Январё

«Кала о Исусо додиқля», кай кадэлэ шаворэстири дэй умарди бидаса «лэсти ашэля ла жалко» (Лука 7:13). Лэсти анда вся оди ашэля ла жалко. Но лэ Исусостэ сас кадэя жалость най кати андо ди, во ла сыкадя ла пэ дила. Анда вся оди во ԥэндя лати «на ров». Потом во рисардя лэ шавэс каринг и жызня и «отдя лэс лэстиря дати» (Лука 7:14, 15). Сости амэ сытювас анда кадэя чуда, сави стердя о Исусо? Важно тэ жалуисарас кодэлэн, кастэ тердяпэ бида. Амэ можэм тэ сытювас лэ Исусостар тэ жалуисарас кодэлэн, ко хасардя пэстирэ чачен. Важ када трэбуй тэ авас внимательни. Важно най кати тэ полас лэ манушэн, но и тэ поможысарас и тэ подритярас лэн (Прит. 17:17; 2 Кор. 1:3, 4; 1 Пёт. 3:8). Дажэ прости алава и найбари дила можэт фартэ лэн тэ подритярэл. w23.04 5, 6, абз. 13—15

Хоть о Исусо ӷанэнас, кай лэско друӷо кати муля, во всаек ашэляпэ котэ пэ дуй дес и кати потом жыля андэ Вифания. Ай значит, пока о Исусо авеля, о Лазарё сас муло ужэ штар дес. О Исусо камэл тэ стерэл варисо, со подритярэла лэстирэ друӷонэн и прославия лэ Дэвлэс (Иоан. 11:6, 11, 17). Катэ амэ диқас лашо примеро пала чачуни дружба. Погиндон: и Мария и Марфа на манглэ лэ Исусос тэ авэл андэ Вифания. Вонэ просто ԥэндэ лэсти, кай лэско пашутно друӷо занасвайля (Иоан. 11:3). И кала о Лазарё муля, о Исусо моӷ тэ воскресий лэс, хоть во сас и дур. Но во всаек авеля андэ Вифания, кай тэ подритярэл ла Мария и ла Марфа. Исин тумэндэ кацаво друӷо, саво ӷотово тэ поможый, дажэ если тумэ лэс пала када на манглэ? Пэ кацаво друӷо «можно тэ надеиспэ андэ бида» (Прит. 17:17). Давайте и амэ аваса важ авэр кацавэ друӷоря, сар о Исусо! w23.04 10, абз. 10, 11

Кала амэндэ исин фартэ бут ԥаримос, можэт тэ авэл гиндо, кай о раё пэ ԥув никала на авэла. Но када на сыкавэл, кай амэндэ найсасти вера. Акэ ек примеро. Ӥвэндэ, кала барэ мразоря, амэнди можэт тэ здэлпэ, кай о милай никала на авэла. Но амэ ӷанас, кай во обязательно авэла. Точно кадяжэ, кала амэндэ испытании, тоди можэт тэ здэлпэ, кай о раё никала на авэла. Но если амэндэ састи вера, амэ ӷанас, кай лэ Дэвлэстирэ обещянии исполнинапэ (Пс. 94:3, 14, 15; Евр. 6:17—19). Кала амэ патяс кадэлэсти, када поможыя амэнди тэ стас и поклонения лэ Иеговасти пэ пэрво ҭан андэ пэстири жызня. Инке амэнди трэбуй састи вера, кала проповедуем. Бут мануша гиндон, кай «и лащи новость» — када сказка и андэ када фартэ на патялпэ (Матф. 24:14; Иез. 33:32). Амэ на камас, кай лэнго найлашо настроё тэ пэрэдэлпэ и амэнди. Важ када трэбуй тэ терас вся, кай и вера тэ авэл май састи. w23.04 27, абз. 6, 7; 28, абз. 14

Сас тутэ варикала кацавэ гиндоря: «Атвечает о Иегова пэ мэрнэ молитвы?» Бут ԥрала и ԥэя ԥэнэн, кай вонэ загиндонаспэ пала кадэва вопросо, особено, кала лэндэ сас проблемы. Кала амэндэ ԥаримос, амэнди можэт тэ авэл найвушэро тэ шас сама, сар о Иегова дэл атветоря пэ амарэ молитвы. Васо амэ можэм тэ патяс, кай о Иегова атвечает пэстирэ служытелёнэнди пэ молитвы? Андэ Библия ԥэнэнпэ, кай о Иегова амэн фартэ любий, и кай амэ важ лэстэ куч (Агг. 2:7; 1 Иоан. 4:10). Важ када во камэл, кай амэ тэ взвисавас каринг лэстэ пала помощь (1 Пёт. 5:6, 7). Кадяжэ во камэл амэнди тэ поможый, кай амари дружба лэса тэ авэл састи и кай амэ моӷли тэ пэрэандярас о ԥаримос. Андэ Библия амэ най еқвар адиносарас, сар о Иегова атвечал пэстирэ служытелёнэнди пэ молитвы. Можэш ту тэ вспомниш варисаво случаё? w23.05 8, абз. 1—4

