Октябрё

Амэ можэм тэ придас зор лэ ԥралэнди и лэ ԥэянди, кала пэ собрания анда вся оди дилабас и диля и дас лашэ каминтарии. Но дэсавэ лажан тэ дилабэн англа авэр. Если и тутэ кацави трудность, тоди авелоп драго тэ роздиқэс, со поможый аврэнди тэ улэн пэстири дар. Дэсавэнди поможый, кала вонэ дилабэн и диля анда вся оди. Кала амэ дилабас амарэ диля, само ӷлавно важ амэндэ — тэ прославляем лэ Иеговас. Важ када, кала ӷотовитесь каринг и собрания, кадяжэ дилабэн и диля. Старыинпэ тэ шон сама, сар и алава анда дили поджан каринг и тема, сави авэла андэ статья. Шон сама по гиндо анда дили, ай най пэ кода, сар тумэ дилабэн. Кадяжэ важ дэсавэ ԥрала и ԥэя можэт тэ авэл фартэ найвушэро тэ дэн каминтарии. Но если тэ дэн лэн май часто, тоди тумэнди авэла май вушэро. На бистрэн, если тумаро каминтариё авэла найлунго и просто, када драго. Лэ Иеговасти фартэ приятно, кала во диқэл, кай амэ камас тэ прославляем лэс. w22.04 7, 8, абз. 12—15

Сар ԥэнэнпэ андэ библейски справочникоря, о алав «помошнико», саво тердёл андэ кадэва стихо, сыкавэл лэ манушэс, саво прастэл, кай тэ спасый кодэлэс, ко мангэл помощь. Прецтавьте, сар о Иегова грабийпэ тэ поможый кодэлэсти, ко попэля андэ бида. Када сыкавэл, кай о Иегова най просто ӷотово тэ поможый, во фартэ камэл тэ авэл амаро помошнико. Кала о Иегова паша амэндэ, амэ сможэм тэ виритярас любо ԥаримос и тэ на хасарас и радость. Сар о Иегова поможый амэнди? Кай тэ полас када, давайте шаса сама пэ книӷа Исайя. Васо имено пэр латэ? Бут анда пророчества, савэ пистросардя о Исайя, поджан каринг лэ Дэвлэстирэ служытеля адес. Кадяжэ о Исайя часто ԥэнэн пала Иегова кацавэ алава, савэ амэнди вушэро тэ полас. Роздиқам 30 ӷлава Исайя. Кала адиносарас ла, амэ драго прецтавляем, сар о Иегова дэл зор пэстирэ народости. О Исайя ԥэндя, кай о Дэл поможый амэнди: 1) внимательно виашунэн амарэ молитвы и атвечает пэр лэндэ, 2) дэл амэнди руковоцтво, саво трэбуй и 3) блаӷословий амэн акана и дэла лашымос май англэ. w22.11 8, абз. 2, 3

Кала о Иисусо взвияспэ каринг и христианоря анда Смирна и анда Филадельфия, во ԥэндя, кай вонэ тэ на даран, кай авэна преследовании, важ кода кай о Иегова блаӷословия лэн, если вонэ вся виритярэна (Св. Т. 3:10). Амэнди тожэ трэбуй тэ авас ӷотови каринг и преследовании, кай вся тэ виритярас (Матф. 24:9, 13; 2 Кор. 12:10). Андэ книӷа Свынто тайна ԥэнэнпэ, кай лэ Дэвлэстирэ народос лэна преследовать андэ амарэ деса, андэ «лэ Ӷосподоско дес». Андэ 12 ӷлава Свынто тайна ԥэнэнпэ, кай посли кода, сар лэ Дэвлэско Царство ля тэ правий, по нэбо сас война. О Михаило (о Иисус Христос, саво рисайля по нэбо) и лэстирэ анӷелоря марэнаспэ лэ Сатанаса и лэ бэнгэнца (Св. Т. 12:7, 8). Кала вонэ вицэлдэ, лэ Сатанас и лэ бэнгэн сшутэ па нэбо пэ ԥув, и вонэ андэ́ бут ԥаримос лэ манушэнди (Св. Т. 12:9, 12). w22.05 5, абз. 12, 13

О Иегова — Само Баро Сындомари. Лэстирэ ришэнии всегда справедливи. Во никала на шол сама, саво мануш пар пэстэ, пэ лэстирэ способности, барвалимос, ай кадяжэ ашунгло во чи най (1 Сам. 16:7; Иак. 2:1—4). Нико нэ можэт тэ заставий лэ Иеговас варисо тэ стерэл или тэ подтинэл лэс. Во никала на прилэл и ришэнии анда холи (Исх. 34:7). Чаче, о Иегова — само лашо Сындомари, важ кода кай во диқэл и ӷанэн вся (Втор. 32:4). О Иегова простий совсем най кадя, сар и мануша. Када драго дицол анда Библия. Сар ԥэнэнпэ андэ ек библейско справочнико, дэкала андэ Еврейски Писании исин алав, саво пистрон «кати тоди, кала и дума жал пала лэ Иеговастири прощения важ о ӷрешнико. Лэс никала нэ используют, кала дэлпэ дума пала кода, сар и мануша простин ек еқэс. Лэндири прощения на сыстояпэ кодэлэса, сар простий о Дэл». Кати кай о Иегова исин право полностью тэ простий кодэлэс, ко стердя бэзэх, но каийпэ. w22.06 4, абз. 10, 11

