Марто

Андэ пэско пэрво письмо о апостоло Пётро ԥэндя лэ христианонэнди, кай вонэ тэ используют пэстирэ способности, кай тэ подритярэн лэ ԥралэн и лэ ԥэян. Во пистросардя: «Сар кажнонэсти андар тумэндэ о Дэл дя даро, кадя и используйте лэс: служын ек еқэсти сар образцови управляющи пэ разни дароря, савэ тумэндэ исин па лэ Дэвлэстири доброта, сави тумэ на затердэ» (1 Пёт. 4:10). Авелоп нэправильно тэ гаравас пэско таланто, кай авэр тэ на завидуют амэнди и тэ на гиндон, кай вонэ хужэ амэндар. Но нащи тэ хвалисавас андэ пэстирэ способности (1 Кор. 4:6). Важно тэ сэрас, кай всаворэ амарэ способности — када подарко лэ Иеговастар. Амэнди трэбуй тэ используем лэн, кай тэ подритярас лэ ԥралэн и лэ ԥэян андэ собрания, ай най кай тэ вистас пэс англа лэндэ (Флп. 2:3). Если амэ отдас вся пэско зор и способности лэ Иеговасти, тоди амэ сможэм тэ лошавас — най кодэлэстар, кай амэ май лашэ аврэндар, ай кай амэ прославляем лэ Иеговас. w22.04 11, 12, абз. 7—9

Важ о Иисусо сас куч и Свынто Писания. Андо Псалом 40:8 сас запистромэ пророчество пала кода, со лэстэ авэла андо ди: «О мэрно Дэл! Мэ виарақав радость, кала терав кода, со ту камэс, и тиро законо андэ мэрно ди». Важ када во сас бахтало, кала служыяс лэ Иеговасти, и во андэ вся лэс блаӷословияс. Амэ тожэ аваса бахталэ и амэндэ авэла лашымос лэ Дэвлэстар, если адиносарас и Библия и сытювас ла тэ любисарас (Пс. 1:1—3). Мэк лэ Иисусостирэ алава и лэско примеро поможына амэнди тэ сытювас май драго тэ адиносарас и Библия. Амэндэ вижала май драго тэ полас и Свынто Писания, если ласа тэ мангаспэ, тэ на грабисавас, тэ задас пэсти вопросоря и тэ терас найбарэ записи. Кала амэ адиносарас и Библия, амэнди трэбуй тэ гиндосарас и тэ изучаем ла па амари литература. Андэ када амэнди поможыя и проницательность. Кала амэ правильно диқас пэ кадэя книӷа лэ Иеговастар, тоди амэ домэкаса, кай вой тэ влияет пар мэндэ. Давайте приласа андэ жызня кадэла советоря. Тоди, кала ласа тэ адиносарас и Библия, када анэна амэнди инке май бут лашымос и амэ ашаса май пашэ каринг о Иегова (Пс. 119:17; Иак. 4:8). w23.02 13, абз. 15, 16

Стов конкретно цэль и тер кадя, кай ла тэ домардёс. Со важ када трэбуй? Например, ту камэс тэ авэс май лашо учителё. Ту можэш май драго тэ уӷанэс и брашура «Сытю май драго тэ адинос и тэ сытярэс». Если тути динэ задания пэ собрания, манг, кай опытно ԥрал тэ ашунэл тут и тэ подԥэнэн, со ту можэш тэ парувэс, кай тэ вижал май драго. Мэк и мануша диқэн, кай ту най кати лашо учителё, но и надёжно мануш, саво терэл дила анда вся оди (2 Кор. 8:22). Ай если ту камэс тэ сытёс варисости, со тути найвушэро дэлпэ? На умэк и вас! Вижыля кай о Тимафеё тэ ашэл лашо учителё и инке май драго тэ росԥэнэн и речи? Андэ Библия на ԥэнэнпэ пала када. Но амэ патяс, кай о Тимафеё приля лэ Павлоско совето и сытеля май драго тэ терэл и дила андэ собрания (2 Тим. 3:10). w22.04 24, 25, абз. 8—11

Кас сыкавэл о зверё, савэстэ сем шэрэ? Кадэлэ зверёстэ дэш роӷоря, во шолпэ по леопардо, лэстэ пэрнэ — сар кай о медведё, ай о муй — сар кай о лево. Интересно, кай андэ книӷа Даниила росԥэнэнпэ пала штар зверёря, савэндэ сас кацавэ жэ части. Но андэ Свынто тайна всаворэ кадэла части стидэ андэ ек зверё, ай най андэ штар. Вижал, кадэва зверё на сыкавэл варисаво ек правительство или мирово держава. Лэ зверёсти «динэ и власть пэ всаворэ племена, нацыи и народоря, савэ дэн дума пэ разни шыба» (Св. Т. 13:7). Важ када лэстэ май бари власть, чем кай ек варисаво правительство. Кадэва зверё сыкавэл всаворэ правительства, савэ правинас манушэнца важ вся и время (Эккл. 8:9). Кай о зверё, савэстэ сем шэрэ, «дэш роӷоря». Андэ Библия число десять часто сыкавэл полнота. Када кадяжэ доԥэнэн, кай кадэва зверё сыкавэл всаворэ правительства. w22.05 9, абз. 6