Кай и Мария сас лащи дружба лэ Иеговаса. Вой патялас андо Дэл най важ кода, кай кадя терэлас лако хулай о Иосифо. Вой допутя ӷанэнас и Свынто Писания. Кадяжэ вой витидэлас время, кай тэ погиндой пала латэ (Лука 2:19, 51). И дружба лэ Иеговаса поможысардя ла Марияти тэ ашэл лащи хулаи. Адес бут хулая́ старыинпэ тэ терэн кадя жэ, сар и Мария. Например, акэ со росԥэндя ек ԥэй, савя ақарэн Эмико́: «Кала мэ сымас цэрэ, мандэ сас пэско ӷрафико важ и дэвликони дила. Но кала мэ жылэм миростэ, вся паруделя. Акана мангэлпэ мэрно хулай. Во розлэл о стихо по дес и проандярэл и семейно изучения. Андэ ек маменто мандэ сас кацаво андо ди, кай мэрни вера ля зависеть мэрнэ хуластар. Но мэ полэм, кай манди екжэняти трэбуй сас тэ терав вся, кай мандэ тэ авэл састи дружба лэ Иеговаса. Када мэрни атвецтвеность. Важ када мэ лэм тэ витидав время, кай тэ побэшав екжэни мэрнэ Дэвлэса — када тэ мангавпэ, тэ адиносарав лэско Алав и тэ розмышляю пала кода, со проадиносардэм» (Гал. 6:5). Кучутнэ хулая́, если тумэ лэна тэ састярэн пэстири дружба лэ Иеговаса, тумарэ хула́я лэна инке май фартэ тумэн тэ любин и тэ хвалин (Прит. 31:30). w23.05 21, абз. 6

Амэ на арақадювас, кай амэндэ тэ авэл дар англа Иегова. Трэбуй тэ пристас зор, кай вой амэндэ тэ авэл. Сар? Например, кала амэ диқас лэ Дэвлэстирэ тварении. Андэр лэндэ амэ додиқас лэстири мудрость и о зор. Ай кадяжэ и любовь, сави во сыкавэл каринг амэндэ. Кала амэ шас сама пэ тварении, савэ создал о Дэл, амэ май фартэ лас тэ любисарас и стас патив пэр лэстэ (Римо 1:20). Кадяжэ, кай амэндэ тэ авэл дар англа Дэл, амэнди поможый и молитва. Кала амэ май часто мангаспэ лэ Иеговасти, амэ лас май фартэ андэр лэстэ тэ патяс. Кажно разо, кала амэ мангаспэ пала свынто духо, тэ виритярас о ԥаримос, амэ напоминаем пэсти, кай лэстэ исин баро зор. Кала амэ блаӷодарисарас лэ Иеговас важ о выкупо, кай во отдя пэстирэ Шавэс важ амэндэ, амэ сэрас, кай во амэн фартэ любий. Ай кала амэ мангас лэ Иеговас, кай во тэ поможый амэнди тэ ришысарас варисави проблема, амэ инке еқвар полас, саво во дэ мудро. Через и молитва амэ стас бари патив по Иегова. И молитва поможый амэнди тэ отшас вся, со можэт тэ римой амари дружба лэ Дэвлэса. w23.06 15, абз. 6, 7

О Иегова, Кодэва, ко стол и законоря, вся и время дэлас пэстирэ народости понятни законоря. Например, о руководящё совето андо пэрво вико шутя сама пэ трин маменторя, андэ савэ и христианоря трэбуй тэ авэн састэ. Амэ трэбуй: 1) тэ на тэлювас лэ идалонэнди и тэ служысарас кати лэ Иеговасти, 2) тэ стас патив по законо пала рат и 3) тэ ритярдювас май дур лэ билажавардимастар (Дила 15:28, 29.). Сар и христианоря адес моӷут тэ кандэн лэ Иеговас, кала на тэлён лэ идалонэнди и служын кати лэ Иеговасти? О Иегова ԥэнэнас, кай и израильтяноря предано тэ служын кати лэсти (Втор. 5:6—10). И лэ Дэвлэско шаво, кала о Сатана подмарэлас лэс каринг о бэзэх, ворта ԥэндя, кай амэ трэбуй тэ тэлювас кати лэ Иеговасти (Матф. 4:8—10). Важ када амэ на тэлювас лэ идалонэнди, на полас сар дэвлэн лэ барэ манушэн анда веры, лэ политиконэн, ай кадяжэ ашунглэ манушэн анда спорто и анда шоу-бизнэсо. Амэ тэлювас кати лэ Иеговасти — кодэлэсти, ко «вся создал» (Тайна 4:11). w23.07 14, 15, абз. 3, 4

Адес андэ лэ Сатанастири люма о миро дилявэл пала билажавардимос и мэлалимос (Еф. 4:19). Важ када амэнди трэбуй тэ дарас лэ Дэвлэстар и тэ ритярдювас май дур лэ найлашымастар. Андэ 9 ӷлава анда книжка Притчи ԥэнэнпэ пала дуй жувля, када пала годявэрнимос и дилимос. Кажно анда кадэла дуй жувля взвийпэ каринг и найгодявэрнэ мануша, кастэ мало опыто. И кажно андар лэндэ кабута ԥэнэн: «Зажа мандэ и ха» (Прит. 9:1, 4—6). Лэдуй вонэ ақарэн манушэн тэ зажан лэндэ. Кадэлэса вонэ шонпэ. Но кода, со авэла лэндирэ ӷостёнэнца, совсем разно. Шон сама, со ԥэнэн лэ манушэнди и «дили манушни» (Прит. 9:13—18). Вой на лажал тэ ақарэл кодэлэн, кастэ нинай мудрость, тэ зажан латэ, кай тэ хан. Вой терэл када, хоть и драго ӷанэн, со авэла кадэлэ манушэнца. Кодэла, ко зажана андэ лако цэр, мэрэна. Андэ Библия ԥэнэнпэ пала билажаварди и роспутно манушни. Ко жал каринг лако цэр, кодэва жал каринг и смэрть (Прит. 2:11—19). Ай андэ Притчи 5:3—10 росԥэнэнпэ инке пала ек роспутно манушни. Латирэ пэрнэ пашон каринг и смэрть. w23.06 22, абз. 6, 7

