Январё

О Тимофеё патялас важ кода кай драго ӷанэнас о чачимос анда Свынто Писания. Блаӷодаря кадэлэсти, лэстэ ашэля лащи дружба лэ Иеговаса. Амэнди кадяжэ трэбуй, кала адиносарас пала Иегова анда Библия, тэ погиндосарас пала кода, со уӷанас пала лэстэ. Спэрва трэбуй тэ полас трин ӷлавни гиндоря анда Библия. Пэрво, када, кай вся создал о Иегова (Исх. 3:14, 15; Евр. 3:4; Отк. 4:11). Дуйто, кай и Библия, када письмо лэ Дэвлэстар лэ манушэнди (2 Тим. 3:16, 17). Трито, кай лэ Иеговастэ исин народо, савэстэ порядко андэ служэния и пала када диқэл о Иисус Христос. Пэ кадэва народо ԥэнэн лэ Иеговастирэ свидетеля (Ис. 43:10—12; Иоан. 14:6; Деян. 15:14).Важ када на трэбуй тэ ӷанас вся, со пистромэ андэ Библия. Но амэ камас инке май фартэ тэ патяс андэ кода, кай ӷанас о чачимос анда Библия и када трэбуй тэ терас «всаворя́ годяса» (Рим. 12:1). w20.07 10, абз. 8, 9

Андэ кадэва пророчество кай и саранча манушыканэ муя, ай пэ шэрэ «варисо, сар короны, кабута анда сомнак» (Отк. 9:7). И саранча терэлас найдраго лэ «манушэнди [лэ Иеговастирэ вороӷонэнди], савэндэ нинай по чикат печать лэ Дэвлэстар». Кадя сас панч шона, скати жувэл и саранча (Отк. 9:4). Када драго поджал каринг и памазаникоря, савэ служын лэ Иеговасти. Вонэ смило росԥэнэн пала сындо, саво виандярдя о Дэл важ и люма, андэ сави бут найлашимос. Када фартэ найдраго важ кодэла, касти чалёл и люма, савяса правий о Сатана. Вижал чи най, кай и саранча, пала сави жал и дума андэ книӷа Иоиль 2:7—9, и и саранча, пала сави дэлпэ дума андэ Откровение, када най еқэндар? Да. И андэ када нинай нисо. Андэ Библия еқэ алавэса моӷут тэ ԥэнэн пэ кода, со на шолпэ ек еқэса. Ԥэнаса, андэ Откровение 5:5 по Иисусо ԥэнэн «Лево анда лэ Иудастири племя», ай андэ 1 Петра 5:8 по Сатана ԥэнэн, кай во «о лево, саво рычий». w20.04 3, абз. 8; 5, абз. 10

И Агарь, ла Саратири служанка, ля найдраго пэс тэ андярэл, кала вой ашэля лэ Аврамостири хулаи. Кала и Агарь уӷангля, кай латэ авэла бэято, вой ля тэ вэрыцый ла Сара, важ кода кай латэ на сас бэяцэ. И Сара стодя по ҭан ла Агаря и вой унашля латар (Быт. 16:4—6). Если тэ диқас пэ Агарь, кай вой найсовершэно мануш, тоди вижал, кай и Агарь затердя када, важ кода кай пусавэлас лэ алавэнца. Но о Иегова диқэлас па аврятэ. Во бишалдя каринг и Агарь лэ анӷелос. Кала о анӷело виарақля ла Агаря, во поможысардя тэ парувэл пэстирэ гиндоря и блаӷословисардя ла. И Агарь поля, кай о Иегова вся диқэл и драго полэл, со ласа. Вой дажэ ԥэндя лэ Иеговасти: «Ту Дэл, саво вся диқэл» (Быт. 16:7—13). Со о Иегова додиқля андэ Агарь? Во ӷанэнас вся, со ласа сас и со лати прижыляпэ тэ пэрэжувэл. О Иегова на ԥэнэн, кай и Агарь драго терэлас, кала на столас патив пэ Сара. Но амэ патяс, кай о Иегова полэлас кода, со сас латэ по ди и со лати прижыляпэ тэ пэрэжувэл. w20.04 16, абз. 8, 9

О апостоло Павло ԥэндя, кай всаворэ христианоря прастэн па дром, па саво трэбуй тэ допрастэн до конца (Евр. 12:1). И всаворэ амэ тэрнэ чи ԥурэ, бут амэндэ зор чи набут, трэбуй тэ допрастас кадэва дром, если камас тэ диқас о лашимос лэ Иеговастар (Матф. 24:13). О Павло смило моӷ тэ ԥэнэн лэ христианонэнди, кай трэбуй тэ нашэн па кадэва дром важ и жызня, важ кода кай екжэно «допрастая о дром до конца» (2 Тим. 4:7, 8). О Павло дэлас дума пала дэсавэ иӷры, савэ проандярэнас андэ Древнё Греция, кай кадэлэса тэ сытярэл амэн (1 Кор. 9:25—27; 2 Тим. 2:5). Най еқвар во сыстояс и жызня лэ христианиности кодэлэса, кала прастэн па дром, па саво старыинпэ тэ донашэн со май пэрви (1 Кор. 9:24; Гал. 2:2; Флп. 2:16). О мануш лэл тэ нашэл, кала болдёл, ай донашэла, кала о Дэл дэла лэсти вечно жызня (Матф. 25:31—34, 46; 2 Тим. 4:8; 1 Пет. 3:21). w20.04 26, абз. 1—3

