Февралё

О Иегова всаворэ одеса пэрэжывает пала кажно пэско служытелё. Во паша кажно андар мэндэ. Если варикасти найдраго по ди, во сразу шол сама пэ када (Пс. 145:19). Сгиндосарам, со сас андэ жызня кай о пророко Илья. Во служыяс андо Израилё, кала котэ сас фартэ ԥари время. И мануша андэ власти на дэнас лэсти спокойно тэ служый лэ Иеговасти, и камэнас тэ умарэн лэс (1 Цар. 19:1, 2). Инке кай о Илья сас кацаво гиндо, кай ек во ашэляпэ анда лэ Дэвлэстирэ пророкоря. И через када лэстэ умэклэпэ и вас (1 Цар. 19:10). О Иегова сразу пэ када шутя сама и бишалдя каринг лэстэ лэ анӷелос. И о анӷело ԥэндя лэсти, кай андо Израилё исин инке бут лэ Иеговастирэ служытеля, савэ на парашэн лэс тэ кандэн (1 Цар. 19:5, 18). И о Илья поля, кай во най екжэно! Кадяжэ о Иисусо ковлэс ԥэндя пэстирэ учениконэнди, кай лэндэ авэла май баро ери анда ԥрала и ԥэя андэ собрания (Мар. 10:29, 30). О Иегова амаро небесно Дад дэл алав, кай на ашавэла и подритярэла кодэлэн, ко лэсти служый (Пс. 9:10). w21.06 8, 9, абз. 3, 4

Бут мануша на камэн амэн тэ ашунэн, важ кода кай амэ па Библия сыкавас, кай кода, сости сытярэн и барэдэра андэ веры, када хохаимос. И рашая сытярэн лэ манушэн, кай о Дэл пала ӷрехоря лэла тэ ԥабарэл лэ манушэн андо адо. Кадя вонэ даравэн лэн, и вонэ лэн тэ кандэн лэ рашан. Ай амэ сар лэ Иеговастирэ служытеля росԥэнас, кай када хохаимос, и кай о Дэл любий лэ манушэн. Кадяжэ вонэ сытярэн, кай посли смэрть о мануш варикай жувэл. Ай амэ росԥэнас, кай када вся жыля лэ манушэндар, савэ тэлёнас всаворэсти, со исин пэ люма, ай най лэ чачунэ Дэвлэсти. Тэ авелоп када чачимос, тоди лэ Дэвлэсти на трэбуй авелоп тэ рий лэ манушэн каринг и жызня. Ай кадяжэ амэ на патяс, кай исин судьба, важ кода кай ӷанас, кай лэ манушэсти о Дэл дя екжэно тэ витидэл, со лашо, ай со най. И через када и барэдэра андэ веры фартэ холявэн пар мэндэ. Но если амэ фартэ любисарас о чачимос анда Библия, тоди амэ никала на парашаса тэ кандас лэ Иеговас (Иоан. 8:45, 46). Амэ най сар о Сатана, саво парашэля тэ патял. Амэ никала на жаса против кода, андэр со патяс. Амэ точно ӷанас, кай када чачимос (Иоан. 8:44). О Дэл ԥэнэн пэстирэ служытелёнэнди: «Мэк о найлашымос ашэл гряца тумэнди, ритярдёнпэ лэ лашымасти» (Рим. 12:9). Именно кадя и терэлас о Иисусо (Евр. 1:9). w21.05 10, 11, абз. 10, 11

Со если амэ ашэлям ӷорди или жадни? Амэ сможэм тэ парудювас! И пала када пистросардясас о апостало Павло (2 Тим. 2:26). Амэ тумэнца трэбуй тэ на бистрас, кай о Иегова май зорало, чем о Сатана. И если амэ мангас помощь кай о Иегова, тоди амэ сможэм тэ парудювас и тэ рисарас амари дружба лэ Иеговаса, дажэ если о Сатана змардя амэн па лэ Дэвлэско дром. Авелоп фэдэр совсем тэ на домэкэс, кай о Сатана тэ змарэл тут па лэ Иеговаско дром. Но тутэ вижала када кати лэ Иеговастирэ зорэса. Важ када тути трэбуй кажно дес тэ мангэс лэ Иеговас, кай во тэ поможый тути тэ полэс, исин тутэ кацавэ гиндоря? Ля тэ дицол па кода, сар ту пэс андярэс, кай ту хоть набут ашэлян ӷордо чи жадно? (Пс. 139:23, 24). Пристов вся пэско зор, кай ту тэ на авэс кацаво! Бут бэрша о Сатана камэл лэ Дэвлэстирэ служытелёнэн тэ змарэл па правильно дром, но ӥто о Иегова умарэла лэс (Отк. 20:1—3, 10). Сар жэ амэ аштярас кадэва дес! Ай пока на авеля кадэя время, на ласа тэ бистрас, кай важно тэ на домэкас, кода кай тэ ашас ӷорди и жадни, сар када камэл о Сатана. Ласа тэ терас вся, кай тэ тердювас против о Сатана и тоди во нашэлатар амэндар. w21.06 19, абз. 15—17

