Авӷусто

Сар ту гиндос, васо андэ лэ Иеговастири памятно книӷа запистромэ и алава кодэлэндирэ, ко дарал лэстар и розмышляет пала лэско алав? Амари дума сыкавэл, со амэндэ андо ди. О Иисусо ԥэндя: «Со кай о мануш андо ди, пала кода во и дэл дума» (Матф. 12:34). Па амари дума дицол, пэскати амэ любисарас лэ Иеговас. Ай о Иегова блаӷословия кодэлэн, ко лэс любий, и вонэ лэна вечно тэ жувэн андо раё пэ ԥув. Кодэлэстар, сар амэ дас дума, зависит, чалёла лэ Иеговасти амари поклонения чи най (Иак. 1:26). Дэсавэ мануша, савэ на любин лэ Дэвлэс, дэн дума холяса, ӷрубо и сыкавэн, кай вонэ май лашэ аврэндар (2 Тим. 3:1—5). Канешно, амэ на камас тэ шаспэ пэр лэндэ. Амэ старысавас тэ радосарас лэ Иеговас. Но чалёла лэсти, если пэ собрания и андэ служэния амэ дас дума пативалэс и по доброму, ай цэрэ лэ ереса, пока нико на диқэл, дас дума ӷрубо? (1 Пёт. 3:7). w22.04 5, абз. 4, 5

О зверё и дэш роӷоря розмарэна о Вавилоно Велико, важ кода кай лэ Дэвлэстар авеля лэнди по ди гиндо, кай вонэ тэ стерэн кода, со во загиндосардя. О Иегова дэла гиндо лэ народонэнди, кай вонэ через о «лоло зверё», или ООН, тэ розмарэн всаворэ хохавнэ веры па вся и люма (Св. Т. 18:21—24). Сар када влияет пар мэндэ? Фартэ важно тэ тэлювас лэ Иеговасти «найзамэлярдэс и вужэс англа лэстирэ яқа» (Иак. 1:27). Нащи тэ домэкас, кай о Вавилоно Велико тэ замэлярэл амэн через пэстирэ учении, празникоря, билажавардимос и обычаи, савэ сԥанглэ лэ бэнгэнца. Амэ и май дур анда вся о зор ласа тэ поможысарас лэ манушэнди тэ вижан анда Вавилоно Велико, кай латири бида тэ на пэрэл пэр лэндэ (Св. Т. 18:4). w22.05 11, абз. 17; 14, абз. 18

Родителя, виарақэн возможность тэ росԥэнэн лэ бэятонэнди пала Иегова и пала кода, скати лашымос во стердя важ амэндэ (Втор. 6:6, 7). Када фартэ важно, если тумэ нэ можэте тэ проандярэн и изучения Библии лэ бэятонэнца цэрэ, через кода, кай ек анда родителя най лэ Иеговаско свидетелё. И ԥэй, савя ақарэн Кристина, ԥэнэн: «Мэ нэ моӷла свободно тэ росԥэнав лэ бэятонэнди пала Дэл цэрэ. Важ када мэ родавас любо возможность». Важно, кай амэ драго тэ дас дума пала лэ Иеговастири арӷанизацыя и пала ԥрала и ԥэя андэ собрания. На дэн дума нисо вэрыто пала старейшыноря, кай и бэяцэ тэ поджан каринг лэндэ, кала лэнди трэбуй авэла помощь. Терэн вся, кай андо ери тэ авэл мирно и драго. Май часто ԥэнэн пэстирэ ерести, кай тумэ любин лэн. Всегда дэн дума драго и пативалэс пала пэско хулай. Сытярэн лэ бэятонэн тэ терэн кадя жэ. Тоди андэ тумаро цэр авэла мирно, и блаӷодаря кадэлэсти тумэнди авэла май вушэро тэ росԥэнэн лэ бэятонэнди пала Иегова (Иак. 3:18). w22.04 18, абз. 10, 11

Па лэ Иисусостирэ алава дицол, кай и христианоря андо Эфесо виритярэнас о ԥаримос и на парашэнас тэ служын лэ Иеговасти, хоть лэндэ и сас дэсавэ трудности. Но всаек, вонэ парашэлэ тэ любин лэ Иеговас кадя, сар любинас спэрва. Вонэ трэбуй сас варисо тэ терэн, кай и любовь упалэ тэ ԥабол андо ди и кай лэ Дэвлэсти тэ авэл уӷодно лэндири поклонения. Сости амэ можэм тэ сытювас? Адес кадяжэ на хутила просто тэ виритярас о ԥаримос. Фартэ важно, со амэндэ андо ди. О Иегова шол сама най кати пэ амари дила, но и васо амэ када терас. Во камэл, кай амэ тэ тэлювас лэсти, важ кода кай фартэ любисарас лэс и блаӷодарни лэсти (Прит. 16:2; Мар. 12:29, 30). Кадяжэ амэнди трэбуй и май дур тэ терас бут дила важ о Иегова. Кай и христианоря анда Сарды сас кацави проблема: хоть раньшэ вонэ бут со терэнас андэ служэния, акана вонэ линэ тэ терэн када май набут. Важ када о Иисусо ԥэндя лэнди, кай вонэ тэ прошонпэ. Да, «о Дэл най нэправедно, кай тэ бистрэл... [амари] дила» (Евр. 6:10). w22.05 3, абз. 6, 7

