Февралё

Май драго уӷанэн лэ ԥралэн и лэ ԥэян. Май бут лэнца дэн дума англа кода, сар залэлпэ и собрания и посли кода, сар кончийпэ. Жан лэнца андэ служэния и, если тумэндэ вижал, ақарэн лэн пэстэ цэрэ. Тоди тумэ диқэна пэ вся па аврятэ. И ԥэй, сави здэлпэ на любий мирос, па чачимастэ просто лажавни. О ԥрал, савэстэ бут ловэ, па чачимастэ на любий и ловэ, ай любий тэ делийпэ. Ай пэ дэй лэ бэятонэнца, сави вся и время на авэл вовремя, тасавэн андо ери пала латири вера (Иов 6:29). Канешно, амэнди нащи тэ ӷуляс «най андэ пэстири дила» (1 Тим. 5:13). Но всаек авелоп драго, май бут тэ уӷанас пала амарэ ԥрала и ԥэя и пала кода, сави лэндэ жызня. Если тумэ май драго уӷанэна лэ манушэс, саво тумэнди на чалёл, тоди тумэнди авэла май вушэро тэ полэн, со лэстэ по ди. Канешно, пэ када трэбуй зор. Но кала ласа тэ терас, сар пистромэ андэ Библия, тэ ԥэрнавас «пэстирэ одя», кадя амэ сыкаваса, кай терас, сар о Иегова, саво любий разнонэ манушэн (1 Тим. 2:3, 4; 2 Кор. 6:11—13). w20.04 16, абз. 10—12

Англа пэстири смэрть о Иисусо упалэ ԥэндя пэстирэ учениконэнди, пэ скати дэ важно тэ любин ек еқэс (Иоан. 15:12, 13). Во ӷанэнас, кай если вонэ лэна тэ любин ек еқэс май фартэ, чем пэс, када поможыя лэнди тэ авэн, сар ек ери и тэ виритярэн, кай лэн вэрыцын. Подаса дума пала христианоря, савэ жувэнас андо форо Фессало́ника. Сар кати андэ кодэва форо стидэ собрания, лэнди на дэнас тэ служын лэ Дэвлэсти спокойно. Но всаек вонэ на парашэлэ тэ патян лэ Дэвлэсти, тэ любин ек еқэс и тэ виритярэн о ԥаримос (1 Фес. 1:3, 6, 7). О Павло мангля лэн, кай вонэ инке май фартэ тэ сыкавэн пэстири любовь (1 Фес. 4:9, 10). Например, тэ дэн зор кодэлэнди, ко сас слабо (1 Фес. 5:14). Вонэ приашунделэ каринг о Павло и терэнас кадя, сар во ԥэндя. Амэ када ӷанас анда лэско дуйто письмо, саво во пистросардясас варикай через бэршэстэ. О Павло ԥэндя, кай дицол, кай вонэ любин и заботинпэ ек пала еқэстэ (2 Фес. 1:3—5). Именно када и поможысардя лэнди, кай вонэ тэ виритярэн о ԥаримос и тэ на парашэн тэ служын лэ Иеговасти. w21.03 22, абз. 11

Если амэ камас, кай тэ дэн амэнди о лашимос, када и вечно жызня, амэнди трэбуй тэ прастас па христианско дром (Деян. 20:24; 1 Пет. 2:21). Но о Сатана и кодэла, ко лэстар сытён, камэн кай амэ тэ терас па аврятэ. Вонэ камэн, кай амэ тэ прастас еқэҭанэ лэнца (1 Пет. 4:4). Вонэ асанпэ кодэлэстар, сар амэ жувас, и ԥэнэн, кай о дром, саво вонэ витидэ, май лашо и андярэл каринг и свобода. Но када баро хохаимос (2 Пет. 2:19). Сар дэ важно тэ витидас правильно дром! О Сатана камэл, кай амэ тэ парашас тэ прастас па тисно дром, саво «андярэл каринг и жызня» и тэ пэрэжас по буӷло дром, саво витидэн май бут мануша андэ люма. Кадэва дром май вушэро, но во андярэл каринг и смэрть (Матф. 7:13, 14). Кай тэ на змардювас па лашо дром, амэнди трэбуй тэ патяс лэ Иеговасти и тэ кандас лэс. w20.04 26, абз. 1; 27, абз. 5, 7

Дэсавэ бэрша палпалэ о северно царё упалэ зажыля андэ «Райкани ԥув» (Дан. 11:41). Сар во кадя стердя? Андо 2017 бэрш и Россия заԥандадя и дила, сави терэл лэ Иеговаско народо и бэшардя андо баруно дэсавэ ԥралэн и ԥэян. Инке вой запретисардя амари литература и и «Библия. Нэвэ мироско переводо». Потом вой заля вся, со сас андэ российско филиало, ай кадяжэ всаворэ Залоря Царства и и Залоря важ и канӷрэсоря. Посли кода, сар вся када стердяпэ андо 2018 бэрш, о Руководящё совето поля, кай и Россия и страны, савэ ла подритярэн, када о северно царё. Но лэ Иеговастирэ мануша на камэн тэ жан против нисаво правительство. Вонэ на камэн нисо тэ терэн, кай тэ парувэн о правительство, дажэ кала кадэва правительство лэн ӷоний. Насупротив, лэ Иеговастирэ служытеля прилэн о библейско совето тэ мангэнпэ пала всаворэ, ко залэл бари положэния. Ай май фартэ тэ мангэнпэ, кала вонэ витидэн, можэт лэ Дэвлэско народо свободно тэ тэлён пэстирэ Дэвлэсти чи най. w20.05 14, абз. 9

