Июнё

О Иегова блаӷословияс лэ христианонэн андо пэрво вико, важ кода кай вонэ сас ӷотови каринг любо ԥаримос. Лэн часто ӷонинас и дэкала када сас совсем нэожыдано. Роздиқам, со сас кай о Варнава и кай о апостоло Павло. Кала вонэ росԥэнэнас пала лэ Дэвлэско Царство андэ Листра, спэрва и мануша драго лэн прилинэ. Потом через и вороӷоря дэсавэ анда кодэлэ жэ мануша помардэ лэ Павлос барэнца и ашадэ тэ мэрэл (Дила 14:19). Но о Варнава и о Павло на парашэлэ тэ проповедуют андэ авэр ҭана. Саво лашымос када андя? Вонэ «сытярдэ бутэ манушэн», кай вонэ тэ ашэн ученикоря. Кадяжэ вонэ пэстиря диласа и алавэнца подритярэнас лэ ԥралэн и лэ ԥэян (Дила 14:21, 22). О Варнава и о Павло на сдинэпэ, дажэ, кала лэн линэ нэожыдано тэ ӷонин. Када андя бутэнди лашымос. Если и амэ на сдаспэ, кала терас и дила, сави дя амэнди о Иегова, тоди амэндэ авэна бут блаӷословении. w23.04 16, 17, абз. 13, 14

Лэ Давидостэ андэ жызня сас бут вороӷоря, и во часто мангэлас помощь лэ Иеговастар. Во патялас, кай о Иегова ашунэл лэстирэ молитвы и дэл атветоря пэр лэндэ. Андэ када амэ тожэ можэм тэ патяс. Анда Библия дицол, кай о Иегова дэла мудрость и зор тэ виритярас о ԥаримос. Во можэт тэ поможый через и ԥрала и ԥэя и дажэ через кодэла, ко лэсти на служын. Чаче, о Иегова най вся и время атвечает пэ амарэ молитвы кадя, сар амэ аштярас. Но амэ ӷанас, кай во обязательно дэла атветоря пэр лэндэ. Во дэла амэнди кода, со трэбуй и кала када трэбуй. Важ када патя и на параш тэ мангэспэ. На домэк, кай тутэ тэ авэн сомнении, кай во пала тутэ позаботияпэ акана и андо раё пэ ԥув. О Иегова дэла пэстирэ служытелёнэнди вся, со вонэ камэн (Пс. 145:16). w23.05 8, абз. 4; 13, абз. 17, 18

Шув сама по лашымос, саво авэла, кала ту домардёса пэстири цэль. Саво лашымос када можэт тэ авэл? Например, если ту камэс тэ адинос и Библия или тэ мангэспэ, тоди погиндосар, сар через када састёла тири дружба лэ Иеговаса (Пс. 145:18, 19). Ай если тири цэль — тэ парувэс дэсо андэ пэско характеро, погиндосар, сар дэ фартэ ту лэса тэ ладис аврэнца (Клс. 3:14). Запистросар, саво лашымос анэна тути, кала ту домардёса пэстири цэль. Время времятар продик кадэла записи. Кадяжэ, проандяр и время кодэлэнца, ко тут подритярэла (Прит. 13:20). Но ԥэнаса сар исин. Дэкала амэ можэм тэ хасарас и жылания тэ жас каринг пэстири цэль. Сыкавэл када, кай амэ нэ сможэм ла тэ домардювас? Най. Амэ можэм тэ стерас варисо авэр, кай тэ жас англэ, дажэ кала и жылания нинай. Хоть када авэла найвушэро тэ стерас, амэ аваса бахталэ, кай смоӷли тэ домардювас пэстири цэль. w23.05 27, 28, абз. 5—8

Если амэ полас, кай андярас атвецтвеность важ амарэ ришэнии, када поможыя амэнди тэ прижандювас андэ бэзэха, тэ парувас кода, со стердям най кадя, и будэр кадя тэ на терас. Када поможыя амэнди тэ на сжас па дром, саво андярэл каринг и жызня. Если тумэ шылисайлэ и ужэ нисо нащи тэ парувэн, прилэн и ситуацыя кадя, сар вой исин. На тратин пэско зор пэ кода, кай тэ виправин пэс или, наоборот, кай тэ дошалярэн пэс и аврэн. Фэдэр прижанэн, кай шылисайлэ, и стерэн вся, со па тумаро зор андэ кадэя ситуацыя. Если тумэ дошалярэн пэс важ кода, со стердэ, смирено мангэнпэ лэ Иеговасти, кай во тумэн тэ простий (Пс. 25:11; 51:3, 4). Мангэн прощения кодэлэстар, касти через тумэндэ ашэля ԥарэс. И если трэбуй, мангэн помощь кай и барэдэр ԥрала (Иак. 5:14, 15). Сытён па пэстирэ ошыбки и старыинпэ будэр тэ на терэн лэн. Тоди тумэ можэте тэ патян, кай о Иегова жалуия тумэн и подритярэла (Пс. 103:8—13). w23.08 28, 29, абз. 8, 9

