«Бахталэ кодэла, ко жувэн кадя, кай тэ авэн вужэ англа Дэл»

1, 2. а) Сар дэсавэ правительства тасавэн пэ лэ Иеговастирэ свидетеля и сар кодэла пэс андярэн? б) Сар можно тэ авас бахталэ, дажэ если исин преследовании? (Диқэн кадяжэ и картинка пэ обложка.)

АДЕС пэ амари дила стодэ запрето май бут чем андэ 30 страны и тиритории. Андэ дэсавэ андар лэндэ лэ Иеговастирэ свидетеля бэшэн андо баруно. Со вэрыто стердэ амарэ ԥрала и ԥэя? О Иегова на гиндой, кай вонэ стердэ варисаво найлашымос. Вонэ просто адинонас и изучали и Библия, росԥэнэнас аврэнди пала кода, андэр со патян, и ԥирэнас пэ собрании лэ ԥралэнца и лэ ԥэянца. Кадяжэ вонэ отԥэндёнас тэ залэн варикастири риг андэ политика. Хоть пэр лэндэ фартэ тасавэн, вонэ ашэнпэ вужэ андэ лэ Дэвлэстирэ яқа и андэ вся предани лэсти. И вонэ фартэ ради кадэлэсти!

² Наверно, тумэ ужэ диқлэ и карточки, савэ пэ обложка андэ кадэва журнало. Кадэла ԥрала и ԥэя фартэ смили и радосни. Вонэ радосни, важ кода кай ӷанэн: о Иегова лэнца довольно, кай вонэ ашэнпэ вужэ англа лэстэ (Пс. 15:1, 2). О Иисусо ԥэндя: «Бахтало кодэва, кас ӷонин важ и правильно дила»... [...] Радуинпэ и лошавэн, важ кода кай тумэндэ авэла бари наӷрада по нэбо!» (Матф. 5:10—12).

ПРИМЕРОРЯ АНДА ДЭЛМУТНИ ВРЕМЯ

3. Сар и апостолоря андярдэ пэс, кала лэн преследовали и васо? (Деяния 4:19, 20).

³ Амэ на удивисавас кодэлэсти, кай адес амарэ ԥралэн и ԥэян преследуют. Кацаво жэ ԥаримос сас и андо пэрво вико кай и апостолоря, кала вонэ росԥэнэнас пала Иисусо. О само баро иудейско сындо най еқвар приԥэнэнас лэнди «тэ на дэн дума лэ Иисусостирэ алавэстар» (Деян. 4:18; 5:27, 28, 40). Сар андярдэ пэс и апостолоря? (Проадинон Деяния 4:19, 20.) Вонэ ӷанэнас, кай лэнди приԥэндя тэ росԥэнэн пала Иисусо кодэва, кастэ исин май бари власть (Деян. 10:42). Важ када о Пётро и о Иоанно смило ԥэндэ, кай лэна тэ кандэн лэ Дэвлэс, ай най лэ сындомарен. Ай кадяжэ, кай на парашэна тэ росԥэнэн пала Иисусо. Кадэла апостолоря, можно тэ ԥэнас, пушлэ лэндар: «Нэужэли тумэ гиндон, кай тумэндэ исин май бари власть, чем кай о Дэл?»

4. Саво примеро ашадэ и апостолоря всаворэ чачунэ христианонэнди и сар амэ можэм тэ сытювас лэндар? (Деяния 5:27—29).

⁴ И апостолоря ашадэ райкано примеро всаворэ чачунэ христианонэнди. Вонэ ԥэндэ кодэлэнди, кастэ исин власть: «Амэ трэбуй тэ кандас лэ Дэвлэс, сар правителёс, ай най лэ манушэн». (Проадинон Деяния 5:27—29.) Важ када лэн мардэ, но вонэ «ужылэтар анда Синедрионо, радосни, кай лэн мардэ важ Иисусоско алав» и май дур линэ тэ росԥэнэн пала Дэл (Деян. 5:40—42).

5. Пэ савэ вопросоря амэнди трэбуй тэ дас и атветоря?

⁵ Кала амэ уӷанас пала кода, сар андярдэ пэс и апостолоря, амэндэ моӷут тэ авэн дэсавэ вопросоря. Например, вонэ кандэнас лэ Дэвлэс, ай най лэ манушэн. Сар када сжалпэ кодэлэса, со пистромэ андэ Библия, кай о мануш трэбуй тэ «кандэл кодэлэн, кастэ исин власть»? (Рим. 13:1). Сар амэ можэм тэ кандас лэ властен и андэ кодэя жэ время тэ ашаспэ предани лэ Дэвлэсти, кастэ андэ вас вся и власть? (Титу 3:1).

