:15). Посли кода, сар о Иегова освободисардя лэ израильтянонэн анда рабство анда Египто, вонэ вся и время холявэнас и лэнди нисо на чалёлас. Но дажэ тоди о Моисеё диқэлас, кай о Иегова ӷанэн тэ аштярэл и на холявэл (Псалом 78:40—43). О Моисеё кадяжэ диқля, саво о Иегова найӷордо, кала во мангля тэ на умарэл лэ израильтянонэн, и во када стердя (Исход 32:9—14). Посли кода, сар израильтяноря вижылэ анда Египто, кай о Моисеё лэ Иеговаса ашэля кацави лащи дружба, кай во, ԥэнэса, диқэлас пэстирэ небеснонэ Дадэс (Евреям 11:27). w19.12 17, 19, абз. 7—9

Бут ученикоря сас анда Галилея. Важ када о плай андэ Галилея май фартэ поджалас, кай тэ диқэлпэ бутэ учениконэнца, чем о цэр. Интересно, кай о Иисусо, саво рисайля каринг и жызня, ужэ диқля 11 апостолонэн андэ ек цэр андо Иерусалимо. Тэ камлоп о Иисусо тэ дэл кадэя дила, кай тэ росԥэнэн и лащи весть и тэ сытярэн лэ учениконэн кати лэ апостолонэнди, во моӷ када тэ стерэл и андо Иерусалимо. Хэба тоди во манглоп лэ апостолонэн, ай кадяжэ лэ жувлян и аврэн учениконэн тэ авэн каринг лэстэ андэ Галилея? (Луки 24:33, 36). Но и дила, кай тэ сытярэн лэ учениконэн, о Иисусо дя най кати лэ христианонэнди, савэ жувэнас андэ пэрво вико. Катар амэ када ӷанас? Пэстири дума о Иисусо додя дума кацавэ алавэнца: «И мэ авава тумэнца андэ всаворэ деса, пока кадэлэсти, со андэ люма, на авэла конец» (Матфея 28:19, 20). Адес кадэя дила терэн фартэ драго. Кати погиндон, кажно бэрш варикай 300 000 мануша болдён и ашэн лэ Христостирэ ученикоря и авэн андэ лэ Иеговастири арӷанизацыя! w20.01 2, абз. 1; 3, абз. 5, 6

Еқэ ԥралэсти и врачоря ԥэндэ, кай лэстэ ԥаро насвалимос. Андэ авэр ери о хулай, савэсти 50 бэрш, нащи арақэл бути. Ԥэй, сави андэ бэршэндэ, и сави на парашэл тэ кандэл лэ Дэвлэс, через пэско зор и через пэстирэ бэрша май набут ля тэ терэл андэ служэния лэ Иеговасти. Если ту ӷатярдян пэс андэ кода, со сас кодэла тринэ манушэнца, тути можэт тэ здэлпэ, кай акана ту нисо на ашэс. Кала терэлпэ кацаво, ту ни сости на лошавэс и гиндос, кай нисо на ашэс и через када тути можэт тэ авэл ԥарэс тэ ладис аврэнца. Андэ люма, савяса правий о Сатана, лэ манушэндири жызня на ашэл нисо, сар и важ о Сатана. Во никала на жалуияс лэ манушэн. Во дя ла Евати хохавни свобода, хоть екжэно драго полэлас, если вой на кандэла лэ Дэвлэс, када анэна каринг и смэрть. О Сатана вся и время диқэлас пала вся, со терэлпэ андэ люма. Важ када амэ на удивисавас, кай важ о Сатана и важ кодэла, ко кандэн лэс, лэ манушэстири жызня на ашэл нисо. О Иегова камэл, кай амэ тэ цэнисарас корко пэс. Во поможый амэнди, кала варисо терэлпэ андэ жызня, кай амэ тэ на гиндосарас, кай амэ нисо на ашас (Римлянам 12:3). w20.01 14, 15, абз. 1—4

Май бут чем 40 бэрш паша Иеремия сас хохавнэ мануша. Машкар лэндэ сас и сосидоря и, файма, дэко анда родо, савэ жувэнас лэса андэ ек форо Анафофо (Иеремия 12:6). Но во на ритярэлас вся андэр пэстэ. Во росԥэндя, со лэстэ по ди, пэстирэ секретарёсти лэ Варухости, саво лэс на ашавэлас. Ай кадяжэ росԥэндя и амэнди, важ кода кай амэ адес адиносарас андэ Библия важ лэско ԥаримос (Иеремия 8:21; 9:1; 20:14—18; 45:1). Кати погиндон, сар фартэ дружынас о Иеремия и о Варухо и сар вонэ стонас патив ек пэ ек аврэстэ, пока о Варухо пистрояс важ вся, со терэласпэ андэ лэ Иеремиясти жызня! (Иеремия 20:1, 2; 26:7—11). Бут бэрша о Иеремия би дарако ԥэнэнас лэ израильтянонэнди, со авэла лэ Иерусалимоса (Иеремия 25:3). О Иегова камэлас, кай о народо тэ каийпэ, важ када во мангля лэ Иеремияс, кай во тэ запистрой кадэла алава андо свитко (Иеремия 36:1—4). Пока о Иеремия о и Варухо терэнас кадэя дила, файма, най ек шон, вся кадэя время вонэ бут дэнас дума ек еқэса и подритярэнас ек еқэс, кай май фартэ тэ патян лэ Иеговасти. w19.11 2, 3, абз. 3, 4

