Февралё

Кала о царё Езекия фартэ занасвайля, во мангэлас лэ Иеговас, кай во лэс тэ виличий. И о Дэл стердя кода, со во мангля (2 Цар. 20:1—6). Но кала о апостало Павло фартэ мангэлас лэ Иеговас тэ улэл лэстар и «колючка анда тила», о Иегова на уля ла лэстар (2 Кор. 12:7—9). Ай со стердяпэ лэ апосталонэнца лэ Иаковоса и лэ Петроса? О Ирадо камэлас лэдон лэн тэ умарэл. Но вижыля кадя, кай о анӷело лэ Петрос спасысардя, ай лэ Иаковос и мануша казнисардэ (Дила 12:1—11). Можэт тэ авэл кацаво гиндо: «Васо о Иегова лэ Петрос фэрисардя, ай лэ Иаковос най?» Андэ Библия пала када нисо на росԥэнэнпэ. Но акэ со амэ ӷанас точно: лэ Иеговасти «гряца и нэсправедливость» (Втор. 32:4). О Иегова най вся время дэл атветоря пэ амарэ молитвы кадя, сар амэ камлоп. Но амэ патяс, кай во амэн любий и вся время андярэл пэс справедливо, важ када амэ на роваспэ, кай во дя атвето най кадя, сар амэ камлям (Иов 33:13). w23.11 21, абз. 6

О Иаково, кала пистрояс и гиндоря лэ Дэвлэстар, ԥэндя, кай и мудри мануша ӷотови тэ кандэн. Погиндон, со када сыкавэл. Амэ трэбуй анда вся оди тэ кандас кодэлэн, касти о Иегова дя власть. Канешно, о Дэл на аштярэл, кай амэ ласа тэ терас кадя, сар ԥэнэн и мануша, савэ камэн, кай амэ тэ на кандас лэ Дэвлэс (Дила 4:18—20). Канешно, тэ кандас лэ Иеговас май вушэро, чем лэ манушэн. Важ кода кай во совершэно, ай и мануша — най (Пс. 19:7). И всаек амаро небесно Дад дя дэсави власть лэ родителёнэнди, лэ властенди и лэ барэдэрэ ԥралэнди (Прит. 6:20; 1 Фес. 5:12; 1 Пёт. 2:13, 14). Кала амэ кандас лэн, амэ кандас лэ Иеговас. w23.10 6, абз. 2, 3

Инке, сар амэ тэ састярас пэстири вера — када тэ шас сама пэ кода, со доԥэнэн, кай лэ Иеговастэ исин зор. Лэстэ исин зор тэ зритярэл всаворэ пэстирэ обещянии. Най евья во Всемоӷущё! (Иов 42:2; Мар. 10:27; Эф. 3:20). О Иегова ԥэндя лэ Авраамости и ла Саррати, кай лэндэ андэ ԥурэ бэрша арақадёла шаво (Быт. 17:15—17). Кадяжэ о Иегова ԥэндя лэ Авраамости, кай лэстирэ потомконэнди во дэла и Ханаанско ԥув. Но бут бэрша израильтяноря, лэ Авраамостирэ потомкоря, сас раборя андо Египто. Важ када здэласпэ, кай кадэя обещяния никала на исполнияпэ. Но вой исполнисайля. Ай пала Мария, сави сас най миростэ, во ԥэндя, кай латэ арақадёла лэско Шаво. Кай кадя тэ авэл, о Иегова ԥэндясас важ и тысяча бэрша май данглал, инке андэ Эдемско садо, и кадэя обещяния тожэ исполнисайля! (Быт. 3:15). Саво лашымос кодэлэстар, кай амэ гиндосарас, савэ обещянии о Иегова дэлас и сар во лэн зритярдя? Амэ састярас пэстири вера андэ кода, кай лэ Иеговастэ исин зор тэ стерэл о раё пэ ԥув (Иис. Н. 23:14; Ис. 55:10, 11). w23.04 28, абз. 10—12

О Иегова дэлас атветоря пэ лэ Давидостирэ молитвы и спасыяс лэс (1 Сам. 19:10, 18—20; 2 Сам. 5:17—25). Андэ када можэм и амэ тэ патяс (Пс. 145:18). Но о Иегова най вся и время дэл атветоря пэ амарэ молитвы кадя, сар амэ аштярас. Например, о апостало Павло мангэлас лэ Дэвлэс тэ улэл «и колючка» анда лэстири тила. Тривар о Павло ԥэнэнас ворта пала кадэя серьёзно проблема. Атветил о Иегова пэ лэстири молитва? Да. Но най кадя, сар о Павло аштярэлас. О Иегова на уля лэстири проблема, но дя лэсти зор, кай во тэ на парашэл верно лэсти тэ служый (2 Кр. 12:7—10). И андэ амари ситуацыя дэкала о Иегова атвечает пэ молитвы най кадя, сар амэ камасас. Но амэ можэм тэ патяс, кай о Иегова точно ӷанэн, сар май драго амэнди тэ поможый. Во дажэ «можэт тэ стерэл пэбутэстэ май бут всаворэстар, пала со амэ можэм тэ мангас или дажэ тэ погиндосарас» (Еф. 3:20). Важ када во дэкала атвечает пэ амарэ молитвы най кадя, сар амэ гиндосарас, и най тоди, кала амэ када аштярас. w23.05 8, 9, абз. 4—6

