Декабрё

Сас ӷотово о эфиопско мануш тэ болдёл? Шон сама, кай во «авеля андо Иерусалимо, кай тэ тэлёл лэ Дэвлэсти» (Дила 8:27). Наверно, во сас празелито, аврэ алавэнца приля иудейско вера. Канешно, во уӷангля пала Иегова анда Еврейски Писании. Но во камэлас тэ ӷанэн май бут. Кала лэс додиқля о Филипо, во адинояс лэ Исаяско свитко! (Дила 8:28). О эфиопско мануш камэлас и май дур тэ сытёл. Во пролагля баро дром, кай тэ тэлёл лэ Иеговасти андо Иерусалимско храмо. О Филипо росԥэндя кадэлэ барэ манушэсти анда Эфиопия важно чачимос. Например, кай о Иисусо када Миси́я (Дила 8:34, 35). Посли кода, сар о Филипо лэса дя дума, во ля инке май фартэ тэ любий лэ Иеговас и лэ Иисусос. Через када во приля важно ришэния, кай тэ болдёл и тэ ашэл лэ Иисусоско ученико. О Филипо поля, кай кадэва мануш сас ӷотово каринг кадэва шаӷо, и важ када во лэс болдя. w23.03 8, 9, абз. 3—6

Амэ нэ можэм тэ уӷодисарас лэ Иеговасти, если хохавас (Прит. 6:16, 17). Хоть адес бут мануша гиндон, кай если «на хохавэса — на прожувэса», важ амэндэ важно, сар пэ када диқэл о Иегова (Пс. 15:1, 2). Канешно, амэ никас на дилярас, но кадяжэ трэбуй тэ авас внимательни, кай тэ на прихохавас дажэ андэ мелочь и тэ на притераспэ. Кадяжэ амэнди трэбуй тэ на розындярас и сплетни (Прит. 25:23; 2 Фес. 3:11). Если ту диқэс, кай залэнпэ сплетни, пэрэшув и дума и подэн дума пала варисо лашо. Хоть амэ жувас андо миро, кай и мануша дэн дума найдраго, амэ камас тэ пристас вся пэско зор, кай пэстирэ алавэнца тэ радосарас лэ Дэвлэс. Если амэ пристас вся пэско зор, кай тэ прославляем лэ Иеговас андэ служэния, пэ собрания и андэ жызня, во амэнди поможыя. Кала кадэя люма будэр на лэла пар мэндэ тэ влияет, амэнди авэла май вушэро када тэ терас (Иуда 15). w22.04 8, 9, абз. 18—20

Кала амэ гиндосарас, сар о Иегова и о Иисусо амэн любин, вонэ ашэн инке май куч амарэ одести (1 Иоан. 4:10). Амэ лас инке май фартэ лэн тэ любисарас, кала полас, кай о Иисусо отдя пэстири жызня пала кажно андар мэндэ. Када драго полэлас о апостало Павло. Акэ со во пистросардя лэ галатонэнди пала пэстири блаӷодарность: «Мэ жував кодэлэса, кай патяв андэ лэ Дэвлэско Шаво, саво сыкадя пэстири любовь каринг мандэ и отдя пэс важ мандэ» (Гал. 2:20). Через о выкупо о Иегова пашардя амэн каринг пэстэ и акана амэндэ можэт тэ авэл лэса дружба (Иоан. 6:44). Хэба на ашэл амэндэ драго по ди кодэлэстар, кай о Иегова додиқля андар мэндэ варисо лашо и потиндя пала амэндэ само бари цэмин, кай амэ тэ ашас лэстирэ друӷоря? На ашэл амари любовь каринг о Иегова и о Иисусо инке май бари? Пуш пэстар: «Каринг со кадэя любовь побудий ман?» И любовь каринг о Дэл и каринг о Христос побудий амэн тэ любисарас аврэн (2 Кор. 5:14, 15; 6:1, 2). w23.01 28, абз. 6, 7

Имено блаӷодаря ла Библияти амэ можэм тэ служысарас лэ Иеговасти еқэҭанэ. И Библия сас пистросарди кадя, кай ла моӷ тэ полэл кати о найӷордо мануш (Лука 10:21). Сар амэ ӷанас, и Библия адинон па вся и люма. Но кати и мануша, савэндэ исин смирения, па чачимастэ ла полэн и прилэн кода, со андэр латэ ԥэнэнпэ (2 Кор. 3:15, 16). Амэ диқас лэ Иеговастири мудрость. Через и Свынто Писания во най кати сытярэл вся пэско народо, но кадяжэ сытярэл и подритярэл кажнонэ пэстирэ служытелёс. Кажно андар мэндэ, кала адиной и Библия, можэт тэ полэл, кай о Иегова шол сама лично лэс (Ис. 30:21). Сас кацаво, кай кала адиносас и Библия, тути попэрдёлас стихо, саво фартэ трэбуй тути? Наверно, кацаво сас най еқвар. Но и Библия сас пистромэ важ и милионоря мануша. Сар тоди андэр латэ моӷут тэ авэн гиндоря, савэ трэбуй имено тути андэ тири ситуацыя? Када возможно кати блаӷодаря кодэлэсти, кай лако Афтаро само мудро (2 Тим. 3:16, 17). w23.02 4, 5, абз. 8—10