И барэдэр ԥрала трэбуй тэ сыкавэн, сар када — тэ гиндон годявэрнэс (1 Тим. 3:2, 3). О ԥрал на трэбуй тэ гиндой, кай если во май ԥурэдэр аврэ барэдэрэ ԥралэндар, значит авэр трэбуй тэ терэн кадя, сар во ԥэнэн. Во полэл: лэ Иеговаско духо можэт тэ побудий любонэс анда лэ барэдэрэ ԥралэнго круӷо тэ ԥэнэн кода, со поможыя тэ прилэн мудро ришэния. Если на жылэ против библейски принцыпоря, о блаӷоразумно барэдэр ԥрал анда оди подритярэла кода, со витидэ май бут ԥрала, дажэ если во гиндой па аврятэ. Всаворэндэ амэндэ авэла бут лашымос, если ласа тэ андярас пэс блаӷоразумно. Амэндэ лащи дружба лэ ԥралэнца и лэ ԥэянца, ай андэ собрания мирно. Амэ лошавас, кай о Иегова стидя амэн андэ ек баро дружно ери, хоть амэндэ всаворэндэ разно характеро и культура. Ай со май ӷлавно, амаро ди лошавэл кодэлэстар, кай амэ май фартэ шаспэ пэ амаро блаӷоразумно Дэл, Иегова. w23.07 25, абз. 16, 17

Кай о Даниило сас правильно цэль, кала во изучал и пророчества — во камэлас тэ ӷанэн о чачимос. Кадяжэ о Даниило сас смирено и полэлас, кай о Иегова дэл тэ полэн и пророчества кати кодэлэнди, ко ӷанэн лэс и жувэл па лэстирэ законоря (Дан. 2:27, 28). Лэ Даниилостири смирения дицолас андэ кода, кай во всегда мангэлас помощь лэ Иеговастар (Дан 2:18). Ай инке о Даниило столас зор, кай вся внимательно тэ иследует. Во родэлас ответоря андэ кодэла ла Библиятирэ части, савэ сас андэ лэстири время (Иер. 25:11, 12; Дан. 9:2). Сар тумэ можэте тэ сытён кай о Даниило? Погиндон, васо тумэ иследуете и пророчества. Важ кода кай па чачимастэ камэн тэ уӷанэн и истина? Если да, о Иегова обязательно тумэнди поможыя (Иоан. 4:23, 24; 14:16, 17). Дэсавэ мануша, кодэлэса, кай исследуют и пророчества, камэн тэ доԥэнэн, кай и Библия най лэ Дэвлэстар. Вонэ гиндон, кай кадя лэндэ авэла, васо тэ на приашундён каринг латирэ советоря и екжэнэ тэ витидэн, со лашо, ай со най. Но амэндэ трэбуй тэ авэл правильно цэль. w23.08 9, абз. 7, 8

Если амэ ласа тэ сыстосарас пэс аврэнца и тэ аштярас пэстар фартэ бут, тоди можэм тэ вимардювас анда зор (Гал. 6:4). Если амэ ласа постояно тэ гиндосарас пала кода, со домарделэ авэр, амэндэ можэт тэ появийпэ зависть и амэ закамаса тэ сыстосавас аврэнца (Гал. 5:26). Если амэ ласа тэ старысавас тэ терас кода жэ, со и вонэ, и на гиндосараса, кай амэндэ разни способности и обстоятельства, кадэлэстар амэнди авэла кати хужэ. И если оди дуқал «кодэлэстар, кай долӷо аштярас», тоди инке май бари дук авэла, кай аштярас кода, со никала на авэла! (Прит. 13:12). Через када амэ можэм тэ вимардювас анда зор и тэ лас тэ прастас май медлено. На аштярэн пэстар май бут, чем аштярэл о Иегова. Во никала на мангэл тумэн тэ дэн кода, со тумэндэ нинай (2 Кр. 8:12). Авэн уверени, кай о Иегова на сыстой тумэн аврэнца (Матф. 25:20—23). Во фартэ цэний тумари служэния, тумари преданость и тумари стойкость. w23.08 29, абз. 10, 11

О Иегова ответил пэ молитва лэ Самсоности. Во стердя чуда — источнико, анда саво жалас о паи. «О Самсоно пиля и ля зор» (Суд. 15:19). Наверно, хоть и прожылэ бут бэрша, кадэва источнико инке сас, кала о пророко Самуило пистрояс и книӷа Судей. Возможно, во поможыяс лэ израильтянонэнди тэ сэрэн, кай и предани лэ Иеговастирэ служытеля моӷут тэ надеинпэ пэр лэстэ андэ ԥари время. Амэ тожэ трэбуй тэ родас лэ Иеговастири помощь, дажэ если ужэ бут со ӷанас тэ терас и бут со домарделям андэ служэния лэ Иеговасти. Трэбуй сэжо тэ прижанас, кай амэндэ вся драго вижала кати тоди, кала надеисавас по Иегова. Каринг о Самсоно рисайля о зор, кала во пиля паи, саво лэсти дя о Дэл. Кадяжэ амари вера авэла май састи, кала амэ приласа вся, со дэл амэнди о Иегова (Матф. 11:28). w23.09 4, абз. 8—10