Ԥэя, если тумэ барярэн пэстирэ бэятонэн екжэнэ, авэн уверени, кай тумари вера придэла зор аврэнди. Но со тэ терэн, если тумэнди здэлпэ, кай тумарэ бэятостэ на барёл и дружба лэ Иеговаса? Сэрэн: трэбуй время, кай тэ сытярэн лэ бэятонэн. Кала садис зэрно, ту на ӷанэс точно, вибарёла во чи най. Када нэ зависит тутар, но ту можэш тэ шос паи пэр лэстэ и тэ стерэс вся пэстиря ригатар, кай лэсти тэ авэл май вушэро тэ вибарёл (Мар. 4:26—29). Кадя жэ и дэя моӷут тэ пэрэжывают, вижала лэндэ тэ поможын лэ бэятонэнди тэ полюбин лэ Иеговас чи най. Тумэ нэ можэте тэ прилэн и ришэния важ и бэяцэ. Но если тумэ терэн вся, со па тумаро зор, лэндэ авэла розлащи возможность тэ ашэн лэ Иеговастирэ друӷоря. w22.04 19, 20, абз. 16, 17

Пока о Соломоно кандэлас лэ Иеговас, во правильно диқэлас пэр пэстэ. Кала во правияс пэрви бэрша, во скромно прижанэнас, кай най вся па лэско зор, и важ када мангэлас помощь кай о Иегова (1 Цар. 3:7—9). О Соломоно полэлас, пэскати када дэ найгодявэрнэс, кала о мануш фартэ бут гиндой пала пэстэ. Прожыля время, и о Соломоно екжэно попэля андэ кадэя ловушка: во кадя завазгля о шэро, кай ля тэ нарушает лэ Дэвлэско законо. Например, андо законо ԥэнэнаспэ: «О царё на трэбуй тэ лэл пэсти бутэ хулаян, кай лэско ди тэ на римойпэ» (Втор. 17:17). Дицол, кай о Соломоно на приашунделя каринг када. Лэстэ сас 700 хулая́ и 300 наложницы (1 Цар. 11:1—3). Можэт, о Соломоно гиндояс, кай лэсти нисаво вредо кадэлэстар на авэла. Но лэсти андя бут ԥаримос, кай во на кангля лэ Иеговас (1 Цар. 11:9—13). w22.05 23, абз. 12

Адес кажно андар мэндэ трэбуй тэ прилэл важно ришэния: ласа амэ тэ подритярас амарэ Создателёс, лэ Иеговас, или лэстирэ вороӷос, лэ Сатанас. Трэбуй тэ витидас. Кадэлэстар зависит, ласа амэ тэ жувас вечно чи най (Матф. 25:31—33, 46). Кала авэла и само бари бида, пар мэндэ стона знако: или кай амэ тэ спасысавас, или кай тэ авас уничтожэни (Св. Т. 7:14; 14:9—11; Иез. 9:4, 6). Если ту залян лэ Иеговастири риг, ту стердян годявэрнэс. Наверно, ту фартэ камэс тэ поможыс и аврэнди тэ прилэн правильно ришэния. Кодэлэн, ко предано подритярэл лэ Иеговастири правления, аштярэл наӷрада. Важ када фартэ важно инке май бари сама тэ шас пэ кадэя информацыя. Када придэла амэнди зор тэ на парашас тэ служысарас лэ Иеговасти, ай кадяжэ тэ поможысарас аврэнди тэ прилэн правильно ришэния. w22.05 15, абз. 1, 2

Важно тэ ашунас лэ Иеговас, ай най амарэ вороӷонэн. Кала о Иегова дэлас дума лэ Иовоса, во лэс внимательно ашунэлас. Прецтавьте, кай о Иегова ԥэнэн лэсти: «Мэ драго ӷанав пала вся, со туса терэлпэ. Ту гиндос, кай мэ бистэрдэм пала тутэ?» О Иово смирено атветил лэ Иеговасти: «Раньшэ мэ кати ашунавас пала тутэ. Ай акана мэ диқав тут пэстирэ яқэнца» (Иов 42:5). Дицол, кай во фартэ цэнияс лэ Иеговастири доброта. Кала о Иово ԥэндя кадэла алава, наверно, во инке бэшэлас андо пепло. Пэ лэстири тила сас бут нарыворя. И хоть лэстири ситуацыя инке на паруделя, о Иегова сыкадя лэсти, кай фартэ любий лэс и кай во лэсти уӷодно (Иов 42:7, 8). Адес бут мануша андярэн пэс амэнца кадя, кабута амэ нисо на ашас. Дэсавэ андар лэндэ старыинпэ тэ римон и репутацыя важ амари арӷанизацыя. Но анда лэ Иовоско примеро дицол, кай о Иегова уверено, кай амэ ашасапэ предани лэсти, дажэ андо ԥаримос. w22.06 23, 24, абз. 15, 16