О царё Иоасо терэлас правильно, пока лэс сытярэлас о Иодаё. Блаӷодаря кодэлэсти, кай о ӷлавно рашай драго влиял по тэрно царё, во камэлас тэ радуий лэ Иеговас. Но посли кода, сар лэ Иодаёс на ашэля, о Иоасо ля тэ приашундёл каринг и князёря, савэ ашадэ лэ Иеговас (2 Лет. 24:4, 17, 18). Кадэлэстар лэ Дэвлэсти сас фартэ дуқанэс. «Кай тэ рий лэн каринг пэстэ, о Иегова бишалэлас лэ пророконэн... но вонэ на ашунэнас». Вонэ на ашунэнас дажэ лэ Захарияс, саво сас лэ Иодаёско шаво. О Захария сас най кати лэ Иеговаско пророко и рашай, но во и прижалас лэ Иоасости упэрвых ԥрал. О царё приԥэндя дажэ тэ умарэн лэ Захарияс (2 Лет. 22:11; 24:19—22). О Иоасо парашэля тэ дарал лэ Иеговастар, и о Иегова ԥэндя: «Кодэлэн, ко вэрыцый ман, мэ лава тэ вэрыцысарав» (1 Сам. 2:30). Прожыля время и по Иоасо динэ и сирийцоря. Хоть лэстэ сас бут халавдэ, ай кай и сирийцоря набут, вонэ всаек победисардэ и шындэ лэ царёс (2 Лет. 24:24, 25). Лэ Иоасостирэ слуӷоря доԥэнделэ машкар пэстэ и умардэ лэс, важ кода кай во сас дошало андэ лэ Захариястири смэрть. w23.06 18, абз. 16, 17

О апостало Павло андо Ефесо проандярдя фартэ бут время. Котэ во росԥэнэнас и лащи новость и сытярэлас лэ учениконэн (Дила 19:1, 8—10; 20:20, 21). Во фартэ любияс лэ ԥралэн и лэ ԥэян и камэлас, кай вонэ тэ на парашэн тэ служын лэ Иеговасти. Жы каринг кода, сар тэ уӷанэн о чачимос и тэ ашэн христианоря, и мануша анда Ефесо патянас андэ суеверии и андэ кода, сости сытярэн и хохавнэ веры. И мануша андо Ефесо андярэнас пэс фартэ билажавардэс. Часто пала када дэнас дума пэ сцэна андо театро или кала справинас и празникоря (Еф. 5:3). Бутэ манушэн анда Ефесо на халас оди, (дословно када сыкавэл, кай лэндэ на сас дук андо ди) (Еф. 4:17—19). Вонэ на ӷанэнас, со важ о Иегова лашо, ай со най. Важ када лэндэ совсем на сас лажаимос и дар англа Дэл. Но дэсавэ мануша анда Ефесо вижылэ анда тэмнота. w24.03 20, абз. 2, 4; 21, абз. 5, 6

И дила, сави сас кай о Гедеоно, сар кай о сындомари, залэлас бут зор. Кала и мадианитяноря нашэнастар посли война, сави сас и рят, о Гедеоно прастая пала лэндэ. Во прастэлас пала лэндэ жы кай о Изреелё, кай сас и лэн Иардано. (Суд. 7:22). Но терделя о Гедеоно паша Иардано? Най. Хоть во и лэстирэ 300 воиноря цыелэ, вонэ пэрэжылэ и лэн и прастае дальшэ. Вонэ доӷонисардэ и победисардэ лэ мадианитянонэн (Суд. 8:4—12). О Гедеоно патялас, кай о Иегова дэла лэсти зор, и о Иегова чаче подритярдя лэс (Суд. 6:14, 34). О Гедеоно и лэстирэ воиноря нашэнас пала Мадианитянски царёря, ай вонэ сас пэ верблюдоря и смоӷли тэ унашэн (Суд. 8:12, 21). И всаек лэ Дэвлэстирэ зорэса вонэ доӷонисардэ лэ вороӷонэн и победисардэ лэн. Адес и барэдэр ԥрала тожэ моӷут тэ патян, кай андэ пэстири время о Иегова дэла лэнди зор, важ кода кай «во на цыёл и лэстэ вся и время исин зор» (Ис. 40:28, 29). w23.06 6, абз. 14; 7, абз. 16

Амаро ди можэт тэ авэл предано, саво бы ԥаримос тэ на авэл. Давайте роздиқаса, сар кода, кай о сындомари о Варако патялас кодэлэсти, со ԥэнэнас о Иегова, поможысардя лэсти тэ вицэлэл. Хоть кай и израильтяноря на сас «ни щито, ни копьё», о Иегова всаек ԥэндя лэ Варакости тэ жал войнаса против ханаа́нско военачальнико Сиса́ро и лэско войско (Суд. 5:8). Пророчица Дево́ра ԥэндя лэ Варакости тэ змэкэлпэ па плая, кай тэ жал против Сисаро и лэстирэ 900 вурдона важ и война. Хоть о Варако и ӷанэнас, кай пэ кодэва ҭан лэ израильтянонэнди авэла фартэ ԥарэс тэ жан против вурдона важ и война, во всаек кангля. Кала лэстирэ воиноря змэкэнаспэ па плай Фаво́ро, о Иегова бишалдя пэ вороӷоря баро брышын. Лэ Сисаростирэ вурдона важ и война забэшлэ андэ чик, и о Иегова дя лэ Варакости победа (Суд. 4:1—7, 10, 13—16). О Иегова дэла победа и амэнди, если амэ патяс лэсти и кодэлэсти, со во ԥэнэн через пэстири арӷанизацыя. w23.07 19, абз. 17, 18