Ко лэла тэ жувэл пэ ԥув андо Тысячелетнё лэ Дэвлэско Царство? Када фартэ бут мануша, савэ пэрэжувэна о Армагеддоно, ай кадяжэ лэндирэ бэяцэ, савэ арақадёна андо раё. Но андэ 20 ӷлава Свынто тайна кадяжэ ԥэнэнпэ пала воскресения (Св. Т. 20:11—13). Ко рияпэ каринг и жызня? И «праведни» мануша, савэ верно служынас лэ Иеговасти, ай кадяжэ и «нэправедни», савэндэ на сас возможность тэ уӷанэн пала Иегова (Дила 24:15; Иоан. 5:28, 29). Сыкавэл када, кай всаворэ мануша, савэ мулинэ, ринапэ каринг и жызня? Най. О Иегова на рия кодэлэн, ко отԥэнделя тэ служый лэсти. Вонэ сыкадэ, кай нэдостойни тэ жувэн андо раё пэ ԥув (Матф. 25:46; 2 Фес. 1:9; Св. Т. 17:8; 20:15). w22.05 18, абз. 16, 17

О Иисусо через «о кандино и годявэрно рабо» дя амэнди руковоцтво, кай амэ тэ поможысарас лэ манушэнди тэ авэн каринг о Дэл (Матф. 24:45). Со тумэ гиндон пала лэ Иеговастири арӷанизацыя? Можэт тумэндэ кацаво жэ по ди, сар кай о апостоло Пётро, саво ԥэндя и алава анда адесутно стихо. Сави амэндэ жызня авелоп, если амэ тэ на уӷанглоп лэ Иеговастирэ свидетелёнэн? Через лэ Иеговастири арӷанизацыя о Иисусо дэл амэнди вся, со трэбуй, кай тэ ашаспэ верни лэ Дэвлэсти. Кадяжэ во сытярэл амэн драго тэ служысарас. Инке во поможый амэнди тэ парудювас и тэ ашас аврэ манушэнца, кай тэ радосарас лэ Иеговас (Эф. 4:24). О Иисусо дэл амэнди лашо руковоцтво андэ ԥари время. Када драго дицэля, кала заляпэ и пандэмия COVID-19. Кала и мануша андэ люма на ӷанэнас и на полэнас, со тэ терэн, о Иисусо ужэ дя амэнди указании, со трэбуй, кай тэ фэрисавас. w22.07 12, абз. 13, 14

Май часто общяйтесь лэ бэятонэнца. О Иегова ворта ԥэндя лэ израильтянонэнди, кай вонэ тэ сытярэн пэстирэ бэятонэн (Втор. 6:6, 7). Андэ кодэя время кай и родителя сас бут возможности тэ дэн дума лэ бэятонэнца пала Иегова, кай вонэ тэ полюбин лэс. Например, кала о дад пэстирэ шавэса терэлас бути пэ мал. Или кала и бэята поможыяс пэстиря дати па цэр. Вонэ проандярэнас вмести бут время. И родителя моӷли тэ росԥэнэн лэ бэятонэнди, саво дэ добро о Иегова и сар во поможый лэндирэ ерести. Адес амари жызня фартэ паруделя. Андэ бут страны и бэяцэ сытён андэ школа, ай и родителя ԥирэн пэ бути. Важ када вонэ ужэ нэ моӷут тэ проандярэн вмести бут время. Фартэ важно, кай и родителя тэ на хасарэн ни ек минута, кай тэ дэн дума пэстирэ бэятонэнца (Эф. 5:15, 16). w22.05 28, абз. 10, 11

Вся, со жал против лэ Дэвлэско законо и фартэ найдраго андэ лэстирэ яқа — када баро бэзэх. Важ када о мануш, саво стердя бэзэх, трэбуй тэ росԥэнэн пала када лэ Иеговасти и тэ мангэл помощь, кай и старейшыноря (Пс. 32:5; Иак. 5:14). Со тоди трэбуй тэ стерэн и ԥрала? Кати кай о Дэл исин власть полностью тэ простий о бэзэх блаӷодаря кодэлэсти, кай о Иисусо отдя пэстири жызня. Но о Иегова аштярэл, кай и старейшыноря па Библия тэ прилэн ришэния, можэт ли кадэва мануш тэ ашэлпэ андэ собрания (1 Кор. 5:12). Вонэ трэбуй тэ дэн атветоря пэ кацавэ вопросоря: Спецыально о мануш стердя кадэва бэзэх? Гаравэлас во, кай стердя нэправильно? Сар долӷо во терэлас бэзэх? И само ӷлавно: со доԥэнэн, кай во каийпэ анда вся оди? Сыкавэл ли варисо, кай о Иегова простисардя лэс? (Дила 3:19). w22.06 9, абз. 4

