Июлё

Амаро любящё Дэл дя амэнди райкано подарко — амари дума. Но кадэва подарко линэ тэ используют нэправильно. О Сатана обхохадя ла Ева, и через када всаворэ мануша ашэлэ нэсовершэни (Быт. 3:1—4). О Адамо пэстиря шыбаса дошалярдя ла Ева и дажэ лэ Иеговас пала пэстирэ ошыбки (Быт. 3:12). О Каино ԥэндя хохаимос лэ Иеговасти, кала умардя пэстирэ ԥралэс лэ Авелёс (Быт. 4:9). Ай сави ситуацыя адес? Амэ диқас, кай и барэ мануша андэ политика на лажан тэ страминпэ англа миро. Фартэ найвушэро тэ виарақас хоть ек кино, андэ саво нинай акушимос. И бэяцэ ашунэн кацави дума андэ школа, ай и взросли – пэ бути. Если тэ на авас осторожни, амэ можэм кадя тэ присытювас каринг и найлашэ алава, кай екжэнэ ласа лэн тэ используем. Сар христианоря, амэ на трэбуй тэ домэкас, кай кацавэ алава тэ зажан андэ амари дума. Амэ камас тэ радосарас амарэ небеснонэ Дадэс, лэ Иеговас. Важ када, кай тэ прославляем лэс, фартэ важно правильно тэ используем лэско подарко — и дума. w22.04 4, 5, абз. 1—3

О Иисусо правильно диқэлас пэ ловэ. Например, лэсти чалёлас лашо хамос и пимос (Лука 19:2, 6, 7). Еқвар во стердя анда паи лашо вино (Иоан. 2:10, 11). Када сас лэстири пэрво чуда. Ай андо дес, кала о Иисусо муля, пэр лэстэ сас кучутни ӥда (Иоан. 19:23, 24). Но всаек и ловэ на сас со май ӷлавно андэ лэстири жызня. О Иисусо сытярэлас, кай если андэ амари жызня лэ Дэвлэско Царство авэла по пэрво ҭан, тоди о Иегова позаботияпэ, кай амэндэ тэ авэл вся, со трэбуй (Матф. 6:31—33). И принцыпоря анда Библия поможысардэ бутэнди. Акэ ек примеро. Ек нэжэнато ԥрал, савэс ақарэн Дэниело, ԥэнэн: «Инке кала мы сымас подростко, мэ ришыл, кай и служэния авэла важ мандэ со май ӷлавно всаворэстар». О Дэниело андярэлас просто жызня, важ када во смоӷ бут со тэ терэл важ о Иегова и дажэ тэ служый андо Вефилё. Во ԥэнэн: «О Иегова дя манди кацавэ блаӷословении, савэ на сыстоса нисавэ ловэнца». Драго дицол, кай ӷлавно андэ жызня трэбуй тэ авэл и дружба лэ Дэвлэса, ай най и ловэ». w22.05 21, 22, абз. 6, 7

Если амэ любисарас и истина, амэ ласа вся и время тэ изучаем и Библия и амари литература. Дажэ если амэ андэ истина ужэ бут бэрша, амэ всаек можэм тэ уӷанас варисо нэво. Изучения — када найвушэро дила, но тэ терэс ла ашэл. Най всаворэ любин тэ адинон и тэ изучают. Но о Иегова камэл, кай амэ тэ родас и тэ виарақас. Аврэ алавэнца, кай амэ тэ пристас вся пэско зор, кай май драго тэ полас о чачимос анда Библия (Прит. 2:4—6). Када анэн бут лашымос! Кала амаро ԥрал Кори проандярэл и лично изучения, во розлэл кати ек стихо. Во росԥэнэн: «Мэ продиқав всаворэ сноски и перекрёсни ссылки и старысавав май бут тэ уӷанав, со пала кадэва стихо ԥэнэнпэ андэ амарэ публикацыи. Блаӷодаря кадэлэсти мэ моӷу фартэ бут тэ уӷанав!» Амэ можэм тэ сыкавас, кай цэнисарас и истина, если кадя жэ ласа тэ витидас май бут время важ пэстири лично изучения (Пс. 1:1—3). w22.08 17, абз. 13; 18, 19, абз. 15, 16

Кала о Иисусо жувэлас пэ ԥув, во шолас лэ учениконэндири сама пэ тварении. Кадэлэса во сытярэлас лэн и росԥэнэнас пала пэско Дад. Диқаса, сости во лэн сытярэлас. О Иегова любий всаворэ манушэн. О Иисусо андэ пэстири ашунгли дума по плай шутя лэ учениконэндири сама пэ дуй маменторя андэ природа, — када о свето лэ қамэстар и о брышын (Матф. 5:43—45). Хоть бут мануша прилэн када, сар кабута кадя и трэбуй тэ авэл, но па чачимастэ када нэобходимо важ и жызня. О Иегова моӷ бы тэ залэл када кодэлэндар, ко на служый лэсти, но во кадя на терэл. Во дэл лэ қамэско свето и о брышын всаворэнди. Кадэлэса о Иисусо сыкадя важно гиндо. О Иегова камэл, кай амэ тэ любисарас кажнонэ манушэс. Кала амэ диқас по шукарно закато и сар жал о брышындоро, амэ можэм тэ розмышляем, кай о Иегова любий всаворэ манушэн. Лэско примеро можэт тэ побудий амэн тэ обжаспэ всаворэнца кадя жэ, сар и во, и тэ на витидас, касти тэ проповедуем. w23.03 17, абз. 9, 10

