Ноябрё

Если амэ на ӷанас вся, со сас лэ Ионаса, тоди пала Иона можно тэ гиндосарас, кай лэсти нащи тэ патяс и кай во на кандэлас лэ Дэвлэс. О Дэл лэсти ворта ԥэндя, со тэ терэл, тэ ԥэнэн лэ манушэнди андэ Ниневия лэ Дэвлэско сындо. Но о Иона на кангля и закамля «тэ уплывий.... лэ Иеговастар». Во бэшля по кораблё, саво плывияс андэ авэр риг (Иона 1:1—3). Диноп тумэ лэ Ионасти инке еқвар тэ стерэл, со трэбуй? Можэт и най. Но о Иегова диқэлас пэр лэстэ па аврятэ (Иона 3:1, 2). Кода, саво мануш сас о Иона, дицол па лэстири молитва (Иона 2:1, 2, 9). Кадэя молитва (ай кацавэ молитвы сас бут) поможый амэнди тэ диқас пэ Иона най сар пэ кодэва, ко пэрэдарайля кодэлэстар, со ԥэндя тэ стерэл о Иегова, и унашля. Па лэстирэ алава можно тэ полас, кай во на заваздэлас о шэро и сас блаӷодарно мануш, саво камэлас тэ кандэл лэ Иеговас. Важ када амэ полас, васо, хоть о Иона и стердя ошыбка, всаек о Иегова ашундя лэстири молитва и домэкля, кай во тэ на парашэл тэ служый, сар о пророко. Важ када фартэ важно, кай и старейшыноря май англал тэ виашунэн, ай кати тоди тэ дэн совето! w20.04 15, абз. 4—6

И ученикоря андо пэрво вико прилинэ о христианство и патяе, кай о свынто духо поможыя лэнди тэ полэн и Писания. И вонэ полинэ, кай вся, андэр со вонэ патяе, када запистромэ андэ Свынто Писания (Деян. 17:11, 12; Евр. 5:14). Лэ Иисусостирэ ученикоря патянас лэ Иеговасти най кати важ кода кай лэнди сас драго по ди машкар христианоря, и служынас вонэ най кати важ кода кай лэнди чалёлас тэ проандярэн и время лэ ԥралэнца и лэ ԥэянца. Ай вонэ патянас, важ кода кай линэ «май бут и май драго тэ уӷанэн пала Дэл» (Кол. 1:9, 10). Кода, сости сытярэл и Библия, никала на парудёлпэ (Пс. 119:160). Например, если варико андэ собрания амэн холярдя чи стердя баро ӷрехо, о чачимос анда Библия всаек нисар на парудёлпэ. На парудёлпэ и тоди, кала амэндэ ԥаримос. Важ када амэнди трэбуй фартэ драго тэ ӷанас, сости сытярэл и Библия и тэ патяс, кай када чачимос. Если амэ патяс лэ Дэвлэсти, важ кода кай ӷанас и Библия, тоди када поможыя амэнди тэ виритярас любо ԥаримос. Када, сар о якорё ритярэл о кораблё, кала бари буря. w20.07 9, 10, абз. 6, 7

О Иисусо гиндой, кай, кала амэ варисо терас важ лэстирэ помазани ԥрала, амэ када терас важ лэстэ (Матф. 25:34—40). Ӷлавно, со амэ можэм тэ терас, кай тэ подритярас лэ памазаниконэн, када анда вся оди тэ терас дила, сави о Иисусо дя пэстирэ учениконэнди. Када тэ сытярас лэ манушэн, кай тэ ашэн ученикоря (Матф. 28:19, 20). Тэ стерэн кацави бари дила и тэ росԥэнэн важ о Дэл па вся и люма, лэ Иисусостирэ ԥрала моӷут кати важ кода, кай лэнди поможын мануша, пэ савэ ԥэнэн «авэр бакрорэ» (Иоан. 10:16). Если тумэ анда кадэла мануша, тоди сэрэн, кай кажно разо, кала тумэ терэн кадэя дила, тумэ сыкавэн пэстири любовь най кати каринг и памазаникоря, но и каринг о Иисусо. Амэ кадяжэ можэм тэ ашас лэ Иеговастирэ и лэ Иисусостирэ друӷоря, кала подритярас лэ ловэнца и дила, пала сави вонэ диқэн (Луки 16:9). Амэ можэм тэ дас ловэ, кай па вся и люма тэ росԥэнэн пала Дэл. Часть анда кадэла ловэ жан пэ кода, кай тэ поможын кодэлэнди, ко попэля андо ураӷано, землетрясения чи андэ варисави бида, сави терэлпэ андэ природа, чи кала авэр баро ԥаримос. Кадяжэ амэ можэм тэ шас ловэ пэ кода, со трэбуй важ амари собрания чи тэ поможысарас лэ ловэнца кодэлэнди, касти трэбуй (Прит. 19:17). w20.04 24, абз. 12, 13