О Иисусо побудисардя пэстирэ учениконэн тэ цырдэнпэ каринг и праведность (Матф. 5:6). Вижал, важно, кай амэндэ тэ авэл бари жэлания тэ терас правильно и тэ ашаспэ вужэ андэ лэ Дэвлэстирэ яқа. Ай ту любис о чачимос и праведность? Амэ уверени, кай да. Тути гряца о хохаимос и любо найлашымос (Пс. 119:128, 163). Кодэла, ко любин о хохаимос, шонпэ по Сатана — по правителё кадэла люмако (Иоан. 8:44; 12:31). Ек анда лэстирэ цэли — тэ хохавэл по Иегова и тэ андярэл о найлашымос пэ лэско свынто алав. Андо Эдэмско садо о Сатана ԥэндя по Иегова, кай во найлашо правителё, гиндой кати пала пэстэ и гаравэл лэ манушэндар о лашымос (Быт. 3:1, 4, 5). Кодэла времятар о Сатана розындярэл кадэва хохаимос, саво найдраго влияет пэ лэ манушэнго ди и годи. Кала и мануша витидэн най о чачимос, ай о хохаимос, о Сатана подмарэл лэн каринг разно найлащи дила (Рим. 1:25—31). w23.03 2, абз. 3

Возможно, ту бориспэ, кай тэ улэс и найлащи привычка. Но дэкала ту на вицэлэс андэ кадэя борьба и андярэс пэс нэправильно. Или тути здэлпэ, кай никала на вижала тэ болдёс, и через када ту фартэ помэкэспэ и хасарэс и терпения. Со придэла тути зор вся када тэ виритярэс? Любовь каринг о Иегова. Када со май лашо качество анда всаворэ, савэ тутэ исин (Прит. 3:3—6.). Кода, кай ту фартэ любис лэ Дэвлэс, поможыя тути тэ виритярэс о ԥаримос, саво исин андэ жызня. О Иегова екжэно сыкавэл примеро, сар тэ любисарас. Андэ Библия часто ԥэнэнпэ, кай о Иегова предано любий пэстирэ служытелёнэн. Када сыкавэл, кай нисо нэ можэт тэ одлэл амэндар лэстири любовь и во никала амэн на ашавэла. О Иегова создал амэн кадя, кай амэ тэ шаспэ пэр лэстэ (Быт. 1:26). Сар ту можэш тэ сыкавэс кацави любовь? Спэрва, тер вся, кай тэ авэс май блаӷодарно (1 Фес. 5:18). Кажно дес пуш пэстар: «Сар о Иегова сыкадя, кай любий ман?» Ай тоди, кала мангэспэ, на бистэр тэ ԥэнэс лэ Иеговасти «наис» пала кода, со во важ тутэ стердя. Дик пэ дила, сави терэл о Дэл, сар пэ кода, кай о Дэл сыкавэл пэстири любовь именно каринг тутэ. w23.03 12, абз. 17—19

О Иисусо обжыляпэ всаворэ апосталонэнца драго и сыкадя, кай лэн любий. Сости амэ анда када можэм тэ сытювас? Дила най кати андэ кода, сар андярэн пэс всаворэ авэр, но и сар амэ андярас пэс, кала варико терэл ошыбки. Кала амэн обижает о ԥрал или ԥэй, амэ можэм тэ задас пэсти кацавэ вопросоря: «Васо мэ кадя фартэ растроился? На сыкавэл када, кай манди трэбуй андэ варисо тэ парудював? Можэт кодэлэ манушэстэ, ко ман щяс обидел, бут ԥаримос андэ жызня? И дажэ если мэ право, и ман чаче обидели, моӷу мэ тэ сыкавав чачуни любовь и просто тэ простисарав кодэлэс, ко ман обидел?» Кала амэ любисарас аврэн, тоди када доԥэнэн, кай амэ чачунэ лэ Иисусостирэ ученикоря. Если амэ сытювас лэ Иисусостар, амэ старысавас тэ полас, кай и ԥрала и ԥэя нэсовершэни (Прит. 20:5). Понятно, кай о Иисусо моӷ тэ диқэл, со кай о мануш андо ди. Ай амэ нэ можэм. Но амэ можэм тэ на грабисавас тэ холявас пэ ԥрала и пэ ԥэя, савэ амэн обидели (Эф. 4:1, 2; 1 Пёт. 3:8). Амэнди авэла май вушэро кадя тэ терас, если амэ уӷанаса пала лэндэ май бут. w23.03 30, абз. 14—16

Кала амэнди срочно авэла трэбуй помощь лэ врачонэндар, о Сатана можэт тэ стерэл вся, кай амэ тэ на кандас лэ Иеговас. Например, и врачоря и о родо, саво на патял лэ Иеговасти, моӷут тэ тасавэн пар мэндэ, кай амэ тэ пэрэшас о рат и кадя тэ жас против лэ Дэвлэско законо. Или кай амэ тэ витидас кацави лечения, сави на чалёла лэ Иеговасти. Хоть амэ на камас тэ мэрас, амэ ӷанас, кай о Иегова на парашэла амэн тэ любий, дажэ если кацаво авэла (Рим. 8:37—39). Кала лэ Иеговастирэ друӷонэн на ашэл, во на бистрэл пала лэндэ. Вонэ важ лэстэ сар жундэ (Лука 20:37). Во аштярэл и время, кала рия лэн каринг и жызня, и фартэ камэл када тэ стерэл (Иов 14:15). О Иегова потиндя бари цэмин — отдя важ амэндэ пэстирэ кучутнэ Шавэс, «кай кажно, ко сыкавэл, кай патял андэр лэстэ... тэ жувэл вечно» (Иоан. 3:16). Амэ ӷанас, сар дэ фартэ о Иегова любий амэн и заботийпэ пала амэндэ. Важ када, если амэндэ ԥаро насвалимос или амэн камэн тэ умарэн, амэ всаек на отԥэндювас лэ Иеговастар. Наоборот, амэ мангаспэ, кай во тэ дэл амэнди зор, мудрость и тэ подритярэл амэн (Пс. 41:3). w22.06 18, абз. 16, 17