Сости удивисайля о апостало Иоано? Во додиқля «ла жувля, сави бэшэл по лоло зверё». Пэ кадэя «роспутно манушни» ԥэнэн «о Вавилоно Велико». «Ласа терэнас билажавардимос ла ԥувьятирэ царёря» (Св. Т. 17:1—5). Со када о Вавилоно Велико? Кадэя «роспутно манушни» терэлас билажавардимос лэ барэдэрэнца андэ политика (Св. Т. 18:9). Вой бэшэлас пэ кадэва зверё и, ԥэнэса, ритярэлас лэс андэ вас, или управляла лэса. Вижал, вой нэ можэт тэ сыкавэл и политика. Кадяжэ вой нэ можэт тэ сыкавэл и жадни комерчески арӷанизацыи, важ кода кай андэ Свынто тайна пэр лэндэ ԥэнэнпэ, кай вонэ — «ла ԥувьятирэ торӷовцоря» (Св. Т. 18:11, 15, 16). Андо Древнё Вавилоно тэлёнас лэ хохавнэ дэвлэнди, важ када о Вавилоно Велико сыкавэл вся, со ужал андэ хохавнэ веры. Вижал, кадэя «роспутно манушни» — када всаворэ хохавнэ веры, савэ исин пэ люма (Св. Т. 17:5, 18). w22.05 11, абз. 14—16

Кажно дэй пэрэжывает, авэна латирэ бэяцэ тэ служын лэ Иеговасти, чи най. И родителя ӷанэн, скати опасности исин андэ лэ Сатанастири люма. Кадяжэ бутэ ԥэянди найвушэро тэ барярэн пэстирэ бэятонэн, важ кода кай лэнго хулай на патял андо Иегова или лэс вобще нинай. Кацавэ жэ трудности моӷут тэ авэн дажэ и кай кодэла еря, кай лэдуй родителя служын лэ Иеговасти. Дэкала найвушэро тэ поможын лэ бэятонэнди, кай вонэ всаворэ одеса тэ полюбин лэ Иеговас. Если и тутэ кацаво андо ери, нэ пэрэжывай, о Иегова дэла тути зор! Васо бы тэ на пушэс кай авэр родителя, со вонэ терэн, кай и семейно изучения тэ прожал май интересно? (Прит. 11:14). Мангпэ, кай о Иегова тэ дэл тути тэ полэс, со андо ди кай тиро бэято и пала со во гиндой (Прит. 20:5). w22.04 17, абз. 4, 7; 18, абз. 9

Амари любовь каринг о Иегова барёл, кала амэ уӷанас пала лэско Шаво, саво андэ вся андярэлас пэс кадя жэ, сар лэско Дад (Евр. 1:3). Сар амэ можэм тэ уӷанас пала Иисусо? Например, если ласа тэ розмышляем пала лэстири жызня, пала сави росԥэнэнпэ андэ штар Евангелии. Если тутэ инке нинай привычка тэ адинос и Библия кажно дес, васо бы ужэ адес тэ на лэс када тэ терэс? Кала ту лэса тэ адинос пала Иисусо, шув сама пэ лэстирэ качестворя. Каринг лэстэ сас вушэро тэ обратиспэ. Во облэлас лэ бэятонэн и лэлас лэн пэ вас (Мар. 10:13—16). Лэстирэ ученикоря моӷли свободно тэ росԥэнэн лэсти пэско гиндо (Матф. 16:22). Андэ када о Иисусо шолпэ пэ пэско небесно Дад. Каринг о Иегова кадяжэ вушэро тэ обратиспэ: во внимательно ашунэн амарэ молитвы. Амэ можэм пала вся тэ росԥэнас лэсти и ӷанас, кай во амэн на сындоя, важ кода кай фартэ любий амэн и заботийпэ пала амэндэ (1 Пёт. 5:7). w22.08 3, абз. 4, 5

Сар амаро Создателё, о Иегова ӷанэн пала амэндэ вся. Кати погиндон, пэскати дэ драго о Дэл ӷанэн кажнонэ манушэс! (Пс. 139:15—17). Во диқэл всаворэ нэдостаткоря, савэ пэрэдинэпэ амэнди лэ родителёнэндар через о нэсовершэнство. Кадяжэ во ӷанэн, со повлияло пэ амари жызня и васо амэ кацавэ. Со блаӷодаря кадэлэсти о Иегова камэл тэ терэл? Во камэл тэ жалуий амэн анда вся оди (Пс. 78:39; 103:13, 14). О Иегова сыкадя, кай камэл тэ простий. Во полэл, кай через о пэрво мануш, о Адамо, всаворэ амэ ашэлям ӷрешни (Рим. 5:12). Най па амаро зор тэ улас о бэзэх и смэрть (Пс. 49:7—9). Но о Дэл амэн фартэ любий и жалуий, и во позаботисайля, кай тэ спасый амэн. Андэ Иоано 3:16 ԥэнэнпэ, кай о Иегова «отдя [пала амэндэ] пэстирэ Шавэс, саво лэстэ ек кацаво» (Матф. 20:28; Рим. 5:19). w22.06 3, абз. 5, 6