О царё Соломоно ԥэндя, кай кала радуиспэ пэстиря дилати — када «лашымос лэ Дэвлэстар» (Эккл. 5:18, 19). О царё ӷанэнас, со када бути: во екжэно строияс цэра и фороря, садияс винаӷрадникоря и терэлас садоря (1 Цар. 9:19; Эккл. 2:4—6). Хоть кадэя бути сас найвушэро, вой анэнас лэсти бари радость. Но о Соломоно полэлас, кай важ и чачуни бах када на хутила. Важ када во анда вся оди терэлас дила важ о Иегова. Например, во семь бэрш строияс лэ Дэвлэско храмо андо Иерусалимо (1 Цар. 6:38; 9:1). О Соломоно терэлас бут разно дила, но во поля, кай и служэния лэ Иеговасти — со май важно андэ жызня. Во ԥэндя: «Акэ со амэ полям анда кода, пала со жалас и дума. Трэбуй тэ авэл дар англа чачуно Дэл, и трэбуй тэ андярэс лэстири время» (Эккл. 12:13). w22.05 22, абз. 8

Андэ Библия росԥэнэнпэ, кай о Иегова анда вся оди простияс лэ манушэн. Пала кастэ тумэ погиндосардэ? Можэт, пала царё Манассия? Кадэва найлашо мануш терэлас бут, со сас гряца важ о Иегова. Во тэлёлас лэ хохавнэ дэвлэнди и подмарэлас каринг када аврэн. О Манассия умардя пэстирэ шавэн и андя лэн андэ жэртва лэ хохавнэ дэвлэнди. Во дажэ стодя лэ идалонэн андэ лэ Иеговаско свынто храмо. Андэ Библия ԥэнэнпэ: «Во терэлас фартэ бут найлашимос англа лэ Иеговастирэ яқа и холярэлас лэс» (2 Лет. 33:2—7). И всаек, кала о Манассия каисайля, о Иегова анда вся оди простисардя лэс (2 Лет. 33:12, 13). Ай можэт, тумэ погиндосардэ пала Давидо. Андэ пэстири жызня во терэлас барэ ӷрехоря. Например, во изменил андо брако, ай потом умардя лэ манушэс. Но кала о Давидо прижангля пэстири дош и анда вся оди каисайля, о Иегова лэс простисардя (2 Сам. 12:9, 10, 13, 14). Кадэла случаёря драго сыкавэн, кай о Иегова камэл тэ простий. w22.06 3, абз. 7

Най всегда вушэро тэ сэрас пала пэстири надежда. Амэ можэм тэ хасарас и терпения, кала аштярас, пока исполняца лэ Дэвлэстирэ обещянии. Но о Иегова вечно Дэл, и важ лэстэ и время жал па аврятэ (2 Пёт. 3:8, 9). Во обязательно стерэла вся, со загиндосардя, дажэ если када авэла най андэ кодэя время, кала амэ аштярас. Со поможыя амэнди састэс тэ ритярас андо шэро и надежда и терпеливо тэ аштярас, кала о Иегова зритярэла пэстирэ обещянии? (Иак. 5:7). Авэн пашутнэ лэ Иеговастирэ друӷоря. Важ кода кай во дэл алав, кай обязательно стерэла вся, со загиндосардя. Сар ԥэнэнпэ андэ Библия, если амэ камас, кай амари надежда тэ авэл састи, амэ трэбуй тэ патяс, кай о Дэл исин и кай во «дэл бут лашымос кодэлэнди, ко фартэ родэл лэс» (Евр. 11:1, 6). Если амэ патяс, кай о Иегова исин, тоди амэ аваса уверени, кай во зритярэла всаворэ пэстирэ обещянии. Кай и дальшэ тэ на хасарэн пэстири надежда, мангэнпэ лэ Иеговасти и адинон и Библия. Хоть амэ на диқас лэ Иеговас, амэ можэм тэ ашас лэстирэ друӷоря. Кала амэ дас дума лэ Иеговаса андэ молитва, амэ уверени, кай во амэн ашунэл (Иер. 29:11, 12). w22.10 26, 27, абз. 11—13

Прецтавьте, сар о Иово бэшэл андо пепло. Лэстэ фартэ дуқал вся и тила (Иов 2:8). Пэр лэстэ динэ бида пала бидатэ. Лэско ди росшындёл кодэлэстар, кай во хасардя пэстирэ бэятонэн. Тоди и «друӷоря» ԥэнэн лэсти, кай во найлашо мануш и кай вся, со во терэл, нисо на ашэл (Иов 2:13). Кадэлэстар лэстэ бар по ди, и во ашэл мулком. Кадэла мануша моӷли тэ погиндон, кай во на дэл дума, важ кода кай одбанделя лэ Дэвлэстар. Но када най кадя! И акэ о Иово ваздэл о шэро и ԥэнэн: «Пока мэ на мэрава, ашавапэ вужо англа Дэл!» (Иов 27:5). Со поможысардя лэ Иовости тэ ашэлпэ смило и састо андэ кацави бида? Дажэ кала во умэкля и вас, во на хасарэлас и надежда, кай о Дэл лэсти поможыя. Во ӷанэнас, кай дажэ если во мэрэла, о Иегова обязательно рия лэс каринг и жызня (Иов 14:13—15). w22.06 22, абз. 9