Амэ трэбуй тэ авас терпеливи, кай амэндэ тэ авэл вечно жызня. И предани лэ Дэвлэстирэ служытеля, савэ жувэнас дэлмут, терпеливо аштярэнас, кала во зритярэла пэстирэ обещянии. Кадя трэбуй тэ терас и амэ (Евр. 6:11, 12). Андэ Библия ԥэнэнпэ, кай амэ трэбуй тэ сытювас кай кодэва, ко залэлпэ ла ԥувьяса (Иак. 5:7, 8). Кодэва, ко залэлпэ ла ԥувьяса, стол бут зор, кай тэ сеий, и потом шол паи. Но во на ӷанэн, кала варисо вибарёла. Важ када во терпеливо аштярэл и патял, кай стидэла о уражаё. Амэндэ тожэ фартэ бут дила. Амэ стас бут зор, кай тэ терас дила, сави дя о Христос, хоть и на ӷанас, «андэ саво дес [во] авэла» (Матф. 24:42). Амэ терпеливо аштярас и патяс, кай андэ пэстири время о Иегова зритярэла пэско алав. Если амэ аваса найтерпеливи, амэнди авэла ԥарэс тэ аштярас лэ Дэвлэско дес и амэ ласа тэ дурювас лэ Иеговастар. Или амэ закамаса май бут тэ шас сама пэ кода, состар амэнди авэла драго ужэ адес. Но если амэ терпеливи, амэ вся виритяраса и спасысаваса (Мих. 7:7). w23.08 22, абз. 7

Если тэ сыстосарас о пророчество, саво запистромэ андэ Даниила 2:41—43 и авэр пророчества анда книжка Даниила и Свынто тайна, тоди поласа, кай и талпы сыкавэн и Англо-Американско держава, сави само зорали андэ амари время. Пала кадэя держава о Даниило ԥэндя, кай «кадэва царство авэла андэ варисостэ састо, ай андэ варисостэ слабо». Васо во авэла андэ варисостэ слабо? Важ кода кай и прости мануша, савэн сыкавэл и ковли ӷлина, на дэн, кай кадэя держава тэ сыкавэл вся пэско саструно зор. Анда кода, сар о Даниило росԥэндя пала статуя, амэ можэм тэ уӷанас дэсавэ важни гиндоря. Пэрво, кай и Англо-Американско мирово держава исин фартэ баро зор, и вой най еқвар лэс сыкавэлас. Например, и Англо-Американско держава сас машкар кодэла страны, савэ победисардэ андэ дуй мирови войны. Но кадэя мирово держава ашэл май слабо через и мануша, савэ жувэн пэ латири тиритория. Вонэ жан против правительство и ек против еқэстэ. Кадя жэ лэла тэ терэлпэ и англэ. Дуйто, имено кадэя мирово держава лэла тэ правий, кала лэ Дэвлэско Царство розмарэла всаворэ манушыканэ правительстворя. w23.08 10, 11, абз. 12, 13

Кала кай о Давидо сас бут проблемы, во полэлас, кай фартэ вицыеля (Пс. 18:4, 5). Но о Иегова поможыяс лэсти упалэ тэ лэл зор. О Иегова андярэлас пэстирэ друӷос кордэ, кай сас «бут зэлэно чар», кай во тэ отцыёл паша паи. Блаӷодаря кадэлэсти о Давидо моӷ тэ лэл зор и май дур тэ служый лэсти (Пс. 18:28—32; 23:2). Амэндэ андэ жызня можэт тэ авэл бут ԥаримос, через саво амэ вимардювас анда зор. Но о Иегова поможый амэнди лэс тэ пэрэандярас (Плач 3:22; Клс. 1:11). О Давидо моӷ най еқвар тэ хасарэл пэстири жызня, важ кода кай лэстэ сас бут зоралэ вороӷоря. Но лэ Иеговастири любовь дэлас лэсти тэ полэл, кай во фэрий лэс. О Давидо андэ любо ситуацыя чуствовал, кай о Иегова лэса. Када сас сар драб важ лэско неспокойно ди. Важ када во дилабэлас пала Иегова: «Во спасысардя ман всаворэстар, состар мэ дарав» (Пс. 34:4). О Давидо бут состар даралас, но лэ Иеговастири любовь поможыяс лэсти тэ отшол пэстар кадэя дар. w24.01 30, абз. 15—17

