Декабрё

Дэкала амэ можэм тэ на дополас варисаво гиндо анда Библия или о Иегова на дя атвето пэ амари молитва кадя, сар амэ аштярасас. Тоди амэ ужэ най кадя ласа тэ патяс лэ Иеговасти. Если амэ на ласа тэ шас сама пэ када, тоди амари дружба лэ Иеговаса на авэла кацави дэ лащи, сар сас (Иак. 1:7, 8). Ай если амэ на допатяс лэ Иеговасти, тоди амэндэ можэт и тэ на авэл о лашимос, саво амэ аштярас англэ. О апостоло Павло ԥэндя, кай о лашимос, саво аштярэн лэ Иеговастирэ служытеля, можно тэ сыстос кодэлэса, сар о якорё ритярэл о кораблё (Евр. 6:19). Кала пэ моря бари балвал, о якорё ритярэл о кораблё по ҭан, кай лэс тэ на вишол пэ плая. Но кадя авэла кати тоди, если по якорё о цэпо на росшындёла. Но если о цэпо авэла ржавимэ, тоди во росшындёла и на виритярэла о кораблё. Кадяжэ авэла и амэнца, если амэ лас тэ на допатяс лэ Иеговасти, када, сар ржавчина, сави росхал о састри. И кала кай кацаво мануш авэла ԥаримос, во можэт тэ парашэл тэ патял лэ Иеговасти, кай во стерэла кода, пала со дя алав. Ай если амэ на патяс лэ Иеговасти, тоди амэндэ на авэла о лашимос, саво аштярас англэ. И кацавэ манушэстэ на авэла радость андо ди! w21.02 30, абз. 14, 15

Кала о Авраамо пэстирэ чаченца ужылятар анда Уро, лэсти сас варикай пала 70 бэрш (Быт. 11:31—12:4). Май бут чем шэл бэрш во жувэлас андэ катуны, и пэрэладэлас еқэ ҭанэстар пэ авэр ҭан па Ханаанско ԥув. Во муля, кала лэсти сас 175 бэрш (Быт. 25:7). О Авраамо кадя и на доаштярделя, кала о Иегова дэла лэстирэ потомконэнди и ԥув, пала сави во дя алав. И кадяжэ во на дожудя каринг кодэя время, кала авэла «о форо», саво во фартэ аштярэлас, када лэ Дэвлэско Царство. И всаек, сар пистромэ андэ Библия, во муля «довольно пэстиря жызняса» (Быт. 25:8). Хоть лэсти прижыляпэ тэ пэрэандярэл бут ԥаримос, во всаек на парашэля фартэ тэ патял лэ Иеговасти и тэ аштярэл лэс. Со лэсти поможысардя андэ када? Вся лэ Авраамости жызня, Иегова сас важ лэстэ друӷо и фэрияс лэс (Быт. 15:1; Ис. 41:8; Иак. 2:22). Амэ, сар и о Авраамо, аштярас «о форо, саво авэла састо» (Евр. 11:10). Канешно, амэнди на трэбуй тэ аштярас «о форо», кала лэс строина, важ кода кай во ужэ исин, и лэ 1914 бэршэстар лэ Дэвлэско Царство правий по нэбо (Отк. 12:7—10). w20.08 4, 5, абз. 11, 12

Амэндэ вижала драго тэ виашунас аврэн, если амэ на заваздас о шэро и на холявас. Пэ када трэбуй тэ стас зор. Исин трин причины, васо када трэбуй тэ терас. Пэрво, амэ на ласа тэ гиндосарас вэрыто пала кода, васо о мануш варисо стердя. Дуйто, амэ поласа, со лэстэ по ди и васо во дэсо терэл. Када поможыя амэнди май бут тэ сыкавас лэсти, кай амэ полас лэс. И трито, амэ поможысараса лэ манушэсти май драго тэ полэл корко пэс. Дэкала амэ нащи полас корко пэс, пока на росԥэнаса када алавэнца. Но дэсавэ ԥралэнди и ԥэянди ԥарэс тэ росԥэнэн кода, со лэндэ по ди. Ԥарэс можэт тэ авэл, важ кода кай кацаво характеро, кадя барярдэ чи кацави культура. Трэбуй тэ прожал и время, кай и ԥрала чи ԥэя тэ патян амэнди. Би кадэлэско амэндэ на вижала тэ полас, со лэндэ андо ди. Если амэ сытювас кай о Иегова, и сыкавас, кай амэ на холявас, тоди, сар прожала и время, вонэ лэна амэнди тэ патян. Ай кала вонэ закамэна тэ росԥэнэн, со лэндэ по ди, тоди трэбуй драго лэн тэ виашунас. w20.04 15, 16, абз. 6, 7

Обычно о мащё плавуий котэ, кай лэсти чалёл и кай исин важ лэстэ хамос. Но инке важно андэ сави время о мануш астарэл о мащё. Ек ԥрал, саво жувэлас по острово андо Тихо океано, ақардя лэ мисианерос тэ астарэл мащё. О мисианеро ԥэндя, кай тэ диқэнпэ тэсара часиков в девять. О ԥрал пэ када ԥэндя лэсти, кай кадя на вижала. Катэ трэбуй тэ витидэл, чи май долӷо тэ посовэл, чи мащё тэ астарэл. О рыбако витидэл время и ҭан, кай тэ астарэл май бут мащё. Кадяжэ андэ пэрво вико кодэла, ко «родэнас лэ манушэн», витидэнас кацавэ ҭана и время, кай лэндэ тэ вижал тэ подэн дума май бутэ манушэнца. Лэ Иисусостирэ ученикоря росԥэнэнас пала Дэл па цэра, па базаро, андо храмо и андэ синагоги (Деян. 5:42; 17:17; 18:4). Амэнди тожэ важно тэ ӷанас, кала и мануша цэрэ, ай кала вонэ андэ авэр ҭана. Если амэ камас, кай важ о Дэл тэ уӷанэн со май бут мануша, амэнди трэбуй тэ авас ӷотови тэ парувас и время и о ҭан важ и служэния (1 Кор. 9:19—23). w20.09 4, абз. 8, 9

