Сар о Дэл росԥэнэн пала кода, со загиндосардя

Андэ дэлмутни время о Дэл дэлас дума лэ манушэнца через анӷелоря и пророкоря. Кадяжэ во ԥэндя лэ манушэнди тэ запистрон лэстирэ алава и обещянии. Кадэла обещянии моӷут тэ парувэн и тири жызня. Сар адес можно тэ уӷанэс, пала со во дэл алав?

Кода, со о Дэл камэлас тэ ԥэнэн лэ манушэнди, запистромэ андэ Свынто Писания (2 Тимофею 3:16). Сар андэ када поможысардэ лэстирэ пророкоря? И пророкоря запистронас гиндоря, савэ дэлас лэнди о Дэл (2 Петра 1:21). Роздиқам ек примеро. О начальнико пэ бути мангэл лэ помошникос тэ пистрой лэстар письмо. Кастар авэла кадэва письмо? Канешно, кадэва письмо авэла лэ начальникостар, ай най лэ помошникостар. Точно кадяжэ, хоть и Свынто Писания пистронас и мануша, о гиндо сас лэ Дэвлэстар.

ЛЭ ДЭВЛЭСКО АЛАВ МОӶУТ ТЭ АДИНОН ВСАВОРЭ

Фартэ важно тэ ӷанас, савэ обещянии дя о Дэл. Во камэл, кай всаворэ мануша тэ проадинон лэн и тэ полэн. Важ када адес лэстири «вечно лащи новость», сави запистромэ андэ Свынто Писания, моӷут тэ адинон «андэ кажно нацыя, ери, народо и шыб» (Откровение 14:6). О Дэл стердя кадя, кай вся лэстири Свынто книӷа или дэсавэ части андар латэ тэ авэн май бут чем пэ 3 000 шыба. Чаче, ласа на сыстояпэ ни ек авэр книжка!