Андэ Библия ԥэнэнпэ: «И дар англа Иегова, андэ сави дицол и патив каринг лэстэ, анэн и мудрость. И знании пала кодэва, ко Свынто, поможын бут со тэ полэн» (Прит. 9:10). Вижал, кала амэ прилас важни ришэнии, трэбуй тэ шас сама, со пала када гиндой о Иегова. Кай тэ уӷанас када, трэбуй тэ изучаем и Библия и библейски публикацыи. Када авэла па чачимастэ мудро (Прит. 2:5—7). Кати о Иегова можэт тэ дэл амэнди чачуни мудрость (Рим. 16:27). Васо можно тэ ԥэнас, кай и мудрость жал лэ Иеговастар? Пэрво, сар Создателё, во ӷанэн вся пала пэстирэ тварении (Пс. 104:24). Дуйто, вся со во терэл, во терэл мудростяса (Рим. 11:33). Трито, во дэл мудри советоря, савэ всегда анэн лашымос кодэлэнди, ко лэн прилэл (Прит. 2:10—12). Кай тэ авас па чачимастэ мудри, трэбуй тэ прилас кадэла трин маменторя. Кадяжэ важно тэ сэрас пала лэндэ, кала витидас, сар тэ андярас пэс андэ варисави ситуацыя. w22.10 19, абз. 3, 4

Сар ԥэнэнпэ андэ 12 ӷлава Свынто тайна, о Сатана процэлдя андэ кадэя война и вмести лэ бэнгэнца сас сшуто пэ ԥув. Во ашэля фартэ холинако и ля тэ вишол пэстири холи пэ мануша. Через када о миро ля тэ тасол андо ԥаримос и биды (Св. Т. 12:9—12). Васо амэнди трэбуй тэ полас кадэла пророчества? Вся, со терэлпэ андэ люма, и сар андярэн пэс и мануша, поможый амэнди тэ полас, кай о Иисусо ашэля Царё. Канешно, амэнди можэт тэ авэл ԥарэс через кода, кай и мануша ашэлэ холинатирэ и гиндон кати пала пэстэ. Но исин и лащи новость: лэндири дила сыкавэл, кай исполнинпэ и библейски пророчества. Лэ Дэвлэско Царство ужэ правий! (Пс. 37:1). Амэ ӷанас, кай со май пашэ и время каринг о Армагеддоно, со май ԥари жызня авэла (Мар. 13:8; 2 Тим. 3:13). Амэ фартэ блаӷодарни амарэ небеснонэ Дадэсти, кай во поможый амэнди тэ полас, васо андэ люма вся кадя найдраго. w22.07 3, 4, абз. 7, 8

Амэ можэм тэ мангас лэ Иеговас тэ поможый кодэлэнди анда амарэ ԥрала и ԥэя, касти ԥарэс через и природно бида, ӷражданско война, преследовании, насвалимос или через авэр бида. Кадяжэ важно тэ мангаспэ пала ԥрала и ԥэя, савэ на жалуин пэс и поможын кодэлэнди, ко попэля андэ бида. Возможно, ту лично ӷанэс варикас андар лэндэ. Кала амэ мангаспэ пала лэндэ, амэ можэм тэ ԥэнас лэндирэ алава. Кадя амэ сыкаваса чачуни ԥралицко любовь. И ԥрала, савэн стодэ тэ диқэн пала христианско собрания, фартэ блаӷодарни, кала амэ мангаспэ важ лэндэ. И если бы амэ када тэ на терас, лэнди авелоп пэ бутэстэ май ԥарэс тэ терэн пэстири дила. Акэ со пала када пистросардя о апостало Павло: «Мангэнпэ и пала мандэ, кай кала мэ лава тэ дав дума, о Дэл тэ поможый манди тэ подтидав кодэла алава, савэ трэбуй, и смило тэ росԥэнав аврэнди и свынто тайна пала радосно новость» (Эф. 6:19). Адес амэнца служын бут ԥрала, савэ кадя жэ, сар и о Павло, бут состар отԥэндёнпэ важ авэр. И любовь побудия амэн тэ мангас лэ Иеговас, кай во тэ подритярэл лэн. w22.07 23, 24, абз. 14—16