О Даниило ԥэндя, кай о северно царё «на полэла пэстирэ папонэндирэ Дэвлэс». Сар стердяпэ кода, со сас запистромэ? О Совецко Союзо закамля, кай тэ на авэн нисавэ веры, важ када во терэлас вся, кай тэ залэл кай и веры и власть. Важ када инке андо 1918 бэрш о Совецко правительство стердя кадя, кай андэ школы тэ сытярэн кодэлэсти, кай лэ Дэвлэс нинай. Ай сар о северно царё прославлял «лэ дэвлэс, саво диқэл пала крепости»? Кай тэ авэл инке май зорало, о Совецко Союзо тратияс фартэ барэ ловэ, кай и армия тэ ашэл инке май зорали, и кай тэ стерэн бут ядерно оружыя. Кай о северно и кай о южно царёря ашэля фартэ бут оружыя, савяса можно тэ умарэн милиардоря манушэн пэ люма. Хоть вонэ бут бэрша вороӷуинас ек еқэсти, о северно царё подритярдя лэ южнонэ царёс, кала кодэва закамля тэ стерэл и арӷанизацыя, пэ сави ԥэнэн ООН. Кадя исполнисайля о пророчество, андэ саво сас ԥэндо, кай кадэла царёря «стона о гряцимос, савэстар на ашэлапэ нисо» (Дан. 11:31). w20.05 6, 7, абз. 16, 17

Ко можэт тэ родэл кодэлэ ԥралэн и ԥэян, савэ дурелэ лэ Иеговастар? Амэ всаворэ. Када и старейшыноря, и пианероря, о родо, кодэлэнго, ко неактивни, и авэр христианоря. Исин машкар тумарэ друӷоря чи родо кодэла, ко отжылэ ла собраниятар? Ай можэт тумэ додиқлэ лэ неактивнонэ вазвещятелёс, кала росԥэнэнас пала Дэл цэр цэрэстар чи котэ, кай стидэнпэ чи прожан бут мануша? Тоди росԥэнэн лэсти, кай если во камэл, тоди тумэ можэте тэ пэрэдэн о адресо, кай во жувэл чи о номеро лэ старейшынонэнди, и вонэ авэна каринг лэстэ. О старейшына, савэс ақарэн Томасо, ԥэнэн: «Мэ пушав разнонэ ԥралэндар и ԥэяндар, ӷанэн вонэ, кай жувэн кодэла, ко парашэля тэ ԥирэл пэ собрания. Чи можэт вонэ сэрэн кацавэн ԥралэн и ԥэян. Ай кала мэ ужэ авав каринг неактивни ԥрала и ԥэя, мэ пушав, сар лэндирэ бэяцэ и лэнго родо. Дэсавэ неактивни ԥрала и ԥэя варикала ԥирэнас пэ собрании пэстирэ бэятонэнца. Можэт кодэла бэяцэ слинэ вазвещятеля. Вонэ кадяжэ моӷут тэ ринпэ каринг о Иегова, если даса лэнди помощь». w20.06 24, абз. 1; 25, абз. 6, 7

Анда вся жундо, со исин пэ ԥув, кати и мануша моӷут тэ сытён и тэ полэн, со лашо, ай со вэрыто. Вонэ сытён, важ кода кай моӷут тэ сэрэн и тэ гиндон, со лэнца сас. Када поможыя амэнди тэ парувас амарэ гиндоря и жызня и тэ ашас май лашэ (1 Кор. 6:9—11; Кол. 3:9, 10). Амэ можэм тэ сытярас амари совесть, кай вой тэ подԥэнэн амэнди, со лашо, ай со вэрыто (Евр. 5:14). Амэ сытювас тэ любисарас, тэ полас, со по ди аврэндэ и тэ жалуисарас анда вся оди. Инке, амэ можэм тэ сытювас лэ Иеговастар тэ авас справедливи. Сар амэ можэм тэ сыкавас амари блаӷодарность лэ Иеговасти, кай амэ сэрас кода, со трэбуй? Амэ сыкавас када, кала сэрас, кай о Иегова поможыяс амэнди и подритярэлас амэн. Када поможыя амэнди тэ патяс, кай о Иегова на ашавэла амэн и май англэ (Пс. 77:12; 78:4, 7). Инке амэ можэм тэ сэрас вся лашо, со терэн важ амэндэ авэр мануша, и тэ на бистрас тэ блаӷодарисарас лэн. И учони доԥэндэ, кай о блаӷодарно мануш май бахтало. w20.05 23, 24, абз. 12, 13

Кати представь, со сас кай о Моисеё по ди, кала во сас по плай Хориво, кай о Иегова сыкадя лэсти андэ видения пэстири слава. Андэ инцыклапедия «Понимание Писания» пистромэ: «Лэ Моисеёсти випэля бари бах тэ диқэл и видения. И во латар пэрэдарайля. Жы кай о Иисусо кацави видения нико на диқля». Во ашундя алава, савэ здэлпэ ԥэндя о анӷело: «Иегова, Иегова, Дэл, саво жалуий анда вся оди и никала на ашавэл, кала ԥарэс. Во на грабийпэ тэ холявэл, терэл бут лашимос и чачимос, фэрий пэстири любовь каринг и тысячи и на ашавэл лэн. Во простий и ӷрехоря и кода, со терэн най кадя» (Исх. 33:17—23; 34:5—7). О Моисеё сгиндояс пала кода, кала ԥэнэнас лэ Дэвлэско алав Иегова. Например, кала ԥэнэнас и алава анда адесутно стихо. Кала амэ гиндосарас пала лэ Дэвлэско алав, авелоп драго тэ погиндосарас пала лэско зор, мудрость, справедливость и любовь. Кала амэ гиндосарас пала кадэла и пала авэр качестворя, амэндэ андо ди ашэл май бари патив кай о Иегова (Пс. 77:11—15). w20.06 8, 9, абз. 3, 4