Кала о Иегова дэлас дума лэ Иовоса, во сыкадя, кай, если амэ простисарас аврэн, во лэла тэ простий амэн. Кай кадэва праведно мануш фартэ дуқалас оди через и алава, савэ ԥэндэ о Элифазо, о Билдадо и о Цофаро. Но о Иегова ԥэндя лэ Иовости тэ мангэлпэ пала лэндэ. О Иово кадя и стердя, и о Дэл дя лэсти бут лашымос (Иов 42:8—10). Кала ритярас и холи, амэ терас вэрыто корко пэсти. И холи можэт тэ авэл сар бар по ди, ай о Иегова камэл, кай амаро ди тэ лошавэл (Эф. 4:31, 32). Андэ Библия ԥэнэнпэ: «Параш тэ холявэс и тэ вижас андар пэстэ» (Пс. 37:8). Када фартэ годявэрнэс, чаче ш? Если амэ на отшас пэстар и холи, кадэлэстар римойпэ амаро зор и ашэл найдраго по ди (Прит. 14:30). Тэ холявэс пэ варикастэ — када всаек, со тэ пэс о ядо и тэ надеиспэ, кай вэрыто авэла кодэлэсти, ко тут обидел. Вижал, кала амэ простисарас аврэн, када анэн амэнди кати о лашымос. Амэнди ашэл май вушэро по ди, и амэн нисо на лэла тэ тердярэл андэ служэния лэ Иеговасти. w22.06 10, абз. 9, 10

Амари надежда важ амэндэ, сар о шлемо, саво фэрий амари годи, кай амэ тэ на гиндосарас кати пала пэстэ и тэ на римосарас пэстири дружба лэ Иеговаса (1 Кор. 15:33, 34). И надежда, сар о шлемо, фэрий амари годи кацавэ гиндонэндар: бесполезно варисо тэ терас, кай тэ уӷодисарас лэ Иеговасти. Сэрэн и алава, савэ ԥэндя о Элифазо лэ Иовости: «Сар о смертно мануш можэт тэ авэл вужо?» Кадяжэ во ԥэндя пала Дэл: «Во и пэстирэ свынтонэ анӷелонэнди на патял. И дажэ о нэбо найвужо андэ лэстирэ яқа» (Иов 15:14, 15). Но када хохаимос. На бистрэн: кадэла гиндоря лэ Сатанастар. Во ӷанэн, кай если тумэ лэна кадя тэ гиндон, тумэ хасарэна пэстири надежда. Важ када отшон кадэва хохаимос. Патян: тумаро небесно Дад камэл, кай тумэ тэ жувэн вечно, и во поможыя тумэнди андэ када (1 Тим. 2:3, 4). w22.10 25, 26, абз. 8—10

О Сатана камэлас, кай о Иово тэ патял, кай о Дэл лэса нэдовольно и кай када во дошало андэ лэстири бида. Например, о Сатана использовал бари балвал, кай тэ зындярэл о цэр, андэ саво сас всаворэ дэш лэ Иовостирэ бэяцэ (Иов 1:18, 19). Кадяжэ во бишалдя па нэбо и яг, кай тэ сԥабарэл лэ Иовостирэ стадоря и лэстирэ слуӷонэн, савэ диқэнас пала лэндэ (Иов 1:16). О Иово моӷ тэ гиндой: «Если и балвал и яг сжанас па нэбо, значит, када сас лэ Дэвлэстар. Вижал, мэ варисоса холярдэм лэ Иеговас?» Но всаек, о Иово на ля тэ дэл амрая пэстирэ небеснонэ Дадэс. Во прижанэлас, кай важ кадэла бэрша о Иегова дя лэсти фартэ бут лашымос. О Иово авеля каринг кацаво гиндо, кай лэ Дэвлэстар трэбуй тэ прилэл и о лашымос, и о найлашымос. Во ԥэндя: «Мэк славийпэ лэ Иеговаско алав» (Иов 1:20, 21). w22.06 21, абз. 7

Через дэсавэ деса посли кода, сар о Иисусо ԥэндя и алава анда адесутно стихо, во инке еқварэс ԥэндя пала када пэстирэ учениконэнди (Иоан. 17:14). Амэ всаворэ диқас, сар исполнийпэ кадэва пророчество, особено важ кадэла 100 лет. Ӥто посли кода, сар о Иисусо ашэля Царёса андо 1914 бэрш, во сшутя лэ Сатанас пэ ԥув. Акана лэ Дэвлэско вороӷо нэ можэт тэ авэл по нэбо и аштярэл, пока лэс уничтожат (Св. Т. 12:9, 12). Но во на бэшэл би дилако. О Сатана вишол пэстири холи по лэ Дэвлэско народо (Св. Т. 12:13, 17). Акэ васо о миро кадя вэрыцый лэ Иеговастирэ служытелёнэн. И всаек амэ на трэбуй тэ дарас лэ Сатанастар и кодэлэндар, ко лэс подритярэл. Амэ кадя жэ, сар о апостало Павло, уверени: «Кала о Дэл амэнца, тоди, ко авэла против амэндэ?» (Рим. 8:31). Амэ можэм андэ вся тэ доверяем лэ Иеговасти. w22.07 18, абз. 14, 15