О шлемо фэрияс лэ воиноско шэро. Андэ амари духовно война, амэнди трэбуй тэ фэрисарас пэстири годи лэ Сатанастар. Во камэл тэ зашол амэнди найлашэ гиндоря, кай амэ тэ попэрас андэ лэстири ловушка. Кадя жэ сар о шлемо фэрияс о шэро кай о воино, амари надежда фэрий амарэ гиндоря, кай амэ тэ ашаспэ предани лэ Иеговасти. Но если вой ашэла май слабо, амэ ласа тэ гиндосарас кати пала пэстирэ жэлании и можэм тэ бистрас пала вечно жызня. Подам дума пала христианоря анда Коринфо. Вонэ парашэлэ тэ патян андэ лэ Дэвлэстирэ обещянии, кай авэла воскресения (1 Кор. 15:12). О Павло пистросардя, кай кодэла, кастэ нинай надежда по лашымос, саво авэла англэ, жувэн кати еқэ десэса (1 Кор. 15:32). Адес бут мануша, савэ на патян андэ лэ Иеговастирэ обещянии, жувэн кати важ пэстэ и старыинпэ тэ лэн ла жызнятар вся. Но амэ доверяем лэ Иеговасти, кай во дэла амэнди райкани жызня англэ. w22.10 25, абз. 8, 9

О Иегова камэл, кай ту тэ росԥэнэс лэсти, со тутэ по ди. Во диқэл, со тути прижалпэ тэ пэрэандярэс и дэл тути тэ ӷанэс, кай во всегда радо тэ виашунэл тирэ молитвы. Лэ Иеговасти фартэ чалёл, кала лэстирэ служытеля мангэнпэ лэсти (Прит. 15:8). Пала со ту можэш тэ мангэспэ, кала тути здэлпэ, кай ту екжэно? Росԥэн лэ Иеговасти, со тутэ по ди и пала со ту пэрэжываеш (Пс. 62:8). Манг, кай о Иегова тэ поможый тути тэ улэс кацавэ гиндоря. Кадяжэ ту можэш тэ мангэспэ, кай во тэ дэл тути смилость андэ служэния, ай кадяжэ мудрость, кай правильно тэ подтидэс и алава и тэ дэс дума ковлэс (Лука 21:14, 15). Ай можэт ту умэклян и вас, и тут затасавэн и гиндоря, кай ту нисо на ашэс. Тоди ту можэш тэ мангэспэ, кай о Иегова тэ поможый тути тэ подэс дума кодэлэ христианиноса, кастэ састи вера, кай во тэ виашунэл тут и тэ полэл, со тутэ по ди. Шув сама, сар о Дэл атвечает пэ тирэ молитвы и на отԥэндюв, кала авэр камэн тути тэ поможын. Тоди тути ашэла май вушэро. w22.08 10, абз. 6

Андэ нэви собрания андэ Фессалоники кай и христианоря, савэ найдэлмут болделэ, ашэля баро ԥаримос. И мануша, савэ лэн вэрыцынас, «андярдэ... дэсавэ ԥралэн каринг и барэдэра андо форо» (Дила 17:6). Прецтавьте, сар пэрэдарайлэ и нэвэ ученикоря, кала вся када диқлэ. Через када вонэ моӷли тэ лэн май набут тэ служын лэ Иеговасти. Но хэба о апостало Павло домэклоп, кай кацаво тэ авэл? Во стердя вся, кай тэ позаботийпэ пала нэви собрания. Ӷэт май интя о Павло ԥэндя лэ ԥралэнди и лэ ԥэянди анда Фессалоники: «Амэ бишалдям [лэ Тимофеёс], кай во тэ подритярэл и тэ дэл зор тумэнди, кай тумари вера тэ ашэл май састи, кай никастэ андар тумэндэ тэ на ашэл и вера май слабо через о ԥаримос» (1 Фес. 3:2, 3). О Тимафеё диқэлас, сар о Павло дэлас зор лэ ԥралэнди и лэ ԥэянди андэ Листра. О Тимафеё сэрэлас, сар о Иегова подритярэлас лэ Павлос, и важ када моӷ тэ ԥэнэн лэ нэвэ ԥралэнди и ԥэянди, кай лэндэ авэла вся драго (Дила 14:8, 19—22; Евр. 12:2). w22.08 21, абз. 4

Андо 1870 бэрш о Чарлзо Тейзо Расселло и мануша, савэ лэса сас, линэ драго тэ изучают и Свынто Писания. Кадэла библейски иследователя камэнас тэ полэн, со сыкавэл лэ Христостири жэртва и сар трэбуй тэ сэрас пала лэ Иисусостири смэрть. Кода, со вонэ уӷанглэ, анэн лашымос амэнди. Саво када лашымос? О Иегова поможысардя тэ полас о чачимос пала лэ Иисусостири жэртва и пала кода, саво дром вой ԥэрнадя англа амэндэ и англа всаворэ мануша (1 Иоан. 2:1, 2). Кадяжэ амэ уӷанглям, кай дэсавэ манушэндэ авэла бесмертно жызня по нэбо, ай милионоря авэр мануша лэна вечно тэ жувэн пэ ԥув. Амари дружба лэ Иеговаса ашэл май састи, кала амэ гиндосарас пала кода, сар дэ фартэ во амэн любий и саво лашымос лично амэнди анэн лэ Христостири жэртва (1 Пёт. 3:18). Важ када, сар и библейски иследователя, амэ ақарас аврэ манушэн пэ Вечеря, сави проандярас кадя, сар приԥэндя о Христос. w23.01 21, абз. 6, 7