Амэнди всаворэнди авелоп драго тэ погиндосарас пала лэ Дэвлэстири обещяния, кай во воскресия лэ манушэн. Васо? Важ кода кай андэ любо маменто амэ можэм фартэ тэ занасвавас или тэ хасарас варикас анда чаче (Эккл. 9:11; Иак. 4:13, 14). Кода, кай амэ патяс, кай и мануша ринапэ каринг и жызня, поможыя тэ виритярас кацаво ԥаримос (1 Фес. 4:13). Андэ Библия ԥэнэнпэ, кай о Иегова амэн драго ӷанэн и фартэ любий (Лука 12:7). Погиндон, пэскати дэ драго во трэбуй амэн тэ ӷанэн, кай тэ воскресий амэн кацавэнца, савэ амэ самас. И лэстири бари любовь драго дицол андэ кода, кай во дя амэнди возможность тэ жувас вечно! Дажэ если амэн на ашэла, о Иегова рия амэн каринг и жызня. Васо амэ можэм тэ патян андэ кадэла обещянии лэ Дэвлэстар? Важ кода кай амэ патяс, кай кодэлэстэ, ко дя кадэя обещяния исин и жылания и зор када тэ стерэл. w23.04 8, 9, абз. 2—4

О Иосифо и Мария вмести терэнас вся, кай лэндири дружба лэ Иеговаса тэ авэл май састи. Вонэ полэнас, сар дэ важно тэ тэлён лэ Иеговасти всаворэ ереса (Лука 2:22—24; 4:16). Саво дэ лашо примеро важ адесутнэ еря! Если тумэндэ исин бэяцэ, тумэнди можэт тэ авэл найвушэро тэ авэн пэ собрании или тэ стон и время и о дес, кала тэ прожал и семейно изучения. Ай инке можэт тэ авэл май ԥарэс тэ виарақэн и время, кай тэ поизучаете лэ Дэвлэско Алав или тэ помангэнпэ лэдуй. Но на бистрэн, если тумэ тэлён лэ Иеговасти вмести, тумэ ашэн май пашэ каринг лэстэ и каринг ек еқэстэ. Важ када мэк и поклонения лэ Иеговасти тумэндэ авэла пэ пэрво ҭан. Если андэ тумаро ери исин трудности, тоди можэт тэ авэл найвушэро тэ стидэнпэ вмести пэ семейно изучения. Если када кадя, розлэн спэрва найбари тема, сави можэт тэ чалёл тумэнди лэдонди. Када поможыя, кай тумэ тэ авэн май пашэ ек еқэсти и тэ камэн тэ терэн лэ Дэвлэстири дила вмести. w23.05 22, абз. 7, 8

Сар кадэя дар поможысардя лэ Авдиёсти? Блаӷодаря лати во сас найхохавно и пэр лэстэ сас можно тэ надеиспэ. Важ када о царё стодя лэс, кай во тэ диқэл пала лэско дворцо. (Диқэн Неемия 7:2.) Кадяжэ и дар англа Дэл поможысардя лэсти тэ сыкавэл пэстири бари смилость. Кадэва качество сас фартэ трэбуй лэсти, важ кода кай во жувэлас тоди, кала правияс о Ахаво. (1 Цар. 16:30). Ай инке лэ Ахавостири хулаи, и Иезавель, тэлёлас лэ Ваалости. Вой кадя вэрыцыяс лэ Иеговас, кай камэлас тэ улэл и вужи поклонения андэ северно царство. Кадэя найлащи царица дажэ умардя бутэ лэ Иеговастирэ пророконэн (1 Цар. 18:4). Кала вой лэн умарэлас, О Авдиё загарадя 100 андар лэндэ «андэ пещеры, по 50 человек андэ кажно», и дэлас лэнди марно и паи (1 Цар. 18:13, 14). Если пала када тэ уӷанглоп авэр, лэ Авдиёс точно казнисардоп. Канешно, во, сар любо авэр мануш, на камэлас тэ мэрэл. Но важ лэстэ о Иегова и лэстирэ служытеля сас май куч, чем лэстири жызня. w23.06 15, 16, абз. 9, 10