О Иисусо нэ пэрэжывал, кай андэ послиднё время на лэла тэ хутилэл лэ манушэн, савэ авэна тэ терэн кадэя дила. Во ӷанэнас, кай исполнияпэ о пророчество, саво ԥэндя о псалмопевцо: «Тиро народо анда оди жала, кала ту жаса войнаса» (Пс. 110:3). Если ту росԥэнэс и лащи новость пала лэ Дэвлэско Царство, ту подритярэс лэ Иисусос и лэ кандинэ рабос, ай инке терэс кадя, сар пистромэ андэ кадэва пророчество. Нико нэ можэт тэ тердярэл кадэя дила, но всаек исин дэсавэ трудности. Ек анда трудности — када преследовании. И отступникоря, и рашая и мануша анда политика ԥэнэн пала амэндэ бут хохаимос. Если амаро родо, кодэла, каса амэ терас бути, и авэр мануша патяна кадэлэ хохаимасти, тоди вонэ моӷут тэ тасавэн пар мэндэ, кай амэ тэ ашавас лэ Иеговас и тэ парашас тэ проповедуем. Андэ дэсавэ страны лэ Иеговастирэ свидетелёнэнди уӷрожают, залэн андэ ваздии и дажэ бэшарэн андо баруно. w22.07 8, абз. 1; 9, абз. 5, 6

О Иегова камэл, кай амэ тэ на промэкас тэ изучаем и Библия и тэ розмышляем пала кода, со проадиносардям. Кала амэ прилас андэ пэстири жызня кода, со уӷанглям, амари вера ашэл май састи и амэ ашас инке май пашэ каринг амаро небесно Дад. Блаӷодаря кадэлэсти амэндэ исин зор тэ пэрэандярас всаворэ трудности. Кадяжэ о Иегова дэл пэско свынто духо кодэлэнди, ко патял ла Библияти. И кадэва духо можэт тэ дэл амэнди «зор, саво май баро обычнонэстар», кай амэ тэ виритярас любо ԥаримос (2 Кор. 4:7—10). Через «о годявэрно и кандино рабо» о Иегова дэл амэнди вся, кай амэ тэ ашас май пашэ каринг лэстэ (Матф. 24:45). Важ када амэндэ исин бут статьи, видео и диля, савэ поможын, кай амари вера тэ ашэл май састи. О Иегова сытярэл пэстирэ служытелёнэн, кай вонэ тэ любин и тэ подритярэн ек еқэс андэ ԥари время (2 Кор. 1:3, 4; 1 Фес. 4:9). И амарэ ԥрала и ԥэя фартэ камэн тэ поможын амэнди тэ ашаспэ предани лэ Иеговасти андо ԥаримос. w22.08 12, 13, абз. 12—14

На трэбуй тэ лажас тэ ԥэнас пала лашэ качестворя, савэ исин кай амарэ ԥрала и ԥэя. Кала вонэ ашунэн кацавэ алава, амэ ашас май пашэ ек еқэстэ, и любовь андэ собрания ашэл май бари. Дэкала дажэ и христианоря, савэндэ лащи дружба лэ Иеговаса, моӷут тэ гиндон най еқэндар или тэ споринпэ ек еқэса. Кацаво сас кай о Павло и лэско пашутно друӷо Варнава. Вонэ на сжанаспэ лэ гиндонэнца пала кода, трэбуй ли тэ лэн пэса лэ Маркос андэ мисианерско путешэствия. Важ када вонэ «фартэ поскандалили и розжылэпэ» (Дила 15:37—39). Но о Павло, о Варнава и о Марко стердэ вся, кай тэ помиринпэ. Потом андэ пэстирэ письморя о Павло ԥэнэнас бут лашэ алава пала Варнава и о Марко (1 Кор. 9:6; Кол. 4:10, 11). Амэнди тожэ важно тэ стас зор, кай тэ помирисавас лэ ԥралэнца и лэ ԥэянца и май бут тэ шас сама по лашымос, саво исин андэр лэндэ. Кадя амэ стераса вся, кай андэ собрания всаворэ тэ ладин ек еқэса. w22.08 23, абз. 10, 11

Амэ терас вся, кай тэ жувас па лэ Иеговаско праведно законо. Но амэнди нащи тэ сындосарас аврэн и тэ гиндосарас, кай амэ май лашэ лэндар. Сэрэн, кай о Иегова — «Сындомари всаворя ԥувьяко» (Быт. 18:25). О Иегова на дя амэнди кацаво право. Подам дума инке пала лэ Иосифоско примеро. Во на сындояс аврэн, дажэ кодэлэн, ко обжыляпэ лэса жэстоко. Лэстирэ ԥрала динэ пэр лэстэ, битиндэ лэс андо рабство и ԥэндэ лэстирэ дадэсти, кай во муля. Через бут бэрша о Иосифо упалэ лэнца диқляпэ. Акана во зорало правителё и моӷ тэ рий лэнди вся, со вонэ затердэ. Лэстирэ ԥрала фартэ даранас кадэлэстар, хоть анда вся оди и каисайлэ андэ кода, со стердэ. Но о Иосифо ԥэндя лэнди: «На даран. Хэба мэ Дэл?» (Быт. 37:18—20, 27, 28, 31—35; 50:15—21). Во смирено отдя вся андэ лэ Иеговастирэ вас, кай во тэ сындой. w22.08 30, абз. 18, 19