Сар чачунэ христианоря, амэ фартэ любисарас лэ Иеговас. Амэ камас тэ терас важ лэстэ вся, со па амаро зор. Кай тэ отдас лэ Иеговасти со май лашо, трэбуй тэ стас цэли андэ служэния лэсти. Например, кай амэндэ тэ авэн лашэ качестворя, тэ сытювас тэ терас варисо полезно, ай кадяжэ тэ поможысарас аврэнди. Васо фартэ важно тэ ашас инке май лашэ лэ Иеговастирэ служытеля? Амэ камас тэ уӷодисарас амарэ небеснонэ Дадэсти. Во фартэ радуийпэ, кала диқэл, кай амэ используем пэстирэ способности и таланторя андэ служэния лэсти. Ай инке, амэ камас тэ дас зор амарэ ԥралэнди и ԥэянди (1 Фес. 4:9, 10). Нэважно, скати бэрш амэ андэ истина, амэ всаек трэбуй тэ стас зор, кай тэ ашас инке май лашэ христианоря. w22.04 22, абз. 1, 2

Ӥто и правительства дэна по Вавилоно Велико, пэ всаворэ хохавнэ веры, савэ исин пэ ԥув. Кадя залэлапэ и само бари бида. Но закамэна посли када бут мануша тэ служын лэ Иеговасти? Най. Сар дицол андэ 6 ӷлава Свынто тайна, вонэ лэна тэ родэн помощь андэ политика и андэ камерцыя, савэ важ лэндэ здэнапэ, сар плая. Важ о Иегова кадэла мануша авэна вороӷоря, важ кода кай на залинэ лэстири риг (Лука 11:23; Св. Т. 6:15—17). Кала авэла и само бари бида, лэ Иеговастирэ верни служытеля на лэна тэ шонпэ пэ всаворэ авэр мануша. Кати вонэ авэна предано тэ служын лэ Иеговасти и отԥэндёна тэ подритярэн «лэ зверёс» (Св. Т. 13:14—17). w22.05 16, абз. 8, 9

Лэ Дэвлэстирэ служытеля росԥэнэн най кати «лащи новость пала Царство» (Матф. 24:14). Лэнди кадяжэ трэбуй тэ поможын лэ анӷелонэнди тэ стерэн и дила, сави запистромэ андэ Свынто тайна 8 жы кай 10 ӷлавы. Кадэла анӷелоря росԥэнэн, со авэла кодэлэнца, ко жал против лэ Дэвлэско Царство. Важ када лэ Иеговастирэ свидетеля росԥэнэн и ӷрозно весть пала кода, со аштярэл лэ Сатанаско миро. И када шолпэ по ӷрадо и пэ яг (Св. Т. 8:7, 13). И мануша трэбуй тэ уӷанэн, кай пашол лэ Иеговаско дес. Тоди лэндэ авэла возможность тэ парувэн пэстири жызня, кай тэ спасынпэ «лэ Иеговастиря холятар андэ лэско дес» (Соф. 2:2, 3). Но най всаворэ мануша камэн када тэ ашунэн, важ када амэнди трэбуй смилость. Ай кала авэла и само бари бида, кадэя ӷрозно весть амэ ласа тэ ԥэнас инке май ворта (Св. Т. 16:21). w22.05 7, абз. 18, 19

Прецтавьте пэсти христианонэн, савэ ашэн родителёнэнца. Хоть важ бут бэрша андэ истина вонэ най еқвар ашунэнас речи пала бэяцэ, акана важ лэндэ када ашэл май важно. Лэндэ авэла бэято. Када бари отвецтвеность! Кала варисо парудёл андэ жызня, амэ пэ дэсавэ библейски принцыпоря лас тэ диқас па аврятэ. Важ када лэ Иеговастирэ служытеля адинон и Библия и гиндосарэн пала латэ «вся пэстири жызня кажно дес» (Втор. 17:19). Родителя, тумэндэ исин бари честь — тэ сытярэн пэстирэ бэятонэн пала Иегова. Старыинпэ най просто варисо тэ росԥэнэн пала Дэл, ай кай и бэяцэ анда вся оди тэ полюбин лэс. w22.05 26, абз. 2, 3

