Ноябрё

Лэ христианонэнди на прижал тэ используют и найлашэ алава андэ дума. Но дэкала най сразу полэса, кай о мануш дэл дума найдраго. Например, трэбуй тэ авас осторожни, кай тэ на подасаспэ лэ манушэндар, савэндэ авэр нацыя или культура. Кадяжэ амэ на камас тэ подпусавас андэ дума аврэн, кай лэнди тэ авэл больно. Мэк тумари дума подритярэл аврэн. Старыинпэ тэ на сындон аврэн, ай хвалин лэн. Кай и израильтяноря сас бут причины тэ авэн блаӷодарни лэ Иеговасти, но вонэ всаек сас нэдовольни. Кацаво настроё можэт тэ повлияет пэ авэр. Тумэ, наверно, сэрэн, кай и дэш разведчикоря змардэ всаворэ народос, кай и «израильтяноря линэ тэ холявэн по Моисеё» (Чис. 13:31—14:4). Но если амэ хвалисарас аврэн, када фартэ подритярэл. Важ када пристон зор, кай тэ хвалин аврэн. w22.04 8, абз. 16, 17

Кай о Иегова исин ужэ розбут тэрнорэ друӷоря. Если тумарэ бэяцэ закамэна, во поможыя и лэнди тэ подружынпэ лэса (1 Кор. 3:6, 7). Дажэ если вонэ най фартэ камэн лэсти тэ служын, во всаек лэн любий (Пс. 11:4). Кала о Иегова додиқэла, кай лэн хоть набут цырдэл «каринг о чачимос», во сразу лэн подритярэла (Дила 13:48; 2 Лет. 16:9). О Иегова стерэла кадя, кай тумэ тэ подтидэн кацавэ алава, савэ лэ бэятости трэбуй тэ ашунэл, и имено андэ кодэя время, сави май фартэ поджал (Прит. 15:23). Ай можэт, во побудия варисавэ ԥралэс или ԥья тэ шон сама тумарэ бэятос. Дажэ кала и бэяцэ вибарёна, о Иегова можэт лэнди напомнить кода, со вонэ ашунэнас тумэндар в децтве (Иоан. 14:26). Если тумэ лэна тэ пристон вся пэско зор, кай тэ сытярэн лэ бэятонэн алавэнца и диласа, о Иегова тумэн обязательно блаӷословия. w22.04 21, абз. 18

О Сатана будэр нэ моӷ тэ авэл по нэбо, важ када во ля фартэ тэ вэрыцый лэ памазаниконэн, савэ ашэлэпэ пэ ԥув. Васо? Вонэ терэн лэ Иеговастири дила и «росԥэнэн пала Иисусо» (2 Кор. 5:20; Эф. 6:19, 20). Со имено ля тэ терэл о Сатана? Андо 1918 бэрш пэ восемь ответствени ԥрала хохадэ, и лэн пэ долӷонэстэ бэшардэ андо баруно. Тоди моӷли тэ погиндон, кай акана и дила, пала сави диқэнас кадэла ԥрала, терделя (Св. Т. 11:3, 7—11). Но андо 1919 бэрш па кадэла помазани ԥрала злинэ обвинении, и лэн одмэклэ анда баруно. Када сас фартэ нэожыдано, и вонэ сразу жэ упалэ линэпэ пала дила: тэ диқэн пала проповедь и тэ сытярэн лэ манушэн. Но лэ Сатанас када на тердярдя. Во и май дур ля тэ тасавэл по лэ Дэвлэско народо. Во терэл вся, кай пэр лэндэ тэ дэл «бари лэн» анда преследовании (Св. Т. 12:15). Важ када амэнди трэбуй тэ на парашас тэ патяс и тэ виритярас о ԥаримос (Св. Т. 13:10). w22.05 5, 6, абз. 14—16

Андэ пэстири видения о апостоло Иоано додиқля дуй ӷрупы манушэн, савэ подритярэн лэ Иеговастири правления и лэна тэ жувэн вечно. Андэ пэрво ӷруппа 144 000 мануша (Св. Т. 14:3, 4). Вонэ лэна тэ правин вмести лэ Иисусоса по нэбо. О Иоано додиқля андэ видения, кай вонэ тердён лэ Иисусоса по плай Сионо (Св. Т. 14:1). Кадэва Царство лэла тэ правий ла ԥувьяса (Св. Т. 5:9, 10). Важ и бут викоря о Иегова ужэ витидя тысячи христианонэн, кай вонэ тэ авэн памазаникоря (Лука 12:32; Рим. 8:17). Но о апостало Иоано ԥэндя, кай кати набут андар лэндэ ашэнапэ пэ ԥув андэ послидни деса (Св. Т. 12:17). Тоди андэ само бари бида лэн залэна по нэбо. Вонэ лэна тэ правин вмести лэ Иисусоса и аврэ памазаниконэнца, савэ мулинэ май данглал и ашэлэпэ верни лэ Иеговасти (Матф. 24:31; Св. Т. 5:9, 10). w22.05 16, абз. 4, 5