Дада и дэя, кай тумарэ бэяцэ тэ патян, кай вся, сости сытярэл и Библия, када чачимос, лэндэ трэбуй тэ авэл пэстири дружба лэ Иеговаса и трэбуй, кай вонэ екжэнэ тэ полэн, кай вся, со запистромэ андэ Библия, када чачимос. Если тумэ камэн тэ сытярэн пэстирэ бэятонэн, кай вонэ тэ ӷанэн о чачимос пала Дэл, тумэ трэбуй екжэнэ драго тэ сытён па Библия и кадэлэса тэ подэн лэнди примеро. Тумэнди трэбуй время, кай драго тэ погиндон пала кода, со уӷанглэ анда Библия. Тоди тумэндэ вижала тэ сытярэн пэстирэ бэятонэн тэ терэн кадяжэ. Тумэ трэбуй тэ сытярэн лэ бэятонэн, кай вонэ тэ ӷанэн тэ ԥэрнавэн андо компьютеро чи телефоно вся амари литература и видео, савэ поможын драго тэ полэн и Библия. Тумэ трэбуй тэ сытярэн лэн кадяжэ, сар и аврэ манушэн, савэн сытярэн па Библия. Кадя тумэ поможына лэ бэятонэнди май фартэ тэ любин лэ Иеговас и май фартэ тэ патян, кай о Иегова стодя лэ годявэрнэс и кандинэс рабос, важ кода кай во тэ поможый тэ полас и Библия (Матф. 24:45—47). На парашэн тэ поможын лэ бэятонэнди тэ уӷанэн кода, со ӷлавно анда Библия. Ай кадяжэ сытярэн лэн, кай вонэ тэ полэн и пророчества андар латэ и авэр важни гиндоря, савэ ԥарэс тэ полэс. Росԥэнэн лэнди кадя, кай тэ авэл понятно па лэндирэ бэрша и годи. Кадя тумэ поможына лэнди инке май фартэ тэ патян лэ Дэвлэсти (1 Кор. 2:10). w20.07 11, абз. 10, 12, 13

Скати кай о Иегова исин друӷоря машкар найсовершэни мануша адес? Лэн фартэ бут! Через кода кай о Иисусо потиндя о выкупо пала амэндэ, амэ можэм тэ ашас лэ Иеговастирэ друӷоря и тэ дас алав тэ жувас важ лэстэ и тэ болдювас. Кала амэ када ужэ стердям, амэ ашас машкар милионоря авэр христианоря, савэ радуинпэ, кай лэндэ исин лащи дружба лэ Всемоӷущёнэ Создателёса! Сар тэ сыкавас лэ Иеговасти, кай амэнди куч и дружба лэса? О Авраамо и о Иово на парашэнас тэ кандэн лэ Дэвлэс май бут чем шэл бэрш. Амэнди кадяжэ трэбуй тэ на парашас тэ кандас лэ Иеговас, скати бы бэрш амэ лэсти тэ на служысарас. О Даниило цэнияс и дружба лэ Иеговаса май фартэ чем пэсти жызня. Кадя жэ трэбуй тэ терас и амэ (Дан. 6:7, 10, 16, 22). Лэ Иеговаса амэ можэм тэ виритярас любо ԥаримос и тэ на хасарас амари лащи дружба лэса (Флп. 4:13). w20.05 27, абз. 5, 6

Еқвар, кала о Давидо сас андэ пэско цэр пэ крыша, во додиқля, сар наёл и Вирсавия, жувли, савятэ сас хулай. Во ӷанэнас лэ Иеговаско законо, саво ворта ԥэнэнас: «На кам чужона хулая» (Исх. 20:17). Но во, файма, на парашэлас тэ диқэл пэр латэ. Лэско ди камэлас тэ авэл ла Вирсавияса и камэлас тэ уӷодий лэ Иеговасти. Хоть о Давидо бут бэрша любияс лэ Иеговас и даралас лэстар, во всаек стердя бэзэх. Кадэлэса во стердя кадя, кай лэ Иеговас моӷли тэ дошалярэн и када андя бут ԥаримос лэстирэ ерести, ай кадяжэ лэ манушэнди, савэ ни андэр со на сас дошалэ (2 Сам. 11:1—5, 14—17; 12:7—12). О Иегова поможысардя лэ Давидости тэ полэл, пэ скати дэ баро бэзэх сас, саво во стердя. Када поможысардя лэ Давидости тэ авэл лэстэ упалэ лащи дружба лэ Дэвлэса (2 Сам. 12:13; Пс. 51:2—4, 17). Во сэрэлас, саво найлашимос андя кода, кай во най всаворэ одеса сас лэ Иеговаса. И алава анда Псалом 86:11 можно тэ ԥэнас па аврятэ. Например кадя: «Дэ манди ди, саво авэла кати туса». Поможысардя о Иегова лэ Давидости, кай во упалэ всаворэ одеса тэ полэл лэс? Да, поможысардя, важ кода кай потом андэ Библия пистромэ, кай о Давидо сас всаворэ одеса пэстирэ Дэвлэса лэ Иеговаса (1 Цар. 11:4; 15:3). w20.06 11, 12, абз. 12, 13