Сар амэнди пэс тэ андярас, кала авэр камэн тэ холярэн амэн? Например, варико найдраго дэл дума пала амаро Дэл или приасалпэ ла Библиятар. Андэ кацави ситуацыя трэбуй тэ мангас лэ Иеговастар свынто духо и мудрость, кай тэ дас дума ковлэс. Но со, если ӷэт май интя амэ полям, кай андярдям пэс най фартэ драго? Тоди можно тэ мангаспэ упалэ и тэ погиндосарас, сар авелоп фэдэр тэ андярас пэс пэ авэр разо. О Иегова пэстиря ригатар дэла амэнди пэско свынто духо, кай амэндэ тэ вижал тэ зритярас пэс и тэ дас дума ковлэс. Дэкала амэнди найвушэро тэ зритярас пэстири шыб. Тоди амэнди моӷут тэ поможын и библейски стихоря. О Иегова через пэско свынто духо поможыя амэнди тэ вспомним лэн (Иоан. 14:26). Например, бут лашэ советоря исин андэ книжка Притчи. Если амэ ласа тэ приашундювас каринг лэндэ, амаро ди ашэла инке май ковло (Прит. 15:18). Кадэя библейско книжка кадяжэ сыкавэл, васо важно тэ ашаспэ спокойни, кала када найвушэро (Прит. 10:19; 17:27; 21:23; 25:15). w23.09 15, абз. 6, 7

О апостало Пётро най ек бэрш служыяс лэ Иеговасти. Кала о Исусо росԥэнэнас пала Дэл, во сас паша лэстэ. Через кадэва апостало пала лащи новость уӷанглэ и найевреёря. Ӷэт май интя во служыяс андо руководящё совето. Варикай андо 62—64 бэрш н. э. о Иегова дя лэсти инке ек задания: тэ пистрой дуй письморя. Када сас тоди, кала ужэ пашолас лэстири время. Кадэла письморя адес исин андэ Библия. Амэ ӷанас лэн сар 1 и 2 Пётро (2 Пёт. 1:12—15). О Пётро пистрояс пэстирэ письморя тоди, кала и ԥрала и ԥэя пэрэандярэнас «разно ԥаримос» (1 Пёт. 1:6). Дэсавэ мануша анда собрания розындярэнас о хохаимос и подмарэнас аврэн тэ терэн о билажавардимос (2 Пёт. 2:1, 2, 14). Пашолас о дес, кала и римски халавдэ трэбуй сас тэ розмарэн о Иерусалимо и лэско храмо. Но и христианоря андэ кодэва форо трэбуй сас тэ авэн внимательни (1 Пёт. 4:7). Лэ Петростирэ письморя поможынас лэ ԥралэнди и лэ ԥэянди тэ виритярэн вся о ԥаримос и тэ авэн ӷотови тэ пэрэандярэн и трудности англэ. w23.09 26, абз. 1, 2

Часто амэ, кадя жэ, сар о Исусо, сытювас тэ кандас имено тоди, кала попэрас андэ ԥари ситуацыя. Например, сэрэн, кай кала заляпэ и пандэмия КОВИДО-19, амэнди ԥэндэ тэ на стидаспэ андэ Залоря Царства и тэ на росԥэнас важ о Дэл па цэра? Вушэро тумэнди сас тэ стерэн кадя, сар ԥэндэ? Дажэ если най, тумэ всаек канглэ. И када фэрисардя тумэн, стердя, кай тэ авэл единство машкар ԥрала и ԥэя, и андя лош лэ Иеговасти. Ай инке, када сас лащи подӷотовка каринг кода, со авэла англэ. Блаӷодаря кадэлэсти, амэнди авэла пэ бутэстэ май вушэро тэ кандас и указании, савэ амэнди дэна, кала авэла и бари бида. Ай через амари послушания дицола, спасысаваса амэ чи най! (Иов 36:11). Но само ӷлавно, васо амэ кандас лэ Иеговас, — када важ кода, кай амэ любисарас лэс и камас тэ радосарас лэс (1 Иоан. 5:3). Амэ никала не сможэм тэ отблаӷодарисарас лэ Иеговас важ вся о лашымос, саво во терэл важ амэндэ (Пс. 116:12). Но амэ можэм тэ кандас лэс и кодэлэн, касти во дя власть. Кала амэ кадя терас, амэ сыкавас и мудрость и кадэлэса радосарас лэ Иеговас (Прит. 27:11). w23.10 11, абз. 18, 19