«О Ӷосподо никала на ашавэла, во дэла зор и фэрия тумэн лэ Сатанастар» (2 Фес. 3:3). Сар о Иегова фэрий амэн? О Иегова дя амэнди ӥда, сави амэн фэрий лэ Сатанастар (Эф. 6:13—17). Кадэя ӥда састи и надёжно. Но кай во тэ фэрий амэн, амэнди трэбуй тэ лас пэр пэстэ вся, со каринг латэ жал, и кай вой вся и время тэ авэл пар мэндэ. Кардэ ужал и кущик, када о чачимос пала Дэл, саво исин андэ Библия. Но васо амэнди трэбуй тэ ԥиравас кадэя кущик? Важ кода кай о Сатана «дад лэ хохаимаско» (Иоан. 8:44). И важ кадэла тысячи бэрша, во сытеля фартэ драго тэ хохавэл. Во «обхохавэл всаворэн, ко жувэл пэ ԥув»! (Отк. 12:9). Но амэн во нэ сможэт тэ обдилярэл. Амэ кабута лям тэ ԥиравас кадэя кущик, кала уӷанглям о чачимос пала Иегова, кала лям тэ служысарас лэсти кадя, сар во амэнди ԥэнэн через пэско свынто духо и через Библия, и кала ни андэр со на хохавас (Иоан. 4:24; Эф. 4:25; Евр. 13:18). w21.03 26, абз. 3—5

Соса кадэя ԥув особенно? Важ кода кай кати котэ и мануша тэлёнас лэ Иеговасти. Но посли Пятидесятница андо 33 бэрш лэ И. Х. линэ тэ тэлён лэ Дэвлэсти най кати пэ «Райкани ԥув». Васо? Важ кода кай адес лэ Иеговастирэ мануша жувэн па вся и люма. Адес и «Райкани ԥув», када лэ Иеговастири арӷанизацыя. И мануша андэр латэ служын лэ Иеговасти, кала авэн пэ собрании, кала росԥэнэн пала лэстэ аврэнди чи терэн авэр лэстири дила. Андэ время, кала залинэпэ и послидни деса, о северно царё най еқвар зажалас андэ «Райкани ԥув». Со сыкавэлас, кай во кордэ зажалас? Во ӷонияс и умарэлас лэ Дэвлэстирэ служытелёнэн. Када сас, кала лэ севернонэ царёса сас нацыско Германия. Ай май фартэ о северно царё када терэлас, кала сас и Дуйто мирово война. Кадяжэ о Совецко Союзо посли Дуйто мирово война, кала во ашэля северно царё, ля тэ ӷоний лэ Дэвлэстирэ служытелёнэн и тэ бишалэл лэн андэ ссылка. w20.05 13, 14, абз. 7, 8

Сгиндосарам пала мурша, савэ жувэнас жы каринг о Христос и савэ дружынас лэ Дэвлэса. О Авраамо фартэ патялас лэ Дэвлэсти. Дажэ, сар прожыля 1 000 бэрш посли лэстири смэрть, о Иегова ԥэнэнас пэр лэстэ, кай во лэско друӷо (Ис. 41:8). Вижал, дажэ тоди, кала мануша мэрэн, важ о Иегова вонэ всаек ашэнпэ лэстирэ лашэ друӷонэнца. Андэ лэ Иеговастири память о Авраамо вся инке жундо (Луки 20:37, 38). Инке ек мануш, када о Иово. Еқварэс о Иегова англа всаворэ анӷелоря хвалисардя лэ Иовос. О Иегова ԥэндя: «Во никала на хохавэл и вужо англа мандэ. Во мануш, саво дарал лэ Дэвлэстар и ритярдёлпэ дур лэ найлашимастар» (Иов 1:6—8). Ай сар о Иегова андярэлас пэс лэ Даниилоса, саво 80 бэрш на парашэлас тэ служый лэсти машкар мануша, савэ тэлёнас лэ хохавнэ дэвлэнди? И анӷелоря тривар ԥэндэ лэ Даниилости, саво сас ужэ ԥуро, кай во кучутно мануш важ о Дэл (Дан. 9:23; 10:11, 19). Амэ патяс, кай о Иегова фартэ аштярэл кодэва дес, кала рия каринг жызня пэстирэ любимонэ друӷонэн (Иов 14:15). w20.05 26, 27, абз. 3, 4

Кодэва, кас амэ сытярас па Библия, можэт тэ ӷанэн лэ Дэвлэстирэ законоря и вонэ дажэ моӷут фартэ тэ чалён лэсти. Но диқас амэ, кай во камэл тэ жувэл па лэ Дэвлэско законо, важ кода кай любий лэ Иеговас? Сгиндосарам пала Ева. Вой ӷанэнас лэ Дэвлэско законо, но латэ на сас чачуни любовь каринг кодэва, ко дя кадэва законо. Кадя жэ можно тэ ԥэнас и пала Адамо (Быт. 3:1—6). Тоди вижал, на хутилэл тэ росԥэнас лэ манушэсти, савэс сытярас па Библия, пала лашо лэ Дэвлэско законо. Всаворэ лэ Иеговастирэ законоря анэн амэнди лашимос (Пс. 119:97, 111, 112). Но када най сразу моӷут тэ полэн кодэла, кас амэ сытярас па Библия. Вонэ трэбуй тэ полэн, кай о Иегова дя кадэла законоря, важ кода кай любий амэн. Кала сытярас па Библия, амэ можэм тэ пушас лэ манушэстар: «Сар ту гиндос, васо о Дэл мангэл амэн дэсо тэ терас, ай дэсо тэ на терас? Со амэнди када сыкавэл пала Дэл?» Если амэ сытяраса кодэлэн, ко сытёл па Библия тэ гиндон пала Иегова и поможысараса лэнди па чачимастэ тэ полюбин лэ Дэвлэс лэ Иеговас, тоди вонэ закамэна тэ прилэн о чачимос анда вся оди. Кодэла, кас амэ сытярас па Библия, лэна тэ любин най кати лэ Дэвлэстирэ законоря, но и лэ Дэвлэс. Вонэ лэна май фартэ тэ патян и када поможыя лэнди тэ виритярэн дажэ само баро ԥаримос (1 Кор. 3:12—15). w20.06 10, 11, абз. 10, 11