О Иегова фартэ лошавэл, кала о мануш прилэл о чачимос анда Библия и лэл тэ росԥэнэн пала када аврэнди (Прит. 23:15, 16). Прецтавь, со по ди кай о Иегова, кала во диқэл пэ пэско народо! Хоть жал вирусо всаек андо 2020 служэбно бэрш проандярэнас 7 милионоря 705 тысяч 765 изучении Библии. Анда кадэла мануша болделэ 241 тысяча 994 мануша. Акана кадэла ԥрала и ԥэя тожэ лэна тэ проандярэн изучения Библии ужэ аврэ манушэнца (Луки 6:40). На бистрам, кай о Иегова лошавэл, кала амэ проандярас изучении Библии лэ манушэнца и поможысарас лэнди тэ ашэн лэ Иисусостирэ ученикоря. Тэ поможыс лэ манушэсти, кай во тэ полюбий лэ Иеговас и тэ ашэл лэ Иисусоско ученико, када найвушэро дила. Но о Иегова амаро небесно Дад на ашавэла амэн и поможыя амэнди андэ када. Старысав, кай тутэ тэ авэл хоть ек изучения Библии лэ манушэса. Кала диқэс, кай о мануш ашунэн тут андэ служэния, ԥэн лэсти пала изучения Библии. Тоди ту можэт фартэ удивисапэ, кай о мануш можэт тэ соӷласийпэ. w21.07 6, 7, абз. 14—16

О Давидо фартэ бут со дя, кай тэ строин о храмо важ о Иегова (1 Лет. 22:11—16). Если тумэндэ ужэ нинай зор тэ терэн дила пэ стройка андэ лэ Иеговастири арӷанизацыя, тоди тумэ можэте тэ подритярэн кадэя дила, если шона ловэ андэ пожэртвования. Инке тумэ можэте тэ сытярэн лэ май тэрнэн кодэлэсти, сости тумэ сытелэ важ пэстири жызня. Кадя терэлас о апостало Павло. Во ля лэ Тимофеёс пэса андэ миссианерско служэния. Во на жалуияс зор, кай тэ сытярэл лэс, сар тэ служый (Деян. 16:1—3). Важ када о Тимофеё ашэля лашо служытелё и ужэ екжэно моӷ варикас тэ сытярэл кодэлэсти, со уӷангля лэ Павлостар (1 Кор. 4:17). w21.09 12, абз. 14, 15

Погиндосарам пала Аполлосо и пала Павло. Вонэ лэдуй драго ӷанэнас и Свынто Писания, и вонэ сас ашунглэ учителёря андэ кодэя время. Кажно андар лэндэ поможысардя, кай бут мануша тэ ашэн лэ Иисусостирэ ученикоря. Но машкар лэндэ никала на сас холи и вонэ на вистонас пэс ек англа ек (Деян. 18:24). Посли кода сар о Аполлосо ужыля анда Коринфо, о Павло дажэ мангэлас лэс, кай во тэ рийпэ (1 Кор. 16:12). О Аполлосо на заваздэлас о шэро через кода, кай во драго ӷанэн тэ росԥэнэн пала Дэл и тэ подритярэл лэ христианонэн. Можэм точно тэ ԥэнас, кай о Аполлосо сас най ӷордо мануш. Важ кода кай андэ Библия никай на ԥэнэнпэ, кай лэсти на чалеля, кала о Акилла и Прискилла подԥэндэ лэсти май точно тэ росԥэнэн, со пистромэ андэ Свынто Писания (Деян. 18:24—28). О Павло драго ӷанэнас, сар дэ бут дила важ о Дэл терэл о Аполлосо. Но о Павло на завидуияс лэсти. Во сас годявэрно мануш и на сас ӷордо. Када дицолас анда лэстирэ алава, савэ во пистросардя ла собранияти андо Коринфо (1 Кор. 3:4—6). w21.07 18, 19, абз. 15—17

О Адамо и Ева нарошно на канглэ лэ Дэвлэс, важ када во видарадя лэн анда пэско ери. Но пала лэндирэ бэяцэ о Иегова на бистэрдя. Во дя, кай и мануша, савэ кандэн лэс упалэ тэ авэн андэ лэско ери. О Иегова отдя пэстирэ любимонэ Шавэс, кай во тэ витинэн амэн лэ бэзэхэстар (Иоан. 3:16). И через када андэ лэ Иеговаско ери моӷут тэ авэн 144 000 мануша, када и мурша и жувля, савэ на парашэн тэ кандэн лэс (Рим. 8:15—17; Отк. 14:1). Кадяжэ андэ лэ Иеговаско ери авэна фартэ бут мануша, савэ кандэн лэс. Када авэла тоди, кала вонэ доԥэнэна, кай кандэн лэ Иеговас. Када авэла в концэ андэ лэ Иисусостири Тысячелетнё правления (Пс. 25:14; Рим. 8:20, 21). Кадэла мануша ужэ щяс моӷут тэ ԥэнэн по Иегова, кай во лэнго небесно Дад (Матф. 6:9). Инке о Иегова дэла возможность май драго тэ уӷанэн лэс и лэстирэ законоря лэ манушэнди, савэн во рия каринг и жызня. Кодэла, ко кандэла лэ Иеговас, тожэ авэна андэ лэско ери. w21.08 5, абз. 10, 11

