Февралё

Со камля тэ ԥэнэн о Иисусо, кала ԥэндя и алава анда адесутно стихо? Во ԥэндя пэстирэ учениконэнди, кай лэндэ тэ авэл кацави любовь, через сави вонэ авэна ӷотови тэ жан пэ жэртвы. Через кацави любовь о христианино ӷотово тэ отдэл и жызня важ пэско ԥрал или ԥэй, если када трэбуй. Андэ Библия бут со ԥэнэнпэ пала любовь. Бут мануша наизусть ӷанэн кадэла стихоря анда Библия: «О Дэл исин любовь» (1 Иоан. 4:8); «Любин лэ манушэн, сар корко пэс» (Матф. 22:39); «И любовь простий бут ӷрехоря» (1 Пёт. 4:8); «И любовь авэла вся и время» (1 Кор. 13:8). Кадэла и авэр стихоря анда Библия, сыкавэн пэскати дэ важно, кай амэ тэ сытювас тэ любисарас. О Иегова, — кодэва, кастар жал и чачуни любовь. Кати кодэла, кастэ исин лэ Иеговаско свынто духо и лэстири блаӷословения, моӷут па чачимастэ тэ любин ек еқэс (1 Иоан. 4:7). Акэ васо о Иисусо ԥэндя, кай лэстирэ учениконэн ӷатярэна па кода, кай машкар лэндэ исин чачуни любовь. Сар и ԥэндя о Иисусо, бут мануша ӷатярэн лэстирэ учениконэн па чачуни любовь, сави исин машкар лэндэ. w23.03 27, 28, абз. 5—8

Бывает тути ԥарэс тэ простис аврэн? Проадиносар андэ Библия пала мануша, савэ анда оди простинас аврэн и погиндосар, сости ту можэш тэ сытёс лэндар. Подам дума пала Иисусо. Во простияс всаворэ одеса (Лука 7:47). Во на шолас сама, кала и мануша терэнас ошыбки и диқэлас, саво лашымос вонэ моӷут тэ стерэн. Ай и фарисеёря никас нэ щитали важ манушэстэ (Лука 18:9). Кала ту порозмышляеш пала кацавэ примероря, пуш пэстар: «Со мэ диқав андэ мануша? Пэ савэ качестворя мэ шав сама?» Если ту камэс варикас тэ простис, запистросар, савэ лашэ качестворя исин кай кадэва мануш, ай тоди погиндосар: «Сар о Иисусо диқэл пэр лэстэ? Простисардоп во лэс?» Када поможыя тути тэ парувэс пэско гиндо. Фартэ важно тэ пристас зор, кай анда оди тэ простисарас аврэн, хоть када и найвушэро. Тоди полокорэс амэндэ када лэла тэ вижал со май драго. w22.04 23, 24, абз. 6

Пала пэ Дэвлэстирэ вороӷоря андэ книӷа Свынто тайна ԥэнэнпэ найворта. Спэрва амэ диқас лэ «зверёс, саво вазгляпэ анда моря. Лэстэ сас дэш роӷоря и семь шэрэ» (Св. Т. 13:1). Пала лэстэ жал авэр зверё. О Иоанно ԥэндя, кай во «ваздэласпэ анда ԥув» и «дэлас дума сар драконо». Кадэва зверё «дажэ бишалэл и яг па нэбо пэ ԥув» (Св. Т. 13:11—13). И акэ появийпэ о «лоло зверё», ай пэр лэстэ бэшэл и «роспутно манушни». Кадэла трин зверёря сыкавэн лэ вороӷонэн, савэ ужэ дэлмут жан против о Иегова и лэско Царство (Св. Т. 17:1, 3). Кай тэ уӷанас, ко кадэла лэ Дэвлэстирэ вороӷоря, амэнди трэбуй тэ полас, со сыкавэл и образно шыб андэ книӷа Свынто тайна. Андэ када амэнди поможый и Библия. Пала бут символоря анда Свынто тайна ужэ росԥэнэнаспэ андэ авэр книӷи, савэ ужан андэ Библия. w22.05 8, 9, абз. 3, 4

Дэсавэ ԥралэнди и ԥэянди ашэл ԥарэс кодэлэстар, кай через пэско найлашо зор, вонэ ужэ нэ моӷут тэ терэн андэ служэния кадя бут, сар раньшэ. Кала тутэ на вижал тэ терэс важ о Иегова кадя бут, сар варикала, пуш пэстар: «Со о Иегова мандар аштярэл?» Кай ту тэ отдэс лэсти вся, со па тиро зор. Роздиқам ек ситуацыя. Амари ԥэй, савяти пала 80 бэрш, ужэ нэ можэт тэ терэл важ о Иегова кадя бут, скати терэлас, кала лати сас 40. Хоть вой отдэл лэ Иеговасти вся, со па лако зор, лати здэлпэ, кай о Иегова всаек ласа нэдовольно. Но чаче када кадя? Погиндон: кала лати сас 40 бэрш, вой отдэлас лэ Иеговасти вся со май лашо, и акана, кала лати пала 80, вой терэл кадяжэ. Вижал, вой никала на парашэлас тэ отдэл лэ Иеговасти вся, со па лако зор. Если ту терэс вся, со па тиро зор, о Иегова кабута ԥэнэн тути: «Ту мэрно райкано!» (Диқэн Матфеё 25:20—23.) Кай тэ на хасарас и радость, амэ трэбуй тэ гиндосарас пала кода, со амэ можэм тэ терас. w22.04 10, абз. 2; 11, абз. 4—6