Представь, кай ту тасос андэ моря. И волны барэ, ай о паи шудро. Но варико анда лодка шол тути варисо, кай ту тэ ритярдёспэ по паи. Ту блаӷодарно важ када. Но кай тэ вижувэс тути трэбуй инке варисави помощь. Тути трэбуй тэ виӷулес анда паи. Но важ када тути трэбуй, кай и мануша анда лодка, тэ шон и дури и тэ вицэрдэн тут. Андо адесутно стихо амэ адиносарас лэ Иеговастирэ алава, савэ во ԥэндя пала израильтяноря, савэ отжылэ лэстар: «Мэ андяравас лэн через и любовь». Адес о Дэл кадяжэ андярэл каринг пэстэ кодэлэн, ко парашэля тэ служый лэсти и тасол андо ԥаримос и пэрэжывания. Во камэл, кай вонэ тэ ӷанэн, кай во любий лэн, и во камэл тэ рий лэн каринг пэстэ. О Иегова можэт тэ сыкавэл лэнди пэстири любовь через тутэ. Амэнди трэбуй тэ стас зор, кай и неактивни ԥрала и ԥэя тэ диқэн амари любовь и тэ патян, кай о Иегова лэн любий. w20.06 27, 28, абз. 12, 13

Посли кода, сар лэ Стефанос помардэ барэнца и христианоря унашлэтар анда Иерусалимо и линэ тэ жувэн па вся Иудея и Самария и дажэ линэ тэ жувэн по Кипро и андэ Антиохия (Деян. 7:58—8:1; 11:19). Лэнди прижыляпэ тэ пэрэандярэн бут ԥаримос, но вонэ всаек на парашэнас тэ росԥэнэн пала Дэл, кай бы вонэ тэ на авэн. И блаӷодаря кадэлэсти ашэлэ нэвэ собрании (1 Пет. 1:1). Но кай кадэла христианоря сас и авэр ԥаримос. Андо 50 бэрш лэ И. Х о римско правителё о Клавдий приԥэндя всаворэ иудеёнэнди, кай вонэ тэ ашавэн кадэва форо и тэ ужан андар лэстэ. И христианоря кадя и стердэ, вонэ ашадэ пэстирэ цэра и жылэ тэ жувэн андэ авэр ҭана (Деян. 18:1—3). Ай варикай андо 61 бэрш лэ И. Х. о Павло пала лэндэ пистросардя, кай лэ ԥралэн и лэ ԥэян анда собрания англа всаворэ лажаварэнас, шонас андо баруно и одлэнас лэндар вся о хабэ (Евр. 10:32—34). Ай аврэндэ сас инке и авэр ԥаримос, лэндэ сас найлашо зор, ай варико сас чороро (Рим. 15:26; Флп. 2:25—27). w21.02 26, абз. 2—4

Если о христианино терэл вся, кай май фартэ тэ патял лэ Дэвлэсти, лэ Сатанастэ и кодэлэндэ, ко залэл лэсти риг, на вижала лэс тэ змарэн (2 Иоан. 8, 9). Амэ на трэбуй тэ удивисавас, кала и мануша, савэ на ӷанэн лэ Дэвлэс, нэнавидят амэн (1 Иоан. 3:13). О Иоанно пистросардя, кай «всаворя люмаса правий о Найлашо» (1 Иоан. 5:19). Со май пашэ о концо ла люмако, савяса правий о Сатана, со май бари лэсти холи. Во най вся и время дэл пар мэндэ чоралэс, кай амэ тэ закамас тэ терас билажавардимос и чоралэс заставий, кай амэ тэ патяс лэ отступниконэнди. Ай инке во можэт ворта тэ вишол пэстири холи пэ Дэвлэстирэ служытеля. О Сатана ӷанэн, кай лэсти ашэляпэ совсем мало время, кай тэ тердярэл и дила, кай росԥэнас важ о Дэл и кай тэ стерэл, кай амэ тэ парашас тэ патяс лэ Дэвлэсти. Важ када амэ на удивисавас, кай дэсавэ страны дэсо на домэкэн тэ терас андэ служэния лэ Дэвлэсти, ай дэкай совсем заԥандавэн амари дила. Но дажэ андэ кадэла страны амарэ ԥрала и ԥэя на парашэн тэ служын лэ Иеговасти. Кода, сар вонэ пэс андярэн, сыкавэл, скати бы о Сатана тэ на стол зор, амэ сможэм лэс тэ победисарас! w20.07 24, абз. 12, 13