Сар амэ трэбуй тэ полас лэ ԥралэн и лэ ԥэян, савэ памазаникоря? На трэбуй лэн фартэ бут тэ шас сама, дажэ если вонэ помазани лэ Христостирэ ԥрала (Матфея 23:8—11). Например, андэ Библия пистромэ, кай амэндэ тэ авэл кацави жэ вера, сар кай и старейшыноря. Но и Библия амэн на сытярэл тэ зваздас лэ манушэс, и тэ полас лэс, сар фартэ ашунглэ манушэс (Евреям 13:7). Канешно, андэ Библия пистромэ, кай дэсавэнди «дувар май бут патив». Важ кода кай вонэ «пала вся драго диқэн» и «стон бут зор, кай тэ росԥэнэн и тэ сытярэн», ай най важ кода, кай вонэ памазаникоря (1 Тимофею 5:17). Амэ на ласа фартэ бут тэ хвалисарас лэ памазаниконэн чи тэ шас фартэ бут сама, кай лэнди тэ на авэл лажаво. Инке через када вонэ моӷут тэ заваздэн о шэро (Римлянам 12:3). Амэ на камлоп, кай через амэндэ варико анда лэ Христостирэ ԥрала тэ терэл бари ошыбка! (Луки 17:2). w20.01 29, абз. 8

Кай о апостоло Павло сас бут пала со тэ пэрэжывает. Во фартэ пэрэжывал пала ԥаримос, саво сас кай и ԥрала и ԥэя (2 Коринфянам 2:4). И вороӷоря най еқварэс марэнас лэ Павлос и стонас андо баруно. Во ӷанэнас, «со када, кала на дохутилэл» о хамос, и авэр ԥаримос (Филиппийцам 4:12). Можно кати тэ погиндосарас, со лэса сас андэ кодэя время, кала во ладэлас па моря и триварэс пэрэжудя кода, сар розмарделэсас и кораблёря (2 Коринфянам 11:23—27). Со поможыяс лэ Павлости тэ улэл и пэрэжывании анда оди? О Павло пэрэжывал, кала кай и ԥрала и ԥэя сас ԥаримос, но во на терэлас вся екжэно, кай тэ улэл кадэва ԥаримос. Во полэлас, кай лэстэ на хутилэла пэ вся зор и мангэлас, кай авэр тэ поможын лэсти тэ диқэн пала собрании. Во пэрэдя лэ ԥралэнди лэ Тимофеёсти и лэ Титости, савэ на подвэдинас, бут пэстири дила. Кала кодэла ԥрала поможынас, о Павло май набут пэрэжывал (Филиппийцам 2:19, 20; Титу 1:1, 4, 5). w20.02 22, 23, абз. 11, 12

О Иегова тожэ аштярэл амэндар, кай амэ ласа тэ кандас лэс. Во ашэл кода, кай амэ лэс тэ кандас, важ кода кай во амаро Создателё, Кодэва, кастар жал и жызня и само мудро Дад. Но со май ӷлавно, васо амэ кандас лэ Иеговас, када, кай любисарас лэс (1 Иоанна 5:3). О Иегова на заставий амэн тэ кандас лэс, хоть бут со исин, васо амэнди трэбуй када тэ терас. О Иегова дя амэнди, кай екжэнэ тэ витидас, и во лошало, кала амэ кандас лэс, важ кода кай любисарас лэс. Дада и дэя камэн, кай лэндирэ бэяцэ тэ на даран ни состар. Важ кода вонэ стон законоря, сар и бэяцэ пэс тэ андярэн. Сар и бэяцэ ритярэн кадэла законоря, вонэ сыкавэн, кай патян пэстирэ родителёнэнди и стон патив пэр лэндэ. Но пэ бутэстэ май важно тэ ӷанас и законоря, савэ стодя о Иегова, и тэ жувас пар лэндэ. Кадя амэ сыкавас лэ Иеговасти, кай стас патив пэр лэстэ и любисарас лэс. Када анэн лашимос и амэнди (Исаия 48:17, 18). Ай кодэла, ко на кандэн лэ Иеговас и на прилэн лэстирэ законоря, терэн пэстири жызня фартэ ԥари (Галатам 6:7, 8). w20.02 9, 10, абз. 8, 9