Андэ 21 ӷлава Свынто тайна и 144 000 сыстонпэ лэ шукарнэ фороса, пэ саво ԥэнэн о Нэво Иерусалимо. Кадэва форо ритярдёл пэ 12 бара, «пэ савэ сас пистромэ 12 алава лэ Бакрорэстирэ апостолонэндирэ» (Св. Т. 21:10—14; Эф. 2:20). Кадэлэ фороса на сыстояпэ нисаво авэр форо. Во фартэ шукарно и нэобычно. Лэстири ӷлавно вулица стерди анда сомнак. И вороты, савэн 12, сас анда жэмчуӷо. Ай андэ стины стодэ и кучутнэ бара (Св. Т. 21:15—21). Кай о Нэво Иерусалимо идеально ровно квадратно форма. Но о апостало Иоано шол сама, кай андо форо варисо на хутилэл. Во ԥэнэн: «Мэ на диқлэм о храмо андо форо. Лэско храмо — о Всемоӷущё Дэл Иегова и о Бакроро. Лэ форости на трэбуй сас лэ қамэско свето и луна, важ кода кай пэр лэстэ светияс лэ Дэвлэстири слава и лэско светильнико сас о Бакроро» (Св. Т. 21:22, 23). w22.05 17, 18, абз. 14, 15

О Иегова най кати амаро Создателё, Сындомари и Кодэва, ко стол и законоря, но и любящё небесно Дад (Пс. 100:3; Ис. 33:22). Если амэ стердям бэзэх, но анда вся оди каисайлям, во можэт амэн тэ простий и фартэ камэл када тэ стерэл (Пс. 86:5). О Иегова любий амэн и важ када ԥэнэн амэнди через пэско пророко Исайя: «Хоть акана тумарэ ӷрехоря сар лоли материя, вонэ ашэна парнэ, сар ӥв» (Ис. 1:18). Амэ всаворэ нэсовершэни, и важ када дэкала ԥэнас и терас кода, со обижает аврэн (Иак. 3:2). Но амэ всаек можэм лэнца тэ дружысарас, если сытювас тэ простисарас (Прит. 17:9; 19:11; Матф. 18:21, 22). Кала варико амэн холярэл, о Иегова аштярэл, кай амэ простисараса. И амэндэ исин бут причины када тэ терас, важ кода кай екжэно о Иегова анда вся оди простий амэн (Ис. 55:7). w22.06 8, абз. 1, 2

Хоть амэ на трэбуй тэ сыстосарас пэс аврэнца, амэ можэм лэндар тэ сытювас. Сгиндосарам лэ Иисусос. Во сас совершэно, важ када амэ на сыстосарас пэс лэса. Но амэ бут андэр со можэм тэ лас примеро лэстар (1 Пёт. 2:21). Если амэ ласа тэ пристас зор, кай тэ сытювас лэ Иисусостар, амэ ашаса май лашэ лэ Иеговастирэ служытеля. Андэ Библия росԥэнэнпэ пала бут предани мурша и жувля, савэндар амэ можэм тэ сытювас, хоть вонэ и сас нэсовершэни. Подам дума пала Давидо. Сар ԥэнэнпэ андэ сноска каринг и Дила 13:22, о Иегова ԥэндя пала лэстэ, кай во мануш «саво... [лэсти] па оди». Хоть о Давидо и стердя баро бэзэх, но всаек во важ амэндэ лашо примеро. Васо? Важ кода кай во на ля тэ виболдэлпэ. Во смирено прижангля пэстири дош, и о Иегова лэс простисардя (Пс. 51:3, 4, 10—12). w22.04 13, абз. 11, 12