Амэ трэбуй тэ на грабисавас тэ холявас, важ кода кай манушэсти трэбуй бут время, кай лэстэ упалэ тэ авэл кацави дружба лэ Иеговаса, сар сас. Бут вазвещятеля, савэ сас неактивни, ԥэнэн, кай и старейшыноря и авэр христианоря авэнас лэндэ бут разоря. Кати потом вонэ упалэ линэ тэ служын лэ Иеговасти. И ԥэй анда Азия, савя ақарэн Нанси, пистросардя: «Мандэ сас фартэ лащи подружка андэ собрания, сави фартэ подритярэлас ман. Вой любияс ман, сар барэдэря ԥья. Варикала амэ бут время проандярасас вмести. И вой дэлас дума манца пала кодэя лащи время. Ай кала манди камэласпэ тэ росԥэнав, со мандэ по ди, вой ман драго виашунэлас и дэлас совето. Кадэя ԥэй сас важ мандэ чачуно друӷо, саво андэ любо время ӷотово тэ поможый». Кала жалуисарас анда оди, када сар о драб, саво злэл дажэ само бари дук. Када можэт тэ поможый, кай тэ прожал и холи. Дэсавэ ԥрала и ԥэя ашэлэ неактивни, важ кода кай варико андэ собрания бут бэрша палпалэ холярдя лэн и холи ашэлпэ идоси. Када мишыий лэнди тэ ринпэ каринг о Иегова. Вонэ моӷут тэ гиндон, кай лэнца обжылэпэ кадя, сар вонэ на затердэ. Лэнди трэбуй лашо друӷо, саво полэла лэн. w20.06 26, 27, абз. 10, 11

Сар тумэ на подэнапэ, кала исин искушэнии, тоди кажно разо тумэнди авэла май вушэро тэ терэн кода, со правильно англа Дэл. На бистрэн, кай кадэва найлашо гиндо пала билажавардимос лэ Сатанастар. Важ када, кала тумэ отԥэндён тэ гиндон кадя, сар и мануша, савэ на ӷанэн лэ чачунэ Дэвлэс, тумэ победин лэ Сатанас. Амэ полас, кай кати о Иегова можэт тэ ԥэнэн, со ӷрехо, ай со най. И амэ стас вся о зор, кай тэ на ӷрешысарас. Но если амэ шылисайлям, тоди амэ росԥэнас пала када лэ Иеговасти андэ молитва (1 Иоан. 1:9). Ай кала стердям о ӷрехо, амэ мангас помощь кай и старейшыноря, савэнди о Иегова ԥэндя тэ заботинпэ пала амэндэ (Иак. 5:14—16). Но амэ на трэбуй тэ дошалярас пэс важ кодэла ошыбки, савэ стердям дэлмут. Васо? Важ кода кай амаро любящё Дад, отдя пэстирэ Шавэс, саво муля важ амэндэ, кай тэ простинпэ амарэ ӷрехоря. О Иегова простий амэн, кала амэ па чачимастэ каисавас. Важ када амэн нисо на ритярэла тэ служысарас лэ Иеговасти вужэ одеса (1 Иоан. 2:1, 2, 12; 3:19, 20). w20.07 23, абз. 9, 10

Варикала о Иегова сас екжэно и кадэлэстар лэсти на сас скучно. И во радуияспэ, дажэ кала никас на сас. Но о Дэл камэлас, кай и авэр тэ радуинпэ ла жызняти. И важ кода кай любий, о Иегова ашэля Создателё (1 Иоан. 4:19). Спэрва о Иегова создал кодэлэс, ко терэлас дила еқэҭанэ лэса, пэстирэ Шавэс. Потом вмести лэса о Дэл стердя вся, ай кадяжэ фартэ бутэ анӷелонэн (Кол. 1:16). О Иисусо сас лошало тэ терэл дила пэстирэ Дадэса (Прит. 8:30). И анӷелоря кадяжэ лошавэнас. Вонэ кабута бэшэнас андэ пэрво рядо и диқэнас, сар о Иегова и лэско лашо мастеро, о Иисусо, создавали о нэбо и ԥув. Сар кадэла лэ Дэвлэстирэ шавэ сыкавэнас, со лэндэ по ди? Вонэ «линэ ӷромко тэ хвалин лэс» (Иов 38:7). Вонэ хвалинас лэ Дэвлэс, кала и ԥув сас стерди, и на парашэнас тэ хвалин лэс, кала диқэнас, сар во создал вся авэр, ай со май фартэ, кала во создавал лэ манушэн (Прит. 8:31). Андэ вся, со стердя о Иегова, дицол лэстири любовь и мудрость (Пс. 104:24; Рим. 1:20). w20.08 14, абз. 1, 2

О Иегова кадя создал лэ манушэн, кай вонэ тэ любин ек еқэс. Важ када, кала амэн варико вэрыцый, амэнди кадэлэстар ԥарэс по ди и страшно. Ек ԥрал росԥэнэн, кай и халавдэ марэнас лэс, ԥэнэнас пэр лэстэ найлашэ алава и камэнас тэ умарэн лэс кати важ кода, кай во лэ Иеговаско свидетелё. Лэсти сас кадэлэстар страшно и фартэ ԥарэс по ди. Но кала и мануша андярэн пэс кадя, амэ на трэбуй тэ удивисавас важ кода, кай пала када ԥэндясас о Иисусо. Васо и мануша вэрыцын кодэлэн, ко служый лэ Иеговасти? Важ кода кай о Иисусо ԥэндя, кай «тумэ най сар всаворэ миро» (Иоан. 15:17—19). Амэ стас патив пэ мануша андо правительство, но амэ на отдас и слава кодэлэсти, со исин андэ страна, например, о флаӷо или о гимно. Амэ отдас вся и слава кати лэ Иеговасти и андэ вся кандас кати лэс. И амэ ӷанас и патяс, кай тэ правий лэ манушэнца можэт кати о Дэл. Ай о Сатана и кодэла, ко жан пала лэстэ, терэн вся, кай тэ сыкавэн, кай о Дэл нэ можэт драго тэ правий лэ манушэнца (Быт. 3:1—5, 15). Но амэ всаек на парашас тэ росԥэнас, кай кати лэ Дэвлэско Царство анэна лашимос лэ манушэнди и через пэско Царство о Дэл улэла всаворэн, ко жал против лэстэ (Дан. 2:44; Отк. 19:19—21). Када анэна лашимос лэ манушэнди, савэндэ ковло ди. Ай лэ манушэнди, савэ на кандэн лэ Дэвлэс, када анэна бида. w21.03 20, 21, абз. 1, 2