О Иегова загиндосардя, кай и мануша тэ жувэн вечно пэ шукарни ԥув, сави во стердя. Но о Адамо и Ева жылэ против пэско небесно Дад, саво лэн любияс. И важ када вонэ и лэндирэ потомкоря линэ тэ мэрэн и ужэ нэ моӷли тэ жувэн вечно (Рим. 5:12). Со о Иегова стердя? Во сразу ԥэндя, кай спасыя лэ манушэн, савэ жана лэндар, и росԥэндя, сар во када стерэла (Быт. 3:15). О Иегова дя алав, кай отдэла пэстирэ Шавэс, лэ Иисусос, кай тэ витинэл лэ Адамостирэ и ла Еватирэ потомконэн, кай вонэ тэ авэн свободни лэ ӷрехостар и ла смэртятар. Кадя во сможэт тэ дэл вечно жызня кажнонэсти, ко закамэла лэсти тэ служый (Иоан. 3:16). Кала о Иегова через пэско Шаво рия каринг и жызня фартэ бутэ манушэн, файма, най всаворэ андэр лэндэ ринапэ каринг и жызня андэ ек время. Васо? О Иегова ӷанэн, кай важ кода кай и мануша тэ жувэн мирно, трэбуй тэ авэл порядко (1 Кор. 14:33). w20.08 14, абз. 3; 15, абз. 5

О изучающё трэбуй тэ полэл, сар дэ важно тэ дэл алав тэ жувэл важ о Дэл и тэ болдёл. Амэ камас тэ поможысарас лэсти тэ болдёл и тэ ашэл лэ Иисусоско ученико. Савэ шаӷоря терэл о мануш, саво камэл тэ болдёл? Спэрва во уӷанэн лэ Иеговас и лэл тэ патял андэр лэстэ (Иоан. 3:16; 17:3). Потом во лэл тэ любий лэ Иеговас, лэ ԥралэн и лэ ԥэян андэ собрания (Евр. 10:24, 25; Иак. 4:8). Через дэсави время лэстэ вижал тэ парудёл и тэ каийпэ андэ кода, кай раньшэ во терэлас кадя, сар на чалёл лэ Дэвлэсти (Деян. 3:19). Тоди во лэл тэ росԥэнэн аврэнди о чачимос анда Библия, важ кода кай ля тэ патял лэ Иеговасти (2 Кор. 4:13). И потом во дэл алав лэ Иеговасти кай авэла тэ жувэл важ лэстэ и болдёл (1 Пет. 3:21; 4:2). Када фартэ радосно дес важ всаворэ! Пала вся, со терэл о изучающё, амэ трэбуй анда вся оди тэ хвалисарас лэс, кай во тэ на парашэл тэ жал па кадэва дром. w20.10 18, абз. 12, 13

Если ту лэса тэ сыстос пэс аврэ ԥралэнца и ԥэянца, ту можэш тэ лэс тэ гиндос, кай ту най кадя дэ куч андэ собрания, сар авэр. Можэт ту диқэс, кай андэ собрания ек драго сытярэл, авэр драго вся арӷанизует, ай варико драго диқэл пала собрания. И ту гиндос, кай тути каринг лэндэ фартэ дур. Если тутэ кацавэ гиндоря, када сыкавэл, кай ту на гиндос пала пэстэ бут (Флп. 2:3). Но на бистэр, если ту вся и время лэса тэ сыстос пэс кодэлэнца, кастэ варисо драго вижал тэ терэн, кадэлэстар тутэ можэт тэ авэл ԥарэс по ди. Со поможыя тути? Андэ пэрво вико о Иегова дя дэкасти через о свынто духо тэ терэн чудеса, но най всаворэнди еқэндар (1 Кор. 12:4—11). Всаек важ лэстэ сас куч кажно христианино. Адес амэнди о Дэл на дя тэ терас чудеса. Амэ всаворэ разни, и кажнонэстэ исин кода, со лэстэ драго вижал тэ терэл, но всаек амэ всаворэ куч важ о Иегова. w20.08 22, абз. 13—15

Если тумэ мангэн пала смилость, о Иегова ашунэл тумэн, и никала на ашавэла. Во вся и время авэла пашэ, кай тэ подритярэл тумэн. Сгиндон, сар во поможыяс тумэнди, кала сас ԥарэс, и кала во дэлас зор тэ парувэн пэсти жызня. Патян, о Дэл, саво пэрэандярдя пэстирэ народос через и Лоли моря, поможыя и тумэнди тэ ашэн лэ Иисусостирэ ученикоря (Исх. 14:13). Патян, сар о псалмопевцо, савэстирэ алава пистромэ андо адесутно стихо. О Иегова кадяжэ поможый, кай и нэвэ вазвещятеля тэ авэн смили. Кала ек ԥэй кати ашэля вазвещятелёса и жыля андэ служэния, андэ пэрво жэ цэр ек манушни ля тэ цыпий пэр латэ: «Лэ Иеговастирэ свидетеля? Манди най пала со тумэнца тэ дав дума!» И вой заԥандадя и вудар. И ԥэй на пэрэдарайля и ԥэндя ла ԥьяти, сави сас ласа: «Ту ашундян? Мэ инке о муй на ԥэрнадэм, ай вой ужэ тай полэл, кай мэ лэ Иеговаско свидетелё. Мэ кацави лошали!» Акана кадэя ԥэй служый сар общё пианеро. w20.09 6, абз. 13, 14