О Иисусо ԥэндя, кай лэстирэ учениконэн ӷатярэна па кода, кай вонэ любин ек еқэс. (Иоан. 13:34, 35). Но кай фартэ тэ патяс андо Дэл, амэ трэбуй инке варисо тэ стерас. Амэнди всаворэнди чалёл и любовь, сави исин кай лэ Дэвлэстирэ служытеля. Но амэ трэбуй тэ патяс лэ Иеговасти най кати важ када. Васо? Со если варисаво ԥрал, саво дажэ старейшына чи пианеро, стерэла баро бэзэх? Ай со если варико андэ собрания холярэла тут чи ашэла отступникоса и лэла тэ ԥэнэн тути, кай лэ Иеговастирэ свидетелёнэндэ най чачуни вера? Если кацаво авэла, змардёса ту па правильно дром и парашэса тэ служыс лэ Иеговасти? Кадэла вопросоря поможын тэ полас акэ со. Если амэ патяс лэ Дэвлэсти кати важ кода, кай амэнди чалёл и любовь, сави исин кай лэстирэ служытеля, ай най важ кода кай дружысарас лэ Иеговаса, тоди амэ, ԥэнаса, строисарас амаро цэр най по састо фундаменто. Канешно, кода, кай тумэ любин лэ Иеговас и лэстирэ служытелёнэн, поможыя тумэнди тэ патян лэ Дэвлэсти. Но кай май фартэ тэ патян, трэбуй драго тэ сытён па Библия и драго тэ полэн, сости вой сытярэл. Кадя тумэ май драго полэна, кай и Библия сытярэл лэ чачимасти пала Иегова (Рим. 12:2). w20.07 8, абз. 2, 3

Бут случаёря сыкавэн, кай и анӷелоря поможын тэ виарақэн лэ ԥралэн и лэ ԥэян, савэ ашэлэ неактивни, но савэ камэн тэ ринпэ каринг о Иегова (Отк. 14:6). Акэ ек случаё. О Сильвио анда Эквадоро фартэ камэлас тэ рийпэ андэ собрания и анда вся оди мангэласпэ, кай лэсти тэ поможын. Во инке на домангляпэ, сар позвонисардэ андо звонко. По пороӷо тердёнас дуй старейшыноря, савэ камэнас тэ поможын лэсти. Амэ аваса фартэ лошалэ, кала поможысарас лэ ԥралэнди и лэ ԥэянди, савэндэ нинай лащи дружба лэ Иеговаса. Акэ, со росԥэнэн ек пианеро, саво стол бут зор, кай тэ поможый лэ неактивнонэ вазвещятелёнэнди: «Мэ кадя радо, кай поможысардэм вмести лэ Иеговаса хоть еқэсти лэстирэ служытелёсти, саво лэсти куч, тэ вижал анда лэ Сатанастири люма и тэ рийпэ андэ собрания». Ай со если ту парашэлян тэ росԥэнэс важ о Дэл и тэ ԥирэс пэ собрании? Патя, о Иегова идоси тут любий. Во авэла фартэ тэ лошавэл, кала ту авэса цэрэ! w20.06 29, абз. 16—18

О Иегова, амаро Само Баро Учителё, сытярэл амэн па примероря, савэ запистромэ андэ Библия (Ис. 30:21). Амэ можэм бут сости тэ сытювас лэ манушэндар, пала савэ запистромэ андэр латэ. Лэндэ сас качестворя, савэ чалён лэ Дэвлэсти. Ай кадяжэ уӷанаса пала мануша, савэндэ на сас кадэла качестворя (Пс. 37:37; 1 Кор. 10:11). Погиндосарам, со сас лэ Саулоса, саво сас царё. Андэ тэрнэ бэрша во на гиндояс пала пэстэ бут. Во полэлас, кай лэсти най вся можно тэ терэл и дажэ даралас тэ лэлпэ тэ терэл бари дила (1 Сам. 9:21; 10:20—22). Но прожыля время, и о Сауло ашэля ӷордо и ля тэ терэл кода, со лэсти сас нащи. Када ля тэ дицол йто посли кода, сар во ашэля царёса. Еқварэс во сыкадя, кай во на ӷанэн тэ аштярэл. Када сас, кала лэсти трэбуй сас тэ доаштярдёл лэ пророкос лэ Самуилос и во андя и жэртва, хоть лэстэ пэ када на сас нисаво право. Вижыля кадя, кай через када о Сауло хасардя и дружба лэ Иеговаса, ай кадяжэ парашэля тэ авэл царёса (1 Сам. 13:8—14). Кода, со сас лэ Саулоса, сытярэл амэн, кай нащи тэ авас ӷорди! w20.08 10, 11, абз. 10, 11

Через о Иисусо о Иегова дя андэ собрании «лэ манушэн, савэ сар подаркоря» (Эф. 4:8). Машкар лэндэ ԥрала анда Руководящё совето и лэндирэ помошникоря, ԥрала анда камитето филиала, раёни надзирателя, ԥрала, савэ сытярэн андэ библейски школы, старейшыноря и служэбни помошникоря. Всаворэ кадэлэ ԥралэн стодэ лэ свынтонэ духоса, кай вонэ тэ подритярэн и собрании и тэ заботинпэ пала лэ Иеговастирэ бакрорэ, савэ лэсти куч (1 Пет. 5:2, 3). Лэ ԥралэн стодэ лэ свынтонэ духоса, кай вонэ тэ терэн разно дила андэ собрания. Кадяжэ, сар и разни части андэ тила, и вас чи и пэрнэ, трэбуй важ всавори тила, кадя жэ и ԥрала, савэн стодэ лэ свынтонэ духоса, стон бут зор, кай тэ терэн лашимос всаворэнди андэ собрания. Вонэ када терэн най важ кода, кай лэн тэ похвалин, ай важ кода, кай тэ подритярэн лэ ԥралэн и лэ ԥэян (1 Фес. 2:6—8). Амэ блаӷодарни лэ Иеговасти пала кацавэ служытеля, савэндэ лащи дружба лэса и савэ бут пэр со жан важ и служэния! w20.08 21, абз. 5, 6