Андэр со о царё Иоасо сыкадя найлашо примеро? Посли кода, сар муля о ӷлавно рашай Иодаё, о Иоасо витидя найлашэ друӷонэн (2 Лет. 24:17, 18). Када сас князёря анда Иудея, савэ на любинас лэ Иеговас и андярэнас пэс найдраго. Ту соӷласно, кай фэдэр во тэ ритярделоп лэндар май дур? Но во приашундёлас каринг лэндирэ алава. Кала о Захария, лэ Иоасоско упэрвых ԥрал, камэлас тэ дэл годи лэсти, во приԥэндя тэ умарэн лэс (2 Лет. 24:20, 21; Матф. 23:35). Сар дэ жэстоко и найдраго во стердя! О Иоасо терэлас правильно, но ӷэт май интя жыля против о Дэл, ай кадяжэ умардя манушэс. Прожыля время и лэс умардэ лэстирэ жэ слуӷоря (2 Лет. 24:22—25). Если о Иоасо и май дур тэ канглоп лэ Иеговас и кодэлэн, ко любий лэ Дэвлэс, тоди лэстэ авелоп совсем авэр жызня. w23.09 9, абз. 6

О Исусо ӷанэнас, кай о Пётро сможэт верно тэ служый лэ Дэвлэсти. Важ када во анда вся оди ԥэндя пэстирэ ученикости: «На́ дар». О Исусо сыкадя, кай патял лэсти и када парудя лэ Петростири жызня. Ӷэт май интя во и лэско ԥрал о Андреё ашадэ пэстири дила, тэ астарэн о мащё, и линэ тэ поможын лэ Исусости андэ лэстири служэния. Через када о Иегова лэн блаӷословил (Мар. 1:16—18). Кала о Пётро служыяс вмести лэ Исусоса, во диқля бут чуда. О Исусо вилечияс лэ насвалэн, видаравэлас лэ найвужэн и дажэ рияс лэ мулэн каринг и жызня (Матф. 8:14—17; Мар. 5:37, 41, 42). Кадяжэ о Пётро никала на бистрэлас ек удивительно события, сави во диқля пэстирэ яқэнца. Еқвар о Исусо паруделя и сыкадя, саво во авэла, кала лэла тэ правий андо небесно Царство (Мар. 9:1—8; 2 Пёт. 1:16—18). Чаче, если о Пётро тэ на ашэлоп лэ Исусоско ученико, во никала на диқлоп вся када. Дэкала лэстэ сас пережывании, кай во не сможэт тэ служый лэ Дэвлэсти. Но во на домэкля, кай кадэла пережывании тэ тердярэн лэс. Саво во сас дэ бахтало, кай на умэкля райканэ блаӷословении. w23.09 21, абз. 4, 5

Андэ пэско пэрво письмо о апостало Пётро пистросардя, кай и любовь анда оди поможыя амэнди тэ простисарас най ек-дуй, ай бут бэзэха (1 Пёт. 4:8). Возможно, о Пётро сэрэлас, со о Исусо ԥэндя бут бэрша палпалэ пала кода, скати разоря трэбуй тэ простис. Андэ кодэя время о Пётро, наверно, гиндояс, кай тэ простий 7 разоря, када ужэ фартэ бут. Но о Исусо ԥэндя лэсти, кай тэ простисарас трэбуй 77 разоря, аврэ алавэнца вся и время (Матф. 18:21, 22). Кадэла алава поджан и каринг амэндэ. Если тути здэлпэ, кай када невозможно, на умэк и вас! Амэ всаворэ несовершэни и важ када дэкала ԥарэс тэ простисарас. Но важно тэ стерас вся пэстиря ригатар, кай тэ улас пэстар и холи и кай упалэ тэ авэл ладо. w23.09 29, абз. 12

Кала о Иона сас андо йло кай о мащё, во сас уверено, кай о Дэл диқэл, кай во каийпэ, и обязательно ответит пэ лэстири молитва. Во ӷанэнас, кай о Иегова поможыя лэсти. Потом, кала о Иона рисайля пэ шуки ԥув, во сас ӷотово тэ прилэл нэви задания лэ Иеговастар (Иона 2:10—3:4). Ай тумэндэ бывает кадя, кай через и пережывании ԥарэс тэ мангэнпэ? Или нинай зор тэ изучаете? На бистрэн, кай о Иегова полэл тумэн, сар нико авэр. Важ када, дажэ если тумари молитва авэла фартэ просто, о Иегова дэла тумэнди имено кода, со трэбуй (Еф. 3:20). Если через и физическо или эмоцыонально дук тумэнди ԥарэс тэ адинон и тэ изучаете, попробуйте тэ ашунэн и аудиозаписи андэ Библия или андэ амарэ публикацыи. Кадяжэ можно тэ ашунэн варисави дили или тэ диқэн видео по сайто jw.org. Если тумэ мангэнпэ лэ Иеговасти, ай потом лэн зор анда духовно хамос, саво дэл лэстири орӷанизацыя, тоди кадя во сможэт тэ подритярэл тумэн. w23.10 13, абз. 6; 14, абз. 9