КОДЭЛА, «КАСТЭ ИСИН ВЛАСТЬ»

6. а) Ко када кодэла, «кастэ исин власть» анда Римлянам 13:1 и сар амэ трэбуй тэ андярас пэс лэнца? б) Со можно тэ ԥэнас пала всаворэ манушыканэ правителя?

⁶ Проадинон Римлянам 13:1. Андэ кадэва стихо ԥэнэнпэ пала кодэла, кастэ исин бари власть, — када и манушыканэ правителя. И христианоря трэбуй лэн тэ кандэн. И правителя диқэн, кай андэ страна тэ авэл порядко, кай всаворэ тэ ритярэн и законоря, ай дэкала вонэ дажэ зашонпэ пала лэ Иеговастирэ служытеля (Отк. 12:16). Важ када амэ трэбуй тэ потинас и налоӷоря, ай пэ власти тэ стас патив, сави вонэ затердэ (Рим. 13:7). Но кай кадэла правителя исин власть ек важ кода, кай о Иегова домэкля. Када драго дицол анда дума, сави сас машкар о Иисусо и Понтиё Пилато. Кала о Пилато ԥэндя, кай лэстэ исин власть тэ одмэкэл или тэ казний лэ Иисусос, о Иисусо лэсти ԥэндя: «Тутэ на авелоп пэр мандэ нисави власть, если тути на диноп ла упрал» (Иоан. 19:11). Адес кадя жэ, сар и тоди, кай и правителя исин власть най пэ вся.

7. Кала амэ на трэбуй тэ кандас лэ властен и пала со вонэ на трэбуй тэ бистрэн?

⁷ И христианоря кандэн лэ правителёнэн кати тоди, кала и законоря андэ страна на жан против лэ Дэвлэстирэ законоря. Но амэ на ласа тэ кандас лэ манушэн, если вонэ камэн, кай амэ тэ стерас кода, со на домэкэл о Дэл, или, наоборот, запретин кода, со аштярэл амэндар о Иегова. Например, кала вонэ ақарэн лэ тэрнэ муршэн андэ армияb. Или кала стон запрето пэ Библия «Нэвя люмако переводо» и пэ амари библейско литература. Ай кадяжэ кала на домэкэн, кай амэ тэ росԥэнас пала Дэл и вмести тэ тэлювас лэсти. Если и правителя лэн пэр пэстэ май бут, чем трэбуй, и преследуют лэ Христостирэ учениконэн, о Дэл спушэла лэндар пала када. О Иегова диқэл вся! (Эккл. 5:8).

8. Соса лэ Иеговастири власть на шолпэ пэ власть, сави исин кай и мануша?

⁸ Андэ Римлянам 13:1 и дума жал най пала со май бари или ӷлавно власть. Хоть андэ Библия пала манушыканэ правительства ԥэнэнпэ, кай лэндэ исин бари власть, андэр латэ кадяжэ пистромэ пала кодэва, касти прижал вся и власть. Андэ Свынто Писания пала амаро Дэл Иегова ԥэнэнпэ, кай во — «Всевышнё» (Дан. 7:18, 22, 25, 27).

«ВСЕВЫШНЁ»

9. Со о пророко Даниило додиқля андэ видении?

⁹ О пророко Даниило диқля андэ видении, кай лэ Иеговастири власть со май бари. Спэрва «анда моря вижылэ штар барэ зверёря». Вонэ сыкавэн и мирови державы, савэ сас дэлмут: када о Вавилоно, и Мидо-Персия, и Греция, о Римо, ай кадяжэ и послиднё мирово держава, сави правий андэ амарэ деса, — и Англо-Американско держава (Дан. 7:1—3, 17). Тоди о пророко додиқля лэ Иеговас, саво бэшэл по небесно престоло (Дан. 7:9, 10). Ай потом во диқля кода, пала со трэбуй тэ загиндонпэ всаворэ адесутнэ правителя.

10. Касти о Иегова пэрэдэла и власть понад и ԥув и со амэ уӷанас пала лэстэ? (Даниил 7:13, 14, 27).