По нэбо всаворэ лэна тэ лошавэн, кай о Вавилоно Велико розмардо, но кадяжэ авэла инке авэр особо празнико (Св. Т. 19:1—3). Када фартэ важно события, пала сави ԥэнэнпэ андэ книӷа Свынто тайна — «лэ Бакрорэско ябьяв». Англа кода, сар тэ залэлпэ о Армагеддоно, всаворэ 144 000 памазаникоря стидэнапэ по нэбо. Но када най фартэ бахтали время важ о ябьяв (Св. Т. 21:1, 2). Лэ Бакрорэско ябьяв авэла посли Армагеддоно, кала всаворэ лэ Дэвлэстирэ вороӷоря авэна уничтожэни (Пс. 45:3, 4, 13—17). Со сыкавэл лэ Бакрорэско ябьяв? Кадяжэ, сар посли ябьяв о тэрно и тэрни ашэн сар ек, кадэва образно ябьяв стидэл вмести лэ царёс лэ Иисусос и лэстиря «тэрня» — 144 000 памазаникоря. Кадэя фартэ важно события сыкавэла, кай о нэво правительство залэл тэ правий ла ԥувьяса пэ 1 000 лет (Св. Т. 20:6). w22.05 17, абз. 11—13

О Иисусо ԥэндя, кай андэ послидни деса во стола «кандинэ и годявэрнэ рабос», кай тэ дэл пэстирэ учениконэнди вся, со трэбуй важ и лащи дружба лэ Иеговаса (Матф. 24:45). И амэ диқас, кай адес кадэва рабо пристол вся пэско зор важ када. Амаро Руководителё использует кадэя найбари ӷрупа помазани мурша, кай «вовремя тэ дэл... о хамос» пэстирэ служытелёнэнди и кодэлэнди, ко камэл тэ уӷанэн о чачимос. Кадэла помазани христианоря най хулая пэ аврэндири вера (2 Кор. 1:24). Лэ Дэвлэско народо полэл лэ Иисусос «сар барэдэрэс и начальникос» (Ис. 55:4). Анда 1919 бэрш, кала стодэ лэ кандинэ рабос, во вимэкля бут книӷи, савэ поможысардэ лэ манушэнди, кастэ ковло ди, тэ полэн, скати лашымос анэн о чачимос анда Библия. Андо 1921 бэрш о рабо вимэкля и книӷа «Арфа Божия», кай и мануша тэ уӷанэн о ӷлавно чачимос анда Библия. Время жалас, и появияспэ нэви литература. Ай сави книӷа поможысардя тути тэ полюбис амарэ небеснонэ Дадэс? w22.07 10, абз. 9, 10

Нико нэ можэт тэ дэл анда оди кадя жэ, сар о Иегова. Скати ту тэ на тердоп важ лэстэ, во всегда стерэла важ тутэ пэ бутэстэ май бут (Мар. 10:29, 30). Во подария тути со май бахтали жызня ужэ акана, андэ кадэя ԥари люма. Ту лэса тэ ӷанэс, васо жувэс, и када инке най вся. Ту сможэш тэ служыс пэстирэ небеснонэ Дадэсти вся и вечность. Ту лэса май фартэ тэ любис лэ Иеговас, ай во тут. И ту сможэш тэ жувэс скати, скати жувэл во, — вечно. Посли кода, сар о мануш болдёл, во можэт тэ дэл лэ небеснонэ Дадэсти варисо кучутно. Вся о лашымос андэ жызня, всаворэ радосни маменторя, пала савэ амэ можэм вспомнить, — када лэ Иеговастар. О Иегова хулай по нэбо и пэ ԥув. Тоди со амэ можэм лэсти тэ дас? Амэ можэм лэсти тэ дас кода, со лэстэ нинай: када амари предано служэния анда вся оди (Иов 1:8; 41:11; Прит. 27:11). Тэ жувэс важ о Иегова — кадэлэстар нинай нисо май лашо! w23.03 6, абз. 16, 17

Андэ тэрнэ бэрша лэ манушэн можэт фартэ тэ цырдэл каринг о билажавардимос. Тут моӷут тэ подмарэн тэ стерэс кода, со можэт тэ авэл кати машкар хулай и хулаи. О Сатана фартэ камэл, кай ту тэ подэспэ кадэлэсти. Со поможыя тэ ашэспэ вужо андэ лэ Дэвлэстирэ яқа? (1 Фес. 4:3, 4). Росԥэн лэ Иеговасти вся, со по ди, и манг, кай во тэ дэл тути зор (Матф. 6:13). На бистэр, кай о Иегова фартэ камэл тэ поможый, ай най тэ сындой тут (Пс. 103:13, 14). На старысав екжэно тэ ришыс пэстирэ проблемы. Подэ дума пэстирэ родителёнэнца пала тирэ трудности. Хоть можэт тэ авэл лажаво тэ дэс дума лэнца пэ кацавэ темы, но када фартэ важно. Если ту лэса тэ адинос и Библия и тэ розмышляеш пала принцыпоря, савэ котэ пистромэ, тути авэла май вушэро тэ прилэс кацавэ ришэнии, савэ радуина лэ Дэвлэс. Ту полэса, кай тути на трэбуй бут правила пэ кажно ситуацыя, важ кода кай ту лэса тэ ӷанэс, сар гиндой о Иегова. w22.08 5, абз. 10—12