Сар раньшэ, кадя и андэ амарэ деса, о Иегова андярэл пэско народо. Во терэл када через и Библия и через пэско Шаво, савэс во стодя тэ авэл хулай пэ собрания. Ай со доԥэнэн, кай о Дэл кадяжэ андярэл пэско народо через и мануша? Диқам, например, со сас в концэ андо 19 вико. О Чарльзо Тэйзо Расэло и лэстирэ помошникоря линэ тэ полэн, кай о 1914 бэрш авэла особено важ лэ Дэвлэско Царство (Дан. 4:25, 26). Вонэ полинэ када, важ кода кай драго розуӷанэнас и Библия и патянас андэ библейски пророчества. Можэм амэ тэ ԥэнас, кай кала вонэ родэнас о чачимос, о Иегова сыкавэлас лэнди о дром? Канешно, да. Кода, со тердяпэ андэ люма андо 1914 бэрш, сыкадя, кай лэ Дэвлэско Царство ля тэ правий. Заляпэ Пэрво мирово война, ай посли сас мэримос лэ насвалимастар, тинояспэ и ԥув и сас о боқалимос (Лука 21:10, 11). Да, о Иегова поможыяс пэстирэ народости через кадэла библейски иследователя, савэндэ сас лашо ди. w24.02 22, абз. 11

Сар лэ Иеговастирэ служытеля, амэ ӷанас, кай во амэн любий и камэл, кай амэ тэ лошавас ла жызняти (Римо 8:35—39). Кадяжэ амэ патяс, кай и библейски принцыпоря всегда анэн амэнди кати о лашымос (Ис. 48:17, 18). Но со тэ терас, если амэндэ ашэля ԥаримос, саво амэ нэ ожыдали? Например, амэн обидел варико анда ери, амэндэ ашэля найлашо зор, через саво амэ ужэ нэ можэм кадя дэ бут тэ служысарас. Пар мэндэ дя бида андэ природа или амэн ӷонин важ амари вера. Кала амэндэ исин кацаво ԥаримос, амэ можэм тэ гиндосарас: «Васо манца када тердяпэ? Со мэ най кадя стердэм? Сыкавэл када, кай о Иегова ман будэр нэ блаӷословляет?» Сас тумэндэ кацаво по ди? Если сас, тоди на умэкэн и вас. Кацаво по ди сас кай бут кай лэ Иеговастирэ служытеля, савэ лэс кандэнас (Пс. 22:1, 2; Авв. 1:2, 3). w23.04 14, абз. 1, 2

Кала амэндэ появийпэ жылания тэ стерас варисо найлашо, амэ сразу старысавас тэ улас люби гиндоря или дила через сави можэт тэ римойпэ амари дружба лэ Дэвлэса. О Иегова аштярэл, кай амэ «анда вся оди» кандаса лэс (Римо 6:17). Амэ нэ можэм тэ витидас, па саво законо тэ жувас, ай па саво най. Но амэ трэбуй тэ сэрас, кай вся, со во ԥэнэн амэнди тэ терас, анэн лашымос (Ис. 48:17, 18; 1 Кр. 6:9, 10). Кай амэ май набут тэ камас састэс тэ залас лэ Иеговастири риг, о Сатана тасавэл пар мэндэ физически и эмоцыонально. Лэстири цэль — «тэ похал» амэн, тэ римой амари дружба лэ Иеговаса (1 Пёт. 5:8, сноска). Андо пэрво вико лэ христианонэнди уӷрожали, лэн марэнас и дажэ умарэнас важ кода, кай вонэ камэнас тэ терэн правильно (Дила 5:27, 28, 40; 7:54—60). О Сатана идоси использует и приследовании. Када сыкавэн и жэстоки приследовании, савэ исин кай амарэ ԥрала и ԥэя андэ Россия и андэ авэр страны. Па чачимастэ, адес по разному тасавэн пэ всаворэ лэ Дэвлэстирэ служытеля. Кадяжэ, о Сатана тасавэл най кати ворта, но и чоралэс (Еф 6:11). w23.07 15, 16, абз. 6—9

Со май бут тумэ уӷанэн анда Библия, со май бари ашэл тумари любовь каринг о Иегова. Кадэя любовь побудий тумэн тэ терэн кадя, сар уӷанэн. Тумэ жувэн па библейски принцыпоря и май часто прилэн лашэ ришэнии. Тумэ камэн тэ радуин лэ Дэвлэс и важ када па аврятэ пэс андярэн и парувэн пэстирэ гиндоря. Сар о бэято, саво камэл тэ шолпэ пэ пэстирэ родителя, тумэ старыинпэ тэ терэн вся, кай тэ шонпэ по тумаро небесно Дад (Еф 5:1, 2). Пушэн пэстар: «Ашэля май бари мэрни любовь каринг о Иегова кодэлэ десэстар, сар мэ болделэм? Можно тэ ԥэнав, кай кода, сар мэ пэс андярав и сар гиндосарав, акана май фартэ шолпэ пэ кода, сар гиндой и андярэл пэс о Иегова? Например, сыкавав мэ май бут любовь каринг и ԥрала и ԥэя?» Если тумэ ужэ любин най кадя, сар любинас спэрва, на умэкэн и вас. Варисо кацаво жэ сас и кай и христианоря андо пэрво вико. Но о Исусо на одбанделя лэндар. Во на одбандёла и тумэндар (Тайна 2:4, 7). Во ӷанэн, кай тумэ можэте упалэ тэ любин кадя, сар любинас тоди, кала кати уӷанглэ о чачимос. w23.07 8, абз. 2, 3