Ек васо инке амэ камас тэ росԥэнас важ о Дэл, када кай и мануша «вицыенэ и росшутэ, сар и бакрорэ би лэ пастухоско» и лэнди фартэ трэбуй тэ уӷанэн о чачимос важ лэ Дэвлэско Царство (Матф. 9:36). О Иегова «камэл, кай и разни мануша тэ спасынпэ и драго тэ полэн о чачимос» (1 Тим. 2:4). Если амэ полас, кай амари служэния спасый лэ манушэнди жызня, тоди амэ закамаса тэ служысарас. Амэнди кадяжэ трэбуй инструменторя важ и служэния и важно тэ ӷанас, со лэнца тэ терас. О Иисусо росԥэндя пэстирэ учениконэнди, со тэ лэн пэса, со тэ ԥэнэн и кай тэ дэн дума пала Дэл (Матф. 10:5—7; Луки 10:1—11). Адес лэ Иеговасти арӷанизацыя дэл амэнди инструменторя, савэ точно поможын. И амэн сытярэн, со лэнца тэ терас. Важ када амэ полас, кай амэндэ вижала драго тэ сытярас лэ манушэн па Библия (2 Тим. 2:15). w20.09 4, абз. 6, 7, 10

Погиндон, сар лошавэлас о апостоло Иоанно, кай кодэла, касти во поможысардя тэ уӷанэн о чачимос пала Дэл, на парашэн тэ служын лэ Дэвлэсти. Кай кадэла христианоря, савэ на парашэнас тэ кандэн лэ Иеговас, и савэ сас важ о Иоанно, сар бэяцэ, сас бут ԥаримос. И важ када о апостоло Иоанно терэлас вся, кай тэ поможый лэнди май фартэ тэ патян лэ Иеговасти. Амэ кадяжэ фартэ лошавас, кала амарэ бэяцэ чи кодэла, кас амэ сытярас па Библия, болдён и на парашэн тэ служын лэ Иеговасти (3 Иоан. 3). Варикай андэ 98 бэрш лэ И. Х., через лэ Дэвлэско свынто духо о Иоанно пистросардя трин письморя. Через кадэла письморя во камэлас тэ поможый лэ христианонэнди, савэ на парашэнас тэ кандэн лэ Дэвлэс, кай вонэ май фартэ тэ патян андо Иисусо и кай тэ на парашэн тэ жувэн па лэ Дэвлэско законо. О Иоанно пэрэжывал важ и собрания, и фэрияс ла лэ отступниконэндар (1 Иоан. 2:18, 19, 26). Кадэла мануша ԥэнэнас, кай ӷанэн лэ Дэвлэс, но па чачимастэ вонэ на жувэнас па лэско законо. w20.07 20, абз. 1—3

Амэ патяс андэ кода, со росԥэнас, и важ када камас тэ росԥэнас пала Дэл со май бутэ манушэнди. Амэ патяс андэ кода, со пистромэ андэ Библия (Пс. 119:42; Ис. 40:8). Амэ диқас, сар пэ амарэ яқа терэнпэ и пророчества анда Библия, и сар и Библия парувэл лэ манушэн андэ лащи риг. Важ када амэ май фартэ патяс, кай о чачимос пала Царство трэбуй тэ ашунэл кажно мануш. Амэ патяс андо Иегова, саво пэрво ԥэндя и лащи новость, ай кадяжэ андо Иисусо, савэсти о Иегова дя власть тэ авэл Царё андэ лэско Царство. Со бы круӷом тэ на терэлпэ, о Иегова авэла важ амэндэ «кодэва, кастэ амэ гарадювас» и кодэва, ко дэл амэнди зор (Пс. 46:1—3). Инке амэ патяс, кай пала служэния пэ ԥув диқэл о Иисусо, и лэсти пэ када о зор и власть дя о Иегова (Матф. 28:18—20). Кода, кай амэ патяс лэ Иеговасти, поможый амэнди тэ патяс, кай во блаӷословия кода, кай амэ стас зор андэ служэния. w20.09 12, абз. 15—17

Дэкала лэ ԥэяндэ исин кацавэ маменторя андэ жызня, андэ савэ трэбуй тэ зашаспэ пала лэндэ и тэ поможысарас лэнди (Ис. 1:17). Ла ԥьяти, савя ашадя о хулай или сави ԥивли, можэт трэбуй тэ авэл помощь андэ вопросоря, савэнца залэласпэ лако хулай. Ай ла ԥьяти, сави андэ бэршэндэ, можэт трэбуй авэла, кай важ латэ тэ подэн дума лэ врачонэнца. Ай пала авэр ԥэй трэбуй тэ зашаспэ, кала авэр гиндон и дэн дума пала латэ, кай вой набут служый, хоть вой и служый пианероса и терэл авэр дила андэ лэ Иеговастири арӷанизацыя. О Иисусо сразу жэ зашоласпэ пала жувля, савэ вмести лэса служынас лэ Иеговасти, кала кадэлэ жувлян полэнас нэправильно (Луки 10:38—42). Кадя во зашутяпэ пала Мария, кала и Марфа холяйля пэр латэ. Ай авэр разо во зашутяпэ пала Мария, кала пэр латэ ԥэндэ, кай вой нэправильно стердя (Мар. 14:3—9). О Иисусо полэлас, кай и Мария стердя када анда вся оди и похвалисардя ла. Во дажэ ԥэндя, кай па вся и люма, кала авэна тэ росԥэнэн важ о Дэл, сгиндона пала кадэя жувли и росԥэнэна, со вой стердя важ лэстэ. w20.09 24, абз. 15, 16