¹⁰ Проадинон Даниила 7:13, 14, 27. О Дэл залэл вся и власть кай и манушыканэ правительства и отдэл ла кодэлэнди, ко май достойно лэндар и кастэ исин май баро зор. Касти? Кодэлэсти, ко «шоласпэ по шаво манушыкано», лэ Иисусости Христости, и «лэ свынтонэ народости кай о Всевышнё», савэн 144 000. И вонэ лэна тэ правин «вся время, вечно» (Дан. 7:18). Драго дицол, кай о Иегова — када Всевышнё, важ кода кай кати лэстэ исин власть вся тэ парувэл.

11. Со инке о Даниило пистросардя пала лэ Иеговастири власть пэ народоря?

¹¹ Кода, со о Даниило додиқля андэ видения сжалпэ кодэлэса, со во май англал ԥэндя пала Иегова: «Во...улэл лэ царёнэн и стол лэ царёнэн». Кадяжэ во пистросардя, «кай о Всевышнё, во Правителё пэ всаворэ лэ манушэндирэ правительства. И касти камэл, кодэлэсти во дэл и власть» (Дан. 2:19—21; 4:17). Сас варикала кацаво, кай о Иегова тэ злэл или тэ стол по троно лэ правителёнэн? Да, и най еқвар!

12. Росԥэнэн примероря, сар о Иегова злэлас па троно лэ царёнэн. (Диқэн и картинка.)

¹² О Иегова бут разоря сыкавэлас, кай лэстэ май бари власть, чем кай и мануша. Роздиқам трин примероря. О египецко фараоно стердя кадя, кай лэ Дэвлэстирэ служытеля тэ авэн лэстирэ раборя, и на камэлас лэн тэ одмэкэл. Но о Дэл виандярдя лэн анда Египто, ай лэ фараонос тасадя андэ Лоли моря (Исх. 14:26—28; Пс. 136:15). О вавилонско царё Валтасаро стодя бари мисяйля, пэ сави вистолас пэс, кай во май баро, чем о Дэл. Кадяжэ во и лэстирэ ӷостёря «хвалинас лэ дэвлэн, савэ анда руп и сомнак» (Дан. 5:22, 23). Но о Иегова тэлярдя кадэлэ манушэс, саво фартэ завазгля о шэро. «Андэ кодэя жэ рят о Валтасаро... сас умардо», ай лэско царство сас «отдино андэ вас кай и мидяноря и персоря» (Дан. 5:28, 30, 31). О царё Иродо Агриппа Пэрво, саво правияс андэ Палестина, казнисардя лэ Иаковос и бэшардя андо баруно лэ Петрос, кай и лэс тэ казнин. Но о Иегова на дя лэсти када тэ стерэл. «Лэ Иеговаско анӷело бишалдя по Ирадо насвалимос... и во муля» (Деян. 12:1—5, 21—23).

13. Росԥэнэн примеро, сар о Иегова победияс бутэ царёнэн.

¹³ О Иегова сыкадя, кай лэстэ май баро зор, чем дажэ кай и объединёни правителя. Во зашутяпэ пала израильтяноря и поможысардя лэнди тэ победин 31 царёнэн анда Ханаано и тэ захутилэн бари часть анда обетовано ԥув (Иис. Н. 11:4—6, 20; 12:1, 7, 24). Кадяжэ о Иегова розмардя баро войско, андэ саво сас ӷлавно о царё Бен-Хададо, и лэса сас инке 32 сирийски правителя (1 Цар. 20:1, 26—29).

14, 15. а) Со о царё Навуходоносоро и о Дариё ԥэндэ пала лэ Иеговастири правления? б) Со ԥэндя о псалмопевцо пала Иегова и пала лэско народо?

¹⁴ О Иегова упалэ и упалэ доԥэнэнас, кай во Всевышнё Дэл. Еқвар о вавилонско царё о Навуходоносоро путёлас, кай во фартэ зорало и велико. Во на камэлас тэ прижанэн, кай вся и слава прижал лэ Иеговасти. Важ када о Иегова стердя кадя, кай во тэ сжал па годятэ. Кала каринг о Навуходоносоро рисайля и годи, во ля тэ прославий лэ Всевышнёнэс и прижангля, кай «[лэ Иеговастири] правления авэла вечно». Кадяжэ во ԥэндя: «Нинай кодэлэс, ко можэт тэ тердярэл лэс» (Дан. 4:30, 33—35). Посли кода, сар лэ Даниилос сшутэ андэ яма лэ левонэнца и о Иегова спасысардя лэс, о царё Дариё дя указо, кай и «мануша... фартэ тэ даран лэ Даниилостирэ Дэвлэстар, важ кода кай во жундо и вечно Дэл». Во ԥэндя пала Иегова: «Лэско царство никала на авэла уничтожэно, и лэстири правления авэла вечно» (Дан. 6:7—10, 19—22, 26, 27).