О апостало Павло полэлас, кай фартэ важно тэ росԥэнэн пала Дэл. Важ када во бэршэнца сытярэлас лэ манушэн «англа авэр и па цэра» (Деян. 20:20). О Павло использовал любо возможность! Например, пока во аштярэлас лэ Силас и лэ Тимофеёс, во дэлас дума лэ барэ манушэнца, и када андя бут лашымос. Дэсавэ андар лэндэ ашэлэ христианоря (Деян. 17:16, 17, 34). Дажэ кала о Павло бэшэлас андо баруно, во проповедовал кодэлэнди, ко сас паша лэстэ (Деян. 28:16—24; Флп. 1:13, 14). О Павло на хасарэлас пэстири время евья. Например, кала во пэрво разо жыля тэ служый сар мисианеро, во ақардя пэса лэ Маркос, ай кала жыля до дуйто — лэ Тимофеёс (Деян. 12:25; 16:1—4). Во анда ди сытярэлас кадэлэ ԥралэн, кай вонэ тэ стидэн и нэвэ собрании, тэ заботинпэ пала ԥрала и ԥэя и тэ ашэн лашэ проповедникоря (1 Кор. 4:17). w22.03 27, абз. 5, 6

Дэсавэ мануша на патян андо Дэл важ кода, кай вонэ лэс на диқлэ. Но андэ авэр варисо, со на дицол, вонэ патян. Например, андэ гравитация (када зор, через саво и предметоря прицырдэнпэ и на вурян андо воздухо). Андэ Библия ԥэнэнпэ, кай и чачуни вера када «со драго доԥэнэн, кай исин кода, со на дицол» (Евр. 11:1). И кай тэ виарақэс, со доԥэнэна, кай исин Создателё, саво на дицол, трэбуй время и зор. Но дэсавэ мануша на камэн тэ тратин пэ када пэстири время. И кала вонэ драго на уӷанэн пала када, вонэ лэн просто тэ гиндон, кай лэ Дэвлэс нинай. Бут учони виарақлэ со доԥэнэн, кай вся стердя о Дэл и линэ тэ патян андэ када. Можэт вонэ на патянас, кай исин Создателё, важ кода кай лэнди на росԥэнэнас пала када и учителёря. Но всаек вонэ уӷанглэ пала Иегова и полюбисардэ лэс. Кадяжэ и амэ, нэ важно ӷрамотни чи най, амэнди трэбуй екжэнэ тэ виарақас кода, со доԥэнэн, кай Дэл исин. w21.08 14, абз. 1; 15, 16, абз. 6, 7

О Иисусо, кай тэ сыкавэл, сар о Иегова любий тэ жалуий лэ манушэн, росԥэндя притча. Андэр латэ ԥэнэнпэ, кай о шаво ашадя пэско цэр, ля тэ андярэл найлащи жызня и розындярдя вся, со лэстэ сас (Луки 15:13). Но потом во каисайля, поля, кай дошало, и рисайля. Со стердя лэско дад, кала во рисайля цэрэ? Кала лэско дад дурал додиқля лэ шавэс, «лэсти ашэля лэс жалко. Во прастая каринг лэстэ, обля лэс и нежно чуминдя». Во на ля тэ лажаварэл пэстирэ шавэс. Ай наоборот, анда вся оди приля лэс андо ери. И хоть о шаво сас дошало, о дад простисардя лэс анда вся оди, поля и жалуисардя, важ кода кай во каисайля. Андэ кадэя притча о Иисусо сыкадя, кай о Иегова, сар кадэва дад, камэл тэ простий амэн, если амэ анда вся оди каисавас. Када фартэ лэл амэн лэ одестар (Луки 15:17—24). w21.10 9, абз. 4, 6