О Иисусо сытярэлас пэстирэ учениконэн правильно тэ диқэн пэр пэстэ. Акэ со во ԥэндя пала Дэл: «Во ӷанэн, скати бал тумэндэ по шэро» (Матф. 10:30). Кадэла алава особено подритярэн кодэлэн, ко гиндой, кай во нисо на ашэл. Вижал, амэ най всаек лэ Иеговасти и фартэ куч важ лэстэ. Тоди васо амэ трэбуй тэ на допатяс кадэлэсти?! О Иегова гиндой, кай амэ достойни тэ авас лэстирэ служытеля и тэ жувас вечно андо раё пэ ԥув. Еқвар андэ «Сторожэво башня» ԥэнэнаспэ: «Амэ на камас тэ вистас пэс, кай амэ май лашэ аврэндар и тэ авас ӷорди. Но кадяжэ важно тэ на гиндосарас, кай амэ нисо на ашас. Амэ трэбуй тэ старысавас правильно тэ диқас пэр пэстэ и тэ полас, со амэндэ драго вижал, ай со най. w22.05 24, 25, абз. 14—16

Со амэ можэм тэ терас, кай андэ собрания тэ авэн всаворэ сар ек ери? Если ласа тэ терас вся, кай тэ авэл мирно (Матф. 5:9; Рим. 12:18). Кала андэ собрания всаворэ ладин, амаро духовно раё ашэл инке май шукарно. Амэ сэрас, кай кажнонэс андэ кадэва духовно раё ақардя екжэно о Иегова (Иоан. 6:44). Во фартэ радуийпэ, кала амэ пристас вся пэско зор, кай андэ собрания тэ авэл мирно и всаворэ тэ авэн сар ек ери. О Иегова цэний кажнонэс андар мэндэ! (Ис. 26:3; Агг. 2:7). О Иегова фартэ блаӷословий пэстирэ служытелёнэн. Со амэ можэм тэ терас, кай када тэ анэн амэнди инке май бут лашымос? Трэбуй драго тэ розмышляем, кала изучаем лэ Дэвлэско Алав, и Библия. Блаӷодаря кадэлэсти, амэндэ авэна христиански качестворя, савэ поможына амэнди «сар ԥрала [тэ любисарас] ек еқэс и нежно [тэ обжаспэ] ек еқэса» (Рим. 12:10). w22.11 12, 13, абз. 16—18

Кала амэ полас, кай о Иегова амэн простисардя, амэндэ ашэл драго по ди и амэн будэр на хал и совесть. Кацаво можэт тэ авэл кати тоди, кала амэн простий екжэно о Иегова (Дила 3:19). Во домэкэл, кай амэ упалэ тэ авас лэстирэ пашутнэ друӷоря, кабута амэ никала и на тердям бэзэх. Если о Иегова простисардя, во ужэ никала на лэла тэ дошалярэл амэн или тэ спушэл пала када (Ис. 43:25). Андэ Библия ворта ԥэнэнпэ: «Сар дур ек еқэстар о востоко и о западо, кадя дэ дур во одындярдя амэндар амарэ ӷрехоря» (Пс. 103:12). Кала амэ гиндосарас, сар простий о Иегова, када лэл амэн лэ одестар и амэ ашас май блаӷодарни (Пс. 130:4). Кала о Иегова прилэл ришэния, тэ простий лэ манушэс чи най, во на шол сама пэ скати дэ ԥаро бэзэх о мануш стердя. Сар амаро Создателё, Сындомари и Кодэва, ко стол и законоря, о Иегова фартэ бут ӷанэн. И во использует када, кала прилэл варисави ришэния. w22.06 5, абз. 12—14

О Иегова дя райкани надежда всаворэнди, ко лэс любий. Ӥто во улэла вся о насвалимос, всаворэ биды и смэрть (Св. Т. 21:3, 4). Во поможыя кодэлэнди, кастэ ковло ди, тэ стерэн, кай о раё тэ авэл па вся и ԥув (Пс. 37:9—11). И амэндэ авэла инке май лащи и май пашутни дружба лэ Иеговаса, чем акана. Сави дэ райкани надежда! Но васо амэ можэм тэ патяс кадэлэсти? Важ кода кай о Иегова всегда зритярэл пэско алав. Вижал, амэндэ исин бут причины, васо тэ надеисавас по Иегова (Пс. 27:14). Амэ анда вся оди аштярас, кала о Иегова зритярэла пэстирэ обещянии (Ис. 55:10, 11). Авэн предани лэ Иеговасти. Патян: во обязательно блаӷословия кодэлэн, «ко фартэ родэл лэс»! w22.06 20, абз. 1; 25, абз. 18