Лэ Иеговасти куч и христианки андэ собрания. Лэ Иеговасти чалёл, сар вонэ пэс андярэн, важ кода кай вонэ мудри, патян андо Дэл, служын анда вся оди, фартэ камэн тэ поможын аврэнди, смили и терэн бут лащи дила (Луки 8:2, 3; Деян. 16:14, 15; Рим. 16:3, 6; Флп. 4:3; Евр. 11:11, 31, 35). Амэ кадяжэ лошалэ, кай андэ собрания исин бут ԥрала и ԥэя, савэ андэ бэршэндэ. Бут кастэ андар лэндэ найдраго лэ зорэса. И всаек, амарэ ԥрала и ԥэя, савэ андэ бэршэндэ, стон бут зор, кай тэ росԥэнэн пала Дэл, ай кадяжэ тэ подритярэн и тэ сытярэн аврэн! Кода, со вонэ терэн, сытярэл и амэн бут сости. Вонэ па чачимастэ куч и важ о Иегова и важ амэндэ (Прит. 16:31). Погиндон кадяжэ пала тэрнэ ԥрала и ԥэя. Лэндэ бут ԥаримос, пока вонэ барён андэ люма, савяса правий о Сатана и андэ сави бут найлашимос, саво жал лэстар. Но всаек вонэ дэн каминтарии пэ собрании, росԥэнэн важ о Дэл и би дарако зашонпэ пала кода, андэр со патян. Кадэлэса вонэ амэн фартэ радуин. Да, тумэ тэрнэ ԥрала и ԥэя, фартэ куч андэ лэ Иеговастири собрания! (Пс. 8:2). w20.08 21, абз. 9—11

Кала амэ лас тэ росԥэнас важ о Дэл и ԥэнас, кай амэ лэ Иеговастирэ свидетеля, тоди пар мэндэ моӷут тэ тасавэн амаро родо, и мануша моӷут амэндар тэ подасанпэ и тэ на ашунэн, со амэ росԥэнас. Када вся можэт тэ авэл важ амэндэ, сар буря. Сар тэ авас смили? Пэрво, патян, кай о Иисусо на парашэл тэ диқэл па нэбо пала амари служэния (Иоан. 16:33; Отк. 14:14—16). Дуйто, инке май фартэ патян, кай о Иегова позаботияпэ пала тумэндэ (Матф. 6:32—34). Со май фартэ тумэ патян, со май бари авэла тумэндэ смилость. Тумэ сыкадэ, кай фартэ патян лэ Иеговасти, кала ԥэндэ, кай тумэ линэ тэ сытён па Библия лэ Иеговастирэ свидетелёнэнца и тэ ԥирэн пэ собрании. Кай тэ жувэн па лэ Дэвлэско законо, тумэнди бут со прижыляпэ тэ парувэн андэ пэстири жызня. Важ када тумэнди трэбуй сас тэ патян лэ Дэвлэсти и тэ авэн смили. Если тумэ авэна инке май смили, тоди тумэ додиқэна, кай кадэла алава, савэ запистромэ андэ Библия, чачунэ: «Тиро Дэл Иегова туса, каринг бы ту тэ на жылоп» (Иис Н. 1:7—9). w20.09 5, 6, абз. 11, 12

О царё Аса всаворэ́ одеса кандэлас лэ Иеговас и када сас годявэрнэс. Во служыяс лэ Иеговасти андэ лащи время и андэ ԥари время. Андэ Библия ԥэнэнпэ, кай «о Аса всаворэ́ одеса сас лэ Иеговаса и вся и жызня кандэлас лэс» (1 Цар. 15:14). О Аса стердя кадя, кай андэ Иуда будэр тэ на тэлён лэ хохавнэ дэвлэнди. «Во розмардя и жэртвенникоря важ чужи дэвла и ҭана, пэ савэ иудеёря анэнас и жэртвы. Кадяжэ во розмардя и свынти барунэ столборя и ԥагля и каштунэ свынти столборя» (2 Лет. 14:3, 5). О Аса дажэ заля кай пэстири баба, кай и Мааха, и царско власть. Важ кода кай вой ԥэнэнас лэ народости тэ тэлён лэ хохавнэ дэвлэсти (1 Цар. 15:11—13). Но о Аса най кати стердя, кай и мануша тэ на тэлён лэ хохавнэ дэвлэнди. Инке во ԥэнэнас, кай вонэ тэ ринпэ каринг о чачуно Дэл, каринг о Иегова. О Иегова блаӷословисардя лэ царёс и лэ народос. И пэ ԥув, пэ сави вонэ жувэнас, «дэш бэрш сас мирно» (2 Лет. 14:1, 4, 6). w20.09 14, абз. 2, 3