Если бы тумэнца тэ задиноп дума о анӷело, хэба тумэ на приашунделоп каринг лэстирэ алава? Имено када и терэлпэ андэ амарэ деса. О анӷело взвийпэ каринг «всаворэ нацыи, породы и народоря». И со во ԥэнэн? «Даран лэ Дэвлэстар и прижанэн, кай во ашунгло... Тэлён кодэлэсти, ко стердя о небо, и ԥув, и моря и родникоря!» (Тайна 14:6, 7). О Иегова — ек чачуно Дэл, и всаворэ трэбуй тэ тэлён кати лэсти. Амэ фартэ блаӷодарни лэ Иеговасти, кай во дя амэнди кацави бах — тэ служысарас лэсти андэ лэско баро духовно храмо! Со када духовно храмо и кай амэ можэм тэ уӷанас пала лэстэ май бут? О духовно храмо — када най варисави здания. Када лэ Иеговаско порядко важ и поклонения, андэ саво ӷлавно — лэ Исусости Христостири жэртва. Пала кадэва храмо о апостало Павло пистросардя лэ христианонэнди анда евреёря, савэ жувэнас андэ Иудея. w23.10 24, абз. 1, 2

Андо 522 бэрш до н. э. Лэ евреёнэндирэ вороӷонэндэ вижыля тэ стон о запрето, кай тэ на строин лэ Иеговаско храмо. Но о Захария ԥэндя лэ народости, кай лэ Иеговастирэ свынтонэ зорэса, лэндэ вся вижала. Андо 520 бэрш до н. э. о царё Дариё зля о запрето па бути. Во дажэ дя ловэ, ай кадяжэ поможысардя, кай тэ строин о храмо (Езд. 6:1, 6—10). О Иегова дя алав пэстирэ служытелёнэнди, кай, если вонэ лэна тэ ваздэн о храмо, во авэла лэнца (Агг. 1:8, 13, 14; Зах. 1:3, 16). Лэ евреёнэнди када придя зор, и вонэ линэ тэ строин о храмо андо 520 бэрш до н. э. Почти через 5 бэрш о храмо сас вазгло. Хоть сас бут ԥаримос, и мануша анда вся оди линэпэ тэ терэн лэ Иеговастири дила, и во подритярэлас лэн. И вонэ сас лошалэ, кай служынас лэ Иеговасти (Езд. 6:14—16, 22). w23.11 15, абз. 6, 7

Хоть бут мануша ашундэ пала Авраамо, всаек вонэ пала лэстэ бут со на ӷанэн. Но тумэ пала лэстэ ӷанэн май бут. Например, кай по Авраамо андэ Библия ԥэнэнпэ, кай во дад всаворэнго, кастэ исин вера (Римо 4:11). Ту можэш тэ пушэс пэстар: «Ай моӷу мэ кадя жэ, сар о Авраамо тэ патяв андо Дэл?» Да, канешно. Амэндэ можэт тэ авэл кацави жэ вера, если роздиқаса лэско примеро. О Дэл приԥэндя лэ Авраамости тэ жал андэ дурутни страна. Бут бэрша во жувэлас андэ катуны и сас ӷотово тэ анэн андэ жэртва пэстирэ любимонэ шавэс, лэ Исакос. Андэ вся кадэя дила дицолас лэстири састи вера. О Авраамо через пэстири вера и дила сас уӷодно лэ Дэвлэсти. О Иегова дажэ ԥэндя, кай во лэско друӷо (Иак. 2:22, 23). О Дэл камэл, кай кажно андар мэндэ тэ авэл лэско друӷо. Важ када во побудисардя лэ Павлос и лэ Иаковос тэ пистрон пала Авраамо. w23.12 2, абз. 1, 2

Ԥэя, сытён драго тэ дэн дума аврэнца. Всаворэ христианонэнди важно тэ сытён внимательно тэ ашунэн и тэ дэн дума ковлэс. Андэ пэско письмо о Иаково дэл лашо совето, саво запистромэ андо стихо пэ адес. Кала ту внимательно ашунэс аврэн, кадэлэса ту сыкавэс, кай вонэ тути най всаек (1 Пёт. 3:8). Если ту на полян и дума, задэ лэ манушэсти вопросоря, кай май драго тэ полэс лэско гиндо. Ай кала ту лэса тэ дэс дума, на ԥэн и алава, савэ пэрви авэн тути по гиндо (Прит. 15:28). Пуш пэстар: «Кода, со мэ камав тэ ԥэнав, — када чачимос? Придэла када зор аврэнди? Дицола андэ када, кай мэ став патив пэ авэр и дав дума ковлэс?» Сытюв кай и ԥэя, савэндэ састи вера и савэ ӷанэн драго тэ ашунэн и тэ дэн дума ковлэс (Прит. 31:26). Шув сама пэ кода, сар и со вонэ ԥэнэн. Кала ту сытёса, сар када тэ терэс, тутэ вижала май драго тэ ладис аврэнца. w23.12 20, абз. 12

Адес о Иегова можэт тэ подритярэл амэн через о родо, друӷоря или барэдэр ԥрала андэ собрания. Но кала амэнди ԥарэс по ди, амэнди можэт тэ камэлпэ тэ дурювас аврэндар и тэ ашаспэ екжэнэ. Када нармально, но всаек амэнди трэбуй лэ Иеговастири помощь. Сар ла тэ получисарас? Пристон о зор, кай тэ на ужан лэ шэрэса андэ пэстирэ пережывании. Кала амэ дурювас аврэндар, амэ можэм тэ загиндосавас кати пала пэстэ и пала пэстирэ проблемы. Ай через када амэ можэм тэ прилас андэ жызня найгодявэрнэ ришэнии. Канешно, амэнди всаворэнди трэбуй время, кай тэ авас екжэнэ, особено кала амэ пэрэжувас варисави бида. Но если амэ долӷо на подмэкас каринг пэстэ лэ манушэн, кадя амэ можэм тэ отшас пэстар лэ Иеговас и тэ на домэкас, кай во амэнди тэ поможый. Важ када на отԥэндён, кала тумэн камэн тэ подритярэн о ери, друӷоря и барэдэр ԥрала андэ собрания. Сэрэн, часто о Иегова поможый имено через лэндэ (Прит. 17:17; Ис. 32:1, 2). w24.01 24, абз. 12, 13