Андэ пэстири служэния пэ ԥув о Иисусо ԥэнэнас лэ манушэнди пала блаӷословении, савэ анэна лэ Дэвлэско Царство. Амэ фартэ цэнисарас кадэва чачимос пала Царство. Амэ блаӷодарни важ о выкупо, важ кода кай блаӷодаря лэсти амэндэ можэт тэ авэл дружба лэ Иеговаса и лэ Иисусоса. Кодэлэндэ, ко патян андо Иисусо, кадяжэ исин надежда тэ жувэн вечно и тэ диқэн пэстирэ чачен, кала о Дэл рия лэн каринг и жызня (Иоан. 5:28, 29; Рим. 6:23). Амэ нисоса нэ можэм тэ затерас кадэва лашымос лэ Дэвлэстар. И амэ никала на роспотиндюваса лэ Дэвлэса и лэ Христоса пала кода, со вонэ стердэ важ амэндэ (Рим. 5:8, 20, 21). Но амэ можэм тэ сыкавас лэнди, кай фартэ блаӷодарни пала кадэва баро подарко. Сар? Если амэ на ласа тэ жалуисарас пэстири время, о зор и ловэ важ лэ Царствостири дила. Например, амэ можэм тэ поможысарас пэ стройка и кала жал о ремонто андэ здании, савэ используют, кай тэ полас лэ Иеговас кадя, сар лэсти чалёл. w23.01 26, абз. 3; 28, абз. 5

Лэ Дэвлэско Царство лэла тэ заботийпэ пала милиардоря мануша па вся и ԥув. Сави дэ важно и интересно дила авэла кай и памазаникоря. Кадя жэ сар о Иисусо, 144 000 авэна царёря и рашая (Св. Т. 5:10). Кала и израильтяноря жувэнас тала лэ Маисеёско законо, и рашая заботинаспэ, кай лэ манушэндэ тэ авэл лашо зор и лащи дружба лэ Иеговаса. Важ када амэ полас, кай андо раё пэ ԥув лэ Иисусостирэ соправителя кадяжэ лэна тэ заботинпэ пала лэ манушэнго зор и кай всаворэндэ тэ авэл лащи дружба лэ Иеговаса (Евр. 10:1). Амэ на ӷанас, сар имено и памазаникоря лэна тэ общяюца лэ манушэнца, савэ жувэна андо раё пэ ԥув. Но амэ точно ӷанас: о Иегова позаботияпэ, кай лэ манушэндэ тэ авэн всаворэ указании, савэ трэбуй (Св. Т. 21:3, 4). w22.12 11, абз. 11—13

Амэ камас, кай кодэла, ко пэрво разо авэн пэ Вечеря, тэ уӷанэн, со важ амэндэ стердэ о Иегова и о Иисусо (Иоан. 3:16). Амэ надеисавас, кай кода, со вонэ диқэна и ашунэна, побудия лэн тэ уӷанэн май бут и тэ ашэн лэ Иеговастирэ служытеля. Амэ кадяжэ ақарас кодэлэн, ко варикала парашэля тэ служый лэ Иеговасти. Амэ камас тэ ԥэнас, кай о Иегова идоси любий лэн. Бут ко соӷласинпэ тэ авэн пэ Вечеря, и кала амэ лэн диқас, амаро ди лошавэл. И Вечеря напомнит лэнди, савэ дэ бахталэ вонэ сас, кала служынас лэ Иеговасти (Пс. 103:1—4). Авэн мануша пэ Вечеря чи най, амэ всаек старысавас тэ ақарас лэн, важ кода кай ӷанас: важ о Иегова куч и мануша (Луки 15:7; 1 Тим. 2:3, 4). w23.01 20, абз. 1; 22, 23, абз. 9—11

Андэ рят англа пэстири смэрть о Иисусо мангляпэ пэстирэ Дадэсти, кай во тэ фэрий лэстирэ учениконэн. Канешно, о Иегова всегда заботийпэ пала пэско народо и фэрий лэс (Иоан. 17:15, 20). Но о Иисусо ӷанэнас, кай о Сатана лэла фартэ тэ тасавэл пэ лэ Дэвлэстирэ служытеля. Во полэлас, кай лэнди трэбуй помощь лэ Иеговастар, кай вся када тэ виритярэн. Кадэва миро, савэса правий о Сатана, фартэ тасавэл по лэ Дэвлэско народо. Дэкала амэндэ исин кацавэ трудности, через савэ найвушэро тэ ашаспэ предани лэ Иеговасти, и можэт тэ здэлпэ, кай амэ лэн на виритяраса. Но амэнди найсостар тэ дарас. О Иегова диқэл пала амэндэ. Во ӷанэн, саво амэндэ исин ԥаримос андэ жызня и всегда ӷотово тэ поможый. Да, «о Иегова шол сама пэ кодэла, ко дарал лэстар... кай тэ спасый лэн» (Пс. 33:18—20). w22.08 8, абз. 1, 2