И христианоря полэн, кай трэбуй тэ заботинпэ, кай лэ ерестэ тэ авэл вся, со трэбуй важ и жызня. Кучутнэ хула́я андо ери, можэт, тумэ пэрэжываете, кай хасарэна и бути, ай авэр на виарақэна, и через када нэ сможэте тэ проправарэн лэ ерес или тэ потинэн пала цэр. Ай можэт, тумэ гиндон, кай если лэна тэ затерэн май набут, тоди нэ сможэте тэ прожувэн пэ кадэла ловэ. На бистрэн: о Сатана домардёл, кай через кацави дар амэ тэ парашас тэ служысарас лэ Иеговасти. Во камэл тэ зашол амэнди гиндо, кай о Иегова на позаботияпэ пала амэндэ и на поможыя тэ проправарас лэ ерес. Важ када амэ можэм тэ гиндосарас, кай трэбуй тэ жас пэ вся, кай тэ на хасарас пэстири бути, дажэ если прижалапэ тэ стерас кода, со римоя амари дружба лэ Иеговаса. w22.06 15, абз. 5, 6

О Иегова «добро Дэл, во полэл и жалуий анда вся оди, на грабий тэ холявэл, никала на ашавэл и лэстири преданно любовь фартэ бари» (Исх. 34:6). О Иегова любий справедливость (Ис. 61:8). Лэстэ дуқал оди, кала во диқэл, кай амэндэ исин ԥаримос, и во фартэ камэл тэ улэл када андэ время, сави во стодя (Иер. 29:11). Сар жэ амэ аштярас кадэя время! Важ када амэ фартэ любисарас лэ Иеговас. Ай васо амэ любисарас и истина? Важ кода кай вой анэн амэнди бут лашымос. О чачимос анда Библия дэл амэнди райкани надежда пэ лащи жызня англэ. Сар о якорё поможый, кай о кораблё тэ тердёл пэ ек ҭан и тэ на розмардёл андэ плая, кадя жэ и о чачимос анда Библия дэл амэнди надежда, сави поможый тэ виритярас о ԥаримос андэ жызня. Андо стихо пэ адес о Павло дэлас дума пала небесно надежда важ и памазаникоря. Но лэстирэ алава пашон и каринг авэр лэ Дэвлэстирэ служытеля, савэ надеинпэ тэ жувэн вечно андо раё пэ ԥув (Иоан. 3:16). Кацави надежда придэл амэнди зор и поможый тэ полас, васо амэ жувас. w22.08 14, 15, абз. 3—5

И любовь — фундаменто важ и доверия. Андэ 1 Коринфянам, 13 ӷлава, разнонэ ригэндар пистромэ пала любовь. Вой можэт тэ поможый амэнди тэ доверяем аврэнди дажэ тоди, кала амэ ужэ хасардям и доверия каринг лэндэ (1 Кор. 13:4—8). Например, андо 4 стихо ԥэнэнпэ, кай и «любовь терпеливо и добро». Амаро Дэл Иегова терпеливо амэнца, дажэ кала амэ терас бэзэх. Канешно, тоди и амэ трэбуй тэ авас терпеливи амарэ ԥралэнца и ԥэянца, дажэ кала вонэ ԥэнэн или терэн варисо, со холярэл амэн или терэл амэнди больно. Андо 5 стихо ԥэнэнпэ, кай и любовь «на вижал андар пэстэ, на адиной и ошыбки». Важ када амэ на камас тэ адиносарас и ошыбки, савэ стердэ амарэ ԥрала и ԥэя против амэндэ. Андэ Экклезиаст 7:9 пистромэ: «На грабисав тэ холявэс». Важно тэ диқас пэ ԥрала и ԥэя кадя, сар диқэл о Иегова. О Дэл лэн любий и на адиной лэндирэ ошыбки. И амэ камас тэ терас кадя жэ (Пс. 130:3). Давайте ласа тэ пристас зор, кай тэ на шас сама пэ лэндирэ нэдостаткоря, ай тэ диқас о лашымос, саво исин кай и ԥрала и ԥэя (Матф. 7:1—5). w22.09 3, 4, абз. 6, 7

И книӷа Даниила поможый амэнди тэ полас, со пала со лэла тэ жал андэ послидни деса. Например, андэ Даниила 12:1 ԥэнэнпэ, кай о Михаило, о Иисус Христос, «зашолпэ пала [лэ Дэвлэско] народо». Кадэя часть анда пророчество, ля тэ исполнийпэ андо 1914 бэрш, кала о Иисусо ля тэ правий сар царё андэ лэ Дэвлэско Царство. Но лэ Даниилости кадяжэ сас ԥэндо, кай о Иисусо ваздэлапэ, кала «авэла фартэ ԥари время, сави на сас кодэла времятар, сар появисайлэ и мануша». Пала кадэя «фартэ ԥари время» андэ Матфеё 24:21 ԥэнэнпэ «бари бида». О Иисусо ваздэлапэ, то есть зашолапэ пала лэ Дэвлэстирэ служытеля, кала лэла заканчиваца и «фартэ ԥари время» — андо Армагеддоно. Андэ Свынто тайна пала лэндэ пистромэ, кай о апостало Иоано додиқля «фартэ бутэ манушэн», савэ «вижан анда само бари бида» (Св. Т. 7:9, 14). w22.09 21, абз. 4, 5