Ек анда возможность тэ ашас лэ Иисусостирэ друӷонэнца, када тэ терас кадя, сар ԥэндя о Иегова через пэстири арӷанизацыя. Амари дружба лэ Иисусоса ашэл инке май лащи, кала амэ кандас лэ ԥралэн, савэ диқэн пала амэндэ (Эф. 4:16). Кай май набут тэ жан и ловэ пэ Залоря Царства, акана стердэ акэ со. Дэсавэ собрании стидэ андэ ек. Через када линэ май набут тэ жан и ловэ, савэ шонас, кай тэ диқэн пала Залоря. Но андэ кодэя жэ время, дэкасти прижыляпэ тэ присытён каринг и нэвэ ԥрала и ԥэя андэ авэр собрания. Кадэла ԥрала и ԥэя бут бэрша ԥирэнас андэ ек собрания и фартэ котэ подружысайлэ лэ ԥралэнца и лэ ԥэянца. Ай акана лэн манглэ тэ пэрэжан андэ авэр собрания. Сар лошавэл о Иисусо, кала диқэл, кай кодэла христианоря, савэ на парашэн тэ кандэн, терэн кода, со ԥэнэн о Иегова через пэстири арӷанизацыя! w20.04 24, абз. 14

О северно и о южно царё идоси марэнпэ пала кода, ко андар лэндэ тэ авэл май ӷлавно. Уӷанам, сар вонэ када терэнас посли Дуйто мирово война. О Совецко Союзо и страны, савэ лэс подритярэнас, получисардэ власть пэ бут страны андэ Европа. Через кода, со терэлас о северно царё, о южно царё закамля тэ стерэл военно союзо, андэ саво линэ тэ ужан дэсавэ страны. Пэ кадэва союзо ԥэнэн НАТО. Андэ войны, савэ сас андэ Африка, андэ Азия и андэ Латинско Америка, о северно царё подритярэлас кодэлэн, ко вороӷуияс лэ южнонэ царёса. Кадяжэ о северно и о южно царё тратин бут ловэ, кай кажно андар лэндэ тэ стерэл само бари и зорали армия. Инке о северно и о южно царё терэн вэрыто ек еқэсти через и компьютероря. Через и компьютерни проӷраммы вонэ терэн кадя, кай авэр тэ хасарэл ловэ. Андэ послидни бэрша и Россия и и страны, савэ ла подритярэн, ашэлэ со май зоралэ па вся и люма. Ай кадяжэ, сар ԥэндя о Даниило, о северно царё на парашэл тэ ӷоний лэ Дэвлэско народо (Дан. 11:41). w20.05 13, абз. 5, 6

«Хэба можэт и дэй тэ бистрэл пала пэско ԥарнэнго бэято?» Кацаво вопросо о Иегова задя, кала жувэлас о Исаия. И во ԥэндя пэстирэ народости: «Дажэ если вой забистрэла, мэ тут на бистрава!» (Ис. 49:15). О Дэл ридко кала ԥэнэн пала пэстэ, сар пала дэй. Но катэ во ԥэндя пала пэстэ кадя. О Иегова ԥэндя пала дэй и лако ԥарнэнго бэято, важ кода кай камэлас тэ сыкавэл, пэ скати дэ фартэ во любий пэстирэ служытелёнэн. Бут дэя соӷласинпэ кодэлэса, со ԥэндя ек ԥэй, савя ақарэн Лидо: «Кала ту заботиспэ пала пэско бэято, тоди ту лэса тэ цырдэспэ каринг лэстэ вся пэстири жызня». Лэ Иеговасти найдраго, кала дажэ ек анда лэстирэ бэяцэ парашэл тэ росԥэнэн пала лэстэ и парашэл тэ ԥирэл пэ собрании. Бут ԥрала и ԥэя, савэ ашэлэ неактивни, ринпэ андэ собрания. Амэ фартэ лошалэ кадэлэсти! О Иегова камэл, кай всаворэ, ко отжыля лэстар, упалэ тэ ринпэ андэ собрания. И амэ кадяжэ када камас (1 Пет. 2:25). w20.06 18, абз. 1—3

Най вся о барвалимос можно тэ додиқас. Само кучутно барвалимос на дицол. Андэ пэстири ашунгли дума по плай о Иисусо росԥэндя пала небесно барвалимос, саво пэ бутэстэ май куч кодэлэстар, саво исин пэ ԥув. Во ԥэндя: «Котэ, кай тиро барвалимос, авэла и тиро ди» (Матф. 6:19—21). Амаро ди цырдэл амэн каринг кода, со амэнди куч. Амэ стидас о «барвалимос по нэбо», кала старысавас тэ авас лашэ англа Дэл. Сар ԥэндя о Иисусо, кацаво барвалимос, никай на терэлапэ и лэс нико на чорэла. О апостоло Павло ԥэнэнас тэ шас сама пэ «кода, со на дицол» (2 Кор. 4:17, 18). Пала со о Павло гиндосардя, кала ԥэндя кадэла алава? Во гиндосардя пала лашимос, саво аштярас англэ андо раё пэ ԥув. Сыкавас ли амэ лэ Иеговасти амари блаӷодарность пала када? w20.05 26, абз. 1, 2