Адес бут рашая и барэдэра андэ веры терэн вся, кай тэ угаравэн лэ манушэндар лэ Иеговаско алав. Вонэ дажэ улэн анда пэстирэ Библии лэско алав, ай дэкала дажэ запритин тэ ԥэнэн лэ Дэвлэско алав, кала жал лэндири служба. Сможэт хоть ек мануш тэ ԥэнэн, кай лэ Иеговастирэ свидетеля на стон патив пэ лэско алав? Исин инке варисави вера, сави бут со стердя, кай о миро тэ уӷанэн лэ Дэвлэско алав? Най евья пар мэндэ ԥэнэн, кай амэ лэ Иеговастирэ свидетеля! (Ис. 43:10—12). Амари арӷанизацыя вимэкля май бут чем 240 милионоря Библии «Нэвя люмако переводо», андэ саво лэ Дэвлэско алав рисардэ кордэ, кай во трэбуй тэ авэл. Инке амэ вимэкас май бут чем пэ тысяча шыба и литература, сави па Библия, и андэ сави запистромэ лэ Иеговаско алав! w21.10 20, 21, абз. 9, 10

Кала поможысарас лэ ԥралэнди и лэ ԥэянди, касти трэбуй помощь, када ужал андэ амари поклонения лэ Дэвлэсти. О Иегова дя алав, кай рия лэ израильтянонэнди вся, со вонэ дэнас лэ чорорэнди (Втор. 15:10). Кала амэ поможысарас лэ ԥралэнди и лэ ԥэянди, амэ кабута залас лэ Иеговасти пэ вужылимастэ (Прит. 19:17). Например, кала и христианоря анда Филиппы бишалдэ подарко лэ Павлости андо баруно, во ԥэндя кай када «жэртва, сави уӷодно лэ Дэвлэсти» (Флп. 4:18). Тумэ можэте тэ пушэн пэстар: «Касти андэ собрания мэ моӷу тэ дав зор?» О Иегова фартэ радуийпэ, кала амэ используем пэстири время, пэско зор, таланторя и ловэ, кай тэ поможысарас кодэлэнди, касти трэбуй помощь. Када тожэ ужал андэ амари поклонения лэсти (Иак. 1:27). Кай правильно тэ тэлювас лэ Иеговасти, трэбуй время и зор. Но када найԥарэс (1 Иоан. 5:3). Васо? Важ кода кай амэ любисарас лэ Иеговас и амарэ ԥралэн и ԥэян. w22.03 24, абз. 14, 15

Кай тэ полас и тэ жалуисарас лэ ԥралэн и лэ ԥэян, амэ трэбуй тэ полас, саво ԥаримос лэндэ исин. Например, кай ек ԥэй найлашо зор, но вой, можэт, на ԥэнэн пала када. Но если амэ ԥэнаса, кай камас тэ поможысарас лати, вой, можэт, на отԥэндёла. Можэт, лати трэбуй тэ дэн помощь андэ кода, кай тэ гитон тэ хан или тэ поприлэн па цэр. Или, можэт, варисаво ԥрал хасардя и бути. Тоди амэ можэм лэсти тэ подарисарас ловэ, и дажэ, кай во, можэт, тэ на ӷанэн кастар. Пэ кадэла ловэ во пока можэт тэ жувэл, пока на виарақэл пэсти бути. На трэбуй тэ аштярас, пока и ԥрала и ԥэя амэндар мангэна помощь. Амэ, сар и о Иегова, ласа пэрви тэ поможысарас. Кати погиндосар, кай лэ манушэнди на трэбуй тэ мангэн лэ Иеговас, кай тэ вижал о қам. Во подритярэл кажнонэ манушэстири жызня и дажэ кодэлэнди, ко на блаӷодарий лэс пала када. Чаче, дицол, кай о Иегова амэн любий. Амэ фартэ любисарас лэс, кай во кацаво добро и щедро. w21.09 22, 23, абз. 12, 13

Через и предано любовь о Дэл простий. О Иегова шол сама, кала о мануш каийпэ и ашавэл пэско найлашо дром. Во простий лэс через пэстири предано любовь. Акэ со пала када ԥэндя о псалмопевцо Давидо: «Во на обжалпэ амэнца па амарэ ӷрехоря и на рий амэнди важ лэндэ кодэлэса, со амэ затердям» (Пс. 103:8—10). О Давидо па пэстири жызня поля, сар дэ ԥарэс, кала хал и совесть. Но кадяжэ во уӷангля, кай о Иегова ӷотово тэ простий. И андо адесутно стихо о Давидо запистросардя, васо о Иегова полэл и жалуий. Кадэя молитва сыкавэл, о Иегова простий кодэлэн, ко пала када мангэл лэстар, важ кода кай «лэстири предано любовь фартэ бари» (Пс. 103:11). Если лэ манушэсти лажаво важ пэско бэзэх, када драго. Блаӷодаря кадэлэсти во можэт тэ каийпэ и тэ парудёлпэ. w21.11 5, абз. 11, 12