Сар и кадэя смило жувли и Авигея, амэ на ласа тэ ашас мулком, кала диқас, кай варико жыля па найлашо дром (Псалом 141:5). Амэ трэбуй пэс тэ андярас пативалэс, ай кадяжэ тэ авас смили. Амэ сыкаваса, кай амэ важ лэстэ чачунэ друӷоря, кала ковлэс подԥэнаса лэ манушэсти, со во терэл най кадя (Притчи 27:17). И старейшыноря трэбуй тэ авэн фартэ смили, кала дэн дума лэ ԥралэнца чи лэ ԥэянца, савэ стердэ «варисо най кадя» (Галатам 6:1). И старейшыноря на гиндон пала пэстэ бут и полэн, кай вонэ кадяжэ найсовершэни. И можэт варикала и лэнди авэла трэбуй тэ дэн совето. Но када нащи тэ зритярэл лэн андэ кода, кай тэ сытярэн кодэлэн, касти када трэбуй (2 Тимофею 4:2; Титу 1:9). Кала и старейшыноря дэн дума кацавэ манушэнца, вонэ старыинпэ драго, би холяко тэ дэн дума лэнца. Вонэ камэн тэ поможын лэ ԥралэнди и лэ ԥэянди, важ кода кай вонэ лэнди куч (Притчи 13:24). Но со май ӷлавно важ лэндэ, када тэ ритярэн лэ Иеговаско законо и тэ фэрин и собрания лэ найлашимастар (Деяния 20:28). w20.03 20, 21, абз. 8, 9

О Иегова дя лэ Моисеёсти, кай во тэ фэрий лэ израильтянонэн. Но кала о Иегова дя лэсти кадэя дила? Кала о Моисеё «сас сытярдо всаворя мудростяти, сави сас кай и египтяноря» и полэлас, кай лэстэ исин зор? (Деяния 7:22—25). Най, о Иегова дя лэсти кадэя дила посли кода, сар поможысардя тэ ашэл кацаво мануш, саво на заваздэл о шэро (Деяния 7:30, 34—36). О Иегова дя лэ Моисеёсти кацави смилость, кай во на дарайля тэ тердёл англа само баро правителё андо Египто (Исход 9:13—19). Анда када амэ диқас кай о Иегова витидэл кодэлэн, кастэ и качестворя, савэ чалён лэсти, и ко мангэл лэстар зор. Вся и время, сар жал и жызня, о Иегова дэлас пэстирэ служытелёнэнди тэ ашэн разни инструменторя андэ лэстирэ вас. Ай каса тумэнди во поможыя тэ ашэн? Када, авэла кодэлэстар, со тумэ ӷотови тэ терэн (Колоссянам 1:29). Кала тумэ ӷотови тэ поможын, о Иегова можэт тэ стерэл кадя, кай тумэ лэна бут тэ росԥэнэн и лащи весть, лэна драго тэ сытярэн па Библия, терэна, кай аврэнди тэ авэл драго по ди, лэна драго тэ терэн и дила и ашэна лашэ друӷоря, ашэна кодэлэнца, ко трэбуй, кай тэ терэн кода, со камэл о Дэл. w19.10 21, абз. 5; 25, абз. 14

И чачунэ друӷоря поможын амэнди тэ на парашас тэ кандас лэ Иеговас. Кай тэ виарақэс лашэ друӷонэн, трэбуй екжэно тэ авэс лашо друӷо (Матфея 7:12). И Библия сытярэл амэн тэ отдас пэстири время и о зор аврэнди, особенно кодэлэнди, касти када фартэ трэбуй (Эфесянам 4:28). Кала амэ поможысарас аврэнди, кадэлэстар амэ радосавас (Деяния 20:35). Друӷоря подритярэн амэн, кала ԥарэс и поможын амэнди, кай тэ авэл миро по ди. Точно кадя, сар о Елиуй виашунэлас лэ Иовос, кала во росԥэнэнас пала пэстирэ биды. Амарэ друӷоря кадяжэ на холявэн и виашунэн, кала амэ росԥэнас лэнди, савэ пэрэжывании амэндэ по ди (Иов 32:4). На гиндосар, кай и друӷоря ԥэнэна, сар тэ терэс. Авелоп драго тэ приашундювас каринг лэнго совето, саво анда Библия (Притчи 15:22). Тумэ сэрэн, о царё Давидо на завазгля о шэро, и приля и помощь пэстирэ друӷонэндар? (2 Самуила 17:27—29). Кала амэнди и друӷоря дэн помощь, трэбуй тэ на заваздас о шэро, ай тэ прилас и помощь. И друӷоря, када лашо подарко лэ Иеговастар (Иакова 1:17). w19.04 11, абз. 12; 12, абз. 14—16.