Ай ту ӷанэс, кай о Иегова через тутэ можэт тэ дэл атвето пэ варикастири молитва? Во можэт тэ стерэл када через любо ԥрал или ԥэй. Нэважно, сави амэндэ назначения: о барэдэр ԥрал, помошнико андэ собрания, пианеро или вазвещятелё. Кадяжэ нэважно, саво кай о мануш возрасто, мурш када чи жувли. Кала кодэва, ко любий лэ Иеговас, мангэл лэстар помощь, во можэт тэ поможый через и барэдэр ԥрала андэ собрания или ԥрала и ԥэя. Патя: во можэт тэ стерэл када и через тутэ (Кол. 4:11). Сави жэ када дэ бари радость тэ служысарас лэ Иеговасти и амарэ ԥралэнди и ԥэянди! Особено када поджал андэ амари время, кала жал и эпидемия, бида андэ природа или кала преследуют. Можэт, амэ камас тэ поможысарас варикасти, но нэ можэм, важ кода кай андо ери варико занасвайля. О Иегова фартэ радуийпэ, кала диқэл, кай амэ пэстиря ригатар терас вся, кай тэ поможысарас лэ ԥралэнди и лэ ԥэянди (Прит. 19:17). w22.12 22, абз. 1, 2

И доверия ритярдёл пэ любовь. О Иисус Христос ԥэндя, кай дуй со май важни законоря — када тэ любисарас лэ Иеговас и тэ любисарас лэ манушэн (Матф. 22:37—39). Через и любовь каринг о Иегова амэ камас тэ старысавас тэ авас надёжни, сар во. Ай кала любисарас лэ ԥралэн и лэ ԥэян, када поможый амэнди тэ на росԥэнас лэндирэ секреторя аврэнди. Амэ на камлоп, кай через када лэнди тэ авэл больно, ԥарэс и лажаво. И смирения — инке ек качество, саво поможый, кай амэнди тэ доверяют. Кала кай о христианино исин смирения, во на старыийпэ тэ удивий аврэн, кала пэрво росԥэнэн лэнди варисави новость (Флп. 2:3). И во на путёл кодэлэса, кай варисо ӷанэн, но нэ можэт никасти тэ росԥэнэн. Если амэндэ исин смирения, тоди, кала амэ дас дума пала Библия, амэ на ласа тэ ԥэнас пэско гиндо пала кода, со на ԥэнэнпэ андэр латэ или андэ амарэ публикацыи. w22.09 12, абз. 12, 13

О анӷело ԥэндя лэ Даниилости: «О чачимос полэна май бут». Када сыкавэл, кай лэ Дэвлэско народо май драго лэла тэ полэл и пророчества анда книӷа Даниила. Кадяжэ во росԥэндя, кай нико анда кадэла найлашэ мануша на полэна кадэла алава. Адес кодэя время, кала амэнди трэбуй пэстиря диласа тэ сыкавас, кай амэ на шаспэ пэ мануша, савэ на служын лэ Дэвлэсти (Мал. 3:16—18). О Иегова стидэл лэ манушэн, пэ савэ во ԥэнэн: «мэрнэ», и вонэ лэсти фартэ куч. Канешно, амэ камас тэ авас машкар кадэла мануша. Амэ жувас андэ удивительно время! Но када на сыстояпэ кодэлэса, со амэн аштярэл англэ. Ӥто амэ бистраса пала найлашымос. Ай тоди амэ диқаса, сар исполняца лэ Иеговастирэ алава, савэ во ԥэндя лэ Даниилости: «Ту... ущеса, кай тэ лэс пэсти пай, андэ послидни деса» (Дан. 12:13). Амэ фартэ аштярас кодэя время, кала о Даниило и авэр мануша, савэ амэнди фартэ куч, упалэ лэна тэ жувэн. Важ када, давайте тэ терас вся, кай тэ на парашас тэ кандас лэ Иеговас. И во никала на стрия амаро алав анда пэстири книӷа важ и жызня. w22.09 24, абз. 17; 25, абз. 19, 20

Кадэла алава трэбуй сас тэ придэн зор лэ пророкости. Васо? Наверно, во сэрэлас, кай о Иегова ԥэндя кацавэ жэ алава лэ Моисеёсти и лэ Исайёсти, кала стодя лэн пэстирэ пророконэнца (Исх. 3:10; Ис. 6:8). Кадяжэ о Иезекиилё ӷанэнас, сар о Иегова поможыяс кадэлэ служытелёнэнди тэ виритярэн дэсавэ трудности. Важ када, кала о Иегова ԥэндя лэсти: «Мэ бишалав тут», о пророко моӷ тэ патял, кай о Иегова лэс подритярэла. Инке андэ книӷа Иезекииль амэ най еқвар адиносарас: «О Иегова ԥэндя манди» (Иез. 3:16). Андэр латэ бут разоря ԥэнэнпэ «О Иегова упалэ обратисайля каринг мандэ» (Иез. 6:1). Канешно, о Иезекиилё сас уверено, кай лэс бишалдя о Иегова. Кадяжэ лэско дад сас рашай, и во наверно росԥэнэнас пэстирэ шавэсти, кай о Иегова всегда подритярэлас пэстирэ пророконэн. Например, лэ Исаакости, лэ Иаковости и лэ Иеремиясти о Иегова ԥэнэнас: «Мэ туса» (Быт. 26:24; 28:15; Иер. 1:8). w22.11 2, абз. 3