И назареёря дэнас алав тэ на подшынэн пэстирэ бал. Кадя вонэ сыкавэнас, кай андэ вся кандэн лэ Иеговас. Жалко, но андэ библейско время сас и мануша, савэ на стонас патив пэ назареёря. Дэкала и назареёря трэбуй сас тэ авэн фартэ смили, кай тэ зритярэн пэстири бари обещяния и тэ на авэн кацавэ, сар авэр (Ам. 2:12). Амэ тожэ витидям тэ терас кода, со камэл о Иегова, и важ када на шаспэ пэ авэр мануша. Амэнди трэбуй смилость, кай тэ ԥэнас, кай амэ лэ Иеговастирэ свидетеля андэ школа и пэ бути. Со май дур, со май ԥарэс амэнди авэла тэ жувас па Библия и тэ росԥэнас и лащи новость. Важ кода кай и мануша андэ кадэя люма гиндон и андярэн пэс вся май хужэ и май хужэ (2 Тим. 1:8; 3:13). Но вся и время сэр, кай лэ Иеговаско ди лошавэл, кала ту на дарас тэ авэс най кацаво, сар и мануша, савэ лэсти на служын (Прит. 27:11; Мал. 3:18). w24.02 16, абз. 7; 17, абз. 9

Андэ римско собрания сас бут разни мануша. Котэ сас най кати и евреёря, савэ барёнас па лэ Моисеёско законо, но и язычникоря, савэ вибарелэ совсем па аврятэ. Машкар христианоря сас раборя, свободни и дажэ кодэла, ко ритярэлас рабонэн. Сар вонэ моӷли тэ сыкавэн, кай любин ек еқэс, хоть машкар лэндэ и сас бари разница? О апостало Павло ԥэндя лэнди: «Анда оди шон сама ек еқэс». Со во камля тэ ԥэнэн? О алав, саво пэрэандярдэ сар «анда оди шон сама ек еқэс», сыкавэл «лэ одеса тэ прилэс варикас пэстэ цэрэ» или «варикаса тэ подружыспэ». Например, о Павло побудисардя лэ Филимонос анда оди тэ прилэл пэстэ лэ Анисимос, лэ рабос, саво унашля (Флм. 17). Ай и Прискила и о Акила, ақардэ каринг пэстэ лэ Апалосос, саво ӷанэнас пала христианство май набут, чем вонэ (Дила 18:26). Кодэла христианоря на домэкэнас, кай машкар лэндэ тэ авэл разделения, и анда вся оди прилэнас пэстэ ек еқэс, хоть вонэ и сас фартэ разни. w23.07 6, абз. 13

Сави ӷлавно причина, васо о мануш отдэл пэс лэ Иеговасти? Важ кода кай во любий лэ Дэвлэс. Кадэя любовь када най кати жылания. Ту полюбисардян лэ Иеговас блаӷодаря кодэлэсти, кай драго уӷанглян лэс и кода, со во загиндосардя (Клс. 1:9). Кала ту лян май драго тэ уӷанэс лэ Дэвлэско алав, ту полян кай: 1) о Иегова жундо Дэл, 2) и Библия лэ Дэвлэстар, 3) лэстэ исин арӷанизацыя, через сави во терэл кода, со загиндосардя. Кодэла, ко отдэн пэстири жызня лэ Иеговасти, ӷанэн ӷлавно чачимос анда Библия и жувэн па лэ Дэвлэско законо. Вонэ терэн вся, со па лэнго зор, кай тэ росԥэнэн аврэнди андэр со патян (Матф. 28:19, 20). Вонэ любин лэ Иеговас май фартэ и май фартэ и камэн тэ служын кати лэсти. Ай пала тутэ можно кадя тэ ԥэнэс? w24.03 4, 5, абз. 6—8

И Авигея сас лэ Навалостири хулаи. Андэ Библия ԥэнэнпэ, кай во сас ӷрубо мануш, и лэстэ сас баруно ди (1 Сам. 25:3). Наверно, ла Авигеяти сас фартэ ԥарэс тэ жувэл кацавэ манушэса. Моӷла вой тэ ужалтар лэстар? Вой моӷла када тэ стерэл, кала о Давидо, саво трэбуй сас тэ авэл царё андо Израилё, камэлас тэ умарэл латирэ хулас. О Давидо закамля када тэ стерэл, важ кода кай о Навало лажавардя лэс и лэстирэ халавдэн (1 Сам. 25:9—13). И Авигея моӷла тэ унашэл и тэ домэкэл, кай о Давидо тэ стерэл кода, со камля. Но вой на ашадя када вся кадя и мангля лэ Давидос, кай во тэ на умарэл лэ Навалос (1 Сам. 25:23—27). Васо вой кадя пэс андярдя? И Авигея любияс лэ Иеговас и столас патив по законо важ о ери. Вой полэлас, кай важ о Иегова о ери — када свынто. Вой камэлас тэ радуий лэ Иеговас и када побудияс ла тэ стерэл вся, кай тэ спасый пэстирэ хулас и кодэлэн, ко сас андэ лако цэр. Вой ӥто вся стердя и на дя лэ Давидости тэ умарэл лэ Навалос. w24.03 16, 17, абз. 9, 10