Андэ Библия ԥэнэнпэ, кай и смэрть — када амаро вороӷо (1 Кор. 15:25, 26). Амэндэ можэт тэ авэл дар англа смэрть, особено кала амэ или варико анда амарэ чаче фартэ насвавэл. Но васо амэндэ исин кадэя дар? Важ кода кай о Иегова создал амэн кадя, кай амэндэ тэ авэл жэлания тэ жувас вечно (Эккл. 3:11). И дар англа смэрть можэт тэ фэрий амари жызня. Блаӷодаря лати, амэ, возможно, закамаса тэ хас полезно хамос, тэ заласпэ спортоса, тэ жас кай о врачо, кала трэбуй, ай кадяжэ тэ на терас нисо, состар амэ моӷли бы тэ хасарас и жызня. О Сатана ӷанэн, кай амари жызня важ амэндэ фартэ куч. И во ԥэнэн, кай амэ жаса пэ вся, кай тэ на мэрас, дажэ если прижалапэ тэ хасарас и дружба лэ Иеговаса (Иов 2:5). Саво хохаимос! Но о Сатана на сдэлпэ. Во «кодэва, ко можэт тэ анэн и смэрть». Через кадэя дар англа смэрть во тасавэл пар мэндэ, кай амэ тэ отԥэндювас лэ Иеговастар (Евр. 2:14, 15). w22.06 18, абз. 15, 16

Кала авэла запрето, амэнди, возможно, прижалапэ тэ стидаспэ найбарэ ӷрупэнца. Андэ кацави ситуацыя фартэ важно, тэ терэн вся, кай тэ авэл ладо аврэнца. На бистрэн, кай тумаро вороӷо — о Сатана, ай най и ԥрала и ԥэя. На шон сама пэ ошыбки, савэ терэн авэр. Ай если тумэ надополинэ ек еқэс, терэн вся, кай сразу тэ помиринпэ (Прит. 19:11). На аштярэн, кала тумэндар мангэна помощь. Екжэнэ гиндон, касти, сар тэ поможын (Титу 3:14). Кода, со и вазвещятеля анда ек ӷруппа важ и служэния стердэ важ и ԥэй, сави попэля андэ авария, поможысардя, кай всаворэ ԥрала и ԥэя андэ латири ӷрупа тэ авэн инке май пашэ ек еқэстэ. Вонэ ашэлэ сар чачуно ери (Пс. 133:1). Фартэ бут ԥрала и ԥэя служын лэ Иеговасти, хоть и власти стодэ дэсавэ оӷраничении. Дэсавэ андар лэндэ дажэ бэшэн андо баруно важ и вера. Амэ можэм тэ мангаспэ пала лэндэ и пала лэнго ери. Кадяжэ важно тэ мангаспэ пала кодэла, ко смило подритярэл лэн, хоть лэн екжэнэн моӷут тэ бэшарэн пала када. Вонэ поможын кацавэ ԥралэнди и ԥэянди, кай лэндэ тэ авэл састи дружба лэ Иеговаса и вся, со трэбуй важ и жызня, ай кадяжэ зашонпэ пала лэндэ андо сындо (Кол. 4:3, 18). Никала на бистэр, саво дэ баро зор можэт тэ дэл тири молитва! (2 Фес. 3:1, 2; 1 Тим. 2:1, 2). w22.12 26, абз. 15, 16

И бэяцэ диқэн, сар андярэн пэс и родителя, и терэн кадя жэ. Канешно, и родителя нэсовершэни (Рим. 3:23). Но всаек вонэ трэбуй тэ пристон вся пэско зор, кай тэ сыкавэн лашо примеро лэ бэятонэнди. Акэ со росԥэнэн ек ԥрал: «Лэ бэятонэн можно тэ сыстосарас ла ӷубкаса, сави ӥто лэл андэр пэстэ о паи. Если тумэ на терэн кадя, сар сытярэн лэн, вонэ ӥто пала када ԥэнэна». Важ када, если тумэ камэн, кай тумарэ бэяцэ тэ полюбин лэ Иеговас, вонэ трэбуй тэ диқэн, кай тумэ екжэнэ любин лэс. Сар и родителя моӷут тэ сыкавэн лашо примеро лэ бэятонэнди. О ԥрал Андрей, савэсти 17 лет, росԥэнэн: «Мэрнэ родителя вся и время ԥэнэнас манди, пэскати дэ важно тэ мангавпэ. Кажно рят о дад мангэласпэ манца, дажэ если мэ екжэно ужэ манглэмпэ. [...] Важ када и молитва ашэля важ мандэ фартэ важно. Мэ моӷу тэ росԥэнав лэ Иеговасти вся, со мандэ по ди, сар любящёнэ Дадэсти». Родителя, сэрэн: тумаро примеро можэт тэ поможый лэ бэятонэнди тэ полюбин лэ Иеговас. Мэк вонэ диқэн тумари любовь каринг о Иегова! w22.05 28, абз. 7, 8