Кай о Дэл тэ простий, на хутилэла просто тэ сожалеем важ пэстирэ ӷрехоря. О Иегова аштярэл, кай амэ ласа варисо тэ терас важ када. Важ лэстэ важно, кай о ӷрешнико тэ парудёл. О Дэл аштярэл, кай во парашэла тэ терэл бэзэх и упалэ лэла тэ андярэл лэстири время (Ис. 55:7). О мануш трэбуй тэ парувэл пэстирэ гиндоря и тэ сытёл тэ диқэл пэ вся кадя, сар о Иегова (Рим. 12:2; Эф. 4:23). Во трэбуй тэ ришый важ пэстэ, кай будэр на лэла тэ гиндой и тэ терэл кадя, сар на чалёл лэ Иеговасти (Кол. 3:7—9). Но вся када авелоп евья, если бы о Иисусо тэ на отдиноп пала амэндэ пэстири жызня. Блаӷодаря кадэлэсти, лэ Иеговастэ исин право тэ простий амэн и тэ стерэл, кай амэ тэ авас вужэ лэ бэзэхэстар. Если амэ терас вся, кай тэ парувас пэстири жызня, о Иегова обязательно амэн простия через лэ Иисусостири жэртва (1 Иоан. 1:7). w22.06 6, абз. 16, 17

Посли кода, сар о Адамо и Ева жылэ против о Дэл, и мануша линэ тэ анэн вредо ек еқэсти (Эккл. 8:9). Например, и барэ мануша используют пэстири власть, кай найдраго тэ обжанпэ аврэнца. Кадяжэ амэ диқас фартэ бут преступность андэ люма. Андэ школа и однокласникоря издеваюца ек еқэстар. Ай дэсавэ мануша андярэн пэс жэстоко дажэ пэстирэ ереса. Важ када амэ полас, васо и мануша даран манушэндар. Сар о Сатана использует кадэя дар? О Сатана камэл, кай через и дар англа мануша амэ тэ на кандас лэ Иеговас и тэ парашас тэ проповедуем. Во терэл кадя, кай и власти тэ стон запрето пэ амари дила и тэ преследуют амэн (Лука 21:12). Бут мануша андярэн найлащи дума пала лэ Иеговастирэ свидетеля и хохавэн пэр лэндэ. Кодэла, ко патян кадэлэсти, лэн тэ подасанпэ амэндар и моӷут дажэ ӷрубо тэ андярэн пэс амэнца (Матф. 10:36). Но амэ на удивисавас. О Сатана терэлас кадяжэ и андо пэрво вико (Дила 5:27, 28, 40). w22.06 16, абз. 10, 11

Ко кадэла «бут», савэнди поможына тэ ашэн праведни? Машкар лэндэ авэна кодэла, ко воскресли и кодэла, ко пэрэжувэна о Армагеддоно, ай кадяжэ и бэяцэ, савэ арақадёна ужэ андо раё пэ ԥув. Сар лэла тэ заканчиваеца и Тысячелетнё правления, всаворэ мануша пэ ԥув ашэна совершэни. Но важно тэ сэрас, кай о совершэнство на дэл и ӷарантия лэ манушэсти, кай во получия вечно жызня. Например, о Адамо и Ева сас совершэни, но кай тэ жувэн вечно, лэнди трэбуй сас тэ на парашэн тэ кандэн лэ Иеговас. Но вонэ стердэ па пэстирятэ (Рим. 5:12). Ай сави жызня авэла кай и мануша пэ ԥув, кала лэла тэ заканчиваеца и 1 000 лет? Всаворэ вонэ авэна совершэни. Но лэна вонэ тэ подритярэн лэ Иеговастири правления вечно? Или варико андар лэндэ, хоть и авэла совершэно, на кандэла лэ Дэвлэс, сар о Адамо и Ева? Пэ кадэла вопросоря трэбуй тэ дэн атвето. w22.09 22, 23, абз. 12—14

Кала тумэ диқэн, со терэлпэ андэ люма, вушэро тумэнди тэ патян, кай вся авэла драго? Бут мануша ашэн инке май жэстоки и гиндон кати пала пэстэ. И еря роспэрэнпэ. Бутэнди ԥарэс тэ патян лэ правителёнэнди. Но через када амэ можэм тэ авас уверени, кай ӥто вся парудёла андэ лащи риг. Васо амэ патяс андэ када? Важ кода кай и мануша андярэн пэс точно кадя, сар сас запистромэ андо пророчество пала «послидни деса» (2 Тим. 3:1—5). Адес ни ек мануш, саво ӷанэн, со терэлпэ андэ люма, на ԥэнэна, кай кадэла алава на исполнинпэ. Када доԥэнэн, кай о Христос Иисус ужэ ашэля Царёса андэ лэ Дэвлэско Царство. И када кати ек анда бут пророчества пала Царство. Кадэла пророчества стидэнпэ ек еқэса, сар ек мозайка и поможын тэ полас, андэ сави время амэ жувас андэ лэ Иеговаско замысло. w22.07 2, абз. 1, 2