О Иегова камэл, кай по лэско алав всаворэ тэ стон патив (Ис. 42:8). Но ужэ май бут чем 6 тысяч лет и мануша лажаварэн лэс (Пс. 74:10, 18, 23). Када линэ тэ терэн инке андо Эдэмско садо. Тоди о Сатана, пэ саво инке ԥэнэн «хохавно», дошалярдя лэ Иеговас, кай во кабута на камэл, кай о Адамо и Ева па чачимастэ тэ авэн бахталэ (Быт. 3:1—5). О Сатана хохавэл жы каринг амарэ деса. Лэ Иисусости сас фартэ ԥарэс кодэлэстар, кай бут мануша на стонас патив пэ лэстирэ Дадэско алав. Кати кай о Иегова исин право тэ правий и кодэлэнца, ко по нэбо, и кодэлэнца, ко пэ ԥув. Лэстири правления со май лащи (Отк. 4:11). Но о Сатана терэл вся, кай и анӷелоря и мануша тэ патян, кай лэ Дэвлэстэ нинай кацаво право. Важ кода кай о Иегова аштярэл кадэя время, потом ужэ нико на лэла тэ гиндой или тэ на допатял, кай лэстэ нинай право тэ правий. Ӥто во доԥэнэна, кай кати через лэско Царство пэ ԥув авэла па чачимастэ мирно и мануша нисостар на лэна тэ даран. w21.07 9, абз. 5, 6

Кажно хулай камэл, кай лэстирэ ерестэ тэ авэл вся, со трэбуй, хамос, ӥда и цэр. Если тумарэ ерести ԥарэс тэ затерэн по котор марно, кадэлэстар моӷут тэ умэкэнпэ и вас. Но саво бы ԥаримос тумэндэ тэ на авэл, тумэ можэте тэ терэн, кай тумари вера тэ авэл май састи. Мангэн лэ Иеговас тэ поможый тумэнди тэ погиндон пала лэ Иисусостирэ алава, савэ запистромэ андэ Матфеё 6:25—34. Погиндон пала кодэла ԥрала и ԥэя, савэ терэн бут дила важ о Царство, и пала кода, сар о Иегова заботийпэ пала лэндэ (1 Кор. 15:58). Если тумаро небесно Дад поможысардя лэнди андэ кацави жэ ситуацыя, сар тумэндэ, вижал, во поможыя и тумэнди. Во ӷанэн, со тумэнди трэбуй и сар када тумэнди тэ дэл. Кала тумэ диқэн, сар о Иегова подритярэл, тумари вера ашэла май састи, и када поможыя тумэнди тэ авэн ӷотови каринг о ԥаримос, саво авэла англэ. w21.11 20, абз. 3; 21, абз. 6

Кай лэ Иеговастирэ служытеля исин бут ԥаримос, но вонэ всаек на парашэн тэ росԥэнэн пала лэстэ и кандэн лэс вся и жызня. Блаӷодаря кадэлэсти вонэ инке май фартэ патян андэ кода, кай о Иисусо отдя пэстири жызня важ лэндэ. Погиндосарам пала апостало Иоанно. Варикай май бут чем 60 бэрш во на парашэлас тэ росԥэнэн пала Иисусо и пала выкупо. Кала лэ Иоанности сас пала 90 бэрш и правителя андо Римо гиндонас, кай во опасно мануш. Важ када вонэ стодэ лэс андо бар и одбишалдэ по острово Патмос. Васо? Важ кода кай во «росԥэнэнас пала Дэл и со стердя о Иисусо» (Отк. 1:9). Да, лэ Иоанностар можно бут сости тэ сытювас, сар тэ на парашас тэ патяс андо Иисусо и тэ служысарас лэ Иеговасти! Андэ Библия андэ книӷи, савэ пистросардя о Иоанно, дицол лэстири бари любовь и блаӷодарность каринг о Иисусо и каринг кода, со во стердя. Андэ кадэла книӷи май бут чем 100 раз ԥэнэнпэ пала выкупо, и саво лашымос во андя (1 Иоан. 2:2). Чаче, о Иоанно фартэ цэнияс о выкупо. w21.04 17, абз. 9, 10

О Иегова аштярэл, кай лэстирэ служытеля лэна драго тэ обжанпэ лэ манушэнца, савэ инвалидоря. Например, и израильтяноря нащи сас тэ дэн амрая лэ кашукэ манушэс, аврэ алавэнца, тэ уӷражают лэсти или тэ ԥэнэн пэр лэстэ найлашэ алава. Тэ андярэн пэс кадя, тай инке лэ кашукэ манушэса, када фартэ найдраго! Во жэ на ашунэн, со пала лэстэ дэн дума, и важ када нэ можэт тэ зашолпэ пала пэстэ. Инке, сар пистромэ андо адесутно стихо, лэ Дэвлэстирэ служытеля нащи сас тэ стон варисо англа коро мануш, кай во тэ пэрэл. И учони, кала пистронас пала книӷа Левит, ԥэндэ пала инвалидоря: «Андэ дэлмутни время по Ближнё Востоко кацавэ манушэнца часто обжанаспэ нэсправедливо и жэстоко». Да, сас кацавэ жэстоки мануша, савэ, кай тэ подасанпэ лэ корэндар, стонас варисо тала пэрнэ лэнди, кай вонэ тэ пэрэн. Но нисо андэ када смешно на сас! Через кадэя заповедь о Иегова поможыяс пэстирэ народости тэ полэл, сар дэ важно тэ жалуин лэ корэн и лэ кашукэ манушэн. w21.12 8, 9, абз. 3, 4