Лэ манушэндирэ алава, савэ акана исин андэ книӷа важ и жызня, о Иегова можэт тэ стрий, кабута во лэн пистросардя карандашоса (Св. Т. 3:5). Амэнди трэбуй тэ пристас зор, кай амаро алав тэ ашэлпэ андэ кадэя книӷа жы каринг кодэя время, пока о Иегова на запистроя лэс кордэ пэ вся и жызня — ԥэнэса, ручкаса. Кастирэ алава запистромэ андэ книӷа важ и жызня? Андэ ек ӷрупа ужан и мануша, савэн витидэ, кай тэ правин лэ Иисусоса по нэбо. Кала о апостало Павло пистросардя лэ христианонэнди андэ Филиппы, во ԥэндя пала помазани христианоря, савэндирэ алава запистромэ андэ книӷа важ и жызня (Флп. 4:3). Но кай лэндирэ алава тэ ашэнпэ андэр латэ, вонэ трэбуй и май дур тэ на парашэн тэ кандэн лэ Дэвлэс. Кала о Дэл стола пэр лэндэ и послиднё печать, во запистроя лэндирэ алава андэ кадэя книӷа пэ вся и время. Важ варикастэ када авэла англа кода, сар тэ мэрэн, ай важ варикастэ англа кода, сар тэ залэлпэ и само бари бида (Св. Т. 7:3). w22.09 14, абз. 3; 15, абз. 5, 6

Прецтавь, кай важ о мануш приӷотовили лэско любимо хамос. Ай во тай похал вся сразу! Возможно, во грабияспэ или лэско шэро сас замардо разнонэ гиндонэнца. Ай кала и тарелка ашэля шущи, во поля, кай на трэбуй сас кадя дэ ӥто тэ хал. Трэбуй сас тэ роспробует кажно котороро. Сас тутэ кацаво, кай ту кадя жэ дэ ӥто адиносас и Библия, нисо нэ успевал тэ полэс, и када тути на анэнас и радость? Кала адинос и Библия, на грабисав. Мэк када чалёл тирэ одести. Прецтавляй пэсти вся и ситуацыя: ко и сар дэл дума. И розмышляй пала кода, со уӷанглян. Кала ту лэса кадя тэ терэс, ту ашэса май бахтало. О Иисусо стодя «кандинэ и годявэрнэ рабос», кай тэ дэл амэнди вся важ и лащи дружба лэ Иеговаса, кала када трэбуй (Матф. 24:45). Вся, со во амэнди дэл, стердо па Свынто Писания (1 Фес. 2:13). w22.10 7, 8, абз. 6—8

Андэ Библия ԥэнэнпэ, кай андэ послидни деса кацавэ манушэн авэла фартэ бут (2 Пёт. 3:3, 4). Кацавэ мануша «терэн кода, со камэл о ӷрешно ди» (Иуда 7, 17, 18). Со тэ терас, кай тэ на андярас пэс кадя, сар и мануша, савэ приасанпэ? Например, тэ на общяемся кодэлэнца, ко вся и время нэдовольно (Пс. 1:1). Када сыкавэл, кай нащи тэ ашунас лэ отступниконэн и тэ адиносарас кода, со вонэ пистрон. Амэ полас, кай если тэ на авас осторожни, тоди амэ можэм тэ авас нэдовольни и тэ на допатяс лэ Иеговасти и кодэлэсти, саво руковоцтво дэл лэстири арӷанизацыя. Кай кацаво тэ на авэл, трэбуй тэ погиндосарас: «Кала амэнди дэн нэво руковоцтво или объяснения, появийпэ мандэ андо ди холи? Исин мандэ привычка тэ шав сама пэ нэдостаткоря, савэ исин кай и назначени ԥрала?» Если амэ сразу парашас пэс кадя тэ андярас, тоди о Иегова авэла амэнца довольно (Прит. 3:34, 35). w22.10 20, абз. 9, 10

Лэ Дэвлэско зор подритярэлас лэ Иезекиилёс, кай во тэ стерэл лэ Дэвлэстири дила: тэ проповедует лэ манушэнди, кастэ «састо чикат и упрямо ди». О Иегова ԥэндя лэсти: «Мэ стердэм тиро муй, кай тэ авэл кацаво жэ састо, сар лэнго муй, и тиро чикат, кацаво жэ састо, сар лэнго чикат. Мэ стердэм тиро чикат, сар алмазо, май састо, чем о кремнё. На дар лэндар и лэндирэ муестар» (Иез. 3:8, 9). Аврэ алавэнца, о Иегова ԥэндя: «На умэк и вас через кода, кай и мануша упрями. Мэ тут подритярава». Посли када о Иегова андярдя лэ Иезекиилёс пэ вся лэстири «тиритория, кай во трэбуй сас тэ проповедует». О Иезекиилё пистросардя: «Мэ чувствовал пэр пэстэ зорало лэ Иеговаско зор». Цыло курко о Иезекиилё гиндояс пала кадэя видения, кай тэ полэл ла и тэ подготовица, кай потом тэ росԥэнэн пала када лэ манушэнди (Иез. 3:14, 15). Тоди о Иегова андярдя лэ пророкос пэ равнина и котэ через пэско свынто духо дя лэсти зор (Иез. 3:23, 24). Акана о Иезекиилё сас ӷотово тэ начнёт пэстири служэния. w22.11 4, 5, абз. 8, 9