Лэ Моисеёстирэ алава сас важ и израильтяноря, сар найбаро брышындоро, саво поможый, кай вся тэ барёл. Кадяжэ и лэстирэ алава дэнас лэнди зор и поможысардэ лэнди май фартэ тэ патян. Ай сар амэ тэ полас, кай амарэ алава придэн зор кодэлэнди, касти амэ росԥэнас пала Дэл и сытярас па Библия? Кала амэ росԥэнас пала Дэл па цэра чи котэ, кай прожан чи стидэнпэ бут мануша, амэ можэм тэ сыкавас лэ манушэнди лэ Дэвлэско алав, Иегова, ворта андэ Библия. Амэ можэм тэ дас лэнди и литература, андэ сави исин картинки, тэ сыкавас интересни видео и тэ росԥэнас, со исин лашо пэ амаро сайто. Кадэлэстар лэ Дэвлэско алав ашэл инке май ашунгло. Амэндэ можэт тэ вижал тэ росԥэнас пала амаро лашо Дэл и пала лэстирэ лашэ качестворя пэ бути, андэ школа и кала отцыювас. Файма, кала о мануш ашунэла амэндар, со о Иегова загиндосардя важ и ԥув и важ и мануша, кати тоди во полэла, сар дэ фартэ амэн любий о Дэл. Кала амэ росԥэнас лэ манушэнди о чачимос пала амаро любящё Дад, амэ злас о хохаимос, саво ԥэнэн пэр лэстэ. Амэ поможысарас лэ манушэнди, кай вонэ тэ полэн, кай лэн сытярдэ хохаимасти пала Дэл. Ай кода, сости амэ сытярас лэ манушэн анда Библия, када со май лашо, со вонэ моӷут тэ полэн пала Дэл (Ис. 65:13, 14). w20.06 10, абз. 8, 9

Сар амэ трэбуй пэс тэ андярас, кай тэ поможысарас кодэлэнди, ко камэл тэ рийпэ каринг о Иегова? Погиндосарам, сости амэ можэм тэ сытювас анда лэ Иисусостири притча, пала найкандино шаво, саво вся терэл па пэстирятэ, и саво жылятар анда пэстирэ дадэско цэр (Луки 15:17—24). О шаво полэл, кай андярэлас пэс найдраго и рийпэ цэрэ. Кала о дад додиқэл лэс, во прастэл каринг лэстэ, и анда оди облэл лэс. Во камэл, кай о шаво тэ полэл, сар дэ фартэ во лэс любий. Но о шаво фартэ дошалярэл пэс. Во гиндой, кай на ашэл, кай пэр лэстэ тэ ԥэнэн шаво. И во мангэл лэ дадэс, кай лэс тэ мэкэн цэрэ, сар кодэлэс, ко терэл бути пэр лэстэ. О дад анда оди жалуий лэ шавэс, кала о шаво росԥэнэн лэсти, со лэстэ по ди. О дад пэ дила сыкавэл, кай лошавэл кодэлэсти, кай лэско шаво рисайля цэрэ. Во обжалпэ лэса сар любимонэ шавэса. Кай тэ сыкавэл лэ шавэсти, саво каисайля, кай во па чачимастэ лэсти куч, о дад стодя бари мисяйля и ԥэнэн, кай лэ шавэсти тэ анэн со май лащи йда. О Иегова шолпэ по дад анда кадэя притча. Во любий амарэ ԥралэн и ԥэян, савэ ашэлэ неактивни и камэл, кай вонэ тэ ринпэ каринг лэстэ. Амэ можэм тэ поможысарас лэнди андэ када, если андярас пэс кадя, сар о Иегова. Када тэ ӷанас тэ жалуисарас анда оди, тэ любисарас и тэ на грабисавас тэ холявас. w20.06 25, 26, абз. 8, 9

О Иисусо ԥэндя, кай дэко авэла лошало тэ прилэл о чачимос пала Дэл. Но кала лэндэ авэла ԥаримос, вонэ парашэна фартэ тэ патян лэ Дэвлэсти (Матф. 13:3—6, 20, 21). Файма, кацавэ мануша на полэнас, кай кала вонэ жана пала Иисусо, лэндэ авэла ԥаримос (Матф. 16:24). Ай можэт вонэ гиндонас, кай, кала вонэ ашэна христианонэнца, лэндэ никала на авэла ԥаримос чи кай всаворэ лэндирэ проблемы улэла о Дэл. Но адес би ԥаримаско нисар. Амэндэ можэт варисо тэ парудёл андэ жызня и важ када пэ дэсави время амэ можэм тэ хасарас и радость (Пс. 6:6; Эккл. 9:11). Почти всаворэ амарэ ԥрала и ԥэя ӷанэн, кай кода, андэр со вонэ патян, када чачимос. Васо можно кадя тэ ԥэнас? Важ кода кай дажэ, если варико андэ собрания холярэл лэн чи андярэл пэс най кадя, сар сытярэл о Дэл, вонэ всаек на парашэн тэ кандэн лэ Иеговас (Пс. 119:165). Кажно разо, кала андэ лэндири жызня ԥаримос, вонэ инке май фартэ лэн тэ патян лэ Дэвлэсти и на змардён па лэско дром (Иак. 1:2—4). Амэнди трэбуй кадяжэ фартэ тэ патяс, сар и вонэ. w20.07 8, абз. 1; 9, абз. 4, 5

Англа кода, сар тэ адинос и Библия, мангпэ, кай май драго тэ полэс, сар кадэла алава поможына тути. Например, кала тути трэбуй совето, манг лэ Иеговас тэ виарақэс кодэва совето, саво поможыя тэ прилэс правильно ришэния (Флп. 4:6, 7). О Иегова дя амэнди розлашо подарко. Амэ можэм представлять пэсти кода, пала со адиносарас, кабута амэ котэ. Кала адинос и Библия, представь, со по ди кодэлэ манушэстэ, пала кастэ адинос андэ Библия. Сто пэс по лэ манушэско ҭан. Дик пэ вся лэстирэ яқэнца и погиндосар, со тутэ авелоп по ди андэ кодэва маменто. Тэ гиндос, пала со адинос андэ Библия, када тэ полэс, сар када поджал именно каринг тутэ. Кала амэ гиндосарас, када поможыя амэнди тэ полас о гиндо, пала со проадиносардям. Ай если амэ кадя на терас, тоди када шолпэ пэ мозайка, сави най стиди. Но кай тэ авэл цыло картина, амэнди трэбуй тэ стидас всаворэ латирэ части. Кадя и амэнди трэбуй тэ стидас андо шэро вся и картина, кай тэ полас кода, пала со проадиносардям. w21.03 15, абз. 3—5