О Иаково даралас, кай лэско ԥрал инке холинако пэр лэстэ. Со жэ стердя о Иаково, кай тэ помирийпэ пэстирэ ԥралэса? Спэрва во анда ди мангляпэ лэ Иеговасти. Потом во бишалдя лэ Исавости щедро подарко (Быт. 32:9—15). Ай тоди, кала вонэ диқлэпэ, во стодя бари патив пэ пэско ԥрал и тэлеля лэсти най еқвар, най дувар, ай семь раз! Кадя о Иаково помирисайля пэстирэ ԥралэса (Быт. 33:3, 4). Амэ можэм бутэсти тэ сытювас анда лэ Иаковоско примеро. Со во стердя англа кода, сар тэ диқэлпэ лэ Исавоса? Спэрва о Иаково смирено мангля помощь лэ Иеговастар. Ай тоди стердя вся пэстиря ригатар, кай тэ поладий лэ ԥралэса и бишалдя лэсти подаркоря. Ай сар о Иаково андярдя пэс, кала вонэ диқлэпэ? Во на ля тэ розлэлпэ лэ Исавоса, ко сас право, ай ко най. Важ лэстэ само ӷлавно сас тэ помирийпэ пэстирэ ԥралэса. Сар амэ тэ терас кадя жэ, сар о Иаково? (Матф. 5:23,24). w21.12 25, абз. 11, 12

Можэт ту гиндос: «Мэ ӷанав, кай о Иисусо муля важ мандэ, но мэ када на ашав». Васо тутэ моӷут тэ авэн кацавэ гиндоря? Важ кода кай тиро ди можэт тэ хохавэл и тэ заставий тэ гиндос, кай ту никасти на трэбуй и на ашэс, кай тут тэ любин (1 Иоан. 3:19). Кала тутэ авэна кацавэ гиндоря, трэбуй тэ сэрэс, кай о Иегова май бут ӷанэн амарэ одестар и ӷанэн вся. Тути трэбуй вся и время тэ доԥэнэс пэсти, кай о небесно Дад фартэ тут любий и камэл тут тэ простий. Кай май драго тэ полэс, сар о Иегова пэр тутэ диқэл, трэбуй май часто тэ изучаеш и Библия, тэ мангэспэ лэсти, ай кадяжэ тэ дружыс лэ Дэвлэстирэ народоса. Васо када важно? Кадя ту май драго полэса, саво о Иегова. Ту полэса, сар во дэ фартэ тут любий. Если ту лэса кажно дес тэ адинос и Библия и тэ гиндос пала када, тоди тутэ вижала тэ парувэс пэстирэ гиндоря и кода, со тутэ по ди (2 Тим. 3:16). w21.04 24, абз. 12, 13

Кай и вера тэ ашэл састи, на хутила просто варисо тэ ӷанас. Амэ трэбуй тэ розмышляем пала кода, со уӷанас. Подам дума пала псалмопевцо, саво пистросардя о 77 Псалом. Во ля тэ гиндой, кай о Иегова одбанделя лэстар и всаворэ израильтянонэндар. Лэсти сас кадя ԥарэс, кай во на совэлас рятянца (стихоря 2—8). Но со во стердя? Во ԥэндя лэ Иеговасти: «Лава тэ гиндосарав пала вся тири дила и... пала кода, со ту терэс» (стихо 12). Канешно, о псалмопевцо драго ӷанэнас, сар о Иегова обжаласпэ пэстирэ народоса, но во всаек пэрэжывал и пушэлас: «Нэужэли о Дэл бистэрдя и на здиқля пар мэндэ? Росхоляйля и отԥэнделя тэ полэл и тэ жалуий амэн?» (стихо 9). Важ када о псалмопевцо вспоминал, сар о Иегова май данглал полэлас и жалуияс пэстирэ народос (стихо 11). И со во поля анда када? О псалмопевцо ашэля уверено, кай о Иегова никала на ашавэла пэстирэ народос (стихо 15). w22.01 30, 31, абз. 17, 18