Кала заляпэ и пандэмия COVID-19, амэнди динэ указании, сар тэ проандярас и собрании и тэ служысарас. Почти сразу амэ лям тэ стидаспэ пэ собрании и пэ канӷрэсоря па видеосвязь. Кадяжэ амэ лям тэ служысарас па телефоно и тэ пистросарас письморя. О Иегова блаӷословил амэн, кай амэ старысавасас кадя тэ терас. Дицол, кай андэ бут страны ашэля пэ бутэстэ май бут вазвещятеля. Бутэндэ сас фартэ интересни случаёря андэ служэния. Варико можэт тэ погиндой, кай лэ Иеговастири арӷанизацыя черезчур осторожно. Но амэ най еқвар диқлям, кай о руковоцтво, саво амэнди ԥэнэнас, фартэ мудро. Амэ патяс, кай о Иисусо подԥэнэн амэнди, важ кода кай любий амэн. Со бы амэн тэ на аштярэл англэ, амэ уверени: о Иегова и лэско любимо Шаво никала амэн на ашавэна (Евр. 13:5, 6). w22.07 13, абз. 15, 16

Важно най кати тэ хвалисарас лэ Иеговас, но и тэ блаӷодарисарас лэс пала лэстирэ райканэ подаркоря. Например, можно тэ ԥэнас лэсти наис пала шукарнэ цвиторя, лашо хамос и пашутнэ друӷоря. Амаро любящё небесно Дад амэнди бут со дэл, кай амэ тэ радосавас ла жызняти (Пс. 104:12—15, 24). Но май фартэ амэ блаӷодарни лэсти, кай во дэл амэнди вся важ и лащи дружба лэса и кай амэндэ исин райкани надежда. Но со амэ можэм тэ терас, кай тэ на бистрас тэ блаӷодарисарас лэ Иеговас? Стерэн о списко, пала со тумэ мангэнас андэ молитва, и дэкала продиқэн лэс, кай тэ полэн, сар о Иегова атветил тумэнди. Посли када блаӷодарин лэ Дэвлэс пала помощь (Кол. 3:15). w22.07 22, абз. 8, 9

Амэ полас, кай на хутила просто тэ уӷанас и истина. Важно тэ жувас кадя, сар амэ уӷанглям. Кати тоди амэ сможэм тэ ашас па чачимастэ бахталэ (Иак. 1:25). Но сар тэ полас, жувас амэ кадя, сар ԥэнэнпэ андэ Библия чи най? Трэбуй тэ погиндосарас, со амэндэ ужэ драго вижал, ай со инке трэбуй тэ стерас. О апостало Павло ԥэндя: «Дажэ если амэ ужэ бут со домарделям, давайте и май дур тэ жас кодэва жэ дром» (Флп. 3:16). Кати погиндон, скати лашымос анэн амэнди и истина! Амэ ашас май бахталэ и радосарас лэ Иеговас и амарэ ԥралэн и ԥэян (Прит. 27:11; 3 Иоан. 4). Канешно, амэндэ исин бут причины тэ любисарас о чачимос анда Библия и тэ жувас кадя, сар сытярэл о Иегова! w22.08 19, абз. 16—18

Сар и барэдэр ԥрала моӷут тэ сыкавэн пэстири любовь каринг о Иегова и каринг о Иисусо? Вонэ сыкавэн када, кала заботинпэ пала лэ Иисусостирэ бакрорэ (1 Пёт. 5:1, 2). Пала када о Иисусо ԥэндя андэ дума лэ Петроса. Посли кода, сар о Пётро тривар отԥэнделя лэ Иисусостар, во, наверно, фартэ камэлас тэ доԥэнэн лэ Иисусости, кай любий лэс. Кала о Иисусо воскрес, во пушля лэстар: «Си́мано, шаво лэ Иоаноско, любис ту ман?» Канешно, о Пётро сас ӷотово пэ вся, лиш бы тэ сыкавэл пэстири любовь каринг о Ӷосподино. О Иисусо ԥэндя лэсти: «Пасысар мэрнэ бакрорэн» (Иоан. 21:15—17). О Пётро вся пэстири жызня драго диқэлас пала лэ Ӷосподиностирэ бакрорэ, и кадэлэса доԥэндя, кай любий лэ Иисусос. Барэдэр ԥрала, сар тумэ можэте тэ сыкавэн, кай полэн, пэскати дэ важни лэ Иисусостирэ алава, савэ во ԥэндя лэ Петрости? Тумэ можэте тэ сыкавэн пэстири бари любовь каринг о Иегова и каринг о Иисусо, если лэна вся и время тэ подритярэн лэ ԥралэн и лэ ԥэян. Ай кадяжэ тэ пристон баро зор, кай тэ поможын кодэлэнди, ко неактивни, тэ ринпэ каринг о Иегова (Иез. 34:11, 12). w23.01 29, абз. 10, 11

Опасно тэ гиндосарас, кай нико нэ можэт тэ полэл, соса амэнди прижалпэ тэ борисавас. Если амэ ласа андэ када тэ патяс, тоди погиндосараса, кай амари ситуацыя на парудёла, и амэндэ на авэла зор тэ улас пэстар и нэправильни жылании. Но андэ Библия ԥэнэнпэ па аврятэ: «Кала авэла ԥарэс, [о Дэл] дэла помощь, кай тумэ тэ виритярэн». Вижал, дажэ если амэн фартэ цырдэл тэ стерас кода, со нэправильно, амэ можэм тэ на подаспэ кадэлэсти. Лэ Иеговастирэ зорэса амэндэ вижала вся тэ виритярас. Никала на бистэр: амэ нэсовершэни мануша, и важ када амэндэ моӷут тэ появинпэ и нэправильни жылании. Ӥто тер вся, кай лэн тэ улэс, кадя жэ, сар када стердя о Иосифо, кала унашлятар лэ Патифаростиря хулаятар (Быт. 39:12). На домэк, кай и нэправильни жылании тэ авэн хула́я пэр тутэ! w23.01 12, 13, абз. 16, 17