Амэ можэм тэ патяс, кай о Иегова, сар хулай андо ери, стол патив по принцыпо анда 1 Тимофею 5:8 и екжэно кадя лэла тэ терэл. Если амэ патяс, кай о Иегова любий амэн и амаро ери, амэ аваса уверени, кай во дэла амэнди вся, со трэбуй важ и жызня (Матф. 6:31—33). Лэ Иеговасти фартэ чалёл тэ заботийпэ пала амэндэ. Саво во дэ щедро и любящё Дад! Кала о Иегова создавал и ԥув, во стердя най кати кода, со трэбуй, кай амэ тэ вижувас. Во бут со подарисардя амэнди, кай амэ тэ радосавас ла жызняти (Быт. 2:9). Дажэ если дэкала амэнди хутилэл и ловэ кати пэ само нэобходимо, трэбуй тэ авас блаӷодарни, кай када исин. Када сыкавэл, кай о Иегова заботийпэ пала амэндэ (Матф. 6:11). Сэрэн: кала амэ варисостар отԥэндювас, када на сыстояпэ кодэлэса, сар о Иегова блаӷословий амэн акана и сави лащи жызня во дэла англэ (Ис. 65:21, 22). w22.06 15, абз. 7, 8

Най кати кодэлэнди, ко найдэлмут уӷангля о чачимос, трэбуй тэ сытён май драго тэ полэн лэ Дэвлэс. Када трэбуй всаворэнди. О апостоло Павло ԥэндя, кай блаӷодаря кадэлэсти вонэ моӷут «май драго тэ полэн со лашо, ай со най». Дицол, кай и мануша андэ амари время тасон андэ найлащи и билажаварди дила жы па кан. Важ када фартэ найвушэро тэ терас кадя, сар сытярэл амэн о Иегова. Вся, со вимэкэл лэ Иеговастири арӷанизацыя, стердо па Библия и поможый, кай амэндэ тэ авэл састи вера. Кадя жэ, сар о Иисусо, амэ стас бари патив по лэ Дэвлэско алав (Иоан. 17:6, 26). Например, андо 1931 бэрш, амэ лям тэ ԥэнас пэр пэстэ — лэ Иеговастирэ свидетеля. Када сыкавэл, кай амэндэ особо дружба амарэ небеснонэ Дадэса (Ис. 43:10—12). Инке андэ Библия «Нэвя люмако переводо», рисардэ лэ Дэвлэско алав андэ кодэла ҭана, кай во трэбуй тэ тердёл. w22.07 11, абз. 11, 12

Со ужал андо чачимос, пала саво пистромэ андэ Библия? Када и лащи новость пала лэ Дэвлэско Царство. О Иисусо сытярэлас, кай и истина пала Царство шолпэ по загарадо сомнак. Во ԥэндя: «О небесно Царство шолпэ по сомнак, саво гарадо пэ мал. Лэс о мануш арақля и упалэ гарадя. Во кадя залошайля, кай жыля, битиндя вся, со лэстэ сас, и тиндя кодэя мал» (Матф. 13:44). Шон сама, кадэва мануш на родэлас спецыально кадэва сомнак, но кала во лэс виарақля, во сас ӷотово бут пэр со тэ жал, кай кадэва сомнак тэ авэл лэско. Сар ԥэндя о Иисусо, во «битиндя вся, со лэстэ сас». Васо во када стердя? Во ӷанэнас, кай кадэва сомнак сас фартэ кучутно. И служэния лэ Иеговасти анэн амэнди бари радость, и када на сыстояпэ кодэлэса, со можэт тэ дэл амэнди кадэва миро. Кадяжэ амэндэ исин надежда тэ жувас вечно тала лэ Дэвлэско Царство. Ай инке амэ фартэ цэнисарас амари дружба лэ Иеговаса, дажэ если важ латэ прижалпэ варисостар тэ отԥэндювас! Важ лэ Дэвлэско народо бари бах «андэ вся тэ уӷодин лэсти» (Кол. 1:10). w22.08 15, абз. 8, 9; 17, абз. 12

Катар о Иосифо ӷанэнас, кай и измена андо брако — када баро бэзэх англа Дэл? Андэ лэ Маисеёско законо ворта сас ԥэндо: «Нэ изменяй андо брако» (Исх. 20:14). Но кай тэ авэл кадэва законо, трэбуй сас тэ прожал инке 200 лет. О Иосифо драго ӷанэнас лэ Иеговас, и важ када полэлас, сар о Дэл диқэл по билажавардимос. Например, о Иосифо ӷанэнас, кай па лэ Иеговаско замысло андо брако трэбуй тэ авэн кати дуй — ек мурш и ек жувли. И во ашунэлас, сар о Иегова дуварэс фэрисардя лэстиря пробаба, ла Сарра, кала пэр латэ задиқэнаспэ авэр мурша (Быт. 2:24; 12:14—20; 20:2—7). Кала о Иосифо гиндояс пала када, во полэлас, со важ о Дэл лашо, ай со най. О Иосифо любияс лэ Дэвлэс и анда вся оди камэлас тэ терэл кода, со во аштярэл лэстар. w22.08 26, абз. 1, 2