Ай исин андэ тумари собрания ԥрала и ԥэя, савэ терэн пэстири жызня май просто, кай май бут тэ служын лэ Иеговасти? Адес амарэ тэрнэ мануша сытён андэ школа и на даран тэ отличаюца аврэндар, хоть дэкала лэнди када найвушэро. Ӷанэн тумэ кацавэ ԥралэн и ԥэян? Кадяжэ пэ дэсавэ мануша тасавэл о родо. Через када кодэлэнди, ко изучает и Библия или лэ ԥралэнди и лэ ԥэянди, найвушэро тэ ашэнпэ предани лэ Иеговасти. Всаворэ, ко сыкавэн кацави смилость и бут состар отԥэндён важ о Иегова, ашэн, кай лэн тэ хвалин. Давайте на ласа тэ умэкас и возможность тэ ԥэнас лашэ алава, кай тэ подритярас лэн (Флм. 4, 5, 7). О Иегова уверено, кай амэ анда вся оди камас тэ радосарас лэс. Во патял, кай амэ ӷотови варисостар тэ отԥэндювас, кай тэ зритярас пэско алав — тэ жувас важ лэстэ. О Дэл стол патив пар мэндэ, кай домэкэл амэнди екжэнэнди тэ витидас, сар амэ ласа тэ сыкавас пэстири любовь каринг лэстэ (Прит. 23:15, 16). Важ када давайте и май дур тэ служысарас лэ Иеговасти и тэ отдас лэсти вся, со май лашо! w24.02 18, абз. 14; 19, абз. 16

Уӷанаса, со сас андо 29 бэрш амари эра. Осень. О Исусо начинает пэстири служэния. Прожал найбут время и лэстиря да, ла Мария, ай кадяжэ лэс ақарэн по ябьяв. О ябьяв прожал андо гав Кана. И Мария поможый тэ заботинпэ пала ӷостёря. Но кала жалас о ябьяв появисайля проблема, кончисайля о вино. И Мария сразу взвийпэ каринг о шаво и ԥэнэн: «Лэндэ нинай вино» (Иоан. 2:1—3). Со терэл о Исусо? Во терэл анда паи — «лашо вино», када сас чуда (Иоан. 2:9, 10). Кала о Исусо служыяс пэ ԥув во стердя и авэр бут чудеса. Во отдэлас пэско зор, кай тэ поможый фартэ бутэ манушэнди. Например, еқвар о Исусо правардя 5 000 муршэн, ай ӷэт май интя инке 4 000 муршэн. Можэт, важ кадэла дуй случаёря о Исусо правардя варикай май бут, чем 27 000 манушэн, када, если тэ адиносарас вмести лэ жувлянца и лэ бэятонэнца (Матф. 14:15—21; 15:32—38). Андэ кадэва и андэ авэр случаё о Исусо кадяжэ исцэлияс бутэ насвалэ манушэн (Матф. 14:14; 15:30, 31). w23.04 2, абз. 1, 2

Кала амэ пэрэжувас андэ жызня ԥаримос, амэ можэм тэ полас, кай амэндэ на ашэляпэ зор, фартэ ԥарэс по ди и амэнди нисо на камэлпэ. Амэ сар о пророко Илья, саво полэлас, кай лэстэ нинай зор тэ ущел, и вся, со амэ камас, — када просто тэ совас (1 Цар. 19:5—7). Кай амэ и дальшэ тэ служысарас лэ Иеговасти, амэн тожэ трэбуй тэ подритярэн. Сар дицол анда адесутно стихо, андэ кацавэ маменторя о Дад ԥэнэн, кай подритярэла амэн. О царё Давидо поля када пэр пэстэ. Андо ԥаро маменто андэ пэстири жызня, кала пэр лэстэ тасавэнас и вороӷоря, во ԥэндя лэ Иеговасти: «Тиро право вас подритярэл ман» (Пс. 18:35). Часто о Иегова амэнди поможый через и мануша. Например, кала о Давидо вимарделя анда зор, каринг лэстэ авеля лэско друӷо о Ионафано и подритярдя лэс лашэ алавэнца (1 Сам. 23:16, 17). Ай лэ Ильясти о Иегова дя лэ помошникос — лэ Елисеёс (1 Цар. 19:16, 21; 2 Цар. 2:2). w24.01 23, 24, абз. 10—12