Кажно бэрш англа Вечеря и посли латэ амэ сыкавас пэстири блаӷодарность пала кода, со во стердя важ амэндэ: амэ мангаспэ и розмышляем пала лашымос, саво анэн лэ манушэнди лэ Иисусостири жэртва. Кадяжэ амэ лошалэ май бут тэ служысарас, кай тэ росԥэнас лэ манушэнди пала кадэя особо события и тэ ақарас лэн. Канешно, амэ пристаса вся пэско зор, кай и екжэнэ тэ авас пэ Вечеря. Пэр латэ амэ ашунас и библейско речь, сави дэл атветоря пэ важни вопросоря. Например, васо лэ манушэнди трэбуй о выкупо и сар ек мануш пэстиря жызняса моӷ тэ витинэл бутэн лэ бэзэхэстар. Ай инке амэ уӷанас, ко трэбуй тэ хал о марно и тэ пэл о вино пэ Вечеря и со сыкавэн кадэла символоря (Лука 22:19, 20). Ай инке амэ ашунас и гиндосарас, сар лэна тэ раюин кодэла, ко жувэна андо раё пэ ԥув (Ис. 35:5, 6; 65:17, 21—23). Амэнди нащи тэ присытювас каринг кадэва чачимос, кабута кадя и трэбуй тэ авэл. w23.01 20, абз. 2; 21, абз. 4

Кала о Иегова отдя пэстирэ шавэс важ и жэртва пала амарэ ӷрехоря, када дя амэнди возможность тэ жувас вечно (Матф. 20:28). Кадяжэ о апостало Павло ԥэндя: «Сар и смэрть авеля через о мануш, кадя и мулэ ринапэ каринг и жызня через о мануш. Сар через о Адамо всаворэ мэрэн, кадя через о Христос всаворэ жундёна» (1 Кор. 15:21, 22). О Иисусо сытярэлас пэстирэ учениконэн тэ мангэнпэ, кай тэ правий лэ Дэвлэско Царство и кай пэ ԥув тэ авэл вся кадя, сар камэл о Дэл (Матф. 6:9, 10). О Иегова загиндосардя, кай и мануша тэ жувэн вечно пэ ԥув. Важ када во стодя пэстирэ Шавэс Царёса андэ Мисианско Царство. Кадяжэ во витидя 144 000 манушэн, кай вонэ тэ правин вмести лэса. Вонэ лэна тэ терэн вся, кай лэ Иеговаско замысло тэ исполнийпэ (Св. Т. 5:9, 10). w22.12 5, абз. 11, 12

Кала варикас анда амарэ чаче на ашэл, амэ фартэ скучисарас пала лэндэ. Спэрва, кала амэ гиндосарас пала лэстирэ послидни деса, амэндэ андо ди можэт тэ авэл ек и дук. Особено, если во фартэ мучияспэ. Но прожал время, и дук полокорэс ужал. И амэ упалэ можэм тэ радосавас. Амэнди драго по ди, кала вспоминаем, сости во амэн сытярэлас, сар подритярэлас алавэса и диласа или сар амэ вмести асасас. Точно кадяжэ амэнди фартэ ԥарэс тэ адиносарас пала кода, сар о Иисусо мучияспэ и муля. Англа Вечеря и посли латэ амэ старысавас май бут тэ гиндосарас, пэскати дэ куч лэ Иисусостири жэртва, через сави во витиндя амэн лэ бэзэхэстар (1 Кор. 11:24, 25). Кала амэ вспоминаем, сар о Иисусо дэлас дума, со терэлас, кала жувэлас пэ ԥув, амэн када фартэ радуий. Кадяжэ амэн подритярэл, кала розмышляем, со о Иисусо терэл акана и со во стерэла важ амэндэ англэ. w23.01 26, абз. 1, 2

Кала о Иисусо муля, лэстирэ ученикоря умэклэ и вас. Прицтавьте, сар лэнди сас дэ ԥарэс. Лэнго друӷо муля, и вонэ гиндонас, кай нинай нисави надежда (Лука 24:17—21). Но кала о Иисусо авеля, во поможысардя лэнди тэ полэн, сар через лэстэ исполнисайлэ и библейски пророчества. Инке во дя лэнди фартэ важно дила (Лука 24:26, 27, 45—48). Кала о Иисусо вазгляпэ по нэбо, лэстирэ учениконэнди будэр на сас ԥарэс, наоборот, вонэ фартэ радуинаспэ. Вонэ ӷанэнас, кай лэнго Ӷосподино жундо и дэла лэнди зор тэ стерэн нэви дила, сави во дя лэнди. Кадэя радость поможысардя лэнди тэ на парашэн тэ славин лэ Иеговас (Лука 24:52, 53; Дила 5:42). Амэ можэм тэ сытювас лэ Иисусостирэ учениконэндар, если стас лэ Дэвлэско Царство по пэрво ҭан андэ амари жызня. Кай тэ на парашас тэ служысарас лэ Иеговасти и кай лэ Дэвлэско Царство тэ авэл ӷлавно андэ амари жызня, амэнди трэбуй стойкость. Но если амэ ласа кадя тэ терас, о Иегова амэн обязательно блаӷословия (Прит. 10:22). w23.01 30, 31, абз. 15, 16