Раньшэ амэ гиндосарасас, кай андэ кадэва пророчество ԥэнэнпэ, кай лэ Дэвлэстирэ служытеля кабута воскресли — упалэ линэ тэ проповедуют посли ԥарэ преследовании андо 1918 бэрш. Но акана амэ полас, кай андэ кадэва стихо ԥэнэнпэ пала воскресения, сави авэла андо раё пэ ԥув. Вой залэлапэ, кала закончаца и послидни деса и о Армагеддоно. Андэ Даниила 12:2 ԥэнэнпэ, кай дэко воскреснет «важ и вечно жызня». Со када сыкавэл? И мануша, савэ воскреснут, кала о Иисусо правия 1 000 лет, лэна тэ уӷанэн пала Иегова и пала Иисусо и тэ кандэн лэн, и тоди о Дэл дэла лэнди вечно жызня (Иоан. 17:3). w22.09 21, абз. 6, 7

О Иегова на аштярэл, кай амэ просто кадя всаворэнди тэ доверяем, но амарэ ԥрала и ԥэя ужэ затердэ амари доверия. Кадя жэ сар и уважэния, и доверия на лэлпэ корко пэстар. Ла трэбуй тэ затерэн, ай пэ када трэбуй время. Важ када авэн терпеливи: дэн возможность лэ ԥралэнди и лэ ԥэянди тэ сыкавэн, кай лэнди можно доверять. Со тумэ можэте тэ стерэн пэстиря ригатар, кай тэ доверяете лэнди? Уӷанэн лэн май драго. Общяйтесь лэнца пэ собрании. Ақарэн лэн андэ служэния. Возможно, тумэ на лэна тэ ԥэрнавэн пэско ди кодэлэнди, кас уӷанглэ кати найдэлмут. Но со май бут тумэ уӷанэн лэ манушэс, со май вушэро тэ росԥэнэн лэсти, со тумэндэ по ди (Лука 16:10). Ай со, если варико анда собрания хасардя тумари доверия? На грабинпэ тэ одбандён лэстар. Мэк прожал время, авэн терпеливи. Дажэ если варико андярдя пэс нэправильно, на парашэн через када тэ доверяете аврэ ԥралэнди и ԥэянди. w22.09 4, абз. 7, 8

О Мигелё, саво служый сар барэдэр ԥрал андэ Южно Америка, ԥэнэн, кай сас время, кала лэсти сас фартэ ԥарэс. Лэсти здэласпэ, кай дэсавэ назначени ԥрала обжылэпэ лэса фартэ нэсправедливо. Но всаек о Мигелё гиндояс годявэрнэс и старыияспэ тэ контролирует пэстирэ эмоцыи. Во часто мангэлас лэ Иеговастар о свынто духо и о зор, кай вся тэ виритярэл. Кадяжэ во родэлас инфармацыя андэ амарэ публикацыи, сави моӷла тэ подритярэл лэс. Сости амэ можэм тэ сытювас? Кала тути здэлпэ, кай варико анда ԥрала и ԥэя обжыляпэ туса нэсправедливо, ашпэ спокойно и старысав тэ контролируеш пэстирэ эмоцыи. Ту можэш тэ на ӷанэс, васо о ԥрал или ԥэй кадя пэс андярдя туса. Важ када мангпэ лэ Иеговасти, кай во тэ поможый тути тэ диқэс пэ вся кадя, сар во. Старысав анда ди тэ простис лэс (Прит. 19:11). На бистэр: о Иегова драго ӷанэн вся и ситуацыя и дэла тути зор, кай ту вся тэ виритярэс (Эккл. 5:8). w22.11 21, абз. 5

Дружысар кодэлэнца, ко любий лэ Иеговас. И лашэ друӷоря моӷут тэ поможын тути тэ барёс духовно (Прит. 13:20). О старейшына Руслано росԥэнэн пала пэстирэ тэрнэ бэрша: «Через и служэния лэ Иеговасти мэ виарақлэм лашэ друӷонэн. Вонэ анда вся оди терэнас лэ Дэвлэстири дила, и када поможысардя манди тэ диқав, сави дэ бари радость можэт тэ анэн и служэния. Мэ полэм, кай если лава тэ дружысарав кати мэрнэ ровэсниконэнца, мэ бут со умэкава. Со тэ терэс, если ту полян, кай варико анда собрания найдраго пэр тутэ влияет? Андо пэрво вико най всаворэ́ христианонэндэ сас лащи дружба лэ Иеговаса. О апостало Павло ӷанэнас пала када, и важ када во ԥэндя лэ Тимафеёсти тэ ритярдёл май дур лэндар (2 Тим. 2:20—22). Важ амэндэ фартэ куч амари дружба лэ Иеговаса. Амэ пристодям бут зор, кай тэ ашас май пашэ каринг о Дэл. Важ када на домэк, кай варико тэ римой кадэя дружба. w22.08 5, 6, абз. 13—15