Амаро Создателё, о Иегова, стодя бари патив пар мэндэ — во дя амэнди возможность тэ мангаспэ лэсти. Амэ можэм тэ росԥэнас лэ Дэвлэсти вся, со амэндэ по ди, андэ любо время, пэ любо шыб. Кай бы амэ тэ на авас — дажэ андэ больница или андо баруно, — амаро любящё небесно Дад ашунэн амэн. И амэ фартэ блаӷодарни лэсти! Важ о царё Давидо сас куч и возможность тэ мангэлпэ. Андэ ек пэско псалом во дилабэлас лэ Иеговасти: «Мэк авэл мэрни молитва сар фимиамо, саво стердо англа тутэ» (Пс. 141:1, 2). Кала жувэлас о Давидо, и рашая использовали о фимиамо важ и служэния лэ Дэвлэсти и терэнас лэс фартэ драго (Исх. 30:34, 35). Важ када о Давидо най евья ԥэндя пала фимиамо. Во драго гиндояс, со во камэл тэ ԥэнэн пэстирэ небеснонэ Дадэсти. Канешно, амэ камас тэ терас кадя жэ, кай амарэ молитвы тэ чалён лэ Иеговасти. w22.07 20, абз. 1, 2; 21, абз. 4

Кати кай о Дэл исин право тэ рий. О Иегова на дя амэнди право тэ рисарас кодэлэсти, ко терэл амэнди вэрыто (Рим. 12:20, 21). Через пэско нэсовершэнство, амэ нэ можэм тэ розлас и дила кадя драго, сар о Дэл (Евр. 4:13). Кадяжэ через и холи, амэ дэкала гиндосарас найгодявэрнэс. Най евья о Иегова ԥэндя лэ Иаковости тэ пистрой: «Манушэстэ, саво вижал андар пэстэ, на вижала тэ авэл лашо англа Дэл» (Иак. 1:20). Амэ можэм тэ патяс, кай о Иегова обязательно стерэла вся, кай тэ авэл справедливо. Кала амэ простисарас, амэ сыкавас, кай уверени андэ лэ Иеговастири справедливость. Васо амэ трэбуй тэ домэкас, кай о Иегова тэ сындой? Важ кода кай во обязательно улэла вся о ԥаримос, саво исин лэ бэзэхэстар. Андо раё пэ ԥув о Иегова стерэла кадя, кай амэндэ будэр на лэла тэ дуқал оди кодэлэстар, со сас. Андэ Библия ԥэнэнпэ: «Кода, со сас, на лэна тэ сэрэн и када на авэла по ди» (Ис. 65:17). w22.06 10, 11, абз. 11, 12

Кала и мануша амэн вэрыцын, када доԥэнэн, кай амэ терас, сар о Иисусо, и о Иегова амэнца довольно (Матф. 5:11, 12). Амэ ӷанас, кай вся када терэл о Сатана. Но во нико против о Иисусо! Лэ Дэвлэско Шаво подритярэл амэн, и блаӷодаря кадэлэсти и лащи новость ашунэн и мануша анда разни народоря. И хоть амэ дас дума пэ разни шыба, о Иисус Христос сыкадя лэ Иоанности андэ видения, кай андэ амари время и лащи новость ашунэна всаворэ мануша, хоть вонэ и дэн дума пэ разни шыба (Св. Т. 14:6, 7). Сар када дицол андэ амарэ деса? Амэ росԥэнас пала лэ Дэвлэско Царство всаворэ манушэнди. Адес и мануша па вся и люма адинон и литература пэ амаро сайто, важ кода кай вой пэрэандярдёл май бут чем пэ 1 000 шыба. О Руководящё совето домэкля, кай и ӷлавно книӷа, па сави амэ проандярас и изучения Библии, «Жувэн вечно пэ бахтатэ!» тэ вимэкэн май бут чем пэ 700 шыба. w22.07 9, абз. 6, 7

О Иисусо анда вся оди жалуияс лэ манушэн. О апостало Матфеё пистросардя: «Кала во диқэлас бутэ манушэн, лэстэ росшындёлас оди, важ кода кай вонэ сас помардэ и росшутэ, сар бакрорэ би лэ пастухоско» (Матф. 9:36). Ай со по ди кай о Иегова? О Иисусо ԥэндя: «Мэрно небесно Дад на камэл, кай тэ хындёл хоть ек анда кадэла прости мануша» (Матф. 18:14). Кадэла алава фартэ придэн зор! Со май драго амэ уӷанас лэ Иисусос, со май фартэ амэ любисарас лэ Иеговас. Со инке тути поможыя май фартэ тэ любис лэ Иеговас и тэ барёс духовно? Проандяр время лэ ԥралэнца и лэ ԥэянца, кастэ лащи дружба лэ Иеговаса. Шув сама, савэ вонэ дэ радосни. Вонэ на жалуин пала кода, состар отԥэнделэ, кай тэ служын лэ Дэвлэсти. Манг, кай вонэ тэ росԥэнэн пала пэстири служэния лэ Иеговасти. Если тути трэбуй тэ прилэс важно ришэния, пуш лэндар совето, и на бистэр: котэ, «кай исин бут советникоря, авэла вся драго тэ вижал». w22.08 3, абз. 6, 7