О апостоло Павло на гиндояс вся и время, со сас варикала андэ лэстири жызня. И на гиндояс, кай если во тоди тэ прилиноп авэр ришэния, во на бэшлоп андо баруно. Или во моӷ бы тэ холявэл пэ ԥрала, савэ ашадэ лэс и тэ парашэл тэ патял аврэ пэстирэ друӷонэнди. Но во кадя на тердя. Васо о Павло на парашэлас тэ патял пэстирэ друӷонэнди, кай вонэ лэс на ашавэна и кай о Иегова лэс обязательно блаӷословия? Можно тэ задэс пэсти вопросо: «Со о Павло терэлас, кай тэ виритярэл о ԥаримос?» Лэ Павлости сас фартэ ԥарэс, и лэс трэбуй сас тэ умарэн. Но во всаек сэрэлас, кай со май важно важ лэстэ, када тэ прославляет лэ Иеговас. Кадяжэ во на парашэлас тэ подритярэл аврэн. Во патялас лэ Иеговасти и вся и время мангэласпэ лэсти. О Павло на ля фартэ тэ пэрэжывает пала кода, кай дэсавэ ԥрала лэс ашадэ. И во сас блаӷодарно кодэлэ ԥралэнди и ԥэянди, савэ пэ дила поможынас и савэ на ашадэ лэс. Инке во на парашэлас тэ адиной и Свынто Писания (2 Тим. 3:16, 17; 4:13). Ай со май важно, во фартэ патялас, кай о Иегова и о Иисусо любин лэс. w21.03 18, абз. 17, 18

Андо дуйто вико лэ И. Х. андэ христиански собрании ашэнас со май бут хохавнэ христианоря. Кадэла христианоря сытярэнас лэ хохаимасти и гаравэнас о чачимос анда Писания. Кадэла времятар и жы каринг 1870 бэрш лэ Дэвлэстирэ служытеля пэ ԥув на сас стидэ, сар арӷанизацыя. Андэ кодэя время хохавнэ христианонэн ашэля май бут, кадя бут, сар бурьяноря андэ мал. Важ када ашэля фартэ ԥарэс тэ полэс, ко чачунэ христианоря (Матф. 13:36—43). Но васо трэбуй тэ ӷанэс, пэр кастэ можно сас тэ ԥэнэс, кай вонэ чачунэ христианоря? Важ кода кай андэ кодэя время пэ ԥув о Дэл инке на стидя пэско народо, пэ саво моӷли бы тэ дэн о северно и о южно царёря. Када сыкавэл, кай о пророчество, саво запистромэ андэ 11 ӷлава андэ книӷа Даниила значит, кай о северно и южно царё нэ моӷли тэ правин андэ время лэ дуйтонэ викостар жы кай 1870 бэрш. Но йто посли 1870 бэрш можно сас тэ аштярэс, кай упалэ авэла о северно и о южно царё. w20.05 3, абз. 5

О Иоилё ԥэнэн, кай англэ по Израилё дэла и саранча и шушарэла вся и ԥув. Вой чорымаса похал вся, со пэ лако дром (Иоиль 1:4). Бут бэрша амэ гиндосарасас, кай кадэя саранча, сави сас фартэ бут и ла нисар на тердярэса, сыкавэлас по Иеговаско народо, саво росԥэнэн лэстири весть. Амэ гиндосарасас, кай амари дила, кай росԥэнас важ о Дэл, шушарэл и «ԥув». Аврэ алавэнца, анэна найлашимос лэ манушэнди, савэ патян лэ барэдэрэнди андэ хохавнэ веры. Но, сар шаса сама, со пистромэ англа кадэва пророчество и посли лэстэ, тоди додиқаса, кай трэбуй тэ полас лэс па аврятэ. Трэбуй тэ шас сама пэ кода, пала со дя алав о Иегова. Ай во дя алав, кай дэла и саранча: «Кодэлэс, ко авеля па северо [када и саранча], мэ видаравава тумэндар» (Иоиль 2:20). Если и саранча сыкавэл лэ Иеговастирэ свидетелёнэн, савэ кандэн лэ Иисусос, росԥэнэн важ о Дэл и сытярэн лэ учениконэн, тоди васо о Иегова дя алав, кай лэн видаравэла? (Иез. 33:7—9; Матф. 28:19, 20). Амэ полас, кай о Иегова видаравэла най пэстирэ служытелёнэн, савэ на парашэн тэ кандэн, ай кодэлэн, ко жал против лэско народо. w20.04 2, абз. 3—5

Со, если амэ манглямпэ лэ Иеговасти, ай во, сар амэнди здэлпэ, на ашунгля амари молитва? Тоди трэбуй тэ шас сама, со ԥэндя о Иаково пала када. Лэстирэ алава «мэк мангэл кай о Дэл» сыкавэн, кай трэбуй най еқвар тэ мангас лэ Иеговастар варисо, ай трэбуй када тэ терас, пока о Иегова на дэла амэнди, со мангас. О Иегова на лэла тэ шол амэнди пэ яқа, если амэ най еқвар мангаса лэстар варисо. Наоборот, кала амэ мангас лэ Иеговастар мудрость, во дэл амэнди ла анда вся оди, важ кода кай во полэл, саво ԥаримос амэндэ можэт тэ авэл андэ жызня (Пс. 25:12, 13). Во полэл, со амэндэ по ди и фартэ камэл амэнди тэ поможый. И чаче исин васо тэ радосавас, кала о Иегова кадя терэл! Но сар о Иегова дэл амэнди мудрость? Через пэско алав и Библия (Прит. 2:6). Но, кай тэ авэл амэндэ кадэя мудрость, амэ трэбуй май драго тэ полас ла и и литература, сави стерди пар латэ. Амэ трэбуй най просто май бут андар латэ тэ уӷанас, ай трэбуй тэ терас кадя, сар котэ пистромэ. О Иаково пистросардя: «Авэн кацавэ, ко терэл кадя, сар ашунэл, ай най кацавэ, савэ кати ашунэн» (Иак. 1:22). Кала амэ приласа и советоря анда Библия, амэ ласа инке май фартэ тэ жалуисарас аврэн анда вся оди, аваса май мудри и ласа инке май фартэ тэ старысавас тэ ладисарас аврэнца (Иак. 3:17). Када амэнди поможыя тэ пэрэандярас любо ԥаримос и тэ на хасарас и радость. w21.02 29, 30, абз. 10, 11