Амэ на шаспэ пэ мануша, савэ отԥэндён тэ кандэн лэ Дэвлэс. Амэ любисарас лэстирэ советоря, ай кадяжэ кала во подԥэнэн тэ ритярдювас май дур лэ билажавардимастар. Амэ можэм тэ терас, кай кадэя любовь тэ авэл май бари, если ласа тэ сыстосарас, каринг со анэн, кала кандас или кала на кандас лэ Дэвлэс. Погиндон пала мануша, савэндэ бут проблемы кодэлэстар, кай вонэ отԥэндён тэ прилэн лэ Иеговастар лэстирэ мудри советоря! И диқэн пэ пэстири жызня: пэскати вой май бахтали, кай тумэ кандэн лэ Иеговас (Пс. 32:8, 10). О Иегова дэл и мудрость всаворэнди. Но во никас на заставий каринг латэ тэ приашундён. Кадяжэ во росԥэнэн, сави жызня авэла кай о мануш, если во на прилэл лэстири мудрость (Прит. 1:29—32). Лэнди авэла кода, со вонэ затердэ. Сар прожала время, лэнди авэла фартэ ԥарэс кодэлэстар, кай вонэ жувэнас па пэстирятэ. Ай потом о Иегова лэн улэла. Но пала кодэла, ко прилэл лэ Иеговастирэ советоря, андэ Библия ԥэнэнпэ: «Кодэва, ко ман ашунэл, авэла тэ жувэл андэ безопасность. Во на лэла тэ дарал ла бидатар» (Прит. 1:33). w22.10 21, абз. 11—13

«И дар, важ кода кай стос патив по Иегова» поможый тути тэ дурёс всаворэстар, со стерэла лэ Иеговасти больно (Прит. 16:6). Важ када амэ анда вся зор старысавас тэ жувас па лэско законо, саво пистромэ андэ Библия и сыкавэл со лашо, ай со най (2 Кор. 7:1). Амэ ашас май бахталэ, если терас кода, со любий о Иегова и дурювас кодэлэстар, со во нэнавидит (Пс. 37:27; 97:10; Рим. 12:9). Лэ манушэсти трэбуй най кати тэ ӷанэн, кай лэ Иеговастэ исин право тэ стол о законо, саво сыкавэл, со лашымос, ай со най. Во кадяжэ трэбуй тэ жувэл па кадэва законо (Рим. 12:2). Па амари дила дицол, прижанас амэ, кай лэ Иеговаско законо со май лашо, чи най (Прит. 12:28). Кадя гиндояс о Давидо. Во ԥэндя лэ Иеговасти: «Ту сыкавэс манди ла жызняко дром. Важ мандэ бари радость тэ авав паша тутэ. Тэ авав па право вас тутар, када вечно бах» (Пс. 16:11). w22.10 8, абз. 9, 10

Через и смирения о Иисусо на гиндояс пала пэстэ май бут, чем трэбуй. Жы каринг кода, сар тэ авэл пэ ԥув, во вмести лэ Иеговаса терэлас бут дила. Андэ Библия ԥэнэнпэ, кай «через лэстэ сас создано вся авэр, со по нэбо и пэ ԥув» (Кол. 1:16). Кала о Иисусо болделя, во, возможно, вспомнил вся, со терэлас, кала сас по нэбо пэстирэ Дадэса (Матф. 3:16; Иоан. 17:5). Но через када во на ашэля ӷордо. Наоборот, во никала на гиндояс, кай во май лашо аврэндар. О Иисусо ԥэндя, кай авеля пэ ԥув «най, кай лэсти тэ служын, ай кай тэ служый и тэ отдэл пэстири жызня, кай тэ витинэл бутэн» (Матф. 20:28). Инке во никала на терэлас па пэстирятэ. О Иисусо сыкадя лашо примеро андэ кода, сар тэ на заваздас о шэро! w22.05 24, абз. 13