О Аса ԥэндя лэ народости кацавэ алава: «О Иегова дя амэнди спокойно жызня всаворэ́ ригэндар» (2 Лет. 14:6, 7). Но о царё на гиндояс, кай пока спокойно время, то можно нисо тэ на терэл. Наоборот, во ля тэ строий састэ фороря и ԥэндя лэ манушэнди, савэ жувэнас андэ Иуда: «И ԥув идоси амари». Кадя во камля тэ ԥэнэн, кай вонэ моӷут тэ на даран лэ вороӷонэндар, спокойно тэ ԥирэн па пэсти ԥув и тэ строинпэ. Во камэлас, кай о миро тэ терэл кадэя дила, пока спокойно время. Инке о Аса погиндосардя пала войско и стердя, кай во тэ авэл инке май састо (2 Лет. 14:8). Но када на сыкавэлас, кай во на патялас лэ Иеговасти. О Аса полэлас, кай андэ Иуда спокойно авэла най вся и время. Кадя и вижыля. w20.09 15, 16, абз. 4, 5

Дэсавэ старейшыноря анда вся оди гиндон, кай моӷут тэ приԥэнэн лэ ԥралэнди и лэ ԥэянди андэ собрания, кай тэ фэрий лэн. Но кай о старейшына и кай о хулай андо ери бари разница андэ власть. О Иегова стодя лэ старейшынонэн, кай вонэ тэ диқэн пала собрания и тэ исключин кодэлэн, ко на камэл тэ каийпэ андэ пэско бэзэх (1 Кор. 5:11—13). Но авря ригатар, о Иегова дя лэ хуласти кацави власть, сави нинай кай и старейшыноря. Например, о хулай можэт тэ приԥэнэн пэстирэ ерести (Рим. 7:2). И во можэт тэ ришый, андэ сави время и бэяцэ трэбуй тэ авэн вэчэром цэрэ. Если вонэ на кандэн лэс, во можэт лэн тэ просытярэл (Эф. 6:1). Но англа кода, сар тэ приԥэнэн варисо лэ ерести, о хулай, саво любий лэ ерес, спэрва трэбуй тэ подэл дума пала када ла хулаяса, важ кода кай во ласа «ек тила» (Матф. 19:6). w21.02 16, абз. 10—13

Васо о чачимос анда Библия кадя цэно? Важ кода кай о Иегова дэл тэ ӷанэн о чачимос кодэлэ манушэнди, ко на гиндой пала пэстэ бут и ко камэл тэ уӷанэн о чачимос (Деян. 13:48). Кадэла мануша фартэ патян андэ кода, со ԥэнэн о «годявэрно и кандино рабо» (Матф. 11:25; 24:45). Амэ нэ сможэм екжэнэ тэ полас кадэва чачимос и важ када май куч кадэлэстар нисо нинай (Прит. 3:13, 15). О Иегова доверил амэнди кацави дила, кай амэ тэ росԥэнас аврэнди о чачимос анда Библия. Амэ росԥэнас лэ манушэнди о чачимос пала Иегова и пала кода, со во камэл тэ стерэл (Матф. 24:14). И весть, сави амэ росԥэнас фартэ куч, важ кода кай вой поможый, кай и мануша тэ авэн андэ лэ Иеговаско ери и тэ жувэн вечно (1 Тим. 4:16). Терас амэ набут чи бут андэ служэния, када со май важно дила, сави адес исин (1 Тим. 2:3, 4). Када фартэ бари бах тэ терас «лэ Дэвлэса ек дила»! (1 Кор. 3:9). w20.09 26, 27, абз. 4, 5

Кала о апостоло Павло ладэлас андо Римо, о Иегова най еқвар поможыяс лэсти через и ԥрала и ԥэя. Например, дуй лэ Павлостирэ друӷоря, о Аристархо и о Лука, савэ никала на ашавэнас лэс, закамлэ тэ ладэн лэса андо Римо. Во анда вся оди поблаӷодарисардя лэ Иеговас, кай во дя лэсти кацавэ смилонэ ԥралэн. Вонэ на ӷанэнас, доладэна андо Римо по кораблё чи най, но вонэ сас ӷотови дажэ тэ хасарэн пэстири жызня, кай тэ авэн паша Павло. Кати потом, кала ужэ заляпэ и бари балвал, о Павло ԥэндя лэнди, кай вонэ ашэнапэ жундэ (Деян. 27:1, 2). Кала вонэ авелэ андо форо Сидоно, кай сас о порто, о Юлиё мэкля лэ Павлос каринг лэстирэ друӷоря. И вонэ заботинаспэ пала лэстэ (Деян. 27:1—3). Потом андо форо Путеолы о Павло и кадэла ԥрала, савэ сас лэса, виарақлэ аврэ ԥралэн, савэ лэн виманглэ тэ ашэнпэ лэндэ пэ куртестэ. И ԥрала и ԥэя анда кодэла фороря заботинаспэ пала кода, со лэнди трэбуй сас. Ай о Павло подритярэлас лэн и росԥэнэнас, со сас андэ служэния. (Диқэн Деяния 15:2, 3.) w20.11 16, абз. 15—17