Андэ жызня кай о пророко Аввакумо сас бут ԥаримос. Лэсти дажэ ля тэ здэлпэ, кай о Иегова на заботийпэ пала лэстэ. Важ када во росԥэндя лэ Дэвлэсти вся, со сас лэстэ по ди. О Иегова атветил пэ лэстири молитва (Авв. 2:2, 3). Кала о пророко ля тэ розмышляет пала кода, сар о Иегова раньшэ спасыяс пэско народо, лэстэ упалэ появисайля и радость. О Аввакумо поля, кай о Иегова заботийпэ пала лэстэ и поможыя лэсти тэ виритярэл любо ԥаримос (Авв. 3:17—19). Сости амэ сытювас? Если тутэ андэ жызня терэлпэ бида пала бидатэ, мангпэ лэ Иеговасти и росԥэн лэсти, со тутэ по ди. Андэ вся надеисав пэр лэстэ. Патя: о Иегова дэла тути зор вся тэ виритярэс. И кала ту диқэса, кай о Иегова тут подритярэл, тири вера ашэла май састи. Если ту терэс вся важ и лащи дружба лэ Иеговаса, то нисаво ԥаримос на дурярэла тут лэстар (1 Тим. 6:6—8). w22.11 15, абз. 6, 7

Лэ Иисусости сас фартэ дуқанэс, во полэлас кай ӥто мэрэла. Паша лэстэ сас амбладэ дуй приступникоря (Лука 23:32, 33). Вонэ ԥэнэнас пэр лэстэ найлашэ алава. Вижал, вонэ на сас лэстирэ ученикоря (Матф. 27:44; Мар. 15:32). Но ек андар лэндэ парудя пэско гиндо и ԥэндя: «На бистэр пала мандэ, кала авэса андэ пэско Царство». Пэ када о Иисусо ԥэндя лэсти и алава анда адесутно стихо (Лука 23:39—42). Лэ Иисусостирэ алава побудин амэн тэ гиндосарас пала жызня, сави авэла андо раё пэ ԥув. Дэсо пала раё амэ можэм тэ уӷанас, кала роздиқаса, сар правияс о Соломоно (Матф. 12:42). Андэ Библия пистромэ, кай о Иисусо май баро, чем о Соломоно. Важ када во вмести лэ памазаниконэнца стерэла кадя, кай пэ ԥув авэла райкани жызня. И «аврэ бакрорэнди» важно тэ ӷанэн, со трэбуй тэ терэн, кай тэ жувэн андо раё пэ ԥув (Иоан. 10:16). w22.12 8, абз. 1; 9, абз. 4

О Исайя ԥэндя, кай о Иегова лэла внимательно тэ виашунэл амарэ молитвы. Инке о пророко ԥэнэн: «Сар кати во ашунэла, кай ту цыпис, во атветит тути». Кадэла алава напоминают, кай амаро небесно Дад най просто ӷотово тэ дэл помощь, но и фартэ камэл тэ поможый кодэлэнди, ко лэс ақарэл. Када придэл амэнди зор вся тэ виритярас радостяса. О Иегова внимательно виашунэл кажнонэ пэстирэ служытелёс. Катар амэ када ӷанас? Андэ пэрво часть андэ 30 ӷлава Исайя тердёл алав «тумэ», важ кода кай о Иегова дэл дума всаворэ пэстирэ народоса. Но андэ 19 стихо тердёл алав «ту», важ кода кай о Иегова ԥэнэн када кажнонэсти лично. О Исайя пистрой: «Ту на лэса тэ ровэс. ...Во тут полэла и жалуия. ...Во атветит тути». Сар амаро любящё Дад, о Иегова цэний кажнонэс андар мэндэ. Во внимательно виашунэл кажнонэ пэстирэ служытелёс (Пс. 116:1; Ис. 57:15). w22.11 9, абз. 5, 6

Если амэ на парашас тэ проповедуем и тэ сытярас лэ манушэн, дажэ кала исин запрето, када анэн радость и спокойство по ди (Дила 5:27—29, 41, 42). Кацаво жэ сас и андо пэрво вико. И власти ԥэндэ лэ апосталонэнди тэ на росԥэнэн пала пэстири вера. Но вонэ витидэ важ пэстэ тэ кандэн лэ Дэвлэс и на парашэлэ тэ проповедуют. Важ када и служэния анэнас лэнди бари радость. Канешно, если андэ страна, кай амэ жувас, исин запрето пэ амари дила, амэ трэбуй тэ авас осторожни андэ служэния. Давайте тэ пристас вся пэско зор, кай тэ на парашас тэ росԥэнас пала Иегова. Тоди амэндэ по ди авэла спокойство, и амэ ласа тэ лошавас. Важ кода кай ӷанас: о Иегова амэнца абурой, и амэ росԥэнас и новость, сави спасый лэ манушэнди и жызня. Андэ кацави время важно тэ сэрас, кай амэнди трэбуй спокойство лэ Дэвлэстар, ай лэс можэт тэ дэл кати о Иегова. Важ када надеинпэ по Дэл, кала жал и эпидемия, терэлпэ природно бида или кала тумэн преследуют. На дурён лэ Дэвлэстар и лэстиря арӷанизацыятар. Прецтавляйте пэсти, сави дэ райкани жызня аштярэл амэн англэ, и тоди «о Дэл, саво дэл спокойство андо ди, авэла тумэнца» (Флп. 4:9). w22.12 21, абз. 17, 18