О апостало Пётро най еқвар шылисайля, и када андя лэс каринг о баро бэзэх. Спэрва о Пётро фартэ патялас андэр пэстэ и хвалияспэ кодэлэса, кай никала на ашавэла лэ Исусос, дажэ если авэр апосталоря кадя стерэна (Мар. 14:27—29). Потом андо Гифсиманско садо во най еқвар засутя (Мар. 14:32, 37—41). Ӷэт май интя ӷурто мануша авелэ, кай тэ залэн лэ Исусос, ай о Пётро занашля (Мар. 14:50). Инке во триварэс отԥэнделя, кай ӷанэн лэ Исусос, и дажэ солахадя (Мар. 14:66—71). Кала о Пётро поля, саво дэ баро бэзэх стердя, во на виритярдя и заровья. О Исусо на ля тэ лажаварэл лэ Петрос, кай во шылияспэ, ай дя пэстирэ друӷости бари дила (Иоан. 21:15—17). О Пётро полэлас, кай во стердя баро бэзэх. Но во на гиндояс, кай акана лэстар нинай нисаво толко. Васо? Во ӷанэнас, кай о Исусо пэр лэстэ кадя на диқэл. Сости амэн када сытярэл? О Иегова камэл, кай амэ тэ патяс, кай во любий амэн и ӷотово тэ простий (Пс. 86:5; Римо 8:38, 39). w24.03 18, 19, абз. 13—15

Каринг со анэн, кала и мануша, савэ най андо брако, терэн кода, со можэт тэ авэл кати машкар хулай и хулаи? Када анэн каринг о лажаимос, о мануш хасарэл патив каринг пэстэ, ай кадяжэ через када розжанпэ и еря. Ай инке через о билажавардимос и манушни можэт тэ заԥирэл, хоть и на камля када. Пэскати авелоп дэ годявэрнэс тэ обжас ригаса ла «диля манушняко» цэр и тэ на шас сама пэ мисяйля, сави вой стодя! Кодэла, ко зажан латэ, моӷут тэ хасарэн най кати и дружба лэ Иеговаса, но и пэстири жызня. Важ кода кай бутэ манушэндэ, савэ андярэн билажаварди жызня, появийпэ насвалимос, саво андярэл каринг и смэрть (Прит. 7:23). Андо 18 стихо андэ 9 ӷлава андэ книжка Притчи ԥэнэнпэ: «Латирэ ӷостёря андэ моӷила». Васо тоди бут мануша зажан каринг и «дили манушни» и попэрэн андэ латири ловушка? (Прит. 9:13—18). Например, адес бут мануша диқэн о билажавардимос. Дэсавэ на полэн, кай када лэ Сатанастири нажывка. Вонэ гиндон, кай кадэлэстар нисо на авэла. Но па чачимастэ када анэн найлашымос. Кала о мануш диқэл билажавардимос, во, можно тэ ԥэнэс, приԥандёлпэ каринг када, ай кадяжэ хасарэл патив каринг пэстэ и каринг авэр. Билажавардэ картинки и видео фартэ влияют по мануш. Вонэ постояно болдэнпэ андэ годи, и важ када лэн фартэ ԥарэс тэ вишос анда шэро. Инке, кала о мануш диқэл о билажавардимос, во на улэл пэстирэ найлашэ жылании, ай, наоборот, росԥабарэл лэн (Клс. 3:5; Иак. 1:14, 15). Бут кодэла, ко диқэн о билажавардимос, потом лэн тэ терэн билажавардимос. w23.06 23, абз. 10, 11

Хоть бут народоря лэна тэ жан против Англо-Американско мирово держава, лэндэ нисо на вижала. Када драго дицол анда кода, кай о «бар», саво сыкавэл лэ Дэвлэско Царство, дэладап и талпы — кодэя ла статуятири часть, сави сыкавэл о союзо машкар Великобритания и США (Дан. 2:34, 35, 44, 45). Патян тумэ, кай исполнийпэ лэ Даниилоско пророчество пала талпы анда састри и ӷлина? Если да, када дицола па тумари жызня. Тумэ на лэна тэ тидэн барвалимос и хабэ андэ кадэя люма, сави ӥто на авэла (Лука 12:16—21; 1 Иоан. 2:15—17). Кода, кай амэ полас кадэва пророчество, поможыя амэнди тэ диқас, кай само ӷлавно акана — када тэ росԥэнас лэ манушэнди пала лэ Дэвлэско Царство и тэ поможысарас лэнди тэ ашэн лэ Христостирэ ученикоря (Матф. 6:33; 28:18—20). Кала тумэ иследовали кадэва пророчество, пушэн пэстар: «Патяв мэ, кай лэ Дэвлэско Царство ӥто розмарэла всаворэ манушыканэ правительстворя? Дицол када пэ ришэнии, савэ мэ прилав?» w23.08 11, абз. 13, 14