Кай о мануш тэ авэл ӷотово тэ болдёл, во трэбуй анда вся оди тэ каийпэ андэ пэстирэ бэзэха (Дила 2:37, 38). Кала о мануш па чачимастэ каийпэ, во парудёлпэ. Ай тутэ ужэ вижыля тэ ашавэс любо дила, сави на чалёл лэ Иеговасти? Например, билажаварди жызня, цыӷарки или найлащи и ӷрубо дума (1 Кор. 6:9, 10; 2 Кор. 7:1; Эф. 4:29). На параш тэ парудёс. Манг помощь и родэ совето кодэлэстар, ко изучает туса и Библия, или лэ барэдэрэ ԥралэндар андэ собрания. Ай если ту тэрноро и жувэс лэ родителёнэнца, манг помощь лэндар. Вонэ поможына тути тэ улэс и найлашэ привычки, савэ на дэн тути тэ болдёс. Кадяжэ важно тэ стерэс лашо ӷрафико важ и дэвликони дила и тэ приритярдёс лэсти. Андэ када ужал, кай тэ ԥирэс пэ христиански встречи и тэ участвуеш андэр лэндэ (Евр. 10:24, 25). Если ту ужэ росԥэнэс важ о Дэл вмести ла собранияса, мэк када тожэ авэла андэ тиро ӷрафико. w23.03 10, 11, абз. 14—16

Андэ Бытие 3:14, 15 ԥэнэнпэ пала «сап» и лэстирэ «потомкоря». Канешно, андо Эдэмско садо о Иегова на дэлас дума ворта лэ сапэса, пэ саво диқэлас и Ева. Кацаво сап на полиноп лэ Иеговастирэ алава. Вижал, о Иегова дя амрая кодэлэс, ко моӷ када тэ полэл. Пала кастэ жал и дума? Андэ Свынто тайна 12:9 драго дицол о атвето пэ кадэва вопросо. «О пурано сап» — када о Сатана. Дэкала андэ Библия о алав «потомкоря» ԥэнэнпэ пала кодэла, ко сытёл варикастар, кадя жэ, сар и бэяцэ сытён лэ дадэстар и шонпэ пэр лэстэ. Лэ сапэстирэ «потомкоря» — када и анӷелоря и мануша, савэ, сар о Сатана, жан против о Иегова и лэско народо. Андэр лэндэ ужан и анӷелоря, савэ андэ лэ Ноёстирэ деса, ашадэ пэстири служэния по нэбо, ай кадяжэ и вэрыти мануша, савэ терэн сар лэнго дад, о Сатана (Быт. 6:1, 2; Иоан. 8:44; 1 Иоан. 5:19; Иуда 6). w22.07 14, 15, абз. 4, 5

О апостало Павло фартэ любияс лэ ԥралэн и лэ ԥэян. Во пар пэстэ ӷанэнас, со када ԥаримос андэ жызня. Важ када во моӷ драго тэ полэл и тэ жалуий лэ христианонэн, савэндэ сас барэ трудности. Еқвар кай о Павло на сас ловэ, и лэсти прижыляпэ тэ терэл бути, кай лэстэ и лэстирэ друӷонэндэ тэ авэл вся, со трэбуй важ и жызня (Дила 20:34). Во терэлас палатки. Кала во авеля андо Коринфо, во спэрва ля тэ терэл кадэя бути лэ Акилоса и ла Прискиласа. Но кажно субота о Павло росԥэнэнас пала Дэл лэ евреёнэнди и лэ ӷреконэнди. Потом, кала авелэ о Сила и о Тимофеё, во «ля инке май бут тэ росԥэнэн пала лэ Дэвлэско Алав» (Дила 18:2—5). О Павло вся и время сэрэлас, кай со май ӷлавно андэ лэстири жызня — када тэ служый лэ Иеговасти. Во терэлас бут дила, и лэстирэ советоря моӷли тэ подритярэн лэ ԥралэн и лэ ԥэян. О Павло полэлас, кай лэнди сас найвушэро и кай бутэнди андар лэндэ трэбуй тэ заботинпэ пала пэстирэ еря. И всаек во ԥэнэнас, кай вонэ «тэ полэн, со па чачимастэ важно» — тэ терэн вся, кай тэ тэлён лэ Иеговасти. w22.08 20, абз. 3

О Иегова камэл, кай адес и радосно новость пала лэско Царство тэ авэл ашунгли па вся и ԥув (1 Тим. 2:3, 4). Када лэ Иеговастири дила. Во дя ла пэстирэ любимонэ Шавэсти, важ кода кай вой фартэ важно. Амэ можэм тэ авас уверени, кай и служэния, савяса руководий о Иисусо, закончица англа кодэя время, кала авэла конец кадэла люмати (Матф. 24:14). Катар амэ ӷанас, кай о Иисусо диқэл пала служэния? Англа кода, сар во тэ ваздэлпэ по нэбо, во диқляпэ пэстирэ учениконэнца андэ Галилея и ԥэндя лэнди: «Мэрно Дад дя манди вся и власть по нэбо и пэ ԥув». Шон сама, савэ инке алава о Иисусо ԥэндя сразу посли када: «Важ када жан каринг всаворэ народоря... кай тэ поможын лэ манушэнди тэ ашэн ученикоря» (Матф. 28:18, 19). Вижал, о Иегова кадяжэ дя лэ Иисусости власть тэ диқэл пала служэния. Када сыкавэл, кай о Иисусо диқэл пала служэния андэ амарэ деса. w22.07 8, абз. 1, 3; 9, абз. 4