Кала о Иегова прилэл ришэния тэ простий чи най, во шол сама, ӷанэнас о мануш, кай терэл нэправильно чи най. О Иисусо ворта ԥэндя пала када андэ Лука 12:47, 48. Если варико полэл, кай жал против лэ Иеговаско законо, и всаек кадя терэл, — када баро бэзэх. О Иегова можэт тэ на простий лэс (Мар. 3:29; Иоан. 9:41). Но значит када, кай андэ кацави ситуацыя, о ӷрешнико нэ можэт тэ надеийпэ, кай о Иегова лэс простия? Канешно, най. О Дэл шол сама, анда вся оди каийпэ о мануш чи най. Тэ каиспэ значит тэ парувэс пэско гиндо и со андо ди. Ай если о мануш камэлас тэ стерэл варисо найлашо, во трэбуй тэ ашавэл кадэва гиндо. Кодэва, ко каийпэ, фартэ пэрэжывает, кай стердя нэправильно. Лэсти ԥарэс най кати кодэлэстар, со во стердя. Во полэл, кай вся када тердяпэ, важ кода кай во дуреля лэ Иеговастар. w22.06 5, 6, абз. 15—17

Амарэ вороӷоря по разному розындярэн о хохаимос пала назначени ԥрала (Пс. 31:13). Пала дэсавэ ԥрала дажэ ԥэндэ, кай вонэ приступникоря, и бэшардэ лэн андо баруно. Кацаво жэ сас и андо пэрво вико, кала лэ Павлос нэсправедливо сындосардэ и бэшардэ. Кала во сас андо баруно андо Римо, дэсавэ христианоря одбанделэ лэстар (2 Тим. 1:8, 15; 2:8, 9). Кати погиндон, со сас по ди кай о Павло, кала лэс всаворэ ашадэ. Во пэрэандярдя бут ԥаримос и дажэ сас ӷотово тэ хасарэл пэстири жызня важ лэндэ (Дила 20:18—21; 2 Кор. 1:8). Давайте ласа тэ терас вся, кай тэ на шаспэ пэ христианоря, савэ ашадэ лэ Павлос андэ бида! Амэ на удивисавас, кай о Сатана тасавэл пэ ԥрала, савэ диқэн пала собрания. Во терэл вся, кай вонэ тэ парашэн тэ авэн предани лэ Дэвлэсти и кай амэн тэ лэл и дар через када (1 Пёт. 5:8). Вся и время подритяр лэ ԥралэн и ав паша лэндэ (2 Тим. 1:16—18). w22.11 16, 17, абз. 8—11

О приступнико, саво сас амбладо паша Иисусо и саво каисайля, сас евреё. И евреёря тэлёнас еқэ Дэвлэсти, ай и мануша анда авэр народоря бутэ хохавнэ дэвлэнди (Исх. 20:2, 3; 1 Кор. 8:5, 6). Если кадэва мануш тэ авелоп най евреё, тоди о вопросо андэ адесутно стихо авелоп кацаво: «Ту со, совсем на дарас дэвлэндар?» Кадяжэ о Иегова бишалдя лэ Иисусос най каринг всаворэ народоря, ай кай «и хасардэ бакрорэ андо Израилё» (Матф. 15:24). Инке о Дэл росԥэндя лэ евреёнэнди, кай во рия каринг и жызня кодэлэн, ко муля. И кадэва приступнико, наверно, ӷанэнас пала када. Анда лэстирэ алава дицолас вера, кай о Иегова воскресия лэ Иисусос и стола лэс царёса андэ пэско Царство. Возможно, кадэва мануш надеияспэ, кай о Иегова лэс тожэ воскресия. Если кадэва мануш сас евреё, тоди во ӷанэнас пала Адамо и Ева. Важ када, кала, сар пистромэ андэ Лука 23:43, о Иисусо ԥэндя пала раё, наверно, кадэва приступнико прецтавил пэсти шукарно садо катэ пэ ԥув (Быт. 2:15). w22.12 8, 9, абз. 2, 3

Амэ адес проповедуем блаӷодаря кодэлэсти, кай амэнди поможый лэ Дэвлэско свынто духо. Важ кода кай о Сатана андярэл и война против амэндэ, кай амэ тэ парашас тэ проповедуем (Св. Т. 12:17). И мануша моӷут тэ гиндон, кай амэндэ на вижала тэ фэрисавас лэ Сатанастар. Но кала амэ служысарас, амэ победисарас лэс! (Св. Т. 12:9—11). Васо можно кадя тэ ԥэнас? Кала амэ жас андэ служэния, амэ сыкавас, кай на дарас лэ Сатанастар. Кажно разо, кала амэ вижас пэ проповедь, о Сатана процэлэл. Када сыкавэл, кай о Иегова дэл амэнди пэско свынто духо, и во амэнца довольно (Матф. 5:10—12; 1 Пёт. 4:14). Через лэ Дэвлэско свынто духо амэ можэм тэ виритярас всаворэ трудности андэ служэния (2 Кор. 4:7—9). Со амэ трэбуй тэ терас, кай о Иегова тэ дэл амэнди о свынто духо? Трэбуй вся и время тэ мангаспэ пала лэстэ и тэ авас уверени, кай Иегова амэн ашунэн. w22.11 5, абз. 10, 11