Ек анда лэ Иеговастирэ качестворя — када справедливость (Втор. 32:4). Справедливо мануш всаворэнца обжалпэ еқэндар. Кадяжэ можно тэ ԥэнас и пала Иегова (Дила 10:34, 35). Андар со дицэля, кай о Иегова обжалпэ всаворэнца еқэндар? Например, када пэ савэ шыба сас пистромэ и Библия. О Иегова дя алав, кай андэ послидни деса «о чачимос [анда Библия] полэна май бут» (Дан. 12:4). Кадэва чачимос ашэл май бут, блаӷодаря кодэлэсти, кай пэрэандярэн, вимэкэн и роздэн и Библии, ай кадяжэ библейско литература. Лэ Иеговастирэ служытеля пэрэандярдэ и Свынто Писания или дэсавэ части андар латэ май бут чем пэ 240 шыба. Любо можэт тэ адиной ла и пала када на трэбуй тэ дэл ловэ. Важ када и мануша анда всаворэ народоря моӷут тэ ашунэн «и лащи новость пала Царство» (Матф. 24:14). Амаро справедливо Дэл, саво всаворэнца обжалпэ еқэндар, камэл, кай май бут мануша тэ адинон и Библия и через када тэ ашэн май пашэ каринг лэстэ. Во дэл амэнди кадэя возможность, важ кода кай фартэ любий амэн. w23.02 5, абз. 11, 12

Ай тумэ любин и праведность? Амэ патяс, кай любин. Но трэбуй тэ прижанас, кай всаворэ амэ нэсовершэни. И если тэ на авас осторожни, амэ можэм тэ пэрэлас и гиндоря, савэ исин кай и мануша андэ кадэва миро. Тоди амэ ласа тэ диқас пэ кода, со лашо, ай со най, кадя, сар диқэн вонэ (Ис. 5:20). Со тумэ гиндон, кала ашунэн о алав «праведнико»? Дэсавэ гиндон пала кацаво мануш, саво довольно пэса, фартэ строӷо, сындой аврэн и абурой, кай во май лашо аврэндар. Но лэ Дэвлэсти на чалён кацавэ качестворя. О Иисусо сындояс барэдэрэн андэ вера пала кода, кай вонэ стонас пэстирэ законоря пала праведность (Эккл. 7:16; Лука 16:15). Чачуни праведность и праведность андэ пэстирэ яқа совсем на шонпэ. Праведность — када фартэ шукарно качество. О праведно мануш терэл кода, со чалёл лэ Иеговасти. Андэ Библия и алава, савэ пэрэандярдёнпэ сар «праведность», сыкавэн о гиндо, кай о мануш ритярэл лэ Дэвлэстирэ законоря. w22.08 27, абз. 3—5

О Иисусо доверял пэстирэ учениконэнди, хоть вонэ и терэнас дэсавэ ошыбки (Иоан. 15:15, 16). Еқвар о Иаково и о Иоано манглэ, кай во тэ дэл лэнди почотно ҭан андо Царство. Но о Иисусо на ля тэ гиндой пала лэндэ вэрыто, и вонэ на парашэлэ тэ авэн лэстирэ апосталоря (Мар. 10:35—40). Кала лэ Иисусос астардэ, всаворэ ученикоря лэс ашадэ (Матф. 26:56). Но о Иисусо на парашэля лэнди тэ доверяет. Во драго ӷанэнас, кай лэндэ исин нэдостаткоря, но всаек «любияс лэн до конца» (Иоан. 13:1). Посли кода, сар о Иисусо рисайля каринг и жызня, во дя важно дила пэстирэ вернонэ апосталонэнди, савэн сас 11, кай вонэ тэ диқэн пала проповедь и тэ заботинпэ пала лэстирэ бакрорэ (Матф. 28:19, 20; Иоан. 21:15—17). И кадэла нэсовершэни мурша доԥэндэ, кай лэнди можно тэ патян. Жы каринг пэстири смэрть вонэ верно служынас лэ Иеговасти. О Иисусо сыкадя райкано примеро, сар тэ доверяем лэ манушэнди, савэ нэсовершэни. w22.09 6, абз. 12