Хоть о Адамо и Ева стердэ бэзэх, и через када лэндирэ потомкоря линэ тэ мэрэн, лэ Иеговаско гиндо на паруделя (Ис. 55:11). Во кадя жэ камэл, кай и мануша, савэ предани лэсти, тэ жувэн вечно. О Иегова дя алав, кай и мануша, савэ предани лэсти, воскреснут и лэна тэ жувэн вечно (Дила 24:15; Титу 1:1, 2). Лэско служытелё, о Иово, кадя жэ патялас, кай кодэла, ко мулинэ, смоӷут упалэ тэ жувэн (Иов 14:14, 15). О пророко Даниило драго ӷанэнас лэ Иеговаско замысло, кай и мануша моӷут тэ ринпэ каринг и жызня и будэр никала тэ на мэрэн (Пс. 37:29; Дан. 12:2, 13). И евреёря андэ лэ Иисусостирэ деса тожэ патянас, кай о Иегова дэла лэ манушэнди вечно жызня (Лука 10:25; 18:18). Пала када кадяжэ най еқвар ԥэнэнас о Иисусо, и лэс екжэнэс о Иегова рисардя каринг и жызня (Матф. 19:29; 22:31, 32; Лука 18:30; Иоан. 11:25). w22.12 4, 5, абз. 8, 9

О Иегова ақарэл амэн тэ авас май пашэ каринг лэстэ (Иак. 4:8). Во камэл тэ авэл важ амэндэ Дэвлэса, Дадэса и Друӷоса. Во атвечает пэ амарэ молитвы и поможый амэнди, кала амэндэ ԥаримос андэ жызня. Кадяжэ во сытярэл и фэрий амэн через пэстири арӷанизацыя. Амэ можэм тэ ашас май пашэ каринг о Иегова, если мангаспэ лэсти, адиносарас и Библия и гиндосарас пала кода, со проадиносардям. Кала амэ терас кадя, амари любовь и блаӷодарность каринг о Иегова ашэл инке май бари. Амэ камас тэ кандас и тэ хвалисарас лэс, важ кода кай во достойно када! (Св. Т. 4:11). Со май драго амэ уӷанас лэ Иеговас, со май фартэ амэ доверяем лэсти и лэстиря арӷанизацыяти. Ай о Сатана пристол зор, кай амэ полокорэс тэ хасарас и доверия каринг о Иегова и каринг лэстири арӷанизацыя. Но амэндэ вижала тэ на подаспэ лэсти. Если амэндэ састи вера и амэ андэ вся доверяем лэ Иеговасти, амэ никала на одбандюваса лэстар и лэстиря арӷанизацыятар (Пс. 31:13, 14). w22.11 14, абз. 1—3

И чачунэ христианоря ӷотови тэ хасарэн пэстири свобода и дажэ и жызня, важ кода кай камэн тэ авэн предани лэ Иеговасти, кодэлэсти, ко важ лэндэ Верховно Правителё. Кадэла мануша ашэнпэ вужэ андэ лэ Дэвлэстирэ яқа и камэн андэ вся тэ авэн предани лэсти. Вонэ шонпэ пэ трин евреёря, о Шадрахо, о Мешахо и о Аведнего, савэн о Всевышнё спасысардя, кала лэн камэнас тэ шон андо росԥабардо бов, важ кода кай вонэ отԥэнделэ тэ придэн лэ Дэвлэс. О Царё Давидо пистросардя пала кода, сар дэ важно тэ ашаспэ вужэ англа Дэл: «О Иегова виандярэла лэ народонэнди о приӷоворо. Иегова, сындосар ман па мэрни праведность и па кода, кай мэ вужо андэ тирэ яқа» (Пс. 7:8). Андэ авэр пэско псалом во мангля: «Мэк фэрий ман кода, кай мэ вужо андэ тирэ яқа и мэрни праведность» (Пс. 25:21). Со можэт тэ авэл май фэдэр, чем тэ ашаспэ предани лэ Иеговасти и тэ на ашавас лэс! Если амэ пэс кадя андярас, тоди кадя жэ, сар о псалмопевцо, сможэм тэ ԥэнас: «Бахталэ кодэла, ко жувэн кадя, кай тэ авэн вужэ англа Дэл, ко жувэл па лэ Иеговаско законо» (Пс. 119:1). w22.10 17, абз. 18, 19

Кала о Иово дя дума лэ Иеговаса, кадэя дума фартэ ля лэс лэ одестар. О Иово трэбуй сас май фартэ тэ патял андэ лэ Дэвлэстири мудрость и кай во можэт тэ заботийпэ пала пэстирэ служытеля. Важ када о Иегова шутя лэстири сама пэ дэсавэ удивительни тварении. Например, во ԥэндя, кай заботийпэ пала жывотни, ай значит, во можэт тэ позаботийпэ и пала Иово (Иов 38:39—41; 39:1, 5, 13—16). Кала о Иово погиндосардя пала кода, со создал о Иегова, во бут со уӷангля пала лэстирэ качестворя. Амэ можэм май бут тэ уӷанас пала Дэл, кала шас сама пэ лэстирэ тварении. Но дэкала када найвушэро. Лэ манушэсти андо баро форо можэт тэ авэл ԥарэс тэ шол сама пэ природа, важ кода кай ла котэ почти нинай. И дажэ если во жувэл андо гаворо, лэстэ тожэ можэт просто тэ на хутилэл время. Но важно тэ витидас время и тэ пристас зор, кай тэ шас сама пэ кода, со создал о Дэл. w23.03 15, абз. 1, 2