Скромно прижанэн, кай, возможно, через о зор, и бэрша или и обстоятельства тумэ не можэте тэ терэн кода, со раньшэ. Сар и о Барзиллаё, авэн ӷотови тэ отԥэндён кодэла дилатар, сави на вижала тэ стерэн через и бэрша или о зор (2 Сам. 19:35, 36). И, сар о Маисеё, прилэн помощь и пэрэдэн пэстири дила, кала када возможно (Исх. 18:21, 22). Если тумэндэ авэла кацави скромность, тумэ на лэна тэ аштярэн пэстар кода, со не сможэте тэ стерэн, и фэрина о зор. На старыинпэ тэ лэн пэр пэстэ и найлашэ ришэнии, савэ прилинэ авэр. Сэрэн: амэ не можэм важ авэр тэ прилас и ришэнии. И най всегда па амаро зор тэ фэрисарас лэн, кай вонэ тэ на шылинпэ. Например, варикастэ шаво или щей ришын будэр тэ на служын лэ Иеговасти. Кадэя ришэния анэн лэ родителёнэнди фартэ бари дук. Но если вонэ лэна тэ дошалярэн пэс важ када, тоди лэнди авэла инке май ԥарэс. Ай о Иегова на камэл, кай кадя тэ авэл. w23.08 29, абз. 11, 12

О Самсоно сас несовершэно мануш, кадя жэ сар и амэ. И важ када дэкала во прилэлас неправильно ришэния. Ек анда лэстирэ ришэнии андя лэс каринг и бида. Кала о Самсоно «полюбисардя ла манушня, сави жувэлас андэ долина Сорек», во сас сындомари ужэ най ек бэрш. Кадэла манушня ақарэнас Далила. Раньшэ о Самсоно тидэласпэ тэ жэнийпэ пэ филистимлянка. Но када сжаласпэ лэ Дэвлэстиря времяса. Во «родэлас возможность тэ рий лэ филистимлянонэ́нди». Тоди, андо филистимско форо Газа, о Самсоно ашэляпэ андо цэр кай и найлащи манушни. Андэ кодэя рят о Дэл дя лэ Самсоности зор, и во ундярдя лэ форостирэ вороты. Кадя о форо моӷли вушэро тэ захутилэн (Суд. 14:1—4; 16:1—3). Но и ситуацыя ла Далиласа сас авэр. Возможно, кадэя жувли сас израильтянка, и вой нисар на поможысардоп лэ Самсоности тэ борийпэ лэ филистимлянонэнца. И филистимляноря динэ бут ловэ ла Далилати и важ када вой трэбуй сас тэ придэл лэ Самсонос. И Далила соӷласисайля. w23.09 5, абз. 12, 13

Кай амэндэ тэ авэл ковло ди, фартэ важно май бут тэ полас. Кодэва, ко май бут полэл, на грабий тэ гиндой найдраго пала мануш, саво задэл лэсти вопросоря пала лэстири вера. Погиндон пала айсберго — када ледяно плай андо паи. Кала амэ диқас пэр лэстэ, дицол кати о вэрхо, ай и май бари часть андо паи, и амэ ла на диқас. Точно кадя жэ, кала о мануш задэл амэнди вопросо, часто амэ на ӷанас, васо во пушэл амэндар пала када. Можэт исин варисо, со амэ на ӷанас. Важ када спэрва трэбуй тэ розласпэ, васо па чачимастэ во задэл о вопросо и кати тоди тэ отвечаем (Прит. 16:23). Вспомним пала кода, сар о Гедеоно дя дума лэ ефремлянонэнца. Вонэ холяса виԥэндэ лэсти, васо лэн сразу на ақардэ тэ жан войнаса против лэ Израилёстирэ вороӷоря. Но васо вонэ па чачимастэ холявэнас? Можэт лэндэ сас ӷордо ди? Сар бы тэ на авэл о Гедеоно старысайля тэ полэл, со по ди кай и ефремляноря и дя дума лэнца ковлэс. Через када вонэ парашэлэ тэ холявэн (Суд. 8:1—3). w23.09 16, абз. 8, 9