О лашо пастухо полэлас, кай о бакроро можэт тэ хасардёлпэ. И если кацаво сас, во на андярэлас пэс лэса жэстоко. Акана погиндосарам, сар о Иегова поможыяс пэстирэ служытелёнэнди, савэ пэ дэсави время отжылэ лэстар. Ай кадяжэ, сости амэ сытювас анда када. О пророко Иона на кангля лэ Иеговас и на жыля андо форо Ниневия. Но о Иегова на одбанделя лэстар. Сар о лашо пастухо, о Иегова спасысардя лэ Ионас и дя лэсти зор, кай кодэва тэ стерэл кода, со во лэсти ԥэндя (Иона 2:7; 3:1, 2). Потом о Дэл вибарярдя и тыква и па лако примеро поможысардя лэ Ионасти тэ полэл, пэ скати дэ куч и жызня кажнонэ манушэсти (Иона 4:10, 11). Сости када амэн сытярэл? И старейшыноря на гиндон пала христианино, саво ашэля неактивно, кай во никала на парудёла. Вместо када вонэ старыинпэ тэ полэн, васо кадя вижыля лэса. Ай кала во рийпэ каринг о Иегова, и старейшыноря на парашэн тэ любин и тэ заботинпэ пала лэстэ. w20.06 20 абз. 10—12

Андо 1991 бэрш о Совецко Союзо роспэляпэ. Лэ Дэвлэстирэ народостэ, саво жувэлас котэ, пэ дэсави время появисайля свобода. О Даниило ԥэндя, кай кадэя свобода сас, сар «найбари помощь». Када сыкавэл, кай дэсави время лэ Дэвлэско народо моӷ свободно тэ росԥэнэн и тэ служый лэ Дэвлэсти. Сас время, кала пала страны андэ Восточно и Центрально Европа, диқэлас о Совецко Союзо. Андэ кодэя время котэ лэ вазвещятелёнэн ашэля фартэ бут тысячи. Через дэсавэ бэрша и Россия и страны, савэ ла подритярэн, ашэлэ севернонэ царёса. Амэ можэм тэ полас, ко о северно и ко о южно царё. Сар? Пэрво, кадэла царёря правин котэ, кай жувэн бут лэ Дэвлэстирэ служытеля, чи вонэ лэн ӷонин. Дуйто, кодэлэса, сар кадэла царёря пэс андярэн лэ Дэвлэстирэ служытелёнэнца, дицол, кай вонэ вэрыцын лэ чачунэ Дэвлэс лэ Иеговас и лэстирэ народос. Трито, кадэла царёря ритярэн бари холи ек пэ ек. И Россия и страны, савэ ла подритярэн, запретин амари проповедническо дила и ӷонин бут тысячи амарэ ԥралэн и ԥэян. Кода, сар вонэ пэс андярэн, сыкавэл, кай вонэ вэрыцын лэ Иеговас и лэстирэ народос. Вонэ камэн тэ авэн май зоралэ чем о южно царё, Англо-Американско правительство. w20.05 12, 13, абз. 3, 4

Амэнди трэбуй май драго тэ сытярас лэ Христостирэ нэвэ учениконэн. Амэ поможысарас лэ милиононэ манушэнди, кай вонэ тэ сытён па Библия. Амэ любисарас о чачимос анда Библия. И можэм бут пала када тэ дас дума. Но кала амэ росԥэнас лэ манушэсти кода, со андэр латэ ԥэнэнпэ, на трэбуй тэ росԥэнас вся, со ӷанас (Иоан. 16:12). Амэ тожэ най вся ӷанасас, сар кати лям тэ изучаем и Библия (Евр. 6:1). И пала када о мануш трэбуй тэ сэрэл, кала проандярэл и «Сторожэво башня» или проандярэл «Сытювас па Библия андэ собрания» или кала изучает аврэ манушэса. Важ када пэ изучения амэ на трэбуй тэ росԥэнас лэ манушэсти вся сразу. w20.10 14, абз. 2—4

О Иегова витидя важ о Иисусо лашэ родителёнэн (Матф. 1:18—23; Луки 1:26—38). И Мария фартэ любияс лэ Иеговас и кода, со пистромэ андэ Свынто Писания. Када дицол анда латирэ алава, савэ запистромэ андэ Библия (Луки 1:46—55). О Иосифо кадяжэ любияс и столас патив по Иегова, важ када во кандэлас лэс (Матф. 1:24). Шон сама, кай о Иегова витидя важ о Иисусо найбарвалэ родителёнэн. Кода, кай о ери жувэлас фартэ просто, дицолас па лэндири жэртва, сави вонэ андэ андо храмо, кала арақаделя о Иисусо (Луки 2:24). Лэндэ сас семь душ бэяцэ, ай можэт и май бут, пала савэ най пистромэ андэ Библия (Матф. 13:55, 56). О Иегова спасыяс лэ Иисусос, но на фэрияс лэс всаворэ ԥаримастар (Матф. 2:13—15). Например, лэско ери на патяя лэсти, кай во Христос (Мар. 3:21; Иоан. 7:5). Инке о Иисусо ӷанэнас, со када тэ хасарэл пэстирэ дадэс лэ Иосифос, саво лэс барярдя. w20.10 27, абз. 4—6

