О Дэл любий лэ манушэн
1. О ҚАМ, КАДА ПОДАРКО ЛЭ ДЭВЛЭСТАР
Хэба можэт тэ авэл и жызня пэ ԥув би лэ қамэско? О қам дэл зор лэ виткэнди, и пэр лэндэ лэн тэ барён листоря, цвиторя, фрукты, орехоря и семена. Кадяжэ о қам поможый, кай и витки тэ цырдэн о паи анда ԥув через и корнёря, и кадя о паи дожал кай о кажно листочко. Ай тоди лэ қамэстар о паи испаряеца и рийпэ андо нэбо.
2. О БРЫШЫН, КАДА ПОДАРКО ЛЭ ДЭВЛЭСТАР
Би лэ паеско пэ ԥув нисо на барелоп и лэ манушэнди най со авелоп тэ хан. О Создателё дэл брышын и уражаё, важ када амэндэ исин хамос, саво анэн радость.
3. И ЙДА И О ХАМОС, КАДА ПОДАРКОРЯ ЛЭ ДЭВЛЭСТАР
Бут родителя терэн ԥари бути, кай лэ бэятонэндэ тэ авэл со тэ хан и со тэ лэн пэр пэстэ. Дик, со пистромэ андэ Свынто Писания: «Шон сама пэ небесни птицы. Вонэ на сеин, на стидэн о зэрно и никай лэс на гаравэн, но... [о Дэл] праварэл лэн. Хэба тумэ най май куч лэндар?» (Матфея 6:25, 26).
Кадяжэ андэ Писания ԥэнэнпэ: «Шон сама, сар барён и лилии пэ мал... но... дажэ о [царё] Соломоно, кала сас фартэ ашунгло, на утидэласпэ кадя, сар любо андар лэндэ. Если жэ о Дэл кадя утидэл и растении... тоди хэба во на утидэла тумэн?» (Матфея 6:28—30).
Если о Создателё можэт тэ дэл помощь, кай амэндэ тэ авэл со тэ хас и со тэ лас пэр пэстэ, вижал, во можэт тэ диқэл, кай амэндэ тэ авэл вся, со трэбуй важ и жызня. Если амэ старысавас тэ терас варисо важ лэстэ, во поможыя амэнди тэ вибарярас о уражаё или тэ виарақас бути, кай амэндэ тэ авэн ловэ тэ тинас кода, со трэбуй (Матфея 6:32, 33).
И чаче, кала амэ гиндосарас пала қам, брышын, птицы и цвиторя, амэ полас, кай амэндэ исин бут васо тэ любисарас лэ Дэвлэс. Анда авэр статья ту уӷанэса, сар амаро Создателё дэл дума лэ манушэнца.