Лэ манушэстэ, саво изучает, авэла лащи дружба лэ Иеговаса, если лэсти андэ када поможын и ԥрала и ԥэя анда собрания. Кажно вазвещятелё можэт тэ поможый, кай май бут мануша, савэ изучают и Библия, тэ болдён. Ек пианерка росԥэнэн, кай всаворэ ԥрала и ԥэя андэ собрания поможын лэ манушэсти, саво изучает, кай во тэ служый лэ Дэвлэсти. Када, сар ԥэнэса, лэ бэятос барярэл вся о ери. Кадяжэ и всаворэ вазвещятеля андэ собрания моӷут тэ поможын и тэ подԥэнэн кодэлэсти, ко изучает и Библия. Инке вонэ андярэн пэс кадя, кай о изучающё лэндар тэ сытёл. Кода, кай и ԥрала и ԥэя лэс подритярэн, када поможыя, кай лэстири дружба лэ Иеговаса тэ авэл май лащи, и тоди можэт во закамэла тэ болдёл (Прит. 15:22). Кажно вазвещятелё, савэстэ исин изучения Библии, на трэбуй тэ отԥэндёл, кай авэр вазвещятеля лэсти тэ поможын. Важ кода кай вонэ моӷут тэ поможын лэсти, кай лэстэ тэ авэл дружба лэ Иеговаса. w21.03 8, абз. 1—3

Всаворэ амэ, и тэрнэ и ԥурэ, трэбуй тэ фэрисавас кодэлэстар, кай тэ притераспэ, кай служысарас лэ Иеговасти, и андэ кодэя жэ время тэ терас нэправильно дила. О апостоло Иоанно ԥэндя, кай амэ нэ можэм тэ жувас па лэ Дэвлэско законо и андэ кадэя жэ время тэ на терас кадя, сар во сытярэл (1 Иоан. 1:6). Если амэ камас, кай о Иегова тэ лошавэл, тоди амэ вся и время ласа пэс тэ андярас кадя, кабута вся, со амэ терас дицол, сар пэ палматэ. Па чачимастэ, нинай кацаво ӷрехо, саво угаравэса. Дажэ если пала варисавэ ӷрехоря на ӷанэн и мануша, пала лэндэ ӷанэн о Иегова (Евр. 4:13). Амэ на трэбуй тэ диқас по бэзэх кадя, сар диқэн и мануша, савэ на полэн лэ Иеговас. Андэ кодэя время, кала жувэлас о Иоанно, и отступникоря ԥэнэнас, кай можно тэ терас о бэзэх и андэ кодэя жэ время тэ на хасарас и дружба лэ Дэвлэса. Адес бут мануша гиндон кадяжэ. Вонэ ԥэнэн, кай патян андо Дэл, но всаек нэ соӷласни кодэлэса, сар о Иегова диқэл по бэзэх. И май фартэ вонэ нэ соӷласни, кала и дума жал пала билажавардимос. Кода, пэр со о Иегова ԥэнэн, кай када билажавардимос, вонэ ԥэнэн, кай андэ када нинай нисо вэрыто. И вонэ моӷут када тэ терэн, если камэлпэ. w20.07 22, абз. 7, 8

Ай тумэ зашонпэ пала ԥэя анда собрания, кала када трэбуй? Например, андэ тумари собрания исин ԥэй, савятэ о хулай на служый лэ Иеговасти, и вой часто авэл най вовремя пэ собрании и сразу ужал посли лэндэ. Ай кадяжэ вой ридко лэл пэса пэ собрании лэ бэятонэн. И дэсавэ вазвещятеля лэн тэ дэн дума пала кадэя ԥэй, кай вой фартэ ковлэс дэл дума пэстирэ хуласа, и важ када во на мэкэл лэ бэятонэн пэ собрании. Но па чачимастэ кадэя ԥэй терэл вся, со андэ лако зор и вой всегда пушэлпэ пэстирэ хуластар тэ терэл варисави дила. И кадяжэ во, сар хулай андо ери, ришает, со лэна тэ терэн лэндирэ бэяцэ. Сар амэ можэм тэ зашаспэ, кала кадя дэн дума пала ԥэй? Хвалин ла и дажэ тоди, кала ла нинай пашэ. Кадя тумэ поможына, кай будэр пала латэ тэ на дэн дума найдраго. И старейшыноря ӷанэн, кай важ о Иегова фартэ важно, кай тэ заботинпэ пала ԥэя. И вонэ старыинпэ кадя и тэ терэн (Иак. 1:27). Старейшыноря терэн, сар о Иисусо, кала на стон лэ ԥэянди пэстирэ правилоря, ай наоборот, старыинпэ тэ полэн и тэ андярэн пэс ковлэс лэнца (Матф. 15:22—28). Кала и ԥэя диқэн, кай и старейшыноря фартэ камэн тэ поможын лэнди, тоди и ԥэя лэн тэ полэн, кай пала лэндэ заботийпэ о Иегова и лэстири арӷанизацыя. w20.09 24, абз. 17—19