Можэт тутэ сас кацаво ԥаримос андэ жызня, кай здэласпэ, кай помощь тэ аштярэс най катар. Кацаво сас бутэнца, ай особенно лэ Иеговастирэ служытелёнэнца, савэ на парашэнас лэс тэ кандэн (1 Цар. 19:14). Если тутэ авэла кацаво ԥаримос, на бистэр лэ Иеговастирэ алава: «Никала на ашавава тут и никала на мэкава тут». Важ када ту можэш смило тэ ԥэнэс: «О Иегова мэрно помошнико, на авава тэ дарав» (Евр. 13:5, 6). Кадэла алава о апостоло Павло пистросардя лэ ԥралэнди и лэ ԥэянди андэ Иудея, и вонэ шонпэ пэ алава, савэ ԥэндя о псалмопевцо (Пс. 118:5—7). Сар и о псалмопевцо, о Павло диқля, сар о Иегова поможыяс лэсти. Када дицэля, кала о Павло ладэлас по кораблё, и вазгляпэ фартэ бари балвал, через сави вонэ моӷли тэ мэрэн (Деян. 27:4, 15, 20). Жы каринг кадэя время и посли када о Иегова поможыяс лэсти. w20.11 12, абз. 1, 2

Нащи вся и время тэ гиндосарас, кай варикала и жызня сас май лащи. Если амэ скучисарас пала кодэя время, сави сас, кадя амэ сгиндосарас кати пала лашимос, саво сас. Подам дума пала израильтяноря, савэ вижылэ анда Египто. Вонэ йто забистэрдэ кода, сави лэндэ ԥари жызня сас андо Египто. Вонэ сэрэнас кати, о лашо хамос и со пэнас. Вонэ ровэнас и ԥэнэнас: «Амэ сэрас, сар андо Египто евья хасас о мащё, краставицы, кавуноря, зэлэно пурум, обычно пурум и о чесноко!» (Чис. 11:5). Но чаче вонэ ханас кадэва хамос евья? Канешно, най! Вонэ потинэнас фартэ кучутни цэмин. Вонэ сас раборя андо Египто и лэнца жэстоко обжанаспэ (Исх. 1:13, 14; 3:6—9). И всаек вонэ забистэрдэ пала вся ԥаримос, саво лэндэ котэ сас и скучинас пала кодэя время. Ай сар о Иегова заботияспэ пала лэндэ, вонэ совсем на шонас сама. Важ када о Иегова пэр лэндэ фартэ холяйля (Чис. 11:10). w20.11 25, 26, абз. 5, 6

Дэкала амэндэ исин кацаво гиндо, кай и жызня фартэ ԥари и андэр латэ нинай нисо лашо (Иов 14:1). Важ када амэнди фартэ ԥарэс по ди. Кацаво сас бутэ лэ Иеговастирэ служытелёнэнца, савэ жувэнас дэлмут. Дэсавэ андар лэндэ дажэ камэнас тэ мэрэн (1 Цар. 19:2—4; Иов 3:1—3, 11; 7:15, 16). Но о Иегова, савэсти вонэ патянас, най еқварэс подритярэлас лэн и поможыяс. И кала амэ уӷанаса пала лэндэ анда Библия, када амэнди придэла зор, и бут сости сытярэла (Рим. 15:4). Сгиндосарам лэ Иосифос, лэ Иаковостирэ шавэс. О Иосифо анда любимо шаво ашэля рабо андо Египто (Быт. 37:3, 4, 21—28; 39:1). Потом лэ Патифарости хулаи хохадя пэр лэстэ, кай во камля тэ пэрэл ласа, ай лако хулай на ля тэ розлэлпэ андэ када и шутя лэс андо баруно (Быт. 39:14—20; Пс. 105:17, 18). Кати погиндон, скати ԥаримос сас кай о Иосифо, и со лэстэ сас по ди. Во пэрэжывал, со пала лэстэ дэна дума и со дэна дума пала лэско Дэл Иегова. Канешно, кадэлэстар лэсти сас инке май ԥарэс. w20.12 16, абз. 1—4

Анда ашунгли лэ Иисусостири молитва дицол, пала со амэ спэрва трэбуй тэ мангаспэ. И алава «авэл свынто» сыкавэн, кай трэбуй тэ терас кадя, кай тэ авэл вужо. И кала дума жал пала лэ Дэвлэско алав, варико можэт тэ пушэл: «Состэ тэ терас кадя, кай лэ Дэвлэско алав тэ авэл вужо, сар во и кадя свынто?» Кай тэ дас атвето пэ кадэва вопросо, трэбуй тэ полас, кай о алав, када най кати кода, сар варикас ақарэн. Андэ Библия пистромэ: «Фэдэр пала мануш драго тэ дэн дума, чем тэ авэл барвало» (Прит. 22:1; Эккл. 7:1). Васо кадя важно, кай драго тэ дэн дума пала мануш, пала лэско алав? Кала гиндосарас пала кода, сар ақарэн лэ манушэс, амэндэ сразу авэл по гиндо, сар дэн дума пала лэстэ. О алав лэ манушэско, када найпросто, кала пистрон пэ бумажка, сар лэс ақарэн чи сар ԥэнэн лэско алав. Важ када важно най кода, сар кадэва алав пистройпэ чи ашундёл, ай кода, со гиндон и мануша, кала ԥэнэн кадэва алав. Кала и мануша хохавэн по Иегова, вонэ камэн тэ стерэн кадя, кай авэр тэ гиндон пала лэстэ найдраго. Тоди и мануша дошалярэн лэ Дэвлэс и хохавэн по Дэл, по Иегова. w20.06 3, абз. 5—7