И свынто катуна и храморя, савэ потом построисардэ, фартэ шонаспэ кодэлэса, со сас андэр лэндэ. Андэр лэндэ сас дуй комнаты: Свынто и Свынто май анда свынти. Лэн розделияс и шырма (Евр. 9:2—5; Исх. 26:31—33). Андо Свынто сас сомнакуни лампа, жэртвенико, кай тэ ԥабарэн о фимиамо, и столо важ о свынто марно. Интя моӷли тэ зажан кати и «избрани рашая», кай тэ терэн и рашаицко дила (Чис. 3:3, 7, 10). Андэ Свынто май анда свынти тердёлас о ковчеӷо важ о доӷоворо, саво сыкавэлас, кай о Иегова котэ (Исх. 25:21, 22). Кордэ, пала шырма, моӷ тэ зажал кати о ӷлавно рашай. Во терэлас када еқвар андо бэрш, андо Дес, кала витинэнас лэ бэзэхэстар (Лев. 16:2, 17). О ӷлавно рашай лэлас лэ жывотнонэнго рат, кай тэ витинэн пэс и всаворэ народос лэ бэзэхэстар. Сар прожыля время, о Иегова росԥэндя пэстирэ служытелёнэнди, со сыкавэнас кадэла комнаты андэ свынто катуна (Евр. 9:6, 7). w23.10 27, абз. 12

Андэ Библия най еқвар ԥэнэнпэ тэ любисарас ек еқэс (Иоан. 15:12; Римо 13:8; 1 Фес. 4:9; 1 Пёт. 1:22; 1 Иоан. 4:11). Но и любовь, сави андо ди, и мануша нэ моӷут тэ диқэн. Сар жэ тоди амэ можэм тэ сыкавас и любовь каринг и ԥрала и ԥэя? Ла диласа и лэ алавэнца. Акэ сар амэ када можэм тэ терас. «Ԥэнэн ек еқэсти чачимос» (Зах. 8:16). «Старыинпэ тэ ладин ек еқэса» (Мар. 9:50). «Пэрви... стон патив пэ авэр» (Римо 12:10). «Анда ди простин ек еқэс» (Клс. 3:13). «Дэн зор ек еқэсти андэ ԥари время» (Гал. 6:2). «Ԥэнэн кадэла алава ек еқэсти, кай... тэ ашэл по ди май вушэро» (1 Фес. 4:18). «Дэн зор ек еқэсти» (1 Фес. 5:11). «Мангэнпэ ек пала ек» (Иак. 5:16). w23.11 9, абз. 7, 8

Кажно дес амэ прилас ришэнии, андэ савэ трэбуй тэ дицол амари састи вера. Например, кала витидас общения, развличения, отдыхо, образования и бути. Кадяжэ амэнди прижалпэ тэ прилас ришэнии важ о ери и бэяцэ. Авелоп драго тэ пушас пэстар: «Дицол андэ мэрни ришэния увереность андэ кода, кай время кадэла люмати ашэляпэ совсем набут и кай ӥто авэла раё пэ ԥув? Или пэр мандэ влияют и мануша, савэ жувэн кадя, кабута лэ манушэндэ нинай нисаво лашымос англэ и када жызня — вся, со лэндэ исин?» (Матф. 6:19, 20; Лука 12:16—21). Амэ ласа тэ прилас мудри ришэнии, если састэс патяс андэ кода, кай ӥто авэла раё пэ ԥув. Кадяжэ амэнди трэбуй састи вера, кала амэндэ испытании: преследовании, храническо насвалимос или авэр ситуацыи, через савэ амэ можэм тэ умэкас и вас. Возможно, испытании спэрва амэ пэрэандярас вушэро. Но кала вонэ цырдэнпэ долӷо — ай часто када кадя и бывает, — амэнди трэбуй састи вера, кай вся када тэ виритярас и тэ на парашас тэ служысарас лэ Иеговасти радостяса (1 Пёт. 1:6, 7). w23.04 27, абз. 4, 5

О Иегова аштярэл, кай амэ ласа тэ терас кадя, сар манглямпэ андэ молитва. Например, о ԥрал камэл тэ одмангэлпэ па бути, кай тэ авэл по регионально канӷрэсо. И во мангэл лэ Иеговас пала помощь. Сар о Иегова атветит пэ лэстири молитва? Во можэт тэ дэл лэсти смилость важ кадэя дума. Но о ԥрал всаек екжэно трэбуй тэ подэл дума лэ начальникоса. Возможно, о начальнико на одмэкэла лэс па бути, кала во дэла дума лэса пэрво разо. И лэсти прижалапэ тэ пушэл лэстар най еқвар пала када. Можэт тэ авэл кацаво, кай лэсти трэбуй авэла тэ подэл дума аврэ сотрудниконэнца, савэ моӷут тэ подменин лэс пэ бути. Ай если фартэ трэбуй, о ԥрал дажэ можэт тэ лэл отпуско важ пэстирэ ловэ. О Иегова аштярэл, кай амэ на парашаса тэ мангаспэ пала кода, со амэнди трэбуй. Па лэ Исусостирэ алава дицол, кай най пэ всаворэ молитвы о Иегова можэт тэ дэл атветоря сразу (Лука 11:9). Важ када на умэкэн и вас! Мангэнпэ упалэ и упалэ (Лука 18:1—7). Кадя тумэ сыкавэна лэ Иеговасти, кай кода, со тумэ мангэн, важ тумэндэ чаче фартэ куч. Кадяжэ о Иегова диқэла, кай тумэ патян, кай во можэт тэ поможый тумэнди. w23.11 22, 23, абз. 10, 11