О пророко Даниило вся и время смирено мангэлас лэ Иеговастар совето. Еқвар о Иегова поможысардя лэ Даниилости тэ росԥэнэн, со сыкавэл о суно, саво диқля о Навуходоносоро. Но о пророко на ԥэндя, кай во екжэно поля о суно. Ай ԥэндя, кай када стердя о Иегова (Дан. 2:26—28). Сости амэ сытювас анда када? Если лэ ԥралэнди и лэ ԥэянди чалёл, сар амэ дас дума па сцена чи амэндэ исин бут интересни случаёря андэ служэния, тоди амэнди трэбуй тэ сэрас, кай вся када лэ Иеговастар. Если амэ на гиндосарас пала пэстэ бут, када поможыя амэнди тэ полас, кай амэндэ нисо на вижылоп тэ стерас би лэ Иеговастирэ зорэско (Флп. 4:13). Кала амэ кадя терас, амэ шаспэ инке и по Иисусо, саво сыкадя райкано примеро. Во вся и время терэлас кадя, сар камэл о Дад (Иоан. 5:19, 30). Во никала на камэлас, кай лэстэ тэ авэл кацави жэ власть, сар кай о Иегова. Андэ Филиппийцам 2:6 ԥэнэнпэ, кай о Иисусо «на гиндояс, кай тэ сыстойпэ лэ Дэвлэса». О Иисусо сас кацаво Шаво, саво кандэлас. Во полэлас, кай лэсти най вся можно тэ терэл и столас патив пэ власть, сави сас кай лэско Дад. w20.08 11, абз. 12, 13

Кай дэсавэ христианоря, савэ нашэн па дром, саво андярэл каринг и вечно жызня, исин кацаво ԥаримос, пала саво авэр дажэ на ӷанэн. Если тумэ гиндон, кай авэр на полэн тумэн, тоди тумэнди можэт тэ дэл зор кода, со сас лэ Мемфивосфеёса. Кадяжэ, кода, со сас лэса, подритярэла, если тумэндэ ԥаримос, саво на мэкэл тумэн тэ терэн андэ служэния лэ Иеговасти, скати тумэ камлоп тэ терэн (2 Сам. 4:4). Па Мемфивосфеё дицолас, кай лэстэ сас найдраго лэ зорэса. Инке о царё Давидо на поля лэс и андярдя пэс лэса кадя, сар во на затердя. Но всаек во на холяйля и цэнияс о лашимос, саво лэстэ сас андэ лэсти жызня. Во сас блаӷодарно важ о лашимос, саво о Давидо стердя лэсти дэлмут (2 Сам. 9:6—10). Важ када, кала о Давидо андярдя пэс лэса нэсправедливо, о Мемфивосфеё на гиндояс ек пала када, ай камля тэ полэл всаворэ ригэндар, васо кадя сас. Во на холяйля, кай о Давидо шылисайля и нисо лэсти на ԥэндя. И во на ля тэ дошалярэл лэ Иеговас важ кода, со стердя о Давидо. Во гиндояс кати пала кода, сар тэ подритярэл лэ царёс, савэс стодя о Иегова (2 Сам. 16:1—4; 19:24—30). О Иегова стердя кадя, кай пала Мемфивосфеё тэ авэл запистромэ андэ лэ Дэвлэско Алав, Библия. Амэ можэм тэ сытювас кай кадэва служытелё, саво на парашэлас тэ кандэл лэ Дэвлэс (Рим. 15:4). w20.04 26, абз. 3; 30, 31, абз. 18, 19

Пэ вся и люма исин ԥрала и ԥэя, савэ служын мисианеронэнца, ай кадяжэ сар спецыальни и общи пианероря. Важ лэндэ и полновременно служэния ашэля само ӷлавно андэ лэндири жызня. Хоть вонэ найбарвалэ, андэ лэндири жызня бут лашимос лэ Иеговастар (Мар. 10:29, 30). Амэнди куч кадэла ԥрала и ԥэя, и амэ цэнисарас и дила, сави вонэ терэн. Сыкавэл када, кай андэ собрания куч кати кодэла ԥрала, савэнди динэ тэ терэн варисави дила андэ собрания или кати и полновременни служытеля? Канешно най! Важ о Дэл и важ и собрания куч кажно мануш, саво росԥэнэн и лащи весть (Рим. 10:15; 1 Кор. 3:6—8). Када кадя, важ кода кай ек анда ӷлавно дила, сави трэбуй тэ терэн андэ собрания, када тэ сытярэн лэ манушэн, кай тэ ашэн лэ Иисусостирэ ученикоря (Матф. 28:19, 20; 1 Тим. 2:4). Всаворэ вазвещятеля андэ собрания, болделэ вонэ чи най, старыинпэ, кай андэ лэндири жызня када тэ авэл ӷлавно (Матф. 24:14). w20.08 21, абз. 7, 8

Сар дицол анда адесутно стихо, о Иисусо подритярэл амэн, кала амэндэ ԥаримос. Кадэла алава придэн амэнди зор. Амэндэ андэ жызня исин бут ԥаримос. Например, само ԥаро дес андэ амари жызня када, кала мэрэл варико анда чаче мануша. И кадэя дук нэ можэт тэ ужал бэршэнца. Кадяжэ ашэл ԥарэс, кала о мануш ԥурёл или кала фартэ ԥарэс и нисостар нинай радость. Но амэ сможэм тэ виритярас любо ԥаримос. Важ кода кай амэ ӷанас, кай о Иисусо амэнца «андэ вса́ворэ деса», дажэ андэ со май ԥарэ деса андэ амари жызня (Матф. 11:28—30). И Библия поможый амэнди тэ патяс, кай о Иегова поможый амэнди через и анӷелоря (Евр. 1:7, 14). Вонэ поможын амэнди, кала амэ росԥэнас пала Царство всаворэ́ манушэнди «андэ кажно нацыя, ери, народо и шыб» (Матф. 24:13, 14). w20.11 13, 14, абз. 6, 7