И праведни мануша, савэ терэнас лашымос, воскреснут, кай тэ получин и вечно жызня, важ кода кай лэндирэ алава ужэ запистромэ андэ книӷа важ и жызня. Вижал, андэ Иоано 5:29, кай ԥэнэнпэ пала кодэла, ко «терэнас лашымос» и андэ Дила 24:15, кай пистромэ: «ринапэ каринг и жызня кодэла, ко муля, праведни», ԥэнэнпэ пала ек. Васо амэ ԥэнас пала праведни мануша, кай лэндирэ алава запистромэ андэ книӷа важ и жызня, хоть вонэ и мулинэ? Андэ Римлянам 6:7 пистромэ: «Кодэва, ко муля, роспотинделя важ пэско бэзэх». Кала и праведни мануша мэрэн, о Иегова простий лэндирэ ӷрехоря. Но лэндири лащи дила во никала на бистрэл (Евр. 6:10). Важ када лэндирэ алава ашэнпэ андэ кадэя книӷа важ и жызня. Канешно, посли кода, сар и праведни мануша воскреснут, вонэ трэбуй и май дур тэ кандэн лэ Дэвлэс, кай во тэ на стрий лэндирэ алава анда книӷа важ и жызня. w22.09 17, абз. 13; 18, абз. 15

О пророко Даниило сыкадя розлашо примеро андэ кода, со трэбуй тэ терас, кай амэнди тэ доверяют. Лэс кадя жэ, сар и аврэн, залинэ андо плено андо Вавилоно. Котэ во кадя пэс андярэлас, кай лэсти ӥто линэ тэ доверяют. Ай кала во лэ Иеговастирэ зорэса росԥэндя лэ царёсти, со означает лэско суно, лэсти линэ тэ доверяют инке май фартэ (Дан. 4:20—22, 25). Через бут бэрша о Даниило упалэ сыкадя, кай лэсти можно доверять. Во объяснисардя, со сас пистромэ пэ стина андо дворцо андо Вавилоно (Дан. 5:5, 25—29). Ай ӷэт май интя о царё Дариё и лэстирэ сановникоря кадяжэ шутэ сама, кай «сар лэстэ и способности на сас ни кай ек сановнико и сатрапо». Вонэ прижанэнас, кай «во сас надёжно мануш, и лэс нэвозможно сас тэ дошалярэн, кай во нисо на терэлас и сас хохавно» (Дан. 6:3, 4). Кала амэ гиндосарас пала Даниило, амэ можэм тэ пушас пэстар: «Ай манди можно доверять?» Кала амэнди доверяют, када прославляет лэ Иеговас. w22.09 8, 9, абз. 2—4

Если амэ жувас па лэ Дэвлэско законо, саво сыкавэл, со лашо, ай со най, када анэна амэнди бут лашымос. Погиндон, со авелоп, если и мануша андо банко екжэнэ тэ стон пэсти правила, скати тэ ашэл и валюта? Андэ люма на авелоп нисаво порядко. Ай со, если и врачоря тэ на приритярдён каринг и правила, сар тэ диқэн пала мануша андэ больница? Кадэлэстар и мануша моӷли бы тэ хасарэн пэстири жызня. Дицол: кала исин лашэ правила, када фэрий. Точно кадя амэн фэрий лэ Дэвлэско законо, кай пистромэ, со лашо, ай со най. О Иегова дэл лашымос кодэлэнди, ко старыийпэ тэ жувэл па лэско законо. Во ԥэнэн: «Кодэлэнди, ко кандэн лэ Дэвлэс, ашэлапэ и ԥув, и вонэ жувэна пэр латэ вечно» (Пс. 37:29). Кати погиндон: сар ладина и савэ дэ бахталэ авэна и мануша пэ ԥув, кала всаворэ лэна тэ жувэн па лэ Дэвлэско законо. О Иегова камэл, кай тумэндэ тэ авэл кацави жызня. И чаче, амэндэ исин бут причины, васо тэ любисарас и праведность. w22.08 27, 28, абз. 6—8