Со поможыя амэнди тэ на шылисавас, сар о Адамо и Ева? Трэбуй вся и время тэ уӷанас лэ Иеговас, тэ цэнисарас лэстирэ качестворя и тэ старысавас тэ полас, сар во гиндой. Тоди амэ ласа инке май фартэ тэ любисарас лэс. Акэ сар када сас кай о Авраамо. Во всаворэ одеса любияс лэ Иеговас. Дажэ кала лэ Авраамости сас ԥарэс тэ полэл, васо о Дэл приля кацави ришэния, во на холявэлас. Наоборот, во старыияспэ май драго тэ уӷанэн лэ Иеговас. Например, кала о Дэл ришыл тэ сԥабарэл о Содомо и Гоморра, о Авраамо ля тэ пэрэжывает: нэужэли «о Сындомари всаворя ԥувьяко» вмести лэ ӷрешниконэнца уничтожыт и лэ праведниконэн? О Авраамо полэлас, кай кацаво нэ можэт тэ авэл. Важ када во смирено задя лэ Иеговасти дэсавэ вопросоря, ай о Иегова терпеливо атвечал лэсти. Тоди о Авраамо поля, кай о Дэл диқэл оди кажнонэ манушэско и никала нэ наказывает кодэлэс, ко найдошало, вмести лэ дошалэнца (Быт. 18:20—32). w22.08 28, абз. 9, 10

Андо 455 бэрш до н. э. о правителё Неемия вазгля и стины андо Иерусалимо. Тоди во ля тэ родэл манушэн, савэ драго диқэна пала форо. Ек анда кодэла, кас во витидя важ кадэя дила, сас начальнико пэ крепость, о Ханания. Акэ со пала лэстэ росԥэнэнпэ андэ Библия: «Лэсти можно сас доверять и во даралас лэ чачунэ Дэвлэстар май фартэ, чем бут авэр мануша» (Неем. 7:2). О Ханания серьёзно поджалас каринг любо дила, важ кода кай любияс лэ Иеговас и даралас тэ на уӷодий лэсти. Если амэ кадя жэ ласа тэ андярас пэс, тоди када поможыя амэнди тэ авас надёжни андэ служэния лэ Иеговасти. Подам дума кадяжэ пала Тихико, савэсти о апостало Павло фартэ доверял. О Павло ӷанэнас, кай о Тихико можэт лэсти тэ поможый. Во пала лэстэ ԥэндя, кай во «предано лэ Ӷосподоско служытелё» (Эф. 6:21, 22). О Павло ԥэндя лэсти тэ пэрэдэл и письморя лэ христианонэнди андо Эфесо и андэ Колоссы. Кадяжэ во мангля лэс тэ подритярэл лэ ԥралэн и лэ ԥэян и тэ дэл зор лэнди. Адес амэндэ исин бут надёжни и верни ԥрала, савэ кадя жэ, сар и о Тихико, заботинпэ, кай амэндэ тэ авэл вся, со трэбуй важ и лащи дружба лэ Иеговаса (Кол. 4:7—9). w22.09 9, 10, абз. 5, 6

Кай о Иосифо сас баро ԥаримос 13 бэрш. Во моӷ тэ пушэл пэстар: «Чаче, о Иегова ман любий? Зашолапэ во пала мандэ варикала?» Но о Иосифо на ритярэлас и холи андо ди. Наоборот, во гиндояс годявэрнэс. Сар када дицолас? Во ашэласпэ спокойно. Кала лэстэ сас возможность тэ рий пэстирэ ԥралэнди, во на ля када тэ терэл. Во сыкадя пэстири любовь каринг лэндэ и простисардя лэн (Быт. 45:4, 5). О Иосифо кадя пэс андярдя, важ кода кай контролировал пэстирэ эмоцыи. Вместо кода, кай тэ шол сама пэ проблема, во старыияспэ пэ вся тэ диқэл кадя, сар о Иегова (Быт. 50:19—21). Сости амэ можэм тэ сытювас? Если варико обжыляпэ туса нэсправедливо, на грабисав тэ холявэс по Иегова и пэ кодэва, ко тут холярдя. Старысав тэ розмышляеш пала кода, сар о Иегова поможый тути тэ виритярэс кадэва ԥаримос. Кала авэр обжанпэ туса найдраго, сыкав пэстири любовь и на шув сама пэ лэндирэ нэдостаткоря. w22.11 21, абз. 4

О пророко Даниило диқля андэ видении, кай лэ Иеговастири власть со май бари. Спэрва «анда моря вижылэ штар барэ зверёря». Вонэ сыкавэн и мирови державы, савэ сас дэлмут: када о Вавилоно, и Мидо-Персия, и Греция, о Римо, ай кадяжэ и послиднё мирово держава, сави правий андэ амарэ деса, — и Англо-Американско держава (Дан. 7:1—3, 17). Тоди о пророко додиқля лэ Иеговас, саво бэшэл по небесно престоло (Дан. 7:9, 10). О Дэл залэл вся и власть кай и манушыканэ правительства и отдэл ла кодэлэнди, ко май достойно лэндар и кастэ исин май баро зор. Касти? Кодэлэсти, ко «шоласпэ по шаво манушыкано», лэ Иисусости Христости, и «лэ свынтонэ народости кай о Всевышнё», савэн 144 000. И вонэ лэна тэ правин «вся время, вечно» (Дан. 7:13, 14, 18). Драго дицол, кай о Иегова — када Всевышнё. Кода, со о Даниило додиқля андэ видения сжалпэ кодэлэса, со во май англал ԥэндя пала Иегова: «Во... улэл лэ царёнэн и стол лэ царёнэн» (Дан. 2:19—21). w22.10 14, 15, абз. 9—11