Через о ԥаримос, саво исин андэ жызня, амэ часто пэрэжываем. Варико пэрэжывает, кай на хутилэла ловэ пэ кода, со трэбуй. Ай авэр пэрэжывают, кай через о насвалимос нэ смоӷут тэ терэн и бути или хасарэна ла. Ай дэко пэрэжывает, кай через варисо на уӷодия лэ Дэвлэсти. Инке амэ можэм тэ пэрэжываем, сар амэ пэс андяраса, кала и мануша, савэнца хулаий о Сатана, жана по Дэвлэско народо. Амэ можэм тэ пушас пэстар: «Драго, кай мэ пэрэжываю пала када чи най?» О Иисусо ԥэндя пэстирэ учениконэнди: «Нэ пэрэжывайте» (Матф. 6:25). Сыкавэл када, кай амэнди на трэбуй ни пала со тэ пэрэжываем? Канешно, най! Дэлмут, кай дэсавэ лэ Иеговастирэ служытеля сас пэрэжывании. Но о Иегова на отԥэндёлас лэндар (1 Цар. 19:4). И алава, савэ ԥэндя о Иисусо, фартэ амэн подритярэн. Во на камэлас, кай и служэния лэ Дэвлэсти тэ авэл амэндэ по дуйто ҭан через и пэрэжывании пала кода, со трэбуй важ и жызня. w21.01 3, абз. 4, 5

О хулай дэла отчёто англа Иегова и англа Иисусо пала кода, сар во андярэл пэс ла хулаяса и лэ бэятонэнца (1 Пет. 3:7). Важ кода кай о Иегова хулай пэ вся, лэстэ исин право тэ ԥэнэн, сар пэс тэ андярэн лэстирэ бэяцэ по нэбо и пэ ԥув и тэ диқэл, сар вонэ авэна када тэ терэн (Ис. 33:22). Кацаво жэ право исин и кай о Иисусо андэ собрания (Гал. 6:2; Кол. 1:18—20). Кадяжэ андо христианско ери о Иегова дя власть лэ хуласти тэ прилэл ришэнии важ пэско ери (Рим. 7:2; Эф. 6:4). Но во на дя лэсти власть андэ трин маменторя. Если во варисо приԥэнэн ла хулаяти чи лэ бэятонэнди против и библейски принцыпоря, тоди вонэ моӷут лэс тэ на кандэн (Прит. 3:5, 6). Кадяжэ во на трэбуй тэ ԥэнэн аврэ ԥралэнди и ԥэянди андэ собрания, кай вонэ тэ терэн кадя, сар во приԥэнэн пэстирэ ерести (Рим. 14:4). Ай кадяжэ и взросли бэяцэ, савэ жувэн отдельно, полэн, кай вонэ моӷут тэ прилэн ришэнии екжэнэ, но вонэ вся и время трэбуй тэ стон патив пэ кода, со подԥэнэн лэнди о дад (Матф. 19:5). w21.02 2, абз. 3—5

Сар о хулай можэт тэ сыкавэл, кай любий пэско ери? Во трэбуй тэ затерэл важ пэско ери, кай тэ авэл вся, со трэбуй важ и жызня. Но кадяжэ о хулай трэбуй тэ сэрэл, кай и ловэ на поможына, кай лэ ерестэ тэ авэл лащи дружба лэ Дэвлэса (Матф. 5:3). Кала о Иисусо мэрэлас по столбо, во гиндояс пала пэсти дэй Мария. Хоть о Иисусо мучияспэ англа пэстири смэрть, во мангля, кай о апостоло Иоанно тэ заботийпэ пала Мария (Иоан. 19:26, 27). Кай о ԥрал, савэстэ исин ери, можэт тэ авэл бут дила. Во трэбуй драго тэ терэл и бути, кай кадэлэса тэ прославляет лэ Дэвлэс (Эф. 6:5, 6; Титу 2:9, 10). И инке лэстэ можэт тэ авэл дила андэ собрания. Во трэбуй тэ диқэл, кай лэ ԥралэндэ и лэ ԥэяндэ тэ авэл лащи дружба лэ Иеговаса и тэ терэл вся, кай вонэ тэ ԥирэн пэ служэния. Но кадяжэ фартэ важно, кай во тэ изучает и Библия пэстирэ ереса. Кадя во сыкавэла, кай любий лэн. Лэско ери авэла фартэ блаӷодарно, кай во терэл вся, кай лэндэ тэ авэл драго по ди, тэ авэл вся, со трэбуй важ и жызня и важ и дружба лэ Дэвлэса (Эф. 5:28, 29; 6:4). w21.01 12, абз. 15; 13, абз. 17