Нинай андэ люма май бари любовь, сави исин машкар о Иегова и о Исусо — вонэ анда вся оди любин ек еқэс, сар нико авэр. Лэ Иеговасти сас фартэ дуқанэс, кай лэстирэ Шавэса несправедливо и жэстоко обжанпэ и на стон пэр лэстэ патив. Но важ и родителя нинай май бари бида, чем тэ хасарэн пэстирэ бэятос. Дажэ если вонэ фартэ патян, кай во рияпэ каринг и жызня, када на улэл вся лэндири дук. Кала амэ гиндосарас, со можэт тэ авэл по ди кай кацавэ родителя, амэ можэм хоть набут тэ полас, со сас по ди кай о Иегова. Сар лэстэ дуқалас оди, кала во диқэлас, сави дэ ԥари смэрть сас кай лэско Шаво, саво сас фартэ куч лэстирэ одести (Матф. 3:17). Жы каринг и Вечеря ашэляпэ совсем набут. Авелоп драго тэ проандярас и время кадя, кай май бут тэ уӷанас пала выкупо. Када можно тэ стерас пэ лично или семейно изучения. Ай андо дес, кала авэла и Вечеря, на бистрэн тэ диқэн и утренё библейско проӷрама. Если амэ всаворэ одеса аваса ӷотови каринг и Вечеря, тоди амэ сможэм тэ поможысарас аврэнди тэ полэн, пэскати дэ важно кадэва дес (Езд. 7:10). w24.01 11, абз. 10—12

Ек анда способоря, сар о Иегова поможый амэнди — када и молитва. Сар ответо пэ амарэ молитвы, о Иегова можэт тэ дэл амэнди «зор, саво май баро лэ манушэндирэ зорэстар» (2 Кр. 4:7). Кадяжэ амэ ашас зоралэ, кала адиносарас лэ Дэвлэско алав и розмышляем пала лэстэ (Пс. 86:11). Важ кода кай о алав лэ Дэвлэстар «фартэ зорало» (Евр. 4:12). Кала амэ мангаспэ и адиносарас и Библия, када поможый амэнди тэ виритярас о ԥаримос, тэ на хасарас и радость или тэ стерас и ԥари задания. Диқам, сар о Иегова подритярэлас лэ Ионас. Кала о Иегова дя лэ Ионасти найвушэро задания, во унашля. Через када, кала вазгляпэ фартэ бари буря, во чуть на муля. Ай инке через лэстэ андэ опасность сас и авэр мануша по кораблё. Кала лэ Ионас шутэ андэ моря, лэс нақадя розбаро мащё и во попэля интя, каринг тэ попэрэл совсем на аштярэлас, — андэ лэ мащеско ӥло. Котэ сас тэмно и страшно. Кай о Иона моӷло тэ авэл по ди, кай во совсем екжэно. Со придя лэсти зор? Молитва (Иона 2:1, 2, 7). w23.10 13, абз. 4—6

Хоть о апостало Пётро пистросардя пэстирэ письморя лэ христианонэнди андо пэрво вико, о Иегова позаботисайля, кай вонэ тэ авэн андэ Библия. Када сыкавэл, кай вонэ моӷут тэ анэн лашымос и амэнди (Римо 15:4). Андэ Библия запистромэ кода, со аштярэл амэн англэ. Но амэ жувас машкар и мануша, савэ на патян андэ када. Вонэ подасанпэ амэндар, кай амэ най пэрво бэрш росԥэнас, кай пашол ла люматири время. Дэко дажэ ԥэнэн, кай када никала на авэла (2 Пёт. 3:3, 4). Кацаво гиндо амэ можэм тэ ашунас лэ родостар, кодэлэндар, касти росԥэнас важ о Дэл или каса терас бути. Кода, кай вонэ подасанпэ амэндар, можэт найдраго тэ влияет пэ амари вера. О Пётро росԥэндя, сар када тэ на домэкас. Например, дэсавэ гиндон: «Васо о Дэл на улэл кадэя найлащи люма? Васо во цырдэл и время?» Лэ Петростирэ алава поможын амэнди тэ полас, кай о Дэл на диқэл пэ время кадя, сар и мануша (2 Пёт. 3:8, 9). Важ лэстэ тысяча бэрш сар ек дес. Кай о Иегова бари терпения, во на камэл, кай варико тэ мэрэл. Но кала лэско дес авэла, во улэла кадэя найлащи люма. w23.09 26, 27, абз. 2—5

Васо о апостало Павло пистросардя о письмо лэ христианонэнди анда Иудея? Пэ када лэстэ моӷли тэ авэн дуй причины. Пэрво, во камэлас лэн тэ подритярэл. Бут андар лэндэ барелэ андэ иудейско вера, ай акана, кала вонэ ашэлэ христианоря, и барэ мануша андэ иудейско вера моӷли тэ приасанпэ лэндар. Васо? Важ кода кай лэ христианонэндэ на сас баро и шукарно храмо, жэртвенико и рашая. Через када лэ Христостирэ ученикоря моӷли тэ умэкэн и вас и лэндири вера моӷла тэ ашэл май слабо (Евр. 3:12, 14). Варикастэ дажэ моӷли тэ авэн гиндоря тэ ринпэ андэ иудейско вера. Дуйто, о Павло шутя лэ ԥралэндири и лэ ԥэяндири сама пэ кода, кай вонэ на стонас зор, кай тэ полэн о «састо хамос» анда лэ Дэвлэско Алав — када нэвэ библейски учении или кодэла, савэ найвушэро тэ полэн (Евр. 5:11—14). Па вся дицолас, кай дэсавэ анда кодэла христианоря инке ритярэнас лэ Маисеёско законо. w23.10 24, 25, абз. 3, 4