Кажнонэстэ андар мэндэ можэт тэ авэл варисаво ԥаримос. Но сар амэ уӷанглям, амэ на ласа тэ пэрэандярас кадэва ԥаримос екжэнэ. Амаро любящё небесно Дад Иегова диқэл пала амэндэ. Во всегда паша амэндэ, ӷотово тэ виашунэл амарэ молитвы и тэ подритярэл амэн (Ис. 43:2). Во бут со амэнди дэл, кай амэ тэ виритярас любо ԥаримос. Важ када амэ патяс, кай када па амаро зор. Амэ можэм тэ росԥэнас лэсти, со амэндэ по ди. Амэндэ исин Библия и бут литература, ай кадяжэ любящи ԥрала и ԥэя, савэ ӷотови тэ поможын андэ любо время. Када бари бах, кай амэндэ исин кацаво любящё и заботливо небесно Дад, саво никала амэн на ашавэл! «Во радость важ амаро ди» (Пс. 33:21). Амэ сыкаваса пэстири блаӷодарность важ лэ Иеговастири любовь и забота, если ласа тэ прилас вся, со во амэнди дэл. Ай со инке трэбуй тэ терас, кай во тэ на парашэл тэ заботийпэ пала амэндэ? Важно всегда лэс тэ кандас и тэ терас кода, со правильно андэ лэстирэ яқа. Тоди о Иегова лэла тэ заботийпэ пала амэндэ вся и вечность! w22.08 13, абз. 15, 16

Бут мануша адес на ӷанэн, касти тэ доверяют. Вонэ най уверени, кай и политикоря, учони и кодэла, кастэ исин бизнэсо, па чачимастэ гиндон пала лэндэ. Кадяжэ вонэ хасардэ и доверия каринг и қандири и рашая, савэ ԥэнэн, кай жувэн и сытярэн па Библия, но пэ дила када на дицол. Важ када амэ на удивисавас, кай и мануша на допатян ла Библияти. Сар лэ Иеговастирэ служытеля, амэ уверени, кай во чачуно Дэл и всегда камэл важ амэндэ кати со май лашо (Пс. 31:5; Ис. 48:17). Амэ патяс кодэлэсти, со пистромэ андэ Библия. Амэ гиндосарас кадя жэ, сар ԥэндя ек библеисто: «Вся, со ԥэндя о Дэл, — када чачимос. Лэстирэ алава всегда исполнинпэ. Лэ Дэвлэстирэ служытеля патян кодэлэсти, со во ԥэндя, важ кода кай доверяют лэсти». w23.01 2, абз. 1, 2

Амэ дас зор лэ ԥралэнди и лэ ԥэянди, если поможысарас лэнди май фартэ тэ патян андо Иегова. Со лэнди прижалпэ тэ пэрэандярэн? Например, о родо, и однокласникоря или мануша, каса вонэ терэн бути, моӷут тэ подасанпэ лэндар. Кай авэр исин ԥаро насвалимос или фартэ ԥарэс по ди. Ай варико ужэ дэлмут фартэ аштярэл, кала жэ авэла о раё пэ ԥув. Кала исин кацавэ трудности, и вера можэт тэ ашэл май слабо. Но кацаво жэ ԥаримос сас и кай и христианоря анда пэрво вико. О апостало Павло поможыяс, кай и вера тэ авэл май састи через лэ Дэвлэско Алав. Акэ ек примеро. Можэт и христианоря анда евреёря на ӷанэнас, со тэ атветят лэ родости, савэ доԥэнэнас, кай о иудаизмо май фэдэр, чем и христианско вера. Важ када лэ Павлоско письмо фартэ придя лэнди зор (Евр. 1:5, 6; 2:2, 3; 9:24, 25). Акана лэндэ сас, со тэ ԥэнэн кодэлэ манушэнди, савэ тасавэнас пэр лэндэ. w22.08 23, 24, абз. 12—14

Андэ кадэя люма и мануша на ӷанэн, касти тэ доверяют. И барвалэ мануша, и политикоря и рашая андярэн пэс кадя, кай о миро хасарэл о патяимос лэнди. Кадяжэ лэ манушэнди найвушэро тэ допатян пэстирэ друӷонэнди, лэ сосидонэнди и дажэ лэ ерести. Но амэ на удивисавас кадэлэсти. Андэ Библия дэлмут сас пистромэ: «Андэ послидни деса авэла фартэ ԥари время. И мануша... на лэна тэ зритярэн пэстирэ алава... лэна тэ андярэн хохавни дума... лэна тэ придэн». Аврэ алавэнца и мануша андярэн пэс точно кадя жэ, сар о Сатана, «кадэла люмако дэл», савэсти амэ нащи тэ доверяем (2 Тим. 3:1—4; 2 Кор. 4:4). Но амэ христианоря, и амэ ӷанас, кай можэм андэ вся тэ доверяем лэ Иеговасти. Амэ уверени, кай во амэн любий и никала на ашавэла пэстирэ друӷонэн (Пс. 9:10). Кадяжэ о Иисусо затердя амари доверия, важ кода кай отдя пэстири жызня пала амэндэ (1 Пёт. 3:18). Ай инке амэ андэ пэстири жызня полям, кай и советоря анда Библия анэн лашымос (2 Тим. 3:16, 17). w22.09 2, абз. 1, 2