Кала амэнди варико или варисо куч, амэ фэрисарас када. Например, кала лэ манушэсти куч лэско бэято, во лэс дэл кати кодэлэсти, касти во доверяет. О апостоло Павло ԥэндя лэ Тимофеёсти, кай лэсти дино варисо куч, када тэ ӷанэн о чачимос пала Дэл и тэ росԥэнэн аврэнди и лащи весть пала кода, со о Дэл загиндосардя (2 Тим. 4:2, 5). Кадяжэ о Павло ԥэндя, кай о Тимофеё тэ цэний кода, со лэсти динэ тэ терэл. Ай со амэнди дя о Иегова? О Иегова стердя важ амэндэ розлашо подарко, кай росԥэндя о чачимос анда Библия. Када поможыя амэнди тэ ашас лэса май пашэ и тэ авас инке май бахталэ. Важ кода, кай амэ ӷанас о чачимос анда Библия, амэ никала на стераса, со нэнавидит о Иегова и амэн нико и никала на обхохавэла (1 Кор. 6:9—11). w20.09 26, абз. 1—3

Важ о изучающё о чачимос анда Библия авэла куч, если во диқэла, кай ту цэнис кода, сости вой сытярэл и патяс андэ када. Ту можэш тэ росԥэнэс лэсти, сар и принцыпоря анда Библия поможысардэ тути. И кадя во полэла, сар и советоря анда Библия моӷут тэ поможын и лэсти тэ парудёл андэ лащи риг. Кала ту проандярэс изучения, росԥэн лэ манушэсти пала ԥрала и ԥэя, савэндэ вижыля тэ улэн кацаво ԥаримос, саво и лэстэ. Кадяжэ ту можэш тэ ақарэс пэ изучения кадэлэ ԥралэс или ԥья. Поможысар лэ манушэсти тэ полэл, кай и советоря анда Библия моӷут тэ парувэн лэстири жызня андэ лащи риг. Если кай о мануш, савэса ту изучаеш и Библия, исин хулай или хулаи ту можэш тэ ақарэс лэс, кай и во или вой тэ побэшэл тумэнца пэ изучения. Кадяжэ ԥэн, кай о изучающё можэт тэ росԥэнэн пэстирэ родости и друӷонэнди кода, со уӷанэн анда Библия (Иоан. 1:40—45). w20.10 16, абз. 7—9

О Иисусо бареля лашэ манушэса и о Дэл сас довольно лэса, важ кода кай о Иосифо и Мария сытярэнас лэс кадя, сар и ԥэнэнас о Дэл (Втор. 6:6, 7). Вонэ фартэ любинас лэ Иеговас, и фартэ камэнас, кай лэндирэ бэяцэ тожэ тэ любин лэс. О Иосифо и Мария вмести лэ бэятонэнца всегда виарақэнас время важ и служэния лэ Иеговасти. Вонэ кажно курко жанас андэ синагога андо Назарето, ай кадяжэ еқвар андо бэрш жанас андо Иерусалимо пэ Патради (Луки 2:41; 4:16). Кала жанас андо Иерусалимо, вонэ, можэт, прожанас кодэла ҭана, пала савэ пистромэ андэ Свынто Писания, и росԥэнэнас лэ Иисусости и лэстирэ ԥралэнди и ԥэянди пала кода, со сас варикала лэ Иеговастирэ народоса. Лэ Иосифости и ла Марияти сас найвушэро тэ витидэн время важ о Иегова, важ кода кай о ери ашэлас май баро. Но вонэ всаек стонас лэ Иеговас по пэрво ҭан, и важ када кай лэнго ери сас лащи дружба лэ Иеговаса. w20.10 28, абз. 8, 9

Если тут ақардэ пэ изучение Библии, авелоп драго тэ проадинос май англал, со лэна тэ прожан. О ԥрал Дорин, саво служый сар спецыально пианеро, ԥэнэн, кай драго кала о вазвещятелё, савэс во ақарэл пэ изучения, проадиной и тема, сави лэна тэ прожан. Тоди о изучающё полэл, кай тумэ лэдуй драго подӷотовились каринг изучения. Тоди во тожэ лэла кадя тэ терэл. Но если тутэ на сас время, кай драго тэ проадинос вся, тоди проадиносар хоть и ӷлавни гиндоря анда ӷлава, сави лэна тэ прожан пэ изучения. Если тут мангэна тэ лэс и молитва пэ изучения, трэбуй май англал тэ погиндос, со ту ԥэнэса андэ молитва. Важ кода кай и молитва, када фартэ важно (Пс. 141:2). И ԥэй анда Япония сэрэл, сар мангляпэ ек ԥэй латэ пэ изучения. Вой ԥэнэн, кай андэ молитва дицолас, пэ скати важ кодэя ԥэй о Иегова сас лашо друӷо, и сар вой любияс лэс. И вой камэлас, кай и латэ тэ авэл кацави жэ дружба лэ Дэвлэса, сар кай кодэя ԥэй. Ай кала кодэя ԥэй ԥэнэнас лако алав андэ молитва, вой полэлас, кай ла цэнин. w21.03 9, 10, абз. 7, 8

О Иисусо дя алав лэ Павлости, кай во доладэла андо Римо. Но дэсавэ иудеёря андо Иерусалимо камэнас тэ умарэн лэс. Кала пала када уӷангля о римско военноначальнико о Клавдий Лисий, во закамля тэ поможый лэ Павлости. О Клавдий сразу бишалдя лэ Павлос анда Иерусалимо андэ Кесария и стодя, кай лэс тэ фэрин фартэ бут воиноря. Котэ о правителё Феликсо приԥэндя тэ ритярэн лэс андо баруно андэ царско града кай о Иродо. И важ када и вороӷоря лэ Павлос нэ смоӷли тэ умарэн (Деян. 23:12—35). Посли Феликсо ашэля правителё о Фесто. О Фесто камэлас тэ уӷодий лэ народости и важ када пушля лэ Павлостар, камэл ли во тэ жал андо Иерусалимо, кай лэс тэ сындон котэ. О Павло ӷанэнас, кай котэ лэс моӷут тэ умарэн. Во ԥэндя лэ правителёсти: «Камав тэ подав дума лэ цэзарёса!» О Фесто ԥэндя лэсти: «Каринг о цэзарё мангэспэ, каринг о цэзарё и жаса». Прожыля совсем набут время, и о Павло ужэ сас андо Римо май дур пэстирэ вороӷонэндар, савэ фартэ камэнас лэс тэ умарэн (Деян. 25:6—12). w20.11 13, абз. 4; 14, абз. 8—10