Дэсавэ христианки моӷут тэ витидэн тэ на жан миростэ (Матф. 19:10—12). О Иегова и о Исусо на гиндон, кай если и щей най миростэ, ласа варисо най кадя. Андэ собрании па вся и люма и христианки, савэ най миростэ, фартэ куч важ амэндэ. Вонэ анда вся оди сыкавэн и любовь каринг авэр. Бут ко можэт тэ ԥэнэн, кай кадэла христианки ашэлэ важ лэндэ сар ԥэя и дэя, савэ подритярэн лэндири вера (Мар. 10:29). Дэсавэ ԥэя, савэ най миростэ залэн тэ служын полновремено. Адес па вся и ԥув росԥэнэн и лащи новость. Кадэя дила май бут терэн амарэ кучутнэ ԥэя (Пс. 68:11). Можэш ту ужэ акана тэ погиндос, кала лэса тэ служыс полновремено? Ту можэш тэ авэс пианероса, тэ служыс пэ стройка или андо Вефилё. Мангпэ пала кадэя цэль. Дэ дума кодэлэнца, ко ужэ служый пианероса, участвует андэ стройка или служый сар вефильцо, и роспуш лэндар, сар тути каринг када тэ подӷотовишся. Ай тоди стер пэсти ӷрафико, саво поможыя тэ домардёс пэстири цэль. Если ту лэса тэ служыс полновремено, ту никала пала када на жалуиса. Англа тутэ ԥэрнадёна и двэри каринг и нэвэ розлашэ возможности тэ авэс амал важ о Иегова. w23.12 22, абз. 16, 17

Амэ жувас андэ время, кала ӥто авэла и бари бида. Амэнди фартэ важно тэ росԥэнас лэ манушэнди и лащи новость. Но амэнди можэт тэ авэл найвушэро тэ стас лэ Дэвлэстири дила по пэрво ҭан, кала амэндэ исин ԥаримос лэ ловэнца или тасавэн важ и вера. Со поможыя, кай амэндэ андэ жызня ӷлавно тэ авэл лэ Дэвлэско Царство? Трэбуй тэ патяс, кай амэнца «о Иегова, Хулай пэ войскоря». Во подритярэла амэн, если диқэл, кай важ амэндэ май важно най пэстири дила, ай кодэя дила, сави во дя амэнди. Важ када амэнди най состар тэ дарас (Агг. 2:4). О Иегова камэл, кай важ амэндэ тэ авэл само ӷлавно дила — тэ сытярас лэ манушэн, кай вонэ тэ авэн лэ Исусостирэ ученикоря. Кадэя дила спасый лэ манушэнди и жызня. О Агеё поможысардя лэ Иеговастирэ служытелёнэнди, кай вонэ тэ на обдиқэнпэ палпалэ, ай тэ лэнпэ тэ терэн дила кадя, кабута вонэ пэрво разо зашон о фундаменто важ о храмо. О Дэл дя алав, кай, если вонэ кадя стерэна, во лэн лэла тэ блаӷословий (Агг. 2:18, 19). Амэ тожэ можэм тэ патяс: если амэ анда вся зор терас лэ Иеговастири дила, во точно дэла амэнди пэско лашымос. w23.11 16, абз. 8; 17, абз. 11

Андо Письмо лэ христианонэнди андо Римо о апостало Павло пистрой, кай всаворэ мануша бэзэхалэ. Сар жэ о Дэл можэт тэ авэл амэнца довольно и тэ ԥэнэн, кай амэ идеальни и найдошалэ англа лэстэ? Кай тэ поможый всаворэ христианонэнди тэ дэн ответо пэ кадэва вопросо о Павло шутя сама по Авраамо. Васо кала о Авраамо жувэлас андо Ханаано о Иегова ԥэндя, кай во найдошало англа лэстэ? Можэт важ кода, кай о Авраамо андэ вся ритярэлас лэ Маисеёско законо? Канешно най! (Римо 4:13). Амэ ӷанас, кай о Дэл дя кадэва законо май бут, чем через 400 лет посли кода, сар о Дэл прижангля лэ Авраамос найдошалэса. Тоди васо о Дэл ԥэндя по Авраамо кадя? Важ кода кай лэ Авраамостэ сас вера. Через када о Иегова сыкадя каринг лэстэ о лашымос, саво во на затердя, и ԥэндя по Авраамо, кай во найдошало (Римо 4:2—4). w23.12 3, абз. 4, 5