И чачуни бах — када най просто радость андо ди, сави можэт адес тэ авэл, ай тэся тэ на авэл. О мануш можэт тэ авэл бахтало вся и жызня. О Иисусо андэ пэстири ашунгли дума ԥэндя: «Бахтало кодэва, ко старыийпэ тэ ашэл май пашэ каринг о Дэл» (Матф. 5:3). Со сыкавэн лэ Иисусостирэ алава «тэ ашэл май пашэ каринг о Дэл»? Во ӷанэнас, кай и мануша сас создани кадя, кай лэндэ тэ авэл бари жэлания тэ уӷанэн лэ Создателёс, лэ Иеговас, и тэ тэлён лэсти. О Иегова — «бахтало Дэл», и кодэла, ко лэсти служын, тожэ моӷут тэ авэн бахталэ (1 Тим. 1:11). Трэбуй амэндэ тэ авэл идеально жызня, кай тэ авас бахталэ? Па чачимастэ най! Андэ пэстири ашунгли дума о Иисусо ԥэндя: «Бахтало кодэва, касти ԥарэс по ди». Када сыкавэл, кай о мануш можэт тэ авэл бахтало, дажэ если лэсти ԥарэс. Кадяжэ о Иисусо ԥэндя, кай «бахтало кодэва, кас ӷонин важ и правильно дила» (Матф. 5:4, 10, 11). О Иисусо сытярэлас, кай о мануш можэт тэ авэл бахтало най кодэлэстар, кай лэстэ идеально жызня, ай кай во старыийпэ тэ авэл май пашэ каринг о Дэл (Иак. 4:8). w22.10 6, абз. 1—3

И понимания поможый тути тэ ӷанэс, кай «исин время тэ ашэс мулком, ай исин время тэ дэс дума» (Эккл. 3:7). Кай бут народоря исин кацави поговорка: «Кала о мануш дэл дума — када сар о руп, ай кала ашэл мулком — када сар о сомнак». Подам дума пала ек опытно старейшына. Лэс часто ақарэн андэ авэр собрании, кай во тэ поможый тэ розлэнпэ андэ серьёзни вопросоря. Шон сама, со ԥэнэн ек ԥрал, саво служый лэса андэ ек совето старейшын: «Во никала на росԥэнэн и конфиденцыально инфармацыя пала авэр собрании». Блаӷодаря кадэлэсти кадэва старейшына затердя патив аврэ старейшынонэндар андэ пэстири собрания. Вонэ уверени, кай во никала на росԥэнэна аврэнди пала вопросоря, савэ вонэ лэса розлэн. Кай амэнди тэ доверяют, кадяжэ трэбуй и чесность. Амэ патяс кодэлэ манушэсти, саво никала на хохавэл и ԥэнэн ек о чачимос (Эф. 4:25; Евр. 13:18). w22.09 12, абз. 14, 15

Бут мануша отԥэндён тэ приашундён, кала «и чачуни мудрость ӷромко дэл дума пэ вулица» (Прит. 1:20). Сар ԥэнэнпэ андэ Библия, исин трин ӷрупы манушэн, савэ на прилэн лэ Дэвлэстири мудрость: када кодэла, ко «патял всаворэсти», ко «любий тэ приасалпэ» и «найгодявэрнэ» (Прит. 1:22—25). Кодэлэн, «ко патял всаворэсти», можно вушэро тэ обхохавэн (Прит. 14:15). Например, и рашая и политикоря часто ԥэнэн хохаимос, и милионоря мануша патян кадэлэсти. Кала вонэ полэн, кай лэн хохадэ, вонэ лэнпэ шэрэстар и на полэн васо кадя. Но и мануша анда Притчи 1:22, савэ патян всаворэсти, екжэнэ витидэ тэ андярэн пэс кадя, важ кода кай лэнди када чалёл (Иер. 5:31). Вонэ на камэн тэ розлэнпэ, сости сытярэл и Библия и тэ жувэн па лэ Дэвлэстирэ законоря. Давайте тэ терас вся, кай тэ на патяс всаворэсти кадя, сар вонэ! (Прит. 1:32; 27:12). w22.10 19, абз. 5—7

Лэ Иеговастири арӷанизацыя дэл амэнди указании, кай тэ фэрий амари жызня. Амэнди вся и время ԥэнэн, кай лэ барэдэрэ ԥралэндэ трэбуй тэ авэл амаро номеро. Если варисо терэлапэ котэ, кай амэ жувас, вонэ смоӷут тэ позвонин амэнди. Кадяжэ амэнди моӷут тэ ԥэнэн тэ на вижас анда цэр или наоборот, тэ уладастар анда форо. Инке амэнди моӷут тэ дэн инфармацыя, кай тэ получисарас и помощь, ай кадяжэ, сар и кала тэ поможысарас аврэнди. Если амэ на ласа тэ кандас, амэ дажэ можэм тэ хасарас пэстири жызня. Или и барэдэр ԥрала через амэндэ моӷут тэ пострадают (Евр. 13:17). Бутэ ԥралэнди и ԥэянди прижыляпэ тэ ашавэн пэско цэр через и природно бида или беспорядкоря андэ страна. Вонэ присытелэ тэ жувэн по нэво ҭан и линэ май бут тэ служын лэ Иеговасти. Кадэла ԥрала и ԥэя терэн кадя жэ, сар и христианоря андо пэрво вико. Кала лэн преследовали, лэнди прижыляпэ тэ нашэн андэ разни ҭана, но вонэ на парашэлэ тэ росԥэнэн и лащи новость (Дила 8:4). Кала амэ служысарас лэ Иеговасти, амэ гиндосарас пала лэ Дэвлэско Царство, ай най пала пэстирэ проблемы. Важ када кацавэ ԥралэндэ и ԥэяндэ исин радость и спокойство по ди. w22.12 19, абз. 12, 13