И бэяцэ трэбуй тэ диқэн, кай и родителя фартэ любин лэ Иеговас па лэндири дума и дила. Со май лашо, со можно тэ стерэн важ пэстирэ бэяцэ, када тэ поможын лэнди тэ полюбин амарэ небеснонэ Дадэс. Блаӷодаря тумэнди и бэяцэ смоӷут тэ полэн важно гиндо, кай со май ӷлавно андэ жызня, када кай о Иегова тэ авэл по пэрво ҭан. Тоди и бэяцэ на промэкэна тэ сытён па Библия, тэ мангэнпэ, тэ ԥирэн пэ собрании и тэ росԥэнэн пала Дэл (1 Тим. 6:6). Канешно, тумэ трэбуй тэ заботинпэ, кай лэ бэятонэндэ тэ авэл вся, со трэбуй важ и жызня (1 Тим. 5:8). Но сэрэн, кай именно и дружба лэ Иеговаса, ай най и ловэ или о мищимос поможына тумарэ бэятонэнди тэ пэрэжувэн о Армагеддоно и тэ радуинпэ ла жызняти андо раё пэ ԥув (Иез. 7:19). Сар жэ драго, кай андэ собрания кадя бут родителя, савэ прилэн годявэрнэ ришэнии и поможын пэстирэ бэятонэнди, кай лэндэ тэ авэл лащи дружба лэ Иеговаса! И бэяцэ андэ кацавэ еря, кала вибарёна, авэна сыклэ тэ стон лэ Иеговас по пэрво ҭан. И авэна лошалэ, кай лэн сытярдэ именно кадя! (Прит. 10:22). w20.10 28, 29, абз. 10, 11

Дэкала о апостоло Пётро спэрва терэлас варисо или ԥэнэнас, ай потом кати гиндояс. Например, кала лэ Иисусос трэбуй сас тэ умарэн, о Пётро ля тэ ԥэнэн и алава, савэ запистромэ андо адесутно стихо (Матф. 16:21—23). О Иисусос сындосардя лэ Петрос пала када. Ай кала авелэ и мануша тэ залэн лэ Иисусос, кай тэ стон андо бар и тэ умарэн, о Пётро сразу вихутилдя и шури и отшындя о кан еқэ рабости (Иоан. 18:10, 11). О Иисусо упалэ лэс сындосардя. Ай авэр разо о Пётро абуримаса ԥэндя: «Дажэ если всаворэ ашавэна тут, мэ никала на ашавава!» (Матф. 26:33). Сар жэ во патялас андэр пэстэ! Но прожыля время, во пэрэдарайля лэ манушэндар и дажэ тривар отԥэнделя лэ Иисусостар. Лэ Петрости сас фартэ ԥарэс кадэлэстар, и во ля тэ ровэл (Матф. 26:69—75). Во фартэ пэрэжывал, простия лэс варикала о Иисусо чи най? Но о Пётро на домэкля, кай через кода, кай стердя нэправильно, во тэ парашэл тэ служый лэ Иеговасти. Да, мэк во змарделя па лэ Дэвлэско дром, но во на парашэля тэ служый лэсти вмести аврэ апостолонэнца (Иоан. 21:1—3; Деян. 1:15, 16). w20.12 20, 21, абз. 17, 18

Кай о хулай най ӷордо дицол бут андэр со. Например, во на аштярэл, кай и хулаи и бэяцэ авэна идеальни. Дажэ если вонэ на соӷласинпэ лэса, во всаек виашунэл кода, со вонэ гиндон и, кала прилэл ришэнии, сэрэл пала када. Инке о хулай, саво сытёл кай о Иисусо и камэл тэ на авэл ӷордо, терэл дила па цэр, дажэ если котэ, кай во жувэл, о миро гиндой кай када най муршыкани дила. Лэсти можэт тэ авэл ԥарэс када тэ терэл, важ кода кай лэстар лэна тэ подасанпэ. Акэ со росԥэнэн ек ԥэй. Котэ кай вой жувэл, о миро асалпэ лэ муршэстар, саво поможый пэстиря хулаяти тэ халавэл и посуда или тэ прилэл па цэр. И вонэ дажэ ԥэнэн, кай во най мурш, если кадя терэл. Если кадя гиндон и котэ кай тумэ жувэн, на бистрэн, кай о Иисусо халадя и пэрнэ пэстирэ учениконэнди, хоть кадэя дила терэнас и слуӷоря. Но важ о хулай, саво сытёл лэ Иисусостар, май важно тэ заботийпэ пала пэско ери, чем тэ уӷодий лэ мирости. w21.02 2, абз. 3; 4, абз. 11