О Иегова фартэ щедро и заботливо Дэл, и важ када во дэл вся, со трэбуй важ и жызня. Кадэла качестворя сыкавэн и «чачуни мудрость». Пала латэ ԥэнэнпэ андэ 9 ӷлава Притчи, сар пала жувли, сави гитосардя о мас, шутя приправа андо вино и стодя мисяйля (Прит. 9:2). Май дур андо 4 и андо 5 стихо ԥэнэнпэ: «Лэ найгодявэрнэнди вой ԥэнэн: „Авэн, хан мэрно марно“». Сости амэнди тэ зажас андо цэр кай «чачуни мудрость» и тэ хас па латири мисяйля? О Иегова камэл, кай лэстирэ бэяцэ тэ авэн годявэрнэ и кай лэнца нисо тэ на терэлпэ найлашо. Во на камэл, кай амэ тэ сытювас па пэстирэ ошыбки, тэ шылисавас, кай потом тэ хас пэстирэ куя. Важ када «во фэрий и мудрость важ кодэла, ко лэс кандэл андэ вся» (Прит. 2:7). И правильно дар англа Дэл побудия амэн тэ андярас пэс кадя, кай во тэ авэл амэнца довольно. Амэ приашундювас каринг лэстирэ советоря и радостяса прилас лэн андэ пэстири жызня (Иак. 1:25). w23.06 23, 24, абз. 14, 15

Если амэ нэ можэм тэ терас важ о Иегова скати амэ камас, на трэбуй тэ умэкас и вас. О Иегова цэнуий кода, со амэ терас анда оди, кай тэ радосарас лэс. Катар амэ када ӷанас? Андэ лэ Захариястирэ деса о Иегова ԥэндя лэ пророкости тэ стерэн шукарно винко анда сомнак и руп, савэ бишалдэ и евреёря анда Вавилоно (Зах. 6:11). Кадэва винко трэбуй сас тэ авэл, сар напоминания пала пожэртвовании, савэ вонэ динэ всаворэ одеса (Зах. 6:14). О Иегова никала на бистрэла и тумари дила, сави тумэ терэн андэ нэспокойно время. Амэ жувас андэ послиднё время кадэла люмати, важ када амэнди на трэбуй тэ аштярас, кай и жызня ашэла май лащи. Англэ андэ люма можэт тэ авэл инке май ԥарэс (2 Тим. 3:1, 13). Но на трэбуй тэ подаспэ ла дарати. Сэрэн, со о Иегова ԥэндя пэстирэ народости андэ лэ Агеёстирэ деса: «Мэ тумэнца... [...] На даран» (Агг. 2:4, 5). Если амэ анда вся оди пристас о зор, кай тэ терас кода, со камэл о Иегова, во авэла амэнца. w23.11 19, абз. 20, 21

Тэ камлоп о Иегова, амэ никала на уӷанглоп, андэр со о Пётро шылияспэ. Но во закамля, кай андэ Библия тэ авэл запистромэ пала када (2 Тим. 3:16, 17). Кала амэ уӷанаса, соса борияспэ о Пётро и состар во даралас, тоди амэ диқаса, кай во сас кацаво жэ мануш, сар и амэ. О Иегова на аштярэлас, кай во тэ авэл идеально. Во и амэндар када на аштярэл. Во камэл, кай амэ тэ на умэкас и вас и тэ на парашас тэ служысарас лэсти дажэ тоди, кала амэ шылисавас. Васо амэнди нащи тэ здаспэ? Можэт, амэ пристас зор, кай тэ парувас варисо андэр пэстэ, и кала здэлпэ, кай амэ ужэ победисардям, амэ всаек можэм тэ шылисавас. Но амэ на здаспэ и на умэкас и вас. Дэкала всаворэ амэ терас или ԥэнас варисо, через со потом дуқал оди. И всаек амэ анда вся оди камас тэ на парашас тэ служысарас лэ Иеговасти и патяс, кай во поможыя амэнди тэ ашас май лашэ (1 Пёт. 5:10). Кала о Пётро терэлас ошыбки, о Исусо сыкавэлас, кай полэл, со лэстэ по ди. Кадэва гиндо поможыя амэнди верно тэ служысарас лэ Иеговасти. w23.09 20, 21, абз. 2, 3

Па ла Марфатирэ алава дицол, кай о Исусо моӷ тэ исцэлий лэ Лазарёс. Но во камэлас тэ стерэл варисо май удивительно. Во дэл обещяния: «Тиро ԥрал ущела». Инке во ԥэнэн лати: «Мэ жундярав и дав и жызня» (Иоан. 11:23, 25). Да, о Дэл дя лэсти власть пэ жызня и пэ смэрть. Май раньшэ о Исусо ужэ рисардясас ла бэята, сави кати мулясас, ай кадяжэ лэ шаворэс, возможно, андэ кодэва жэ дес кала лэс на ашэля (Лука 7:11—15; 8:49—55). Но сможэт во тэ воскресий лэ манушэс, саво муло ужэ штар дес, и лэстири тила ля ужэ тэ тернёл? И Мария, авэр ԥэй лэ Лазарёстири, тожэ жал каринг о Исусо. Вой ԥэнэн кодэла жэ алава, савэ ԥэндя латири ԥэй: «Учителё, тэ авелоп ту катэ, мэрно ԥрал авелоп жундо» (Иоан. 11:32). Кала о Исусо диқэл, сар вонэ ровэн, лэсти ашэл ԥарэс. Лэсти ашэл фартэ жалко лэстирэ друӷоря, и во лэл тэ ровэл. О Исусо полэл, сар дэ ԥарэс лэ манушэнди, кала лэндэ варико мэрэл анда чаче. Во фартэ камэл, кай кадэла мануша будэр никала тэ на ровэн! w23.04 10, 11, абз. 12, 13