Пэ када трэбуй тэ пристас пэско зор. Кадяжэ амэнди трэбуй тэ старысавас тэ улас пэстар и ӷрубо дума и холи (Эф. 4:31, 32). Васо када можэт тэ авэл найвушэро тэ стерас? Важ кода кай дэкала фартэ ԥарэс тэ парувэс андэр пэстэ дэсавэ найлашэ качестворя. Например андэ Библия ԥэнэнпэ: «[Лэ манушэско] ди и гиндоря цырдэнпэ каринг о найлашымос» (Быт. 8:21). Дажэ посли кода, сар болделям, трэбуй вся и время тэ пристас зор, кай тэ контролируем кадэла найлашэ качестворя, савэ амэндэ ашэлэпэ (Рим. 7:21—23). Мангпэ лэ Иеговасти пала помощь, если тути трудно тэ парудёс, и патя, кай во тут ашунэл (1 Иоан. 5:14, 15). Хоть о Иегова и на стерэла важ тутэ чуда, кай тэ парувэл тиро характеро, но во дэла тути зор тэ бориспэ, кай тэ улэс и найлашэ качестворя (1 Пёт. 5:10). Пэстиря ригатар тер кадя, сар мангэспэ, и дурюв кодэлэстар, со можэт тэ рий и найлашэ качестворя. Ай инке на домэк, кай ту бут тэ гиндос пала нэправильни жылании (Флп. 4:8; Кол. 3:2). w23.01 10, абз. 7, 9, 10

Сар и мануша моӷут тэ диқэн амари любовь? Если амэ анда вся оди росԥэнас и радосно новость пала Царство. Амэ на обжас лэ манушэн, савэндэ авэр нацыя. Кадяжэ амэ на диқас, сави лэндэ образования или барвалэ вонэ чи най. Амэ дас дума всаворэнца, кас диқас андэ служэния. Кадя амэ исполняем лэ Иеговастири воля, «важ кода кай во камэл, кай и разни мануша тэ спасынпэ и драго тэ полэн о чачимос» (1 Тим. 2:4). И любовь каринг о Дэл и каринг о Христос кадяжэ побудий амэн тэ любисарас лэ ԥралэн и лэ ԥэян. Амэ анда оди интересуемся, андэр со вонэ нуждаюца, и поможысарас, если лэндэ тердяпэ варисави бида. Амэ подритярас, кала варико андар лэндэ хасарэл пэстирэ чачен, авас лэндэ, кала вонэ занасвайлэ и анда вся зор старысавас тэ подритярас лэн, кала вонэ умэклэ и вас (2 Кор. 1:3—7; 1 Фес. 5:11, 14). Амэ на парашас тэ мангаспэ пала лэндэ и сэрас, кай «кала анда вся оди мангэлпэ кодэва, ко кандэл лэ Дэвлэс, кай кацави молитва исин баро зор» (Иак. 5:16). w23.01 28, 29, абз. 7, 8

Сар и строителя вся и время сытён инке май фэдэр тэ терэн пэстири бути, кадя и амэ можэм тэ сытювас май драго тэ подритярас аврэн и тэ дас зор ек еқэсти. Поможын лэ ԥралэнди и лэ ԥэянди тэ пэрэандярэн о ԥаримос, росԥэнэн лэнди пала кодэла, ко ашэляпэ верно лэ Иеговасти (Евр. 11:32—35; 12:1). Драго дэн дума пала ԥрала и ԥэя, кай тэ авэл мирно. Терэн вся, кай тэ ладин ек еқэса, дажэ кала када найвушэро (Эф. 4:3). Дэн зор лэ ԥралэнди и лэ ԥэянди, росԥэнэн лэнди важни библейски гиндоря и поможын лэнди пэ дила. Амэ можэм тэ авас бахталэ и лошалэ, если, ԥэнэса, строисарас аврэндири вера — поможысарас лэ ԥралэнди и лэ ԥэянди, кай лэндири вера тэ ашэл май састи. Любо цэр варикала можэт тэ роспэрэлпэ, но если амэ подритярас амарэ ԥралэн и ԥэян, када анэна лашымос пэ вся и вечность. w22.08 22, абз. 6; 25, абз. 17, 18