Тэ сэрас пала лащи время, када драго и када подарко лэ Иеговастар. Но сар драго амэнди тэ на авелоп дэлмут, и жызня андо раё пэ ԥув пэ бутэстэ авэла май лащи. Авэр мануша моӷут тэ холярэн амэн, но на трэбуй тэ ритярас пэр лэндэ холи. Кадя амэ сможэм тэ служысарас лэ Иеговасти анда вся оди. Кала фартэ дошалярэл оди, амэ можэм тэ хасарас и радость андэ служэния лэ Иеговасти. Важ када амэнди трэбуй, сар и о апостоло Павло, тэ патяс, кай о Иегова простия амэн (1 Тим. 1:12—15). О Иегова дэл амэнди алав, кай англэ амэн аштярэл вечно жызня андо раё пэ ԥув, и кай амэ на ласа тэ сэрас пала кода, состар амэнди сас ԥарэс. Акэ сар пала када ԥэнэнпэ андэ Библия: «Кода, со сас, на лэна тэ сэрэн» (Ис. 65:17). Кати погиндон, кай дажэ и ԥурэ ԥрала и ԥэя, савэ служынас лэ Иеговасти вся и жызня, упалэ ашэна тэрнэ (Иов 33:25). Важ када на трэбуй тэ жувас лэ гиндонэнца пала время, сави сас. Ласа тэ гиндосарас пала кода, со авэла англэ и тэ терас вся, со па амаро зор, кай тэ жувас андо раё пэ ԥув! w20.11 24, абз. 4; 29, абз. 18, 19

Со амэн аштярэл англэ? Кала авэла и само бари бида, сави инке никала на сас, о Иегова спасыя пэстирэ служытелёнэн, савэ на парашэн лэс тэ кандэн. Во дэла гиндо лэ манушэнди, савэ правин кадэла люмаса, кай вонэ тэ розмарэн о Вавилоно Велико, када и хохавнэ веры (Отк. 17:16—18; 18:2, 4). Потом во спасыя пэско народо, кала лэла тэ розмарэл лэ Сатанастири люма андо Армагеддоно (Отк. 16:14, 16). Если тумэндэ лащи дружба лэ Иеговаса, тоди о Сатана нисо нэ сможэт тумэнди тэ стерэл, ай лэс о Иегова умарэла пэ вся и вечность (Рим. 16:20). Важ када лэн пэр пэстэ и ӥда, андэ сави утидо лэ Дэвлэско воино и вся и время ԥирэн андэр латэ! На гиндон кай тумэ екжэнэ, подритярэн лэ ԥралэн и лэ ԥэян и кандэн лэ Иеговас. Тоди тумаро Дад о Иегова, саво фартэ тумэн любий, подритярэла тумэн и фэрия (Ис. 41:10). w21.03 30, абз. 16, 17

Сар тэ сыкавас, кай патяс лэ Иеговасти? Амэнди трэбуй тэ терас кода, со во ԥэнэн. Андэ Библия исин бут разни ситуацыи, андэ савэ дицол, сар лэ Дэвлэстирэ служытеля ашэнаспэ спокойни и патянас лэсти. Кала пала када гиндос, старысав тэ полэс, со лэнди поможыяс тэ ашэнпэ спокойни, кала лэн фартэ преследовали. Например, кала о Синедрионо ԥэндя лэ апостолонэнди тэ на росԥэнэн и лащи новость, вонэ на пэрэдарайлэ и ԥэндэ: «Амэ трэбуй тэ кандас лэ Дэвлэс, сар правителёс, ай най лэ манушэн» (Деян. 5:29). Дажэ, кала лэн мардэ, вонэ на пэрэдарайлэ, важ кода кай вонэ ӷанэнас, кай о Иегова лэнца и вонэ лэсти уӷодин. Через када, вонэ на парашэнас тэ росԥэнэн и лащи новость (Деян. 5:40—42). Кадяжэ, кала лэ Стефанос камлэ тэ умарэн, во сас кацаво спокойно, кай о муй лэстэ сас, сар кай о анӷело (Деян. 6:12—15). Васо? Во патялас, кай о Иегова лэса и во лэсти уӷодий. w21.01 4, абз. 10, 11