О Иегова цэнуий кажнонэс андар мэндэ. Кала о Иисусо бишалэлас лэ учениконэн тэ росԥэнэн пала Дэл, во поможысардя лэнди тэ на даран лэ манушэндар, савэ лэна лэн тэ ӷонин (Матф. 10:29—31). Сар во када стердя? Во шутя лэндири сама пэ птичка — по воробушко. Кадэлэ чириклёран драго ӷанэнас андо Израилё. Андэ лэ Иисусостирэ деса кацави птичка почти нисо на ашэлас. Но о Иисусо ԥэндя пэстирэ учениконэнди: «Ни ек андар лэндэ на пэрэла пэ ԥув, кай тэ на ӷанэн тумаро Дад». Ай тоди во инке ԥэндя: «Во цэний тумэн май фартэ, чем бутэ чириклян». Кадя о Иисусо сыкадя лэ учениконэнди, кай о Иегова ценуий кажнонэс андар лэндэ. Важ када лэнди на трэбуй тэ даран, если лэн ӷонина важ и вера. Кала лэ Иисусостирэ ученикоря росԥэнэнас важ о Дэл па фороря и па гава, вонэ диқэнас кадэлэ птичкэн и вспоминали лэ Иисусостирэ алава. Кала ту диқэс цынёне птичкэн, сэр, кай о Иегова цэний лично тут. Ту май куч, чем бут чириклёра. Лэ Дэвлэса ту можэш тэ на дарас, кала авэр жан против тутэ. w23.03 18, абз. 12

Дэкала амэндэ андэ жызня появинпэ барэ проблемы. Например, о родо тасавэл пар мэндэ или амэ хасардям и бути. Кала амэнди ԥарэс долӷо время, амэ можэм тэ умэкас и вас и тэ на ӷанас, со тэ терас. Андэ кацави ситуацыя о Сатана лэла тэ старыийпэ тэ зашол амэнди гиндоря, кай о Иегова амэн на любий. Во камэл, кай амэ тэ патяс, кай андо амаро ԥаримос дошало о Иегова и лэстири арӷанизацыя. Кацаво сас андэ жызня кай дэсавэ израильтяноря андо Египто. Спэрва вонэ патяе, кай о Иегова бишалдя лэ Моисеёс и лэ Ааронос тэ виандярэл лэн анда рабство (Исх. 4:29—31). Но потом, кала о фараоно стердя, кай лэндири жызня тэ ашэл инке май ԥари, вонэ дошалярдэ андэ вся лэ Моисеёс и лэ Ааронос (Исх. 5:19, 20). Баро дело! Вонэ дошалярдэ лэ манушэн, савэ сас предани лэ Дэвлэсти! Если тумэнди ԥарэс ужэ долӷо время, росԥэнэн лэ Иеговасти вся, со тумэндэ по ди, и мэк во тумэн подритярэл. w22.11 15, абз. 5, 6

О Иегова — кодэва, кастар жал и жызня, и лэстэ исин зор тэ воскресий лэ манушэн. Еқвар о Иегова дя пэско зор лэ Ильясти, кай во тэ рий каринг и жызня ла ԥивлятирэ шавэс анда Сарепта (1 Цар. 17:21—23). Потом ек манушни, сави сас шунамитянка, мангля лэ Елисеёс, кай во тэ воскресий латирэ шавэс (2 Цар. 4:18—20, 34—37). Када драго сыкавэл, кай лэ Иеговастэ исин баро зор тэ рий лэ манушэн каринг и жызня. Во кадяжэ дя пэско зор лэ Иисусости, кала во сас пэ ԥув (Иоан. 11:23—25, 43, 44). Акана о Иисусо по нэбо и лэстэ «вся и власть по нэбо и пэ ԥув». Важ када во сможэт тэ зритярэл пэско алав, кай «всаворэ, ко мулинэ... ущена». Кай и мануша авэла возможность будэр никала тэ на мэрэн (Матф. 28:18; Иоан. 5:26—29). w22.12 5, абз. 10