О Иисусо ԥэндя, кай если амэ камас тэ полас, со пистромэ андэ лэ Дэвлэско Алав, амэнди трэбуй проницательность (Матф. 24:15). Блаӷодаря лати амэ можэм тэ полас, сар и гиндоря сжанпэ ек еқэса и кода, андэр со вонэ на шонпэ. Ай инке вой поможый тэ полас кода, со спэрва на дицол. Кадяжэ, сар ԥэндя о Иисусо, и проницательность поможый амэнди тэ росполас и событии, савэ сыкавэн, кай исполнинпэ и библейски пророчества. Амэнди фартэ трэбуй кадэва качество, если амэ камас, кай амэнди тэ анэн лашымос кода, со амэ адиносарас андэ Библия. О Иегова дэл пэстирэ служытелёнэнди и проницательность. Важ када андэ молитва манг лэстар, кай во тэ поможый, кай тутэ тэ авэл кадэва качество. Сар ту можэш тэ терэс кадя, сар манглянпэ? Внимательно адиносар, шув сама, сар сжалпэ кода, со ту проадиносардян, кодэлэса, со ужэ ӷанэсас. Старысав май драго тэ полэс и стихоря, савэ ту проадиносардян, и сар тэ прилэс лэн андэ жызня (Евр. 5:14). Если тутэ авэла проницательность, кала адинос и Библия, ту сможэш май драго ла тэ полэс. w23.02 10, абз. 7, 8

Прецтавь, кай тиро друӷо подарисардя тути фартэ шукарни картина, сави стердя ашунгло художнико. Вой пурани и обрангли, дэкай ашэля май тускло и ԥарэля. Но всаек вой ашэл барэ ловэ, милионы долларов. Канешно, ту лэса тэ цэнис и тэ фэрис кадэва подарко. Амаро небесно Друӷо, о Иегова, тожэ подарисардя амэнди кучутно подарко — амари жызня. Ай инке о Иегова сыкадя, пэ скати дэ куч вой важ лэстэ, кала отдя пэстирэ Шавэс пала амэндэ (Иоан. 3:16). О Иегова — кодэва, кастар жал и жызня (Пс. 36:9). О апостало Павло ԥэндя пала када: «Через лэстэ амэ жувас, ԥирас и ԥурдас» (Дила 17:25, 28). Важ када амэ можэм тэ ԥэнас, кай и жызня — када подарко лэ Дэвлэстар. Во любий амэн и дэл вся, со трэбуй (Дила 14:15—17). Но о Иегова на терэл чудеса, кай тэ подритярэл амари жызня. Во аштярэл, кай амэ пэстиря ригатар екжэнэ ласа тэ заботисавас, кай амэндэ тэ авэл лашо зор и лащи дружба лэса (2 Кор. 7:1). w23.02 20, абз. 1, 2

Сар жэ амэ блаӷодарни лэ Иеговасти пала Библия! Андэр латэ исин мудри советоря, савэ поможын амэнди тэ полас, со тэ терас, кала исин трудности. Кадяжэ амэ уӷанас пала жызня, сави аштярэл амэн англэ, и када дэл амэнди надежда. Но со май важно, андэ Библия о Иегова бут росԥэнэн пала пэстэ. Кала амэ гиндосарас пала лэстирэ райканэ качестворя, вонэ лэн амэн лэ одестар. Тоди амэ камас тэ ашас май пашэ каринг лэстэ и тэ терас вся, кай амэндэ тэ авэл лэса чачуни дружба (Пс. 25:14). О Иегова камэл, кай и мануша лэс тэ ӷанэн. Андэ дэлмутни время во росԥэнэнас пала пэстэ, кала дэлас и сунэ, сыкавэлас и видении, ай кадяжэ бишалэлас лэ анӷелонэн каринг и мануша (Чис. 12:6; Дила 10:3, 4). Но хэба кадэла сунэ, видении и новости лэ анӷелонэндар андоп амэнди варисаво лашымос, если тэ на авелоп запистромэ? Акэ васо о Иегова дя лэ манушэнди тэ пистрой андэ книӷа кода, со во камэлас пала пэстэ тэ росԥэнэн. Амэ ӷанас, кай «лэ чачунэ Дэвлэско дром совершэно» (Пс. 18:30). Важ када амэ уверени, кай во витидя со май лашо способо, сар тэ дэл дума амэнца. w23.02 2, абз. 1, 2

Стов цэли, савэ анэна тути лашымос. Витидэ кацавэ цэли, савэ поможына, кай тири вера тэ ашэл май састи, ай и дружба лэ Иеговаса май лащи (Эф. 3:16). Например, ту можэш май часто тэ адинос и Библия и тэ проандярэс и лично изучения (Пс. 1:2, 3). Или май долӷо и анда вся оди тэ дэс дума лэ Иеговаса. Ай можэт, тути трэбуй тэ авэс май внимательно андэ кода, савэ развличении тэ витидэс и сар тэ проандярэс пэстири время (Эф. 5:15, 16). Ту можэш тэ барёс духовно, если лэса тэ поможыс аврэнди. Например, ту можэш тэ дэс зор лэ ԥурэ манушэнди андэ собрания и кодэлэнди, касти трэбуй помощь. Вонэ авэна фартэ блаӷодарни, если ту тинэса важ лэндэ кода, со лэнди трэбуй, или поможыса тэ пользуюца лэ телефоноса или лэ планшэтоса. Кадяжэ ту можэш тэ поможыс кодэлэнди, ко инке на служый лэ Иеговасти, если анда вся оди лэса тэ росԥэнэс лэнди пала Иегова (Матф. 9:36, 37). Ай если тутэ исин возможность, погиндосар пала кода, кай тэ служыс полновремено. w22.08 6, абз. 16, 17