Если амэ патяс, кай о Иегова любий амэн, и кай во амэнца, тоди лэ Сатанастэ на вижала тэ шол андар мэндэ и дар. Акэ со сас кай лэ Дэвлэско служытелё, саво пистросардя о 118 Псалом. Во пэрэжудя разно ԥаримос. Лэстэ сас бут вороӷоря, и дэсавэ андар лэндэ — када и мануша, кастэ сас бари власть (стихоря 9, 10). Дэкала пэр лэстэ фартэ тасавэнас (стихо 13). Ай инке лэс строӷо просытярдя о Иегова (стихо 18). Но всаек кадэва псалмопевцо ԥэндя кацавэ алава: «На лава тэ дарав». Хоть о Иегова просытярдя лэс, о псалмопевцо ӷанэнас, кай лэско небесно Дад любий лэс. Во сас уверено, кай дажэ андэ кадэя найвушэро ситуацыя о Иегова процырдэла лэсти о вас (Пс. 118:29). Если амэ патяс, кай о Иегова любий амэн, када поможыя амэнди тэ улас пэстар и дар, сави часто исин кай и мануша: 1) дар, кай нэ сможэм тэ проправарас лэ ерес, 2) дар англа мануша и 3) дар англа смэрть. w22.06 15, абз. 3, 4

Трэбуй тэ терэс вся, кай о Иегова тэ авэл андэ тири жызня по пэрво ҭан. О Иегова — амаро Создателё, и важ када во достойно, кай амэ тэ тэлювас кати лэсти (Св. Т. 4:11; 14:6, 7). Вижал, и служэния лэсти трэбуй тэ авэл ӷлавно андэ амари жызня. Во аштярэл, кай лэстирэ служытеля лэна тэ тэлён «андо свынто духо и чачимос» (Иоан. 4:23, 24). Кала амэ тэлювас лэ Дэвлэсти, важно тэ домэкас, кай о свынто духо тэ андярэл амэн. Тоди амари служэния лэсти авэла кацави, сар ԥэнэнпэ андэ Библия. И поклонения лэ Иеговасти трэбуй тэ авэл само ӷлавно андэ амари жызня, дажэ если амэ жувас андэ страна, кай исин оӷраничении или стодо запрето. Адес май бут чем 100 амарэ ԥрала и ԥэя бэшэн андо баруно, важ кода кай вонэ лэ Иеговастирэ свидетеля. Но вонэ всаек на хасарэн и радость и терэн вся, со па лэнго зор. Например, вонэ на парашэн тэ мангэнпэ, тэ изучают и Библия и тэ росԥэнэн аврэнди пала Дэл и пала лэско Царство. Нисавэ найлашэ алава и преследовании на залэна амари бах, важ кода кай амэ ӷанас, кай о Иегова амэнца, и во обязательно амэн блаӷословия (1 Пёт. 4:14). w22.10 9, абз. 13

Андэ книӷа Притчи исин бут лашэ советоря, савэ всегда полезни. Давайте подаса дума пала штар кацавэ советоря. Пэрво, авэн довольни кодэлэса, со тумэндэ исин. Андэ Притчи 23:4, 5 исин лашо совето: «На ха пэско зор, кай тэ розбарвадёс. [...] ... Важ кода кай [лэ барвалимастэ] вибарёна крылоря и во, сар орло, завуряла по нэбо». О барвалимос можно быстро тэ хасарас. И всаек, и барвалэ и чорорэ мануша фартэ цырдэнпэ пала ловэ. Через када вонэ лэн тэ андярэн пэс кадя, кай римон пэстири репутацыя, хан пэско зор и най фартэ ладин аврэнца (Прит. 28:20; 1 Тим. 6:9, 10). Дуйто, гиндон англа кода, сар тэ дэн дума. Если амэ на аваса осторожни, амарэ алава моӷут тэ анэн лэ манушэсти баро ԥаримос. Андэ Притчи 12:18 пистромэ: «Дэко, кала на гиндой, со дэл дума, шынэл сар шуряса, ай ко дэл дума годявэрнэс, дэл зор». Амэ ладисараса лэ манушэнца тоди, если на ласа тэ розындярас пала лэндэ сплетни (Прит. 20:19). w22.10 21, абз. 14; 22, абз. 16, 17

О пророко Иезекиилё трэбуй сас драго тэ полэл, со сыкавэн лэ Дэвлэстирэ алава. Во трэбуй сас тэ патял андэ када екжэно, кай тэ закамэл тэ пэрэдэл лэ Иеговастирэ алава лэ народости. Тоди тердяпэ варисо удивительно. О Иезекиилё почуствовал, кай о свитко «сас гугло, сар ядин» (Иез. 3:3). Васо? Важ лэстэ сас бари бах тэ пэрэдэл лэ Иеговастирэ алава, и када сас кадя жэ приятно, сар тэ хал и ядин (Пс. 19:8—11). Во сас блаӷодарно лэ Иеговасти, кай во стодя лэс пэстирэ пророкоса. Тоди о Иегова ԥэндя лэ Иезекиилёсти: «Внимательно ашун всаворэ алава, савэ мэ тути ԥэнав, и драго пала лэндэ погиндосар» (Иез. 3:10). О пророко трэбуй сас тэ запомнит кода, со сас запистромэ андо свитко, и тэ розмышляет пала када. Кадя лэ Дэвлэстирэ алава подритярдэ лэ Иезекиилёс. Акана во моӷ тэ пэрэдэл лэ Дэвлэстири весть лэ народости (Иез. 3:11). Кадэя весть сас лэстэ андо ди и пэ шыб, и во сас ӷотово тэ стерэл лэ Иеговастири дила. w22.11 6, абз. 12—14