О Иегова дя алав пэстирэ друӷости лэ Авраамости, кай через лэско потомко во блаӷословия всаворэ народоря пэ ԥув (Быт. 15:5; 22:18). Блаӷодаря кодэлэсти, кай о Авраамо фартэ патялас, лэстэ на сас сомнении, кай кода, со ԥэндя о Дэл, обязательно исполнияпэ. Но и время жалас, лэ Авраамости сас почти 100 лет, лэстиря хулаяти сас 90, ай лэндэ шаво кадя и на арақаделя (Быт. 21:1—7). И всаек андэ Библия ԥэнэнпэ: «Во патялас и надеияспэ, кай ашэла дадэса важ бут народоря» (Римо 4:18). Амэ ӷанас, кай пэр со о Авраамо надеияспэ, исполнисайля. Лэстэ арақаделя шаво, савэс во фартэ аштярэлас, о Исако. Со поможыяс лэ Авраамости тэ надеийпэ? О Авраамо драго ӷанэнас лэ Иеговас и важ када фартэ патялас, кай о Дэл стерэла вся, пала со дя алав (Римо 4:21). О Иегова сас довольно лэ Авраамоса важ лэстири вера и прижангля лэс найдошалэса (Иак. 2:23). w23.12 8, абз. 1, 2

О ԥрал, пэ саво можно тэ надеиспэ, поджал ответствено каринг пэстири бути. Роздиқаса идеально лэ Исусоско примеро. Во серьёзно поджалас каринг и дила, сави лэстэ сас. О Исусо терэлас любо дила, сави дэлас лэсти о Иегова, дажэ тоди, кала када сас найвушэро. Во любияс лэ манушэн, особено пэстирэ учениконэн, и дажэ отдя важ лэндэ пэстири жызня (Иоан. 13:1). Сытюв кай о Исусо. Тер любо дила анда вся оди. Если ту на ӷанэс, сар ла тэ стерэс, на ав ӷордо, манг помощь кай и опытни ԥрала. Исин мануша, савэ терэн и дила кадя, кай лиш бы лэндар тэ отԥандён, вонэ на терэн май бут. Никала на ав кацаво! (Римо 12:11). Тер любо дила кадя, кабута ту терэс ла важ о Иегова, ай най важ и мануша, и доандяр ла до конца (Клс. 3:23). Канешно, ту найидеально мануш, важ када ав сэжо и прижан пэстирэ ошыбки (Прит. 11:2). w23.12 26, абз. 8

Сави када дэ бари лош тэ болдёс и тэ авэс андэ лэ Иеговаско ери! Амэндэ кацаво жэ андо ди, сар кай о Давидо, саво ԥэндя: «Бахтало кодэва, кас ту [Иегова] витидян и пашардян каринг пэстэ, кай во тэ жувэл андэ тирэ грады» (Пс. 65:4). О Иегова пашол каринг кодэва, ко екжэно камэл тэ авэл май пашэ каринг лэстэ (Иак. 4:8). Кала ту дэса алав тэ жувэс важ о Иегова и болдёс, ту можэш тэ патяс, кай во шола «бут блаӷославении» (Мал. 3:10; Иер. 17:8). Но кала о мануш болдёл, када кати пэрво шаӷо. Лэсти трэбуй тэ терэл вся, кай тэ жувэл кадя, сар дя алав, и тэ на парашэл тэ служый лэ Дэвлэсти. Во лэла када тэ терэл дажэ тоди, кала лэстэ авэла ԥаримос или лэс лэла тэ цырдэл каринг о бэзэх. (Эккл. 5:4, 5). Кала о мануш ашэл лэ Исусоско ученико, во старыийпэ тэ шолпэ пэр лэстэ и тэ кандэл лэс (Матф. 28:19, 20; 1 Пёт. 2:21). w24.03 8, абз. 1—3

Ай со, если тумэнди на чалёл тэ проандярэн и время вмести? Со тумэ можэте тэ стерэн? И яг на росԥабол сразу. Спэрва андэр латэ шон найбарэ каштора, ай тоди ужэ шон май барэ. Кадяжэ и тумэ, спэрва кажно дес хоть набут проандярэн и время вмести. Терэн кодэя дила, сави чалёл тумэнди лэдонди (Иак. 3:18). Дажэ кацави найбари дила поможыя, кай тумари любовь тэ росԥабол май фартэ. Кай и яг тэ ԥабол, трэбуй воздухо, андэ саво исин кислородо. Если лэс нинай и яг можэт ӥто тэ мудардёл. Кадяжэ и любовь можэт ӥто тэ шудрёл, если нинай патив. Ай если о хулай и хулаи старыинпэ тэ сыкавэн ек еқэсти патив, вонэ подритярэн, кай лэндири любовь вся и время тэ ԥабол. Но кадяжэ сэр: дажэ если ту гиндос, кай сыкавэс патив ла хулаяти или лэ хуласти, важно кай во или вой када тэ полэл лэ одеса. w23.05 22, абз. 9; 24, абз. 14, 15