О изучающё трэбуй тэ полэл, кай ту сытярэс лэс кати кодэлэсти, со пистромэ андэ Библия (1 Фес. 2:13). Со тути поможыя андэ када? Манг, кай во тэ росԥэн тути, со екжэно гиндой пала кода, со уӷанэн нэво анда Библия. На трэбуй кажно разо тэ росԥэнэс лэ манушэсти, пала со о библейско стихо. Фэдэр манг лэс, кай во тэ росԥэнэн, сар лэс поля. Поможысар лэ манушэсти, савэса изучаеш, тэ диқэл, сар и Библия поможый лэсти андэ жызня. Задэ кацавэ вопросоря, савэ поможына лэсти тэ виарақэл атветоря и савэ поможына тути тэ полэс, со во гиндой пала дэсавэ стихоря анда Библия (Луки 10:25—28). Например, ту можэш тэ пушэс, сар о стихо анда Библия поможысардя лэсти тэ додиқэл ек анда лэ Иеговастирэ качестворя? Сар лэсти можэт тэ поможый кода, со во уӷанэн анда Библия? Чалёл лэсти, со во уӷанэн анда Библия? На бистэр, важно най скати во уӷанэн, ай пэ скати лэсти чалёл кода, со уӷанэн анда Библия и прилэл во када андэ пэстири жызня чи най. Пэ изучения май бут тэ шос сама пэ Библия. Если ту камэс май драго тэ сытярэс, ту трэбуй тэ на заваздэс о шэро. w20.10 15, 16, абз. 5, 6

Амэ патяс, кай парашаса тэ росԥэнас пала Дэл андэ время, сави витидя о Иегова. Сгиндосарам, со сас андэ лэ Ноёстирэ деса. Тоди о Иегова сыкадя, кай вся андэ лэстирэ вас. Варикай пала 120 бэрш, о Иегова ришысардя, кай о Потопо авэла андэ кодэва дес, саво во витидя. Прожылэ бэрша и во ԥэндя лэ Ноёсти тэ строий о ковчеӷо. Во на парашэлас тэ строий варикай 40 чи 50 бэрш. И мануша лэс на ашунэнас. Но во всаек на парашэлас тэ ԥэнэн лэнди, кай авэла бида и терэлас када, пока о Иегова на ԥэндя, кай трэбуй тэ зажан андо ковчеӷо. И потом, о Иегова андэ время, сави во витидя, «ԥандадя пала лэндэ и вудар» (Быт. 6:3; 7:1, 2, 16). Йто о Иегова ԥэнэна амэнди, кай будэр на трэбуй тэ росԥэнас лэ манушэнди пала Царство. Посли када во стрия и люма, савяса правий о Сатана, и авэла раё пэ ԥув, андэ саво авэна кати и мануша, савэ кандэн лэс. Ай жы каринг кадэя время амэ ласа тэ сытювас кай о Ноё и кай авэр лэ Дэвлэстирэ служытеля, савэ на дэнас тэ отцыён пэстирэ вастэнди. Ласа тэ сэрас, со важ амэндэ со май ӷлавно. Кадяжэ трэбуй тэ ӷанас, сар тэ аштярас, ай инке трэбуй тэ на парашас фартэ тэ патяс лэ Дэвлэсти, кай во зритярэла пэско алав. w20.09 13, абз. 18, 19

Тэ на авелоп кадя, кай о мурш тэ авэл ӷлавно андо ери, тоди амэнди вся и время прижылопэ тэ розласпэ, ко трэбуй тэ авэл ӷлавно и тэ прилэл ришэнии, ай ко трэбуй тэ кандэл. Но, если о Иегова стодя, кай о мурш тэ авэл ӷлавно андо ери и кай када тэ анэн лашимос, тоди васо лэ жувлянди кадя ԥарэс кодэлэстар? Ай вся када важ кода, кай о мурш жувэл най па лэ Иеговаско законо, ай кадя, сар терэлпэ андэ лэстири культура. Дэсавэ муршэнди дажэ чалёл тэ андярэн пэс ла хулаяса, кай вой, ԥэнэса, най мануш. Кадэлэса во гиндой, кай во хамари или камэл варикасти тэ доԥэнэн, кай во чаче муршари. Во дажэ можэт тэ гиндой: «Ну если мэ нэ моӷу ла тэ застависарав, кай вой пэр мандэ тэ стол патив, тоди мэк дарал мандар. Ай если лэла тэ дарал, ашэла ԥарнуни». Но о Иегова ԥэнэн, кай кадя тэ андярэн пэс лэ жувлянца нащи. Во камэл, кай о хулай тэ полэл и тэ цэний пэстиря хулая (Эфесянам 5:25, 28). w21.02 3, абз. 6, 7

Мангпэ лэ Иеговасти, кала ту пала варисо пэрэжываеш. Тоди о Дэл дэла тути покоё по ди, «саво май баро, чем всаворэ гиндоря» (Флп. 4:6, 7). О Иегова дэла тути пэско баро зор, када о свынто духо, саво поможыя тэ на пэрэжываеш (Гал. 5:22). Кала мангэспэ лэ Иеговасти, росԥэн вся, со тутэ по ди. Росԥэн, саво именно тутэ ԥаримос и васо ту пала лэстэ пэрэжываеш. Если ту можэш тэ улэс кадэва ԥаримос, тоди манг кай о Иегова мудрость, кай тэ полэс, сар лэс тэ улэс и манг зор, кай тэ стерэс кадя, сар лэсти уӷодно. Ай если ту нэ можэш тэ улэс кадэва ԥаримос, тоди манг лэ Иеговас тэ поможый тути, кай фартэ тэ на пэрэжываеш. Если ту мангэспэ пала варисо конкретно, тоди тути авэла май вушэро тэ додиқэс, сар о Иегова пэ када атвечает. Ай кала атвето пэ молитва нинай сразу, на умэк и вас. О Иегова камэл, кай ту тэ мангэспэ конкретно, и тэ на парашэс пала када тэ мангэспэ (Луки 11:8—10). w21.01 3, абз. 6, 7