Амэ сыкавас пэстири любовь каринг и ԥрала и ԥэя, кала терас вся, кай тэ ладисарас лэнца. Кала простисарас, амэ терас кадя, сар о Иегова. Если о Иегова сас ӷотово тэ отдэл пэстирэ Шавэс пала амарэ ӷрехоря, хэба на трэбуй и амэ тэ простисарас лэ ԥралэн и лэ ԥэян, кала вонэ шылинпэ? Амэ на камас тэ шаспэ по найлашо рабо анда лэ Иисусостири притча. О ӷосподино простисардя лэсти баро вужылимос, но кадэва рабо на закамля тэ простий аврэ рабос, саво сас лэсти вужыло найбарэ ловэ (Матф. 18:23—35). Если тумэ на поладисардэ варикаса анда собрания, моӷли бы тумэ пэстиря ригатар тэ терэн вся, кай тэ помиринпэ англа Вечеря? (Матф. 5:23, 24). Кала тумэ пэс кадя андярэна, тумэ сыкавэна пэстири бари любовь каринг о Иегова и каринг о Иисусо. w23.01 29, абз. 8, 9

Сар тэ уӷанас, сави трэбуй помощь лэ ԥралэнди и лэ ԥэянди? Амэ можэм лэндар ковлэс тэ пушас (Прит. 20:5). Со лэнди трэбуй? Хутилэл лэнди хамос, драба, ӥда? Исин лэндэ кацавэ проблемы, через савэ вонэ моӷут тэ хасарэн и бути и дажэ о цэр? Трэбуй лэнди помощь, кай тэ получин и пособии, савэ дэл о ӷосударство? О Иегова аштярэл, кай кажно авэла тэ подритярэл аврэн (Гал. 6:10). Дажэ если амэ терас набут важ кодэва, ко занасвайля, када можэт лэс фартэ тэ подритярэл. О бэято можэт тэ подарий пэско рисунко или открытка. Ай кодэва, ко май взросло, можэт тэ поможый па цэр или тэ жал андо магазино. Кадяжэ можно тэ гитон тэ хан кодэлэсти, ко занасвайля. Ай дэсавэ бишалэн открытки, андэ савэ ԥэнэн, кай вонэ блаӷодарни лэ барэдэрэ ԥралэнди, важ кода кай через и эпидемия, лэндэ ашэл май бут дила. Сар дэ драго, кай амэ пэстиря ригатар можэм варисо тэ стерас, кай тэ подритярас и тэ придас зор ек еқэсти! (1 Фес. 5:11). w22.12 22, абз. 2; 23, абз. 5, 6

И садукеёря драго ӷанэнас пэрви панч книжки андэ Еврейски Писании, но вонэ на шонас сама пэ важно лэ Дэвлэско чачимос, саво котэ сас. Например, вспомним, сар и садукеёря, кай тэ подлэн лэ Иисусос андэ дума, пушлэ лэстар пала воскресения. Пэ када во ԥэндя лэнди: «Хэба тумэ на адиносардэ андэ лэ Моисеёстири книӷа, сар о Дэл ԥэндя лэсти паша кусто, саво ԥаболас: „Мэ Дэл лэ Авраамоско, Дэл лэ Исаакоско и Дэл лэ Иаковоско“?» (Мар. 12:18, 26). Хоть и садукеёря, канешно, бут разоря адинонас кадэла алава, но лэ Иисусоско вопросо сыкадя, кай вонэ ԥандавэнас и яқа пэ кода, сости сытярэлас и Писания пала воскресения (Лука 20:38). Сости амэ анда када сытювас? Кала амэ адиносарас и Библия, амэнди трэбуй тэ авас внимательни каринг всаворэ гиндоря, савэ исин андо стихо или ӷлава. Трэбуй тэ шас сама най кати по ӷлавно чачимос, саво сразу дицол, но кадяжэ по чачимос и принцыпоря, савэ шонпэ по загарадо сомнак. w23.02 11, абз. 9, 10

Кай бут лэ Дэвлэстирэ служытеля сас барэ трудности, но вонэ ашэлэпэ предани лэ Иеговасти (Евр. 11:36—40). Сас када евья? Най! Вонэ всаворэ́ одеса надеинаспэ по Иегова, хоть и на диқлэ, сар во зритярдя пэстирэ обещянии. Вонэ ӷанэнас, кай о Иегова лэнца довольно, и важ када сас уверени, кай во зритярэла пэско алав (Евр. 11:4, 5). Лэнго примеро поможыя и тумэнди тэ на парашэн тэ надеинпэ по Иегова. Амэ жувас андэ люма, кай и мануша фартэ найдраго пэс андярэн (2 Тим. 3:13). О Сатана на парашэл тэ тасавэл по лэ Дэвлэско народо. Амэндэ андэ жызня фартэ бут ԥаримос. Но амэ «надеисавас по жундо Дэл» (1 Тим. 4:10). Давайте анда вся оди тэ служысарас лэсти! w22.06 25, абз. 17, 18