Кала амэндэ исин трудности, можэт тэ авэл найвушэро тэ ашаспэ предани лэ Иеговасти и лэстиря арӷанизацыяти. Сар тэ виритярас кадэла трудности? Трэбуй тэ гиндосарас годявэрнэс, тэ ашаспэ састэ андэ вера и тэ авас осторожни. Со сыкавэн и алава, кай трэбуй тэ гиндосарас годявэрнэс? Када тэ ашаспэ спокойни, тэ контролируем пэстирэ эмоцыи и тэ диқас пэ вся кадя, сар диқэл о Иегова. Аврэ алавэнца, када тэ на домэкас, кай амарэ эмоцыи тэ влияют пэ амари годи. Например, амэнди здэлпэ, кай варико анда христианоря обжыляпэ амэнца нэсправедливо. Можэт, када дажэ сас варико анда назначени ԥрала. Наверно, кадэва ԥрал на камля, кай тэ авэл кадя (Рим. 3:23; Иак. 3:2). Но тути всаек сас фартэ ԥарэс. Можэт, тутэ сас кацаво гиндо: «Если кадэва ԥрал кадя пэс андярдя, чаче када лэ Иеговастири арӷанизацыя?» О Сатана камэл, кай ту тэ гиндос имено кадя (2 Кор. 2:11). Через кацавэ гиндоря во камэл тэ одындярэл тут лэ Иеговастар и лэстиря арӷанизацыятар. Амэнди трэбуй тэ авас осторожни, кай тэ на холявас. w22.11 20, абз. 1, 3; 21, абз. 4

О Иегова дя амэнди райкани надежда, кай англэ авэла вечно жызня. Варико надеийпэ вечно тэ жувэл по нэбо (1 Кор. 15:50, 53). Но май бут мануша надеинпэ тэ жувэн вечно пэ ԥув, кай всаворэ авэна зоралэ и бахталэ (Св. Т. 21:3, 4). Нэважно, сави амэндэ надежда, — тэ жувас по нэбо или пэ ԥув, — вой важ амэндэ фартэ куч. Амари надежда дя амэнди о Иегова, важ када амэ уверени, кай кадя и авэла (Рим. 15:13). Амэ ӷанас, кай о Дэл всегда зритярэл пэско алав (Чис. 23:19). И амэ патяс, кай о Иегова камэл и можэт тэ исполнит всаворэ пэстирэ обещянии. Амаро небесно Дад любий амэн и фартэ камэл, кай амэ тэ доверяем лэсти. Если амэ андэ вся надеисавас по Иегова, амэ сможэм тэ виритярас любо ԥаримос, тэ авас смили и тэ на хасарас и радость. w22.10 24, абз. 1—3

И евреёря на кандэнас лэ Иеговас, важ када через о пророко Исайя во ԥэндя, кай домэкэла, кай лэндэ тэ авэл бида (Ис. 30:5, 17; Иер. 25:8—11). Кадя и тердяпэ. И вавилоняноря залинэ лэн андо плено. Но машкар кадэла мануша сас верни лэ Дэвлэстирэ служытеля. О Исайя лэнди ԥэндя, кай авэла дес, кала о Иегова упалэ жалуия лэн (Ис. 30:18, 19). Но кай када тэ авэл трэбуй сас тэ прожал время. Вонэ сас андо плено 70 лет. И потом дэсавэ андар лэндэ моӷли тэ ринпэ цэрэ. Андо Вавилоно вонэ ровэнас, важ кода кай лэнди сас фартэ ԥарэс (Ис. 10:21; Иер. 29:10). Ай кала вонэ рисайлэ пэ пэстири ԥув, вонэ ужэ ровэнас радостятар. w22.11 9, абз. 4

Амэ на удивисавас кодэлэсти, кай адес амарэ ԥралэн и ԥэян преследуют. Кацаво жэ ԥаримос сас и андо пэрво вико кай и апосталоря, кала вонэ росԥэнэнас пала Иисусо. О само баро иудейско сындо най еқвар приԥэнэнас лэнди «тэ на дэн дума лэ Иисусостирэ алавэстар» (Дила 4:18; 5:27, 28, 40). Но вонэ ӷанэнас, кай лэнди приԥэндя тэ росԥэнэн пала Иисусо кодэва, кастэ исин май бари власть (Дила 10:42). Важ када о Пётро и о Иоано смило ԥэндэ, кай лэна тэ кандэн лэ Дэвлэс, ай най лэ сындомарен. Ай кадяжэ, кай на парашэна тэ росԥэнэн пала Иисусо (Дила 5:29). Важ када лэн мардэ, но вонэ «ужылэтар анда Синедрионо, радосни, кай лэн мардэ важ Иисусоско алав» и май дур линэ тэ росԥэнэн пала Дэл (Дила 5:41, 42). w22.10 12, 13, абз. 2—4