Если тути ԥарэс тэ ашэспэ предано лэ Дэвлэсти, кала варисо парудёл андэ арӷанизацыя, со ту можэш тэ стерэс? Анда вся оди подритяр, кала варисо парудёл андэ арӷанизацыя. Кажно разо, кала и израильтяноря сас андо дром андэ пустыня, дэсавэ каафитяноря жанас англал и андярэнас о ковчеӷо важ о доӷоворо (Чис. 3:29, 31; 10:33; Иис. Н. 3:2—4). Када сас бари честь! Но вся паруделя, кала вонэ авелэ пэ Обетовано ԥув. О ковчеӷо будэр на трэбуй сас вся и время тэ пэрэандярэн. Во тердёлас пэ ек ҭан. Важ када и каафитяноря линэ тэ терэн авэр дила (1 Лет. 6:31—33; 26:1, 24). Никай най пистромэ, кай и каафитяноря ровэнаспэ и мангэнас, кай лэнди тэ дэн авэр бути, важ кода кай раньшэ терэнас почотно дила. Сости амэ можэм тэ сытювас лэндар? Анда вся оди подритяр, кала варисо парудёл андэ лэ Иеговастири арӷанизацыя, дажэ если тути лично прижалапэ варисо тэ парувэс. Радосав, кала терэс любо дила. На бистэр: ту фартэ куч важ о Иегова, сави бы назначения тутэ тэ на авэл. Важ лэстэ май важно, кай ту лэс тэ кандэс. w22.11 23, абз. 10, 11

О Онисифоро родэлас лэ Павлос, ай кала виарақля лэс, ля тэ поможый лэсти. Во када терэлас, хоть лэс пала када моӷли тэ бэшарэн и дажэ тэ казнин. Сости амэ сытювас? На ласа тэ домэкас, кай через и дар англа мануша амэ тэ парашас тэ подритярас лэ ԥралэн, савэн преследуют. Давайте всегда тэ зашаспэ пала лэндэ и тэ поможысарас лэнди (Прит. 17:17). Лэнди фартэ трэбуй амари любовь и подержка. Амэ бут сости можэм тэ сытювас кай и ԥрала и ԥэя анда Россия. Вонэ анда вся оди придэн зор лэ ԥралэнди, савэ бэшэн андо баруно. Кала варикас анда лэ Иеговастирэ свидетеля сындон, бут ԥрала и ԥэя авэн андо сындо, кай лэн тэ подритярэн. Сости амэ сытювас? Кала пэ назначени ԥрала хохавэн, кала лэн преследуют и бэшарэн, на даран. Мангэнпэ пала лэндэ, заботинпэ пала лэнго родо и родэн авэр возможности, сар лэнди тэ поможын (Дила 12:5; 2 Кор. 1:10, 11). w22.11 17, абз. 11, 12

Кай и барэдэр ԥрала андэ собрания исин обязаность тэ заботинпэ, кай лэ ԥралэнди и лэ ԥэянди тэ авэл драго по ди и лэндири дружба лэ Иеговаса тэ авэл састи (1 Пёт. 5:2). И барэдэр ԥрала трэбуй тэ уӷанэн, кай лэ ԥралэнца и лэ ԥэянца вся драго, мишто, и лэндэ исин хамос, ӥда и ка́й тэ притулин о шэро. Но дажэ если прожала бут время, кадэлэ ԥралэнди и ԥэянди трэбуй тэ поможын, кай лэндэ тэ авэл састи вера и драго по ди (Иоан. 21:15). О ԥрал Харолдо, саво служый андо камитето филиала, общялся бутэ христианонэнца, савэ пэрэжудэ природно бида. Акэ пэр со во шутя сама: «Трэбуй время, кай о мануш тэ авэл каринг пэстэ. Дажэ если кай и ԥрала и ԥэя андэ жызня ужэ вся драго, через кода, кай вонэ вспоминают, со сас, лэнди ашэл ԥарэс по ди. Важ кода кай варико хасардя пэстирэ чаче манушэс, мищимос, саво сас куч лэстирэ одести, или екжэно ели вижудя. Кадэла ԥарэ воспоминании одлэн о зор. Но када на сыкавэл, кай лэстэ нинай вера андо Дэл. Када нормально реакцыя, важ кода кай лэ манушэстэ тердяпэ бида». И барэдэр ԥрала ровэн кодэлэнца, ко ровэл (Рим. 12:15). w22.12 22, абз. 1; 24, 25, абз. 10, 11