Всаворэндэ амэндэ сас кацаво, кай оди дошалярэлас пала ошыбки, савэ стердямас варикала. Дэкас оди дошалярэл важ кода, кай вонэ терэнас найлащи дила жы каринг кода, сар тэ уӷанэн о чачимос анда Библия. Ай авэр ԥрала и ԥэя дошалярэн пэс, важ кода кай стердэ варисо най кадя ужэ посли кода, сар болделэ (Рим. 3:23). Канешно, амэ камас тэ терас правильно. Но всаек вижал кадя, кай «всаворэ амэ бут со терас най кадя» (Иак. 3:2; Рим. 7:21—23). И хоть амэнди най драго, кала оди дошалярэл, всаек андэ када исин и варисо лашо. Кала оди лэл тэ дошалярэл, тоди о мануш можэт тэ парудёлпэ и будэр тэ на терэл кадя (Евр. 12:12, 13). Дэкала можэт тэ авэл кадя, кай оди фартэ амэн дошалярэл. Оди на парашэл тэ дошалярэл лэ манушэс, хоть во ужэ и каисайля, и о Иегова лэс ужэ простисардя. Тоди када залэл бут зор лэ манушэстар (Пс. 31:10; 38:3, 4). Нащи тэ домэкас, кай через када амэндэ тэ умэкэнпэ и вас. Кадэлэсти кати лошавэла о Сатана. Но о Иегова на камэл, кай амэ тэ умэкас и вас! (Диқэн 2 Коринфянам 2:5—7, 11.) w20.11 27, 28, абз. 12, 13

О левито, саво пистросардя о 73 Псалом, ля тэ завидуий лэ найлашэ манушэнди. Во гиндояс, кай лэндэ андэ жызня вся роздраго (Пс. 73:2—9, 11—14). Кай лэндэ исин барвалимос и лэндэ интересно жызня. О левито трэбуй сас тэ парувэл пэско гиндо и тэ диқэл пэ када кадя, сар диқэлас о Иегова. Кадя во и стердя. И тоди лэстэ по ди ашэля драго. Во поля, кай май куч, чем о Иегова, лэстэ андэ жызня нико нинай (Пс. 73:25) Давайте и амэ никала на ласа тэ завидуисарас лэ найлашэ манушэнди. Лэндэ найлащи жызня и кати здэлпэ, кай вой бахтали (Эккл. 8:12, 13). Если амэ ласа тэ завидуисарас лэнди, тоди амэнди авэла кадэлэстар фартэ ԥарэс, и амэ дажэ можэм тэ хасарас и дружба лэ Иеговаса. Если амэ полас, кай амэ лям тэ завидуисарас лэ найлашэ манушэнди, трэбуй тэ терас кадя, сар стердя о левито, и тэ приашундювас каринг лэ Иеговастирэ советоря. Када тэ дружысарас кати кодэлэнца, ко лэс любий. Если амэ любисарас лэ Иеговас, тоди амэ па чачимастэ аваса бахталэ, и нисо амэн на змарэла па правильно дром (1 Тим. 6:19). w20.12 19, абз. 14—16

Кала росԥэнэс лэ Иеговасти пала пэстирэ пэрэжывании, старысав най кати варисо тэ мангэс, но и тэ блаӷодарис лэс. Саво бы тэ на авэл ԥаримос, авелоп драго тэ гиндосарэс пала лашимос, саво о Иегова терэл важ тутэ. Дэкала найвушэро тэ росԥэнэс андэ молитва вся, со по ди, но на бистэр, кай о Иегова атветит, дажэ если ту просто ԥэнэса лэсти: «Мангав тут, поможысар!» (2 Лет. 18:31; Рим. 8:26). Патя, кай о Иегова май мудро, чем амэ. Андо 8 вико жы кай о И. Х. и сирийцоря камлэ тэ жан пэ иудеёря. Важ када иудеёря, кай тэ спасынпэ, манглэ помощь кай о Египто (Ис. 30:1, 2). О Иегова ԥэндя, кай через о доӷоворо лэ Египтоса, лэндэ авэла бида (Ис. 30:7, 12, 13). Кай и иудеёря тэ спасынпэ па чачимастэ, о Иегова ԥэндя через о пророко Исаия: «Тумаро зор андэ кода, кай тэ ашэнпэ спокойни и тэ сыкавэн, кай патян» лэ Иеговасти (Ис. 30:15б). w21.01 3, 4, абз. 8, 9

О Дэл наӷрадия лэ памазаниконэн, кай вонэ лэ Христоса по нэбо тэ авэн царёря и рашая (Отк. 20:6). О Иегова, о Иисусо и анӷелоря авэна фартэ лошалэ, кала и 144 000 памазаникоря получина пэстири небесно наӷрада. Кала о апостоло Иоанно росԥэндя пала 144 000 памазаникоря, во инке росԥэндя пала «фартэ бут мануша», савэ пэрэжудэ о Армагеддоно. Кадэлэ манушэн май бут, чем лэ памазаниконэн. О Иоанно пистросардя, кай «лэн нико нэ моӷ тэ пэрэадиной» (Отк. 7:9, 10). Кадэла мануша сас утидэ андэ «лунго парни ӥда». Када сыкавэл, кай вонэ на парашэлэ тэ кандэн лэ Дэвлэс и лэ Христос и ашэлэпэ вужэ андэ лэ Сатанастири люма (Иак. 1:27). Вонэ анда вся ӷолосо ԥэнэнас: «Фэрисардя амэн амаро Дэл, саво бэшэл по престоло, и о Бакроро». Лэндэ андэ вас сас пальмови виточки, савэ сыкавэн, кай вонэ анда вся оди прижанэн лэ Иисусос, сар Царёс, савэс стодя о Иегова. (Диқэн Иоанна 12:12, 13.) w21.01 15, 16, абз. 6, 7