Кала вонэ отԥэндёнас тэ ашунэн лэ пророкос, вонэ отԥэндёнас лэ Иеговастар. Кода, со ԥэндя о Иегова, подритярдя лэ Иезекиилёс. Хоть и мануша на ашунэнас лэс, када на сыкавэлас, кай во найлашо пророко. Кадяжэ о Иегова ԥэндя лэсти, кай кала лэстирэ алава исполнинапэ, и мануша «лэна тэ ӷанэн, кай машкар лэндэ сас пророко» (Иез. 2:5; 33:33). Канешно, кадэла гиндоря подритярэнас лэ Иезекиилёс и придэнас лэсти зор тэ терэл лэ Иеговастири дила. Амэ ӷанас, кай амэн бишалдя о Иегова, и када придэл амэнди зор (Ис. 43:10). О Иегова ԥэнэн, кай амэ лэстирэ свидетеля. Сави дэ бари честь! Кадя жэ сар о Иегова ԥэндя лэ Иезекиилёсти: «На дара», во ԥэнэн и амэнди: «На даран» (Иез. 2:6). Васо амэ можэм тэ на дарас, кала амэн преследуют? Важ кода кай амэн, сар лэ Иезекиилёс, бишалдя о Иегова, и во амэн подритярэл (Ис. 44:8). w22.11 3, 4, абз. 4, 5

Амэнди фартэ куч и старейшыноря и помошникоря андэ собрания, савэнди амэ можэм доверять. Амэнди фартэ приятно, кай кадэла надёжни ԥрала драго заботинпэ пала амэндэ. Амэ кадя блаӷодарни лэ Иеговасти важ лэндэ! Ай со можно тэ ԥэнас пала амэндэ? Сар амэ можэм тэ сыкавас, кай амэнди можно доверять? Амэ любисарас лэ ԥралэн и лэ ԥэян, и амэнди най всаек, сар лэндэ и дила. Но андэ кодэя жэ время амэ на ӷуляс андэ лэндири лично жызня. О апостало Павло пистросардя, кай андэ христианско собрания андо пэрво вико, сас кацавэ ԥрала и ԥэя, савэ «андярэн сплетни, ӷулен най андэ пэстири дила и дэн дума кода, со на трэбуй» (1 Тим. 5:13). Канешно, амэ на камлоп, кай амэндэ тэ авэл кацави жэ репутацыя. Но со, если варико росԥэнэн амэнди варисо лично и мангэл, кай амэ када никасти тэ на ԥэнас? Прецтавим, кай ек ԥэй росԥэнэн пала пэстири проблема лэ зорэса или пала авэр трудности и мангэл, кай када тэ ашэлпэ машкар амэндэ. Трэбуй тэ терас кадя, сар вой мангэл. w22.09 10, абз. 7, 8

Со трэбуй тэ терас, кай тэ сытярас пэстири годи или, аврэ алавэнца, тэ парувас и гиндоря? На хутила просто тэ стерас ек дуй лащи дила, кай тэ ашас май лашэ. Амэ трэбуй всегда тэ слидосарас, саво амэндэ ди, и тэ парудювас андрал, кай тэ жувас кадя, сар камэл о Иегова. Кала амэ ашаса совершэни, вся, со амэ ласа тэ терас, чалёла лэ Иеговасти. Но акана амэнди трэбуй тэ пристас бут зор, кай о Иегова тэ авэл амэнца довольно. Андэ Римлянам 12:2 о апостало Павло ԥэнэн, кай амэндэ на вижала тэ сытярас пэстири годи, если амэ на полас, со ужал андэ лэ Дэвлэстири воля. Амэ на камас тэ домэкас, кай пар мэндэ тэ влияет кадэва миро. Вместо када, амэнди трэбуй тэ проверим пэстирэ цэли и ришэнии, кай тэ диқас, пэскати амэ пэрэлям лэ Дэвлэстирэ гиндоря. w23.01 8, 9, абз. 3, 4

Влияет о Иегова пэ кажно амари ситуацыя? Чаче, кала андэ жызня варисо найдраго, када терэлпэ най евья? Най, и Библия кадэлэсти на сытярэл (Эккл. 8:9; 9:11). Но амэ точно ӷанас, кай кала амэндэ исин ԥаримос, о Иегова када диқэл и ашунэл, кала амэ взвисавас лэстэ пала помощь (Пс. 34:15; Ис. 59:1). Ай инке о Иегова можэт тэ дэл зор, кай амэндэ драго тэ вижал тэ виритярас о ԥаримос. Сар о Иегова поможый амэнди? Например, во подритярэл амэн и дэл зор имено тоди, кала када трэбуй (2 Кор. 1:3, 4). Ай ту сэрэс, сар о Иегова подритярдя лично тут, кала када сас фартэ трэбуй? Дэкала кати тоди, кала о ԥаримос ужэ прожыля, и амэ вспоминаем, сар амэ лэс пэрэжудям, амэ полас, сар о Иегова поможыяс амэнди. w23.01 17, 18, абз. 13—15

Кадэва зверё фартэ шолпэ по зверё, савэстэ сем шэрэ, но кати кадэва зверё лоло. Пэр лэстэ ԥэнэн, кай во — «и изображэния лэ зверёстири [савэстэ семь шэрэ]», ай кадяжэ «восьмо царё» (Св. Т. 13:14, 15; 17:3, 8). Кадэва царё «сас, и нинай лэс, но ӥто во ваздэлапэ анда бездна». Када драго поджал каринг и ООН. Андэ кадэя арӷанизацыя стидэпэ и политикоря анда разни страны, кай тэ ришын и проблемы, савэ исин андо миро. Спэрва пэр латэ ԥэнэнас и Лига Нацый. Но потом андэ Дуйто мирово война ла на ашэля. Ай сар прожыля время, вой упалэ появисайля, и акана пэр латэ ԥэнэн ООН. Кадэла зверёря, или правительства, подмарэна лэ манушэн, кай вонэ тэ жан против о Иегова и против лэско народо. О Иоано ԥэндя, кай вонэ «вижан каринг и царёря всаворя ԥувьятирэ, кай тэ стидэн лэн пэ война [Армагидоно], сави авэла андо баро дес лэ Всемоӷущёнэ Дэвлэско» (Св. Т. 16:13, 14, 16). w22.05 10, абз. 10, 11