Посли кода, сар о пророко Нафано ԥэндя и алава анда адесутно стихо, о Иегова ԥэндя лэсти, кай о храмо строия най о Давидо, ай ек анда лэстирэ шавэ (1 Лет. 17:3, 4, 11, 12). Сар андярдя пэс о Давидо, кала ашундя кадэла алава? Во парудя пэско гиндо. О Давидо ля тэ стидэл о материало и вся, со трэбуй лэстирэ шавэсти, лэ Соломоности, кай тэ строий о храмо (1 Лет. 29:1—5). Хоть о Иегова ԥэндя, кай о храмо строия най о Давидо, сразу жэ посли кадэла алава во стердя лэ Давидоса доӷоворо. О Иегова дя лэсти алав, кай ек анда лэстирэ потомкоря лэла тэ правий вечно (2 Сам. 7:16). Кала авэла и Тысячелетнё правления, о Давидо уӷанэна, кай во жувэл тоди, кала правий о Исусо — царё анда лэско колено. Кати погиндон, саво дэ бахтало авэла о Давидо! Сости амэ сытювас анда кадэва библейско случаё? Дажэ если амэ нэ можэм тэ терас андэ служэния лэ Иеговасти вся, со камлоп, амарэ Дэвлэстэ исин важ амэндэ авэр подаркоря, пала савэ амэ дажэ и нэ мечтали. w23.04 16, абз. 8—10

Возможно, тумэндэ исин любими стихоря анда Библия, савэ поможын тумэнди, кала даран. Дэсавэн фартэ подритярэн и книжки Иов, Псалмы, Притчи, ай кадяжэ лэ Исусостирэ алава анда 6 ӷлава Матфеё. Кала тумэ мангэнпэ лэ Иеговасти и адинон и Библия, тумэ дэн возможность лэсти, кай во тэ авэл паша тумэндэ. Дажэ андэ само ԥари время о Иегова вся и время авэла паша амэндэ. Во никала амэн на ашавэла (Пс. 23:4). О Иегова дэл алав, кай лэла тэ фэрий амэн. Во поможыя, кай амаро ди тэ ашэлпэ састо андэ ԥари время. Во подритярэла амэн, ай кадяжэ дэла амэнди тэ полас, кай во паша амэндэ. Андэ Исайя 26:3 пала Иегова ԥэнэнпэ: «Ту фэриса кодэлэс, ко андэ вся патял тути. Ту дэса лэсти мирно жызня, сави на прожала, важ кода кай во патял тути». Важ када патян лэ Иеговасти. Кала о Иегова процырдэл пэско вас, кай тэ поможый тумэнди, на отшон лэс. Вмести лэса тумэ сможэте тэ пэрэжувэн само ԥари время. w24.01 25, абз. 16, 17

Кода, со пистромэ андо адесутно стихо, амэ диқас адес. Кадяжэ амэ можэм тэ диқас пэстирэ яқэнца, сар исполнинпэ и кадэла алава анда Библия: «Всаворэн тирэ шавэн сытярэла о Иегова, и тирэ шавэндэ авэла бут лашимос и мирно жызня. ...Ту нисостар на лэса тэ дарас и тутэ на авэла бари дар — вой на лэла пэр тутэ тэ хулаий» (Ис. 54:13, 14). Дажэ кай о Сатана, саво дэл «кадэла люмако», нинай скати зор, кай тэ тердярэл лэ Дэвлэстири дила. Адес лэ Иеговастирэ служытеля росԥэнэн всаворэнди пала лэстэ (2 Кр. 4:4). Лэ Иеговаско народо будэр никала на парашэла тэ тэлёл лэсти кадя, сар во камэл. Када авэла вся и вечность и никала на парудёла. Любо оружыя, сави стерди против амэндэ, на вицэлэла! w24.02 4, абз. 10

Амэ дям алав, кай ласа тэ жувас важ о Иегова и серьёзно пэ када диқас. И када влияет пэ кода, савэ ришэнии амэ прилас. Амэ анда вся оди терас пэстирэ обязаности андо ери, сар ԥэнэнпэ андэ Библия. Но амэ на домэкас, кай кода, со камэн амарэ чаче, тэ авэл май важно чем кода, со камэл о Иегова (Матф. 10:35, 36; 1 Тим. 5:8). Дэкала, кай тэ радосарас лэ Дэвлэс, амэнди прижалпэ тэ прилас и ришэнии, савэнца лэ родости ԥарэс тэ соӷласинпэ. О Иегова создал о ери. Во камэл, кай и еряли жызня тэ анэн лош лэ хуласти и ла хулаяти (Еф. 3:14, 15). Кай тэ авас па чачимастэ бахталэ, амэнди трэбуй тэ терас кода, со мангэл о Иегова. Заботинпэ пала пэстирэ чаче, любин лэн и стон пэр лэндэ патив (Римо 12:10). Вся и время патян, важ о Иегова куч, кай тумэ пристон бут зор тэ радуин лэс. w24.02 17, абз. 11; 18, абз. 13