О Иегова фартэ скучий пала пэстирэ служытеля, савэ нинайлэ. И во фартэ камэл упалэ лэн тэ диқэл (Иов 14:15). Кати погиндон, сар дэ фартэ во скучий пала пэско друӷо Авраамо (Иак. 2:23). Или пала Моисеё, савэса во «дэлас дума муй муестэ» (Исх. 33:11). Ай сар лэ Иеговасти на хутилэл лэ Давидос или аврэ манушэн, савэ пистронас и псалморя, андэ савэ сас райканэ диля важ лэстэ! (Пс. 104:33). И хоть лэн ужэ нинай, о Иегова никала на бистрэл пала пэстирэ друӷоря (Ис. 49:15). Во сэрэл пала лэндэ вся и ӥто рия лэн каринг и жызня. Тоди вонэ упалэ лэна тэ служын лэсти, ай во лэла тэ ашунэн, сар вонэ анда вся оди мангэнпэ лэсти. Сар жэ амэ лошалэ тэ ӷанас када, особенно, если амэ хасардям варикас анда амарэ чаче. О Иегова полэл, кай посли кода, сар и мануша жылэ против лэстэ, када вся андя бари бида, и трэбуй тэ прожал и время, кай упалэ вся тэ ашэл драго. О Иегова нэнавидит о найлашымос, нэсправедливость и кала лэ манушэнца жэстоко обжанпэ. w21.07 10, абз. 11; 12, абз. 12

Если ту любис лэ ԥралэн и лэ ԥэян, кадя ту сыкавэс, кай ту блаӷодарно пала выкупо. Васо можно кадя тэ ԥэнэс? Важ кода, кай о Иисусо отдя пэстири жызня най кати важ тутэ, но и важ амарэ ԥрала и ԥэя андэ собрания (1 Иоан. 3:16—18). Если о Иисусо муля важ лэндэ, вижал вонэ куч важ лэстэ. Тири любовь каринг лэндэ дицола инке андэ кода, сар ту лэнца пэс андярэс (Эф. 4:29, 31—5:2). Например, ту можэш тэ дэс лэнди помощь, кала вонэ занасвавэн или кала лэндэ баро ԥаримос, када можэт тэ авэл бида андэ природа. Ай сар ту пэс андярэса, кала тут варико холярэла андэ собрания? Ай со если тути ԥарэс тэ простис ла ԥья или лэ ԥралэс анда собрания? (Лев. 19:18). Тоди тути поможыя кадэва совето: «На холявэн ек пэ ек и анда вся оди простин ек еқэс, если варикастэ исин васо тэ холявэл пэ авэр. Сар о Иегова анда вся оди простисардя тумэн, кадяжэ простин и тумэ» (Кол. 3:13). Кажно разо кала ту простис лэ ԥралэс или ла ԥья, тоди о Иегова диқэл, кай ту па чачимастэ цэнис о выкупо. w21.04 18, абз. 12, 13

Кала о христианино пристол бут зор андэ служэния лэ Иеговасти и можэт дажэ поможысардя бутэ манушэнди тэ ашэн лэ Иеговастирэ служытеля, во трэбуй тэ полэл, кай пала вся када во трэбуй тэ авэл блаӷодарно кати лэ Иеговасти. Инке трэбуй тэ сэрэл, кай со май бут дила о мануш терэл андэ лэ Иеговастири арӷанизацыя, со май фартэ во трэбуй тэ старыийпэ, кай андэ собрания тэ авэл мирно и всаворэ тэ ладин машкар пэстэ. Амэ фартэ блаӷодарни лэ барэдэрэ ԥралэнди и аврэ ԥралэнди, кай вонэ кадя и терэн. Вонэ сытярэн лэ ԥралэн и лэ ԥэян най па пэско гиндо, ай па кода, со пистромэ андэ Библия. И вонэ на гиндон, кай всаворэ лэндар трэбуй тэ сытён. Важ лэндэ само важно, кай вся и собрания тэ сытёл лэ Иисусостар (1 Кор. 4:6, 7). О Иегова амэн создал кадя, кай кажно андар мэндэ ӷанэн варисо драго тэ терэл. Но варикасти можэт тэ здэлпэ, кай во терэл найбари дила, кай андэ собрания тэ авэл мирно и драго. Тоди прецтавь пэсти, кай анда бут найбарэ кирпичоря вистроийпэ баро шукарно цэр. Кадяжэ кала и амэ всаворэ по набут ласа тэ терас варисо важ и ԥрала и ԥэя андэ собрания, тоди и собрания авэла сар кадэва шукарно цэр, андэ саво всаворэ ладин. Всаворэ амэ трэбуй тэ старысавас тэ парудювас, кай дажэ и гиндо амэндэ тэ на авэл, кай амэ май лашэ аврэндар. Пристам вся пэско зор, кай андэ собрания тэ авэл мирно и всаворэ тэ ладин (Эф. 4:3). w21.07 19, абз. 18, 19