Кала о Иисусо ужэ моӷ тэ адиной и Писания екжэно, во най кати драго уӷангля ла, но и полюбисардя ла и ля тэ жувэл кадя, сар котэ пистромэ. Например, сэрэн о случаё, кала лэ Иисусости сас 12 бэрш и во ашэляпэ андо храмо? И законикоря «удивинаспэ кодэлэсти, савэ атветоря во дэлас и сар дэ драго во вся полэлас» (Лука 2:46, 47, 52). Амэ тожэ сможэм тэ уӷанас и тэ полюбисарас и Библия, если ласа часто ла тэ адиносарас. Амэ можэм бутэсти тэ сытювас анда кода, со о Иисусо ԥэндя важ и законикоря, фарисеёря, садукеёря и авэр мануша, савэ драго ӷанэнас лэ Маисеёско законо. Вонэ часто адинонас и Писания, но нисости на сытёнас. О Иисусо ԥэндя пала трин маменторя, пэ савэ лэнди трэбуй сас тэ шон сама. Када поможыя и амэнди. Если амэ ласа тэ приашундювас каринг лэндэ, тоди: 1) ласа инке май драго тэ полас кода, со адиносарас, 2) сытюваса тэ арақас инке май бут сомнак анда Библия и 3) домэкаса, кай и Свынто Писания инке май фартэ тэ влияет пар мэндэ. w23.02 8, 9, абз. 2, 3

Акэ кати дэсо, через со амэ можэм тэ попэрас андэ бида: када кала и яқа цэлэн андо чикат, черезчур бут хас или пас, ԥэнас найлашэ алава пэ авэр, витидас и развличении, андэ савэ исин жэстокость, диқас о билажавардимос и инке авэр кацави жэ дила (Пс. 101:3). Кадэлэстар трэбуй тэ фэрисавас. О Сатана вся и время старыийпэ тэ дурярэл амэн лэ Иеговастар (1 Пёт. 5:8). Если амэ на аваса осторожни, во сможэт тэ повлияет пэ амари годи и тэ стерэл, кай амаро ди тэ цырдэлпэ, кай тэ завидуисарас, тэ прихохавас, тэ авас жадни, тэ холявас, тэ заваздас о шэро и ӥто тэ обижаемся (Гал. 5:19—21). Если амэ сразу на уласа лэн, тоди вонэ лэна тэ хулаин амэнца, и амэ попэраса андэ бида (Иак. 1:14, 15). Инке ек опасность, сави сразу на дицол и савятар трэбуй тэ фэрисавас, — када и дружба кодэлэнца, ко на служый лэ Иеговасти. Нащи тэ бистрас, кай кодэла, каса амэ проандярас и время, фартэ влияют пар мэндэ (1 Кор. 15:33). Сар дэ важно тэ диқас пала пэстэ! Тоди амэ на ласа тэ дас дума май бут, чем трэбуй, кодэлэнца, ко на жувэл кадя, сар чалёл лэ Иеговасти (Лука 21:34; 2 Кор. 6:15). Амэ додиқаса и опасность и ласа латар тэ фэрисавас. w23.02 16, абз. 7; 17, абз. 10, 11

Со май бут ту уӷанэс пала Иегова, со май фартэ лэс тэ любис лэс. И канешно, ту камэс тэ авэс май пашэ каринг лэстэ акана и вся и вечность. Када па тиро зор! О Иегова, важ кода кай любий амэн, ԥэнэн амэнди, кай амэ лэс тэ радосарас (Прит. 23:15, 16). Ту можэш када тэ сыкавэс най кати алавэнца, но и пэ дила. Пэстиря жызняса ту сыкавэса, кай па чачимастэ любис лэ Иеговас. Тэ радуис лэ Дэвлэс — када само ӷлавно каринг со трэбуй тэ цырдэлпэ лэ манушэско ди. Сар ту можэш тэ сыкавэс лэ Иеговасти пэстири любовь? (Пс. 40:8). Пэрво, ту трэбуй тэ обратиспэ каринг лэстэ андэ особено молитва и тэ дэс алав тэ жувэс важ лэстэ. Дуйто, трэбуй тэ болдёс, кадэлэса ту сыкавэса англа всаворэ, кай дян алав лэ Дэвлэсти. Када авэла бахтали и важно события, сави парувэла тири жызня. Ту лэса тэ жувэс нэвя жызняса, най важ пэстэ, ай важ о Иегова (Рим. 14:8; 1 Пёт. 4:1, 2). Можэт тэ здэлпэ, кай тэ витидэс кадэва дром, када фартэ серьёзно ришэния, и чаче кадя и исин. Но и крещения ԥэрнавэл и двэри каринг и бахтали жызня. w23.03 5, 6, абз. 14, 15