Андэ амарэ собрании исин кодэла, кастэ исин хулай чи хулаи, ай кадяжэ исин и кодэла, ко найжэнати чи ко наймиростэ. Сар амэ трэбуй пэс тэ андярас кодэлэнца, кастэ нинай хулай чи хулаи? Подам дума пала Иисусо. Кала во сас пэ ԥув, во на жэнисайля. Вся пэстири время во терэлас кода, со лэсти ԥэндя о Дэл. О Иисусо никала на ԥэнэнас кодэлэнди, ко жылэ па лэско дром, кай вонэ трэбуй тэ жэнинпэ чи тэ жан миростэ. И, наоборот, во никала на ԥэнэнас, кай вонэ трэбуй вся и время тэ ашэнпэ екжэнэ. Но во ԥэндя, кай дэсавэ христианоря екжэнэ закамэна тэ ашэнпэ найжэнати чи закамэна тэ на жан миростэ (Матф. 19:12). О Иисусо столас патив пэ щея и жувля, савэ на жанас миростэ и пэ мурша, савэ на жэнинаспэ. Во на гиндояс, кай кацавэ мануша май хужэ аврэндар чи кай вонэ варисо умэкэн андэ жызня. Сар о Иисусо, о апостоло Павло, кала служыяс, кадяжэ на сас жэнато. О Павло никала на ԥэнэнас, кай и христианоря на трэбуй тэ жэнинпэ чи тэ жан миростэ. Во полэлас, кай кажно трэбуй тэ ришый екжэно важ пэстэ. w20.08 28, абз. 7, 8

Кай о Иоанно сас долӷо и интересно жызня. Хоть лэстэ сас бут ԥаримос, через саво во моӷ тэ парашэл фартэ тэ патял, во терэлас вся, со па лэско зор, кай тэ кандэл лэ Иисусос, ай кадяжэ тэ ритярэл о законо, кай тэ любий лэ ԥралэн и лэ ԥэян. Во патялас, кай о Иегова и о Иисусо любин лэс и поможына лэсти тэ виритярэл любо ԥаримос (Иоан. 14:15—17; 15:9, 10; 1 Иоан. 4:16). Со кати на терэлас о Сатана и кодэла, ко залэн лэстири риг, но лэндэ на вижыля тэ стерэн кадя, кай о Иоанно тэ парашэл тэ любий лэ ԥралэн и лэ ԥэян и тэ сыкавэл кадэя любовь алавэнца и диласа. Адес, сар и тоди, кала жувэлас о Иоанно, ла люмаса хулаий о Сатана, саво фартэ холинако (1 Иоан. 3:1, 10). Во камэл, кай амэ тэ парашас тэ любисарас лэ ԥралэн и лэ ԥэян. Но лэстэ нисо на вижала, если амэ када на домэкаса. Давайте алавэнца и диласа тэ сыкавас амари любовь каринг амарэ ԥрала и ԥэя. Тоди амэ аваса па чачимастэ бахталэ и лошалэ андо баро лэ Иеговаско ери (1 Иоан. 4:7). w21.01 13, абз. 18, 19

Тэ жувас андэ кадэя люма фартэ ԥарэс, важ кода кай ласа правий о Сатана. И дэкала о мануш на ӷанэн, со тэ терэл (2 Тим. 3:1). Но амэ на трэбуй тэ пэрэжываем и тэ дарас. О Иегова диқэл и полэл, саво ԥаримос амэнди прижалпэ тэ пэрэандярас. Во дя амэнди алав, кай на ашавэла амэн и лэла тэ ритярэл амэн пэстирэ зоралэ правонэ вастэса (Ис. 41:10, 13). И амэ точно ӷанас, кай и алава, савэ запистромэ андэ Библия, поможына амэнди тэ виритярас любо ԥаримос. Если ту лэса тэ диқэс видео, кай интересно адинон и Библия, ай кадяжэ тэ адинос и статьи пэ ек тема «Терэн кадя, кай тумари вера тэ авэл, сар лэндэ», тоди ту сможэш май бут тэ уӷанэс пала мануша, пала савэ пистромэ андэ Библия. Вонэ моӷут тэ поможын тути май фартэ тэ патяс лэ Иеговасти и май драго тэ представляеш, со пистромэ андэ Библия. Но спэрва, трэбуй тэ мангэспэ лэ Иеговасти, кай во тэ поможый тути тэ виарақэс и важни гиндоря, савэ поможына именно тути. Кадяжэ трэбуй тэ представляеш пэс вместо мануш, пала саво адинос. Инке трэбуй тэ гиндосарэс, со терэнас лэ Иеговастирэ служытеля, савэ на парашэнас лэс тэ кандэн, и сар о Иегова лэнди поможыяс тэ пэрэандярэн о ԥаримос. И тоди, када поможыя тути тэ терэс кадя, сар уӷанглян. Вся и время ав блаӷодарно лэ Иеговасти, кай во ужэ акана дэл помощь тути, ай кадяжэ на параш тэ подритярэс аврэн. w21.03 19, абз. 22, 23

Кай тэ полэн, савэ тумэ авэна родителя, можэте тэ погиндон акэ пала со. На заваздэн тумэ о шэро? Лащи тумэндэ дружба лэ Иеговаса, кай во тэ витидэл тумэн тэ диқэн пала лэ бэятостири жызня? (Пс. 127: 4). Ай если тумэндэ ужэ исин бэяцэ, трэбуй тэ погиндон пала кацавэ вопросоря. Поможын тумэ лэ бэятонэнди тэ любин тэ терэн дила? Драго тумэ фэрин пэстирэ бэятонэн ла бидатар, сави можэт тэ авэл андэ кадэя лэ Сатанастири люма? (Эккл. 3:12, 13; Прит. 22:3). Полэн, кай всаворэ проблемы андэ лэ бэятонэндири жызня тумэ нэ можэте тэ улэн. Но тумэ можэте по набут тэ росԥэнэн, кай андэ жызня лэндэ авэла ԥаримос и тэ сытярэн, кай вонэ тэ родэн совето андэ Библия (Прит. 2:1—6). Если варико анда тумаро родо парашэля тэ кандэл лэ Иеговас, поможын пэстирэ бэятонэнди тэ полэн па Библия, васо лэнди важно тэ на парашэн тэ жан па лэ Дэвлэско дром (Псалом 31:23). Ай если варико муля анда родо, сыкавэн лэ бэятонэнди, кай и Библия можэт тэ поможый андо ԥаримос, и кай лэндэ по ди тэ авэл спокойно (2 Кор. 1:3, 4; 2 Тим. 3:16). w20.10 27, абз. 7