Када сыкавэл, кай лэ фартэ бутэ манушэндэ вужи совесть и кай о Иегова прижанэн, кай вонэ праведни (Ис. 1:18). Кодэла, кас диқля о апостоло Иоанно, динэ алав лэ Дэвлэсти и болделэ. Вонэ фартэ патян андэ лэ Иисусостири жэртва и лэндэ лащи дружба лэ Иеговаса (Иоан. 3:36; 1 Пет. 3:21). Важ када о Дэл домэкля, кай вонэ тэ тердён англа престоло «о дес и рят» и тэ терэн лэстири свынто дила пэ ԥув (Отк. 7:15). Адес важ лэндэ нинай нисо май куч, чем лэ Дэвлэско Царство и важ када, вонэ пристон вся пэско зор, кай тэ росԥэнэн пала лэстэ и тэ сытярэн лэ манушэн, кай вонэ тэ авэн ученикоря (Матф. 6:33; 24:14; 28:19, 20). И фартэ бут мануша патян, кай, кала вонэ пэрэжувэна и само бари бида, о Дэл на парашэла пала лэндэ тэ диқэл. Важ кода кай о Иоанно ԥэндя: «Кодэва, ко бэшэл по престоло, росшола понад лэндэ пэстири катуна». Тоди, кодэла мануша додиқэна, сар исполнийпэ о пророчество: «[О Дэл] виқосэла всаворэ ясва па лэндирэ яқа» (Отк. 21:3, 4). w21.01 16, 17, абз. 9, 10

Амэ фартэ лошалэ тэ авас андэ лэ Иеговаско ери. Амэ всаворэ старысавас тэ стас патив по лэ Иеговаско принцыпо, ко кас трэбуй тэ кандэл андэ лэско ери. Андэ Библия ԥэнэнпэ, кай о Иегова цэний и стол патив пэ жувля кадяжэ, сар и пэ мурша. Инке котэ пистромэ, кай андо пэрво вико о Иегова дя пэско свынто духо и лэ жувлянди и лэ муршэнди, кай вонэ тэ дэн дума пэ разни шыба (Деян. 2:1—4, 15—18). Кадяжэ и памазаникоря авэна и жувля и мурша (Гал. 3:26—29). И пэ ԥув андо раё лэна тэ жувэн вечно и мурша и жувля (Отк. 7:9, 10, 13—15). Кадяжэ пала Дэл росԥэнэн и ԥрала и ԥэя (Матф. 28:19, 20). Андэ книӷа Деяния росԥэнэнпэ пала ԥэй Прискилла. Вой пэстирэ хуласа поможысардя лэ ԥралэсти, савэс ақарэнас Аполлосо, кай во инке май драго тэ полэл о чачимос анда Свынто Писания, хоть во сас фартэ ӷрамотно мануш (Деян. 18:24—26). w21.02 14, абз. 1; 14, абз. 4

И старейшыноря трэбуй тэ поможын лэ ԥралэнди и лэ ԥэянди, кай вонэ инке май драго тэ росԥэнэн пала Дэл и тэ проандярэн изучения Библии. Ай если о вазвещятелё лажал тэ проандярэл изучения англа лэстэ, тоди о старейшына можэт ла тэ проандярэл. И старейшыноря бут со моӷут тэ стерэн, кай тэ поможын кодэлэнди, кастэ исин изучения (1 Фес. 5:11). Дажэ если тутэ нинай изучения, ту можэш тэ поможыс, кала авэр ақарэн тут пэ изучения. Тоди ту можэш тэ поможыс лэ ԥралэнди и лэ ԥэянди пэ изучения, кала лэса тэ дэс дума набут и па тема. Ай кала о мануш лэл тэ ԥирэл пэ собрания, тоди кажно андар мэндэ можэт тэ шол сама лэс и тэ андярэл пэс кадя, кай во амэндар тэ сытёл. Ай о старейшына можэт тэ витидэл время, кай тэ авэл пэ изучения кодэлэ манушэстэ, саво изучает и Библия. Ай кадяжэ во можэт тэ хвалий лэ вазвещятелёс, саво проандярэл изучения. Амэ аваса фартэ лошалэ, если хоть набут поможысараса аврэ манушэнди тэ полюбин лэ Иеговас и тэ служын лэсти! w21.03 13, абз. 18, 19

Анда лэ Давидостири жызня дицолас, кай во сас надёжно мануш. Например, кала о Давид сас совсем тэрноро, лэско дад дя лэсти тэ диқэл пала бакрорэ. Во драго када терэлас, ай када сас опасно дила. Еқвар пала када во ԥэндя лэ Саулости: «Сас кацаво, кай авэлас о лево или о медведё и ундярэлас анда стадо лэ бакрорэс. Мэ нашавас пала лэстэ, давас пэр лэстэ и вилавас лэстар анда муй лэ бакрорэс» (1 Сам. 17:34, 35). Дицолас, кай о Давид сас надёжно мануш, во смило фэрияс лэ бакрорэн. И тэрнэ ԥрала моӷут тэ сытён лэстар, кай драго тэ терэн и дила, сави лэнди дэн. Кай о Давид сас фартэ лащи дружба лэ Иеговаса, и важ лэстэ када сас со май важно андэ жызня. Май важно, чем тэ сытёл тэ дилабэл пэ арфа и тэ авэл смило. О Иегова важ лэстэ сас фартэ лашо друӷо (Пс. 25:14). Кадяжэ важ и тэрнэ ԥрала трэбуй тэ авэл со май важно, када и дружба лэ Дэвлэса. w21.03 3, абз. 4, 5