О Иегова анда вся оди дэл пэско свынто духо, кай тэ поможый амэнди тэ андярас пэстири жызня правильно англа лэстэ. Кала амэ изучаем и Библия, амэ домэкас, кай кадэва духо тэ влияет пар мэндэ. Кадяжэ амэ получисарас лэс, кала авас пэ собрании. Котэ амэ проандярас и время лэ ԥралэнца и лэ ԥэянца. Вонэ, кадя жэ сар и амэ, старыинпэ тэ терэн андэ пэстири жызня вся правильно. И када амэн фартэ подритярэл (Евр. 10:24, 25; 13:7). Кадяжэ о Иегова дэл пэско свынто духо, кала амэ анда ди мангас лэс тэ поможый амэнди тэ улас пэстар варисави слабость. Хоть, возможно, вся када полностью на улэла амэндар и нэправильни жылании, но када придэла амэнди зор тэ на подаспэ лэнди. На параш тэ изучаеш и Библия, тэ ԥирэс пэ собрании и тэ мангэспэ. w23.01 11, абз. 13, 14

Хоть и Библия — када най книжка пала зор и най пала полезно хамос, но андэр латэ росԥэнэнпэ, сар о Иегова диқэл пэ када. Например, котэ исин совето: «Оджа кодэлэстар, со анэна бида [или вредо] тиря тилати» (Эккл. 11:10). Андэ Библия ԥэнэнпэ, кай кала о мануш черезчур бут хал или пэл, када римой о зор и можэт тэ анэн каринг и смэрть (Прит. 23:20). О Иегова камэл, кай амэ тэ ритярас пэс андэ вас, кала витидас со и скати тэ хас или тэ пас (1 Кор. 9:25). Кай тэ сыкавас лэ Дэвлэсти пэстири блаӷодарность пала жызня, амэ трэбуй тэ прилас и ришэния годяса (Пс. 119:99, 100; Прит. 2:11). Например, када поможыя амэнди, кала витидас, со тэ хас. Если амэнди чалёл варисаво хамос, но амэ ӷанас, кай во можэт тэ анэн амэнди вредо, амэ на ласа лэс тэ хас. Кадяжэ амэ сыкаваса, кай годяса прилас и ришэнии, если ласа тэ висоваспэ, тэ заласпэ спортоса, тэ слидосарас пала гигиена и пала вужимос андо цэр. w23.02 21, абз. 6, 7

Сар тэ арақэс о сомнак андэ Библия? Диқам, со ԥэнэнпэ андэ 2 Тимофею 3:16, 17. Шон сама, кай «всаворэ алава андэ Писания... лашэ». Вонэ поможын: 1) тэ сытярэн, 2) тэ сыкавэн, со най кадя, 3) тэ парувэн и жызня и 4) тэ сытярэн, сар тэ ритярэн лэ Дэвлэско законо. Када поджал каринг всаворэ книжки андэ Библия, дажэ каринг кодэла, савэ ту адинос най кадя часто. Погиндосар, сости ту сытёс анда кода, со проадиносардян. Со ту уӷанэс пала Иегова, лэско замысло или пала лэстирэ принцыпоря? Ай сар и гиндоря анда Библия поможын тэ сыкавэн, со най кадя андэ амари жызня? Шув сама, сар вонэ поможын тэ полас каринг саво найлашымос амэн цырдэл, тэ отшас пэстар када и тэ ашаспэ верни лэ Иеговасти. Кадяжэ роздик, сар ту можэш тэ прилэс кадэла стихоря, кай тэ парувэс о нэправильно лэ манушэско гиндо, саво ашундян андэ служэния. Родэ андэ кадэла стихоря и алава, савэ сытярэн, сар тэ ритярэс лэ Дэвлэско законо. Вонэ поможына тути тэ гиндос кадя жэ, сар о Иегова. Если ту лэса тэ сэрэс пала кадэла штар советоря, ту виарақэса сомнак андэ Библия и када анэна тути лашымос. w23.02 11, абз. 11

Андо пророчество андэ книӷа Даниила ԥэнэнпэ, кай лэ Иисусости дэна и царско власть тоди, сар прожана и семь времён. Можэм амэ тэ уӷанас, кала сас кадэя радосно события? (Дан. 4:10—17). И «семь времён» када 2 520 лет. Кадэя время заляпэ андо 607 бэрш до н. э., кала и вавилоняноря злинэ па престоло лэ послиднёнэ царёс, савэс стодясас о Дэл. Ай закончилась кадэя время андо 1914 бэрш, кала о Иегова стодя по престоло андэ пэско Царство лэ Иисусос — кодэлэс, «кастэ па законо исин пэр лэстэ право» (Иез. 21:25—27). Васо амэнди трэбуй тэ полас кадэва пророчество? О пророчество пала «семь времён» поможый амэнди инке май фартэ тэ патяс, кай о Иегова зритярэл пэстирэ обещянии точно андэ время, сави во стодя. Если о Дэл стодя о Царство андэ кодэя время, сави во витидя, тоди во позаботияпэ, кай и авэр пророчества тэ исполнинпэ, кала када трэбуй. Амэ можэм тэ авас уверени, кай лэ Иеговаско дес на заритярдёлапэ (Авв. 2:3). w22.07 3, абз. 3—5