Понятно, кай кала о мануш лэл тэ пашол каринг о Иегова, спэрва во уӷанэн кати ӷлавни гиндоря анда Библия. О апостало Павло андо письмо лэ евреёнэнди ԥэндя, кай када знании, савэ амэ «спэрва уӷанглям». Но кадэлэса во на сыкадя, кай вонэ най важни. Во сыстосардя лэн лэ ҭудэса, саво дэл зор лэ бэятости (Евр. 5:12; 6:1). Но кадяжэ во побудияс лэ христианонэн, кай вонэ тэ уӷанэн и састэ гиндоря анда лэ Дэвлэско алав. Ай тутэ исин жэлания тэ уӷанэс кадэла гиндоря? Камэс ту май бут тэ уӷанэс пала Иегова и пала кода, со во загиндосардя? Бут мануша гиндон, кай тэ сытён — када най важ лэндэ. Ай со ту гиндос? Сытелян ту андэ школа тэ адинос и тэ проандярэс иследования? Чалёлас тути тэ родэс атветоря пэ пэстирэ вопросоря и тэ уӷанэс май бут? Или тутэ сас гиндо, кай и книжки — када най важ тутэ? Бут мануша гиндон кадя жэ. Но о Иегова можэт тути тэ поможый. Во совершэно и само лашо Учителё. w23.03 9, 10, абз. 8—10

Важно ковлэ одеса тэ прилас лэ Дэвлэстирэ алава. Тоди вонэ ашэнапэ андэ амаро ди. И гиндоря анда Библия пала кода, кай жалуин анда оди, полэн и любин, лэна тэ влияют пар мэндэ кати тоди, кала амэндэ на авэла нэдовольно и ӷордо настроё. Пар со дицол, домэкас амэ, кай и Библия тэ влияет пар мэндэ? Када дицол па кода, сар амэ обжаспэ аврэнца. Если и фарисеёря тэ мэклоп лэ Дэвлэстирэ алава андэ пэско ди, тоди вонэ «на сындосардоп лэ найдошалэн» (Матф. 12:7). Па кода, сар диқас пэ авэр и обжаспэ лэнца, можно тэ полас, влияет и Библия пар мэндэ чи най. Например, пала со амэ дас дума: пала лашымос, саво исин андэ авэр мануша, или пала лэндирэ нэдостаткоря? Амэ жалуисарас анда оди и простисарас или нэдовольни и ритярас холи? Кацавэ вопросоря поможына тэ полас, домэкас амэ чи най, кай и Библия тэ влияет пэ амари годи, оди и пэ кода, сар пэс андярас (1 Тим. 4:12, 15; Евр. 4:12). w23.02 12, абз. 13, 14

Подам дума пала Иосифо анда Аримафе́я. Во сас пативало сындомари анда Ӷлавно иудейско сындо, пэ саво ԥэнэнас Синедрионо. Но спэрва о Иосифо на сас смило. О Иоано ԥэндя пала лэстэ, кай во сас лэ Иисусоско ученико, «но на сыкавэлас када через и дар англа иудеёря» (Иоан. 19:38). Хоть лэ Иосифости чалеля и лащи новость пала лэ Дэвлэско Царство, во на виԥэнэнас лэ манушэнди, кай патял андо Иисусо. Во даралас, кай и мануша будэр на авэна тэ стон патив пэр лэстэ. Но андэ Библия ԥэнэнпэ, кай кала о Иисусо муля, о Иосифо «ашэля май смило, жыля каринг о Пила́то и мангля лэ Иисусостири тила» (Мар. 15:42, 43). Во будэр на гаравэлас, кай подритярэл лэ Иисусос. Ай тутэ варикала сас дар англа мануша, сар кай о Иосифо? w23.01 30, абз. 13, 14

И царица Шевы ашундя, кай андо Израилё мирно жызня. И кай о народо котэ жувэл райканэс. Кай тэ диқэл када пэстирэ яқэнца, вой пролагля баро дром (1 Цар. 10:1). Кала вой диқля, сар жувэн и мануша тала лэ Соломоностири правления, вой ԥэндя и алава анда адесутно стихо. Кадэя райкани жызня, кала правияс о Соломоно, сыкавэл, сави авэла время, кала правия лэ Дэвлэско Шаво, о Иисусо. И жызня кай и мануша авэла инке май бахтали. О Иисусо май лашо царё, чем о Соломоно. О Соломоно сас нэсовершэно мануш. Важ када во терэлас барэ ошыбки, савэ андэ́ бида всаворэ народости. Ай о Иисусо совершэно правителё, и во никала на терэл ошыбки (Лука 1:32; Евр. 4:14, 15). О Христос доԥэндя, кай никала на стерэла бэзэх или варисо, со андоп бида лэ манушэнди. Када бари бах, кай амэндэ исин кацаво Царё! w22.12 10, абз. 9; 11, абз. 10