О Иисусо ԥэндя пэстирэ учениконэнди, кай англа кода, сар тэ пашол и время кадэла люмати, авэна фартэ барэ землетрясении и авэр биды. Инке во ԥэндя, кай андэ люма ашэла май бут найлашымос, и амэ диқас, кай кадэва пророчество тожэ адес исполнийпэ (Матф. 24:12). Но о Иисусо никала на ԥэнэнас, кай о ԥаримос авэла кати кодэлэ манушэндэ, кастар одбанделя о Иегова. Па чачимастэ, бут верни лэ Иеговастирэ служытеля тожэ попэрэн андэ бида (Ис. 57:1; 2 Кор. 11:25). Можэт, о Иегова и на стерэла чуда, кай тэ фэрий амэн ла бидатар, но во обязательно дэла амэнди зор, кай амэ вся тэ виритярас и стерэла кадя, кай по ди тэ авэл спокойство. Если амэ заранее подӷотовимся, амэнди авэла май вушэро тэ ашаспэ спокойни. Но если амэ ласа каринг када тэ ӷотовимся, на сыкавэла када, кай амэ нэ доверяем лэ Иеговасти? Най. Када сыкавэл, кай амэндэ исин вера, кай о Дэл позаботияпэ пала амэндэ. Васо амэ можэм кадя тэ ԥэнас? Важ кода, кай андэ Библия дэлпэ совето, кай если амэ ӷанас, кай можэт тэ авэл бида, трэбуй тэ авас ӷотови каринг када. w22.12 18, абз. 9, 10

Пока о Иосифо бэшэлас андо баруно, о Иегова дя лэ фараоности тэ диқэл дуй сунэ, через савэ во запэрэжывал. Кала во уӷангля, кай о Иосифо можэт тэ росԥэнэн и сунэ, во приԥэндя, кай лэс тэ анэн анда баруно. Лэ Иеговастирэ зорэса о Иосифо объяснисардя и сунэ. О фараоно удивисайля, кала ашундя лэстирэ мудри советоря. О царё диқля, кай кадэлэ манушэса о Дэл, и важ када во стодя лэс тэ диқэл пала вся о хабэ андо Египто (Быт. 41:38, 41—44). Прожыля время, и по Египто дя баро боқалимос. Во сас кадяжэ и андо Ханаано, кай бэшэлас лэ Иосифоско ери. Через кода, кай лэ Иосифостэ сас власть, во моӷ тэ спасый пэстирэ дадэско ери. Блаӷодаря кадэлэсти ашэля возможно, кай анда лэско колено тэ авэл Мисия. Када о Иегова андэ вся лэс блаӷословияс. Хоть лэ Иосифостирэ ԥрала камэнас тэ умарэн лэс, о Иегова парудя и ситуацыя, кай тэ стерэл кода, со во камэл. w23.01 17, абз. 11, 12

Амэ трэбуй тэ авас внимательни каринг вся, со можэт тэ римой амари дружба лэ Иеговаса, и тэ пристас вся пэско зор, кай тэ на домэкас када. Тоди о Иегова никала на парашэла амэн тэ любий (Прит. 22:3; Иуда 20, 21). О апостало Павло ԥэнэнас лэ христианонэнди тэ слидон пала пэстэ. Например, во пистросардя лэ ԥралэнди андо Эфесо: «Драго диқэн, кай тумэ тэ андярэн пэс, сар годявэрнэ мануша, ай най сар найгодявэрнэ» (Эф. 5:15, 16). О Сатана вся и время старыийпэ тэ дурярэл амэн лэ Иеговастар. Важ када андэ Библия ԥэнэнпэ: «Терэн вся, кай тэ полэн, со камэл о Иегова». Када поможыя амэнди тэ фэрисавас лэ Сатанастар (Эф. 5:17). Если амэ камас тэ стерас мудро выборо, амэнди трэбуй тэ полас, «со камэл о Иегова». Важ када амэ трэбуй часто тэ изучаем лэ Дэвлэско Алав и тэ розмышляем пала кода, со проадиносардям. Када поможыя амэнди тэ полас и тэ пэрэлас лэ Иеговаско и «лэ Христоско гиндо». Со май драго амэ када тераса, со май вушэро амэнди авэла тэ андярас пэс годявэрнэс, дажэ кала нинай точно руковоцтво пала кажно ситуацыя андэ амари жызня (1 Кор. 2:14—16). w23.02 16, 17, абз. 7—9

Сар часто тумэ прилэн па цэр? Например, кала тумэ пэрэжан андо нэво цэр, наверно, тумэ тердоп генерально. Но со, если потом тэ на слидос пала вужымос? Сар амэ ӷанас, о цэр можэт ӥто тэ мэлярдёл. Кай андэр лэстэ тэ авэл порядко, трэбуй постояно пала када тэ слидос. Кадяжэ трэбуй тэ пристас зор, кай тэ слидосарас пала амарэ гиндоря и о характеро. Канешно, инке англа кода, сар тэ болдювас, амэ ужэ бут со парудям, кай тэ ашас вужэ кодэлэстар, «со мэлярэл и тила и годи» (2 Кор. 7:1). Но нащи пэ када тэ тердювас. Сар ԥэндя о апостало Павло, амэ трэбуй и май дур тэ терас вся, кай тэ парудювас (Эф. 4:23). Важ кода кай о мэлалимос кадэла люмако можэт ӥто тэ стидэлпэ андэр мэндэ. Кай кацаво тэ на авэл и кай лэ Иеговасти тэ чалёл тэ диқэл пар мэндэ, амэ трэбуй всегда тэ проверяем, сар амэ гиндосарас, со камас и савэ амэ. w23.01 8, абз. 1, 2