Андэ Библия запистромэ кода, со ԥэнэнас лэ Иеговастирэ предани служытеля, пэ савэ тасавэнас и вороӷоря. Через када вонэ дажэ тинонаспэ даратар (Пс. 18:4; 55:1, 5). Пар мэндэ тожэ моӷут тэ тасавэн. Например, андэ школа, пэ бути, андо ери или о правительство андэ страна. Или можэт тэ авэл насвалимос, савэстар о мануш можэт тэ мэрэл. Андэ кацавэ маменторя о мануш можэт тэ полэл, кай нинай зор варисо тэ стерэл. Во, кабута, сар цынёне бэято. Со терэл о Иегова андэ кацавэ ситуацыи? Во подритярэл амэн и дэл спокойство по ди. Важ када проандярэн время лэ Иеговаса. На парашэн тэ мангэнпэ лэсти и тэ адинон лэско Алав и Библия (Пс. 77:1, 12—14). Если тумэ присытелэ кадя тэ терэн, тоди, кала авэла ԥари ситуацыя, пэрво каринг кастэ тумэ обратинапэ, када кай о Иегова. Росԥэнэн пэстирэ небеснонэ Дадэсти вся, пала со тумэ пережываете и состар даран. Ай тоди ашунэн, со во ԥэнэн через и Библия. И тумэ полэна лэ одеса, кай во паша тумэндэ (Пс. 119:28). w24.01 24, 25, абз. 14—16

Кай тэ домардёс и дэвликони цэль, фартэ важно, кай тутэ тэ авэл бари жылания када тэ стерэс. Если кай о мануш ԥабол оди, кай варисо тэ стерэл, во пристола вся пэско зор каринг када. Со май фартэ амэ камас тэ домардювас пэстири цэль, со май вушэро амэнди авэла када тэ стерас. Со поможыя тути, кай тэ авэл и жылания тэ домардёс пэстири цэль? Мангпэ пала када. Через пэско свынто зор о Иегова можэт тэ поможый тути тэ закамэс тэ домардёс пэстири цэль. Дэкала амэ жас каринг пэстири цэль кати важ кода, кай ӷанас, кай када правильно. Кацавэ манушэс можно тэ похвалис. Но со, если амэндэ на ԥабол оди каринг кадэя цэль? Гиндосар пала кода, со о Иегова терэл важ тутэ (Пс. 143:5). О апостало Павло гиндояс, кай о Иегова дя лэсти лашымос, саво во на затердя. И через када во анда вся ди терэлас дила важ лэстэ (1 Кр. 15:9, 10; 1 Тим. 1:12—14). Со май бут ту лэса тэ гиндос пала кода, со о Иегова терэл важ тутэ, со май фартэ закамэса тэ домардёс пэстири цэль (Пс. 116:12). w23.05 27, абз. 3—5

Амаро небесно Дад лошавэл, кала амэ хвалисарас лэско алав (Пс. 119:108). Но сыкавэл када, кай о зорало Дэл шолпэ пэ несовершэни мануша, савэнди трэбуй, кай лэн тэ хвалин и тэ подритярэн? Най. Кала амэ хвалисарас амарэ небеснонэ Дадэс, амэ поможысарас тэ злас о хохаимос, саво кадяжэ пэрэл пар мэндэ. О Сатана камэл тэ доԥэнэн, кай ни ек мануш на зашолапэ пала лэ Иеговаско лашо алав анда вся оди. Во ԥэнэн, кай всаворэ амэ одбандюваса лэ Дэвлэстар, если амэнди кадэлэстар нисо на пэрэпэрэл (Иов 1:9—11; 2:4). Но о Иово, саво на парашэля тэ кандэл лэ Дэвлэс, доԥэндя, кай о Сатана хохавно. Ай со можно тэ ԥэнас пала амэндэ? Кала амэ на парашас тэ служысарас лэ Иеговасти, кадэлэса амэ зашаспэ пала лэско алав и радосарас лэс (Прит. 27:11). Сави жэ када дэ бари бах важ кажно андар мэндэ! w24.02 8, 9, абз. 3—5

Посли кода, сар муля о Маисеё и о Исусо Навино, о Иегова ля тэ стол лэ сындомарен, кай вонэ тэ ԥэнэн лэ народости, со тэ терэн. Ай тоди, кала линэ тэ правин и царёря, о Дэл ля тэ пэрэдэл пэстирэ алава через и особи мануша. И царёря, савэ кандэнас лэ Иеговас, приашундёнас каринг кадэла мануша. Например, о царё Давидо сас найӷордо и прилэлас кода, со лэсти ԥэнэнас лэ Дэвлэско мануш, о Нафано (2 Сам. 12:7, 13; 1 Лет. 17:3, 4). О царё Иасафато патялас лэ алавэнди, савэ ԥэндя о Яхазиило. Кадэва царё ԥэндя кодэлэнди, ко жувэлас андэ Иудея, тэ патян лэ манушэнди, савэ пэрэдэнас лэ Дэвлэстирэ алава (2 Лет. 20:14, 15). Кала кай о царё Езекия сас ԥари время, во взвисайля каринг лэ Дэвлэско мануш о Исая (Ис. 37:1—6). Кала и царёря терэнас кадя, сар ԥэнэн о Иегова, во блаӷословияс и фэрияс пэско народо (2 Лет. 20:29, 30; 32:22). Драго дицолас, кай када о Иегова андярэл пэско народо через и мануша, савэ пэрэдэн лэстирэ алава. w24.02 21, абз. 8