Со трэбуй тэ терас, если котэ, кай амэ жувас, ӥто розжалпэ и инфекцыя? Амэ ласа тэ терас кадя, сар ԥэнэн и власти, кай трэбуй тэ халавас и вас, тэ ритярас и дистанцыя, тэ ԥиравас и маски и тэ бэшас по карантино. Если амэ кадя терас, тоди сыкавас, кай цэнисарас и жызня — кучутно лэ Дэвлэско подарко. Кала андэ люма фартэ ԥари ситауцыя, амэ можэм тэ ашунас най чачуни инфармацыя. Пала латэ амэ можэм тэ уӷанас лэ друӷонэндар, лэ сосидонэндар или анда новости. Чем тэ патяс любонэ алавэсти, авелоп май драго тэ приашундювас каринг и точно инфармацыя, сави ԥэнэн и мануша анда правительство или врачоря (Прит. 14:15.). Англа кода, сар о Руководящё совето и филиалоря тэ дэн и указании пала собрании и проповедь, вонэ фартэ драго проверяют и инфармацыя. Если амэ прилас лэнго руковоцтво, амэ фэрисарас пэс и аврэн. Кадяжэ, блаӷодаря кодэлэсти, кай амэ кандас, и собрания затерэл лашо алав англа мануша (1 Пёт. 2:12). w23.02 23, абз. 11, 12

Кала и израильтяноря авелэ андэ Обетовано ԥув, вонэ розжылэпэ андэ разни ҭана, савэ сас андэ кодэя бари тиритория. И израильтяноря, савэ жувэнас пэ разни краёря и сас дур ек еқэстар, моӷли вушэро тэ парашэн тэ заботинпэ ек пала еқэстэ. Но о Иегова позаботисайля, кай андэ дэсавэ деса вся о народо тэ стидэлпэ еқэҭанэ, кай тэ ашунэн, сар адинон и объяснин и Свынто Писания (Втор. 31:10—13; Неем. 8:2, 8, 18). Прецтавьте, со сас по ди кай о израильтянино, саво авеля андо Иерусалимо. Во диқэл бутэ лэ Дэвлэстирэ служытелёнэн, савэ авелэ па разни краёря андэ страна! Кадя о Иегова поможыяс пэстирэ народости тэ фэрин о единство. Ӷэт май интя, кала появисайля и христианско собрания, андэр латэ сас мурша и жувля, савэ дэнас дума пэ разни шыба. Машкар лэндэ сас барвалэ, ашунглэ, ай кадяжэ прости и дажэ чорорэ мануша. Но вонэ еқэҭанэ тэлёнас чачунэ Дэвлэсти. И нэвэ ученикоря моӷли тэ полэн, со пистромэ андэ лэ Дэвлэско Алав, кати тоди, кала ԥирэнас пэ встречи и прилэнас помощь лэ ԥралэндар и лэ ԥэяндар (Дила 2:42; 8:30, 31). w23.02 3, абз. 7

О Иегова дэл алав, кай дэла вечно жызня кодэлэнди, ко лэс кандэл. Кала амэ гиндосарас пала када, амари любовь каринг лэстэ ашэл инке май бари. Кати погиндон: амаро небесно Дад кадя фартэ амэн любий, кай камэл вся и вечность тэ авэл амэнца. Лэ Иеговастири обещяния, кай амэ ласа тэ жувас вечно, поможый амэнди тэ виритярас о ԥаримос, саво исин амэндэ адес. Дажэ если амарэ вороӷоря камэн амэн тэ умарэн, амэ всаек на парашас тэ служысарас лэ Иеговасти. Важ кода кай ӷанас: дажэ если амэ хасараса пэстири жызня, но ашасапэ верни лэсти, во воскресия амэн, и амэ будэр никала на мэраса (Иоан. 5:28, 29; 1 Кор. 15:55—58; Евр. 2:15). Амэ патяс, кай о Иегова можэт тэ дэл амэнди вечно жызня, важ кода кай во екжэно жувэл вечно, и лэстар жал и жызня (Пс. 36:9). Андэ Библия ԥэнэнпэ, кай о Иегова всегда сас и всегда авэла. (Пс. 90:2; 102:12, 24, 27). w22.12 2, абз. 1—3

Амэ на удивисавас кодэлэсти, кай амэнди прижалпэ тэ пэрэжувас о ԥаримос. Важ кода кай андэ Библия ԥэнэнпэ: «Амэ трэбуй тэ пэрэандярас бут ԥаримос, англа кода, сар тэ авас андэ лэ Дэвлэско Царство» (Дила 14:22). Кадяжэ амэ полас, кай дэсавэ проблемы амэ полностью на ришысараса, пока на авэла о раё пэ ԥув, андэ саво «и смэрть будэр на авэла, нисави бида, ни дук будэр на авэла» (Св. Т. 21:4). О Иегова на фэрий амэн лэ ԥаримастар, но во поможый амэнди лэс тэ виритярас. Шон сама, со пистросардя о апостало Павло лэ христианонэнди андо Римо. Спэрва во ԥэндя пала бут трудности, савэ сас лэстэ и кай лэстирэ ԥрала. Тоди во пистросардя: «Амэ победисарас блаӷодаря кодэлэсти, ко амэн полюбисардя» (Рим. 8:36, 37). Вижал, о Иегова можэт тэ поможый и тути, кала андэ тири жызня исин ԥаримос. w23.01 14, абз. 1, 2