Андэ Библия пистромэ, кай и хулаицко манушни можэт тэ диқэл пала хабэ, тэ тинэн и тэ битинэн лэс и ӷанэн, сар тэ затерэл и ловэ (Прит. 31:15, 16, 18). О хулай нащи тэ гиндой, кай лэстири хулаи, сар служанка, и латэ ни пэр со нинай право. Во трэбуй тэ патял лати и тэ приашундёл каринг латэ (Прит. 31:11, 26, 27). Тоди вой лэс лэла тэ кандэл анда вся оди. Хоть о Иисусо стердя бари дила, во всаек кандэлас лэ Иеговас. Во на гиндояс, кай кадэлэса во тэлярэл пэс (1 Кор. 15:28; Флп. 2:5, 6). И хулаи тожэ можэт тэ сытёл кай о Иисусо. Хоть вой кандэл лэ хулас, вой на гиндой, кай кадэлэса вой хужэ лэстар. Вой кандэл пэстирэ хулас най кати важ кода кай любий лэс, ай важ кода кай любий лэ Иеговас, и када само ӷлавно. Но кала лако хулай мангэла тэ терэл кадя, сар на чалёл лэ Дэвлэсти, вой ворта, но ковлэс ԥэнэна лэсти, кай вой на лэла када тэ терэл. w21.02 11, абз. 14, 15; 12, абз. 19

Лэ Иеговастирэ служытеля любинас лэс, и када поможыяс лэнди тэ виритярэн о ԥаримос, кала лэн вэрыцынас. Андо пэрво вико о само баро сындо андэ Иудея приԥэндя, кай и апостолоря тэ парашэн тэ росԥэнэн пала Дэл. И кода, кай вонэ любинас лэ Иеговас, поможысардя лэнди смило тэ ԥэнэн, кай трэбуй тэ кандэн лэ Дэвлэс, сар правителёс, ай най лэ манушэн (Деян. 5:29; 1 Иоан. 5:3). Кацави бари любовь поможый и адес лэ ԥралэнди и лэ ԥэянди и придэл зор. Амарэ ԥрала и ԥэя на парашэн тэ кандэл лэ Дэвлэс дажэ андэ кодэла страны, кай и правителя обжанпэ лэнца фартэ жэстоко. И всаворэ амэ на умэкас и вас, кала амэн вэрыцын, ай наоборот радосавас (Деян. 5:41; Рим. 5:4, 5). Можэт, со май ԥарэс важ лэ Дэвлэско служытелё када, кала против лэстэ жал лэско ери. Кала амэ лас тэ уӷанас о чачимос пала Дэл, варико анда ери можэт тэ гиндой, кай амэн обхохавэн, или кай амэ диляйлям. (Диқэн Марка 3:21.) Вонэ дажэ моӷут фартэ тэ холявэн пар мэндэ. Но на трэбуй тэ удивисавас, важ кода кай о Иисусо ԥэндясас, кай «лэ манушэско вороӷо ашэла лэско ери» (Матф. 10:36). w21.03 21, абз. 6, 7

Трэбуй драго тэ ашунэс и кодэлэс, ко проандярэл изучения и кодэлэс, каса изучаете, кай тэ на мишыис. На трэбуй тэ дэс дума фартэ бут, тэ пэрэмарэс или тэ пэрэжас пэ авэр тема. Но ту можэш тэ росԥэнэс варисаво примеро или тэ задэс вопросо, кай тэ дондярэс варисаво гиндо. Дэкала здэлпэ, кай пэ изучения тутар нинай нисаво толку. Но если ту лэса анда вся оди тэ хвалис лэ манушэс, саво изучает, тэ шос сама лэс, тоди ту поможыса, кай лэстири дружба лэ Иеговаса тэ авэл май лащи. Кала трэбуй, ту можэш набут тэ росԥэнэс пала пэстэ. Можэш тэ росԥэнэс, сар уӷанглян пала Дэл, сар пэрэандярэсас о ԥаримос андэ пэстири жызня, и сар о Иегова тути поможыяс (Пс. 78:4, 7). Ко ӷанэн, ай можэт када и поможыя лэ манушэсти? Тоди кода, со ту росԥэнэса пэ изучения, поможыя лэ манушэсти май фартэ тэ патял лэ Иеговасти или поможыя лэсти, кай во тэ ашэл вазвещятелё и тэ болдёл. w21.03 10, абз. 9, 10

Ко амэнди поможый, кай амэндэ драго тэ вижал тэ служысарас? О атвето пэ кадэва вопросо амэ виарақаса анда письмо, саво пистросардя о апостоло Павло ла собранияти анда Коринфо. Во пистросардя: «Мэ садисаравас, о Аполоссо шолас о паи, но вибарярэлас о Дэл. Тоди вибарярэл най кодэва, ко садисардя и ко шолас о паи, ай вся вибарярэл о Дэл» (1 Кор. 3:6, 7). О Павло полэлас, кай кода, кай лэстэ драго вижал тэ служый, када лэ Иеговастар. Ай амэ сытювас лэстар. Сар тэ сыкавас, кай амэ цэнисарас тэ служысарас лэ Иеговаса, лэ Иисусоса и лэ анӷелонэнца? (2 Кор. 6:1). Амэнди трэбуй тэ старысавас тэ росԥэнас лэ манушэнди лащи весть. Амэнди трэбуй тэ сеисарас семена, када тэ росԥэнас важ о чачимос анда Библия. Но кадяжэ амэнди трэбуй тэ шас о паи пэ кадэла семена. Кала амэ диқас, кай лэ манушэсти чалёл кода, со амэ росԥэнас, тоди амэ старысавас тэ авас каринг лэстэ инке еқвар. Состэ? Кай амэ тэ сытярас лэс па Библия. Кала амэ сытярас лэ манушэс па Библия, амэ лошалэ тэ диқас, сар о Иегова парувэл и гиндоря и кода, со андо ди кай о мануш. w20.05 30, абз. 14, 16—18