О Сатана авелоп бахтало, если амэ линоп общяца кодэлэнца, ко на любий лэ Иеговас. Тоди амэнди авелоп май ԥарэс тэ жувас па лэ Иеговаско законо. Амэнди трэбуй тэ авас инке май осторожни, важ кода кай адес и мануша общяюца най кати, кала диқэнпэ, но и андо интэрнэто. И мануша андэ кадэя люма камэн, кай амэ тэ жувас кадя, сар вонэ. Но лэндэ на вижала амэн тэ змарэн (Еф. 4:19, 20). Кай тэ фэрисарас пэс, давайте погиндосараса пала кацавэ вопросоря: «Старысавав мэ май набут тэ общяюсь кодэлэнца, каса терав бути, лэ однокласниконэнца и аврэ манушэнца, савэ на жувэн кадя, сар чалёл лэ Иеговасти? Лава мэ тэ зашавпэ пала кода, андэр со патяв, дажэ если пэр мандэ ԥэнэна, кай мэ фанатико?» Амэнди трэбуй тэ авас осторожни, дажэ кала витидас лэ друӷонэн андэ христианско собрания. Пала када пистросардя о апостало Павло андэ 2 Тимафеё 2:20—22. Амэ камас тэ дружысарас кодэлэнца, ко поможыя амэнди тэ на парашас тэ служысарас лэ Иеговасти, ай най кодэлэнца, ко одмарэл амэн лэ Дэвлэстар. w24.03 22, 23, абз. 11, 12

Со тумэндэ авэл по гиндо, кала тумэ гиндон пала Иегова? Хоть тумэ на диқлэ лэ Дэвлэс, но тумэ бут со ӷанэн пала лэстэ анда Библия. Например, пала лэстэ ԥэнэнпэ, кай во — «қам и щито», ай кадяжэ, кай во бари яг (Пс. 84:11; Евр. 12:29). Андэ лэ Иезекиилёстири видения о Дэл бэшэл по троно анда сапфиро, лэстар жал о свето, сар лэ кучутнэ састрестар. Кадэва свето шолпэ кадяжэ пэ радуӷа (Иез. 1:26—28). Амэ на диқас лэ Иеговас и важ када амэнди можэт тэ авэл найвушэро тэ патяс, кай амэ куч важ лэстэ. Дэсавэ гиндон, кай вонэ на ашэн, кай о Дэл лэн тэ любий, важ кода кай никала на диқэнас и любовь. О Иегова драго полэл, кай кацаво можэт тэ авэл по ди. Во ӷанэн, кай амэнди можэт тэ авэл найвушэро тэ патяс лэсти. Но во камэл, кай амэндэ лэса тэ авэл пашутни дружба. Важ када через и Библия во сыкавэл, кай глаба пала амэндэ. Тэ сыкавэс, саво о Иегова, можно еқэ алавэса, — любовь (1 Иоан. 4:8). Вой дицол андэ вся лэстири дила. Кадэя любовь лэстэ фартэ бари. Во любий дажэ кодэлэн, ко на любий лэс (Матф. 5:44, 45). w24.01 26, абз. 1—3

О Иегова дя лэ Маисеёсти важно задания — тэ виандярэл лэ израильтянонэн анда Египто. И во дя лэнди кода, со доԥэнэнас, кай о Маисеё чаче дэлас дума лэстирэ алавэстар: десэ сас туча, сави шоласпэ по столбо, ай и рят кадэва столбо ԥаболас ягаса (Исх. 13:21). О Маисеё и израильтяноря жанас пала кадэва столбо, саво андя лэн каринг и Лоли моря. И мануша линэ тэ пережывают и гиндосардэ, кай вонэ попэлинэ андэ ловушка. Англал сас и моря, ай палал ӷонинаспэ и египецки халавдэ. Но када на сас ошыбка. О Иегова камэлас, кай о Маисеё лэн тэ анэн кордэ (Исх. 14:2). О Дэл стердя чуда и спасысардя лэ израильтянонэн (Исх. 14:26—28). Кала и израильтяноря 40 бэрш ԥирэнас па пустыня, о Маисеё патялас, кай о Иегова на парашэлас тэ андярэл пэско народо через и туча, сави шоласпэ по столбо (Исх. 33:7, 9, 10). О Иегова дэлас дума лэ Маисеёса анда кадэя туча, ай во пэрэдэлас лэстирэ алава лэ народости. И израильтяноря драго диқэнас, кай о Иегова ԥэнэнас через о Маисеё, со лэнди тэ терэн. w24.02 21, абз. 4, 5