Амэ можэм тэ авас уверени, кай упалэ диқаса кодэлэн, кас хасардям. Погиндон: о Иисусо дя тэ ровэл, кала подритярэлас пэстирэ друӷонэн, и сыкадя, кай лэсти най всаек, кала варико мэрэл. Во фартэ аштярэл и время, кала сможэт тэ рий кодэлэн, ко амэнди куч! (Иоан. 11:35). Подритярэн кодэлэн, кастэ тердяпэ бида. О Иисусо най кати ровэлас ла Марфаса и ла Марияса, но и виашунэлас и подритярэлас лэн (Иоан. 11:25—27). Амэ кадяжэ можэм тэ подритярас кодэлэн, ко умардо бидаса. Ек барэдэр ԥрал анда Австралия, савэс ақарэн Дэно, росԥэнэн: «Кала муля мэрни хулаи, манди трэбуй сас подержка. Дэсавэ ԥрала и ԥэя сас ӷотови ман тэ виашунэн о дес и рят. Англа лэндэ мэ моӷ свободно тэ ровав, и вонэ ман важ када на сындонас. Дэкала мандэ совсем на сас зор, и вонэ сас ӷотови тэ поможын манди па цэр, например, тэ вихалавэн и машына или тэ тинэн и тэ гитон тэ хан. Инке вонэ часто манца мангэнаспэ. Кадя вонэ сыкадэ, кай чачунэ друӷоря, пэ савэ всегда можно тэ надеиспэ» (Прит. 17:17). w22.01 16, абз. 8, 9

О Дэл камэл важ амэндэ кати о лашымос (Прит. 4:20—22). О Иегова дэл амэнди советоря через и Библия, через варисави публикацыя или через о ԥрал или и ԥэй. Кадя во сыкавэл, кай любий амэн (Евр. 12:9, 10). Дэкала можэт тэ здэлпэ, кай амэнди найковлэс динэ совето. Канешно, христианино трэбуй тэ дэл дума драго и тэ подтидэл лашэ алава (Гал. 6:1). Но дажэ если амэнди на чалеля, сар сас дино о совето, давайте тэ на бистрас, кай май бут трэбуй тэ шас сама по гиндо, саво амэнди ԥэндэ. Амэ можэм тэ пушас пэстар: «Хоть манди на чалеля, сар сас дино о совето, моӷу мэ всаек лэс тэ прилав? Моӷу мэ тэ на шав сама пэ нэдостаткоря, савэ исин кодэлэстэ, ко дя о совето, и тэ старысавав варисости тэ сытював анда лэстирэ алава?» Чалёл амэнди о совето или най, амаря ригатар авэла годявэрнэс, если амэ лэс приласа. w22.02 12, абз. 13, 14

О Иегова полэл, кай амэндэ на вижала сразу полностью тэ парудювас (Пс. 103:13, 14). Но через пэско алав и Библия, через о свынто духо и пэстири арӷанизацыя о Иегова дэл амэнди мудрость, зор и подритярэл амэн. Мэк и Библия поможый тути драго тэ полэс корко пэс. Лэ Дэвлэско алав и Библия, сар юнглинда: вой поможый амэнди тэ додиқас, пала со амэ гиндосарас, пала со дас дума и сар пэс андярас. Ай кадяжэ тэ полас, со трэбуй тэ парувас (Иак. 1:22—25). И екжэно о Иегова всегда ӷотово тут тэ подритярэл. Во ӷанэн, со тути трэбуй, и полэл, со тутэ по ди (Прит. 14:10; 15:11). Важ када стов вся о зор, кай тутэ тэ авэл привычка тэ мангэспэ и тэ изучаеш и Библия кажно дес. На бистэр: о Иегова камэл важ тутэ со май лашо. Со амэндар тэ на мангэл о Иегова, када анэн амэнди ек о лашымос. Кодэла, ко жувэн па лэ Иеговаско законо, инке май фартэ лэн тэ уважают корко пэс, андэ лэндири жызня исин смысло, и вонэ ашэн инке май бахталэ (Пс. 19:8—11). w22.03 4, абз. 8—10

Кала строисарас и диқас пала залоря, кай амэ тэлювас лэ Иеговасти, када ужал андэ амари поклонения лэ Дэвлэсти. Андэ Библия ԥэнэнпэ, кай кала терэнас и свынто бари катуна, ай кадяжэ и предметоря, савэ андэр латэ ужанас, када сас свынто бути (Исх. 36:1, 4). Адес важ о Иегова тожэ свынто и дила, сави терэн и ԥрала и ԥэя пэ стройка. Ай хэба амэ на цэнисарас лэ ԥралэнго и лэ ԥэянго трудо? Амэ фартэ блаӷодарни лэнди! Канешно, кадэла ԥрала и ԥэя на парашэн тэ росԥэнэн аврэнди пала Дэл. Ай дэсавэ андар лэндэ служын пианеронэнца. И барэдэр ԥрала моӷут тожэ тэ поможын пэ стройка, если одобрят лэ ԥралэн и лэ ԥэян, савэ подинэ заявления и поджан тала всаворэ требовании. Ай если тумэ на ӷанэн тэ строин, тумэ можэте тэ прилэн андо Зало Царства и тэ поможын тэ диқэн пала лэстэ. w22.03 22, абз. 11, 12