Кай тэ авэс лашэ хуласа андо ери, трэбуй тэ сытёс лэ Иеговастар и лэ Иисусостар, ай вонэ най ӷорди и любин аврэн. Кадя и о хулай трэбуй тэ андярэл пэс ла хулаяса и лэ бэятонэнца. Роздиқам примеро, сар вонэ сыкавэн, кай на заваздэн о шэро. Май мудро лэ Иеговастар никас нинай, но во всаек виашунэл пэстирэ служытелёнэн и приашундёл каринг лэндэ (Быт. 18:23, 24, 32). Хоть о Иегова совершэно, во полэл, кай амэндэ на вижала тэ авас совершэни, сар во. Во най ӷордо и поможый лэ ӷрешнонэ манушэнди тэ на парашэн лэс тэ кандэн (Пс. 113:6, 7). Андэ Библия дажэ ԥэнэнпэ, кай во Помошнико (Пс. 27:9; Евр. 13:6). О царё Давид ӷанэнас, кай на стердоп и дила, сави трэбуй сас тэ стерэл, если о Иегова тэ авелоп ӷордо и тэ на поможысардоп лэсти андэ када (2 Сам. 22:36). Акана подаса дума пала Иисусо. Во сас лэ Дэвлэско Шаво, но еқвар во халадя дажэ и пэрнэ пэстирэ учениконэнди. О Иисусо ԥэндясас пэстирэ учениконэнди: «Мэ сыкадэм тумэнди када, кай тумэ тэ обжанпэ аврэнца кадяжэ, сар и мэ обжылэмпэ тумэнца» (Иоан. 13:12—17). Хоть кай о Иисусо и сас бари власть, во на гиндояс, кай авэр мануша трэбуй лэсти тэ служын. Наоборот, во екжэно служыяс лэ манушэнди (Матф. 20:28). w21.02 3, абз. 8—10

Тэрнэ ԥрала, тумэ фартэ куч важ и ԥрала и ԥэя андэ собрания. Тумэ тэрнорэ, и важ када тумэндэ исин бут зор, кай тэ служын лэ Иеговасти. Можэт тумэ камэн тэ авэн служэбни помошникоря, но тумэнди здэлпэ, кай авэр гиндона, кай тумэ фартэ тэрнэ и нэ сможэте тэ стерэн варисави дила андэ собрания. Но всаек тумэндэ вижала тэ затерэн патив лэ ԥралэндар и лэ ԥэяндар. Тэрнэ ԥрала, тумэ можэте тэ поможын аврэнди? Бут андар тумэндэ моӷут. Дэсавэ ԥрала и ԥэя, особенно, савэ андэ бэршэндэ, авелоп блаӷодарни тумэнди, если тумэ поможына лэнди май драго тэ розлэнпэ андэ телефоноря чи андэ планшэторя, савэ лэнди трэбуй пэ собрания. Важ кода кай тумэ фэдэр андэр лэндэ полэн. Драго терэн и дила, сави дэн тумэнди. И само ӷлавно, тумэ трэбуй тэ жувэн кадя, кай тумаро Дад о Иегова тэ абурой тумэнца вся и время. w21.03 2, абз.1, 3; 7, абз. 18

Дажэ если о хулай полэл, кай лэстири хулаи май ӷрамотно лэстар, во всаек полэл, кай и семейно изучения трэбуй тэ проандярэл во, важ кода кай о Иегова дя лэсти кадэя дила. Кадя во поможый, кай о ери тэ служый лэ Иеговасти (Эф. 6:4). И хулаи полэл, кай о Иегова стодя лэ хулас, кай во тэ диқэл, кай лэ ерестэ тэ авэл лащи дружба лэ Иеговаса. Но инке вой трэбуй екжэни тэ диқэл пала пэстири дружба лэ Иеговаса (Гал. 6:5). Вой трэбуй тэ виарақэл время, кай тэ проандярэл лично изучения па Библия, и тэ гиндой пала кода, со адиной. Када вся поможыя лати инке май фартэ тэ любий лэ Иеговас и тэ стол патив пэ лэско законо. Кадяжэ када поможыя лати анда вся оди тэ кандэл пэстирэ хулас. И хулаи, сави кандэл пэстирэ хулас, важ кода кай любий лэ Иеговас, авэла май лошали и май бахтали андо ери, чем кодэя, сави на кандэл пэстирэ хулас. Кацавэ ԥэяндар моӷут тэ сытён и и тэрнэ ԥэя и ԥрала. Ай кадяжэ кадэлэстар авэла драго най кати андэ лэнго ери, авэла драго и андэ собрания (Титу 2:3—5). w21.02 13, абз. 21—23

О апостоло Павло сыкадя лашо примеро, сар тэ авас смили и тэ виритярас о ԥаримос. Канешно, дэкала лэсти здэласпэ, кай лэстэ на хутилэла зор, кай тэ виритярэл о ԥаримос, саво лэстэ сас андэ жызня. Но о Павло всаек вся виритярдя, важ кода кай патялас лэ Иеговасти, кай во дэла лэсти зор, саво трэбуй (2 Кор. 12:8—10; Флп. 4:13). Кадяжэ и амэнди о Иегова дэла зор и смилость, если амэ прижанас, кай би лэстирэ зорэско амэндэ нисо на вижала (Иак. 4:10). Амэ ӷанас, кай о ԥаримос, саво амэндэ исин андэ жызня, када най лэ Дэвлэстар. Лэ Иисусоско ученико о Иаково пистросардя: «Кала тумэндэ ԥаримос, мэк нико на ԥэнэн: „Кадэва ԥаримос мандэ лэ Дэвлэстар“. Важ кода кай нико на стерэла кадя, кай о Дэл тэ терэл о найлашимос и о Дэл на терэл кадя, кай варико тэ стерэл о найлашимос» (Иак. 1:13). Если амэ патяс андэ када, амари дружба лэ Иеговаса авэла инке май лащи. О Иегова «на парудёл» (Иак. 1:17). Во подритярэлас лэ пэрвонэ христианонэн, кала лэндэ сас ԥаримос, во подритярэла и кажнонэс андар мэндэ. Анда вся оди мангэн лэ Иеговас, кай во тэ поможый тумэнди, кай тумэ тэ патян лэсти, кай тэ авэн смили и тэ авэн мудри. Патян, во ашунэл тумарэ молитвы. w21.02 31, абз. 19—21