Сар дэ приятно сас лэ манушэнди тэ ашунэн лэ Иисусос, кала во сытярэлас. Андэ дума во часто шолас сама пэ гиндоря анда Свынто Писания, савэ во сэрэлас. Кала о Иисусо болдёлас и кала лэсти сас дино о свынто духо, дицол, кай о Дэл стердя кадя, кай лэско Шаво тэ вспомнит пэстири жызня, сави лэстэ сас жы каринг кода, сар во тэ авэл пэ ԥув. Интересно, кай пэрви алава, савэ о Иисусо ԥэндя посли крещения, ай кадяжэ послидни алава, савэ во ԥэндя англа пэстири смэрть — када сас гиндоря анда лэ Дэвлэско Алав (Втор. 8:3; Пс. 31:5; Лука 4:4; 23:46). Важ и трин епашэса бэрш, кала о Иисусо служыяс пэ ԥув, во часто адинояс лэ манушэнди и Свынто Писания, ай кадяжэ точно пэрэԥэнэнас и гиндоря андар латэ и объяснияс лэн (Матф. 5:17, 18, 21, 22, 27, 28; Лука 4:16—20). С децтва о Иисусо часто адинояс и ашунэлас кода, со пистромэ андэ лэ Дэвлэско Алав. Цэрэ во ашунэлас, сар и Мария и о Иосифо ԥэнэнас и алава анда Писания (Втор. 6:6, 7). Кадяжэ, кажно субота о Иисусо пэстирэ родителёнэнца ԥирэлас андэ ла собранияко цэр (Лука 4:16). Ай котэ во внимательно ашунэлас, кала заадинонас и гиндоря анда Писания. w23.02 8, абз. 1, 2

Исин бут васо амэ можэм тэ любисарас лэ Иеговас. Например, ту полян, кай лэстар жал и жызня. Ай кадяжэ, кай во дэл «всаворэ лашэ и совершэни подаркоря» (Пс. 36:9; Иак. 1:17). Вся о лашымос, саво исин тутэ, — тирэ небеснонэ Дадэстар лэ Иеговастар, саво любящё и щедро. Ек анда кучутнэ подаркоря лэ Иеговастар — када о выкупо. Васо можно кадя тэ ԥэнас? Погиндосар, сави дэ пашутни дружба машкар о Иегова и лэско Шаво. О Иисусо ԥэндя: «О Дад... любий ман», ай «Мэ любисарав лэ Дадэс» (Иоан. 10:17; 14:31). Прожанас милиардоря бэрша и лэндири дружба ашэлас инке май састи (Прит. 8:22, 23, 30). Акана прецтавь, пэскати дэ ԥарэс сас лэ Иеговасти тэ диқэл, сар мучийпэ лэско Шаво и сар лэс на ашэля. Но о Иегова кадя дэ фартэ любий тут и всаворэ манушэн, кай отдя пэстирэ любимонэ Шавэс, кай ту и авэр моӷли тэ жувэн вечно (Иоан. 3:16; Гал. 2:20). Када само ӷлавно причина, васо амэ трэбуй тэ любисарас лэ Дэвлэс. w23.03 4, 5, абз. 11—13

Амэнди трэбуй тэ фэрисавас кодэлэстар, сости сытярэн и отступникоря. О Иисусо сындосардя лэ христианонэн анда Пиргамо пала кода, кай через лэндэ андэ собрания на сас ладо и кай вонэ патянас андэ разни секты (Св. Т. 2:14—16). Кадяжэ во похвалисардя лэ ԥралэн и лэ ԥэян анда Фятира, кай вонэ ритярдёнас май дур лэ Сатанастирэ хохаимастар, и ԥэндя лэнди, кай вонэ тэ авэн састэ андэ истина (Св. Т. 2:24—26). Кодэла ԥрала и ԥэя, савэ патяе кодэлэсти, со ԥэндэ и отступникоря, трэбуй сас тэ каинпэ. Сости амэ можэм тэ сытювас? Важ амэндэ тожэ важно тэ дурювас лэ хохаимастар, саво одындярэл лэ Иеговастар. И отступникоря кати притерэнпэ, кай кандэн лэ Дэвлэс, но пэ дила када на дицол (2 Тим. 3:5). Если амэ драго изучаем и Библия, амэнди авэла май вушэро тэ росполас о хохаимос, саво ԥэнэн и отступникоря, и тэ ритярдювас лэндар май дур (2 Тим. 3:14—17; Иуда 3, 4). Амэ трэбуй тэ тэлювас лэ Дэвлэсти кадя, сар лэсти уӷодно. Если амэ терас варисо, со на чалёл лэ Иеговасти, трэбуй со май ӥто тэ парудювас (Св. Т. 2:5, 16; 3:3, 16). w22.05 4, абз. 9; 5, абз. 11