¹⁵ О псалмопевцо ԥэндя: «О Иегова розмарэл кода, со загиндосардэ и народоря. И во на домэкэл, кай вонэ тэ стерэн кода, со вонэ камэн. Бахтало миро, каско Дэл о Иегова, О миро, савэс во витидя и тиндя важ пэстэ» (Пс. 33:10, 12). Важ када амэ трэбуй тэ ашаспэ вужэ андэ лэ Дэвлэстирэ яқа!

ПОСЛИДНЁ ВОЙНА

16. Андэр со амэ уверени, кала гиндосарас пала «само бари бида» и васо? (Диқэн и картинка.)

¹⁶ Амэ проадиносардям, со о Иегова терэлас дэлмут. Ай со амэ можэм тэ аштярас май англэ? Фартэ ӥто о Иегова зашолапэ пала пэстирэ предани служытеля андэ «само бари бида» (Матф. 24:21; Дан. 12:1). Кала и объединёни правителя, о Гого анда Магого, ваздэнапэ и холяса жана против лэ Иеговаско народо па вся и ԥув, о Дэл защития кодэлэн, ко ашэлпэ лэсти предано. Дажэ если всаворэ 193 ӷосударства, савэ ужан андэ ООН, стидэнапэ против лэ Иеговаско народо, када всаек на сыстояпэ лэ зорэса, саво исин кай о Всевышнё и кай лэстирэ небесни войскоря. О Иегова дэл алав: «И мэ, ашава инке май ашунгло и злава о хохаимос, саво пэр мандэ и дава тэ уӷанэн бутэ народонэнди, и вонэ уӷанэна, кай мэ о Иегова» (Иез. 38:14—16, 23; Пс. 46:10).

17. Со аштярэл «ла ԥувьятирэ царёнэн» и кодэлэн, ко верно лэ Иеговасти, сар ԥэнэнпэ андэ Библия?

¹⁷ Кала о Гого жала против лэ Иеговастирэ служытеля, о Иегова сразу уничтожыт всаворэ́ «ла ԥувьятирэ царёнэн» андэ война Армагеддоно (Отк. 16:14, 16; 19:19—21). Кала лэ Иеговастирэ вороӷонэн будэр на авэла, «кати и праведни лэна тэ жувэн пэ ԥув и кодэла, ко вужэ андэ лэ Дэвлэстирэ яқа, ашэнапэ пэр латэ» (Прит. 2:21).

АШЭНПЭ ВУЖЭ АНГЛА ДЭЛ

18. Пэр со ӷотови тэ жан бут чачунэ христианоря и васо? (Даниил 3:28).

¹⁸ Ужэ най ек вико и чачунэ христианоря ӷотови тэ хасарэн пэстири свобода и дажэ и жызня, важ кода кай камэн тэ авэн предани лэ Иеговасти, кодэлэсти, ко важ лэндэ Верховно Правителё. Кадэла мануша ашэнпэ вужэ андэ лэ Дэвлэстирэ яқа и камэн андэ вся тэ авэн предани лэсти. Вонэ шонпэ пэ трин евреёря, о Шадрахо, о Мешахо и о Аведнего, савэн о Всевышнё спасысардя, кала лэн камэнас тэ шон андо росԥабардо бов, важ кода кай вонэ отԥэнделэ тэ придэн лэ Дэвлэс. (Проадинон Даниила 3:28.)

19. Сар о Иегова лэла тэ сындой лэ манушэн и со амэ трэбуй тэ терас?

¹⁹ О Царё Давидо пистросардя пала кода, сар дэ важно тэ ашаспэ вужэ англа Дэл: «О Иегова виандярэла лэ народонэнди о приӷоворо. Иегова, сындосар ман па мэрни праведность и па кода, кай мэ вужо андэ тирэ яқа» (Пс. 7:8). Андэ авэр пэско псалом во мангля: «Мэк фэрий ман кода, кай мэ вужо андэ тирэ яқа и мэрни праведность» (Пс. 25:21). Со можэт тэ авэл май фэдэр, чем тэ ашаспэ предани лэ Иеговасти и тэ на ашавас лэс, со бы тэ на авэл! Если амэ пэс кадя андярас, тоди кадя жэ, сар о псалмопевцо, сможэм тэ ԥэнас: «Бахталэ кодэла, ко жувэн кадя, кай тэ авэн вужэ англа Дэл, ко жувэл па лэ Иеговаско законо» (Пс. 119:1).