Васо амэнди трэбуй тэ заботисавас, кай амэндэ тэ авэл лашо зор? Амэ полас, кай кати тоди сможэм тэ служысарас лэ Иеговасти всаворэ́ зорэса (Мар. 12:30). Важ када амэ на ласа тэ терас кода, со римосардоп амаро зор (Рим. 12:1). Канешно, амэ полас, кай дажэ если фартэ ласа тэ старысавас, амэндэ на вижала тэ фэрисарас пэс всаворэ насвалимастар. Но амэ пэстиря ригатар терас вся, кай тэ заботисавас пала пэско зор. Важ кода кай камас тэ сыкавас амарэ небеснонэ Дадэсти блаӷодарность пала лэско кучутно подарко — и жызня. Но через о насвалимос или ԥурэ бэрша амэндэ, возможно, на вижала тэ терас кадя бут, сар варикала. Кадэлэстар можэт тэ авэл фартэ ԥарэс. Но на умэкэн и вас! Авелоп нэправильно тэ гиндосарас, кай будэр на трэбуй тэ заботисавас пала пэско зор. Васо? Нэважно, скати амэнди бэрш и саво амэндэ зор, амэ всаек можэм тэ служысарас лэ Иеговасти, сар о царё Давидо. Амэн лэл лэ одестар, кай о Дэл фартэ цэний амэн, хоть амэ и нэсовершэни! (Матф. 10:29—31). И дажэ если амэнди прижалапэ тэ хасарас и жызня, во лэла фартэ тэ аштярэл и время, кала воскресия амэн (Иов 14:14, 15). Важ када, пока марэлпэ амаро ди, давайте тэ терас вся, кай тэ фэрисарас пэско зор. w23.02 20, 21, абз. 3—5

Щяс и алава фартэ бутэ манушэндирэ запистромэ андэ книӷа важ и жызня. Ашэнапэ вонэ котэ посли о Армагеддоно? Да (Св. Т. 7:14). О Иисусо ԥэндя, кай кадэла мануша, савэн сыстосардэ лэ бакрорэнца, «лэна вечно тэ жувэн» (Матф. 25:46). Но кодэла, ко пэрэжувэна о Армагеддоно, най сразу получина и вечно жызня. Кала о Иисусо лэла тэ правий и 1 000 бэрш, во «лэла тэ пасый лэн и тэ андярэл кордэ, катар жал ла жызняко паи». И алава кодэлэндирэ, ко кандэла лэ Христос и авэла предано лэ Дэвлэсти, о Иегова запистроя андэ книӷа важ и жызня пэ вся и время (Св. Т. 7:16, 17). Но исин мануша, савэ авэна уничтожэни андо Армагеддоно. О Иисусо сыстосардя лэн лэ бузнэнца и ԥэндя, кай «лэндар навсегда одлэна и жызня» (Матф. 25:46). О апостало Павло кадяжэ ԥэндя пала лэндэ: «Лэнди авэла виандярдо о приӷоворо, и вонэ авэна пэ вся и время уничтожэни» (2 Фес. 1:9; 2 Пёт. 2:9). w22.09 16, абз. 7, 8

И еря моӷут вмести тэ отцыён и тэ проандярэн время пэ природа и тэ диқэн лэ Иеговастирэ тварении. Када поможыя, кай и еря тэ авэн май састэ. О Иегова создал пэ амари планета бут шукарнэ ҭана, кай можно тэ терас кодэя дила, сави амэ любисарас. Бутэ еренди чалёл вмести тэ ԥирэн андо вэш, тэ жан андэ плая или тэ отцыён по бэрэӷо паша моря. Андо раё пэ ԥув и родителя и бэяцэ додиқэна инке бут со нэво, со создал о Иегова, и авэна тэ лошавэн. Амэнди на трэбуй авэла тэ дарас лэ жывотнонэндар, и вонэ на авэна тэ даран амэндар (Ис. 11:6—9). Амэндэ авэла фартэ бут время, кай тэ лошавас всаворэсти, со подарисардя амэнди о Иегова (Пс. 22:26). Но, родителя, на аштярэн о раё. Ужэ акана сытярэн лэ бэятонэн тэ лошавэн кодэлэсти, со создал о Иегова, и росԥэнэн лэнди пала лэстэ. Тоди тумарэ бэяцэ соӷласинапэ кодэлэса, со ԥэндя о царё Давидо: «Иегова... нисоса на сыстоса тири дила!» (Пс. 86:8). w23.03 25, абз. 16, 17