Сар амэ можэм тэ подритярас кодэлэс, ко изучает и Библия, кала во заля тэ ԥирэл пэ собрания? Кажно разо кала о мануш авэл пэ собрания анда вся оди шам сама лэс (Флп. 2:4). Старысавас май драго тэ уӷанас лэс. Хвалисарам лэс пала кода, кай во ля тэ жувэл па лэ Иеговаско законо. Амэ можэм тэ пушас, сар лэстэ цэрэ, сар о ери, сар лэстэ и дила пэ бути. Но кати на трэбуй тэ задас лэсти лишни вопросоря. Если амэ ласа май бут тэ общяемся лэ манушэса, кадя амэ сможэм тэ ашас лэса друӷоря. И кадя амэ сможэм тэ поможысарас лэсти, кай во тэ закамэл тэ болдёл. Если амэ диқас, кай о мануш, саво изучает и Библия, старыийпэ тэ парувэл пэстири жызня и тэ жувэл кадя, сар пистромэ андэ Библия, тоди амэ можэм тэ поможысарас лэсти, кай тэ полэл, кай во трэбуй андэ собрания. Например, амэ можэм тэ ақарас лэс в ӷости (Евр. 13:2). Инке амэ можэм тэ поможысарас лэ манушэсти, саво ужэ ашэля вазвещятелё, если ақараса лэс вмести тэ жас пэ служэния. О ԥрал Диегу анда Бразилия ԥэнэн, кай кала во ашэля вазвещятелё бут ԥрала ақарэнас лэс пэ служэния. Кадя вонэ май драго уӷанэнас ек еқэс. Во сытёлас лэндар и май драго уӷангля лэ Иеговас и лэ Иисусос. w21.03 11, 12, абз. 15, 16

О Иисусо ԥэндясас пэстирэ учениконэнди: «На парашэн тэ любин пэстирэ вороӷонэн» (Матф. 5:44, 45). Канешно, када найвушэро тэ терас. Но лэ Дэвлэско свынто духо амэнди можэт тэ поможый андэ када. Кадяжэ о Дэл амэнди дэл пэско свынто духо, кай амэ тэ на парашас тэ любисарас, тэ на грабисавас тэ холявас, тэ авас добри, кай амэндэ тэ авэл ковло ди и тэ ритярас пэс андэ вас (Гал. 5:22, 23). И если амэ пэс кадя андярас, тоди амэ на парашаса тэ кандас лэ Дэвлэс, дажэ если амэн вэрыцын и вороӷоря. Важ када кодэла, ко варикала вэрыцыяс амэн, акана ашэлэ амарэ ԥрала и ԥэя. Кала амэнди ԥарэс тэ любисарас пэстирэ вороӷонэн, трэбуй тэ мангаспэ пала свынто духо (Луки 11:13). На бистрэн, всегда авэла фэдэр, если тумэ витидэна тэ кандэн лэ Дэвлэс (Прит. 3:5—7).Кала амэн вэрыцын, кадэлэстар можэт фартэ тэ дуқал оди. Но кала амэ любисарас кодэлэн, ко амэн вэрыцый, кадя лэнго ди можэт тэ ашэл май ковло. Кала амэ кадя терас о Иегова лошавэл. Но дажэ если и вороӷоря на парашэн амэн тэ вэрыцын, амэ всаек можэм тэ авас бахталэ. w21.03 23, абз. 13; 24, абз. 15, 17

О пророко Иоилё ԥэнэн пала кода, кай дэна войнаса (Иоиль 2:1, 8, 11). О Иегова ԥэндя, кай бишалэла «баро войско» (када о вавилонско войско), кай тэ дэн пэ израильтяноря, важ кода кай вонэ на кандэнас лэ Иеговас (Иоиль 2:25). О Иегова ԥэнэн, кай о войско, саво захутилэла, «авеля па северо», важ кода кай и вавилонски воиноря трэбуй сас тэ дэн по Израилё ворта котар (Иоиль 2:20). Кадэла воиноря шонпэ пэ саранча, сави драго терэл пэсти дила. О Иоилё пала лэндэ ԥэнэн: «Вонэ на толкыин ек еқэс, кажно жал англэ. [...] Вонэ дэн по форо, ваздэнпэ пэ цэра, заӷулен андэ фэлястры, сар чора» (Иоиль 2:8, 9). Представь пэсти, везде и вавилонски воиноря. Лэндар никай на загарадёса. И нико на спасыяпэ лэндирэ мечонэндар! Андэ 607 бэрш жы каринг о И. Х. и вавилоняноря (када халдеёря), сар саранча динэ по Иерусалимо. Андэ Библия пала када ԥэнэнпэ кадя: «Во [Иегова] андя против лэндэ лэ халдеёнэндирэ царёс, саво... на жалуисардя ни лэ тэрнэ манушэс, ни ла тэрня манушня, ни лэ ԥурэс, ни кодэлэс, кастэ на сас зор» (2 Лет. 36:17, 19). w20.04 5, абз. 11, 12